Ware Christene: egbreuk

Wys tans plasings met die etiket egbreuk. Wys alle plasings

Saterdag 06 Junie 2026

Egbreuk / owerspel

In hierdie pos kyk ons na die onderwerp "egbreuk" (en kyk o.a. in op waarna "owerspel" verwys).

Rol af vir die volgende opsommings:

- Inleiding

- Egbreek/egbreuk

- Owerspel

- Verdere verwysings en bespreking.

-----------------------------------------------------------------------------------------------------------------------------

INLEIDING:

Gewoonlik word die woord egbreek/egbreuk as volg verduidelik, nl. dat egbreek of egbreuk gesien word as vleeslike gemeenskap tussen twee mense wat nie met mekaar getroud is nie, beide gewillig, en een is reeds getroud met iemand anders... - dit is 'n goeie beskrywing, maar egter nie al waarna egbreuk verwys nie. In Matt. 19:9 verwys Jesus na iemand wat egbreuk pleeg as (1) iemand wat "skei en hertrou" (en tereg, want 'n skeibrief breek nie dit wat God saamgevoeg het nie) - in hierdie geval is dit 'n sonde gepleeg teen jou eie eg. Hy maak ook in dieselfde vers die stelling dat (2) elkeen wat met 'n geskeide vrou trou, egbreuk pleeg... (Matt. 5:32), en op 'n ander geleentheid waar Hy daarna verwys het was dit nie as 'n daad beskryf nie, maar 'n gedate! (slegte/vleeslike gedagte), nl. (3) waar iemand na 'n vrou (getroude) "kyk om haar te begeer"... (Matt. 5:27-30; 15:18,19); egbreuk verwys m.a.w. nie net na die vleeslike daad nie, maar iemand kan ook egbreuk in sy hart pleeg (wat jou terloops ook onrein maak, nl. die gewete is dan onrein). "Egbreuk" word tipies beskryf as 'n SONDE, en die een wat hierdie sonde doen (hetsy dit na die daad of denke verwys), doen die sonde teen iemand wat in eg is - hetsy jou eie eg of iemand anders se eg. Egbreuk word somtyds beskryf as "die eg is gebreek", maar neem kennis dat dit 'n sonde is; bv., wanneer iemand in sy hart egbreuk pleeg, beteken dit tog nou nie dat die persoon met wie hy egbreek gepleeg het, se eg gebreek is nie!

Hierdie is dus die dinge wat veral die SONDE VAN EGBREUK beskryf, nl.:

- (1) iemand wat skei en hertrou (daar word 'n uitsondering in die Skrif gemaak, nl. waar skei a.g.v. hoerery..., en die manier hoe dit gewoonlik verstaan word, is dat waar iemand van sy vrou skei omdat sy hoereer het nie, pleeg hy nie egbreuk wanneer hy weer trou nie - hierdie is een van twee enigstes redes wat meeste kerke aanvoer wat hertrou regverdig in die geval van geskeides. 'n Vrou wat hoereer maak die huwelik onrein, alhoewel sy veronderstel is om vergifnis te kan kry as sy haar daarvan bekeer...);

- (2) elkeen wat met 'n geskeide vrou trou;

- (3) waar iemand na 'n vrou (getroude) "kyk om haar te begeer".

'n Egbreker word gesien as 'n ONREINE (https://warechristenedagstukkies.blogspot.com/2020/01/onderskei-tussen-wat-is-rein-en-wat-is_28.html). Hetsy dit as "egbreek" of "egbreuk" in die Afrikaans vertaal is, dieselfde woord word in die Grieks gebruik (en is die engelse woord "adultery") - kyk as vb. Matt. 5:27 en 28; bv., in v. 27 word die woord "egbreek" gebruik, maar in v. 28 word die woord "egbreuk" gebruik, tog in die Grieks word dieselfde woord gebruik (G3431 - "commit adultery").

Owerspel word tipies as volg beskryf, nl. 'n man wat vleeslike gemeenskap het met 'n ander man se vrou... - altwee betrokke in die daad "pleeg owerspel" (Lev. 20:10). Dit kan ook verwys na "geestelike hoerery (Jer. 3:9), nl. dat op dieselfde wyse wat 'n vrou wat aan 'n man behoort besig is om te hoereer/owerspel te pleeg wanneer sy haar begeerte op 'n ander plaas, net so is die wat aan die Here behoort en afgode aanbid, besig om geestelike te hoereer. "Owerspel" of hoerery beskryf die daad, terwyl egbreuk die sonde beskryf wat iemand van skuldig is a.g.v. die daad.

________________________________________________________________________________

EGBREEK / EGBREUK:

Die woord "egbreek" is die Hebr. woord "naw-af'", wat verwys na 'n vrou wat die huwelik breek deur te hoereer (of die Gr. woord moy-khyoo'-o / Matt. 5:27,28). Jesus het geleer dat selfs wanneer 'n man kyk na 'n vrou om haar te begeer..., hy reeds in sy hart met haar egbreek gepleeg het (Matt. 5:27-30 - "Julle het gehoor dat aan die mense van die ou tyd gesê is: Jy mag nie egbreek nie. Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het. As jou regteroog jou dan laat struikel, ruk dit uit en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie. En as jou regterhand jou laat struikel, kap dit af en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie"). Slegte gedagtes soos egbreuk maak die mens ONREIN (Matt. 15:18,19; Mark. 7:21-23). Naasteliefde is belangrik as jy die gebod van God wil hou, en egbreek is nie naasteliefde nie! (Rom. 13:9). "Ons mag nie egbreek pleeg nie" - in die N.T. is die wet van die Here ook belangrik, nl. ons is ook "onder 'n wet"! (nl. die wet van Jesus Christus en die Heilige Gees), en dit word van gelowiges verwag "om nie die wet te breek nie" (Jak. 2:11). Christene moenie hulle vryheid gebruik "om te sondig" nie. Egbreek is 'n ernstige sonde wat tot nietigheid lei; en dus, daar word van Christene verwag om nie aan te hou sondig nie... (Joh. 8:11). Die wat hulle nie bekeer nie, moet egter nie verwag dat hulle die tweede dood gaan vryspring nie (Ef. 5:5,6 - "Want dit moet julle weet dat geen hoereerder of onreine of gierigaard, wat ‘n afgodedienaar is, ‘n erfdeel het in die koninkryk van Christus en van God nie. Laat niemand julle met ydel woorde verlei nie, want daardeur kom die toorn van God oor die kinders van die ongehoorsaamheid").

Kom ons bestudeer 'n paar skrifte oor die onderwerp "egbreuk" (/owerspel):

- (Lev 18:20) En jy mag geen vleeslike gemeenskap met jou naaste se vrou hê om jou met haar te verontreinig nie. - as 'n man vleeslike gemeenskap het met iemand anders se vrou, dan word hy daardeur ONREIN.

- (Jak. 4:4) Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God. - egbrekers word hier vgl. met die wat die wêreld kies bo God (kyk gerus ook hoe die wat afgode aanbid, geestelik gesien word as hoereerders...).

- (Spr. 6:32) Hy wat owerspel pleeg, is sonder verstand; hy wat sy eie lewe wil verwoes, hy doen so iets; - die pad van owerspel is 'n PAD VAN SELF-VERWOESTING.

- (Gal 5:19) En die werke van die vlees is openbaar, naamlik owerspel, hoerery, onreinheid, ongebondenheid; - owerspel en hoerery is WERKE VAN DIE VLEES (die wat stap in die werke vd vlees sonder om hulle daarvan te bekeer, is besig met "sonde tot die dood").

- Kom ons kyk ook na 'n vb. in Deut. 22:20,21(waar 'n dogter nie maagedelik rein was met haar huwelik nie, en die man dit agterkom nadat hulle getroud is = ONREIN):

-(Deu 22:20) Maar as hierdie woord waarheid is: Die maagdom is aan die dogter nie gevind nie—

NOG SKRIFTE:

Exo_20:14 Jy mag nie egbreek (Hebr. woord "naw-af'", wat verwys na 'n vrou wat die huwelik breek deur te hoereer) nie.

Deu_5:18 En jy mag nie egbreek nie.
Mat_5:27 Julle het gehoor dat aan die mense van die ou tyd gesê is: Jy mag nie egbreek nie.
Mat_19:18 Hy vra Hom: Watter? En Jesus sê—dit: Jy mag nie doodslaan nie, jy mag nie egbreek nie, jy mag nie steel nie, jy mag geen valse getuienis gee nie;
Mar_10:19 Jy ken die gebooie: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag niemand te kort doen nie; eer jou vader en jou moeder.
Luk_18:20 Jy ken die gebooie: Jy mag nie egbreek nie; jy mag nie doodslaan nie; jy mag nie steel nie; jy mag geen valse getuienis gee nie; eer jou vader en jou moeder.
Rom_13:9 Want dít: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag nie begeer nie, en watter ander gebod ook al, word in hierdie woord saamgevat: Jy moet jou naaste liefhê soos jouself.
Jas_2:11 Want Hy wat gesê het: Jy mag nie egbreek nie, het ook gesê: Jy mag nie doodslaan nie. As jy nou nie egbreek nie, maar doodslaan, het jy ‘n oortreder van die wet geword.
Mat_5:28 Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het.
Mat_5:32 Maar Ek sê vir julle dat elkeen wat van sy vrou skei, behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk.
Mat_15:19 Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal.
Mat_19:9 Maar Ek sê vir julle, elkeen wat van sy vrou skei, behalwe oor hoerery, en ‘n ander een trou, pleeg egbreuk; en die wat die geskeie vrou trou, pleeg egbreuk.
Mar_7:21 Want van binne, uit die hart van die mense, kom die slegte gedagtes, egbreuk, hoerery, moord,
Mar_10:11 En Hy sê vir hulle: Elkeen wat van sy vrou skei en ‘n ander een trou, pleeg egbreuk teen haar;
Mar_10:12 en as ‘n vrou van haar man skei en met ‘n ander een trou, pleeg sy egbreuk.
Luk_16:18 Elkeen wat van sy vrou skei en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk.
Joh_8:3 En die skrifgeleerdes en die Fariseërs het ‘n vrou wat in egbreuk betrap was, na Hom gebring.
Joh_8:4 En toe hulle haar tussen hulle in laat staan het, sê hulle vir Hom: Meester, hierdie vrou is op ‘n daad van egbreuk betrap;

_________________________________________________________________________________

OWERSPEL:

In Gal. 5:19 word owerspel beskryf as 'n werk van die vlees... (maw, 'n werk wat op nietigheid uitloop - werke wat die dood oes), en daarom is Christene wat owerspel pleeg en hulle nie daarvan bekeer en vergifnis ontvang nie, se saligheid in gevaar. Owerspel is tipies 'n daad van vleeslike gemeenskap "tussen 'n man en vrou, waarvan een getroud is met 'n ander", en word veral beskryf as 'n man wat vleeslike gemeenskap het met 'n ander man se vrou (altwee betrokke "pleeg owerspel")(in die Ou Testament was diesulkes doodgemaak - bloedskuld kan slegs betaal word met bloed)(Lev 20:10 - "En as iemand owerspel doen met ‘n man se vrou, owerspel (Hebr. woord "naw-af'", pleeg egbreuk) doen met sy naaste se vrou, moet hy en sy wat owerspel doen, sekerlik gedood word")(Jer. 29:23; Eseg. 16:32);(in die N.T. is daar vergifnis in Christus, maar Hy verwag van diesulkes om nie meer te sondig nie / Joh. 8:11). Party glo dat "om in die huwelik te tree" met die een saam met wie jy owerspel pleeg die sonde regmaak, maar die waarheid is dat in so 'n geval maak dit nie die egbreuk reg nie en hulle betree eerder 'n onwettige vorm van gemeenskap, want al sou sy ook skei, beteken dit nie dat sy los is van die verbond waaronder sy is nie (in so 'n geval fix "in die huwelik tree" nie die sonde nie, maar maak dit meer). Mense wat owerspel pleeg, het baiemaal 'n sg. vrede wat wys hulle bedrieg hulleself... (Spr. 30:20 - "So is die weg van ‘n vrou wat owerspel bedryf; sy eet en vee haar mond af en sê: Ek het geen sonde gedoen nie").

Owerspel kan ook op 'n geestelike manier geskied, bv. dat die wat aan die Here behoort, maar afgode aanbid, besig is om te (geestelik te) hoereer - (Jer 3:9 - "En vanweë haar ligsinnige hoerery het sy die land ontheilig, ja, sy het owerspel bedrywe met klip en hout")(Jer. 5:7)(Jer. 13:27). Op dieselfde wyse is 'n vrou wat aan 'n man behoort, besig om te hoereer wanneer sy haar begeerte op 'n ander plaas. "Owerspel" of hoerery beskryf die daad, terwyl egbreuk die sonde beskryf wat iemand van skuldig is a.g.v. die daad.

In Hos. 3:1-5 sien ons die Here se ideale resep waarmee Hy owerspeliges (die wat geestelik hoereer) terugroep tot bekering, nl. dat so 'n vrou weggestoot word totdat sy terugkom... (Hos 3:1-5 - "En die HERE het vir my gesê: Gaan nog ‘n keer, bemin ‘n vrou wat bemin word deur haar vriend, maar wat owerspel bedrywe, net soos die HERE die kinders van Israel bemin, terwyl hulle hul tot ander gode wend en versot is op rosynekoeke. Toe het ek haar vir my gekoop vir vyftien sikkels silwer en anderhalf homer gars. En ek het aan haar gesê: Jy sal ‘n lang tyd moet stilsit vir my, nie hoereer nie en aan geen man behoort nie; en so ook ek teenoor jou. Want die kinders van Israel sal ‘n lang tyd bly sit sonder koning en sonder vors en sonder slagoffer en sonder klippilare en sonder efod en huisgode. Daarna sal die kinders van Israel hulle bekeer en die HERE hulle God soek en Dawid hulle koning, en met siddering aankom na die HERE en na sy goedheid in die laaste van die dae"). Hierdie was dieselfde resep wat baiemaal gevolg is oor die eeue, en die juiste rede waarom egskeiding somtyds toegelaat was. Die Here verwag van ons om ook te vergewe soos Hy ons vergewe... - die rede vir egskeiding was nooit bedoel om "ongetroud" te word en weer te trou nie (soos meeste van dag dink die bedoeling is nie), maar bedoel vir skeiding met die hoop op hereniging... (vir 'n studie hieroor, bestudeer die volgende poste:

https://warechristene.blogspot.com/2014/12/trou-skei-en-hertrou-3.html en

https://warechristene.blogspot.com/2014/12/trou-skei-en-hertrou-4.html)(geen mens kan dit wat die Here saamgevoeg het, skei nie). Vir 'n studie oor hoereer, gaan na: https://warechristene.blogspot.com/2017/03/hoereer-hoerery-hoereerders.html.

Nog skrifte oor owerspel:

Spr. 6:32 Hy wat owerspel pleeg, is sonder verstand; hy wat sy eie lewe wil verwoes, hy doen so iets;

Spr. 30:20 So is die weg van ‘n vrou wat owerspel bedryf; sy eet en vee haar mond af en sê: Ek het geen sonde gedoen nie.

