Egbreuk / owerspel

In hierdie pos kyk ons na die onderwerp "egbreuk" (en kyk ook in op waarna "owerspel" verwys).

------------------------------------------------------------------------------------------------------------------------------

Gewoonlik word die woorde egbreek en egbreuk onderskeidelik as volg verduidelik, nl. dat egbreek  of egbreuk gesien word as vleeslike gemeenskap tussen twee mense wat nie met mekaar getroud is nie - beide gewillig, en een is reeds getroud met iemand anders.  Dit is 'n goeie beskrywing, maar nie al waarna egbreuk verwys nie... In Matt. 19:9 verwys Jesus na iemand wat egbreuk pleeg as iemand wat "skei en hertrou" (en tereg, want 'n skeibrief breek nie dit wat God saamgevoeg het nie).  Op 'n ander geleentheid het Jesus daarna verwys as 'n slegte/vleeslike gedagte waar iemand na 'n getroude "kyk om haar te begeer" (Matt. 5:27-30; 15:18,19);  egbreuk verwys m.a.w. nie net na die vleeslike daad nie, maar iemand kan egbreuk in sy hart pleeg (wat jou terloops onrein maak...). 

'n Egbreker word gesien as 'n ONREINE (https://warechristenedagstukkies.blogspot.com/2020/01/onderskei-tussen-wat-is-rein-en-wat-is_28.html). Hetsy dit as "egbreek" of "egbreuk" in die Afrikaans vertaal is, dieselfde woord word in die Grieks gebruik (en is die engelse woord "adultery"). Kyk as vb. Matt. 5:27 en 28.  In v. 27 word die woord "egbreek" gebruik, maar in v. 28 word die woord "egbreuk" gebruik, tog in die Grieks word dieselfde woord gebruik (G3431 - "commit adultery").  

Rol ook af vir 'n opsomming oor "owerspel" (Lev. 20:10).

________________________________________________________________________________

EGBREEK / EGBREUK:

Die woord "egbreek" is die Hebr. woord "naw-af'", wat verwys na 'n vrou wat die huwelik breek deur te hoereer  (of die Gr. woord moy-khyoo'-o / Matt. 5:27,28). Jesus het geleer dat selfs wanneer 'n man kyk na 'n vrou om haar te begeer..., hy reeds in sy hart met haar egbreek gepleeg het (Matt. 5:27-30 - "Julle het gehoor dat aan die mense van die ou tyd gesê is: Jy mag nie egbreek nie. Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het. As jou regteroog jou dan laat struikel, ruk dit uit en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie.  En as jou regterhand jou laat struikel, kap dit af en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie"). Slegte gedagtes soos egbreuk maak die mens ONREIN (Matt. 15:18,19; Mark. 7:21-23). Naasteliefde is belangrik as jy die gebod van God wil hou, en egbreek is nie naasteliefde nie! (Rom. 13:9).  "Ons mag nie egbreek pleeg nie" - in die N.T. is die wet van die Here ook belangrik, nl. ons is ook "onder 'n wet"! (nl. die wet van Jesus Christus en die Heilige Gees), en dit word van gelowiges verwag "om nie die wet te breek nie" (Jak. 2:11). Christene moenie hulle vryheid gebruik "om te sondig" nie. Egbreek is 'n ernstige sonde wat tot nietigheid lei;  en dus, daar word van Christene verwag om nie aan te hou sondig nie... (Joh. 8:11).  Die wat hulle nie bekeer nie, moet egter nie verwag dat hulle die tweede dood gaan vryspring nie (Ef. 5:5,6  - "Want dit moet julle weet dat geen hoereerder of onreine of gierigaard, wat ‘n afgodedienaar is, ‘n erfdeel het in die koninkryk van Christus en van God nie. Laat niemand julle met ydel woorde verlei nie, want daardeur kom die toorn van God oor die kinders van die ongehoorsaamheid").

Kom ons bestudeer 'n paar skrifte oor die onderwerp "egbreuk" (/owerspel):

- (Lev 18:20)  En jy mag geen vleeslike gemeenskap met jou naaste se vrou hê om jou met haar te verontreinig nie.   - as 'n man vleeslike gemeenskap het met iemand anders se vrou, dan word hy daardeur ONREIN.

-  (Jak. 4:4)  Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God.  - egbrekers word hier vgl. met die wat die wêreld kies bo God (kyk gerus ook hoe die wat afgode aanbid, geestelik gesien word as hoereerders...).

-  (Spr. 6:32)  Hy wat owerspel pleeg, is sonder verstand; hy wat sy eie lewe wil verwoes, hy doen so iets; - die pad van owerspel is 'n PAD VAN SELF-VERWOESTING.

-  (Gal 5:19)  En die werke van die vlees is openbaar, naamlik owerspel, hoerery, onreinheid, ongebondenheid; - owerspel en hoerery is WERKE VAN DIE VLEES (die wat stap in die werke vd vlees sonder om hulle daarvan te bekeer, is besig met "sonde tot die dood").

- Kom ons kyk ook na 'n vb. in Deut. 22:20,21(waar 'n dogter nie maagedelik rein was met haar huwelik nie, en die man dit agterkom nadat hulle getroud is = ONREIN):

-(Deu 22:20)  Maar as hierdie woord waarheid is: Die maagdom is aan die dogter nie gevind nie—

-(Deu 22:21)  dan moet hulle die dogter na die deur van haar vader se huis uitbring, en die manne van haar stad moet haar stenig, dat sy sterwe, omdat sy ‘n skanddaad in Israel begaan het deur in die huis van haar vader te hoereer. So moet jy dan die kwaad uit jou midde uitroei. (in die O.T. is die met bloedskuld gedood). Christus het egter vir alles sondes betaal, ook vir sondes wat bloedskuld veroorsaak (http://warechristene.blogspot.co.nz/2014/01/bloedskuld-1.html)(daar is slegs een onvergeeflike sonde in die N.T., nl. lastering teen die Heilige Gees). Alhoewel die persoon met bloedskuld in die O.T. met sy eie bloed moes betaal, is bloedskuld 'n vergeeflike sonde in die N.T. omdat Christus in ons plek met Sy bloed betaal het.  Daar is dus 'n kans vir vergifnis sou iemand berou en dit neerle.  Verder het Christus ook vir ons geleer dat ons ook so moet vergewe (Mark. 11:26; Matt. 18:21,22)(Luk. 15:30).  Die wat egter as Christene bekendstaan maar hoereer sonder om hulle te bekeer, moet anders hanteer word (soos ons in bg. voorbeelde gesien, nie om iemand te veroordeel nie, maar skaam te maak)(http://warechristene.blogspot.co.nz/2014/08/soos-ons-ook-ander-vergewe-3.html).

NOG SKRIFTE:

Exo_20:14  Jy mag nie egbreek (Hebr. woord "naw-af'", wat verwys na 'n vrou wat die huwelik breek deur te hoereer) nie.

Deu_5:18  En jy mag nie egbreek nie.
Mat_5:27  Julle het gehoor dat aan die mense van die ou tyd gesê is: Jy mag nie egbreek nie.
Mat_19:18  Hy vra Hom: Watter? En Jesus sê—dit: Jy mag nie doodslaan nie, jy mag nie egbreek nie, jy mag nie steel nie, jy mag geen valse getuienis gee nie;
Mar_10:19  Jy ken die gebooie: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag niemand te kort doen nie; eer jou vader en jou moeder.
Luk_18:20  Jy ken die gebooie: Jy mag nie egbreek nie; jy mag nie doodslaan nie; jy mag nie steel nie; jy mag geen valse getuienis gee nie; eer jou vader en jou moeder.
Rom_13:9  Want dít: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag nie begeer nie, en watter ander gebod ook al, word in hierdie woord saamgevat: Jy moet jou naaste liefhê soos jouself.
Jas_2:11  Want Hy wat gesê het: Jy mag nie egbreek nie, het ook gesê: Jy mag nie doodslaan nie. As jy nou nie egbreek nie, maar doodslaan, het jy ‘n oortreder van die wet geword.
Mat_5:28  Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het.
Mat_5:32  Maar Ek sê vir julle dat elkeen wat van sy vrou skei, behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk.
Mat_15:19  Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal.
Mat_19:9  Maar Ek sê vir julle, elkeen wat van sy vrou skei, behalwe oor hoerery, en ‘n ander een trou, pleeg egbreuk; en die wat die geskeie vrou trou, pleeg egbreuk.
Mar_7:21  Want van binne, uit die hart van die mense, kom die slegte gedagtes, egbreuk, hoerery, moord,
Mar_10:11  En Hy sê vir hulle: Elkeen wat van sy vrou skei en ‘n ander een trou, pleeg egbreuk teen haar;
Mar_10:12  en as ‘n vrou van haar man skei en met ‘n ander een trou, pleeg sy egbreuk.
Luk_16:18  Elkeen wat van sy vrou skei en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk.
Joh_8:3  En die skrifgeleerdes en die Fariseërs het ‘n vrou wat in egbreuk betrap was, na Hom gebring.
Joh_8:4  En toe hulle haar tussen hulle in laat staan het, sê hulle vir Hom: Meester, hierdie vrou is op ‘n daad van egbreuk betrap;

_________________________________________________________________________________

OWERSPEL:

In Gal. 5:19 word owerspel beskryf as 'n werk van die vlees... (werke wat op nietigheid uitloop), en daarom is Christene wat owerspel pleeg en hulle nie daarvan bekeer en vergifnis ontvang nie, se saligheid in gevaar. Owerspel is tipies 'n daad van vleeslike gemeenskap "tussen 'n man en vrou, waarvan een getroud is met 'n ander" (in die Ou Testament was diesulkes doodgemaak - bloedskuld kan slegs betaal word met bloed)(Lev. 20:10); (in die N.T. is daar vergifnis in Christus, maar Hy verwag dat diesulkes "geen heen en sondig nie meer nie"/ Joh. 8:11). Party glo dat "om in die huwelik te tree" met die een saam met wie jy owerspel pleeg, die sonde regmaak, maar die waarheid is dat in so 'n geval hulle ook egbreuk pleeg! (dit fix nie die sonde nie, maar maak dit meer).

Nog skrifte oor owerspel: 

Spr. 6:32  Hy wat owerspel pleeg, is sonder verstand; hy wat sy eie lewe wil verwoes, hy doen so iets;

Spr. 30:20  So is die weg van ‘n vrou wat owerspel bedryf; sy eet en vee haar mond af en sê: Ek het geen sonde gedoen nie.

Jer_3:8  En Ek het gesien toe Ek uit oorsaak van die owerspel van die afkerige, Israel, haar verstoot en haar haar skeibrief gegee het, dat die ontroue, haar suster Juda, nie bevrees was nie, maar gegaan en ook self gehoereer het.

Jer_3:9  En vanweë haar ligsinnige hoerery het sy die land ontheilig, ja, sy het owerspel bedrywe met klip en hout.

Jer_5:7  Waarom sou Ek jou vergewe? Jou kinders het My verlaat en gesweer by die wat geen god is nie. En toe Ek hulle versadig het, het hulle owerspel bedrywe en by hope versamel in die hoerhuis.

Jer_7:9  Sal julle steel, doodslaan en owerspel bedrywe en vals sweer en vir Baäl offerrook laat opgaan en agter ander gode aan loop, wat julle nie ken nie,

Jer_13:27  Jou owerspel en jou gerunnik, jou skandelike hoerery—op die heuwels in die veld het Ek jou verfoeisels gesien. Wee jou, Jerusalem! Hoe lank sal dit nog duur voordat jy rein word?

Jer_23:14  maar by die profete van Jerusalem het Ek gesien wat afskuwelik is: hulle bedryf owerspel en gaan om met leuens, en hulle versterk die hande van die kwaaddoeners, sodat hulle hul nie bekeer elkeen van sy boosheid nie. Hulle het almal vir My geword soos Sodom, en sy inwoners soos Gomorra.

Jer_29:23  omdat hulle ‘n skanddaad in Israel begaan het en owerspel met die vroue van hulle naaste bedryf het en ‘n leuenwoord in my Naam gespreek het, wat Ek hulle nie beveel het nie; en Ek is die Een wat weet en getuie is, spreek die HERE.

Ezk_16:32  o Die vrou wat owerspel bedrywe! Terwyl sy onder haar man staan, het sy vreemdes aangeneem.

Ezk_16:38  En Ek sal jou oordeel volgens die verordeninge van vroue wat owerspel bedrywe en bloed vergiet, en sal jou oorgee aan die bloedige dood van grimmigheid en naywer.

Ezk_23:37  Want hulle het owerspel begaan, en daar is bloed aan hulle hande: met hul drekgode het hulle owerspel begaan en ook hul seuns wat hulle vir My gebaar het, as spys vir hulle deur die vuur laat deurgaan.

Ezk_23:43  Toe sê Ek: Bedryf die verwelkte nog owerspel? Nou sal haar hoererye self hoerery gaan bedrywe.

