Wys tans plasings met die etiket siel. Wys alle plasings
Wys tans plasings met die etiket siel. Wys alle plasings

Sondag 12 September 2021

Die mens

Hierdie is die eerste van 4 poste -  inleiding/opsomming vd studie oor "die mens":
-Die VLEES,
-Die SIEL, en
-Die GEES (vd mens).
------------------------------------------------------------------------------------------------------------
INLEIDING:
Die mens bestaan uit LIGGAAM, SIEL en GEES (1 Thess. 5:23; Gen. 2:7...). 
-(1)  Vir 'n studie oor DIE LIGGAAM (vd mens), gaan na (http://warechristene.blogspot.com/2019/05/die-liggaam.html) en (http://warechristene.blogspot.com/2020/05/uiteensetting-die-liggaam-lewende-siel.html). Heelwat terme beskryf die liggaam, of dit wat konnekteer word met die liggaam (bv. vlees, familie, werke, voedsel, vleis, die self, klere, organe), en elkeen van hierdie terme is 'n tema op sy eie.  Kyk o.a. na die term "vlees"; wat kan verwys na "vel" (Gen. 17:11), of in 'n groter konteks gebruik word van alle "menslike vlees" (Job 12:10; Gen. 6:13 ens.), of word ook gebruik vir familie (veral dan die begrip "vlees en been") (Gen. 2:23)..., ens.  Ons kan dus sien dat om "die liggaam" beter te verstaan, daar ingekyk moet word op al hierdie betekenisse van liggaam in die Hebreeuse woord. 
-(2)  Vir 'n sudie oor DIE SIEL (vd mens), gaan na (http://warechristene.blogspot.com/2020/06/die-siel-vd-mens.html). Op dieselfde wyse wat ons na die liggaam kyk, moet daar ook op verskillende begrippe ingekyk word om die siel beter te verstaan bv., die woord "siel" word somtyds gebruik om in geheel die innerlike mens te beskryf, maar ook letterlik gebruik (bv. vd hart, bloed, sintuie, organe, gebeente), tog ook figuurlik gebruik (bv. "hart, bloed, organe". maar vd innerlike mens).   Wat dus somtyds die onderwerp van liggaam, siel en gees ingewikkeld maak, is die feit dat die terme "siel" en "gees" somtyds na dieselfde verwys, tog word ook verskillende begrippe afsonderlik daarvoor gebruik (Hebr. 4:12; Jes. 26:9; Job 7:1; Fil. 1:27). Daar word ook in sommige skrifte net na twee dele vd mens verwys, bv. "liggaam en gees" (Jak. 2:26; 1 Kor. 7:34)(1 Kor. 6:19,20), of  "liggaam en siel" (Ps. 31:9);  m.a.w., LIGGAAM word in die algemeen gebruik om na die UITERLIKE MENS te verwys, en SIEL/GEES om na die INNERLIKE MENS te verwys.(in daardie opsig moet ons onderskei tussen die uiterlike mens en die innerlike mens - m.a.w., DIE MENS IS NIE NET UITERLIK VAN AARD NIE, MAAR HET OOK 'N INNERLIKE).  Nietemin, geen mens kan 'n lewende siel wees sonder "gees" nie...
-(3) Vir 'n studie oor DIE GEES (vd mens), gaan na (http://warechristene.blogspot.com/2019/10/die-geeste-van-alle-vlees.html). Die term "gees" verwys nie net na asem nie, maar word ook somtyds gebruik om te verwys na die innerlike mens in geheel (m.a.w. "die mens se gees"). 

------------------------------------------------------------------------------------------------------------------------------
DAAR MOET ALTYD ONDERSKEI WORD TUSSEN DIE:
- natuurlike mens, en die 
- geestelike mens;  veral wanneer daar na die terme "siel en gees" gekyk word (en in hierdie geval is dit waar die term liggaam verwys na DIE UITERLIKE MENS, en die terme siel/gees verwys na DIE INNERLIKE MENS). Die siel en gees vd geestelike mens bv. lyk anders as die siel en gees vd natuurlike mens. Die geestelike en natuurlike mens leef bv. deur verskillende "asems".  Die geestelike mens het die Heilige Gees, terwyl die natuurlike mens die gees vd wereld het. Die geestelike mens het 'n nuwe hart (hart besny)(is 'n nuwe mens) maar die natuurlike mens is nog die ou mens. 

Alhoewel die innerlike vd geestelike mens vernuwe is, is sy uitelike mens nog nie vernuwe nie (maar die liggaam sal terloops ook vernuwe word in "die opstanding"). 

Dus, alhoewel die mens bestaan uit liggaam, siel en gees, is hy TWEEDLEDIG VAN AARD -:
die UITERLIKE MENS (liggaam, siel en gees LETTERLIK bedoel)(2 Kor. 4:16), en
die INNERLIKE MENS (liggaam, siel en gees FIGUURLIK bedoel, m.a.w. verwysend na "die gees van binne")(Rom. 7:22; 2 Kor. 4:16; Ef. 3:16)
Ander terme wat ook gebruik word vir die "innerlike mens", is "die verborge mens vd hart" (1 Pet. 3:4);  of wanneer iets op iemand "se hart geskryf word" (Jer. 31:33)(of bv. iemand se hart vernuwe word), dan verwys dit ook na die mens "in die verborgene" (Rom. 2:29) - m.a.w., "die innerlike mens".  Daar kan ook hierna verwys word as die "binnekant" of "buitekant" vd mens (soos in Matt. 23:26 en Luk. 11:40), maar "binnerkant" bedoel nie hier die letterlike hart, niere ens. nie, maar verwys na die mens van binne, m.a.w. hart, niere ens. figuurlik gesproke (bv. dit wat iemand in sy hart bedink...). 

Daar is ook 'n konneksie tussen die letterlike en die figuurlike, bv.:  
-  Net soos die letterlike LIGGAAM (vlees)(uiterlike mens) nie kan lewe sonder die asem wat God gee nie, net so kan die liggaam figuurlik gesproke (vd innerlike mens) nie lewe sonder die gees of ASEM vd Heilige Gees nie. 
------------------------------------------------------------------------------------------------------------------------------
Die mens word somtyds voorgestel soos grond en/of saad wat in die wereld geplant word, om te groei en vrug te dra: 
Die liggaam kan vgl. word met grond (1 Kor. 15:37).
Die siel kan vgl. word met saad of plant of boom (Mark. 4:26-28; 1 Pet. 2:23).
Die gees kan vgl. word met lig
Hierdie soort beeldspraak word in baie skrifte in beide die ou en nuwe testament gebruik. Jesus het self ook somtyds so na die mens verwys - kyk bv. die gelykenis vd saaier, of waar Hy die wat in Hom glo voorstel soos lote wat moet vrug dra... (Joh. 15:5,6; Matt. 13:24-38; Mark. 4:26-29 ens.).

Die mens kan moontlik ook as volg verduidelik word:

(ROL AF VIR 'N BETER UITEENSETTING VAN WAAR DIE LIGGAAM, SIEL EN GEES VOORGESTEL WORD MET GROND/PLANT/LIG ens.)
------------------------------------------------------------------------------------------------------------------------------

IN ELKE GEVAL VAN terme wat gebruik word onderskeidelik vir LIGGAAM, SIEL EN GEES, is elk wel LETTERLIK, MAAR word ook FIGUURLIKgebruik, bv.:
- "gees" verwys letterlik na "asem" (vd uiterlike of innerlike mens), m.aw. asem waarsonder niemand 'n lewende wese kan wees nie, asook die gees waardeur die mens se innerlike asemhaal, bv. die natuurlike mens het die gees vd wereld, maar die geestelike mens het die Heilige Gees. 
Figuurlik kan die begrip "gees" (en somtyds word die woord siel gebruik) verwys na die innerlike mens in geheel, m.a.w. die gees wat in elke mens se binneste gevorm word.  
Wanneer die mens doodgaan verlaat die asem die liggaam - blaas m.a.w. die laaste asem uit.  Die gees van binne (die innerlike mens)(gees van elke mens) word dan in bewaring gehou tot op die dag oordeel - verwysend na die natuurlike mens, die wat die gees vd wereld het;  of die gees van binne (die innerlike mens)(gees van elke mens) wag op die dag van opstanding - verwysend na die geestelike mens, die wat die Heilige Gees het (deur wie se asem hulle LEWE en in bewaring gehou word tot op die dag van verlossing, m.a.w. die dag wanneer hulle uiterlike ook vernuwe word). 

- "siel" verwys letterlik na die "lewe"/siel in die bloed - hart, sintuie, organe, ens., en die uiterlike mens se bloed stop en die organe kom tot stilstand wanneer iemand sy laaste asem uitblaas. Die begrip word ook gebruik om na die innerlike mens te verwys in geheel (maw "die gees vd mens" - geleerdes gebruik somtyds die term gees/siel). Figuurlik verwys siel ook na die hart, bloed ens.- meer presies, wil, intellek, emosies ens. 
In geval vd geestelike mens is die hart bv. besny (daarom, "sien" en "hoor" anders...), maar die natuurlike mens se hart is nie besny nie (die dood is anders vir onbesnedenes, en daar is geen hoop op opstanding vir hulle nie - geloof bepaal of iemand gesien word as 'n besnedene of onbesnede... Hier sien ons hoe die hart wat ook verwys na die siel, figuurlik gebruik word - op dieselfde wyse het sintuie, bloed en organe ook 'n figuurlike verwysing). 