Jer_3:8 En Ek het gesien toe Ek uit oorsaak van die owerspel van die afkerige, Israel, haar verstoot en haar haar skeibrief gegee het, dat die ontroue, haar suster Juda, nie bevrees was nie, maar gegaan en ook self gehoereer het.

Jer_3:9 En vanweë haar ligsinnige hoerery het sy die land ontheilig, ja, sy het owerspel bedrywe met klip en hout.

Jer_5:7 Waarom sou Ek jou vergewe? Jou kinders het My verlaat en gesweer by die wat geen god is nie. En toe Ek hulle versadig het, het hulle owerspel bedrywe en by hope versamel in die hoerhuis.

Jer_7:9 Sal julle steel, doodslaan en owerspel bedrywe en vals sweer en vir Baäl offerrook laat opgaan en agter ander gode aan loop, wat julle nie ken nie,

Jer_13:27 Jou owerspel en jou gerunnik, jou skandelike hoerery—op die heuwels in die veld het Ek jou verfoeisels gesien. Wee jou, Jerusalem! Hoe lank sal dit nog duur voordat jy rein word?

Jer_23:14 maar by die profete van Jerusalem het Ek gesien wat afskuwelik is: hulle bedryf owerspel en gaan om met leuens, en hulle versterk die hande van die kwaaddoeners, sodat hulle hul nie bekeer elkeen van sy boosheid nie. Hulle het almal vir My geword soos Sodom, en sy inwoners soos Gomorra.

Jer_29:23 omdat hulle ‘n skanddaad in Israel begaan het en owerspel met die vroue van hulle naaste bedryf het en ‘n leuenwoord in my Naam gespreek het, wat Ek hulle nie beveel het nie; en Ek is die Een wat weet en getuie is, spreek die HERE.

Ezk_16:32 o Die vrou wat owerspel bedrywe! Terwyl sy onder haar man staan, het sy vreemdes aangeneem.

Ezk_16:38 En Ek sal jou oordeel volgens die verordeninge van vroue wat owerspel bedrywe en bloed vergiet, en sal jou oorgee aan die bloedige dood van grimmigheid en naywer.

Ezk_23:37 Want hulle het owerspel begaan, en daar is bloed aan hulle hande: met hul drekgode het hulle owerspel begaan en ook hul seuns wat hulle vir My gebaar het, as spys vir hulle deur die vuur laat deurgaan.

Ezk_23:43 Toe sê Ek: Bedryf die verwelkte nog owerspel? Nou sal haar hoererye self hoerery gaan bedrywe.

Hos_1:2 Die begin van wat die HERE met Hoséa gespreek het; die HERE het aan Hoséa gesê: Gaan heen, neem vir jou ‘n hoervrou en hoerkinders; want die land het grootliks owerspel bedrywe deur van die HERE afvallig te word.

Hos_2:1 Twis met julle moeder, twis; want sy is nie my vrou nie, en Ek is nie haar man nie, en laat sy haar hoerery van haar aangesig verwyder en haar owerspel van haar borste af weg.

Hos_3:1 En die HERE het vir my gesê: Gaan nog ‘n keer, bemin ‘n vrou wat bemin word deur haar vriend, maar wat owerspel bedrywe, net soos die HERE die kinders van Israel bemin, terwyl hulle hul tot ander gode wend en versot is op rosynekoeke.

Hos_4:2 Hulle sweer en lieg en moor en steel en pleeg owerspel; hulle breek in, sodat bloedbad aan bloedbad raak.

Hos_4:13 Hulle offer op die bergtoppe en laat rook opgaan op die heuwels, onder die eike en populiere en terpentynbome, omdat die skaduwee daar goed is. Daarom pleeg julle dogters hoerery, en julle skoondogters bedryf owerspel.

Hos_4:14 Ek sal oor julle dogters geen besoeking doen omdat hulle hoereer nie, en ook nie oor julle skoondogters omdat hulle owerspel bedryf nie; want die manne sonder hulleself af met die hoere en offer met die tempelhoere. So kom dan die volk wat geen verstand het nie, tot ‘n val.

Hos_5:3 Ek ken Efraim, en Israel is vir My nie verborge nie; want nou het jy owerspel bedrywe, o Efraim! Israel is verontreinig.

Rom_2:22 Jy wat sê dat ‘n mens nie owerspel mag pleeg nie, pleeg jy owerspel? Jy wat ‘n afsku van die afgode het, pleeg jy tempelroof?

Gal_5:19 En die werke van die vlees is openbaar, naamlik owerspel, hoerery, onreinheid, ongebondenheid;

2Pe_2:14 met oë vol van owerspel, wat nie ophou om te sondig nie; hulle verlok onvaste siele, hulle het ‘n hart geoefen in hebsug, hulle is kinders van die vervloeking.

Rev_2:22 Kyk, Ek werp haar neer op ‘n siekbed, en die wat met haar owerspel bedryf, in ‘n groot verdrukking, as hulle hul nie van hul werke bekeer nie.

------------------------------------------------------------------------------------------------------------------------------

Bespreking van inligting wat by hierdie onderwerp aanskakel, +verdere verwysings:

Die terme "egbreek","egbreuk" en "hoerery":

Alhoewel ons onderskeid maak tussen die twee woorde "egbreek" en "egbreuk" in Afrikaans, en dit onderskeidelik gebruik word in verskillende verse, moet ons tog daarop let dat vir beide dieselfde woord in die Grieks gebruik word (en is die engelse woord wat gebruik word, "adultery"). Kyk bv. Matt. 5:27 en 28. In v. 27 word die woord "egbreek" gebruik, maar in v. 28 word die woord "egbreuk" gebruik, tog in die Grieks word dieselfde woord gebruik (G3431 - "commit adultery").

Waar die woord "fornication" gebruik word in die engels, is dit in die Afrikaanse Bybel vertaal as "hoerery" of "hoereer" (Matt. 5:32; 1 Kor. 10:8...). (Mat 19:9 - "Maar Ek sê vir julle, elkeen wat van sy vrou skei, behalwe oor hoerery (fornication)(G4202-"harlotry",including "adultery and "incest"), en ‘n ander een trou, pleeg egbreuk (adultery); en die wat die geskeie vrou trou, pleeg egbreuk (adultery)". Selfs vir die woord "owerspel" (wat ons verstaan as iemand wat egbreuk pleeg deur te hoereer) word hierdie selfde woord in Grieks gebruik: (Gal 5:19) En die werke van die vlees is openbaar, naamlik owerspel (G3430-adultery), hoerery (G4202)(fornication), onreinheid, ongebondenheid;

Kom ons kyk 'n paar interessante feite rondom egbreek/egbreuk/owerspel:

- (Lev 18:20) En jy mag geen vleeslike gemeenskap met jou naaste se vrou hê om jou met haar te verontreinig nie. - as 'n man vleeslike gemeenskap het met 'n getroude vrou, dan word hy daardeur ONREIN.

- (Jas 4:4) Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God. - egbrekers word hier vgl. met die wat die wêreld kies bo God - vgl. hierdie met die tema van hoe die wat afgode aanbid, geestelik ook gesien word as "hoereerders" (want iemand wat aan die Here behoort, moet aan Hom getrou bly soos 'n vrou aan man).

- (Spr. 6:32) Hy wat owerspel pleeg, is sonder verstand; hy wat sy eie lewe wil verwoes, hy doen so iets; - die pad van owerspel is 'n pad van self-verwoesting en dus dom om te volg.

- (Gal 5:19) En die werke van die vlees is openbaar, naamlik owerspel, hoerery, onreinheid, ongebondenheid; - owerspel en hoerery is "werke van die vlees". L.w. dat die wat stap in die "werke vd vlees" sonder om hulle daarvan te bekeer, is besig met "sonde tot die dood"!

Die Christelike kerk (altans die diensknegte vd Here) het mag om te bind of ontbind (wat te doen het met die evangelie vd koninkryk), sien die tema van "vergifnis" in die evangelie vd koninkryk... - "wat word vergewe en wat nie?" (bv., in sekere gevalle word egskeiding "vergewe"). (http://warechristene.blogspot.co.nz/2014/03/wat-julle-op-die-aarde-bind-sal-in-die.html). Maar natuurlik mag hierdie "oordeel" nooit in stryd wees met die Here se wil nie, bv., al is dit nie die Here se wil dat enige huwelikspaartjie skei nie, sal Hy dit wel toelaat ter wille van barmhartigheid (en Hy WIL ook dat ons barmhartig wees teenoor mekaar), bv. in gevalle soos familie geweld, waar kinders gemolesteer word, ens. word egskeiding beslis toegelaat. DIE TEMA VAN REIN/ONREIN IS OOK BELANGRIK OM TE BESTUDEER WANNEER DIT KOM BY SONDES VAN DIE VLEES. Bv., dit is belangrik om te weet wat word gesien as rein, en wat as onrein, wat terloops nie altyd dieselfde vervul word in die N.T. as in die oue nie - of sal ons liewer sê, "word op 'n veel uitnemender manier vervul" (http://warechristenedagstukkies.blogspot.co.nz/2016/11/die-eet-van-rein-en-onrein-diere.html). Dit beteken egter nie dat die wet tot niet is nie!, want ook in die N.T. moet ons verstaan wat bedoel word met "rein" en "onrein", en besef dat dit 'n baie belangrike onderwerp is wat wel 'n invloed het op elkeen se saligheid (onreines sal nie ingaan in die Koninkryk nie).

Kom ons kyk na 'n vb. in Deut. 22:20,21, om te kyk hoe verskillend sekere wette vervul word t.o.v. owerspel, egbreuk en hoerery in die N.T., wat terloops nie beteken dat dit nie meer sonde is nie!, maar wat VERGIFNIS aanbetref is in die N.T. 'n veel uitnemender weg:

(kom ons kyk die vb. van waar 'n dogter nie maagedelik rein was toe sy getroud is nie, en die man dit agterkom nadat hulle getroud is):

-(Deu 22:20) Maar as hierdie woord waarheid is: Die maagdom is aan die dogter nie gevind nie—

-(Deu 22:21) dan moet hulle die dogter na die deur van haar vader se huis uitbring, en die manne van haar stad moet haar stenig, dat sy sterwe, omdat sy ‘n skanddaad in Israel begaan het deur in die huis van haar vader te hoereer. So moet jy dan die kwaad uit jou midde uitroei. Op 'n ander geleentheid was 'n vrou aan wie iets skandeliks )?) ontdek is, 'n skeibrief gegee... (Deut. 24:1), en die rede waarom hierdie wette so vervul was, was omdat die huwelik in alle opsigte rein moet wees (Heb 13:4 - "Laat die huwelik in alle opsigte eerbaar wees en die bed onbesmet; want God sal hoereerders en egbrekers oordeel"). Bv., wanneer iemand wat hoereer het in 'n huwelik tree sonder dat die persoon weer rein geword (vergifnis ontvang) het, kan dit die huwelik onrein maak. Ons sien dat in die O.T. die met bloedskuld, doodgemaak was - hoekom? In die O.T. was daar geen offer vir bloedskuld nie, en die enigste manier hoe so iemand kon REIN word van daardie sondes, was met hulle eie bloed! Diesulkes was doodgemaak, of verwyder..., maar dit is anders in die N.T. In die N.T. is daar 'n offer wat iemand kan rein maak van selfs sondes wat bloedskuld veroorsaak! Dus, so iemand kan rein word en 'n huwelik betree sonder om dit onrein te maak. Dieselfde geld vir egbreuk... (en l.w. dat jy selfs in jou gedagtes kan egbreuk pleeg). Egbreuk (wat terloops bloedskuld veroorsaak) kan vergewe word, want Jesus Christus kan alle sonde vergewe (behalwe lastering teen die Heilige Gees - daardie sonde sal Hy nie vergewe nie, nie in die huidige bedeling nie, en ook nie in die volgende nie), en Sy offer was voldoende. Ons sien dus hoe verskillend die offersisteem daarna uitsien tussen die oue en nuwe. In die N.T. kan iemand vergifnis kry vir hierdie soort sondes (bv. hoerery, egbreuk en owerspel), maar natuurlik is Jesus se opdrag dan "gaan heen en sondig nie meer" (Joh. 8:11). As iemand dan rein geword het, is daar geen manier hoe so iemand in 'n huwelik, die huwelik kan ontheilig nie. Christus het geleer dat ons moet vergewe, sou iemand so berou en bely... - dit word van ons verwag om te vergewe soos die Here vergewe (Mark. 11:26; Matt. 18:21,22).

Wat beteken die woord "skei"?

(Rom 7:2) Want die getroude vrou is deur die wet aan die lewende man gebonde; maar as die man sterwe, is sy ontslae (G2673 - "loosed")("abolish, cease, cumber, deliver, destroy, do away, become (make) of no (none, without) effect, fail, loose, bring (come) to nought, put away (down), vanish away, make void") van die wet van die man.

(Rom 7:3) Daarom dan, as sy ‘n ander man s’n word terwyl haar man lewe, sal sy ‘n egbreekster genoem word; maar as die man sterwe, is sy vry van die wet, sodat sy nie ‘n egbreekster is as sy ‘n ander man s’n word nie.

Die woord "ontslae" hier is nie dieselfde woord as die woord "skei" in ander skrifte nie (waar dit bv. meer verwys na "parden"), maar het in bg. geval eerder die betekenis van "abolish" (G2673 - "loosed" - "destroy, abolish, cease, make void...") - bestudeer die volgende pos om hierdie beter te verstaan (https://warechristene.blogspot.com/2018/02/trou-skei-en-hertrou-6.html). Die betekenis van "ontslae word" in Rom. 7:2 is nie dieselfde as die betekenis van die woord "skei" (wat verwys na egskeiding) in ander skrifte nie. Bv., in skrifte waar die woord "skei" gebruik word (nl. in die geval vd huwelik), is dit 'n ander Griekse woord wat gebruik word, bv. (Luk 16:18 - "Elkeen wat van sy vrou skei (G630) en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk")(Mark. 10:4,11,12; Luk. 16:18) - 'n woord wat eerder verwys na "pardon" as wat dit verwys na "abolish", en in Luk. 16:18 (G630) word die Griekse woord " (kho-rid'-zo) gebruik, wat beteken "depart" ("to place room between, that is, part; reflexively to go away: - depart, put asunder, separate"). WAT ONS DUS KAN OPSOM IS DAT DIE WOORD VIR "ontslae" WAT GEBRUIK WORD IN Rom. 7:2 (waar die vrou ontslae word van die wet wat haar bind aan haar man), VERSEKER NIE DIESELFDE BETEKENIS HET AS DIE SKEIDING IN GEVAL VAN 'N SKEIBRIEF NIE!

Egskeiding breek nie die verbond nie! - 'n geskeide moet nie gesien word as 'n "ongetroude" wat weer kan trou nie (vgl. dit met Jesus se woorde in Matt. 5:31,32; 19:9). Geskeides wat hertrou pleeg dus die SONDE VAN EGBREUK (neem kennis dat net soos daar uitsonderings is waar "egskeiding" toegelaat word, daar uitsonderings mag wees waar "hertrou" toegelaat word... (/) - jou kerk behoort jou hiermee te kan help).