Hos_1:2  Die begin van wat die HERE met Hoséa gespreek het; die HERE het aan Hoséa gesê: Gaan heen, neem vir jou ‘n hoervrou en hoerkinders; want die land het grootliks owerspel bedrywe deur van die HERE afvallig te word.

Hos_2:1  Twis met julle moeder, twis; want sy is nie my vrou nie, en Ek is nie haar man nie, en laat sy haar hoerery van haar aangesig verwyder en haar owerspel van haar borste af weg.

Hos_3:1  En die HERE het vir my gesê: Gaan nog ‘n keer, bemin ‘n vrou wat bemin word deur haar vriend, maar wat owerspel bedrywe, net soos die HERE die kinders van Israel bemin, terwyl hulle hul tot ander gode wend en versot is op rosynekoeke.

Hos_4:2  Hulle sweer en lieg en moor en steel en pleeg owerspel; hulle breek in, sodat bloedbad aan bloedbad raak.

Hos_4:13  Hulle offer op die bergtoppe en laat rook opgaan op die heuwels, onder die eike en populiere en terpentynbome, omdat die skaduwee daar goed is. Daarom pleeg julle dogters hoerery, en julle skoondogters bedryf owerspel.

Hos_4:14  Ek sal oor julle dogters geen besoeking doen omdat hulle hoereer nie, en ook nie oor julle skoondogters omdat hulle owerspel bedryf nie; want die manne sonder hulleself af met die hoere en offer met die tempelhoere. So kom dan die volk wat geen verstand het nie, tot ‘n val.

Hos_5:3  Ek ken Efraim, en Israel is vir My nie verborge nie; want nou het jy owerspel bedrywe, o Efraim! Israel is verontreinig.

Rom_2:22  Jy wat sê dat ‘n mens nie owerspel mag pleeg nie, pleeg jy owerspel? Jy wat ‘n afsku van die afgode het, pleeg jy tempelroof?

Gal_5:19  En die werke van die vlees is openbaar, naamlik owerspel, hoerery, onreinheid, ongebondenheid;

2Pe_2:14  met oë vol van owerspel, wat nie ophou om te sondig nie; hulle verlok onvaste siele, hulle het ‘n hart geoefen in hebsug, hulle is kinders van die vervloeking.

Rev_2:22  Kyk, Ek werp haar neer op ‘n siekbed, en die wat met haar owerspel bedryf, in ‘n groot verdrukking, as hulle hul nie van hul werke bekeer nie.

------------------------------------------------------------------------------------------------------------------------------

Orde en Wet

 In hierdie pos kyk ons na die betekenis van die begrippe "orde" en "wet" in die Skrif.

----------------------------------------------------------------------------------------------------------------------------ORDE EN WET:

Geleerdes deel die Bybel op in verskillende bedelings, en elke bedeling kan o.a. beskryf word deur ORDE (regering/priesterskap en dienaars) en WET (legislasie/wetorde). 

- Die woord "ORDE" verwys veral na priesterskap (Hebr. 7:11) (Gr. woord "tax'-is", wat verwys na 'n offisiele orde wat rank of karakter aanbetref)(Hebr. 6:20);  kyk bv., die "orde van Aäron".../Hebr. 7:11, wat beteken dat in daardie "orde" (priesterskap) was Aäron die hoëpriester. Wat die tema van PRIESTERSKAP aanbetref, bestudeer gerus die verband tussen "eersgeborenes" en priesters (https://warechristene.blogspot.com/2015/04/eersgeborenes-en-eerstelingepriesters.html) - as ons verstaan die verband tussen "eersgeborenes" en "priesterdom", dan sal ons verstaan hoekom die volk van God ook in geheel verwys word as 'n priesterdom..., want onder al die volke op aarde word hulle gesien soos die Here se "eersgebore seun" (eersgeborenes behoort aan die Here - is priesters vir Hom). Priesters het belangrike pligte, o.a. dat die Here se wil uitgevoer en lering gegee word (en het bv. in die O.T. die bediening vd "ALTAAR en "OFFERS ingesluit")(kortom, die priesters vd die Here is Sy dienaars.../Jes. 61:6). Die priesters het spesifieke pligte; asook het die hoëpriester... (wie bv. o.a. die plig het om versoening te doen vir die volk se sondes/Hebr. 7:27 - dit is wat Jesus huidiglik vir ons doen - in die huidige bedeling is Hy die Hoëpriester, en Hy is dit terloops VIR EWIG!). Terwyl die begrip "orde van" gewoonlik die hoëpriester se naam aanneem (bv. "orde van Aaron"), en die begrip "priesterskap" veral die stam se naam aanneem (bv. Levietesie priesterskap), verwys wet in die nuwe bedeling nie noodwendig na 'n spesifieke stam nie (Hebr. 7:11-15). Die volk van weergeborenes (die huidige priesterdom) is wel "kinders van Jesus Christus", maar hulle is nie fisies uit Hom gebore nie maar het kindskap op 'n geestelike manier verkry (nl. uit die geloof) - weergeborenes kom uit alle stamme, volke, nasies en tale... (Openb. 5:9; 7:9/kyk "evangelie van vrede"). 

Daar is baie wat ons nie verstaan van Melgisedek nie, maar wat duidelik is is dat die huidige orde SOORTGELYK is aan daardie orde (Ps. 110:4; Hebr. 5:9,10; 7:17). Alhoewel daar na die huidige ORDE as Jesus Christus se orde verwys kan word (want Hy is die Hoepriester), en Hy gebore is uit die stam van Dawid (Openb. 5:5), is Hy nie net mens nie maar ook God en gebore uit God se saad. Wat die fisiese saad aanbetref behoort die priesterskap huidiglik nie aan 'n spesifieke stam op aarde nie  (die huidige priesterdom kom uit alle stamme, nasies, volke en tale - weergeborenes het kindskap op 'n geestelike manier verkry, en word terloops na verwys dat hulle "gebore is uit God se saad"), maar kan eerder beskryf word as beide fisies en geestelik (vgl. dit gerus met die tema "die koninkryk van God"). Die huidige priesterdom bestaan uit priesters (weergeborenes) wat dit op 'n geestelike manier (deur geloof) verkry het. Die huidige priesterdom is dus meer geestelik van aard, maar wanneer Jesus terugkom sal dit weer fisies van aard wees, wanneer Hy gaan sit op die troon/// (dan sal daar ook weer 'n fisiese tempel wees en 'n fisisiese offersisteem). Die Skrif leer dat Jesus Christus is Hoëpriester VIR EWIG (Hebr. 6:20); logies gesproke, want Hy leef vir ewig! (Hebr. 7:21).

- Die woord "wet" gaan oor die Here se wil (gaan oor reg en verkeerd - hoe die Here "sien", nie die mens nie; die Kennis vd Here; bv. hoe Sy wil uitgevoer word in 'n spesifieke bedeling - in elke bedeling het die mens die wet van die Here nodig!, want alhoewel geloof nie daaruit kom nie, het die mens dit nodig om "vrug tot lewe" te kan dra.../Gal. 3:12).  En daar is gewoonlik in elke bedeling iemand aan wie die Here Sy wil bekend maak vir die volk (bv. deur die hoëpriester, profete en leiers). Die Levietese priesterskap was onder die "wet van Moses" (Mal. 4:4; Luk. 2:22; 24:44; ens.), wat beteken dat die Here Sy wil aan Moses bekend gemaak het (Joh. 7:19)(terwyl priesters weer op beurt die verantwoordelikheid het om die Here se wil uit te voer of te leer).  Alhoewel Moses se naam in hierdie geval gebruik is ("die wet van Moses"), is dit nie Moses se wil nie maar "die wet van die Here" (Luk. 2:23,39) wat die Here aan Moses bekend gemaak het (hierdie verwys na die ou bedeling - in die nuwe bedeling is Christene nie onder die wet van Moses nie). Daar word ook somtyds na die wet vd Here verwys as "die wet vd profete", wat beteken dat die Here Sy wil aan Sy profete bekend gemaak het (Joh. 1:46; Hand. 13:15; 24:14), net soos Jesus Christus nou Sy wil aan ons bekend maak deur Sy Gees (weergeborenes is onder die "wet van die Gees"). Somtyds word daar ook na die wet verwys as "die wet vd Jode", bv. waar daar na die wet vd Here verwys word in die teenwoordigheid van ander gelowe (Hand. 25:8)(wat verwys dat dit die wet is wat die Jode volg). Die begrip "wet van" vewys dus nie net na wie die wet ontvang het nie, maar ook na watter wet gevolg word. Somtyds word die begrip "wet vd geloof" gebruik ombv.  te verwys na hoe die wet in die huidige bedeling daarna uitsien... (Rom. 3:27)(die wet van Moses word gesien as 'n "wet van werke", terwyl die wet vd geloof gaan oor "geloof in Jesus Christus", nl. "die wet van Christus" - wie se wet jy volg wys in wie jy glo - geloof kom nie a.g.v. wet nie, maar wette word onderhou a.g.v. geloof/Gal. 3:12). 

- Die Skrif leer dat met verandering van priesterskap is daar verandering van wet (Hebr. 7:12);  m.a.w., 'n "bedeling" kan o.a. gekenmerk word "onder watter wet dit is" en "priesterskap". Hierdie feit word bv. ook gekenmerk in die huwelik..., nl. dat wanneer die priester vd huis (nl. die man) sterwe, dan is die vrou ontslae van "die wet van die man" (Rom. 7:2), en dit is hoekom sy dan vry is om weer te trou;  maar solank die man in die lewe is is sy "onder sy wet" en pleeg egbreuk as sy 'n ander man s'n word terwyl haar man nog lewe. Dit is dieselfde in geval van priesterskap, is dat die volk "onder daardie wet is solank die priester nog in die lewe is";  en is die juiste rede waarom die huidige wet nooit sal verander nie!, want Jesus Christus leef vir ewig (is m.a.w. omdat ons huidige hoëpriester nooit sal doodgaan nie!)(Rom. 7:1-6). Ook die volgende bedeling sal wees onder Jesus Christus (en die aarde sal onder Sy orde wees vir ewig!). Wat die priesterdom aanbetref in die volgende bedeling, is duidelik" (Openb. 20:6 - "Salig en heilig is hy wat deel het aan die eerste opstanding; oor hulle het die tweede dood geen mag nie, maar hulle sal priesters van God en van Christus wees en sal saam met Hom as konings regeer duisend jaar lank"). Almal wat deel het aan die "eerste opstanding" wat nie deur die tweede dood gaan nie, sal priesters van God en Christus wees in die volgende bedeling, want in die volgende bedeling gaan die priesterskap nie verander nie!, en almal sal onder die wet van Jesus Christus wees.

 Om 'n bedeling te identifiseer kan m.a.w. die volgende vrae gevra word: 

(1) Volgens watter ORDE (priesterskap) is 'n bedeling?, en 

(2) watter WET word gehoorsaam?  