- "liggaam" verwys letterlik na vlees, familie en werke, ens., maar figuurlik ook daarna, bv. geestelike familie, en werke ("werke vd vlees" of "werke vd geloof"), ens
Die liggaam verderf letterlik wanneer die mens doodgaan en keer dan terug na stof, maar die wat nie die belofte het van opstanding (tot lewe) nie, sal beide "liggaam en siel" in die hel verderwe eendag (poel van vuur - ewige oordeel - oordeel vd hel). 
------------------------------------------------------------------------------------------------------------------------------

DIE MENS kan ook voorgestel word soos grond (vlees, familie, werke) waarin saad geplant word (siel, hart, vrug) en wat lig nodig het om te kan lewe en groei (gees/siel):

Liggaam = grond
Die liggaam is ten eerste UIT GROND gemaak.  Na regte kan ons sê dat die mens "grond" is, of soos grond gesien kan word, maar eintlik verwys hierdie feit veral na die liggaam gedeelte (LETTERLIK), maar word ook FIGUURLIK gebruik. Dit is nie net 'n Bybelse waarheid nie maar ook 'n wetenskaplike feit dat wanneer die mens sterf sy liggaam terugkeer na die stof waaruit dit gemaak is (Gen. 3:19; Ecc 12:7). Maar die feit dat die mens soos grond gesien kan word is ook 'n figuurlike konsep, en Christus self het ook hierdie konsep gebruik, bv. in die gelykenis vd saaier - waarin Hy die mens voorstel soos "grond waarin saad val of geplant word". Letterlik word die liggaam weer grond wanneer iemand doodgaan, maar wat word van die liggaam figuurlik?  Om dit te verstaan moet ons natuurlik weet waarna die liggaam figuurlik verwys...

Siel = saad of plant
In die Skrif word daar baie verwys na begrippe soos OESTYD, saai en maai, VRUG dra, ens.  Christus Jesus word voorgestel soos die wynstok  met die Vader as landbouer en gelowiges, LOTE - en in sommige ander skrifte word gelowiges ook voorgestel soos BOME wat in die wereld gesaai word om vrug te dra en wanneer die oestyd daar is, dan word die vrugte geoes... In Jes. 5 word die huis (kinders) van Israel voorgestel as "die Here se wingerd".  Nie alle SAAD verwys egter na gelowiges nie!, want onkruid is bv. ook saad ... Alle mense kan gesien word soos saad wat geplant word, en verwys figuurlik na die siel vd mens ("die hart").  Hoe lyk die "HART"? - gevoel, wil, intellek, gedagtes, oorlegginge, begeerlikhede ens. (Gen. 6:5; Hebr. 4:12; 1 Thess. 5:23;  Luk. 12:19; Hand. 4:32 ens.). Die hart wys bv. hoe iemand se VRUG lyk. Hier moet ons dus ook onderskei tussen die letterlike en die figuurlike, of die NATUURLIKE en die GEESTELIKE mens.

Gees = asem/lig
Wanneer dit kom by die studie van die vlees, siel en gees, is iets om hoog in gedagte te hou die feit dat elke LEWENDE SIEL en die gees van alle menslike vlees, is in God se hande (die God wat hemel en aarde gemaak het)(Job 12:10). (1Sa 2:6 - "Die HERE maak dood en maak lewend; Hy laat neerdaal in die doderyk en laat daaruit opkom")(Deut. 32:39). Geen mens kan lewe sonder die ASEM wat deur God gegee word nie (net soos 'n plant ook nie kan lewe of groei sonder lig nie).  Geen mens kan 'n LEWENDE SIEL wees sonder asem wat deur God verleen word nie...! - letterlik en figuurlik! Letterlik het elkeen asem nodig om te kan lewe en gaan dood wanneer die asem onttrek word.  Figuurlik formeer die Here 'n gees in elkeen se binneste m.a.w., wanneer iemand doodgaan is hy soos 'n gees sonder vlees en bene... en wag óf om veroordeel te word tot die tweede dood ("natuurlike mens"), óf wag op ASEM waardeur God iemand weer opwek tot lewe, spes. verwysend hier na "die opstanding" ("geestelike mens"). Hier moet ons onderskei tussen "kinders van die lig" en "kinders van die duisternis".  Jesus is 'n LIG wat in die wêreld gekom het sodat elkeen wat in Hom glo, nie in die duisternis bly nie...

ONS KAN DIT MOONTLIK MET DIE VOLGENDE DIAGRAM VERDUIDELIK:


Die mens is nie net 'n letterlike wese nie, maar ook figuurlik van aard.

Letterlik:
-  GROND:  'n liggaam (vlees, familie, werke). en 
-  SAAD/PLANT/BOOM:  siel (lewe in bloed)(hart wat klop), en 
-  ASEM/LIG:  soos asem/gees die "liggaam verlig" (asem wat God gee), so asem/lig nodig om eendag op te staan uit die dood (geestelike mens), maar die natuurlike mens het nie hierdie hoop nie.

Figuurlik: 
- GROND:  'n liggaam - VLEES:- oue (uit Adam), of nuwe mens (gewederbaar uit Gees en water - weer gebore).  FAMILIE: -Aan watter geestelike familie behoort iemand? - kyk na geloof en gehoorsaamheid.  WERKE:- Natuurlike mens - werke van die vlees;  Geestelike mens - werke van geloof.  Bestudeer onderwerpe soos: - LETTER MAAK DOOD  of  GEES MAAK LEWEND;  - OUE MENS  of  NUWE MENS; - natuurlike of geestelike MENS.
- SAAD/PLANT/BOOM:  'n siel ("lewe in bloed" - daar is slegs lewe in die bloed van Christus - geestelike mens;  MAAR die natuurlike mens het geen lewe, tweede dood)("hart" - gevoel, wil, intellek, gedagtes, oorlegginge, begeerlikhede ens. - VRUG).  Bestudeer onderwerpe soos: -HART ; VRUG ; natuurlike en geestelike mens;  -KINDERS VD VLEES (ou hart) of  KINDERS VD GEES (nuwe hart - vrug tot ewige lewe).
- ASEM/LIG:  'n gees - gees word in elkeen se binneste geformeer en wanneer iemand doodgaan, is hy 'n gees sonder vlees en bene, en kan slegs weer opgewek word deur die Here - deur Sy Gees (ASEM). Natuurlike mens se liggaam donker, maar Geestelike mens se liggaam verlig deur die Heilige Gees (asem), en dus reeds opgestaan tot nuwe lewe!  Bestudeer onderwerpe soos: - KINDERS VD DUISTERNIS  of  KINDERS VD LIG;  -GEES VD WERELD  of  GEES VAN GOD;  -GEES VD DWALING  of  GEES VD WAARHEID.
_________________________________________________________________________________
OPSOMMING:

Die mens bestaan uit vlees, gees en siel:
Gen 2:7 - "En die HERE God het
- die mens geformeer uit die stof van die aarde (LIGGAAM)
-  en in sy neus die asem van die lewe geblaas (GEES).
-  So het dan die mens ‘n lewende siel geword" (SIEL)(letterlik en figuurlik).

LIGGAAM:
Letterlik verwys die liggaam na VLEES ("mensdom en diere"-Gen. 6:12,19)(lewe terwyl iemand "asem" het en lewe is in die bloed, maar keer terug na stof wanneer  iemand sterf),  FAMILIE ("vlees en bene"-Gen. 2:23), en fisiese ("letterlike") en WERKE(Gen. 3:17-19).
- Figuurlik verwys die liggaam ook na hierdie dinge maar na:
vlees as OU MENS of  NUWE MENS (natuurlike of geestelike mens).
familie as na die GEESTELIKE FAMILIE (m.a.w. geestelik vlees en bene)(geestelike mens opgestaan in nuwe lewe, en wag ook op letterlike opstanding eendag vir die wat gesterf het in Christus);
 - en werke as WERKE VD GELOOF (die "nuwe mens" - het oue mens afgelê, dus liggaam van sonde tot niet gemaak, en dien nie meer die sonde nie - Gal. 5:22; Rom. 6:6; Kol. 3:9,10), of WERKE VD VLEES (die "ou mens" - dien die sonde - Gal. 5:19-21). WERKE gaan dus oor "wie dit is vir wie jy dien";  of "wie se wil jy doen" - m.a.w., in wie glo jy? of, van wie is jy 'n slaaf?

GEES:
 - Letterlik= ASEM WAT GOD GEE / lewensasem (waarsonder niemand kan lewe nie)(gaan boontoe of keer terug na God wat dit gegee het wanneer iemand sterf)(Gen. 6:17; 7:15).
Figuurlik GEES WAT IN DIE MENS SE BINNESTE GEFORMEER WORD (of "siel")(dus gees sonder vlees en bene wanneer iemand sterf)(en kan slegs weer opgewek word deur die Here - deur Sy Gees of ASEM; en wag óf om veroordeel te word tot die tweede dood, óf wag op ASEM waardeur God iemand weer opwek tot lewe)(Sag. 12:1; Luk. 12:20).
Onderwerp:gees = asem = lig (soos nodig om 'n plant te laat lewe en groei).
Onderwerp: Natuurlike mens,  of geestelike mens (het Gees - lewe).
Onderwerp: Kinders vd duisternis, of kinders vd lig.

Ons moet ook onderskei tussen "kinders van die lig", en "kinders van die duisternis".

SIEL:
 - Letterlik SIEL IN BLOED - lewe in bloed (Lev. 17:14) - bloed pomp deur HART. Lewende siel (mens of dier beskryf as 'n lewende siel).
Figuurlik  "Hart" (gevoel, wil, intellek, gedagtes, oorlegginge ens.)
Onderwerp: SAAD of PLANT / "HART"/ natuurlik of geestelike mens (siel = saad of plant, soos in grond geplant)
Onderwerp: Hoe lyk die "HART"? - gevoel, wil, intellek, gedagtes, oorlegginge, begeerlikhede ens. (Gen. 6:5; Hebr. 4:12; 1 Thess. 5:23;  Luk. 12:19; Hand. 4:32 ens.). Die hart wys hoe iemand se VRUG lyk.
Onderwerp:  Vrug.
------------------------------------------------------------------------------------------------------------
Wat gebeur wanneer die mens doodgaan:
Hier moet ons onderskei tussen wat gebeur met die NATUURLIKE MENS wanneer hy sterf,  en wat gebeur met die GEESTELIKE MENS wanneer hy sterf, want die dood is anders vir natuurlike mense wanneer hulle sterf, as wat dit is vir die geestelike mens. Die natuurlike mens (kinders van Adam) word vergeet in die graf, maar geestelike mens (kinders van Jesus Christus) word nie vergeet nie... Uitendelik sal almal herlewe, maar nie almal sal deel he aan "die opstanding" nie.  Geestelike mense sal deel he aan die opstanding (wat sal plaasvind wanneer Jesus terugkom);  alhoewel nie almal wat dan opstaan sal opstaan tot lewe nie - sommige sal opstaan tot veroordeling... (Joh. 5:29). 
Nadat die 1000 jaar voltrek is (waarmee Jesus se koninkryk begin), sal die ander dode (m.a.w. "natuurlike mense") ook herlewe, maar dit sal wees om geoordeel te word... (wit troon oordeel)(Openb. 20:12-15). 