Vrydag 29 Desember 2023

Gruwels

In hierdie pos kyk ons na waarna die begrip GRUWELS in die Skrif verwys.

----------------------------------------------------------------------------------------------------------------------------

Jesus het 'n GRUWEL tipies as volg beskryf: (Luk_16:15 En Hy het vir hulle gesê: Dit is julle wat julself regverdig voor die mense, maar God ken julle harte; want wat by die mens hoog geag word, is ‘n gruwel voor God). In hierdie pos gaan ons kyk wat hierdie dinge is wat mense so "hoog ag" in hulle harte, bv. in wie plaas hulle hul vertroue? Wie raadpleeg hulle? Na wie luister hulle? Gruwels is tipies ONREIN DINGE wat iets of iemand anders onrein kan maak... Jesus het bv. geleer dat dit dit is wat uit die hart kom, wat iemand onrein maak... (bv. slegte gedagtes, moord, egbreuk, hoerery, diewery, valse getuienis, lastertaal (Matt. 15:19).

Daar is 'n lys van spesifieke dinge in die Skrif wat GRUWELS genoem word - die woord "gruwel" is die Hebr. woord "sheh'-kets" of "to-ay-baw'" wat verwys na gemors, iets vieslik, of 'n afgods objek... Kinders vd Koninkryk mag hulle nie met gruwels ophou nie (Lev 18:26), en waar dit gebeur is daar altyd gevolge (die Christen self kan bv. daardeur verontreinig word- Lev. 18:24). M.a.w., wanneer 'n kind vd Koninkryk hom/haar met "gruwels" besig hou, word hy/sy besoedel (word vuil; is dan m.a.w."nie meer skoon nie"). Die groot Babilon word o.a. "MOEDER vd hoere en VD GRUWELS VD AARDE" genoem... (Openb. 17:5), wat verwys na hoe goddeloos "sy" is.

-----------------------------------------------------------------------------------------------------------------------------Wat word gesien as 'n GRUWEL?:

- (1) AFGODE (vreemde/nietige/drekgode aanbid) - om m.a.w. "agter ander gode aan te loop", Deut. 7:25; 13:13,14; 32:16; 2 Kon. 21:11; 2 Kron. 33:7; Jer. 7:6,9; Jer. 16:18,11 Kon. 14:23; 2 Kon. 16:4; 2 Kon. 21:1-7). (Deu_27:15 Vervloek is die man wat ‘n gesnede of gegote beeld maak, ‘n gruwel vir die HERE, werk van ‘n ambagsman se hande, en dit in die geheim opstel; en die hele volk moet antwoord en sê: Amen).

- (2) AFGODSOFFERS: Offers aan ander gode is gesien as gruwels omdat so iemand "gemeenskap het met duiwels" (1 Kor. 10:20). Die wat afgode aanbid, het op beurt die Hebreers se offers ook gesien as gruwels... (Eks. 8:26)(dit gaan oor "gemeenskap met"). Enige iets of iemand met wie jy gemeenskap het, kan jou onrein maak as dit of die persoon onrein is! Selfs die offer van 'n goddelose..., is 'n gruwel (is soos 'n onrein ding)(Spr._21:27 Die offer van die goddelose is ‘n gruwel; hoeveel te meer as hulle dit met skandelike bedoeling bring).

- (3) In sommige skrifgedeeltes verwys die begrip "gruwels" na SONDES WAT BLOEDSKULD VEROORSAAK..., bv. bloedskande, hoerery (Deut. 23:17,18; Rig. 20:6; ens.), egbreuk (Deut. 24:4), afgodsaanbidding, ditto geslag gemeenskap (Lev. 18:22; Rom. 1)(selfs om jou soos die ander geslag te gedra, is 'n gruwel: Deu_22:5 ‘n Vrou mag geen mansklere dra nie, en ‘n man mag geen vrouensklere aantrek nie; want almal wat dit doen, is vir die HERE jou God ‘n gruwel), gemeenskap met diere, onskuldige bloed vergiet/doodslaan (Rig. 20:6), steel, owerspel, ens. (Jer.7:6,9; Lev. 18:6-24).

- (4) In konteks verwys gruwels oor die algemeen na AANBIDDING- EN RAADPLEEG PRAKTYKE WAT DEUR HEIDENE BEDRYF WORD... - die heiden groepe wat bv. in die Skrif genoem word is die nasies wat voor die volk verdryf was... Hierdie nasies was heiden nasies - hulle was nie deel vd Hebreeuse volk nie, en het ander gode aanbid en afgodspraktyke beoefen. Die volk van God was belet om deel te neem aan hierdie praktyke vd heiden nasies, bv. afgodspraktyke beoefen deur die Egiptenaars, Kaananiete, Hetiete, Feresiete, Jebusiete, Ammoniete, Moabiete, Egiptenaars en Amoriete - Lev. 8:3-26; Deut. 18:11,12; 2 Kon. 16:13; Esra 9:1 (praktyke wat terloops vandag nog deur sekere groepe of nasies beoefen word). Die heiden nasies het vele sulke afgodspraktyke gehad (waarna in die Skrif verwys word as "gruwels"), bv. om hulle kinders deur vuur laat gaan (iets wat in afgodsaanbidding gedoen was), waarsêery, goëlery, verklaring van voortekens, hulle het omgegaan met towery en dodebeswering, gees van ‘n afgestorwenes geraadpleeg, of geeste wat waarsê, het dooies geraadpleeg, ens.

- (5) In Spr. 6:16-19 word sewe dinge genoem wat vir die Here 'n GRUWEL is, nl. (1) trotse oë, (2) ‘n leuenagtige tong en (3) hande wat onskuldige bloed vergiet, (4) ‘n hart wat onheilsplanne beraam, (5) voete wat haastig na die kwaad toe loop, (6) een wat as valse getuie leuens uitstrooi (Spr. 12:22)en (7) tussen broers tweedrag saai). Spr._16:5 Elke hoogmoedige van hart is vir die HERE ‘n gruwel; sekerlik, hy sal nie ongestraf bly nie.

- (6) Afgodspraktyke: O.a. "seuns en dogters met vuur vir hulle gode verbrand" (Deu_12:31; 2 Kon. 23:13). In Deu 18:10,11 word 'n paar van hierdie praktyke op die naam genoem = GRUWELS: (1) Iemand wat sy seun of sy dogter deur die vuur laat deurgaan, (2) waarsêery, (3) goëlery, (3) verklaring van voortekens, (4) towery, (5) met besweringe omgaan, (6) ‘n gees van ‘n afgestorwene vra of (7) ‘n gees wat waarsê, of (8) die dooies raadpleeg. Hierdie word alles as gruwels gesien, en kinders van die Here wat met hierdie dinge gemeenskap het, sal daardeur onrein word; meer presies, hulle word self soos 'n gruwel; dus, die wat met hulle gemeenskap het, kan self daardeur onrein word... (Deu_18:12 "Want elkeen wat hierdie dinge doen, is vir die HERE ‘n gruwel; en om hierdie gruwels ontwil verdryf die HERE jou God hulle voor jou uit).

- (7) Goddeloosheid /"verkeerd van hart"/spotters/valses: Die wandel vd goddelose is 'n gruwel(Spr. 15:9), sy planne (Spr. 15:26), sy spreek (Spr. 8:7), sy offer (bv. gebed)(Spr. 15:8; Spr. 28:9) - en hoeveel te meer as sy offer met skandelike bedoeling gebring word (Spr. 21:27). (Pro_17:15 Hy wat die goddelose regverdig verklaar en die regverdige skuldig verklaar, hulle altwee is vir die HERE ‘n gruwel.) (Spr._11:20 Die wat verkeerd van hart is, is vir die HERE ‘n gruwel; maar Hy het behae in die wat regskape van wandel is) (Pro_24:9 Die sonde is ‘n dwase voorneme, en die spotter is ‘n gruwel vir die mensdom) Pro_29:27 ‘n Man van onreg is vir die regverdiges ‘n gruwel, en vir die goddelose is die opregte van wandel ‘n gruwel. Nog ander dinge wat in die O.T. genoem word wat gesien is as gruwels, is: (Deu 25:11-16) - (1) 'n vrou wat in 'n geveg tussen twee manne, die een se skaamdele gryp; (2) en twee soorte weegstene of efas (bedrog) (Spr.11:1 ‘n Valse weegskaal is vir die HERE ‘n gruwel, maar in ‘n volle gewig het Hy behae)(Spr. 20:10,23).

---------------------------------------------------------------------------------------------------------------------------Sekere dinge in die O.T. wat as gruwels gesien is, is in die huidige bedeling rein verklaar, bv.:

- Sekere diere in die O.T. (onrein diere): (Lev. 11:10-43)(Deu 14:3 "Jy mag niks eet wat ‘n gruwel is nie"). Ons weet bv. dat varke gebruik was in heidense offers, en hierdie is dus 'n goeie rede waarom 'n vark gesien is as 'n onrein ding. Dit beteken nie noodwendig dat alle "onrein diere" in die O.T. gebruik was in afgodsoffers nie, maar dit is o.a. in hierdie konteks waarom die volk verbied was om sekere diere te eet. (Lev_20:25 Daarom moet julle ‘n onderskeid maak tussen die rein en onrein diere, en tussen die onrein en rein voëls; en maak julleself nie ‘n gruwel deur diere of deur voëls of deur enigiets wat op die aarde roer nie wat Ek vir julle afgesonder het deur dit onrein te verklaar.) Dit gaan oor wat die Here rein verklaar, en wat nie (vir 'n kort opsomming oor hierdie onderwerp, gaan na: https://warechristenedagstukkies.blogspot.com/2016/11/die-eet-van-rein-en-onrein-diere.html). Hand. 10 is 'n goeie vb. = van die gesig aan Petrus waarin hy beveel word om onrein diere te eet en kyk gerus sy opmerking daar... (Hand. 10:14 = "En Petrus sê: Nooit nie, Here, want ek het nooit iets onheiligs of onreins geëet nie") - ons sien dat in hierdie gesig die Here nie net vir hom wys dat in die nuwe bedeling Hy hierdie diere rein verklaar het nie, maar die Here het ook hierdie vb. gebruik om hulle te stuur na die heidene om die evangelie te verkondig.

- Gemeenskap met ander gelowe: In Gen. 43:32 sien ons hoe mense van verskillende oor die algemeen mekaar gesien het in die O.T., nl. as onrein (om bv. saam te eet, ens.). Kyk bv. dat die Egiptenaars ook nie saam met die Hebreërs geëet het nie, omdat dit vir hulle ‘n gruwel was, maar die waarheid is dat gewone omgang met ander gelowe jou nie kan onrein maak nie, behalwe as jy gemeenskap het met hulle werke, ongeregtighede, ens.! (Deu_23:7 Die Edomiet moet jy nie as ‘n gruwel beskou nie, want hy is jou broer; die Egiptenaar moet jy nie as ‘n gruwel beskou nie, want jy was ‘n vreemdeling in sy land).

-----------------------------------------------------------------------------------------------------------------------------Vloek en skuld (a.g.v. gruwels):

Die BANVLOEK was 'n vloek wat oor 'n huis kom wanneer 'n gruwel in daardie huis ingebring is... (Deu_7:26 En jy mag geen gruwel in jou huis inbring nie, sodat jy nie net so onder die banvloek kom nie; jy moet daar heeltemal ‘n afsku van hê en dit geheel en al as gruwel beskou; want dit is onder die banvloek"). Vgl. dit gerus met die gevolge van BLOEDSKULD. Gruwels maak die land onrein! - ons sien dat hierdie presies is wat ook gese word van bloedskuld (Lev 18:27 - " Want die mense van die land, wat voor julle gewees het, het al hierdie gruwels gedoen, EN DIE LAND HET ONREIN GEWORD"). Vir 'n studie oor bloedskuld, gaan na: (https://warechristene.blogspot.com/2014/01/bloedskuld-1.html).

Daar is vreeslike gevolge wanneer 'n land onrein word, o.a. is hierdie die rede waarom 'n nasie uitgespoeg kan word! (Lev 18:28,29 - "Laat die land julle dan nie uitspuug as julle dit verontreinig nie, soos dit die nasie uitgespuug het wat daar voor julle was. Want almal wat enigeen van hierdie gruwels doen die siele wat dit doen, moet uitgeroei word onder hulle volk uit"). BESTUDEER GERUS DIE TEMA VAN WAT GEBEUR WANNEER DIE SONDE VOL RAAK (https://warechristenedagstukkies.blogspot.com/2015/03/want-die-aarde-is-ontheilig-onder-sy.html);(https://eindtydonderwerpe.blogspot.com/2017/08/die-maat-van-sondes-wat-vol-word.html).

---------------------------------------------------------------------------------------------------------------------------

Sondag 14 Desember 2014

Trou, Skei en Hertrou (4)(hertrou)

Hierdie pos is op die oomblik BESIG OM HERSIEN TE WORD, en is deel van 'n reeks poste getiteld "trou, skei en hertrou". In hierdie pos kyk ons na die onderwerp "hertrou".

Vir die ander poste in hierdie reeks, gaan na:

https://warechristene.blogspot.com/2014/12/trou-skei-en-hertrou.html (ongetroudes)

http://warechristene.blogspot.co.nz/2014/12/trou-skei-en-hertrou-2.html (getroudes)
http://warechristene.blogspot.co.nz/2014/12/trou-skei-en-hertrou-3.html (egskeiding)
http://warechristene.blogspot.co.nz/2018/02/trou-skei-en-hertrou-5.html (rein en onrein)
http://warechristene.blogspot.co.nz/2018/02/trou-skei-en-hertrou-6.html (bespreking)

Rol af vir die volgende opsommings:

- Inleiding.

- Voorbeelde waar sommige kerke hertrou toelaat.

- Geskeides wat weer trou, pleeg egbreuk.

- Onwettige gemeenskapsverhoudings.