Die Skrif kan in geheel gesien word as twee "bedelings" (Hebr. 10:7-9), nl. die eerste (die oue waaronder die bloed van stiere en bokke gebruik was/Ou Testament), en die tweede (die huidige bedeling waarin Jesus Christus se bloed vir ons sondes betaal/Nuwe Testament).  Maar geleerdes deel graag ook die O.T. op in verskillende bedelings..., want alhoewel daar vir die sondoffer die bloed van stiere en bokke gebruik was, was dit nie altyd onder dieselfde priesterskap nie (en met verandering van priesterskap is daar verandering van wet). En wat die wet aanbetref maak die Here Sy wet bekend deur verskillende mense oor die eeue;  bv. ...tot op die profeet Johannes (die doper) het die Here profete gebruik om Sy wil bekend te maak, maar na Johannes die evangelie vd koninkryk van God... (Luk 16:16) - die WET kom maw deur die evangelie vd Koninkryk waaroor Jesus vir ons lering kom gee het (sien dus die belangrikheid vd EVANGELIE nadat Jesus Christus gekom het, en hoekom Hy gevra het dat hulle "die evangelie moet glo"/Mark. 1:15). Wat "wet" aanbetref is die huidige bedeling onder die evangelie en die wet vd (Heilige) Gees.  Kom ons kyk na 3 voorbeelde hiervan waar die Skrif in bedelings opgedeel word, en dit veral beskryf word deur "orde" (wat dus 'n invloed gehad het op wet):  (1)  In Abraham se tyd was "wet en orde" volgens die orde van Melgisédek. Melgisedek was die koning van Salem, en die hoëpriester... (Gen. 14:18)(dit is interessant dat Jesus Christus se orde beskryf word as 'n ewebeeld van hierdie orde .../Ps. 110:4). Die Skrif gee nie vir ons baie inligting oor die orde van Melgisedek nie, maar dit wil voorkom of die orde nie toegeskryf is bloot aan die stam waaruit die hoepriester gekom het (soos in die geval van die orde in Moses se tyd, nl. orde van Aaron) nie.. (Hebr. 5:6). Wat die wet van daardie "bedeling" aanbetref wil dit voorkom of die eersgeborene seuns die plek van priester ingeneem het (Eks. 13:2)(dit is duidelik dat die "orde" nie aan 'n spesifieke stam behoort het nie, net soos vandag!)(https://warechristene.blogspot.com/2015/04/eersgeborenes-en-eerstelingepriesters.html). (2) Maar "orde" word somtyds beskryf deur 'n spesifieke stam/die stam waaruit die Hoëpriester gebore is (Hebr. 7:14) -  bv., in die tyd van Moses het priesterskap verander om aan 'n spesifieke stam te behoort (nl. die Leviete - almal fisies gebore uit daardie stam). Priesterskap het oorspronklik behoort aan die eersgebore seun van elke familie... (nie 'n spesifieke stam nie)(sien punt 1), maar hierdie het verander na die episode vd goue kalf (want die eersgeborenes het nie hulle plig gedoen nie en het dit verloor) - die priesterskap is toe gegee aan 'n spesifieke stam (onder Aaron, die hoëpriester), "onder die wet van Moses" (in ander woorde, die Here het Sy wil aan Moses bekend gemaak, Moses het dit oorgedra, en die Levietiese priesterskap moes toesien dat die volk dit nakom en leer/Eks. 7; ens.).  (3) Hierdie huidige bedeling waarin ons nou is 'n ewebeeld van..., is volgens die orde van Melgisédek, onder ons Hoëpriester Jesus Christus (maar alhoewel Hy uit die stam van Juda gebore is, word die huidige orde nie so beskryf nie.../Hebr. 7:14; Gen. 46:12; Jes. 11:1; Openb. 5:5)(Heb 6:20 - "waar Jesus as voorloper vir ons ingegaan het, Hy wat volgens die orde van Melgisédek ‘n hoëpriester geword het vir ewig")(Hebr. 5:6; 7:11,17,21). Jesus Christus is ook die een wat die wet vir ons gegee het! (evangelie vd Koninkryk) en het getuig dat Hy die wil van die Vader doen (Joh. 5:30; Luk. 22:42)(Luk. 10:22). Die huidige orde is volgens die orde van Melgisedek en behoort bv. aan "die volk van eersgeborenes" (Hebr. 12:23), 'n heilige priesterdom (1 Pet. 2:5,9) - is onder die wet van die Gees en die evangelie... (Rom. 8:2; Luk. 16:16)(ons word deur die evangelie gelei;  asook, almal wat die Heilige Gees het word deur die Gees gelei - "die wet is op hulle harte geskryf") - is onder Jesus Christus. IN DIE HUIDIGE BEDELING IS JESUS CHRISTUS DIE HOëPRIESTER, EN WEERGEBORENES DIE PRIESTERDOM (weergeborenes is almal dienaars van die Here =  "volk van eersgeborenes"). 

-----------------------------------------------------------------------------------------------------------------------------DIE ORDE VAN MELGISEDEK:

Daar is min waarvan ons seker is wanneer dit kom by Melgisedek en die stad Salem. Wat die Skrif leer (bv. in die O.T.) van die huidige bedeling, is dat die priester wat vir God sou opstaan 'n ewebeeld is van Melgisedek... (Ps. 11:4; Hebr. 5:6,10; 6:20);  ook wat "wet" aanbetref, dat die wet wat sou kom nie volgens vleeslike gebod sou wees nie, maar uit die krag vd onvernietigbare lewe! (wat natuurlik verwys na die huidige bedeling waarin ons onder die wet vd Gees is). (Heb 7:15-17 - En nog baie duideliker is dit as daar ‘n ander priester opstaan na die ewebeeld van Melgisédek, een wat "dit geword het nie kragtens die wet van ‘n vleeslike gebod nie, maar uit die krag van die onvernietigbare lewe. Want Hy getuig: U is priester vir ewig volgens die orde van Melgisédek"). Melgisedek was koning van Salem..., asook 'n priester vd Allerhoogste. Wat die vergelyking aanbetref, is die klem miskien o.a. op die feit van "eersgeborenes", nl. weergeborenes, soos 'n "volk van eersgeborenes" gesien word (priesterskap het oorspronklik behoort aan die eersgeborenes, maar of dit alreeds so was in Melgisedek se tyd, is debateerbaar;  ons weet wel dat dit die geval was in Moses se tyd, nl. voor "die wet van Moses"/orde van Aaron).  Oorspronklik het priesterskap aan die eergeborenes behoort (eersgeborenes van gelowige families was geroep om priesters vir die Here te wees) - dit wil dus voorkom of in Abraham se tyd "priesterskap" dus ook verwys het na die eersgeborenes (maak nie saak watter stam, nasie, volk of taal nie, maar natuurlik verwysend na gelowige families), en hierdie is miskien een van die dinge waarna verwys word dat die huidige orde 'n ewebeeld is van Melgisedek. Of anders gestel, die priesterdom in hierdie bedeling, wat terloops verwys na weergeborenes (die "volk van eersgeborenes"/Hebr. 12:23). behoort ook nie aan 'n spesifieke stam nie. In die N.T. word die wat in Jesus Christus glo, almal gesien as "eersgeborenes"/ Hebr. 12:23 ("gemeente van eersgeborenes") - is priesters in die huidige orde (1Pet. 2:9,10 - "Maar julle is ‘n uitverkore geslag, ‘n koninklike priesterdom, ‘n heilige volk, ‘n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig, julle wat vroeër geen volk was nie, maar nou die volk van God is; aan wie toe geen barmhartigheid bewys is nie, maar nou bewys is"). Die gemeente van eersgeborenes is die priesterdom van hierdie huidige bedeling.  Hulle behoort nie aan 'n spesifieke stam, nasie, volk of taal nie, maar het dit verkry deur die geloof - hierdie is sekerlik een van die redes waarom die huidige orde vgl. word met die van die orde van Melgisedek. 

Daar is ook ander dinge wat ons kan inkyk op om te verstaan wat met "ewebeeld van orde van Melgisedek" bedoel word.  Bv., wat die wet vd huidige bedeling aanbetref is gelowiges onder die wet van die Gees, onder die wet van Jesus Christus... (onder die wet van "genade en waarheid")(Joh. 1:17; Rom. 8:10)(bv. nie onder die wet soos die wet van Moses nie, maar onder die Gees). Jesus Christus sal nooit sterf nie, so daar sal nooit 'n ander opstaan waardeur 'n ander wet ingelyf word nie... (Hy sal altyd die wet gee). Daar word 'n "gelykstelling" gemaak tussen Melgisedek en die Seun van God in Hebr. 7:3 - kyk bv. hoe Melgisedek daar beskryf word: "sonder vader, sonder moeder, sonder geslagsregister, sonder begin van dae of lewenseinde, maar gelykgestel aan die Seun van God, bly hy priester altyddeur".  Hierdie woorde het al baie geleerdes se kop laat krap - wat presies is dit wat die Skrif bedoel? Duidelik was Melgisedek nie Jesus Christus self nie, want hy word "gelyksgestel aan" die Seun van God, wat meer wys op 'n vergelyking (Gr. woord "af-om-oy-o'-o", wat beteken "gemaak soos"). Hy word o.a. voorgestel as 'n "ewige" priester (nerens word hy 'n hoepriester genoem nie, alhoewel dit so wil voorkom;  kyk bv. die woorde "orde van....." gewoonlik verwys na 'n orde onder 'n "hoe"priester ;  Abraham het ook sy tiendes na hom gebring/Hebr. 7:2, en Jesus Christus is Hoepriester vd huidige bedeling en "ewebeeld Melgisedek/Hebr. 7:15-28...), en hy word o.a. "die koning van geregtigheid genoem, asook "koning van Salem" wat beteken koning van "vrede"..., WAT SEKERLIK OOK verwys na VERGELYKINGS TUSSEN DIE SEUN VAN DIE MENS EN DAARDIE KONING (Jes. 32:1; 9:6,7; Jer. 23:5,6). Dit wil voorkom of die klem liewer val op die "vergelykings" as wat ons te tegnies daaroor moet raak. Interessant, in Ps. 76:3 wil dit ook voorkom of Salem vgl. word met Sion..., maar of Sion dieselfde plek is as wat Salem was, is ook nie heeltemal seker nie (maar dit kan net sowel wees). Dus, daar is baie wat ons nie verstaan van "Melgisedek" nie, maar ons weet darem iets van die orde waarin ons ons bevind!

-----------------------------------------------------------------------------------------------------------------------------

Die duiwel

 

In hierdie pos kyk ons na die onderwerp "duiwel", en waarna of na wie dit verwys. 

Rol af vir die volgende opsommings:

- Die begrip "duiwel"

- Soos 'n duiwel / die duiwel as pa?

- Onreine geeste is duiwels

- Die Satan is 'n duiwel

-----------------------------------------------------------------------------------------------------------------------------DIE DUIWEL:  

Die woord "duiwel" word nie altyd vir 'n spesifieke wese gebruik nie, en is die Gr. woord "dee-ab'-ol-os", wat beteken "vals aanklaer of lasteraar. Somtyds word daar na die Satan verwys as "duiwel" (Openb. 12:9; 20:2,10), en in ander gevalle word daar na bose geeste verwys as duiwels (wat verwys na "onreine geeste").Vir 'n pos wat by hierdie onderwerp aansluit, gaan na:

https://warechristene.blogspot.com/2026/05/die-duiwel-die-satan-die-ou-slang-groot.html.

Die Satan, na wie ook somtyds verwys word as "duiwel", word met verskillende name voorgestel, wat elk 'n besonderse betekenis het. (Openb. 12:9 - "En die groot draak is neergewerp, die ou slang wat genoem word duiwel en Satan, wat die hele wêreld verlei, hy is neergewerp op die aarde, en sy engele is saam met hom neergewerp"). Die Satan, die owerste van die onreine geeste, is 'n lasteraar en "vals aanklaer" (vgl. dit met die tema van "kwaadspreek" die duiwel is 'n kwaadspreker) - sien die woorde hierbo in Openb. 12:9 wat hom beskryf as 'n wese wat "die hele wereld verlei" (vgl. dit met Openb. 20:3)(die begrip duiwel verwys na 'n VERLEIER). In Matt. 4, waar die duiwel vir Jesus Christus probeer versoek het in die woestyn, is die woord duiwel ook die Gr. woord ("dee-ab'-ol-os")(Matt. 4:1 - "Toe is Jesus deur die Gees weggelei die woestyn in om versoek te word deur die duiwel"). Hierdie is 'n goeie voorbeeld van hoe die duiwel opereer..., nl. dat hy mense in versoeking probeer lei, en die manier hoe hy dit doen is deur die waarheid te laster en mense so probeer verlei dat hulle afval vd geloof, of hy bederf mense se sinne sodat hulle nie die evangelie ontvang nie (hy mislei/verlei hulle om die leuen te glo of te sondig)(Matt. 4:1-11; 2 Kor. 11:3).  

-----------------------------------------------------------------------------------------------------------------------------SOOS 'N DUIWEL: 

Waar die woord "duiwel" gebruik word in die Skrif, verwys dit nie altyd na die spesifieke wese nie. In Joh 6:70 waar Jesus vir die dissipels sê "Het Ek nie julle twaalf uitverkies nie? En een van julle is ‘n duiwel!", is dit bv. dieselfde Gr. woord wat daar gebruik word vir die woord "duiwel", maar Hy verwys nie hier na Judas Iskáriot as die wese, die ou slang, nie, maar wys dat hy 'n lasteraar is (soos die ou slang). In ander woorde, waar die woord "duiwel" gebruik word verwys dit nie altyd na die wese "groot draak" of "ou slang" nie, maar dit word somtyds gebruik om te beskryf dat die persoon soos die ou slang is. Die woord "satan" word ook somtyds op hierdie manier gebruik, bv. in (Mat 16:23 - "Maar Hy het omgedraai en vir Petrus gesê: Gaan weg agter My, Satan (Gr. woord "sat-an-as'", wat verwys na 'n aanklaer of 'n duiwel/lasteraar)! Jy is vir My ‘n struikelblok, omdat jy nie die dinge van God bedink nie, maar die dinge van die mense". Hy het nie bedoel dat Petrus die Satan self is nie, maar eerder dat hy op daardie oomblik soos die Satan was... Dit wat Petrus gesê het het die waarheid verdraai, want hy het gedink soos die wereld (nie soos God nie). Kinders van die Here behoort "soos die Here te dink en sien", nie soos die wereld nie (kyk die groot verskil tussen "geestelike mense" en "natuurlike mense" nie), want die wereld (die wat dink en sien soos die wereld) is onder die mag van die bose (1 Joh. 5:19). 