Ons moet ook kyk na wat gebeur met die afsonderlike dele vd mens, nl. die liggaam, siel en gees. En ons moet nie vergeet nie dat die mens tweeledig is van aard, m.a.w. UITERLIKE MENS ("letterlik") en INNERLIKE MENS("figuurlik"). Dit is ook van groot hulp om die voorstelling van "GROND (liggaam), SAAD (siel) en LIG (gees)" in gedagte te hou. 
- Wanneer iemand doodgaan,  keer die liggaam terug na stof (waaruit dit gemaak is) = GROND..
- Wat met die SAAD (verwysend na die siel/gees - innerlike mens) gebeur, hang af van hoe en waarin dit gegroei het, en die vrug wat dit opgelewer het...  
- Die gees (LIG) verlaat die liggaam en (die gees of asem) keer terug na God wat dit gegee het. Die gees vd mens is dan soos 'n gees sonder vlees en bene. 
_________________________________________________________________________________

DIE NATUURLIKE MENS  en  DIE GEESTELIKE MENS:
Alle mense kan gesien word as natuurlike mense (uit stof gemaak en kinders van Adam)(met vlees en siel en gees as beide letterlik en figuurlike komponente), maar die wat in Christus Jesus glo, word ook alreeds nou al gesien as GEESTELIKE MENSE omdat hulle die Heilige Gees het (en nie net kinders van Adam nie, maar word kinders van Christus Jesus). Natuurlik is "geestelike mense" nie letterlik gebore uit Christus se saad nie, maar het hierdie "wedergeboorte" verkry deur geloof. Hulle soos NUWE MENSE (wedergebore en het opgestaan in nuwe lewe)(en hulle gaan ook eendag opstaan in geestelike liggame), maar letterlik is hulle ook deel vd LIGGAAM VAN CHRISTUS

Geestelike mens:
(1Jn 5:8)  en daar is drie wat getuig op die aarde: die GEES en die WATER en die BLOED, en die drie is eenstemmig.
Liggaam: 
-Figuurlik -(nuwe mens / liggaam gewas / WATER)(en wag op letterlike opstanding tot lewe).  
-Letterlik -(deel vd "liggaam van Christus - deur waterdoop gedoop in liggaam van Christus in, en deur Gees gedoop tot EEN LIGGAAM - elke Christen 'n deel vd liggaam)
Kom ons kyk na 'n paar skrifte om dit beter te verstaan:
- WATER nodig om te reinig (Eseg. 36:25 - "Dan sal Ek skoon WATER op julle giet, sodat julle rein kan word; van al jul onreinhede en van al jul drekgode sal Ek julle REINIG").
- (Jesus gee Sy Liggaam - Sy liggaam gebreek vir ons (Luk. 22:19; Matt. 26:26; 1 Kor. 11:24); deur WATERdoop ingedoop in die liggaam van Christus - (1Kor. 11:27,28)  Wie dan op onwaardige wyse hierdie brood (vgl. met liggaam) eet of die beker van die Here drink, sal skuldig wees aan die liggaam en bloed van die Here. Maar die mens moet homself beproef en só van die brood eet en uit die beker drink ;  (1Kor. 10:16,17)  die beker van danksegging wat ons met danksegging seën, is dit nie die gemeenskap met die bloed van Christus nie? Die brood wat ons breek, is dit nie die gemeenskap met die liggaam van Christus nie? Omdat dit EEN BROOD is, is ons almal een liggaam, want ons het almal deel aan die een brood.
- (Eph 4:4)  Dit is een liggaam en een Gees, soos julle ook geroep is in een hoop van julle roeping;
- (1Co 12:12,13)  Want net soos die liggaam een is en baie lede het, en al die lede van die een liggaam, al is hulle baie, een liggaam is, so ook Christus. Want ons is almal ook deur een Gees gedoop tot een liggaam, of ons Jode of Grieke is, slawe of vrymanne; en ons is almal van een Gees deurdronge.
- (1Kor. 12:20)  Maar nou is daar wel baie lede, maar net een liggaam.


Siel: 
-Figuurlik -(lewe is in BLOED van Christus )(HART vernuwe).  
-Letterlik -(EEN met ander gelowiges - deel in dieselfde bloed - EEN VAN SIEL - "dink" eenders - gaan oor barmhartigheid teenoor mekaar).
Kom ons kyk na 'n paar skrifte om dit beter te verstaan:
- Bloed van N.T. - tot vergifnis van sondes (Matt. 26:28) - volk deur Sy eie bloed geheilig (Hebr. 13:12)
- (Eseg. 36:26)  En Ek sal julle ‘n nuwe HART gee en ‘n nuwe GEES IN jul BINNESTE gee; en Ek sal die hart van klip uit julle vlees wegneem en julle ‘n hart van vlees gee.
- (Hand. 4:32)  En die menigte van die wat gelowig geword het, was een van hart en siel, en nie een het gesê dat iets van sy besittings sy eie was nie, maar hulle het alles in gemeenskap gehad.
- (Fil. 2:2)  maak dan my blydskap volkome deur eensgesind te wees en dieselfde liefde te hê, een van siel, een van sin - "dink" dieselfde, en gaan oor barmhartigheid  (vgl. dit met Johannes die doper se bediening van bekering, wat gaan oor bekeer van die manier hoe jy "sien" tot die manier hoe die Here sien en het dan barmhartigheid tot gevolg... (lees Fil. 2:2 in konteks om hierdie beter te verstaan)http://warechristenedagstukkies.blogspot.co.nz/2018/05/honger-dors-herberg-vreemdeling-naak.html).
- Christene deel gesamentlik in die liggaam van Christus, deel in die lewe wat in Sy BLOED is- (1Kor. 11:27,28)  Wie dan op onwaardige wyse hierdie brood eet of die beker (vgl. met bloed) van die Here drink, sal skuldig wees aan die liggaam en bloed van die Here. Maar die mens moet homself beproef en só van die brood eet en uit die beker drink ;  (1Kor. 10:16,17)  die beker van danksegging wat ons met danksegging seën, is dit nie die gemeenskap met die bloed van Christus nie? Die brood wat ons breek, is dit nie die gemeenskap met die liggaam van Christus nie? Omdat dit een brood is, is ons almal een liggaam, want ons het almal deel aan die een brood.
Gees (vd mens): 
-Figuurlik -(asem deur die GEES van God)(LEWE deur die Heilige Gees - die Heilige Gees "asem" vir die geestelike mens, en die geestelike mens het dus al die ewige lewe en is verseel deur die Heilige Gees tot op die dag van verlossing, maar wag ook op die letterlike opstanding tot (ewige) lewe...).  
-Letterlik -(deel in dieselfde Gees met ander gelowiges, en het letterlik gawes en bedieninge soos die Gees aan elk toebedeel)(Christene staan vas in een gees en stry saam vir die geloof en evangelie...).
Kom ons kyk na 'n paar skrifte om dit beter te verstaan:
Gees vd waarheid - getuig van Jesus Christus (Joh. 15:26)
(Eze 36:27)  En Ek sal my Gees in jul binneste gee en sal maak dat julle in my insettinge wandel en my verordeninge onderhou en doen.
- (1Kor. 6:16,17)  Of weet julle nie dat hy wat ‘n hoer aanhang, met haar een liggaam is nie? Want die twee, sê Hy, sal een vlees wees. Maar wie die Here aanhang, is een gees met Hom.
- (Rom 8:16)  Die Gees self getuig saam met ons gees dat ons kinders van God is;
- Christene verseël deur die Heilige Gees tot op die dag van verlossing - as onderpand in hart gegee (2 Kor. 1:22).
- (Fil 1:27)  Alleenlik, gedra julle waardig die evangelie van Christus, sodat, of ek kom en julle sien dan wel of ek afwesig is, ek van julle omstandighede kan hoor dat julle in een gees vasstaan en, een van siel, saam stry vir die geloof van die evangelie,
- (1Kor. 12:11)  Maar al hierdie dinge werk een en dieselfde Gees wat aan elkeen afsonderlik uitdeel soos Hy wil.

ONS KAN DIE GEESTELIKE MENS MOONTLIK OP DIE VOLGENDE MANIER VOORSTEL:


Soos die natuurlike mens (kinders) lewende siele word deur die asem wat in hulle geblaas word, so word Christene weer gebore - 'n "lewende siel" deur die Heilige Gees (1 Kor. 15:45) - die lewe van hierdie geestelike liggaam is nie in hulle eie bloed nie, maar in die bloed van Christus, en hulle is deel van 'n geestelike liggaam (Christus se vlees).  Hulle het wel nog natuurlike liggame, maar terwyl die natuurlike liggaam die dood werk, is hulle (deur die Heilige Gees) deel van 'n geestelike liggaam wat LEWE in hulle werk.  Hulle siele word vernuwe en hulle het die hoop op opstanding...