--------------------------------------------------------------

INLEIDING:

Neem kennis dat hierdie reeks poste gemik is op die wat huwelike betree het wat "deur die Here saamgevoeg is" (nie ongeoorloofde vorme van gemeenskap nie). Die tema van skei en hertrou is ingewikkeld en elke situasie is verskillend, en dit is duidelik dat kerke verskillende opinies opper oor die tema; maar wat belangrik is in alle gevalle is dat ons hou by wat Jesus geleer het en die Heilige Gees gehoorsaam. Daar is bv. nie veel voorbeelde in die Skrif waar HERTROU toegelaat word nie...; of liewer, eintlik geen voorbeelde nie!, want die twee voorbeelde wat ons het van hertrou in die skrif is nie regtig "uitsonderings" nie, maar eerder "toelatings". Dit is gevaarlik om te leer dat daar uitsonderings is vir hertrou, maar in hierdie pos gaan ons o.a. inkyk op hierdie "toelatings" van hertrou, waarvan die een ook nie noodwendig in die N.T. dieselfde vervul word nie, en die ander een toegelaat word afhangende van hoe die betrokke skrif interpreteer word. Kerke is oor die algemeen eens op wanneer egskeiding toegelaat word, maar stem nie altyd saam wanneer dit kom by die kwessie van HERTROU nie. Die eerste kerke het egter sterk vasgehou aan Jesus se leringe en was beslis van mening dat die huwelik lewenslank is (al skei hulle...!). Een so 'n ou manuskrip van 140 n.C. (The Shepherd of Hermas) leer blykbaar dat as 'n huweliksmaat egbreuk pleeg, die onskuldige wel mag skei, maar moes ongetroud bly - hoekom?, want dit gee vir die skuldige een kans om te bekeer en terug te keer na die ander een. Dit is ook duidelik volgens die betrokke skrewe dat hertrou in daardie tyd gesien is as egbreuk (wat 'n sonde is), presies wat Jesus geleer het. Hierdie is baie dieselfde wat Paulus leer in 1 Kor. 7, dat 'n geskeide vrou ongetroud moet bly en moet probeer om met haar man te verenig waar moontlik (1Kor. 7:10,11). In die 4de-5de eeu n.C. het Augustine of Hippo ('n teoloog vd westerse kerk) blykbaar ook na die huwelik verwys as 'n lewenslange sakrament..., en het selfs geleer dat in die oë van God 'n wettige egskeiding nie die geestelike band vd huwelik breek nie. Ook die oostelike vroeë kerkvaders, wat nie so streng was op egskeiding nie, was baie gekant teen HERTROU, want die huweliksbond was volgens hulle beskou as iets ewig wat nie deur landswette verbreek kan word nie... Alhoewel dit wil voorkom of hierdie veral die siening was oor al die eeue, het dit baie verander in die laaste 50 jaar, en ons moet onsself afvra hoekom dit die geval is?

CHRISTUS HET GELEER DAT AS 'n GESKEIDE WEER TROU, HY/SY EGBREUK PLEEG (punt!):

-(Mar 10:11) En Hy sê vir hulle: Elkeen wat van sy vrou skei en ‘n ander een trou, pleeg egbreuk teen haar; (Mar 10:12) en as ‘n vrou van haar man skei en met ‘n ander een trou, pleeg sy egbreuk.

-(Luk 16:18) Elkeen wat van sy vrou skei en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk.

Natuurlik mag WEDUWEES EN WEWENAARS weer trou, want hulle IS VRY VAN DIE VORIGE HUWELIKSBOND OMDAT HULLE HUWELIKSMAATS NIE MEER IN DIE LEWE IS NIE (Rom. 7:2,3)(hetsy hulle nog bymekaar was of geskei was, wanneer een van hulle doodgaan is die huweliksverbond verbreek). Hulle is dus vry om weer te trou..., maar word uitdruklik beveel om "in die geloof te trou" (natuurlik beteken dit nie dat hulle met "geskeides" mag trou nie!, al is die geskeide ook 'n gelowige, want as jy met 'n geskeide trou pleeg jy egbreuk/Luk. 16:18)(1Kor. 7:39 - "‘n Vrou is deur die wet gebonde so lank as haar man lewe; maar as die man ontslaap het, is sy vry om te trou met wie sy wil, maar net in die Here")(Rom 7:2 - "Want die getroude vrou is deur die wet aan die lewende man gebonde; maar as die man sterwe, is sy ontslae van die wet van die man").

-----------------------------------------------------------------------------------------------------------------------------

Daar is twee uitsonderings waar hertrou gewoonlik deur kerke toegelaat word.

Kom ons kyk vinnig na hierdie twee uitsondersings, of liewer, "toelatings":

(hierdie word in 'n volgende pos beter verduidelik, met meer skrifte: https://warechristene.blogspot.com/2018/02/trou-skei-en-hertrou-6.html)

- (1) Waar die huwelik vir spesifieke redes verbied is, bv. 'n gelowige wat met 'n heiden (ongelowige) trou: Daar is 'n vb in die O.T. van gelowige mans wat met ongelowige (nl. heidense) vrouens getrou het, en toe later hulle fout reggestel het deur van hulle te skei en het hertrou met vrouens van die volk (gelowiges)(Esra 10). Hierdie is 'n tipiese geval waar die huwelik verbied is (bv., die kinders van die volk van God mag nie met heidene getrou het nie). In die O.T. was 'n huwelik met 'n heiden verbied, tensy die heiden haar tot die geloof bekeer. Sommige kerke verwys na so 'n huwelik as "nie deur die Here saamgevoeg nie". Sekere huwelike is nie geoorloof nie, bv. ook enige "verbode vorm van vleeslike gemeenskap" beteken noodwendig dat diesulkes nie in die huwelik mag tree nie (bv. 'n man met 'n man, naby-bloedverwante, ens.), en dit wil voorkom of in sulke gevalle hulle meer gesien word as mense wat hoereer as getroud, en wanneer hulle volgens landswet skei, was hulle dus nie gesien soos tipiese "geskeides" nie (wat beteken hulle mag hertrou). Hierdie is een manier om daarna te kyk. Sommige reken dat die rede waarom hierdie mans in Esra 10 toegelaat was om weer te trou, is omdat baie mans meer as een vrou gehad het. Nietemin, as dit die rede was, dan kan dit nie noodwendig in die N.T. gebruik word nie, want mans word in hierdie bedeling spesifiek beveel om elk net een vrou te hê. Wat duidelik is volgens die vb in Esra 10, is dat diesulkes of nie gereken was as tipiese geskeides nie (wat beteken dat hulle kon hertrou), of hertrou het omdat baie mans meer as een vrou gehad het. Of dit vgl. kan word met die voorbeeld in 1 Kor 7 waar 'n ongelowige van 'n gelowige skei, is nie sekere nie, want die woord "ongelowige" daar verwys nie noodwendig net na 'n heiden nie, maar kan ook verwys na 'n ongelowige kind van die Koninkryk (dus kan dit nie noodwendig vgl. word met Esra 10 en geneem word as 'n vb. waar hertrou toegelaat word nie). M.a.w., terwyl sommige kerke hierdie vb. in 1 Kor. 7 (waar 'n ongelowige van 'n gelowige skei) sien as 'n uitsondering van hertrou, is dit nie noodwendig dieselfde as die geval in Esra 10 nie.

- (2) Waar die vrou hoereer het (of die meisie voor die huwelik hoereer het): Alhoewel Jesus geleer het dat niemand mag trou met 'n geskeide nie... (Luk. 16:18), wil dit voorkom of Hy een uitsondering maak, nl. waar 'n geskeide geskei het omdat sy maat hoereer het... (Mark. 10:4-12); of is dit 'n uitsondering? Neem kennis dat hierdie skrif nie altyd dieselfde interpreteer word nie...; bv., die konteks in hierdie geval het gegaan oor"skei", nie "hertrou" nie - dit is dus nie noodwendig dat hierdie skrif leer hertrou word toegelaat in so 'n geval nie. Nog 'n interpretasie lui dat die "hoerery" waarna Jesus verwys in Matt.19:9 - ("Maar Ek sê vir julle, elkeen wat van sy vrou skei, behalwe oor hoerery, en ‘n ander een trou, pleeg egbreuk; en die wat die geskeie vrou trou, pleeg egbreuk"), meer 'n verwysing is na waar 'n man iets aan 'n vrou ontdek het nadat hulle getroud is bv. dat sy hoereer het voor hulle getrou het..., en tereg kan dit wees waarna Jesus eintlik hier verwys het siende Hy die woord hoerery gebruik, nie egbreuk nie (vgl. laasgenoemde sienspunt met Deut. 24:1, asook met Josef wat met Maria wou skei toe sy swanger word...). Hierdie is 'n debateerbare punt. Nog 'n rede waarom sommige kerke beslis dat hertrou vir 'n man moontlik is in hierdie betrokke geval, is omdat dit voorkom of die reëls rondom trou somtyds verskillend was vir mans as wat dit was vir vrouens (immers is die vrou verbind aan die man...), maar is dit werklik so? Is die reëls regtig verskillend? Mag 'n man hertrou, maar 'n vrou nie? In die O.T. was daar ook baie mans wat meer as een vrou gehad het, wat op beurt ruimte geskep het vir hertrou; maar ons moet onthou dat hierdie nie noodwendig die Here se goedkeuring weggedra het nie. In die N.T. word mans bv. spesifiek beveel om elk net een vrou te hê! (en elke vrou een man)(l.w., "vanweë die hoererye"...!/1 Kor. 7:2). Dus, alhoewel baie kerke leer dat hertrou moontlik is vir 'n man waar sy vrou hoereer of egbreuk pleeg (en hy dus kan skei en weer trou omdat baie mans meer as een vrou gehad het in die O.T.), is dit nie noodwendig die Here se wil nie; en ook nie noodwendig dat dit in die eerste gemeentes toegelaat was nie... (want mans was immers beveel om elk net een vrou te he). Dat sommige kerke hertrou in hierdie geval toelaat, is dus ook debateerbaar.

-----------------------------------------------------------------------------------------------------------------------------

Geskeides mag nie hertrou nie? - wat presies leer die Skrif hieroor?:

Kom ons kyk na spesifieke skrifte om te sien hoekom sommige kerke (asook die vroee kerke) nie hertrou toelaat nie.

Bestudeer die volgende skrifte (Mark. 10:11,12; Luk. 16:18; Rom. 7:2; 1 Kor. 7:39), en kyk of die Skrif saamstem met die volgende 2 punte:

- GESKEIDES MAG NIE WEER TROU NIE.

- GESKEIDES WAT HERTROU, PLEEG EGBREUK.

Daar moet ook ingekyk word op die kwessie van die SKEIBRIEF die verbond breek, terwyl "om te skei" nie dieselfde is nie. In die 6de pos in hierdie reeks word daar meer ingekyk op hierdie punt.

Gesels gerus ook oor die volgende onderwerp om meer uitsluitsel hieroor te kry - Wat is EGBREUK?

Vir redes soos bo genoem word "hertroudes" noodwendig gesien soos EGBREKERS (dit is wat Jesus geleer het, asook is dit in die eerste gemeentes geleer...) - of daar toelatings is vir hertrou (soos egskeiding somtyds toegelaat word) is natuurlik die punt waarop kerke verskil.

EGBREUK is 'n sonde (vir 'n studie oor egbreuk/owerspel, gaan na: https://warechristene.blogspot.com/2018/06/owerspel-egbreuk.html).

Nie net in die geval van wanneer 'n geskeide weer trou nie, maar ook wanneer iemand (nl. 'n ongetroude) 'n geskeide persoon trou, word hy 'n EGBREKER... (die vraag is nou wat sal gebeur met iemand wat 'n egbreker sterwe? In ander woorde, as iemand hertrou en in die sonde van egbreuk stap omdat hy hertrou het, wat sal gebeur met so iemand as hy doodgaan sonder om met die sonde te breek?/1 Kor. 6:10). In ander woorde, die bespreking hier gaan oor die feit dat wanneer iemand 'n geskeide trou, dan pleeg hy egbreuk, maar egbreuk is 'n sonde!; m.a.w., hulle is in 'n ONGEOORLOOFDE VORM VAN (vleeslike) GEMEENSKAP... (baie kerke sien sulke huwelike nie as "deur die Here saamgevoeg nie", want dit word nie toegelaat nie!). Alhoewel, praat ons nou van 'n geskeide man wie se vrou hoereer het, bv. waar diesulkes in sommige kerke toegelaat word om te hertrou, dan is dit miskien anders... (?), want in so 'n geval is die ongetroude wat met daardie geskeide man trou nie besig om egbreuk te pleeg nie en die huwelik is ook wettig - is dit so? / l.w. dat hierdie 'n debateerbare punt is... Sommige kerke reken dat dit ook nie eens 'n man geoorloof is om in so 'n geval te hertrou nie.

Gesels gerus ook oor wanneer 'n huwelik "deur God saamgevoeg is":

Hierdie is 'n ander punt waarop ingekyk moet word om te probeer uitklaar of hertrou toelaatbaar is of nie. Huwelike wat bv. verbode vorme van vleeslike gemeenskap is, kan nie regtig gesien word soos "huwelik" nie (sal God iets "saamvoeg" wat Hy verbied?). Is hulle HOEREERDERS of EGBREKERS? Moet hulle weer skei? (hierdie word ook in pos 6 in hierdie reeks met meer skrifte bestudeer). Die bespreking gaan dus hier oor die feit dat die wat in ongeoorloofde huwelike is a.g.v. 'n verbode vorm van vleeslike gemeenskap, moet vergifnis kry en hulle daarvan bekeer (sonde word bv. nie vergewe as iemand nie bely EN BEKEER nie). Sommige glo bv. dat so 'n huwelikspaar nie hoef te skei nie, ander glo hulle moet... 'n Goeie vb is die geval in 1 Kor. 5:1,2, waarin iemand aangespreek is omdat dit hom nie geoorloof was om die vrou van sy vader te hê nie.. Wat was daar van die betrokke persoon in 1 Kor. 5 verwag om te doen? - moes hy bloot vergifnis vra en in die onwettige verhouding bly?, of breek met die verhouding? Wat wel van hom verwag was, was nie net om vergifnis te vra nie maar ook te breek met die verhouding, want waar so iemand nie breek met die verhouding nie kan dit sekerlik beteken dat hy'n "egbreker" sal sterwe... Nog 'n vb.waarop ingekyk kan word is die van HERODUS wat GETROUD was MET SY BROER SE VROU...: (Mar 6:17,18 - "Want Herodes self het gestuur en Johannes gevange geneem en hom in die gevangenis geboei, vanweë Heródias, die vrou van Filippus, sy broer, omdat hy met haar getrou het. Want Johannes het aan Herodes gesê: Dit is u nie geoorloof om u broer se vrou te hê nie")(Luk. 3:18,19; Matt. 14:3,4). Om meer te leer oor hierdie onderwerp, kan die volgende verse behandel word (Lev. 18:16; 20:21; Deut. 25:5,6; Hand. 24:24). Ook in hierdie geval het Johannes van Herodes verwag om te skei van die vrou waarmee hy "getrou" het... - hoekom?, want jy mag nie jou broer se vrou neem nie... (verbode vorm van vleeslike gemeenskap)(uitgesluit Deut. 25:5,6, in die geval waar die broer sterwe). In so 'n geval, sou hy en Herodias skei, is daar geen huweliksverbond wat eers verbreek moet word nie want na regte was hulle nie "deur God saamgevoeg nie" maar liewer besig om te HOEREER en EGBREUK te pleeg. In ander woorde, terwyl hy met Herodias "getroud" was, was sy nog eintlik aan haar eerste man verbind en hy was nog in die lewe (l.w. dat, vir hom om met Herodias volgens die wereld te kon trou, moes sy 'n skeibrief gekry het van Herodus se broer; m.a.w., nie eens die skeibrief kon die huweliksverbond verbreek nie). Tereg die rede waarom Johannes vir Herodes gesê het dat dit hom nie geoorloof is om haar te hê nie (want sy het nog aan 'n ander man behoort, al het sy 'n skeibrief ontvang). Johannes het van Herodus verwag om van haar te skei sodat hulle nie meer in sonde stap nie (want die waarheid is dat eers wanneer haar man dood is, sou dit haar geoorloof wees om weer te trou, maar nie solank sy 'n geskeide en hy nog in die lewe was nie)............- BESTUDEER GERUS BG. SKRIFTE OM TE KYK OF U BY DIESELFDE PUNTE UITKOM.