'n Duiwel is 'n KWAADSPREKER ('n "vals aanklaer").  As iemand kwaadspreek is hy soos die duiwel - noodwendig is kinders soos hulle pa;  dus, as iemand die gewoonte het om kwaad te spreek (soos die duiwel), wys dit wie sy pa is! Die wat soos die duiwel optree sal saam met die duiwel (hulle pa) in die poel van vuur beland (1Kor. 6:10 - "Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie"). Dade en woorde is belangrik, want dit wys aan wie jy behoort.

DIE DUIWEL AS PA vir sommige beskryf? 

In Hand. 13:10 noem Paulus vir Elimas (die towenaar) "kind vd duiwel"... omdat hy die reguit weë van die Here verdraai het (want Elimas het vir Barnabas en Saulus teëgestaan, en het probeer om die goewerneur afkerig te maak van die geloof) - in ander woorde, Elimas was 'n verleier en lasteraar... ("soos 'n duiwel").  Vgl. dit met Joh. 8:44. (1Jn_3:8 - "Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek"). Hierdie verwys nie dat die persoon 'n wese is fisies gebore uit die Satan self nie, maar wys dat hy soos die Satan is... (soos kinders soos hulle pa is). Weergeborenes word bv. ook gesien asof "gebore uit God", want hulle is soos hulle Pa, die Here (1 Joh. 3:9; 4:7; 5:1,4,18) - hulle dink, sien en doen soos Hy. Kinders van die duiwel sal noodwendig eendag opeindig saam met hulle "pa"..., nl. in die ewige van vuur (wat berei is vir die duiwel en sy engele/Matt. 25:41) = "vervloektes". 

LASTERAARS word o.a. in die Skrif beskryf as mense wat slegs 'n gedaante van godsaligheid het... (2 Tim. 2:3.5).  Die waarheid is dat diesulkes godsalig voorkom, wat dus die rede is waarom baie deur hulle verlei word. Duidelik is lasteraars "soos die duiwel" (het die duiwel as pa), en as lasteraars onder kinders van die Koninkryk beweeg, is hulle soos struikelblokke in die kerk.

-----------------------------------------------------------------------------------------------------------------------------Onreine geeste:

Onrein of BOSE GEESTE word ook somtyds na verwys as DUIWELS (Joh. 10:21) (https://warechristene.blogspot.com/2016/12/onreine-geeste.html). As onreine geeste o.a. deur die woord "duiwel" beskryf word, beteken dit dat hulle lasteraars en kwaadsprekers is, en dit is interessant dat wanneer iemand gelaster het, hy gesien is as iemand "met 'n duiwel". Kyk gerus die vb. waar sommige vir Jesus valslik aankla dat hy "duiwel besete" is (Joh. 7:20; Joh. 10:20), en op 'n ander geleentheid  het sommige skrifgeleerdes gese dat hy 'n onreine gees het (Mark. 3:30), en selfs voorgegee dat hy deur die owerste van die duiwels, duiwels uitdryf! (Mark. 3:22; Luk 11:15)(lees gerus hoe Jesus hulle reghelp dat die duiwel nie self duiwels sal uitdryf nie - hulle het Jesus voorgestel soos 'n lasteraar, maar hulle was eintlik die lasteraars!).  Kranksinnigheid (Joh. 10:20; Hand. 26:24,25) of om "buite die sinne" (Mark. 3:21) te wees, is 'n tipiese kenmerk dat iemand 'n duiwel het, want dit is hoe duiwels is - hierdie gaan oor hoe iemand "sien en dink" (en sy woorde getuig hiervan). 

Maar natuurlik is nie alles wat duiwels kwytraak, vals nie, want hulle weet goed wat is die waarheid... (Luk. 4:34,35,41; Mark. 1:24; 3:11).  Dit is nie omdat hulle nie weet wat die waarheid is waarom hulle lieg nie, maar hulle lieg omdat hulle die waarheid wil verdraai. Hierdie is gewoonlik iets wat mense nie altyd verstaan van die bose nie;  bv., wanneer iemand die bose raadpleeg is die antwoorde nie altyd leuens nie, maar dit kan net sowel wees! En dit is hierdie gedaante van godsaligheid wat mense baiemaal uitgooi. Kinders van die Koninkryk is spesifiek beveel om nie die bose te raadpleeg nie, en ons moet gehoorsaam wees aan die Here. Terwyl "laster" en "kwaadspreek" dus kenmerkend kan wees van mense wat bose geeste het, beteken dit nie dat hulle nooit die waarheid praat nie, eerder is dit dat hulle goed weet wat is die waarheid en dit opsetlik verdraai om mense te verlei. Dit is egter anders as iemand onkundig is! en tot insig gebring word... "Lastering teen die Heilige Gees" is bv. 'n onvergeeflike sonde in hierdie, sowel die volgende bedeling, maar ons moet verstaan wat met "laster" bedoel word, want onkundiges wat bog praat is nie noodwendig besig om te laster nie. Lasteraars is eintlik kundig..., maar verander die waarheid in 'n leuen. 

-----------------------------------------------------------------------------------------------------------------------------Die worstelstryd..., en hoe die duiwel daarby inpas:

Natuurlik bestaan "die duiwel" - 'n manier hoe daar somtyds na die Satan verwys word omdat hy verleier is.  Die Satan is NIE God NIE (daar is net een God, en Hy bestaan uit 3, nl. die Vader, Seun en Heilige Gees). Wat se wese die Satan ookal is (?), wat wel seker is is dat hy hy rêrig is!, nie 'n denkbeeldige voorstelling in een of ander mite nie...  En alhoewel die Here God die mag het (en die duiwel bv. toestemming moet kry voor hy iets aan die Here se kinders kan doen / kyk die vb. van Job), is die duiwel 'n VERLEIER en 'n VERWOESTER. Sommige Christene het ongelukkig "onder die mag van satan" beland omdat hulle geluister het na sy leuens. Daarom is dit belangrik om ag te gee op die wapenrusting van God - en dit help nie jy trek dit net deur woorde elke dag aan nie, maar wat belangrik is is dat jy 'n dader is... (bv., dis iets anders om geloof uit te leef as om bloot te bely dat jy glo). Christene bely bv. dat hulle glo in Jesus Christus, maar wanneer sommige begin praat hoor jy gou dat hulle liewer in wereldse wysheid glo as dit wat Jesus geleer het. Alhoewel die natuurlike mens die duiwel mag gee in hulle lewens (daar word bv. o.a. na die duiwel verwys as die "god vd wereld"), behoort die krag en mag en heerlikheid nie aan hom nie!, maar aan die Here.  

Die "duiwel", nl. die Satan, het wesens wat onder hom dien en hy's o.a. die leier vd bose geeste (nl. vd onreine geeste/duiwels - hy is "Beelsebul", is hulle "god"), en is daarop uit om mense te verblind en te verlei (bv., wat in die tuin van Eden gebeur het met die sondeval, is 'n goeie voorbeeld hiervan...). Hierdie is maniere wat hy gebruik om die mens te probeer VERWOES. DIE REDE HOEKOM HY LASTER EN KWAADSPREEK, IS OM TE VERWOES. Jesus het geleer dat die duiwel 'n mensemoordenaar is, 'n leuenaar (hy is die vader van leuens) en staan nie in die waarheid nie (want daar is geen waarheid in hom nie)(Joh. 8:44);  m.a.w., wat die duiwel praat is gewoonlik leuens (hy praat uit sy eie).  Jy gaan nie sommer die waarheid vind by duiwels nie..., miskien deels omdat hulle jou in hul strik wil vang, maar verseker sal hulle die geleentheid gebruik om jou te mislei. 

Die wat afgode aanbid of deelneem aan ander-geloofspraktyke moet verstaan dat hulle eintlik besig is om met duiwels gemeenskap te hou (1Kor. 10:20). Daarom is dit belangrik om die waarheid op die regte plek te soek! (jy kan nie die bose raadpleeg en verwag om noodwendig die waarheid daar te vind nie). Hierdie is 'n strik vd duiwel waarin sommige Christene val..., en dit is om die waarheid by ander gelowe te probeer vind (hoekom doen sommige dit?)(https://warechristene.blogspot.com/2013/07/hoekom-voel-sommige-christene-dat-die.html). Sommige is kwaad vir die Here en dan terg hulle Hom op hierdie manier - dit hoort nie so nie. En natuurlik moet ons soek, maar die vraag is "waar soek jy"?  Die Here moet jou bron wees... - kinders van die Here is nie veronderstel om die bose te raadpleeg nie (https://warechristene.blogspot.com/2019/10/die-here-ons-bron.html), en as jy dit doen wys jy dat jy nie die Here vertrou nie of besig is om Hom te versoek ('n Christen wat by die bose antwoorde gaan soek, is beslis nie veilig nie). Hierdie stryd het alreeds begin in die tuin van Eden..., 'n stryd waarin die duiwel mense probeer vang om sy wil te doen (in plaas van die Here se wil te doen)(2Tim. 2:25,26 - "Hy moet die weerspanniges in sagmoedigheid teregwys, of God hulle nie miskien bekering sal gee tot die kennis van die waarheid nie, en hulle weer nugter kan word, vry van die strik van die duiwel, nadat hulle deur hom gevang was om sy wil te doen"). Die wat afval van die waarheid en gevang word om die duiwel se wil te doen, word o.a. na verwys as "blind" of "dronk" of "aan die slaap" - bestudeer gerus die verband tussen "dronk" en  "gemeenskap met duiwels"/1 Kor. 10:19,20; Openb. 17:2, "gemeenskap met duisternis"/2 Kor. 6:14; 1 Joh. 1:6, "gemeenskap met sondes"/1Tim. 5:22, en "gemeenskap met bose werke"/2 Joh. 1:11. In konteks gaan dit oor die weerspanniges, Christene wat van die waarheid afdwaal.  Die wat nie nugter is nie (geestelik bedoel), verwys bv. o.a. na die wat nie kennis van die Here het nie... (1 Kor. 15:34). Daar is net twee kante, die een is die kennis van God, en die ander een is wereldse wysheid. ONS IS ALTYD IN HIERDIE STRYD GEWIKKELD! - WATTER KANT KIES JY?  Kies jy die kennis van God? (en raadpleeg Hom)?, of kies jy wereldse wysheid (en raadpleeg ander bronne)? Dit is kommerwekkend hoeveel Christene vandag ander geloofsbronne raadpleeg en hulle antwoorde daar probeer kry, en selfs deelneem aan praktyke wat in ander gelowe en satanisme beoefen word.., tog is hulle uitgesproke oor hulle Christelike "geloof", maar die waarheid is dat hulle eintlik besig is om geestelik te hoereer. WIE IS JOU BRON? ...Dit is belangrik om hierdie te weet want anders besef jy nie die stryd waarin jy gewikkeld is nie, en as jy die stryd nie verstaan nie, gaan jy nie ag gee op die geestelike wapenrusting van God nie. 

Kom ons kyk na 'n paar dinge wat die Skrif spesifiek leer oor die Satan, na wie o.a. verwys word as DIE DUIWEL:

- Die duiwel wil nie hê dat mense die evangelie verstaan en gered word nie;  dus, hy verblind hulle sinne... (2 Kor. 4:4) en steel die woord uit hulle harte uit... (Luk. 8:12 - "Dié langs die pad is die hoorders. Daarna kom die duiwel en neem die woord uit hul harte weg, sodat hulle nie sou glo en gered word nie"). 

- Die duiwel verlei die hele wêreld (Openb. 12:9). Die Satan word o.a. 'n slang genoem, wat verwys na hy is "listig"... (soos 'n slang)(2 Kor. 11:3) - met sy listigheid bedrieg hy mense om die leuen te glo (Gen. 3:4,5) - en op die manier verlei hy hulle om sy wil te doen in plaas van die Here se wil; of hy bederf hulle sinne sodat hulle nie die evangelie en waarheid sal ontvang nie (2 Tim. 2:26; 2 Kor. 11:3,14).

- In Jhn_8:44 word daar na die duiwel verwys as 'n "mensemoordenaar" wat nie in die waarheid staan nie (omdat daar geen waarheid in hom is nie). Jesus het ook verder daar geleer dat wanneer die duiwel leuentaal praat, hy uit sy eie praat omdat hy 'n leuenaar is en die vader daarvan...  Die duiwel kan iemand doodmaak, maar l.w. dat hy bv. nie vir Job kon doodmaak nie want God het hom nie toestemming gegee daartoe nie (Job 1:12) - dit wys weer-eens vir ons wie het eintlik die mag!

- Die duiwel kan iemand beinvloed (Jhn_13:2  En gedurende die maaltyd—die duiwel het dit al in die hart van Judas Iskáriot, die seun van Simon, ingegee om Hom te verraai—), bv soos om gedagtes in hulle te sit, of iemand aanhits... (Job 2:3). 

- Die duiwel probeer mense versoek om die Here God te verloën (soos Hy met Jesus gedoen het/Luk. 4:2-13), en probeer hulle vang om sy wil te doen (2Ti_2:26). 