"Natuurlike mens" verwys na die wat NIE die Gees van God het nie.  "Geestelike mens" verwys na die wat wel die Gees van God het.  Die natuurlike mens kan dus ook verwys na wat ons bo verduidelik as DIE MENS "letterlik of figuurlik", maar die figuurlike liggaam waaraan iemand behoort en aan wie iemand gehoorsaam is, is die bepalende faktor van of iemand se siel / gees vernuwe word en hy deel word van die geestelike liggaam - dus dan 'n "geestelike mens". Daarom kan iemand nou al die natuurlike mens afle en 'n geestelike mens word, wanneer hy sy geloof plaas in Christus Jesus en die Heilige Gees ontvang. Niemand kan 'n geestelike mens word sonder die Heilige Gees nie. Niemand kan wederbaar word of weer gebore word as "geestelike mens" (verander van natuurlike na geestelike) sonder die Heilige Gees nie (Rom. 8:6).  Deur die Gees van God word sy hart vernuwe!  Hy kry 'n nuwe hart - nuwe siel (en dit verwys beslis na die figuurlike betekenis) - sy manier van dink, wil, emosies ens. verander!  Bv., hy begin dink soos die Here dink, en beoordeel nie meer dinge soos die natuurlike mens dit beoordeel nie...  Sy wil is nou om die wil vd Here te doen, nie sy eie nie... Natuurlik word hierdie "siel" ook beskryf  as "hart" of  "gees" (Ef. 4:23; Ps. 51:10; Eseg. 11:19; 18:31; 36:26; Rom. 12:2; Kol. 3:10; Tit. 3:5).  (Deut. 30:6 - "En die HERE jou God sal jou hart besny en die hart van jou nageslag, om die HERE jou God lief te hê met jou hele hart en met jou hele siel, dat jy kan lewe").

Figuurlik verwys "gees vd mens" na die gees wat binne-in die mens geformeer word - ons kan sê dat elke mens " 'n gees " is (maar 'n gees in 'n liggaam van vlees en bloed).  As iemand sterf is hy soos 'n gees sonder vlees en bene, want sy liggaam keer terug na stof (kyk onderwerp van "geeste van afgestorwenes").
Letterlik kan niemand op aarde lewe: 
(1) sonder 'n liggaam, of 
(2) sonder die asem wat God gee nie.  Met die opstanding sal alle geestelike kinders (die wat in Christus Jesus glo en gevul is met Sy Heilige Gees) LETTERLIK deur Hom opgewek word, deur Sy Heilige Gees.   (Eze 37:5)  So spreek die Here HERE tot hierdie bene: Kyk, Ek bring gees in julle in, sodat julle lewendig kan word.(Eze 37:6)  En Ek sal senings op julle lê en vlees oor julle laat opkom en ‘n vel oor julle trek en gees in julle gee, sodat julle lewendig kan word; en julle sal weet dat Ek die HERE is...............(Eze 37:9)  Daarop sê Hy vir my: Profeteer tot die gees, profeteer, mensekind, en sê aan die gees: So spreek die Here HERE: Kom aan uit die vier windstreke, o gees, en blaas in hierdie dooies, dat hulle lewendig kan word.(Eze 37:10)  En ek het geprofeteer soos Hy my beveel het. Toe het die gees in hulle gekom, en hulle het lewendig geword en op hulle voete gaan staan—’n ontsaglike groot leër!..........................(Eze 37:13)  En julle sal weet dat Ek die HERE is as Ek julle grafte oopmaak en julle uit jul grafte laat opkom, o my volk!(Eze 37:14)  En Ek sal my Gees in julle gee, dat julle lewendig kan word; en Ek sal julle vestig in jul land; en julle sal weet dat Ek, die HERE, dit gespreek en gedoen het, spreek die HERE.

Die natuurlike mens maak staat op "wereldse wysheid", maar die geestelike mens beoordeel dinge geestelik;  m.a.w., volgens Jesus Christus se woorde, die waarheid deur die Woord en die leringe vd Heilige Gees.  Die wat die wil van die Vader doen, bly vir ewig - NIE die wat doen wat hulle wil en nie ag gee op hulle Skepper nie!  Op dieselfde wyse bestaan die woorde van God vir altyd, maar die wysheid van hierdie wereld of van hierdie wêreldse heersers, sal vergaan...(1Kor. 2:6).

Nog 'n paar Skrifte oor "natuurlike" of "geestelike" mens:
(1Kor. 2:12)  Ons het ewenwel nie die gees van die wêreld ontvang nie, maar die Gees wat uit God is, sodat ons kan weet wat God ons uit genade geskenk het.
(1Kor. 2:13)  Daarvan spreek ons ook, nie met woorde wat die menslike wysheid leer nie, maar met dié wat die Heilige Gees leer, sodat ons geestelike dinge met geestelike vergelyk.
(1Kor. 2:14)  Maar die natuurlike mens neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word.
(1Kor. 2:15)  Maar die geestelike mens beoordeel wel alle dinge; self egter word hy deur niemand beoordeel nie.

(1Kor. 14:37)  As iemand meen dat hy ‘n profeet of ‘n geestelike mens is, moet hy erken dat wat ek aan julle skrywe, bevele van die Here is.

(Rom 8:5)  Want die wat vleeslik is, bedink vleeslike dinge, maar die wat geestelik is, geestelike dinge.
------------------------------------------------------------------------------------------------------------------------------

Ou mens en Nuwe mens:
Dit gaan hier oor die "innerlike mens" en spesifiek verwysend na die LIGGAAM, SIEL en GEES figuurlik gesproke.

Die ou mens:
Die "ou mens" verwys na die natuurlike mens wat die liggaam van die sonde dien
Die ou mens dien die vlees met sy hartstogte en begeerlikhede (Gal. 5:24) 
en dien die wereld (Gal. 6:14) en hou vas aan eie of wereldse wysheid.
DIE OU MENS WANDEL IN DIE BEGEERLIKHEDE VAN DIE VLEES, EN DOEN DIE WIL VD VLEES EN VAN DIE SINNE. (Ef. 2:3)  onder wie ons almal ook vroeër gewandel het in die begeerlikhede van ons vlees toe ons die wil van die vlees en van die sinne gedoen het; en ons was van nature kinders van die toorn net soos ook die ander.

Die nuwe mens:
Die "nuwe mens" verwys na die geestelike mens van wie die liggaam van die sonde tot niet gemaak is.  Die nuwe mens dien nie meer die sonde nie (Rom. 6:6; Gal. 5:24; 6:14) en hou vas aan die waarheid.
"NUWE MENS" verwys deels na hoe Jood (besnedenes) en heiden (onbesnedenes) een word deur die bloed en liggaam van Christus, deurdat almal in hart besny word - besnydenis is DEELS IETS WAT DIE HERE IN IEMAND DOEN, MAAR OOK DEELS IETS WAT VAN ELKE GEESTELIKE MENS VERWAG WORD OM SELF TE DOEN. Die NUWE MENS IS NIE GEHOORSAAM AAN DIE WET VAN MOSES (O.T. besnedenes), OF GEHOORSAAM AAN DIE VLEES (onbesnedenes) NIE, MAAR is GEHOORSAAM AAN DIE HEILIGE GEES (besny na hart - "nuwe hart" - wette op hart geskrywe) - dien Jesus Christus (laaste Adam 'n lewendmakende Gees).
-(Ef. 2:15)  deurdat Hy in sy vlees die vyandskap tot niet gemaak het, naamlik die wet van gebooie wat in insettinge bestaan; sodat Hy, deur vrede te maak, die twee in Homself tot een nuwe mens kon skep
-(Kol. 3:9)  Lieg nie vir mekaar nie, omdat julle die oue mens met sy werke afgelê het (Kol. 3:10)  en julle jul met die nuwe mens beklee het wat vernuwe word tot kennis na die beeld van sy Skepper,

Nog SKRIFTE:
Rom_6:6  aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie.
Ef_4:22  dat julle, wat die vorige lewenswandel betref die oue mens moet aflê wat deur die begeerlikhede van die verleiding te gronde gaan,
Kol_3:9  Lieg nie vir mekaar nie, omdat julle die oue mens met sy werke afgelê het 
Matt_9:17  ‘n Mens gooi ook nie nuwe wyn in ou leersakke nie; anders bars die sakke en die wyn loop uit en die sakke vergaan. Maar ‘n mens gooi nuwe wyn in nuwe sakke en altwee bly behoue. 
Ef_2:15  deurdat Hy in sy vlees die vyandskap tot niet gemaak het, naamlik die wet van gebooie wat in insettinge bestaan; sodat Hy, deur vrede te maak, die twee in Homself tot een nuwe mens kon skep 
Kol_3:10  en julle jul met die nuwe mens beklee het wat vernuwe word tot kennis na die beeld van sy Skepper,
(Ef. 4:22)  dat julle, wat die vorige lewenswandel betref die oue mens moet aflê wat deur die begeerlikhede van die verleiding te gronde gaan,(Eph 4:23)  en dat julle vernuwe moet word in die gees van julle gemoed (Ef. 4:24)  en julle met die nuwe mens moet beklee wat na God geskape is in ware geregtigheid en heiligheid.
------------------------------------------------------------------------------------------------------------
(1Th 5:23)  En mag Hy, die God van die vrede, julle volkome heilig maak, en mag julle gees en siel en liggaam geheel en al onberispelik bewaar word by die wederkoms van onse Here Jesus Christus!

Sondag 31 Januarie 2021

Die siel vd mens (1)

In hierdie pos kyk ons na DIE SIEL (vd mens).

- Vir 'n studie oor DIE LIGGAAM, gaan na: https://warechristene.blogspot.com/2019/05/die-liggaam.html.
- Vir 'n studie oor DIE GEES (vd mens), gaan na: https://warechristene.blogspot.com/2020/05/asem-gees-lig-gees-vd-mens.html
_________________________________________________________________________________
OPSOMMING:
Rol af vir afsonderlike onderwerpe en skrifgedeeltes, nl.
- hoe die siel beskryf word of wat dit beskryf;
- wat kan ons leer oor "siel" uit Jesus se woorde;
- die "siel" in beeldspraak; en 
- ander woorde wat die siel help beskryf. 

Die woord "siel" word somtyds gebruik om in geheel na die innerlike mens te verwys (soos die woord "liggaam" somtyds gebruik word om na die uiterlike mens te verwys)(Matt. 10:28 - bv, niemand kan die siel doodmaak nie, behalwe God...). Die "siel", altans hier verwysend na die innerlike mens, is belangriker as die uiterlike mens.  Dis bv. belangriker om jou te oefen in die godsaligheid as wat dit is om jou liggaam te oefen.  Natuurlik is dit belangrik om vir die uiterlike te sorg, bv. kos en water en oefening ens., maar wat van die innerlike? Wat se kos en water kry jou siel? Hoe is dit geklee en wat se oefening word dit gegee? Wat is die toestand van jou siel? Hoe kan jou siel jou beskryf as mens?

Die woord "SIEL" het ook:
'n wye betekenis en word beide letterlik en figuurlik gebruik, bv. letterlik kan die hart die siel beskryf, maar figuurlik kan dit ook beskryf word deur bv. die begeertes vd hart (kyk na woorde soos emosies, gedagtes, wil, begeerte, hart, beslissing vd hart ens.). Dit kan selfs beskryf word deur "lewend a.g.v. asem" want sonder asem kan niks of niemand 'n "lewende siel" wees nie (kyk na woorde soos lewe, wese, persoon, mens of dier, die self ens.). Dit kan beskryf word deur 'n persoon, bv. mense kan as "siele" aangespreek word, en in daardie geval beskryf dit die uiterlike en/of innerlike mens in geheel (bv. "daar was 20 siele - 20 mense"). Dit kan beskryf word deur iets soos bloed, want die siel is in die bloed. Dit kan beskryf word deur sintuie, organe en gebeente (hetsy letterlik of figuurlik)(en dus deur dinge soos aptyt beskryf - bv. die belangrikheid van kos en water...), want wat die uiterlike mens aanbetref verwys siel na hierdie stelsels binne die liggaam wat in 'n werkende toestand is (omdat iets of iemand asem het); en wat die innerlike mens aanbetref kan hierdie stelsels ook gesond of ongesond wees... Ons sien dus dat daar baie woorde is waardeur SIEL beskryf word (en hulle is almal belangrik!).  
Die woord "siel" kan dus nie net deur een woord beskryf word nie, want dit hang af of daar verwys word na: 
- (1) siel letterlik, of na die
- (2) siel figuurlik, of 
- (3) die mens in geheel, of
- (4) waar dit gebruik word vd innerlike mens.

Die woord siel is:
- die Hebr. woord "neh'-fesh" (Gen. 1:30; 2:7...)(letterlik of figuurlik)(aptyt, gedierte, liggaam, asem, wese, begeerte, gees, hart, lewe, begeerte, mens, die ek, gedagtes, lewendig, een, eie, persoon, plesier, die self, hulle, 'n ding, ens.); of
 - die  Gr. woord "psoo-khay' (wat ook duidelik beide letterlik en figuurlik gebruik word).
(rol af vir uiteensetting)

Dus:
(1) SIEL leterlike beskrywe (asof dit die uiterlike mens beskrywe):
Bv. HART, BLOED, SINTUIE, ORGANE. Verwysend na iets wat lewe - 'n LEWENDE SIEL.  
(Gen 1:30 - "Maar aan al die diere van die aarde en al die voëls van die hemel en al die kruipende diere op die aarde, waarin ‘n lewende siel is, gee Ek al die groen plante as voedsel. En dit was so"). Sonder asem (gees/lig), en natuurlik 'n liggaam, kan niks 'n lewende siel of wese wees nie. Asem verander die liggaam om lewendig te word en te "werk". Sonder asem kan die siel vd uiterlike mens (bv. hart, en bloed wat deur die liggaam pomp, sintuie, organe) nie werk nie en is die liggaam dood. In hierdie sin is die siel in die BLOED.- die bloed is met die siel verbind (Lev. 17:14); vleis met sy siel, met sy bloed... (Gen. 9:4). Immers is bloed soos 'n prentjie van iemand se gesondheidstoestand en ook nodig om die liggaam in 'n werkende toestand te hou. Daarom word "hart" ook gesien as deel vd siel, want dit is 'n belangrike komponent wat die bloed pomp deur die liggaam en die hele liggaam (en organe en sintuie dus deel vd siel) voorsien van allerhande nodige elemente.   Maar sonder asem kan niks of niemand lewe op aarde nie;  m.a.w., jy moet 'n lewende siel wees om te kan lewe op aarde (Gen. 2:7) - daarom gaan iemand of iets dood wanneer hy die laaste asem uitblaas... Somtyds word die woord "wese" hier in die plek van siel gebruik (alhoewel, ons moet onthou daar is baie soorte wesens met verskillende soorte liggame). Asem en bloed is beslis deel van wat 'n wese hier beskryf.  Vir 'n studie oor lewende siel/wese, gaan na: https://warechristene.blogspot.com/2018/12/lewende-wese-lewende-siel-menslike.html

(2) SIEL figuurlik beskrywe (asof dit die innerlike mens beskrywe):

(3) WAAR SIEL DIE MENS IN GEHEEL BESKRYF:
In geheel kan na mense verwys word as "siele" - die mens word somtyds na verwys as " 'n siel " (bv. soveel siele getel...)(bv. Gen. 46:22; Hand. 2:41; 27:37)(Num. 31:40; Jos. 2:13).  Dit verwys nie hier noodwendig na die gees in die binneste nie, maar ook na die uiterlike mens - asof iemand se BLOED  vgl. kan word met hom as 'n SIEL (Ps. 30:9; 30:10). Bestudeer gerus ook die term "vlees en bloed" wat verwys na die mensdom (en vgl. dit ook met die tema van "menslike wese").  Die mens is VLEES EN BLOED want hy is uit vlees en bloed gebore (Joh. 3:6; 1:13). Mense van dieselfde bloed is van dieselfde DNA en is familie van mekaar - bv. "van dieselfde bevolking" (mense van gemengde bloed verwys bv. na verskillende bevolkings). Iemand se lewe is in die bloed - dit beskryf hom as 'n siel - siel in bloed. Vir 'n studie oor vlees en bloed, gaan na: https://warechristene.blogspot.com/2018/10/vlees-en-been-vlees-of-liggaam-en-bloed.html

(4) WAAR SIEL DIE INNERLIKE MENS IN GEHEEL BESKRYF:
(1Pe 1:9 - "en die einddoel van julle geloof, die saligheid van julle siele, verkry") - die woord "siele" hier verwys duidelik meer na die innerlike mens as wat dit verwys na die "liggaam" (kyk ook Hebr. 12:3; 13:7; Jak. 1:21; 1 Pt. 2:25; Ps. 31:10 ens.).  Openb. 6:9 is ook 'n goeie vb. van waar "siele" duidelik gebruik word om te verwys na die innerlike mens (in geheel): -" En toe Hy die vyfde seël oopgemaak het, sien ek onder die altaar die siele van die wat gedood is ter wille van die woord van God en die getuienis wat hulle gehad het" - (kyk ook Openb. 20:4; Hand. 14:22; Matt. 11:29, ens.). Nog 'n goeie vb. is (Mic 6:7 - "Sal die HERE ‘n welbehae hê in duisende ramme en tien duisende strome van olie? Sal ek my eersgeborene gee vir my oortreding, die vrug van my liggaam vir die sonde van my siel?") - hier sien ons dat "liggaam" gebruik word vir "die uiterlike mens" en "siel" vir die "innerlike mens".  Jesus het ook hierdie soort taal gebruik in Matt. 10:28. 

As ons 'n meer vollediger opsomming wil maak oor DIE SIEL, sal ons dus ook moet inkyk op woorde soos:
-  lewe / lewende wese/siel (en die belangrikheid hier van asem);
-  die siel (of  die mens as siel ) letterlik en figuurlik bedoel;
-  hart en organe (en die belangrikheid hier van kos en water);
-  bloed (en die belangrikheid hier van uit watter saad iemand gebore is).
---------------------------------------------------------------------------------------------------------------
INLEIDING:

Die mens bestaan uit liggaam, siel en gees;  maar is tweeledig van aard nl. "die uiterlike mens" en die "innerlike mens";  dus, "liggaam siel en gees" verwys nie net na die uiterlike mens nie, maar ook na die innerlike mens;  alhoewel die woord "siel" somtyds gebruik word om in geheel na die innerlike mens te verwys (en "liggaam" om na die uiterlike mens te verywys). Om te se dat die uiterlike mens "liggaam, siel en gees", is sowel die innerlike mens "liggaam, siel en gees" is, is nie skriftuurlik korrek nie, alhoewel beide die uiterlike mens en die innerlike mens letterlik sowel figuurlik beskryf word in die Skrif. Bv., in baie skrifte sien ons hoe die woord "siel" nie net gebruik word vd uiterlike mens nie, maar ook vd innerlike mens. Die woord "siel" word veral in die Skrif gebruik van iets binne-in die mens, dier of voël (Gen. 1:30), en word somtyds beskryf deur die hart, of as binne-in die BLOED (siel in die bloed - Lev. 17:11; Gen. 9:4);  en verwys veral na "lewe"! (bv. "lewende siel").  Die woord SIEL kan dus 'n beskrywing wees van "siel" letterlik bedoel (bv. letterlike organe en sintuie)(bv. hart, bloed ens.), of  ":siel" figuurlik bedoel soos vd innerlike mens (wat dan verwys na begeertes, wil, gevoel, ens.). Op dieselfde wyse word die hart en organe bv. letterlik en figuurlik gebruik in die Skrif... Die siel letterlik bedoel (bv. "vd uiterlike mens") word veral gekenmerk deur die fisiese HART en BLOED wat deur die are pomp (bv. "DIE SIEL vd vlees is IN DIE BLOED" - Gen. 9:4,5; Lev. 7:27; 17:11,14; Deut. 12:23; Lev 17:11 - "Want die siel van die vlees is in die bloed, en Ek het dit aan julle op die altaar gegee om vir julle siele versoening te doen; want die bloed bewerk versoening deur die siel");  daarom word die mens belet om bloed te eet, is om hierdie rede! Gen. 9:4). Maar natuurlik verwys "siel" na dit "binne-in" (bv. van die liggaam) en die stelsels wat werk in die liggaam (bv. ORGANE, SINTUIE, GEBEENTE)(vir 'n studie oor "die mens se LIGGAAM", gaan na: https://warechristene.blogspot.com/2019/05/die-liggaam.html - wat verwys na vlees, familie, werke, voedsel en water, vleis, die self, klere en naaktheid, maar ook organe en sintuie kan insluit). In Biologie word ORGANE ingedeel in verskillende stelsels.  Daar is bv. die spierstelsel (geraamte, gewrigte, ligamente, spiere, senings); die spysverteringstelsel (mond, kliere, farinks, slukderm, maag, ingewande, lewer, galblaas, mesenterium, pankreas); die asemhalingstelsel (neus, farinks, larinks, longe, diafragma, ens.);  die urinere stelsel (lewer, niere, blaas ens.); die bloedsomloopstelsel (die hart, are, beenmurg ens.); die voorplantingsorgane...; endokriene...; brein, senuwees, sintuie soos ore, oe, tong ens., hormone; huidstelsel (soos vel ens.), ens.
ORGANE / SINTUIE / GEBEENTE:
-  Soos gesien onder die studie van "liggaam", word die woord "may-aw'" (wat in KJV vertaal word as "bowels") somtyds vertaal as liggaam in AOV, maar dit verwys eintlik na die "MAAG, INGEWANDE, HART, en BAARMOEDER" (Gen. 15:4; 25:23...) - wat dus miskien meer verwysend is na die siel.  HIERDIE ORGANE IS LETTERLIK DEEL VAN DIE UITERLIKE LIGGAAM VD MENS ("vlees")(en keer terug na stof wanneer die mens doodgaan);  
- MAAR  "ORGANE" AS DEEL VD LIGGAAM VD MENS verwys nie net na die letterlike nie, maar ook na die figuurlike (m.a.w., "VD INNERLIKE MENS")  -bv. die gedagtes en oorlegginge vd hart...-Hebr. 4:12; - kyk in hoe baie skirfte die "HART" figuurlik gebruik word... -8:10; 10:22; 13:9; 1 Joh. 3:21; 1 Joh. 3:17; 2 Pet. 2:14; Jak. 1:26; 3:14; 1 Tim. 1:5; 2 Kor. 3:3 ens.. Bv., wanneer iemand "in sy hart egbreuk pleeg" (Matt. 5:28), verwys dit nie na die letterlike gebaar van egbreuk nie, maar is bedoel "pleeg egbreuk in die innerlike mens";  dus, hetsy figuurlik of letterlik, beide word gesien as egbreuk! (dit wat  die hart van vol is, loop die mond van oor....). Daar word in vele skrifte verwys na organe, sintuie en gebeente as figuurlik (asof "vd innerlike mens").

Die woord "siel" word ook somtyds gebruik van die innerlike mens in geheel bv. om die toestand vd innerlike mens (gees in binneste) te beskryf.  Bv., die siel is lewend en kan voel, kan "treur" (Job 14:22);  vriendelike woorde is soos heuningkoek vir die siel en 'n genesing vir die gebeente (Spr. 16:24). Terwyl organe en sintuie ook onder die tema van "liggaam" gesorteer kan word, word dit baiemaal gebruik om die toestand vd siel te beskrywe, bv. 'n gebeente word ongesond vanweë sonde (Psa 38:3)  (38:4);  en hartstog kan 'n gebeente verrot (Spr. 14:30);  stralende  kan die hart verbly, en 'n goeie tyding maak die gebeente vet (Spr. 15:30). Iemand se hart kan gebreek wees in sy binneste (Jer. 23:9). Niere kan versmag van verlange in iemand se binneste (Job 19:27), of selfs jubel! (Spr. 23:15)...

Die toestand van die mens se ORGANE en SINTUIE en GEBEENTE is dus nie net uiterlik 'n bewys van gesondheid nie, maar ook innerlik. Dit wat dit bedoel dat God "hart en niere deursoek" (Ps. 7:9,10; Jer. 11:20)(Jer 17:10 - "Ek, die HERE, deursoek die hart, toets die niere, om aan elkeen te gee na sy weë, volgens die vrug van sy handelinge") - verwysend dat Hy kyk wat die toestand is van iemand se innerlike mens (dus iemand se "siel"). Dit wat die mens doen en bedink en ervaar het beslis 'n invloed op sy innerlike mens.  Hoe lyk sy gebeente?  Hoe lyk sy hart? Hoe lyk sy niere? - HIERDIE IS DINGE WAT DIE SIEL BESKRYWE. Ons kan nie altyd sien nie, maar die Here SIEN wat die toestand is van elkeen se "hart en niere" (Jer. 20:12), en volgens hierdie "toestand" vd innerlike mens sal elkeen eendag vergeld word (volgens hulle werke)(Openb. 2:23).

Die woord siel is nie net verwysend na een van die komponente waaruit die mens bestaan (m.a.w. liggaam, siel en gees)(hetsy letterlik of figuurlik)(Matt. 11:29) nie, maar word ook somtyds gebruik om 'n lewende wese te beskryf, bv. waar daar na mense verwys word as "siele" (Hand. 7:14) - in hierdie geval verwysend na die wat "vlees en bloed" is, of die in wie daar lewensasem is. Die rede waarom iets of iemand hierdie LEWENDE siel het, is d.m.v. asem of "gees" (Gen. 2:7). Dit beteken, dat sou iemand sy asem of gees verloor, sy siel nie meer lewend wees nie... - en dit is inderdaad wat gebeur wanneer iemand sterwe (altans "sy laaste asem uitblaas), is dat sy siel dan nie meer LEWE nie (letterlike, fisiese hart stop, bloed kan nie meer pomp. organe stop...); en net soos hierdie die geval is met die uiterlike mens, net so is dit vir die innerlike mens. In daardie opsig, omdat die mens tweeledig is (uiterlike en innerlike mens), verwys die siel vd mens nie net na siel. asof vd uiterlike mens nie, maar ook na siel, asof vd innerlike mens.  

Niks of niemand kan lewe sonder ASEM nie;  dus, kan niemand 'n LEWENDE WESE wees sonder asem/gees/lig nie (Gen. 2:7). Woorde wat hiervoor gebruik word is o.a. "asem in neus" of "asem vd LEWE", of "lewensasem".  Die woorde "lewende siel" is bv. beskrywend van die wat LEWENSASEM  in hulle neusgate het. Hierdie gees of asem wat God gee, is soos lig vir die liggaam.  Die mens is net soos plante,afhanklik van lig (gees/asem) om te kan lewe. Ons moet onthou dat die mens nie net uiterlik van aard is ("die uiterlike mens") nie, maar het ook 'n innerlike ("die innerlike mens"), en net soos die uiterlike mens lewe deur ASEM, net so lewe die innerlike mens deur asem/gees (bv., "die natuurlike mens" het die gees vd wereld, maar "die geestelike mens" lewe deur die asem vd Heilige Gees (en die geestelike mens se lewe is in die bloed van Christus, want net soos mense van dieselfde bloed familie is van mekaar, so is die wat gebore is uit God, familie van Hom - siel in bloed - lewe in Christus...).  Wanneer iemand sy laaste asem uitblaas, gaan hy dood (verwysend na die uiterlike mens).  Op dieselfde wyse sal die (innerlike mens) wat NIE die asem het van die Heilige Gees nie, doodgaan (verwysend na die tweede dood).

Wanneer daar na iets of iemand se SIEL verwys word, gaan dit dus veral oor die feit dat hy LEWE (Gen. 2:7).  Wanneer sy hart gaan staan is dit gewoonlik 'n bewys dat hy besig is om te sterwe -  die HART word ook baiemaal gebruik om siel te beskrywe, want dit gee 'n aanduiding van of iemand LEWE of nie (hetsy verwysend na die uiterlike mens of die innerlike mens).  Die hart pomp BLOED deur die hele liggaam en op so 'n manier word die liggaam voorsien van allerhande nodige elemente o.a. suurstof.  Iemand se bloed kan ook baie van hom vertel, bv. watter soort siektes hy het, asook die gesondheidstoestand van verskillende organe bv. hart, niere, lewer ens. In daardie opsig werk die hart en organe saam, en bloed is die belangrike komponent tussen hierdie organe. Hierdie is natuurlik meer verwysend na die uiterlike mens (asof, se siel), maar die mens is nie net uiterlik van aard nie, maar het ook 'n innerlike mens, en het dus nie net 'n letterlik siel nie, maar ook 'n siel figuurlik gesproke. Die mens is dus nie net letterlik liggaam, siel en gees nie, maar ook figuurlik liggaam, siel en gees, bv. selfs na die dood (vd uiterlike mens) het hy (die innerlike mens) steeds 'n vorm, kan sien en hoor en dink en praat ens. Ons moet dus nie net kyk na die woord siel in letterlike betekenis nie, maar ook weet waarna die "siel" figuurlik verwys...

Die siel kan verder vgl. word met saad of plant of boom (wat geplant word, en groei en vrug dra).  Hierdie is veral beeldspraak wat gebruik word van die innerlike mens. Gelowiges word bv. voorgestel soos saad of bome wat groei en vrug dra... (en iemand se VRUG sal eendag bepaal of hy doodgaan of nie!). Net soos die uiterlike mens sterwe sonder kos en water, net so sal die innerlike mens sterwe sonder kos en water.  En die soort kos en water het ook 'n invloed op groei en hoedanig die vrug lyk;  maw, net soos kos en water 'n invloed het op die liggaam, hart, organe ens. (m.a.w. "liggaam en siel" letterlik gesproke), net so het geestelike kos en water 'n invloed op die innerlike mens as "siel" (bv. verwysend na wie dit is in wie iemand glo en wie dit is vir wie hy dien, wie sy bron is, en bv. wat hy sien as waarheid..ens.) - wat iemand inneem het dus beslis 'n invloed op sy groei, en sal bepaal wat se soort vrug hy dra... As 'n kind van die Here  bv. verkeerde kos en water inneem (m.a.w. liewer sy vertroue plaas in wereldse wysheid en rykdom, of afgode begin aanbid of ander afgodspraktyke begin volg), dan sal dit beslis 'n invloed he op beide sy groei en die soort vrug wat hy uiteindelik dra  / of hy staan dan die gevaar om die goeie vrug wat hy alreeds dra, te verloor (kyk die gelykenis vd saaier). Wanneer Christus terugkom, gaan elkeen se vrug geoes word...
Bestudeer gerus die volgende onderwerpe in 'n geestelike betekenis:
- "water": https://warechristene.blogspot.com/2018/03/honger-dors-vreemdeling-naak-siek.html
- "kos": http://warechristene.blogspot.com/2017/10/honger-dors-vreemdeling-naak-siek.html
- "bekleding": https://warechristene.blogspot.com/2020/03/honger-dors-vreemdeling-naak-siek.html.
------------------------------------------------------------------------------------------------------------
UITEENSETTING:

Die woord "SIEL" is die:
- Hebr. woord "neh'-fesh" (Gen. 1:30; 12:13; 17:14 ens.)(word letterlik of figuurlik gebruik)(verwys veral na 'n wese wat asemhaal, bv. dier of mens), en het die volgende betekenisse: (enige, aptyt, dier, liggaam, haal asem, gedierte, dood (elik), begeerte, tevrede, vis, gees, gulsig, hy, hart, lewe, lus, man, my, beslissing of hart, verganklikheid, een, eie, persoon, genot, die self, hulle (self), ding, wil);
- Gr. woord "psoo-khay'" (Matt. 10:28; 12:18; 26:38 ens.)(word letterlik of figuurlik gebruik), en het die volgende betekenis: (hart, lewe, beslissing, siel, wese-ons,jy).

-------------------------------------
Vir 'n meer vollediger opsomming om die woord SIEL beter te verstaan, moet ingekyk word op die volgende woorde (woorde soos bo gesien in Hebr en Griekse betekenis vd woord):
-  lewe / lewende wese/siel (en die belangrikheid hier van asem);
-  die siel (of  die mens as siel ) letterlik en figuurlik bedoel;
-  hart (en organe)(en die belangrikheid hier van kos en water); en

-  bloed (siel in bloed)(en die belangrikheid hier van uit watter saad iemand gebore is).

Die begrippe lewende wese of lewende siel verwys na alles wat DIE ASEM VD LEWENSGEES IN HULLE NEUSGATE HET - want asem verander hulle in lewende siele... ! (Gen. 7:22,23; 1:20,21,24; 2:19; 9:10,12,15,16; Lev. 11:10,46; Deut. 11:6; Eseg. 47:9; Openb. 16:3). Daar word baiemaal na mense verwys as bloot SIELE (Gen. 46:15; Eks. 1:15; Hand. 2:41 ens.), maar dit beteken nie dat die mens net uit siel bestaan nie (want hy bestaan uit liggaam, siel en gees), maar is verwysend na die feit dat hulle "lewende wesens" is, en verwys veral na "uit watter bloed iemand gebore is" (bv. "vlees en bloed" - die natuurlike mens is kinders van Adam / verganklike bloed) - dit gaan dus oor die bloed wat deur hulle are loop.  Mense van dieselfde bloed is van dieselfde familie of van dieselfde volk. M.a.w., ons moet vra uit watter saad iemand gebore is om te kan weet "van watter bloed hy is".  Volgens bg. Hebr en Gr. woorde, kan ons "die SIEL" dus soos volg opsom - die begrip "siel" verwys na:
- (1) 'n enige wese ("ding" - ons/jy) -  is " 'n siel " (het 'n lewende siel)(hetsy mens, dier, vis);
- (2) is letterlik (bv. verwysend na siel asof vd uiterlike mens), en is ook figuurlik (bv. verwysend na siel asof vd innerlike mens);
- (3) het 'n aptyt en liggaam (verwysend na die hart en organe / bloed en die belangrikheid van kos en water);
- (4) haal asem, lewe, en i.g.v. die mens kan doodgaan - is verganklik (verwysend na die saad waaruit iemand gebore is);
- (5) het 'n gees (nie net letterlike asem nie, maar verwys ook na die innerlike mens want die mens as "siel" figuurlik gesproke het ook asem nodig om te kan lewe);
- (6) het 'n hart (nie net letterlik hart en organe nie, maar kan bv. beslis, en het begeertes, gevoelens - 'n wil)(verwys na die innerlike mens).

Die mens is dus 'n "wese" (MENSLIKE WESE/ ook somtyds verwys na as " 'n SIEL") met 'n LIGGAAM, waarin daar 'n "lewende SIEL" is (Gen. 1:30)(leer meer hieroor onder die studie vd liggaam, onder die onderwerp "die self"), en hy kan nie 'n "lewende siel" wees sonder "gees"/ASEM nie - het m.a.w. ('n) gees (letterlik "asem" en is ook "gees"/innerlike mens). Ook al die diere van die aarde, die voëls van die hemel, en al die kruipende diere op die aarde het elk 'n lewende siel in hulle... (die met lewensasem in hulle neusgate).  Maar sonder die "liggaam" en "lewensasem" kan niks 'n LEWENDIGE SIEL of DING of WESE wees nie.  Die begrip "LEWENDE WESE" verwys dus veral na alles wat "die ASEM vd lewensgees in hulle neusgate het"... (want die "asem" verander hulle in lewende siele)(Gen 7:22,23)(bv. die MENS, die vee, kruipende diere, voëls van die hemel)(Gen. 1:20,21,24;  2:19;  7:4;  9:10,12,15,16; Lev. 11:10,46; Deut. 11:6; Eseg. 47:9; Openb. 16:3). Daar word ook in verskeie skrifte na 'n (lewende) wese verwys as bloot " 'n siel " (Gen. 17:14; 19:20; Eks. 12:15,19; Hand. 3:23 ens.).

Die Skrif leer vir ons dat wanneer iemand sterwe, "die siel uitgaan" (Gen. 35:18) - dit vewys na hoe die persoon ophou om 'n lewende wese te wees... - in so 'n geval kan ons sê dat die "siel aan die doderyk oorgegee word" (Ps. 16:10), waar die wese dan "verderf" (die uiterlike keer terug na stof). Vgl. dit met 1 Kon. 17:21,22 wat skets hoe die kind daar se siel hom verlaat het, maar hy weer lewendig word toe dit terugkeer... Ander woorde wat ook gebruik word (veral waar iemand vroeer sterwe...) is dat daardie "siel afgeies word" (Luk. 12:20)....  Hierdie verwys natuurlik na die dood ("eerste" dood), nie die tweede dood nie. Hier sien ons "SIEL" o.a. verwys na "VERGANKLIKHEID" (kinders van Adam/die natuurlike mens - gaan dood). Dus word daar somtyds na "doodgaan" verwys as "iemand se siel verlaat hom of word weggeneem" (1 Kon. 19:4), en verwys na hoe iemand ophou op 'n lewende siel te wees. Die mens is 'n wese WAT ASEMHAAL en LEWE (en die siel vd vlees is in die bloed - Lev. 17:11-rol af vir meer hieroor). Die menslike wese kan DOODGAAN (is m.a.w. verganklik). Maar hy kan nie 'n lewende wese wees op aarde as hy nie 'n liggaam het nie.  Sonder liggaam is hy soos 'n "gees sonder vlees en bene" (verwysend na die innerlike mens wat nie 'n uiterlike het nie - soos die geeste van afgestorwenes). Hy kan dus slegs 'n lewende wese op aarde wees "MET" 'n liggaam.  Die menslike wese is verder 'n wese met 'n aptyt en kan bv. nie lewe sonder kos en water nie.  Die menslike wese het 'n hart (en kan beslis en dink, het begeertes, gevoelens - 'n wil...). Somtyds word die woord "siel" nie net gebruik t.o.v. 'n menslike wese nie, maar word ook gebruik van 'n groep menslike wesens wat soos " 'n mens" gesien word, bv. die volk Israel in Num. 21:4 waar daar na die volk "se siel" verwys word soos daar van 'n persoon as 'n siel gepraat word (vgl. dit met Ef. 2:15 en 1 Sam. 30:6).  In hierdie vb. was die "siel" vd volk aangespreek om die toestand van hulle siele aan te dui (in hierdie geval was dit "ongeduld"). In ander woorde kan ons se dat dit gewys het hoe die volk se "hart" lyk of hoe hulle harte gelyk het. Kyk ook hoe die Christelike kerk voorgestel word as 'n nuwe "mens" - duidelik met liggaam, siel en gees.  Die woord "siel" word baiemaal gebruik om iemand se ware toestand van bv. hoe hy dink, sy oorlegginge, gevoelens, begeertes ens. te beskryf. Die begrippe "hart" en "siel" word in heelwat skrifte saam gebruik (gewoonlik figuurlik)(bv. 2 Kon. 23:25 ens.) en ons sien hier die verband tussen die beslissings, begeertes, gevoelens, wil ens. vd hart en "die siel".

 Elke "siel" is in die hand van sy Skepper, die Here (so ook is die gees/asem van alle mense - dus, as God die asem wegneem, kan niemand lewe of 'n lewende siel op aarde wees nie)(Job 12:10; 34:14,15).

SIEL IN DIE BLOED:

Bg. betekenis vd woord siel in die Hebr. en Grieks, is dan waarby ons stilstaan in hierdie studie, en is die manier waardeur die begrip SIEL verduidelik kan word, maar ons kan ook kyk na terme waarmee die woord "siel" vgl. word, bv. "bloed". 

Die tema van "bloed" is belangrik wanneer ons verwys na die siel, want die SIEL VD VLEES IS IN DIE BLOED! (of anders gestel, "die siel van alle vlees is sy bloed"; elkeen se bloed is met sy siel verbind...-Lev. 17:14)... In hierdie opsig sien ons dat SIEL nie net verwys na iets of iemand as "lewende wese" nie, maar ook verwys daarna dat die siel gesien kan word as na die siel = die bloed (Deut. 12:23)("die wese se lewe is in die bloed"). Ons ken die gesegde "sowaar as my siel leef!" (1 Sam. 17:55) wat verwys na die mens wat gesien word as "'n siel" en sy lewe is in sy siel (in sy bloed)! - natuurlik, solank hy asem het!, want wanneer hy sy laaste asem uitblaas dan leef sy siel nie meer nie (wat weer verwysend is na die verganklikheid van die kinders van Adam..., en daarom verwys "siel" nie net na die lewe in die bloed nie, maar ook na die verganklikheid vd mens as lewende wese). Geen mens kan lewe sonder bloed in sy liggaam nie, en geen organe kan funksioneer sonder bloed nie want sonder bloed kry hulle nie die nodige suurstof en minerale wat nodig is om te kan funksioneer nie.  Wanneer die hart stop en die bloed nie meer deur die liggaam pomp nie, hou die mens op om 'n "lewende siel" op aarde te wees (want die LEWE IS IN DIE BLOED!). Nadat die persoon sy laaste asem uitgeblaas het, gaan hy dood, en die liggaam keer terug na stof... (dit verwys na die uiterlike mens), en duidelik meer die LETTERLIK gesproke "siel" (mens hou dan op om 'n lewende wese te wees op aarde / bloed stop...).  Wat die SIEL aanbetref is daar geen hoop vir die natuurlike mens wanneer hy doodgaan nie.  Wanneer die mens doodgaan is hy soos "'n gees sonder vlees en bene" en wag op die "tweede dood"! Hierdie verwys na VERGANKLIKHEID (een vd betekenisse vd woord "siel"). Maar dit is natuurlik anders vir die geestelike mens!, want die geestelike mens se innerlike is vernuwe en hy het LEWE IN DIE BLOED VAN CHRISTUS, en het daarom die belofte van letterlike opstanding, en hy sal nie onder die oordeel van die tweede dood val nie...

_________________________________________________________________________________

Beeldspraak oor die siel: 
DIE SIEL kan beskryf word soos "SAAD":
"Saad" word vir verskillende dinge in die Skrif gebruik in vergelykings, bv. dat mense in die wêreld gesaai word... (Matt. 13) - "wêreld" word dan met grond vgl., en mense ("siele" / mense) soos saad. Hier sien ons hoe die woord siele somtyds gebruik kan word vir mense - vgl. dit met skrifte waar dit so gebruik word: Eks. 1:5, Gen. 46:25... Maar die woord siel verwys weer in ander skrifte spesifiek na die siel van elke mens (dan nie die mens "as siel" nie, maar "die siel vd mens"), bv. Eks. 30:15. Dit kan miskien verduidelik word deur die vb. van waar die mens in geheel voorgestel word soos saad wat in grond gesaai word (en lig en kos en water en omstandighede nodig het), bv. bome wat groei en vrug dra (Matt. 3:10; 21:43 ens.) - in hierdie geval kan die liggaam vd mens soos grond voorgestel word, die siel vd mens soos saad (en die gees vd mens soos lig) - soos ons inderdaad sien baiemaal die geval is in die Skrif.
Kom ons kyk na so 'n vgl.:
- die LIGGAAM vd mens word voorgestel met "GROND" (en is inderdaad uit grond gemaak!, en keer terug na stof wanneer iemand sterwe),
- die GEES VD MENS word voorgestel met lig (die mens word 'n "lewende siel" wanneer God asem/gees inblaas in die mens),
- die SIEL word voorgestel met "SAAD" (of plant of boom...)...iets wat GROEI en VRUG DRA.  Die beeldspraak word graag in die Skrif gebruik waar mense voorgestel word met saad; bv. gelowiges, hoe hulle in die wêreld gesaai word om te groei en moet vrug dra...(http://warechristene.blogspot.com/p/blog-page.html) - en hoe hulle vrug geoes word wanneer Christus terugkom. Die gelowige se hart kan bv. so gesien word soos 'n plant (neem kennis dat siel baiemaal vgl. word met hart).  Bv., die geestelike mens wat weer gebore word deur die Heilige Gees dra vrug tot ewige lewe... (Rom. 6:22; Spr. 11:30; Joh. 4:36 ens.), maar die natuurlike mens dra vrute vir die dood.
'n Plant het lig nodig om te kan LEWE. Op dieselfde wyse het die menslike wese "lig" of gees nodig om te kan lewe (vgl. met tema van "lewende siele") - kan dus nie lewe sonder die letterlike asem ("lig") wat God vir hulle gee nie, en as die mens sy laaste asem (letterlik bedoel) uitblaas (as dit donker word en die gees of asem hom heeltemal verlaat) dan gaan hy letterlik dood...  (kyk gerus ook die beeldspraak van hoe hierdie figuurlik gebruik word in die skrif van "kinders vd nag" en "kinders vd dag"). Ons weet ook hoe belangrik water en kos is vir saad om te groei (tot plant/boom, en vrug dra) en LEWE.  Op dieselfde wyse het die siel vd mens WATER en KOS nodig - letterlik en figuurlik!  LETTERLIK  is water baie nodig vir liggaam en organe, en terloops weet ons dat BLOED ook baie water bevat. En as die mens geen voedsel eet nie, sal hy uiteindelik doodgaan, want hy is 'n LEWENDE WESE met 'n APTYT en het kos nodig om te kan lewe.
Op dieselfde wyse wat ons as "siele" letterlik kos en water nodig het (die uiterlike mens), so het ons FIGUURLIK gesproke ook kos en water nodig! (die innerlike mens)(https://warechristene.blogspot.com/2018/06/water-vir-lewe.html) ;
(https://warechristene.blogspot.com/2017/10/honger-dors-vreemdeling-naak-siek.html).
------------------------------------------------------------------------------------------------------------
Kom ons kyk wat ons kan leer oor "DIE SIEL" uit Jesus se woorde:
(1)  Niemand kan die siel doodmaak nie, behalwe God:
- (Mat 10:28)  En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel. - hier lyk dit of Jesus die woord "siel" gebruik vir die innerlike mens. God kan iemand se siel verderwe, en die manier hoe Hy dit doen is deur dit te laat verderwe in die hel.  Dit wil dus voorkom of in hierdie skrif die woord liggaam meer verwysend is na die uiterlike mens, en die woord "siel" na die innerlike mens. Vgl. dit met Jak_5:20  ("laat hy weet dat die een wat ‘n sondaar van sy dwaalweg bekeer, ‘n SIEL UIT DIE DOOD SAL RED en ‘n menigte sondes sal bedek") - duidelik verwys hierdie nie na die (eerste) dood nie, maar na die tweede dood wanneer die wie se name nie in die boek vd lewe is nie, veroordeel sal word tot die hel. 

(2) Die siel / innerlike mens is belangriker as die uiterlike mens:
- (Mat_16:26  - "Want wat baat dit ‘n mens as hy die hele wêreld win, maar aan sy siel skade ly? Of wat sal ‘n mens gee as losprys vir sy siel?"). Die siel verwys weer-eens hier na die innerlike mens, wat terloops sal skade ly as iemand nie homself verloen en sy kruis opneem en vir Jesus volg nie - elkeen wat sy lewe wil red, sal dit verloor;  maar elkeen wat sy lewe om Jesus se ontwil verloor, sal dit vind (v. 24,25). Daar is geen losprys vir die siel nie, behalwe in Jesus Christus. (Vgl. hierdie met punt 1). Om vir die uiterlike mens te sorg is belangrik, ja, maar dit is belangriker om vir die innerlike mens te sorg - vgl. dit met die tema van "oefen in godsaligheid", wat belangriker is as liggaamlike oefening. 

(3)  Die siel vd mens word somtyds gebruik om die mens te toestand te beskryf:
Die siel word baiemaal gebruik om te beskryf hoe iemand voel of dink of redeneer of hoe hy "sien". In hierdie geval verwys dit nie na die letterlike hart en bloed en organe nie, maar na die innerlike mens. Net soos die fisiese hart en organe beinvloed word deur dit waaraan die liggaam blootgestel word (bv. weersomstandighede, kieme, inneem van kos en water ens.), en bloed 'n prentjie is van die mens se gesondheid, oorsprong ens., net so word die innerlike mens beinvloed - en die siel beskryf hierdie toestand! (maw, iemand se oorsprong, hoe hy dink en "sien" en verstaan, hoe hy voel en hoe gesond hy is ens.).
Bv., die siel kan beskryf hoe iemand voel:
-(Mat_26:38  Toe sê Hy vir hulle: My siel is diep bedroef tot die dood toe; bly hier en waak saam met My);
-(Joh_12:27  Nou is my siel ontsteld, en wat sal Ek sê? Vader, red My uit hierdie uur? Maar hierom het Ek in hierdie uur gekom). 
Of wys wat iemand begeer:
-(Luk_12:19  En ek sal vir my siel sê: Siel, jy het baie goed wat weggesit is vir baie jare; neem rus, eet, drink, wees vrolik. Luk_12:20  Maar God het aan hom gesê: Jou dwaas, in hierdie nag sal hulle jou siel van jou afeis; en wat jy gereedgemaak het, wie s’n sal dit wees?).
Die "hart" (nie die fisiese hart nie) word ook baiemaal gebruik om hierdie dinge te beskryf, en word dus gesien of kan vgl. word met die siel vd mens:
(Mat 5:28)  Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het.
(Mat 11:29)  Neem my juk op julle en leer van My, want Ek is sagmoedig en nederig van hart, en julle sal rus vind vir julle siele;
(Mat 12:34)  Addergeslag, hoe kan julle goeie dinge praat terwyl julle sleg is? Want uit die oorvloed van die hart praat die mond.
(Act 4:32)  En die menigte van die wat gelowig geword het, was een van hart en siel, en nie een het gesê dat iets van sy besittings sy eie was nie, maar hulle het alles in gemeenskap gehad.
Mar_12:30  "en jy moet die Here jou God liefhê uit jou hele hart en uit jou hele siel en uit jou hele verstand en uit jou hele krag. Dit is die eerste gebod"
----------------------------------------------------------------------------------------------------------------------------