-----------------------------------------------------------------------------------------------------------------------------

KYK GERUS OOK IN OP DIE TEMA VAN "ONWETTIGE GEMEENSKAPVERHOUDINGS":

Nie alle huwelike is geoorloof nie! Sommige gemeenskaps-verhoudings is ONWETTIG en die wat daarin stap is besig om verkeerd te doen (bv. gemeenskap met duiwels/afgode aanbid, in dieselfde juk trek met ongelowiges, ens. - https://warechristene.blogspot.com/2017/01/gemeenskap-vleeslike-gemeenskap.html). Onder die betrokke lys is sekere vorme van VLEESLIKE GEMEENSKAP ook verbode!, wat beteken dat daardie persone nie KAN TROU NIE... (bv. met jou naaste se vrou, ditto geslag met mekaar, 'n mens met 'n dier, ens.). AS 'N GESKEIDE GELOWIGE IN 'N ONWETTIGE HUWELIK WAS, EN HY DAARUIT GEKOM HET, DAN IS HY SOOS 'N ONGETROUDE, WANT HY WAS EINTLIK NOOIT GETROUD NIE! (sommige kerke verduidelik hierdie as "God sal nie iets saamvoeg wat onwettig is nie"). Hierdie is 'n ander vb. van waar 'n "geskeide" mag hertrou, want na regte was hulle nooit gesien as "getroud" nie.

In sommige gevalle, waar geskeides nuwe vleeslik gemeenskapsverhoudings betree, dink hulle dat "om te trou" die antwoord is dat hulle nie meer in sonde stap nie, maar "om te trou" regverdig nie die situasie waar iemand met 'n geskeide trou nie. Nog 'n vb. is die van Herodus wat in 'n onwettige huwelik was - 'n man mag nie sy broer se vrou neem (bv. terwyl sy broer nog in die lewe is nie)(Mark. 6:17,18). Johannes die doper het vir Herodus sterk aangespreek hieroor. Nog 'n geval is wanneer twee mense van dieselfde geslag trou - "om te trou" regverdig nie ewe skielik die onwettige gemeenskap nie, want mans mag nie in wellus teenoor mekaar ontbrand nie (Rom. 1:26-32). In ander woorde, "om te trou" maak nie ewe skielik egbreuk of hoerery reg nie, want egbreuk gaan oor die feit dat die een party verbind is aan 'n ander ...., en huwelik kan nie iets wat verkeerd is, regmaak nie (vir 'n studie oor egbreuk/owerspel, gaan na: https://warechristene.blogspot.com/2018/06/owerspel-egbreuk.html). Bv., om te trou met 'n dier beteken nie dat jy ewe skielik vleeslike gemeenskap met die dier mag hê nie (Lev. 18:23); dieselfde is waar van ander verbode vorme van vleeslike gemeenskap. Vir 'n man om met sy skoondogter te trou, beteken nie dat hulle verhouding nou geregverdig is net omdat hulle getroud is nie (Lev. 18:15). Jy kan nie "wat sonde is" regmaak deur bloot "te trou nie", want jy word in die eerste plek verbied om in so 'n huwelik in te gaan.

Op dieselfde wyse maak trou nie sonde reg as jy in die eerste plek as geskeide verbied was om weer te trou nie, en in hierdie geval gaan dit ook oor die feit dat die geskeide nog eintlik verbind is! Baie geskeides wat hertrou dink dat hulle dit net kan bely soos 'n sonde en dan bly in daardie nuwe "huwelik"..., maar om dit te bely beteken dat jy erken jy doen verkeerd, en dus word bekering verwag. Bekering beteken dat jy wegdraai van daardie sonde. Geskeides word nie toegelaat om weer te trou nie (behalwe waar die huweliksmaat sterwe (en somtyds in bg. uitsonderlike gevalle in sekere kerke).

Geskeides word eerder aangemoedig om met hulle geskeide maats te herenig sou dit moontlik wees... (1 Kor. 7:10,11), maar om weer te trou moet nie eers by 'n geskeide opkom nie.

-----------------------------------------------------------------------------------------------------------------------------

SKRIFTE VAN BELANG:

--------------------------------

(Mat 19:7) Hulle sê vir Hom: Waarom het Moses dan beveel om ‘n skeibrief te gee en van haar te skei?
(Mat 19:8) Hy antwoord hulle: Omdat Moses weens die hardheid van jul harte julle toegelaat het om van julle vroue te skei; maar van die begin af was dit nie so nie.
(Mat 19:9) Maar Ek sê vir julle, elkeen wat van sy vrou skei, behalwe oor hoerery, en ‘n ander een trou, pleeg egbreuk; en die wat die geskeie vrou trou, pleeg egbreuk. (LET WEL DAT DIE WOORDE "behalwe oor hoerey" HIER IN KONTEKS GEBRUIK IS MET "skei", NIE MET "weer trou" nie!)(vgl. dit ook met Matt. 5:32 en Luk. 16:18)
(Mat 19:10) Sy dissipels sê vir Hom: As die saak van ‘n man met ‘n vrou so is, dan is dit nie wenslik om te trou nie.
(Mat 19:11) Maar Hy sê vir hulle: Almal vat hierdie woord nie, maar net dié aan wie dit gegee is.
(Mat 19:12) Want daar is persone wat onbekwaam is om te trou, wat van die moederskoot af so gebore is, en daar is persone wat deur die mense onbekwaam gemaak is, en daar is persone wat hulleself onbekwaam gemaak het ter wille van die koninkryk van die hemele. Wie dit kan vat, laat hom dit vat.

-----------------------

(Luk 16:18) Elkeen wat van sy vrou skei en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk.

-----------------------

(Deu 24:1) As ‘n man ‘n vrou neem en met haar trou, en as sy dan geen guns in sy oë vind nie, omdat hy iets skandeliks aan haar ontdek het, en hy haar ‘n skeibrief skrywe en in haar hand gee en haar uit sy huis wegstuur,

(Deu 24:2) en sy uit sy huis uittrek en weggaan en ‘n ander man s’n word,

(Deu 24:3) en dié laaste man haar haat en haar ‘n skeibrief skrywe en in haar hand gee en haar uit sy huis wegstuur, of as dié laaste man sterwe wat haar vir hom as vrou geneem het—

(Deu 24:4) dan mag haar eerste man wat haar weggestuur het, haar nie weer neem, dat sy sy vrou word nadat sy onrein geword het nie; want dit is ‘n gruwel voor die aangesig van die HERE, en jy mag op die land wat die HERE jou God jou as erfenis sal gee, geen skuld laai nie.

(Deu 24:5) As ‘n man pas getroud is, hoef hy nie op kommando uit te trek nie, en hulle moet hom in geen enkele opsig iets oplê nie; een jaar lank moet hy vry wees vir sy huis en aan sy vrou wat hy geneem het, vreugde verskaf.

(1 Kor. 6:1-11)

------------------------------------------------------------------------------------------------------------

(Mat 5:31) Daar is ook gesê: Elkeen wat van sy vrou skei, moet haar ‘n skeibrief gee.

(Mat 5:32) Maar Ek sê vir julle dat elkeen wat van sy vrou skei, behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk.

------------------------------------------------------------------------------------------------------------

(Mar 10:4) En hulle sê: Moses het toegelaat om ‘n skeibrief te skrywe en van haar te skei.

(Mar 10:5) En Jesus antwoord en sê vir hulle: Vanweë die hardheid van julle harte het hy vir julle hierdie gebod geskrywe,

(Mar 10:6) maar van die begin van die skepping af het God hulle man en vrou gemaak.

(Mar 10:7) Om hierdie rede sal die man sy vader en moeder verlaat en sy vrou aankleef,

(Mar 10:8) en hulle twee sal een vlees word, sodat hulle nie meer twee is nie, maar een vlees.

(Mar 10:9) Wat God dan saamgevoeg het, mag geen mens skei nie.

(Mar 10:10) En in die huis het sy dissipels Hom weer oor dieselfde saak gevra.

(Mar 10:11) En Hy sê vir hulle: Elkeen wat van sy vrou skei en ‘n ander een trou, pleeg egbreuk teen haar;

(Mar 10:12) en as ‘n vrou van haar man skei en met ‘n ander een trou, pleeg sy egbreuk.

------------------------------------------------------------------------------------------------------------

(Mal 2:16) Want Ek haat egskeiding, sê die HERE, die God van Israel, en dat ‘n mens sy kleed met geweldpleging bedek, sê die HERE van die leërskare. Neem julle dan in ag ter wille van julle gees en wees nie ontrou nie.

------------------------------------------------------------------------------------------------------------

(1Co 6:1) Durf iemand van julle wat ‘n saak teen ‘n ander het, gaan reg soek voor die onregverdiges en nie voor die heiliges nie?

(1Co 6:2) Weet julle nie dat die heiliges die wêreld sal oordeel nie? En as die wêreld deur julle geoordeel word, is julle dan onbevoeg vir die geringste regsake?

(1Co 6:3) Weet julle nie dat ons engele sal oordeel nie, hoeveel te meer die alledaagse dinge?

(1Co 6:4) As julle dan alledaagse regsake het, moet julle dié persone daaroor laat sit wat in die gemeente die minste geag word.

(1Co 6:5) Ek sê dit tot julle beskaming. Is daar dan nie eens een wyse onder julle, wat uitspraak sal kan doen tussen sy broeders nie?

(1Co 6:6) Maar gaan die een broeder met die ander na die regbank, en dit voor ongelowiges?

(1Co 6:7) Dan is dit al werklik ‘n gebrek onder julle, dat julle regsake met mekaar het. Waarom ly julle nie liewer onreg nie? Waarom laat julle jul nie liewer berowe nie?

(1Co 6:8) Maar julle doen onreg en pleeg roof, en dit aan broeders.

(1Co 6:9) Of weet julle nie dat die onregverdiges die koninkryk van God nie sal beërwe nie?

(1Co 6:10) Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie.

(1Co 6:11) En dit was sommige van julle; maar julle het jul laat afwas, maar julle is geheilig, maar julle is geregverdig in die Naam van die Here Jesus en deur die Gees van onse God.

------------------------------------------------------------------------------------------------------------

(Exo 22:16) As iemand ‘n jongmeisie wat nie verloof is nie, verlei en met haar gemeenskap het, moet hy haar vir die volle huweliksprys as sy vrou koop.

(Exo 22:17) As haar vader beslis weier om haar aan hom te gee, moet hy geld gee volgens die huweliksprys vir jongmeisies.

------------------------------------------------------------------------------------------------------------

(Jas 2:10) Want wie die hele wet onderhou, maar in een opsig struikel, het aan almal skuldig geword.

(Jas 2:11) Want Hy wat gesê het: Jy mag nie egbreek nie, het ook gesê: Jy mag nie doodslaan nie. As jy nou nie egbreek nie, maar doodslaan, het jy ‘n oortreder van die wet geword.

(Jas 2:12) Julle moet so spreek en so doen soos diegene wat deur die wet van vryheid geoordeel sal word.

(Jas 2:13) Want die oordeel sal onbarmhartig wees oor die wat geen barmhartigheid bewys het nie; en die barmhartigheid roem teen die oordeel.

------------------------------------------------------------------------------------------------------------

(Rom 7:1) Of weet julle nie, broeders want ek spreek met mense wat die wet ken dat die wet oor die mens heers so lank as hy lewe nie?

(Rom 7:2) Want die getroude vrou is deur die wet aan die lewende man gebonde; maar as die man sterwe, is sy ontslae van die wet van die man.

(Rom 7:4) So, my broeders, is julle dan ook ten opsigte van die wet dood deur die liggaam van Christus, om aan ‘n ander te behoort, naamlik aan Hom wat uit die dode opgewek is, sodat ons tot eer van God vrugte kan dra.

(Rom 7:5) Want toe ons in die vlees was, het die sondige hartstogte wat deur die wet kom, in ons lede gewerk om vir die dood vrugte te dra.

(Rom 7:6) Maar nou is ons ontslae van die wet waardeur ons gebonde was, aangesien ons dit afgesterf het, sodat ons dien in die nuwigheid van die Gees en nie in die oudheid van die letter nie.

(Rom 7:7) Wat sal ons dan sê? Is die wet sonde? Nee, stellig nie! Inteendeel, ek sou die sonde nie anders as deur die wet geken het nie; want ek sou ook die begeerlikheid nie geken het nie as die wet nie gesê het: Jy mag nie begeer nie.

(Rom 7:8) Maar die sonde het aanleiding gevind deur die gebod en in my allerhande begeerlikheid gewerk; want sonder die wet is die sonde dood.

(Rom 7:9) En sonder die wet het ek vroeër gelewe, maar toe die gebod kom, het die sonde weer opgelewe en ek het gesterwe.

------------------------------------------------------------------------------------------------------------

(Isa 54:5) Want jou Maker is jou Man; HERE van die leërskare is sy Naam; en die Heilige van Israel is jou Verlosser. Hy sal die God van die hele aarde genoem word.

(Jer 3:8) En Ek het gesien toe Ek uit oorsaak van die owerspel van die afkerige, Israel, haar verstoot en haar haar skeibrief gegee het, dat die ontroue, haar suster Juda, nie bevrees was nie, maar gegaan en ook self gehoereer het.

(1Co 5:1) ‘n Mens hoor waarlik van hoerery onder julle, en hoerery van so ‘n aard as wat selfs onder die heidene nie bekend is nie: dat iemand die vrou van sy vader het.

(1Co 5:2) En tog is julle opgeblase in plaas dat julle liewer getreur het, sodat hy wat hierdie daad gedoen het, kan verwyder word onder julle uit.

------------------------------------------------------------------------------------------------------------

(1Co 7:1) Met betrekking tot die dinge waaroor julle aan my geskryf het—dit is goed vir ‘n man om ‘n vrou nie aan te raak nie.

(1Co 7:2) Maar vanweë die hoererye moet elke man sy eie vrou hê, en elke vrou moet haar eie man hê.

(1Co 7:3) Die man moet aan die vrou die verskuldigde welwillendheid bewys, en net so ook die vrou aan die man.

(1Co 7:4) Die vrou het nie mag oor haar eie liggaam nie, maar die man; en net so ook het die man nie mag oor sy eie liggaam nie, maar die vrou.

(1Co 7:5) Onttrek julle nie aan mekaar nie, behalwe met wedersydse ooreenstemming vir ‘n tyd lank om julle aan vas en gebed te kan wy; en kom weer bymekaar, sodat die Satan julle nie in versoeking bring deur julle gebrek aan selfbeheersing nie.

(1Co 7:6) Maar dit sê ek by wyse van toelating, nie by wyse van gebod nie.

(1Co 7:7) Want ek wens dat alle mense soos ek was; maar elkeen het sy eie genadegawe van God, die een so en die ander weer anders.