- Die duiwel is 'n teëstander en valse aanklaer en loop rond soos ‘n brullende leeu, en soek wie hy kan verslind... (1 Pet. 5:8). Hy word ook "lasteraar" genoem (dit is o.a. wat die woord "duiwel" beteken), en kan in die hemel mense aankla by God (Job 1:6,7) - hy deurkruis die aarde op soek na mense vir wie hy kan vernietig (Job 1:7; 1 Pet. 5:8). 

- Die duiwel kan veroorsaak dat mense verdruk word  (bv. in die gevangenis gewerp word sodat hulle op die proef gestel kon word-Openb. 2:10 / en hulle het vir 10 dae verdrukking gehad - die duiwel gebruik baiemaal mense om sy wil uit te voer). 

- Die duiwel kan mense siek maak (Job 2:7). In sommige gevalle is dit bose of onreine geeste wat mense siek maak en l.w., die duiwel is die owerste van die onreine geeste (nl. "Beelsebul"/Matt. 12:24; 17:8). 

WAT KAN DIE DUIWEL NIE DOEN NIE: 

(1) Die duiwel se mag kan wel ook beskryf word as 'n "koninkryk", want hy het bv. engele onder hom en is die owerste van die bose of onreine geeste... ("Beelsebul"/Matt. 3:22,23; 12:24; 17:8), maar noodwendig sal hy nie "duiwels uitdryf" nie want dit sou beteken dat hy (sy koninkryk) teen homself verdeeld is;  in ander woorde, die Satan sal nie iets doen wat kan veroorsaak dat sy koninkryk verwoes word nie.  M.a.w., DIE SATAN KAN/SAL NIE BOSE GEESTE UITDRYF NIE (Mat 12:22-32 - "Toe het hulle ‘n duiwelbesetene wat blind en stom was, na Hom gebring; en Hy het hom gesond gemaak, sodat die blinde en stomme kon praat en sien. En die hele menigte was verbaas en het gesê: Is Hy nie miskien die seun van Dawid nie? Maar toe die Fariseërs dit hoor, sê hulle: Hy dryf die duiwels nie anders uit as deur Beëlsebul, die owerste van die duiwels, nie.  Maar Jesus het hulle gedagtes geken en vir hulle gesê: Elke koninkryk wat teen homself verdeeld is, word verwoes; en elke stad of huis wat teen homself verdeeld is, sal nie bly staan nie. En as die Satan die Satan uitdryf, dan is hy teen homself verdeeld. Hoe sal sy koninkryk dan bly staan? En as Ek deur Beëlsebul die duiwels uitdryf, deur wie dryf julle seuns hulle uit? Daarom sal hulle jul regters wees. Maar as Ek deur die Gees van God die duiwels uitdryf, dan het die koninkryk van God by julle gekom. Of hoe kan iemand in die huis van ‘n sterk man ingaan en sy goed roof, as hy nie eers die sterk man geboei het nie? En dan sal hy sy huis beroof.  Hy wat nie met My is nie, is teen My; en hy wat nie saam met My versamel nie, verstrooi.  Daarom sê Ek vir julle: Elke sonde en lastering sal die mense vergewe word, maar die lastering teen die Gees sal die mense nie vergewe word nie. En elkeen wat ‘n woord spreek teen die Seun van die mens, dit sal hom vergewe word; maar elkeen wat spreek teen die Heilige Gees, dit sal hom nie vergewe word nie, in hierdie eeu nie en ook in die toekomende nie"). Hierdie is 'n interesante punt van bespreking... 

Noodwendig, nie almal wat sg. duiwels uitdryf ("duiwelbesweerders") is deur die Here gestuur nie... (Hand. 19:13-17), maar dit is nie vir ons om te besluit wie is gestuur, en wie nie (Luk 9:49,50 - En Johannes het geantwoord en gesê: Meester, ons het iemand gesien wat in u Naam die duiwels uitdryf; en ons het hom belet, omdat hy U nie saam met ons volg nie. Maar Jesus sê vir hom: Moet hom nie belet nie, want wie nie teen ons is nie, is vir ons"). Waar bekering gepreek word (Matt. 3:2; 4:17), siekes gesond gemaak word en bose geeste uitgedryf word (Matt. 10:7,8; Luk. 10:9), is dit duidelik dat die Koninkryk van God daar naby gekom het. Vir iemand om duiwels te kan uitdryf moet hy dus aan die Koninkryk van God behoort... (hierdie verwys na weergeborenes).  Jesus Christus het die mag (dit is waarom die geeste uitgaan in die Naam van Jesus Christus) en Hy is die een wat iemand die mag gee (Luk. 10). Wanneer iemand mag oor ander het, kan hy hulle gebied;  dus, alhoewel die duiwels 'n owerste het (nl. die Satan, en hy hulle kan gebied), het Jesus algehele mag en hulle moet Hom gehoorsaam (Matt. 17:18 - "Daarop bestraf Jesus hom; en die duiwel het van hom uitgegaan, en die seun het gesond geword van daardie uur af") ; (Mark.7:26  En sy was ‘n Griekse vrou, ‘n Siro-Feniciese van geboorte, en sy het Hom gevra om die duiwel uit haar dogter uit te dryf.......v:29,30  En Hy sê vir haar: Ter wille van hierdie woord kan jy gaan; die duiwel het uit jou dogter uitgevaar.Mrk_7:30  En toe sy huis toe gaan, vind sy dat die duiwel uitgevaar het en dat haar dogter op die bed lê") ; (Luk_4:33,34 - "En in die sinagoge was daar ‘n man met die gees van ‘n onreine duiwel, en hy het met ‘n groot stem uitgeskreeu. En Jesus het hom bestraf en gesê: Bly stil, en gaan uit hom uit! En die duiwel het hom tussen hulle neergegooi en uit hom uitgegaan sonder om hom seer te maak") ; (Hand_10:38  "met betrekking tot Jesus van Násaret, hoe God Hom gesalf het met die Heilige Gees en met krag. Hy het die land deurgegaan, goed gedoen en almal genees wat onder die mag van die duiwel was, omdat God met Hom was"). 

(2) In Joh. 12:31, 14:30 en 16:11 verwys Jesus na die duiwel as die "die owerste van hierdie wêreld", en in 2 Kor. 4:4 word hy die "god van hierdie wêreld" genoem;  meer presies die god van die ongelowiges en die kinders van ongehoorsaamheid...  (2Kor. 4:4 - "naamlik die ongelowiges in wie die god van hierdie wêreld die sinne verblind het, sodat die verligting van die evangelie van die heerlikheid van Christus, wat die beeld van God is, op hulle nie sou skyn nie") - die wêreld is onder die mag van die bose... (maar die wat in Jesus Christus glo is deur Jesus verlos van daardie mag/Kol 1:13 - "Hy wat ons verlos het uit die mag van die duisternis en oorgebring het in die koninkryk van die Seun van sy liefde"). (1Jn 5:19 - "Ons weet dat ons uit God is en die hele wêreld in die mag van die Bose lê"). Die kinders van ongehoorsaamheid wandel "volgens die loop van hierdie wêreld, volgens die owerste van die mag van die lug, van die gees wat nou in hulle werk... (dit beteken o.a. dat hulle in die begeerlikhede van die vlees wandel... - doen die wil van die vlees en van die sinne  =  "kinders van die toorn", want almal wat wandel volgens die owerste vd wereld, is mense wat vir die toorn bestem is)(Ef. 2:2,3). In ander woorde, DIE SATAN HET MAG OOR DIE KINDERS VAN ONGEHOORSAAMHEID (deels "gebore in sonde", en deels omdat hulle hom mag gee oor hulle lewens - hulle wandel volgens die vlees/sinne verblind/het 'n wereldse gees), MAAR HY HET NIE MAG OOR DIE KINDERS VAN JESUS CHRISTUS NIE! (want hulle wandel nie meer volgens die wil vd vlees en sinne nie, en hulle sinne is nie meer bederf nie / het die Heilige Gees). Tensy hulle hom die mag gee... - kinders vd Koninkryk moet seker maak dat hulle die geestelike wapenrusting van God aanhet. 

Die natuurlike mens is soos 'n slaaf van sonde... Die mens word in sonde gebore;  of anders gestel, hy word in slaafskap onder sonde gebore (en het dus vrymaking nodig van hierdie slaafskap!) - hierdie is een van die dinge wat Jesus bewerk het, nl. dat Hy die mens kan vrykoop uit hierdie slaafskap. Die natuurlike mens doen dus nie die wil van die Here nie, maar doen die wil van die duiwel (gehoorsaam aan die sonde / asof onder die mag van die duiwel). Maar geestelike mense doen die wil van die Here... - in ander woorde, hulle is vrygekoop van slaafskap onder sonde (hulle doen nie meer die wil van die duiwel nie). In ander woorde, die wat vrygekoop is, is nie meer "kinders vd duiwel" nie;  en sal dus NIE in die poel van vuur opeindig nie..., maar hulle het nou 'n nuwe vader (kinders volg hulle vader)(1Jn_3:8  Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek)  (1Jn_3:10  Hierin is die kinders van God en die kinders van die duiwel openbaar: elkeen wat die geregtigheid nie doen nie, is nie uit God nie, en hy ook wat sy broeder nie liefhet nie). 

(3) Die owerste van hierdie wêreld is geoordeel! (Joh. 16:11).(Joh 12:31 - "Nou is dit die oordeel van hierdie wêreld, nou sal die owerste van hierdie wêreld buitentoe gedryf word"). DIE DUIWEL IS 'N VERWOESTER EN HET DIE MENS GEVANG OM SY WIL TE DOEN, WAT TOT GEVOLG HET DAT ALLE MENSE DOODGAAN, MAAR SY MAG IS GEBREEK!;   nl, hy het mag gehad oor die dood, maar Jesus Christus het daardie mag verbreek  (Heb_2:14  Aangesien die kinders dan vlees en bloed deelagtig is, het Hy dit ook op dieselfde manier deelagtig geword, sodat Hy deur die dood hom tot niet kon maak wat mag oor die dood het—dit is die duiwel—)(Jes. 25:8; Hos. 13:14; 2 Tim. 1:10). Almal wat in Jesus Christus glo, SAL DIE DOOD OORWIN! (1 Kor.. 15:54,55). DIE DUIWEL HET NIE MEER DAARIE MAG OOR DIE DOOD EN DODERYK NIE, maar Jesus Christus het... (Openb. 1:18 - "en die lewende; en Ek was dood en kyk, Ek  leef tot in alle ewigheid. Amen. En Ek (Jesus Christus) het die sleutels van die doderyk en van die dood"). 

Die weergeborene het oorwinning oor die dood, want wanneer Jesus terugkom sal Hy die wat in Hom gesterwe het opwek uit die dood (hulle sal nuwe liggame kry) - wat die doderyk aanbetref het Jesus hulle losgekoop (die doderyk kan hulle nie gevange hou nie)(1 Kor. 15:54,55. Alhoewel die duiwel mense kan doodmaak, natuurlik slegs as God hom toelaat, het hy nie die mag om geestelike mense in die doderyk te hou of onder oordeel te laat kom nie. Jesus Christus het die mag en sal besluit wie losgekoop word, en wie nie;  wie opgewek word tot lewe, en wie nie (Joh. 5:29).  Die duiwel word wel die "god van hierdie wereld" genoem omdat mense hom mag oor hulle lewens gee en baie mense hom gehoorsaam, maar uiteindelik sal hy nie meer toegelaat word om dit te doen nie.  Dit sal gebeur wanneer Jesus Christus terugkom... - dan sal die duiwel gebind word vir 'n 1000 jaar sodat hy nie instaat is om die mens te verlei nie.  Tereg, in die volgende bedeling sal almal vir Jesus Christus aanbid en Hom gehoorsaam!, en dus sal Hy ook die God (van hierdie wereld) wees. Alles sal Jesus Christus se eiendom wees en die duiwel sal nie meer die mens kan aankla nie (Openb. 12:10 - "Toe hoor ek ‘n groot stem in die hemel sê: Nou het die heil en die krag en die koningskap die eiendom van onse God geword, en die mag van sy Christus; want die aanklaer van ons broeders is neergewerp, hy wat hulle aanklaag voor onse God, dag en nag"). Huidiglik is die duiwel nog instaat om die mens aan te kla en te probeer verwoes, maar in die volgende bedeling sal hy nie toegelaat word om dit te doen nie (behalwe aan die einde van daardie bedeling).

-----------------------------------------------------------------------------------------------------------------------------

God / god / gode

In hierdie pos bestudeer ons die term "God" en kyk veral na die betekenis van die woord.  Na wie verwys die term God? Wat is God se Naam? Is Jesus Christus God? Bestaan daar ander gode?

Rol af vir die volgende opsommings:

- God

- Wat is die Here se naam, en hoe verwys Hy na homself?

-  Is Jesus Christus God?

- Die term "Here".

- Kan mense "gode" wees?

- Bestaan daar ander gode?

-----------------------------------------------------------------------------------------------------------------------------God:

Die betekenis van die woord GOD:

Hebreeus:

(Gen 1:1)  In die begin het God (Hebr. woord " el-o-heem' ", wat in hierdie konteks verwys na die Almagtige regter, soos 'n "magistraat" = God)(afhangende vd konteks, word die woord ook gebruik vir engele, gode, verhewe, groot, regters, en magtige) die hemel en die aarde geskape. Kyk ook Jon 1:6 - "Daarop kom die skeepskaptein na hom (Jona) toe aan en sê vir hom: Wat makeer jou dat jy so vas slaap? Staan op, roep tot jou God (el-o-heem)! Miskien sal dié God (el-o-heem) aan ons dink, sodat ons nie vergaan nie".

In sommige verse word die woord "Here" gebruik voor die woord God, bv.: (Gen 2:4 - "Dit is die geskiedenis van die hemel en die aarde toe hulle geskape is. Die dag toe die HERE (Hebr. woord "yeh-ho-vaw'", 'n naam wat oor die algemeen verwys na die ewige God, die Een wat bestaan = 'n Joodse naam vir God) God die aarde en die hemel gemaak het". Die woord "Here" God verwys o.a. daarna dat Hy die "ewige God" is (en die woorde "ewige God" word terloops ook spesifiek in sommige skrifte gebruik, bv. Gen. 21:33), en word terloops nie gebruik vir ander gode in die Skrif nie... (want hulle was nie van altyd af daar nie!) - word spesifiek gebruik om te verwys na el-o-heem... - kyk bv.: Gen 21:33 - "En hy het ‘n tamarisk(boom) in Berséba geplant en daar die Naam van die HERE, die ewige (Hebr. woord "o-lawm'", van oue, altyd, vir ewig, ens.) God (Hebr. woord "ale", wat verwys na, wat gode aanbetref, is Hy die Almagtige), aangeroep" (kyk ook Gen. 31:13). In ander woorde, die woorde "ewige God" word baie spesifiek gebruik om te verwys na die Almagtige God, en somtyds in woorde word so na Hom verwys: (Gen 28:3 - "En mag God, die Almagtige (Hebr. woord "shad-dah'ee"), jou seën en jou vrugbaar maak en jou vermeerder, sodat jy ‘n menigte van volke kan word"). 

Somtyds word daar ook na die Here God (nl. die ewige God, die Almagtige God) verwys as "die God van Abraham", veral wanneer die betrokke generasie na die God van hulle voorvader Abraham, verwys...;  bv.: Gen 24:12 - "en gesê: HERE, God van Abraham, my heer, laat ek haar tog vandag ontmoet, en bewys guns aan Abraham, my heer". Hierdie woordgebruik is nog 'n manier om onderskeid te maak tussen ander gode en die ewige God;  in ander woorde, die God vir wie Abraham aanbid het, wie terloops die HERE GOD is (kyk ook die woorde in Gen. 28:13 "God van jou vader Abraham en die God van Isak")(en Eks. 3:6 - die woorde "God van jou vader", "God van Abraham", "God van Isak", "God van Jakob" - geslagslyn)  (Gen. 31:42; 33:20; Rig. 2:12; ens. / (Gen 46:3 - "Toe sê Hy: Ek is God ("ale"), die God ("el-o-heem") van jou vader. Moenie bevrees wees om na Egipte af te trek nie, want Ek sal jou daar ‘n groot nasie maak"). Of die woorde "die God van Israel" (Eks. 5:1) word gebruik, want Jakob se naam was verander na Israel. Kyk ook Eks. 10:3, waar die woorde "die God van die Hebreërs" gebruik word ("Toe gaan Moses en Aäron na Farao, en hulle sê vir hom: So spreek die HERE, die God (el-o-heem) van die Hebreërs (Hebr. woord "ib-ree'", 'n afstammeling van Eber/'n Hebreer): Hoe lank weier jy om jou voor My te verootmoedig? Laat my volk trek, dat hulle My kan dien").

In Jos. 3:10 verwys Josua na die Here as "die lewende God" (Jos 3:10 - "Verder het Josua gesê: Hieraan sal julle erken dat daar ‘n lewende (Hebr. woord "khah'ee" - Hy lewe! / hy's nie dood soos ander gode nie - kyk bv. ook, die Hebr. woord dale word hier vir God gebruik...) God ("ale") tussen julle is, en dat Hy sekerlik die Kanaäniete en Hetiete en Hewiete en Feresiete en Girgasiete en Amoriete en Jebusiete voor julle uit sal verdrywe"). 

Grieks:

(Matt. 1:23)  Kyk, die maagd sal swanger word en ‘n seun baar, en hulle sal Hom Emmánuel (Gr. woord "em-man-oo-ale'", 'n naam vir Christus, wat beteken "God met ons") noem, dit is, as dit vertaal word: God (Gr. woord "theh'-os", wat verwys na 'n goddellike wese, of verwys na 'n magistraat - beteken "verhewe, God, god(dellik)") met ons. Dieselfde Gr. woord word in Matt. 3:9 gebruik waar Jesus verklaar dat God selfs kinders uit klippe kan maak;  kyk ook Matt. 3:16, 4:3,4,6,7,10 en 5:8,9,34, ens.  Gewoonlik in die N.T., waar die woord God gebruik word, is die Gr. woord "theh-os" gebruik, behalwe Matt. 16:22 waar die Gr. woord koo-ree-os gebruik word ("koo'-ree-os" is in die AOV as God vertaal, maar kan ook vertaal word as Here, meester of meneer - dit verwys in wese veral na die een wat die hoogste outoriteit het). In Ef. 1:2,3,17, Kol. 1:2, ens... word daar spesifiek na die Vader verwys as God, maar in vele ander skrifte word daar ook na Jesus Christus verwys as God! (rol af vir die opsomming hieroor). 

Dieselfde Gr. woord "theh-os" word in 2 Kor. 4:4 gebruik vir "god van hierdie wêreld" (wat verwys na die Satan), maar is met 'n kleinletter g in die Skrif geskryf om onderskeid te maak tussen die Here God en die god wat deur die "wereld" aanbid word (nl. die wat onder die mag vd bose is...)(1 Joh. 5:19; Ef. 2:2).

Ook wat die Griekse betekenis van "God" aanbetref, word die woord "Here" baiemaal voor "God" gebruik (bv. "Here jou God",Matt. 4:7,10; 22:37 / of "Here onse God",Hand. 2:39 / of "Here julle God",Hand. 3:22; 7:37) - die woord "Here" verwys na die een met die hoogste outoriteit (meester) - verwysend na die "meester God". 

-----------------------------------------------------------------------------------------------------------------------------

Wat is die Here se naam?, en hoe verwys Hy na homself?

Ons skryf gewoonlik die Here se naam met 'n hoofletter g (G) wanneer ons na Hom (as God) verwys (en dit word ook so in die Skrif gedoen - ander gode word met 'n kleinletter g geskryf), maar die Hebreeuse woord vir "god" (el-o-heem) is dieselfde... (hetsy dit na die ewige God verwys, of gode, dit is dieselfde woord in die Hebrees).  Bv., in Jos 22:22, waar die woorde "die God vd gode" gebruik word, kan ons sien dat waar die woord "el-o-heem" gebruik word, dit nie noodwendig verwys na die Here (yeh-ho-vaw) nie, want in die betrokke Skrif word die woord "el-o-heem" bv. ook gebruik vir "gode"... Die God vir wie ons egter aanbid, nl. die almagtige ewige lewende God wat hemel en aarde gemaak het (die God van Abraham, Isak, Jakob...), is die GOD VAN DIE gODE!  (Hy is die almagtige - "Die God van die gode, die HERE (yeh-ho-vaw), die God (ale)(die almagtige God) van die gode (el-o-heem), die HERE, Hy weet dit; en ook Israel mag dit weet: As dit deur opstandigheid of deur troubreuk teen die HERE is—verlos ons nie vandag nie, HERE ")(Dan. 2:47)(rol af vir 'n studie oor wat die woord "god" of "gode" beteken en na wie dit verwys). Vgl. dit met Dan. 2:45 waar daar na die Here verwys word as die "grote ("rab" - kaptein, hoof, groot, here, meester) God ("el-aw")". Alhoewel die woord "el-o-heem" ook gebruik word om na die Here te verwys  (omdat Hy g(nee,G)od is)(in vele skrifte is hierdie die geval), is dit nie 'n woord wat spesifiek net vir Hom gebruik word nie, want dit gaan oor die betekenis;  oor die algemeen word daar dus liewer na die Here God verwys as Jehovah - somtyds as "onse God" (Jes. 1:10) of "die God van ons vaders" (sien bo) om onderskeid te maak tussen Hom en ander gode (bv. in Dan. 4:2 het Nedukadnesar wat ander gode aanbid het, maar tot insig gebring is, na die Here verwys as die "allerhoogste God"). Dit beteken nie dat ons Hom nie kan aanspreek as "God" (of dat jy slegs die woord Jehova kan gebruik soos sommige beweer) nie, maar tussen broeders en suster kan daar bloot na Hom vewys word as God of Here - tussen ander gelowe moet daar liefs uitgeklaar word na watter god ons verwys, nl. is dit die ewige God?, of na gode?  In beide gevalle word die woord eloheem dus gebruik, maar woorde rondom dit klaar uit na watter god daar van gepraat word.   En dus, alhoewel die Hebr. naam yeh-ho-vaw spesifiek die ewige Here God beskryf (en is soos Sy Naam), word daar baiemaal bloot na Hom verwys as "God" in beide die Ou en Nuwe Testament (en dan met 'n hoofletter G geskryf).  In die N.T. word die woord Theh-os (Grieks) oor die algemeen gebruik waar daar na God verwys word, maar dieselfde woord "theh-os" word natuurlik ook gebruik vir bv. die "god van hierdie wereld"... (maar dan met 'n kleinletter g). 

Net soos in die O.T. word die woord "Here" ook baiemaal in die N.T. voor die woord God gebruik..., hierdie is 'n manier om te verwys dat Hy die "meester God" is (bv., "Here julle God") (Rig. 6:10 - "En Ek het aan julle gesê: Ek is die HERE julle God; julle mag die gode (el-o-heem) van die Amoriete in wie se land julle woon, nie vrees nie. Maar julle het nie na my stem geluister nie"). Nie dat daar meer Gode is nie, maar wat "gode" aanbetref (wesens wat deur mense aanbid word), het Hy die hoogste outoriteit en is terloops ewig en die Skepper van alles (terwyl die ander nie is nie!). 1 Kon. 18:24 is nog 'n goeie voorbeeld van  hoe die woord "Here" voor God gebruik word om spesifiek na die Ewige God te verwys...: ("Roep julle dan die naam van julle god aan, en ék sal die Naam van die HERE (yeh-ho-vaw) aanroep; en die God (el-o-heem) wat met vuur antwoord, Hy sal God (el-o-heem) wees. En die hele volk het geantwoord en gesê: Die woord is goed"). In hierdie geval word die woord Here bloot gebruik wat die Hebr. woord "JEHOVAH" is (wat verwys na die ewige God wat bestaan, 'n naam wat deur die Jode vir God gebruik word) om uit te klaar na watter God hy verwys. Natuurlik is die omstandighede belangrik, bv. dat daar meer uitklaring gegee word in geval van 'n heidense gehoor (bv., Jehovah, of die Here God, of die Grote God, ens...), maar in die algemeen word Hy onder kinders van die Here aangespreek as God (en almal weet van wie ons praat, want daar is immers net een God!).  

In 1 Kon. 22:54 word daar na die Here as die "God van Israel" verwys, en dit is duidelik dat hierdie verskillende maniere van om na Jehova te verwys, ook bedoel is om uit te wys dat Hy nie dieselfde is as die ander gode wat aanbid word nie;  liewer, Hy is die God van die gode!, die lewende en ewige, Almagtige, GROTE GOD... (dieselfde kan nie van die ander gode gesê word nie..., want ten eerste is daar eintlik net een God, en wat wereldse begrip aanbetref is Hy die Grote God)(Jes. 44:6 - "So sê die HERE, die Koning van Israel en sy Losser, die HERE van die leërskare: Ek is die Eerste, en Ek is die Laaste, en buiten My is daar geen God nie")(Jes. 44:8)(1 Kor. 10:19,20) - vgl. dit ook met Jesus se woorde in Openb. 1:8,11. Ander gode is nie regtig Gode nie, maar dinge en wesens wat as Gode aanbid word.

In Gen. 46:3, waar die Here in naggesigte aan Jakob verskyn het, word die woord "ale" gebruik (asook die woorde "el-o-heem van jou vader"...) - Hy is die ewige, en dit word ook aan Jakob duidelik gemaak dat Hy die God is wat deur sy vader Isak aanbid is... 'n Ander voorbeeld is in Eks. 3:13-15, waarin die Here homself "EK IS" noem..., en ook verdere versekering gee dat Hy die God is wat deur hulle voorvaders aanbid is - (Eks. 3:13-15 - "Hierop het Moses tot God gespreek: Maar as ek by die kinders van Israel kom en aan hulle sê: Die God van julle vaders het my na julle gestuur, en hulle my vra: Hoe is sy naam? —wat moet ek hulle antwoord? En God sê vir Moses: EK IS WAT EK IS. Ook sê Hy: So moet jy die kinders van Israel antwoord: EK IS (Hebr. woord "haw-yaw'", om te bestaan / bly bestaan / vgl. met die Hebr. woord "el-o-heem") het my na julle gestuur. Toe sê God verder vir Moses: Dit moet jy aan die kinders van Israel meedeel: Die HERE, die God van julle vaders, die God van Abraham, die God van Isak en die God van Jakob, het my na julle gestuur. Dit is my Naam vir ewig, en dit is my gedenknaam van geslag tot geslag").

-----------------------------------------------------------------------------------------------------------------------------Is Jesus Christus God?

Jesus Christus is die Seun van God, en die Vader het Hom alle mag gegee... So ja!, Hy is God! Heelwat woorde word gebruik om die Messias te beskryf..., o.a. die woorde "sterke God", of "Immanuel" (wat terloops beteken "God met ons"/Matt. 1:23) - (Jes. 9:5 - "Want ‘n Kind is vir ons gebore, ‘n Seun is aan ons gegee; en die heerskappy is op sy skouer, en Hy word genoem: Wonderbaar, Raadsman, Sterke God (ale - die almagtige God), Ewige Vader (Hebr. woord "awb" - hoof, vader), Vredevors—");  en kyk ook (Jes. 7:14 - "Daarom sal die HERE self aan julle ‘n teken gee: Kyk, die maagd sal swanger word en ‘n seun baar en hom Immánuel (Hebr. woord "im-maw-noo-ale'" - wat beteken, God met ons) noem"). In Joh. 20:28 verwys Thomas na Jesus Christus as "my Here en my God", en in Hand. 2:36 verklaar Petrus dat God (die Vader) vir Jesus HERE (meester) en Christus (Messias) gemaak het.

-----------------------------------------------------------------------------------------------------------------------------

Die term "Here":

Die term "Here" is soos 'n naam vir die Grote God (bv. "Here God" = "meester God"). Dit is sekerlik waarom dit in soveel skrifte voor die woord God geplaas word.

Die woord "Here" is die Hebreeuse woord "yeh-ho-vaw'", wat in konteks vertaal word as Jehovah of die Here ('n nationale Joodse naam vir God)(verwysend na "die ewige God"). (Eseg. 28:2 - "Mensekind, sê aan die vors van Tirus: So spreek die Here (Johovah, wat beteken "my Here"): Omdat jou hart hoogmoedig was en jy gesê het: Ek is ‘n god, ek bewoon ‘n gode woning in die hart van die seë—terwyl jy tog ‘n mens is en geen god nie—en jou hart gemaak het soos die hart van ‘n god").     (Eseg. 28:6)  daarom, so sê die Here (Hebr. woord "ad-o-noy'"- wat beteken, my Here / 'n woord wat slegs vir God gebruik word) HERE (yeh-ho-vee'): Omdat jy jou hart gemaak het soos die hart van ‘n god,................(Eze 28:9)  Sal jy werklik sê, in die aangesig van hom wat jou doodmaak: Ek is ‘n god! —terwyl jy tog ‘n mens is in die hand van hulle wat jou deurboor, en geen god nie?).

Die woord "Here" is die Griekse woord "koo'-ree-os", wat in konteks vertaal kan word "God, Here, meester, of Meneer". (Hand. 4:33 - "En met groot krag het die apostels getuienis gegee van die opstanding van die Here Jesus, en groot genade was oor hulle almal")  ;  (1Thess. 1:1 - "Paulus en Silvánus en Timótheüs aan die gemeente van die Thessalonicense wat in God die Vader en die Here Jesus Christus is: Genade vir julle en vrede van God onse Vader en die Here Jesus Christus!"). 

Ons sien dat beide die Vader asook Jesus Christus aangespreek word as "God" en "Here". Die name wat in die N.T. veral gebruik word, is God die Vader (die Vader) en die Here Jesus Christus (die Seun van God) - en daar word na die Gees van God verwys as die Heilige Gees, nl. die "afgesonderde Gees" (van God) wat die wat weergebore word, elk ontvang. 

-----------------------------------------------------------------------------------------------------------------------------Kan mense gode wees?: 

Die woord "god" (thehos)(met 'n kleinletter "g" geskryf) verwys nie noodwendig na 'n afgod nie!, 

Bv., die tot wie die woord van God kom, word somtyds na verwys as gode...  (Joh 10:34-38 - "Jesus antwoord hulle: Is daar nie in julle wet geskrywe: Ek het gesê, julle is gode (theh'-os) nie? As dit húlle gode noem tot wie die woord van God gekom het, en die Skrif nie gebreek kan word nie, sê julle vir Hom wat die Vader geheilig en in die wêreld gestuur het: U spreek godslasterlik—omdat Ek gesê het: Ek is die Seun van God? As Ek nie die werke van my Vader doen nie, moet julle My nie glo nie; maar as Ek dit doen, al glo julle My nie, glo die werke, dat julle kan erken en glo dat die Vader in My is, en Ek in Hom"). Kyk ook Eks. 4:16 ("En hy moet vir jou met die volk spreek, en dan sal hy vir jou ‘n mond wees en jy vir hom ‘n god (eloheem) wees"), waar genoem word dat Moses vir Aäron soos 'n god is (magistraat) - dit is nie bedoel dat Moses 'n god is nie, maar dat Moses in die plek van God optree... (Aäron was Moses se mond, en Moses het die Here geraadpleeg en hom vertel wat om te sê);  Aaron het maw nie self die Here God geraadpleeg nie, maar Moses het..., en het aan Aaron oorgedra wat God wil spreek (en Aaron was op beurt die profeet). Ons sien hoe die woord "god" hier op 'n ander manier gebruik word, om te verwys na wie is die magistraat!, nie dat dit leer dat hulle self gode is nie. Kyk ook Eks. 7:1,2 ("En die HERE het aan Moses gesê: Kyk, Ek stel jou as ‘n god vir Farao, en jou broer Aäron sal jou profeet wees. Jy moet spreek alles wat Ek jou beveel, en jou broer Aäron moet met Farao spreek, sodat hy die kinders van Israel uit sy land laat uittrek") stel God vir Moses aan as 'n "god vir Farao" - soos 'n regter of iemand wat deur die Here gestuur word met 'n boodskap soos 'n engel - dit verwys na die plig wat hy gehad het, alhoewel hy nie goed gepraat het nie (dus was Aäron soos sy profeet). Die opdrag was aan Moses gegee, maar Aäron moes dit in woorde oordra. 

In hierdie geval verwys die woord "god" na iemand wat in die plek van God optree. In hierdie opsig word daar somtyds na mense wat die werk doen van God, as gode verwys.  Die vraag is nou of almal na wie as "gode" verwys word, werklik die werk van God doen? DIT IS 'N BAIE BELANGRIKE VRAAG, want daar is baie sg. "gode" in hierdie wereld wat nie regtig gode is nie!

Die algemene persepsie van wie God is, kan miskien ook lig werp op hoekom mense somtyds "gode" genoem is, bv. dat hulle dinge kan doen wat ander mense nie kan doen nie, of buitengewone wysheid het of die toekoms ken, ens.  Hierdie is baiemaal die rede waarom sommige "verbode voedsels eet" en "verbode water drink" (speel in heidens geloofspraktyke, ens.), en die rede waarom die bronne wat genader of geraadpleeg word, gesien is as gode! 'n Goeie vb. is in Hand. 28:6, toe 'n adder vir Paulus byt en hy niks oorkom nie..., en die inboorlinge toe dink hy is 'n god - "En hulle het verwag dat hy sou opswel of skielik dood neerval; maar toe hulle lank gewag en gesien het dat niks besonders met hom gebeur nie, het hulle van gedagte verander en gesê dat hy ‘n god (theos) was". Hierdie is gewoonlik die rede waarom mense gode maak van dinge of mense wat nie gode is nie! - BRON IS BELANGRIK..., en alhoewel Paulus 'n dienaar was van die Here (en na regte 'n in konteks "god" genoem kan word), is daar baie dinge in hierdie lewe wat deur mense gode gemaak is wat nie die Here God as bron het nie. Dit gesê, verwys ons in elk geval liewer ook nie na profete en dienaars van die Here as gode nie, want dit kan tot gevolg hê dat sulke mense aanbid word, wat verkeerd is! Niemand moet aanbid word nie, behalwe die Here God, die Almagtige, ewige God... (wie bestaan uit die Vader, die Seun en Heilige Gees).

-----------------------------------------------------------------------------------------------------------------------------Bestaan daar ander gode?:

Die Here God is anders as ander gode?, en daar is geen ander HERE GOD nie!, behalwe die ewige God wat hemel en aarde geskep het, en omgee vir die mens...:  As iemand nie deur die Here God gestuur is nie, kan hy nie deurgaan vir 'n "god" nie.  (Deu 4:32-40)  Want doen tog ondersoek na die vorige dae wat voor jou gewees het, van die dag af dat God mense op die aarde geskape het, en van die een einde van die hemel tot by die ander einde van die hemel, of so iets groots gebeur het of iets dergeliks gehoor is.  Het ‘n volk die stem van God uit die vuur hoor spreek, soos jy gehoor het, en in die lewe gebly? Of het ‘n god (el-o-heem') probeer om vir hom ‘n nasie uit ‘n ander nasie te gaan neem deur versoekinge, deur tekens en wonders en deur oorlog en deur ‘n sterke hand en ‘n uitgestrekte arm en deur groot skrikwekkende dade soos die HERE julle God met julle voor jou oë in Egipte gedoen het? Jy self het dit te sien gekry, dat jy kan weet dat die HERE God is; daar is geen ander buiten Hom nie. Uit die hemel het Hy jou sy stem laat hoor om jou te onderrig; en op die aarde het Hy jou sy groot vuur laat sien, en jy het sy woorde uit die vuur gehoor.  En omdat Hy jou vaders liefgehad en hulle nageslag na hulle uitverkies het, en Hy self jou deur sy grote krag uit Egipte uitgelei het, om nasies groter en magtiger as jy voor jou uit te verdrywe en jou in te bring om hulle land aan jou as erfenis te gee soos dit vandag is—  daarom moet jy vandag weet en ter harte neem dat die HERE God is, bo in die hemel en onder op die aarde; daar is geen ander nie. En jy moet sy insettinge en sy gebooie hou wat ek jou vandag beveel, dat dit met jou en jou kinders ná jou goed mag gaan, en dat jy die dae mag verleng in die land wat die HERE jou God jou vir altyd sal gee.

Kom ons kyk na 'n paar skrifte waarin die woord "gode" gebruik word (veral in die konteks van "afgode"): Dit is duidelik dat die woorde "ale" en "eloheem" ook gebruik word vir "gode", en ons moet dus verstaan dat dit gaan oor die betekenis vd woord...  Dit gaan oor wie dit is vir wie iemand sien as die "almagtige". 

In 'n paar skrifte word spesifiek die woord "afgod" gebruik, gewoonlik in die konteks van afgodsoffers of waar beelde aanbid word:  (Jes._48:5  daarom het Ek jou dit lank tevore verkondig; voordat dit gekom het, het Ek jou dit laat hoor, dat jy nie sou sê: My afgod het dit gedoen, of my gesnede beeld of my gegote beeld het dit beveel nie).     (Jes._66:3  Wie ‘n bees as offer slag, is soos hy wat ‘n man doodslaan; wie ‘n lam offer, soos hy wat ‘n hond se nek breek; wie ‘n spysoffer bring—dit is varkbloed; wie wierook as gedenkoffer bring, is soos hy wat ‘n afgod (Hebr. woord "aw'-ven", wat verwys na 'n afgod, boos, vals, nietig, ens.) prys. Soos húlle hul eie weë verkies het en hulle siel ‘n behae het in hul verfoeisels)     (1Kor._8:4  Wat dan die eet van die offervleis aan die afgode betref, weet ons dat ‘n afgod (Gr. woord "i-do-loth'-oo-ton", wat verwys na 'n beeld offer, offer wat aan 'n afgod gemaak word) niks in die wêreld is nie, en dat daar geen ander God is nie, behalwe Een.........1Kor._8:7  Die kennis is egter nie in almal nie; maar sommige, nog altyd bewus van die afgod, eet dit as ‘n afgodsoffer, en hulle gewete, wat swak is, word besoedel.)     (1Kor._10:19  Wat sê ek dan? Dat ‘n afgod  iets is, of dat ‘n afgodsoffer iets is?)(Gr. woord "i'-do-lon", wat verwys na 'n beeld, heidense god wat aanbid word).

(Eks. 34:14)  Want jy mag jou nie neerbuig voor ‘n ander god (ale) nie; want die HERE se Naam is Jaloers—’n jaloerse God is Hy.

(Rig. 8:33)  Maar net toe Gídeon dood was, het die kinders van Israel weer die Baäls agternagehoereer en van Baäl-Berít vir hulle ‘n god (el-o-heem) gemaak.

(Rig. 9:27)  En hulle het uitgegaan in die veld en hulle wingerde afgeoes en uitgetrap en oesfees gehou; daarop het hulle in die huis van hulle god (el-o-heem) ingegaan en geëet en gedrink en Abiméleg gevloek.

(Rig. 11:24)  Sal u dit nie in besit neem wat u god (el-o-heem) Kamos u as ‘n besitting gee, en óns alles wat die HERE onse God voor ons uit verdrywe, in besit neem nie?

(Rig. 16:23)  En die vorste van die Filistyne het vergader om ‘n groot offer te bring aan hulle god (el-o-heem) Dagon en om vrolik te wees; en hulle het gesê: Ons god het ons vyand Simson in ons hand gegee.

(Rig. 16:24)  En toe die volk hom sien, prys hulle hul god (el-o-heem); want hulle het gesê: Ons god het ons vyand en die rinneweerder van ons land, wat ook baie van ons laat sneuwel het, in ons hand gegee.

(1Kon. 18:25)  Verder het Elía aan die profete van Baäl gesê: Kies vir julle een bul uit en maak dit eerste gereed, want julle is die meeste; en roep die naam van julle god (el-o-heem) aan, maar julle mag geen vuur maak nie.

(1Kon. 20:28)  Toe kom die man van God nader en sê aan die koning van Israel: So spreek die HERE: Omdat die Arameërs gesê het: Die HERE is ‘n god (el-o-heem) van die berge, en Hy is nie ‘n god (el-o-heem) van die laagtes nie—daarom sal Ek hierdie hele groot menigte in jou hand gee, dat julle kan weet dat Ek die HERE is.

(2Kon. 1:2)  En Ahásia het deur die tralievenster in sy bo-kamer, in Samaría, geval en siek geword. Toe stuur hy boodskappers uit en sê vir hulle: Gaan raadpleeg Baäl-Sebub, die god (el-o-heem) van Ekron, of ek van hierdie siekte gesond sal word.

(2Kon. 1:3)  Maar die Engel van die HERE het vir Elía, die Tisbiet, gesê: Maak jou klaar, gaan op, die boodskappers van die koning van Samaría tegemoet, en spreek met hulle: Gaan julle, omdat daar glad geen God (el-o-heem) in Israel is nie, om Baäl-Sebub, die god (el-o-heem) van Ekron, te raadpleeg?

(2Kon. 1:4)  Daarom dan, so sê die HERE: Van die bed waar jy op geklim het, sal jy nie afkom nie, want jy sal sekerlik sterwe. En Elía het gegaan.

(Job 12:6)  Rustig staan die tente van die verwoesters, en sekerheid is die deel van hulle wat God (ale) vertoorn, van hom wat sy god (el-o'-ah, el-o'-ah) in sy hand dra.

(Psa 81:10)  Daar mag by jou geen vreemde god (ale) wees nie, en voor ‘n uitlandse god (ale) mag jy jou nie neerbuig nie.

(Jes. 44:10)  Wie maak ‘n god (ale) en giet ‘n beeld wat geen voordeel aanbring nie?..............(Isa 44:15)  Dan dien dit die mens as brandhout, en hy neem daarvan en maak hom warm; ook steek hy dit aan die brand en bak brood; ook maak hy daar ‘n god (ale) van en buig hom daarvoor neer; hy maak daar ‘n gesnede beeld van en kniel daarvoor neer....................(Isa 44:17)  En van wat oor is, maak hy ‘n god (ale), sy gesnede beeld; hy kniel daarvoor neer en buig hom en aanbid dit en sê: Red my, want u is my god!

(Jer 48:35)  En Ek sal in Moab ‘n einde maak, spreek die HERE, aan hom wat op die hoogte offer en rook laat opgaan vir sy god (el-o-heem).

(Dan 3:28)  Daarop het Nebukadnésar gespreek en gesê: Geloofd sy die God van Sadrag, Mesag en Abednégo, wat sy engel gestuur en sy knegte verlos het wat hulle op Hom verlaat het en die bevel van die koning oortree het, en wat hulle liggame oorgegee het om geen ander god (el-aw') te dien of te aanbid nie, behalwe hulle God (el-aw').(Dan 3:29)  Daarom word deur my bevel gegee dat enige volk, nasie of taal wat oneerbiedig spreek oor die God van Sadrag, Mesag en Abednégo, stukkend gekap en van sy huis ‘n mishoop gemaak sal word, omdat daar geen ander god (el-aw') is wat so kan verlos nie.

(Dan 4:8)  totdat eindelik Daniël voor my ingekom het, wie se naam Béltsasar is, na die naam van my god (el-aw'), en in wie die gees van die heilige gode (el-aw') is; en ek het hom die droom vertel:

(Dan 6:8)  Al die ministers van die koninkryk, die bevelhebbers en die landvoogde, die raadsmanne en die goewerneurs het beraadslaag dat die koning ‘n verordening moet uitvaardig en ‘n verbod bekragtig dat elkeen wat gedurende dertig dae ‘n versoek rig aan enige god (el-aw') of mens behalwe aan u, o koning, in die leeukuil gegooi sal word.

(Dan 6:13)  Hulle het toe nader gekom en voor die koning oor die koninklike verbod gespreek: Het u nie ‘n verbod geskrywe dat elkeen wat gedurende dertig dae ‘n versoek doen aan enige god (el-aw') of mens behalwe aan u, o koning, in die leeukuil gegooi moet word nie? Die koning het geantwoord en gesê: Die saak staan vas volgens onherroeplike wet van Meders en Perse.

(Dan 11:38)  Maar in plaas daarvan sal hy die god (el-o'-ah, el-o'-ah) van die vestings vereer, en die god (el-o-ah) wat sy vaders nie geken het nie, sal hy met goud en silwer en edelgesteente en kosbaarhede vereer.

(Dan 11:39)  So sal hy dan optree teen die versterkte vestings met behulp van ‘n vreemde god (el-o-ah); diegene wat hy erken, sal hy baie eer en hulle oor baie laat heers en grond as beloning uitdeel.

(Hos 8:6)  Want dit is ook uit Israel: ‘n smid het dit gemaak, en dit is geen god (el-o-heem) nie; maar tot splinters sal dit word—die kalf van Samaría.

(Amo 8:14)  hulle wat sweer by die skuld van Samaría, en ook sê: So waar as jou god (el-o-heem) leef, o Dan! en: So waar as die weg van Berséba leef! En hulle sal val en nie weer opstaan nie.

(Mal 2:11)  Juda het troueloos gehandel, en ‘n gruwel is in Israel en in Jerusalem gepleeg; want Juda het die heiligdom van die HERE (yeh-ho-vaw), wat Hy liefhet, ontheilig, en hy het die dogter van ‘n uitlandse god (ale) getrou.

(Hand. 7:43)  Ja, julle het die tent van Molog opgeneem en die ster van julle god (heos

theh'-os) Remfan ('n Egiptiese afgod), die beelde wat julle gemaak het om hulle te aanbid. En Ek sal julle anderkant Babilon wegvoer.

(Hand. 12:21)-23 -  En op ‘n bepaalde dag het Herodes ‘n koninklike kleed aangetrek en op die troon gaan sit en hulle toegespreek.  Daarop het die volk hom toegeroep: ‘n Stem van ‘n god (theos) en nie van ‘n mens nie! En onmiddellik het ‘n engel van die Here hom getref, omdat hy die eer nie aan God (theos) gegee het nie; en hy is deur wurms verteer en het gesterwe.

Baie dinge word in hierdie lewe aanbid asof dit gode is, maar ons moet onderskei tussen LIG (God is lig) EN DUISTERNIS (ander gode). 

Wat ander gode aanbetref, word dieselfde woord in Hebr. en Grieks gebruik vir "god", maar dit beteken nie dat almal wat as gode aangespreek word die werk van die Here God doen nie.  Dit is waarom die volk vele mal gewaarsku was teen gode...  (Gal 4:8,9 - " Maar destyds, toe julle God nie geken het nie, het julle dié gedien wat van nature geen gode is nie; maar nou dat julle God ken, of liewer deur God geken is, hoe keer julle weer terug tot die swakke en armoedige eerste beginsels wat julle weer van voor af aan wil dien?"). Beelde met hande gemaak, is nie gode nie! (Hand. 19:24)  Want iemand met die naam van Demétrius, ‘n silwersmid, maker van silwertempeltjies van Diana, het ‘n aansienlike verdienste aan die ambagsmanne verskaf...................(Hand. 19:26)  en julle sien en hoor dat nie alleen in Éfese nie, maar byna in die hele Asië, hierdie Paulus ‘n aansienlike skare oorgehaal en afvallig gemaak het deur te sê dat dit geen gode is wat met hande gemaak word nie. 'n Afgod is niks (en het ook nie 'n gees nie!) - die waarheid is dat die wat afgode aanbid, eintlik besig is om duiwels (die duisternis) te aanbid. Ons moet dus onderskei tussen wat is vd lig, en wat is vd duisternis.  Daar is net Een ware God (die een uit wie alles is) en een Seun van God (deur wie alles is)(1Kor. 8:4-6  Wat dan die eet van die offervleis aan die afgode betref, weet ons dat ‘n afgod niks in die wêreld is nie, en dat daar geen ander God is nie, behalwe Een. Want al is daar ook sogenaamde gode, of dit in die hemel en of dit op die aarde is—soos daar baie gode en baie here is— tog is daar vir ons maar een God, die Vader uit wie alles is, en ons tot Hom, en een Here Jesus Christus deur wie alles is, en ons deur Hom")(Ef. 4:6). Die Here God is LIG, omhul Homself met lig soos met 'n kleed...(Ps. 104:2). Hierdie is baiemaal die woorde wat gebruik word in die Skrif wanneer daar onderskeid gemaak word tussen God en die bose, nl. onderskei tussen "lig en duisternis".  God is lig, die bose is van die duisternis. Dit is interessant in die Skrif, dat waar die Here of 'n engel van die Here aan iemand verskyn, daar ook baiemaal eerstens LIG gesien word... (bv., Paulus, toe die Here Jesus met Hom uit die hemel praat - Hand. 22:6-11; 26:13; )(en kyk ook vir Petrus in die gevangenis, toe 'n engel vd Here aan hom verskyn en uitlei - Hand. 12:7). Die Here God se kindes word o.a. ook na verwys as "kinders van die lig" en die Here is soos 'n lig vir hulle (Mig. 7:8)(vir 'n studie oor "ster, skyn, kinders vd dag", gaan na: https://warechristene.blogspot.com/2017/11/beeldspraak-van-ster-en-skyn-en.html)(Psa 36:10 - "Want by U is die fontein van die lewe; in u lig sien ons die lig")(Ef. 5:8). Jesus Christus word ook o.a. voorgestel as die Lig (Joh. 1:8,9)(Matt. 17:2; Joh. 12:35,36; ens.). Watter kant dien, aanbid, raadpleeg jy - die lig?, of die duisternis? Alle paaie lei NIE tot God (soos somtyds geleer word) nie!, en God is nie beide lig en duisternis (soos sommige glo) nie..."Vir wie" jy dien, aanbid, raadpleeg is belangrik, want nie alles paaie is van die lig nie.

Vir 'n studie oor afgode, gaan na: (https://warechristene.blogspot.com/2025/11/afgode.html). Eseg. 28 is 'n tipiese voorbeeld van iemand wat homself voordoen as 'n god, terwyl hy nie God is nie, en ook nie die wil van God uitvoer nie: (Eseg. 28:2 - "Mensekind, sê aan die vors van Tirus: So spreek die Here (Johovah): Omdat jou hart hoogmoedig was en jy gesê het: Ek is ‘n god (ale), ek bewoon ‘n gode (el-o-heem) woning in die hart van die seë—terwyl jy tog ‘n mens is en geen god nie—en jou hart gemaak het soos die hart van ‘n god (el-o-heem)").  En kyk ook: (Eze 28:6)  daarom, so sê die Here (ad-o-noy') HERE ("God" / yeh-ho-vee'): Omdat jy jou hart gemaak het soos die hart van ‘n god (el-o-heem),................(Eze 28:9)  Sal jy werklik sê, in die aangesig van hom wat jou doodmaak: Ek is ‘n god (el-o-heem)! —terwyl jy tog ‘n mens is in die hand van hulle wat jou deurboor, en geen god (ale) nie?

-----------------------------------------------------------------------------------------------------------------------------