(1Co 7:8) Maar vir die ongetroudes en die weduwees sê ek, dit is vir hulle goed as hulle bly soos ek;

(1Co 7:9) maar as hulle hul nie kan beheers nie, laat hulle trou; want dit is beter om te trou as om van begeerte te brand.

(1Co 7:10) En aan die getroudes beveel ek—nie ek nie, maar die Here—dat die vrou nie van die man moet skei nie;

(1Co 7:11) en as sy tog van hom skei, moet sy ongetroud bly, of haar met haar man versoen; en dat die man sy vrou nie moet verstoot nie.

(1Co 7:12) Maar vir die ander sê ek—nie die Here nie—as enige broeder ‘n ongelowige vrou het en sy dit goedvind om met hom saam te lewe, moet hy haar nie verstoot nie;

(1Co 7:13) en as ‘n vrou ‘n ongelowige man het, en hy dit goedvind om met haar saam te lewe, moet sy hom nie verstoot nie.

(1Co 7:14) Want die ongelowige man is geheilig deur die vrou, en die ongelowige vrou is geheilig deur die man; want anders sou julle kinders onrein wees, maar nou is hulle heilig.

(1Co 7:15) Maar as die ongelowige wil skei, laat hom skei. In sulke gevalle is die broeder of suster nie gebonde nie. Maar God het ons tot vrede geroep.

(1Co 7:16) Want hoe weet jy, vrou, of jy die man sal red; of hoe weet jy, man, of jy die vrou sal red?

(1Co 7:17) Maar elkeen moet wandel net soos God hom dit toebedeel het, soos die Here elkeen geroep het. En so bepaal ek in al die gemeentes.

(1Co 7:18) Is iemand as ‘n besnedene geroep—hy moet die besnydenis nie laat verander nie; is iemand as onbesnedene geroep—hy moet hom nie laat besny nie.

(1Co 7:19) Die besnydenis is niks en die onbesnedenheid is niks, maar die onderhouding van die gebooie van God.

(1Co 7:20) Laat elkeen in die roeping bly waarin hy geroep is.

(1Co 7:21) Is jy as slaaf geroep, laat dit jou nie kwel nie; maar as jy ook vry kan word, maak daar des te meer gebruik van.

(1Co 7:22) Want die slaaf wat in die Here geroep is, is ‘n vrygemaakte van die Here; so is ook hy wat as vryman geroep is, ‘n slaaf van Christus.

(1Co 7:23) Julle is duur gekoop; moenie slawe van mense word nie.

(1Co 7:24) Laat elkeen, broeders, in die staat waarin hy geroep is, daarin bly voor God.

(1Co 7:25) In verband met die maagde het ek geen bevel van die Here nie, maar ek gee my mening as iemand wat deur die barmhartigheid van die Here betroubaar is.

(1Co 7:26) Ek meen dat dit goed is vanweë die aanstaande nood—dat dit goed is vir ‘n mens om so te bly.

(1Co 7:27) Is jy aan ‘n vrou verbonde, moenie losmaking soek nie; is jy los van ‘n vrou, moenie ‘n vrou soek nie.

(1Co 7:28) Maar as jy tog trou, sondig jy nie; en as ‘n maagd trou, sondig sy nie. Maar sulke mense sal verdrukking hê vir die vlees, en ek wil julle spaar.

(1Co 7:29) Maar dit sê ek, broeders, die tyd is kort; van nou af moet ook die wat vroue het, wees asof hulle nie het nie;

(1Co 7:30) en die wat ween, asof hulle nie ween nie; en die wat bly is, asof hulle nie bly is nie; en die wat koop, asof hulle nie besit nie;

(1Co 7:31) en die wat hierdie wêreld gebruik, asof hulle dit nie ten volle gebruik nie; want die gedaante van hierdie wêreld gaan verby.

(1Co 7:32) En ek wil hê dat julle onbesorg moet wees. Die ongetroude is besorg oor die dinge van die Here, hoe hy die Here sal behaag,

(1Co 7:33) maar die getroude is besorg oor die dinge van die wêreld, hoe hy die vrou sal behaag.

(1Co 7:34) Daar is ook onderskeid tussen ‘n vrou en ‘n maagd; die ongetroude is besorg oor die dinge van die Here om heilig te wees na die liggaam sowel as na die gees, maar die getroude is besorg oor die dinge van die wêreld, hoe sy die man sal behaag.

(1Co 7:35) Ek sê dit tot julle eie voordeel, nie om julle van jul vryheid te beroof nie, maar met die oog op ‘n welvoeglike en onafgebroke toewyding aan die Here.

(1Co 7:36) Maar as iemand meen dat hy onwelvoeglik met sy maagd handel as sy oor die jeugdige leeftyd is, en dit so moet wees, laat hom doen wat hy wil. Hy sondig nie. Laat hulle trou.

(1Co 7:37) Maar hy wat in sy hart vasstaan en nie onder dwang verkeer nie, maar mag het oor sy eie wil en dit in sy eie hart besluit het om sy maagd te bewaar, hy doen goed.

(1Co 7:38) Daarom, ook hy wat in die huwelik uitgee, doen goed; maar hy wat in die huwelik nie uitgee nie, doen beter.

(1Co 7:39) ‘n Vrou is deur die wet gebonde so lank as haar man lewe; maar as die man ontslaap het, is sy vry om te trou met wie sy wil, maar net in die Here.

(1Co 7:40) Sy is egter gelukkiger as sy so bly, volgens my gevoele. En ek meen dat ek ook die Gees van God het.

------------------------------------------------------------------------------------------------------------

(Luk 16:17) Maar dit is makliker dat die hemel en die aarde verbygaan as dat een tittel van die wet sou val.

(Luk 16:18) Elkeen wat van sy vrou skei en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk.

Trou, Skei en Hertrou (3)(egskeiding)

Hierdie pos is op die oomblik BESIG OM HERSIEN TE WORD... - is deel van 'n reeks poste getiteld "trou, skei en hertrou". IN HIERDIE POS KYK ONS NA DIE ONDERWERP "SKEI" / "EGSKEIDING".

Vir die ander poste in die reeks, gaan na:

https://warechristene.blogspot.com/2014/12/trou-skei-en-hertrou.html (ongetroudes)

http://warechristene.blogspot.co.nz/2014/12/trou-skei-en-hertrou-2.html (getroudes)
http://warechristene.blogspot.co.nz/2014/12/trou-skei-en-hertrou-4.html (hertrou)
http://warechristene.blogspot.co.nz/2018/02/trou-skei-en-hertrou-5.html (rein en onrein)
http://warechristene.blogspot.co.nz/2018/02/trou-skei-en-hertrou-6.html (bespreking)

Rol af vir die volgende opsommings:

- Inleiding.

- Wat beteken die woord "skei".

- Besprekingspunte rondom die woord egskeiding.

- Wanneer word skeiding toegelaat?

- Algemene reels rondom egskeiding.

-------------------------------------------------------------

INLEIDING:

Die Here haat egskeiding (Mal. 2:16), maar dat daar gevalle is waar egskeiding toegelaat word, is verseker. Daar is een voorbeeld in die Skrif waar Jesus 'n uitsondering gee vir egskeiding (nl. hoerery/Matt. 5:32), en een ander voorbeeld wat deur Paulus gegee word in 1 Kor. 7 (waar 'n gelowige met 'n ongelowige getroud is, en die ongelowige wil skei/1 Kor. 7:15,16). Dit is basies die twee voorbeelde wat vir ons gegee word in die N.T. in die Bybel... (alhoewel daar ander voorbeelde is in die O.T., bv. hardheid van hart, maar Jesus het dit duidelik gemaak dat dit nie werklik rede is vir egskeiding nie, maar bloot toegelaat was in sekere omstandighede/Matt. 19:7.8).

Christelike kerke is vandag ook oor die algemeen eens dat (1) hoerery en (2) wegstoting deur 'n ongelowige huweliksmaat, gronde is vir egskeiding. Daar is kerkleiers wat ook van mening is dat die weerhouiing van vleeslike gemeenskap gronde kan wees vir moontlike egskeiding... (Eks. 21:10,11; 1 Kor. 7:4). Maar wat presies beteken die woord egskeiding? Dit is iets wat ons in hierdie pos o.a. probeer uitklaar, want sommige beweer dat 'n skeibrief iets anders beteken as egskeiding, en dat egskeiding nie die verbond verbreek nie maar 'n skeibrief doen (?). As dit inderdaad die geval is, dan is daar baie hertroude geskeides (wat 'n skeibrief het) wat onnodig skuldig voel oor die feit dat hulle weer getrou het; maar as hierdie bewering verkeerd is, dan is daar baie hertroude geskeides wat in egbreuk stap! Dit is belangrik dat ons weet wat presies die Skrif oor hierdie onderwerp leer, en veral wat Jesus Christus daaroor geleer het. In die eerste kerke is geleer dat " die vrou nie van die man moet skei nie, maar as sy tog skei sy ongetroud moet bly, of haar met haar man versoen... " (1 Kor. 7:10,11) - was hierdie slegs in 'n spesifieke konteks?, of is dit wat egskeding eintlik beteken (selfs met 'n skeibrief)? Verseker word dit wat hier geleer is in 1 Kor. 7 nie eintlik in veel kerke vandag gepreek nie; inteendeel, mense is oor die algemeen van mening dat geskeides soos ongetroudes is wat kan hertrou. Die tema van "hertrou" word in 'n volgende pos in hierdie reeks in meer diepte behandel, maar in hierdie pos kyk ons na die onderwerp van egskeiding (wat dit beteken, uitsonderings, ens.).

Ons mag vra hoekom dit nou eintlik so belangrik is om uitklaring te kry oor hierdie onderwerp, en die antwoord is baie eenvoudig: Geen hoereerder of egbreker sal sal die koninkryk van God beërwe nie.(1 Kor. 6:10). Jesus het geleer dat geskeides wat hertrou, egbreuk pleeg... ('n sonde wat hulle onrein maak)(Mar 10:11,12 - "En Hy sê vir hulle: Elkeen wat van sy vrou skei en ‘n ander een trou, pleeg egbreuk teen haar; en as ‘n vrou van haar man skei en met ‘n ander een trou, pleeg sy egbreuk") - dit is dus belangrik om uit te klaar wat presies die Here van geskeides verwag. Daar is altyd gevolge as ons buite die wil van die Here beweeg. Somtyds is die gevolge bloot natuurlik, somtyds is dit meer ernstig (daar is bv. 'n verskil tussen wanneer jy 'n "ja" breek of wanneer jy 'n eed breek, en des te meer hoekom ons hoegenaamd nie moet sweer nie). Die Here neem ede ernstig op, en so moet ons! Bv., alhoewel egskeiding somtyds toegelaat word en nie noodwendig die huweliksverbond breek nie, is dit 'n verbreking van eed as die persoon wat geskei is hoereer of egbreuk pleeg.

Die feit dat egskeiding somtyds toegelaat is beteken nie dat dit die Here se wil was van die begin nie... (Mark. 10:4-9 - "En hulle sê: Moses het toegelaat om ‘n skeibrief te skrywe en van haar te skei. En Jesus antwoord en sê vir hulle: Vanweë die hardheid van julle harte het hy vir julle hierdie gebod geskrywe, maar van die begin van die skepping af het God hulle man en vrou gemaak. Om hierdie rede sal die man sy vader en moeder verlaat en sy vrou aankleef, en hulle twee sal een vlees word, sodat hulle nie meer twee is nie, maar een vlees. Wat God dan saamgevoeg het, mag geen mens skei nie"). In 'n spesifieke geval laat Hy dit toe... (nl. hoerery/Matt. 19:9; Deut. 24:1). In hierdie studie gaan ons kyk na moontlike uitsonderings (vir egskeiding), nie noodwendig dat al hierdie voorbeelde die Here se goedkeuring wegdra nie, maar eerder voorbeelde waar die Christelike kerk somtyds egskeiding toelaat. Noodwendig, as egskeiding toegelaat word in 'n sekere geval, kan so iemand nie gestraf word nie (of kan hy steeds?). VIR MEESTE IS DAAR VELE ONBEANTWOORDE VRAE RONDOM DIE TEMA VAN EGSKEIDING, en miskien 'n goeie ding!, want daar moet nie eers gedink word aan egskeiding nie! (ahoewel ter wille van barmhartigheid dit somtyds die laaste uitweg is). Geen kerk het die reg om iets reg te maak wat die Here as verkeerd beskou nie, maar die kerk het die reg om te bind en ontbind waar nie uitsluitsel gegee is nie.

-----------------------------------------------------------------------------------------------------------------------------Die betekenis van die woorde SKEI, EGSKEIDING, EN SKEIBRIEF:

(1) Betekenis vd woord "skei":

Waar die woord "skei" in die AOV gebruik word, is dit vertaal van somtyds die Gr. woord "kho-rid-zo" (wat beteken om ruimte te plaas tussen twee mense en een van hulle trek weg - hulle gaan uitmekaar); en somtyds die Gr. woord "apol-oo-o" (wat verwys na volkome vrylaat en laat losgaan, bv. in die gevalle van doodgaan, verskoon of skei - dit hang af van die konteks / =vertrek, laat gaan, skei, vergewe, sit weg, loslaat, vrylaat). Dit beteken nie noodwendig dat die huweliksverbond verbreek is nie (en dit is veral die punt waarom kerke verskil). Kom ons kyk eers na 1 Kor. 7. In konteks praat Paulus hier van wanneer mense mag skei, en wanneer nie... V. 10 begin met die vrouens...; l.w. dat in die geval in egskeiding, dit gewoonlik die man was wat geskei het, nie die vrou nie (want in 'n huwelik is "die vrou was aan die man verbind" - natuurlik behoort hulle ook aan mekaar, maar die man is die priester van die huis):

(1Kor. 7:10) En aan die getroudes beveel ek—nie ek nie, maar die Here—dat die vrou nie van die man moet skei (Gr. woord "kho-rid'-zo", wat verwys na ruimte tussen twee plaas, om weg te gaan = trek weg, verdeel van, uitmekaar gaan) nie;

(1Kor. 7:11) en as sy tog van hom skei ("kho-rid'-zo"), moet sy ongetroud bly, of haar met haar man versoen; en dat die man sy vrou nie moet verstoot nie.

In v.12 tot 16 word daar gepraat met gelowiges wat met ongelowiges getroud is (en interessant, hier sien ons hoe Paulus sy opinie gee terwyl dit nie noodwendig iets is wat die Here hom beveel het om te se nie - die kerk moet somtyds bind en ontbind waar daar nie heeltemal uitsluitsel gegee is in spesifieke situasies nie):

(1Kor. 7:12) Maar vir die ander sê ek—nie die Here nie—as enige broeder ‘n ongelowige vrou het en sy dit goedvind om met hom saam te lewe, moet hy haar nie verstoot (Gr. woord "af-ee'-ay-mee", wat verwys na om weg te stuur = afhangende van konteks, kan dit verwys na vergewe, huil of kry swaar, verlaat, laat eenkant, stuur of plaas weg, ens.) nie

(1Kor. 7:13) en as ‘n vrou ‘n ongelowige man het, en hy dit goedvind om met haar saam te lewe, moet sy hom nie verstoot nie.

(1Kor. 7:14) Want die ongelowige man is geheilig deur die vrou, en die ongelowige vrou is geheilig deur die man; want anders sou julle kinders onrein wees, maar nou is hulle heilig.

(1Kor. 7:15) Maar as die ongelowige wil skei, laat hom skei. In sulke gevalle is die broeder of suster nie gebonde nie. Maar God het ons tot vrede geroep.

(1Kor. 7:16) Want hoe weet jy, vrou, of jy die man sal red; of hoe weet jy, man, of jy die vrou sal red?

Kom ons kyk na nog 'n paar ander skrifte waar die woord SKEI voorkom, om te sien hoe dit in konteks gebruik is:

(Luk 16:18) Elkeen wat van sy vrou skei (Gr. woord "ap-ol-oo'-o", wat verwys na volkome vrylaat en laat losgaan, bv. in die gevalle van doodgaan, verskoon of skei - dit hang af van die konteks / =vertrek, laat gaan, skei, vergewe, sit weg, loslaat, vrylaat) en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk.

(Mat 1:19) En Josef, haar man, omdat hy regverdig was en onwillig om haar openbaar te maak, het hom voorgeneem om in die geheim van haar te skei ("ap-ol-oo'-o").

(Mat 5:31) Daar is ook gesê: Elkeen wat van sy vrou skei ("ap-ol-oo'-o"), moet haar ‘n skeibrief gee.

(Mat 5:32) Maar Ek sê vir julle dat elkeen wat van sy vrou skei ("ap-ol-oo'-o"), behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk.

(Mat 19:3) Toe kom die Fariseërs na Hom om Hom te versoek, en sê vir Hom: Is dit ‘n man geoorloof om oor allerhande redes van sy vrou te skei ("ap-ol-oo'-o")?

........(Mat 19:6) sodat hulle nie meer twee is nie, maar een vlees? Wat God dan saamgevoeg het, mag geen mens skei ("kho-rid'-zo") nie.

(Mat 19:7) Hulle sê vir Hom: Waarom het Moses dan beveel om ‘n skeibrief (Gr. woord "ap-os-tas'-ee-on". wat verwys na skeiding = ('n brief) van egskeiding) te gee en van haar te skei ("ap-ol-oo'-o")?

(Mat 19:8) Hy antwoord hulle: Omdat Moses weens die hardheid van jul harte julle toegelaat het om van julle vroue te skei ("ap-ol-oo'-o"); maar van die begin af was dit nie so nie.

(Mat 19:9) Maar Ek sê vir julle, elkeen wat van sy vrou skei ("ap-ol-oo'-o"), behalwe oor hoerery, en ‘n ander een trou, pleeg egbreuk; en die wat die geskeie vrou trou, pleeg egbreuk.

WAT ONS UIT BG. SKRIFTE LEER IS DAT DIE WOORD SKEI BETEKEN DAT 'N HUWELIKSPAAR HULLE VAN MEKAAR GEHEEL EN AL ONTTREK, (langtermyn) - EEN WORD LOSGELAAT / WEGGESTUUR / GAAN WEG (dit beteken NIE dat die verbond tussen hulle verbreek is en hulle bv. weer mag trou nie... - die verbond is slegs verbreek wanneer een van hulle sterwe/Rom. 7:2,3).

(2) Betekenis vd woord "Egskeiding":

(Mal 2:16) Want Ek haat egskeiding (Hebr. woord "shaw-lakh'", want verwys na wegstuur = verlaat, stoot weg, stuur voort, ens.), sê die HERE, die God van Israel, en dat ‘n mens sy kleed met geweldpleging bedek, sê die HERE van die leërskare. Neem julle dan in ag ter wille van julle gees en wees nie ontrou nie. Dieselfde woord word verkry in Gen 21:14, toe is Abraham vir Hagar weggestuur het..., en ditto woord word in Lev. 16:21 gebruik van die sondofferbok wat gewoonlik uitgestuur was in die woestyn (kyk ook Ef. 4:25 en 1 Pet. 3:21). Wat dus met "egskeiding" bedoel word in Mal. 2:16, is dat die een huweliksparty weggestuur of weggestoot word - dit is in wese wat bedoel word met "skei". Is die skeibrief regtig nodig? - wel, in die volgende paragraaf sal ons sien dat die skeibrief slegs 'n dokument wat die skeiding op skrif stel (dit beteken nie meer as dit, bv. dat die persoon vry is van die huweliksverbond nie).

(3) Betekenis vd woord "Skeibrief":

Kom ons kyk eers na wat die woord "skeibrief" in die Gr. en Hebr. is, en kyk ons na die konteks van die betrokke skrifte:

Deu_24:1 As ‘n man ‘n vrou neem en met haar trou, en as sy dan geen guns in sy oë vind nie, omdat hy iets skandeliks aan haar ontdek het, en hy haar ‘n skei("Hebr. woord "say'-fer", wat verwys na 'n geskrewe dokument = 'n brief, register, boekrol)brief ("ker-ee-thooth'" - wat verwys na afsnyding = skei/egskeiding) skrywe en in haar hand gee en haar uit sy huis wegstuur,

Deu_24:3 en dié laaste man haar haat en haar ‘n skeibrief skrywe en in haar hand gee en haar uit sy huis wegstuur, of as dié laaste man sterwe wat haar vir hom as vrou geneem het—

Isa_50:1 So sê die HERE: Waar is tog die skeibrief van julle moeder waarmee Ek haar verstoot het? Of wie is daar van my skuldeisers aan wie Ek julle verkoop het? Kyk, weens jul ongeregtighede is julle verkoop, en weens jul oortredinge is julle moeder verstoot.

Mat_5:31 Daar is ook gesê: Elkeen wat van sy vrou skei, moet haar ‘n skeibrief (Gr. woord "ap-os-tas'-ee-on", wat verwys na egskeiding = om die egskeiding in skrif te plaas) gee.

Mat_19:7 Hulle sê vir Hom: Waarom het Moses dan beveel om ‘n skei(Gr. woord "bib-lee'-on", wat verwys na 'n rol = dokument, boekrol, in skrif gestel)brief ("ap-os-tas'-ee-on") te gee en van haar te skei?

Mrk_10:4 En hulle sê: Moses het toegelaat om ‘n skei("bib-lee'-on")brief ("ap-os-tas'-ee-on") te skrywe en van haar te skei.

Dit is basies net 'n dokument wat die egskeiding in skrif plaas, maar sommige beweer dat in sekere skrifte, waar een party weggestuur word, dit bedoel dat die persoon nie hierdie dokument gekry het nie, en dus die rede waarom hy/sy nog onder verbond is. M.a.w., wat diesulkes meen, is dat wanneer iemand 'n "skeibrief" spesifiek (ook) kry, hy/sy dan nie meer onder die verbond van daardie huwelik is nie. DIT IS EGTER NIE WAT DIE SKRIF LEER NIE!, WANT LEES ONS BV. BG. VERSE IN KONTEKS, IS DIT DUIDELIK DAT DIE SKEIBRIEF BLOOT 'N BEWYS IS VAN DIE LANGTERMYN SKEIDING (want soos wegstoting of verstoting gesien moet word). OM VAN MEKAAR TE ONTTREK" IS EGTER IETS ANDERS..., EN TERLOOPS KORTTERMYN! (nie soos wanneer 'n skeibrief gegee word nie) - ONTTREKKING VAN MEKAAR VIR 'N TYD IS NIE DIESELFDE AS EGSKEIDING NIE; NIE OMDAT DIE VERBOND IN EEN GEVAL GEBREEK IS EN IN DIE ANDER NIE, NEE, MAAR OMDAT DIT BLOOT VERWYS NA OF DIT KORTTERMYN OF LANGTERMYN IS. Bv., kom ons lees die Deut. skrif in konteks...: (Deut. 24:1-4 - "As ‘n man ‘n vrou neem en met haar trou, en as sy dan geen guns in sy oë vind nie, omdat hy iets skandeliks aan haar ontdek het, en hy haar ‘n skeibrief skrywe en in haar hand gee en haar uit sy huis wegstuur, en sy uit sy huis uittrek en weggaan en ‘n ander man s’n word, en dié laaste man haar haat en haar ‘n skeibrief skrywe en in haar hand gee en haar uit sy huis wegstuur, of as dié laaste man sterwe wat haar vir hom as vrou geneem het— dan mag haar eerste man wat haar weggestuur het, haar nie weer neem, dat sy sy vrou word nadat sy onrein geword het nie; want dit is ‘n gruwel voor die aangesig van die HERE, en jy mag op die land wat die HERE jou God jou as erfenis sal gee, geen skuld laai nie"). As die skeibrief (wat sy ontvang het toe sy weggestuur is) beteken dat sy vry is om weer te trou (soos sommige beweer), hoekom het sy dan onrein geword toe sy hertrou? (l.w. dat daar 2 verskillende gevalle genoem word, waarvan een is dat sy 'n weduwee is - weduwees mag weer trou!, so hoekom word sy gesien as 'n onreine?). Hierdie is 'n bewys dat 'n skeibrief nie die huweliksverbond verbreek nie... 'n Skeibrief is bloot 'n geskrewe dokument wat bewys dat hulle skei (nl. vir langtermyn!, maar dit breek nie die huweliksverbond nie) - dit is waarom Jesus geleer het dat die man wat skei en hertrou (behalwe in geval van hoerery), egbreuk pleeg (WANT DIE SKEIBRIEF BREEK NIE DIE EG NIE, maar is bloot 'n bewys van die egskeiding).(Mat 5:31) Daar is ook gesê: Elkeen wat van sy vrou skei, moet haar ‘n skeibrief gee.

(Mat 5:32) Maar Ek sê vir julle dat elkeen wat van sy vrou skei, behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk. -Egbreuk kan slegs gebeur waar daar nog 'n "eg" is! As die persoon wat dan nou die geskeide trou egbreuk pleeg, dan beteken dit dat die geskeide eintlik nog "in eg" is... Dit is duidelik dat egskeiding nie die eg verbreek nie, want wat God saamgevoeg het, kan geen mens skei nie! (Matt. 19:4-6) . Rom. 7:2,3 leer dat 'n vrou aan haar man gebonde is solank hy lewe! 'n Ander voorbeeld is die van Matt. 19 (lees Matt. 19:3-12) - hierdie gedeelte word ook somtyds gebruik om aan te voer dat Jesus bloot hier verwys het na iemand wat onttrek, nie 'n skeibrief ontvang het nie, maar lees ons die gedeelte in konteks, word dit gou duidelik dat die dissipels Jesus se woorde verskillend verstaan het, bv. kyk die opmerking wat hulle maak...: (Mat 19:10 - "Sy dissipels sê vir Hom: As die saak van ‘n man met ‘n vrou so is, dan is dit nie wenslik om te trou nie"). Hoekom sal hulle so 'n opmerking maak as dit so eenvoudig is om los te kom van die verbond deur bloot 'n skeibrief te skryf (soos sommige beweer)? Nee, dit is duidelik dat hulle verstaan het wat Jesus bedoel - hulle het verstaan dat 'n skeibrief nie die huweliksbond breek nie, en dit is waarom hulle ontsteld was!

Daar kan miskien ook ingekyk word op die woord "verlaat"... (Mark. 10:29,30 - "En Jesus antwoord en sê: Voorwaar Ek sê vir julle, daar is niemand wat huis of broers of susters of vader of moeder of vrou of kinders of grond ter wille van My en van die evangelie verlaat het nie, of hy ontvang nou in hierdie tyd honderd maal soveel: huise en broers en susters en moeders en kinders en grond, saam met vervolginge, en in die eeu wat kom, die ewige lewe"), wat in hierdie geval nie verwys na iemand wat "weggestoot" word nie, maar iemand wat self besluit om te gaan (vgl. met Luk. 5:11,28; Matt. 19:22-29; 1 Kon. 19:19-21)(Luk. 9:59)(l.w. dat die skrif leer nie dat so iemand kan hertrou en kinders by 'n ander kan hê nie, maar v. 30 verwys na geestelike kinders, moeders, broers, ens.). Die woord VERLAAT kan vgl. word met iemand wat "skei van" (iemand of van iets wat hulle doen), wat NIE BETEKEN dat hulle geen bond meer het met die vorige het nie!, nl. die vb. wat Jesus gebruik van hoe geseend die is wat huis of broers of susters of vader of moeder of vrou of kinders verlaat... ter wille van Hom, is nie 'n vb van egskeiding (of hertrou) nie, maar 'n vb. van hoe ons DIE HERE MOET VOLG en DIE KONINKRYK VAN GOD EERSTE MOET SOEK. Kyk bv. Luk. 5:28,29 - Levi het sy huis verlaat om Jesus te volg, maar het by "sy huis" vir hulle 'n feesmaal gehou...

_________________________________________________________________________________

Besprekingpunte rondom egskeiding:

Geen mens mag SKEI wat God saamgevoeg het nie... (Mark. 10:7-9 - "Om hierdie rede sal die man sy vader en moeder verlaat en sy vrou aankleef, en hulle twee sal een vlees word, sodat hulle nie meer twee is nie, maar een vlees.Wat God dan saamgevoeg het, mag geen mens skei nie"). 'n Huwelik waar twee mense een word, moet gesien word as iets wat deur God saamgevoeg is (hulle word EEN / Mark. 10:8). Die vraag is nou of alle huwelike gesien kan word as "deur God saamgevoeg"? Hierdie is 'n ander belangrike punt wanneer dit kom by die tema van skei... Ten minste wat kinders van die Here aanbetref maak hulle 'n belofte voor die Here en dit is beslis dan 'n huwelik wat deur God saamgevoeg is, maar daar is huwelike wat "onwettig" (teen die Here se wet) plaasvind - noodwendig is daardie persone nie "deur die Here saamgevoeg nie" (om hierdie rede word dit in sommige kerke nie eens gesien as "skei" as twee sulke mense skei nie, want hulle was in die eerste plek in 'n onwettige huwelik, nl. in 'n ongeoorloofde vorm van gemeenskap (die feit dat die wereld hulle toegelaat het om te trou, beteken dus nie dat hulle in die Here se boeke "getroud" was nie). Die probleem is nou wanneer hierdie feit op verkeerde situasies toegepas word, en dit is dus belangrik dat elkeen se kerk 'n sê het hierin. ELKE SITUASIE IS ANDERS EN WORD ANDERS HANTEER (ons moet versigtig wees om te oordeel; dit gesê, moet ons nie stilbly oor die waarheid omdat ons nie wil oordeel nie, daar moet gekyk word na wat toelaatbaar is in 'n situasie, en wat nie). Wat wel seker is van huwelike wat voor die Here gedoen is is dat geen mens daardie huwelik mag skei nie (want dit is deur God saamgevoeg); in ander woorde, in daardie geval beteken 'n skeibrief wat deur mense opgestel is nie dat die persoon deur die Here ook geskei is nie!

Die Skrif leer bv. dat 'n vrou aan die wet van haar man verbind is solank hy lewe... (Rom. 7:2)(al sou sy ook van hom skei, is sy nie heeltemal los nie, tensy hy doodgaan) - dit is sekerlik waarom geskeide Christen-vrouens in die eerste gemeentes beveel is om nie weer te trou nie en weer met hulle mans te probeer verenig (waar moontlik is), want die rede vir skei moet nooit wees om geheel te breek nie, bloot om self te beskerm of om die ander party die geleentheid te gee om reg te maak. Dit is ook waarom kerke gewoonlik gelowige geskeides toelaat om weer te trou (kyk ook die vb. in Esra 10), want hoe weet jy of jy die ongelowige kan red? (1Kor. 7:10-16 - "En aan die getroudes beveel ek—nie ek nie, maar die Here—dat die vrou nie van die man moet skei nie; en as sy tog van hom skei, moet sy ongetroud bly, of haar met haar man versoen; en dat die man sy vrou nie moet verstoot nie. Maar vir die ander sê ek—nie die Here nie—as enige broeder ‘n ongelowige vrou het en sy dit goedvind om met hom saam te lewe, moet hy haar nie verstoot nie; en as ‘n vrou ‘n ongelowige man het, en hy dit goedvind om met haar saam te lewe, moet sy hom nie verstoot nie. Want die ongelowige man is geheilig deur die vrou, en die ongelowige vrou is geheilig deur die man; want anders sou julle kinders onrein wees, maar nou is hulle heilig. Maar as die ongelowige wil skei, laat hom skei. In sulke gevalle is die broeder of suster nie gebonde nie. Maar God het ons tot vrede geroep. Want hoe weet jy, vrou, of jy die man sal red; of hoe weet jy, man, of jy die vrou sal red?"). Dat daar uitsonderings mag wees op "hertrou" vir geskeides, is beslis so (soos die uitsondering wat Jesus gee in Matt. 5:31,32 - "Daar is ook gesê: Elkeen wat van sy vrou skei, moet haar ‘n skeibrief gee. Maar Ek sê vir julle dat elkeen wat van sy vrou skei, behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk"), maar let ook daarop dat dit gerig was aan mans, nie vrouens nie... (want na regte is die "vrou aan die man verbind en behoort aan hom" - dit is egter 'n debateerbare punt, want duidelik behoort hulle altwee ook aan mekaar).

Jesus het geleer dat geskeides wat weer trou, egbreuk pleeg! (vir 'n studie oor "egbreuk" en "owerspel", gaan na: https://warechristene.blogspot.com/2018/06/owerspel-egbreuk.html) - hoe kan 'n "geskeide" egbreuk pleeg as hy nie meer in eg is nie? - duidelik is Jesus se siening van egskeiding anders as ons siening, of ten minste moet ons dit verstaan in konteks van "dit wat Hy saamgevoeg het" (Mark. 10:11,13 - "En Hy sê vir hulle: Elkeen wat van sy vrou skei en ‘n ander een trou, pleeg egbreuk teen haar; en as ‘n vrou van haar man skei en met ‘n ander een trou, pleeg sy egbreuk"). Waar egskeiding toegelaat word, is dit bedoel dat nie een van die twee hertrou nie, maar dat hulle liewer probeer verenig waar moontlik. Die gevalle van waar een hoereer, of waar 'n ongelowige van 'n gelowige skei, is egter anders... - in sulke gevalle kan die onskuldige (of gelowige party in die ander geval) skei met die idee dat hulle weer kan trou (maar natuurlik is daar ook weer reels rondom hertrou in hulle geval).

--------------------------------------------------------------------------------------------------------------

Wanneer word (eg)skeiding toegelaat?

Dit is nie goed vir paartjie om geskei/verwyder te wees van mekaar nie, en dit is sekerlik een van die redes waarom God egskeiding haat. "Onttrekking" wat korttermyn is, is liewer ideaal as hulle dan voel dat dit nodig is (en dan moet hulle ooreenstem), maar egskeiding is nie goed nie veral omdat hulle versoek kan word wanneer hulle van mekaar af weg is! Die waarheid is dat geskeides eintlik nog onder verbond is en dus nie 'n ander verhouding (met iemand anders) kan begin nie. As hulle lank van mekaar af weg is, kan hulle versoek word, wat kan omsit in hoerery of egbreuk:

(1Kor. 7:2) Maar vanweë die hoererye moet elke man sy eie vrou hê, en elke vrou moet haar eie man hê.

(1Kor. 7:3) Die man moet aan die vrou die verskuldigde welwillendheid bewys, en net so ook die vrou aan die man.

(1Kor. 7:4) Die vrou het nie mag oor haar eie liggaam nie, maar die man; en net so ook het die man nie mag oor sy eie liggaam nie, maar die vrou.

(1Kor. 7:5) Onttrek julle nie aan mekaar nie, behalwe met wedersydse ooreenstemming vir ‘n tyd lank om julle aan vas en gebed te kan wy; en kom weer bymekaar, sodat die Satan julle nie in versoeking bring deur julle gebrek aan selfbeheersing nie.

Wanneer word egskeiding/weggaan van mekaar langtermyn (maw, met skeibrief) toegelaat? DIE KERK HET DIE MAG OM TE OORDEEL WANNEER DIT IEMAND GEOORLOOF IS OM "TE SKEI", MAAR NOOIT MAG DIT IN STRYD WEES MET DIE HERE SE OPDRAGTE NIE. Getroudes kan bv. nie net eevoudig besluit dat hulle nie meer van mekaar hou of dat dit nie uitwerk nie..., en dit gese verwys ons spesifiek hier na gelowiges wat voor die Here saamgevoeg is. Die Here neem ede baie ernstig op. Die kerk het wel die mag om te oordeel in spes. situasies, nl. om te oordeel wanneer dit vir 2 gelowiges geoorloof is om te skei... (bv. soos in gevalle waar Hy nie 'n spesifieke opdrag daaroor gegee het nie, net soos Moses 'n skeibrief toegelaat het weens die verhardheid van hulle harte)(Matt. 19:8). In die geval waar 'n gelowige met 'n ongelowige getroud is, het Paulus nie die gelowige toegelaat om te skei nie, behalwe waar die ongelowige wil skei (wat ook nie noodwendig die Here se opdrag was nie). Die kerk word deur Jesus Christus, deur Sy Gees, gelei, maar natuurlik beteken dit ook dat ons Sy woorde wat Hy alreeds oor die onderwerp geleer het, ernstig moet opneem. Nietemin, Jesus het vir Sy kerk die mag gegee om te "bind en ontbind", en vergewe of nie vergewe, maar dit mag nooit in stryd wees met Sy opdragte nie (http://warechristene.blogspot.co.nz/2014/03/wat-julle-op-die-aarde-bind-sal-in-die.html). (Mat 9:13 - "Maar gaan leer wat dit beteken: Ek wil barmhartigheid hê en nie offerande nie....."). IN DAARDIE SIN IS DIE BLOTE ONDERHOUDING VAN DIE WET SELF NIE BELANGRIKER AS BARMHARTIGHEID NIE; inteendeel, barmhartigheid/liefde vervul daardie wet.

Die kerk kan bv. 'n paartjie toelaat om te skei a.g.v. familie geweld, of waar kinders gemolesteer word, hardheid van hart, of waar een van die twee hoereer, ens., maar het bv. nie die mag om 'n geskeide toe te laat om weer te trou nie (behalwe in die geval waar die Skrif dit toelaat, soos die geval waar een hoereer - nl. die enigste geval wat Jesus self spesifiek op die naam genoem het waarom 'n man en vrou mag skei en weer trou, is a.g.v. "hoerery"... (Matt. 19:9).

-----------------------------------------------------------------------------------------------------------------------------------------------

Algemene reels rondom egskeiding:

- Wat beteken egskeiding? Soos bo gesien is die Skrif se definisie van egskeiding baie anders as die wereld s'n, en dit behels natuurlik huwelike wat deur die Here saamgevoeg is. Egskeiding beteken NIE dat jy weer mag trou nie (veral bedoel in die geval waar gelowige getroudes skei), behalwe wanneer die "huweliksmaat" sterwe (Rom. 7:2). Dit beteken dat 'n geskeide hom of haarself steeds moet sien asof getroud, behalwe dat hulle nie meer saamwoon nie... 'n Goeie vb. is die van Herodus... - dit was bv. verkeerd van Herodes om met sy broer se vrou getroud te wees (al was sy ook geskei van haar man!, want eintlik was sy dan nog verbind aan haar eerste man) - solank haar eerste man nog in die lewe was, mag sy nie hertrou nie (want dan pleeg sy egbreuk; asook pleeg die een wat met 'n geskeide trou, egbreuk / Matt. 19:9). Vgl. dit gerus met Deut. 24:1-5; as 'n man van sy vrou skei en sy weer trou, maak dit haar onrein - hoekom?, want 'n Skeibrief verbreek nie die huweliksbond tussen 'n man en vrou nie (want, "wat God dan saamgevoeg het, mag geen mens skei nie" -Mark. 10:9).

Daarom mag iemand ook nie 'n geskeide man of vrou trou nie (Matt. 9:9; 5:32) - die persoon wat 'n geskeide trou, PLEEG EGBREUK (jy kan slegs egbreuk pleeg as die persoon nog in eg is!). So dit is duidelik dat die skeibrief nie die verbond tot niet maak nie...

- Wanneer word egskeiding nie gesien as egskeiding nie? Egskeiding kan slegs plaasvind waar twee mense in eg is, wat verder veral verwys na "deur die Here saamgevoeg". Twee ongelowiges (onreines) word bv. nie gesien as "deur die Here saamgevoeg" nie. In ander woorde, wanneer twee mense getroud is maar nie voor die Here nie, val hulle nie onder die kinders vd Koninkryk se reels nie. In hierdie pos kyk ons spesifiek na GELOWIGE HUWELIKSPAARTJIES (hetsy beide gelowig, of een gelowig en een nie). Waar twee gelowiges egter in 'n huwelik tree wat 'n verbode vorm van vleeslike gemeenskap is (bv. 'n man met die vrou van sy pa), dan word "egskeiding" in daardie geval nie gesien soos egskeiding nie, want in die eerste plek was hulle "huwelik" nie regtig 'n huwelik nie! Onwettige vorme van gemeenskap

kan nie in 'n huwelik gesien word as "deur die Here saamgevoeg" nie. Ook in die geval waar 'n gelowige geskeide weer trou, pleeg hy/sy egbreuk (dit is ook nie 'n wettige verbintenis nie, en kan skaars gesien word as 'n huwelik, want die geskeide is nog in eg). 'n Goeie vb. is die van Herodias (Matt. 14:3,4 - "Want Herodes het Johannes gevang, hom geboei en in die gevangenis gesit vanweë Heródias, die vrou van Filippus, sy broer. Want Johannes het vir hom gesê: Dit is u nie geoorloof om haar te hê nie")(Lev. 18:16; 20:21). Selfs al sou Herodias geskei wees en met Herodus trou, is so 'n huwelik verbode (dan pleeg hulle egbreuk, omdat sy as geskeide eintlik nog onder verbond is met Filippus). Kyk ook die vb in 1 Kor. 5: (1 Kor. 5:1,2 - "‘n Mens hoor waarlik van hoerery onder julle, en hoerery van so ‘n aard as wat selfs onder die heidene nie bekend is nie: dat iemand die vrou van sy vader het. En tog is julle opgeblase in plaas dat julle liewer getreur het, sodat hy wat hierdie daad gedoen het, kan verwyder word onder julle uit"). Enige "paartjie" wat in 'n onwettige vorm van vleeslike gemeenskap is en getroud, is nie werklik getroud nie..., en egskeiding in so 'n geval kan skaars gesien word as egskeiding, want hulle is in die eerste plek nie deur die Here saamgevoeg nie.

- Die huwelik moet in alle opsigte rein wees: (Heb 13:4 - "Laat die huwelik in alle opsigte eerbaar wees en die bed onbesmet; want God sal hoereerders en egbrekers oordeel"). Hoekom is egbreuk so 'n groot probleem? - is omdat hoereerders en egbrekers GEOORDEEL sal word. Jy het reg gehoor..., en LET WEL DAT HIERDIE GESKRYF WAS AAN CHRISTENE! - ja, Christene wat hoereer en egbreuk pleeg sal geoordeel word! (tensy hulle die sonde bely en vergifnis kry, maar let op die woorde - "gaan en sondig nie meer nie"). Die skrif maak dit duidelik dat "GEEN HOEREERDER EN GEEN EGBREKER" SAL INGAAN IN DIE KONINKRYK VAN GOD NIE... GESKEIDES WAT WEER TROU WORD GESIEN SOOS EGBREKERS... (Luk. 16:18); in ander woorde, 'n geskeide moet hom haarself sien asof hulle steeds in die huwelik is, tog bly hulle nie bymekaar nie (sondes soos hoerery en egbreuk het te doen met sonde teen die eie liggaam..., asook sonde teen naaste...). Gelowiges wat hulleself besig hou met "sonde tot die dood", het nie 'n hoop op die opstanding tot lewe nie (TENSY HULLE HUL DAARVAN BEKEER). http://warechristene.blogspot.co.nz/2014/02/wat-is-die-sonde-tot-die-dood.html .

- Is daar vergifnis vir die een wat egbreuk gepleeg het? Natuurlik is daar vergifnis vir die wat hulle sonde bely! In Joh 8:3-11 het die skrifgeleerdes en die Fariseërs ‘n vrou wat in egbreuk betrap was, na gebring sodat sy gestenig kan word... Jesus het haar egter nie veroordeel nie, maar vergewel MAAR LET OP SY WOORDE AAN HAAR: (Joh 8:10,11 - "En toe Jesus Hom oprig en niemand sien behalwe die vrou nie, sê Hy vir haar: Vrou, waar is daardie beskuldigers van jou? Het niemand jou veroordeel nie? En sy antwoord: Niemand nie, Here. En Jesus sê vir haar: Ek veroordeel jou ook nie. Gaan heen en sondig nie meer nie"). In 'n geval waar 'n maat hoereer het iemand die reg om van daardie maat te SKEI (Matt. 9:9), maar dit is natuurlik altyd die Here se wil dat ons ook vergewe soos Hy vergewe... (dit is nou as iemand berou het). (Matt. 19:9 - "Maar Ek sê vir julle, elkeen wat van sy vrou skei, behalwe oor hoerery, en ‘n ander een trou, pleeg egbreuk; en die wat die geskeie vrou trou, pleeg egbreuk"). Baie kerke interpreteer hierdie as 'n uitsonderlike geval waar 'n geskeide weer kan trou... Ons moet die vraag wanneer dit gesien word as "egbreuk"?; dus, as iemand egbreuk pleeg teen jou, dan kan jy skei en jy kan weer trou (?)(en dit geld sekerlik ook in die geval waar 'n geskeide weer trou... - dan kan die ander partner ook weer troue) - hierdie is baie kerke se siening hieroor.

-----------------------------------------------------------------------------------------------------------------------------

Ware Christene

Pages

Saterdag 06 Junie 2026

Egbreuk / owerspel

Vrydag 29 Desember 2023

Gruwels

Sondag 14 Desember 2014

Trou, Skei en Hertrou (4)(hertrou)

Trou, Skei en Hertrou (3)(egskeiding)

Get new posts by email: