Algemene vrae oor Saligheid (3) - Wat gebeur met iemand wat gered word?

Vir ander poste in hierdie reeks, gaan na:

- (1) Wat is saligheid (en hoekom het die mens saligheid nodig -Eerste deel))?

- (2) Hoekom het ons saligheid nodig? (Tweede deel) 

In hierdie pos:

-  (3) Wat gebeur met iemand wat gered word? (in ander woorde, hoe lyk die redding?)

Neem kennis dat waar skrifte ontbreek in onderstaande paragrawe, kan daar op die "links" geklik word vir opsommings en skrifte oor daardie onderwerp.

___________________________________________________________________________________

DIE MENSDOM KAN INGEDEEL WORD IN TWEE GROEPE, NL.: 

- "NATUURLIKE MENSE" (kinders van Adam)(Jud. 1:10; 1 Kor. 2:14), en 

- "GEESTELIKE MENSE" (kinders van God)(1 Kor. 2:14,15; 3:1)(weergebore mense word gesien soos "geestelike mense" (mense wat "uit God gebore" is)). 

 

Mense wat GERED is word o.a. na verwys as "geestelike mense" (hulle sonde is vergewe en hulle het die Heilige Gees) - en word ook na verwys as "weergebore" (soos mense wat "oor gebore" is - wel nie fisies nie, maar het dit uit die geloof ontvang) ("uit God gebore" - asof uit Sy saad, en dit gebeur deur water en Gees - kinders van Jesus Christus, kinders van God).(Joh 1:12,13 - "Maar almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo;  wat nie uit die bloed of uit die wil van die vlees of uit die wil van ‘n man nie, maar uit God gebore is"). Mense word as natuurlike mense gebore  (onder sonde - is soos slawe van sonde gebore / is slawe van sonde, wat beteken hulle "dien die sonde"), en het nodig om vry te kom van hierdie slaafskap... Dit is deels waarom ons redding nodig het.  Hoekom?  Want die loon van die sonde is die dood... Dood is soos die mens se vyand, en as ons nie vrykom van ons slaafskap nie, dan is ons uiteinde die dood 

- (vir 'n bybelstudie oor hoekom ons saligheid nodig het, gaan na: https://warechristene.blogspot.com/2020/07/bybelstudie-die-begrip-saligheid-hoekom.html)

- (vir 'n bybelstudie om die begrip "saligheid" beter te verstaan, gaan na: http://warechristene.blogspot.com/2020/08/bybelstudie-die-begrip-saligheid-oorsig.html.  Daar is 'n manier om losgekoop te word van hierdie slaafskap - nl. ons kan deur geloof in Jesus Christus vrymaking deur die wedergeboorte verkry (en as jy losgekoop is, behoort jy natuurlik nou aan 'n ander, nl. die Een deur wie jy losgekoop is, m.a.w. Jesus Christus)(1 Kor. 7:22; Hand. 4:12). Geloof in die Een wat jou kan vrykoop is belangrik (om vrygekoop te kan word), en die manier hoe hierdie vrykoping plaasvind word "wedergeboorte" genoem (asof hulle van voor af gebore word - word m.a.w. "oor gebore", maar hierdie keer uit Gees gebore... - is dus nie meer 'n slaaf vir die sonde nie, maar nou 'n slaaf vir die Een deur wie hulle losgekoop is, hulle dien Hom en dien Sy Gees). Jou meester (die een vir wie jy dien) bepaal jou uiteinde - die natuurlike mens (die wat in hierdie slawerny gebore is) se uiteinde is die dood, maar die geestelike mens se uiteinde lyk anders - die geestelike mens (wat aan Jesus Christus behoort) se uiteinde is nie die dood nie, maar lewe. (1) Hierdie is veral "hoe redding lyk" - mense wat REDDING ontvang het, is VRY van hulle slaafskap onder sonde, en behoort nou aan 'n ander, nl. Jesus Christus (deur wie hulle losgekoop is). Tereg word weergeborenes "Christene" genoem. Die saligheid wat egter belowe word vir die wat glo in Jesus Christus, en Hom gehoorsaam, is nie net tydelik nie maar is 'n EWIGE SALIGHEID! (Heb 5:9). Vir die wat "ingaan" word belowe dat daar nooit meer dood sal wees nie... (Openb. 21:4; Jes. 25:8) - hulle sal reg hê op DIE BOOM VD LEWE en ingaan deur die poorte in die stad, die nuwe Jerusalem (Openb. 22:14). 

NATUURLIKE MENSE is verganklik.

GEESTELIKE MENSE is onverganklik (alhoewel dit eers voltrek word in die opstanding - m.a.w., hulle het die belofte van ewige lewe - hulle innerlike mens is reeds vernuwe, ja, maar nog nie die uiterlike mens nie, daarom gaan die liggaam steeds dood)(1 Kor. 15:22; Rom. 5:12). (2) Hierdie is deel van "hoe redding lyk" - mense wat REDDING ontvang het, het die belofte van LEWE (hulle sal nie deur die tweede dood gaan nie/hulle sal nie onder die toorn val nie; en al gaan hulle liggame dood sal hulle opgewek word uit die dood in nuwe liggame (wat vir ewig lewe). Alhoewel geestelike mense se redding eers voltrek word in die opstanding, is redding iets wat alreeds in hierdie lewe begin..., want wanneer iemand sterwe volg die oordeel...(Hebr. 9:27). En noodwendig het weergeborenes die belofte van EWIGE LEWE...;  m.a.w., GEREDDES is die mense wat die Koninkryk (en aarde) gaan beerwe - vlees en bloed (m.a.w., natuurlike mense) kan nie die koninkryk beerwe nie... (1 Kor. 15:50), want logies gesproke moet iemand ONVERGANKLIK wees om die (ewige) Koninkryk te kan beërwe (1Kor. 15:50). (3)  Dus, hoe lyk redding? Die wat REDDING ontvang, is onverganklik;  of meer presies, die wat nou "gered" word het die belofte dat hulle onverganklikheid sal erf, wat beteken hulle sal die (ewige) KONINKRYK kan ERF.

Daar is 2 elemente van wedergeboorte, nl. WATER en GEES (m.a.w., sonder "water" of afwassing van sonde, en sonder die ontvang vd Gees, kan niemand weer gebore word nie!) - daarom: 

- "natuurlike mense" het nie die Gees van God nie;  

- "geestelike mense" het die Gees van God. 

Wanneer iemand weergebore word word hy 'n NUWE MENS (Ef. 4:24; Kol. 3:10)  - hy is skoongewas en die Heilige Gees verander so iemand om te begin anders dink en sien (was eens uit vlees (en bloed) gebore, maar is nou gebore uit water (afwassing van sonde) en uit Gees (ontvang die Heilige Gees)...- hierdie vernuwing verwys natuurlik huidiglik na die innerlike, maar die uiterlike sal ook eendag vernuwe word). (4) Hierdie is nog iets wat beskryf "hoe redding lyk" - mense wat REDDING ontvang het, VERANDER... / hulle is soos nuwe mense, en ontvang selfs ander karakter, gawes en bedieninge (hulle het wel sekere karaktertrekke en talente deur die bloedlyn ontvang, maar die Gees verander hulle in mense met 'n ander karakter - hulle verkry 'n goddelike natuur) en talente (soos die Gees deur hulle werk volgens wat nodig is). 

-----------------------------------------------------------------------------------------------------------------------------

DIE WAT REDDING ONTVANG, ONTVANG REDDING VAN BEIDE DIE UITERLIKE ASOOK DIE INNERLIKE MENS: 

Die mens bestaan nie net uit 'n liggaam nie, maar het ook 'n gees/siel - het 'n UITERLIKE en 'n INNERLIKE. Daar word gewoonlik na die UITERLIKE MENS sommer net verwys as "liggaam", en na die INNERLIKE MENS as "siel" (wat verwys na die gees vd mens / die mens van binne). Wanneer die mens sterf is dit sy uiterlike mens (die liggaam) wat sterwe - die innerlike mens verlaat dan die liggaam en word in 'n plek gehou tot op die dag van oordeel.  Natuurlike mense sal deur die tweede gaan, maar geestelike mense het die belofte dat hulle nie deur die tweede dood sal gaan nie (tensy hulle afval of nie die nodige vrug het om die ewige lewe te oes nie - nie alle kinders vd koninkryk sal bv. eendag "opstaan tot lewe" nie - alle geestelike mense het die belofte, ja, maar op voorwaarde van GELOOF!  Die Skrif leer dat sommige, bv. die "slegtes", sal "opstaan tot veroordeling...). Die wat in die OPSTANDING "opstaan tot lewe" sal die LEWE oes - hulle liggame sal ook vernuwe word (dan is die dood finaal oorwin). Ons sien dus dat, wat REDDING aanbetref, jy nie net vernuwing nodig het van die innerlike mens nie, maar ook van die uiterlike mens.

Volgens die Skrif het die mens nie net 

- redding nodig van die siel (innerlike mens)(1 Pet. 1:9; 3:21; Hebr. 10:22) nie, maar ook 

- redding nodig van die liggaam (uiterlike mens)(Hebr. 9:13; 10:22). 

As die mens nie redding kry nie, sal hy doodgaan... - dit verwys nie net na die dood van die liggaam (uiterlike mens) nie, maar beide die liggaam en siel sal eendag verderf word as die mens nie redding kry nie ("tweede dood" = poel van vuur) - l.w. dat die term "dood" nie net verwys na wanneer die uiterlike mens (sy laaste asem uitblaas en) doodgaan nie, maar daar is ook 'n "tweede dood" (wanneer beide liggaam en siel in die hel verderf word...)(Openb. 20:14; 21:8). Dit is duidelik dat die uiterlike mens vd weergeborene nog nie vernuwe is nie! (want as dit was sou mense wat weergebore is se uiterlike nie sterwe nie). Die weergeborene word alreeds soos 'n nuwe mens gesien omdat sy innerlike vernuwe is;  of meer presies, word daagliks vernuwe...(2 Kor. 4:16;  en is iets wat vd geestelike mens ook verwag word-Ef. 4:23; Kol. 3:10), en hy het die belofte dat sy uiterlike ook eendag vernuwe sal word! (met 'n "verheerlikte / geestelike liggaam", 'n liggaam wat vir ewig sal lewe).DIE FEIT DAT DIE LIGGAAM NOG NIE VERNUWE IS NIE, HET 'N EFFEK OP DIE HUIDIGE STAND VAN DIE WEERGEBORENE, WANT DIT BETEKEN DAT HY WEL DIE BELOFTE HET VAN REDDING EN IN BAIE OPSIGTE AL WEL VERANDER HET, MAAR SY REDDING IS NOG NIE VOLTREK NIE... (https://bybelstudieopsommings.blogspot.com/2025/01/aanneming-tot-kinders.html).  Die innerlike van die wat weer gebore word word dus alreeds vernuwe, maar saligheid word na regte eers heeltemal voltrek in "die opstanding"... (wanneer die uiterlike mens ook vernuwe word - en dan eers is die dood finaal oorwin...-1Kor. 15)(Dan. 12:2; Luk. 20:36). In ander woorde, die weergeborene het alreeds die belofte van LEWE, maar het dit nog net deels ontvang (het nog nie die dood finaal oorwin nie). In die opstanding (wat eers sal gebeur wanneer Jesus terugkom) sal weergeborenes nuwe liggame ook kry (wat vir ewig lewe).

Na regte is weergeborenes dus alreeds soos mense wat "opgestaan het uit die dood" in die sin vd innerlike wat vernuwe is (kyk temas "met Christus beklee", "vrug dra tot ewige lewe" ens.), maar hulle het die belofte dat hulle uiterlike ook eendag vernuwe sal word en daarom wag hulle vir "die opstanding" (hulle sal "verheerlikte liggame" kry wanneer Jesus terugkom - liggame wat vir ewig kan lewe, en Jesus is die Een wat sal besluit wie Hy opwek tot hierdie "lewe" en wie nie - die wat "opstaan tot lewe" sal nie deur die tweede dood gaan nie - kyk tema van "eerste opstanding")(Fil. 3:21; 1 Kor. 15:38-50; 1 Pet. 1:4,5; Joh. 6:39,40; Hand. 2:38; 22:16; 1 Thess. 5:9; ens.). Hierdie is terloops dinge wat o.a. deur die Christelike waterdoop voorgestel word, nl. (1) vergifnis van sondes (Matt. 9:6; Mark. 2:10; Luk. 5:24); asook (2) die doop simboleer dood en opstanding vd een wat weergebore word (in die sin van 'n nuwe lewe...;  bv. "om die een te dien deur wie hulle losgekoop is en kan nou vrug dra tot ewige lewe")(Kol. 2:11,12; Rom. 6);  asook wys die Christelike waterdoop (3) op die belofte van opstanding in 'n nuwe liggaam (uiterlike) eendag! (1 Kor. 15)(vir die wat vashou, oorwin, vrug dra, ens.). Weergeborenes is deur die Heilige Gees VERSEEL tot daardie dag van verlossing (Ef. 4:30)(sodat hulle kan opstaan "tot lewe"/ewige lewe beerwe/sal nie deur tweede dood gaan nie - natuurlik verwys dit na die wat "opstaan tot lewe"-Joh. 5:29).

-----------------------------------------------------------------------------------------------------------------------------

OPSOMMING:

Wat gebeur met iemand wat gered word?

(1) Mense wat REDDING ontvang is VRY van hulle slaafskap onder sonde en behoort nou aan 'n ander, nl. Jesus Christus (deur wie hulle losgekoop is - hulle dien Hom - is slawe van Hom). Tereg word weergeborenes "Christene" genoem (want hulle is volgelinge van Jesus Christus).

(2) Mense wat REDDING ontvang, het die belofte van (ewige) LEWE (hulle het vergifnis van sonde ontvang en sal dus nie die dood oes nie, en hulle het die Heilige Gees - die innerlike mens is vernuwe en deur die Gees is hulle instaat om "vrug tot lewe" te dra sodat hulle eendag die lewe kan oes. Maar natuurlik verwys redding nie net na redding van die siel nie, maar ook die uiterlike moet vernuwe word, wat in die opstanding sal gebeur.  Daarom sal hulle sal nie onder die toorn val nie - al gaan hulle liggame dood sal hulle opgewek word uit die dood in nuwe liggame wat vir ewig lewe). 

(3) Mense wat REDDING ontvang sal die KONINKRYK BEERWE, want hulle is onverganklik! (jy kan nie 'n "ewige" koninkryk erf as jy self nie "ewig" kan lewe nie;  daarom kan "vlees en bloed", nl. natuurlike mense, nie die koninkryk beerwe nie...). 

(4) Mense wat REDDING ontvang, VERANDER... / hulle is soos nuwe mense, en ontvang selfs ander karakter, gawes en bedieninge (hulle het wel sekere karaktertrekke en talente deur die bloedlyn ontvang, maar die Gees verander hulle in mense met 'n ander karakter - hulle verkry 'n goddelike natuur; en hulle kry talente, nl. gawes en bedieninge soos die Gees deur hulle werk volgens wat nodig is. 

"SALIGES" (die wat redding het) verwys na dissipels van Jesus Christus (Luk. 6:20):  Alhoewel saligheid verniet is, is dit op voorwaarde wat dit ontvang word, nl. op die voorwaarde van GELOOF (wat basies gaan oor "wie jy dien"). Gereddes verwys dus na mense wat nie aanstoot neem aan Hom (Jesus Christus) nie (Matt. 11:6) - hulle GLO IN HOM (1 Joh. 5:13); bv., GLO wie Hy is, in Sy woorde, gehoorsaam Hom, vertrou op Hom, raadpleeg Hom, ens.  Noodwendig moet hulle "waak en hulle klere bewaar" (Openb. 16:15), luister na die woord van God en dit bewaar (Luk. 11:28; Openb. 1:3; 22:7,14); moet arm van gees wees, Hom vrees (Matt. 5:3; Jes. 66:2; Deut. 8:6); sagmoedig/nederig wees (Matt. 5:5); honger en dors na die geregtigheid (Matt. 5:6); barmhartig wees (Matt. 5:7; Matt. 25);  rein van hart wees (Matt. 5:8); vredemakers (Matt. 5:9); bereid wees om vervolg te word ter wille vd geregtigheid (Matt. 5:10,11; 1 Pet. 3:14), ly ter wille van Hom (Luk. 6:20-22); versoeking verdra (Jak. 1:12), sien nie, maar GLO (Joh. 20:29), ens. 

-----------------------------------------------------------------------------------------------------------------------------

Die Nagmaal (1)

In hierdie pos kyk ons na een van die sakramente in die Christelike kerk, nl. die NAGMAAL, en behandel spesifiek die vraag:  WAT IS DIE NAGMAAL? 

Vir die ander opsommings, gaan na:

- Wat is die betekenis van die Nagmaal? (2)

- Hoe word die Nagmaal gebruik? (3)

-----------------------------------------------------------------------------------------------------------------------------Wat is die Nagmaal?

Die nagmaal is 'n "maaltyd": (van brood en wyn) - wat deur Jesus Christus self ingestel was (Mark. 14:22-24), en dikwels deur Christene geneem word omdat Jesus hulle so beveel het (1 Kor. 11:24,25).  Alhoewel dit die eerste keer deel was van die Pasgamaal, word dit nie net een keer 'n jaar geneem (soos die Pasgamaal) nie, maar op 'n meer gereelde basis. 

Is die nagmaal bloot 'n gewone maaltyd? Alhoewel dit kan uitspruit uit 'n maaltyd, is dit 'n heilige (maw afgesonderde) maal - dit is belangrik dat die nagmaal op 'n heilige manier geneem word, want almal teenwoordig deel in die een brood en die wyn (wat beteken dat hulle deel in Jesus se liggaam en bloed)(1 Kor. 11:17-34);  altans, dit is hoe dit veronderstel is om te wees....  Maar as elkeen bv. sy eie brood en wyn bring en sommige het en sommige nie, en dus sommige is honger en ander het te veel of is selfs dronk... - dit is nie wat bedoel word met nagmaal nie! Dit is waarna Paulus in 1 Kor. 11 verwys. Wat met nagmaal bedoel word is dat dit 'n afgesonderde ("heilige") maaltyd is, die brood en wyn word gedeel (aan almal wat deel in die heilige maal)(1 Kor. 11:21,22), en dit verwys dus nie na 'n maaltyd waar elkeen op sy eie eet en drink nie (1 Kor. 11:20). Neem kennis dat "brood en wyn" spesifiek gebruik word, elk met spesifieke betekenis.  Die nagmaal is nie 'n gewone maaltyd soos wanneer die gemeente saamkom om saam te eet nie, alhoewel dit saam met 'n gewone maaltyd kan plaasvind (soos gebeur het met die Pasgamaal), maar dan moet dit 'n spesifieke beurt kry (moet heilig, afgesonderd wees van die gewone maaltyd) want dit het 'n spesifieke betekenis nl. dat die dood van Jesus Christus daardeur verkondig word... (1 Kor. 11:24-26) - l.w. dat 'n gewone maaltyd nie dieselfde voorstel nie!

Dit was oorspronklik ingestel saam met 'n Pasgamaal?  Jesus Christus het die Nagmaal ingestel terwyl hulle besig was om die Pasgamaal te neem. Die Pasgamaal was 'n herdenkingsfees (om te herdenk hoe God die volk uit Egipte uitgelei het... - Jos. 5:1-0-12; Mark. 14:1,2).  Die NAGMAAL is nie dieselfde nie, alhoewel "ongesuurde brood en wyn" (wat gewoonlik deel is vd pasgamaal) spesifiek gebruik word vir die nagmaal, en die betekenis van hierdie elemente is Nuwe Testamenties. 

Wat word deur die Nagmaal verkondig:  Die rede vir die nagmaal is tot nagedagtenis van Jesus Christus - om Sy dood te verkondig tot Hy terugkom... (1Kor. 11:24)  en nadat Hy gedank het, het Hy dit gebreek en gesê: Neem, eet; dit is my liggaam wat vir julle gebreek word; DOEN DIT TOT MY GEDAGTENIS.(1Kor. 11:25)  Net so ook die beker ná die ete, met die woorde: Hierdie beker is die nuwe testament in my bloed; DOEN DIT, so dikwels as julle daaruit drink, TOT MY GEDAGTENIS.(1Kor. 11:26)  Want so dikwels as julle hierdie brood eet en hierdie beker drink, verkondig julle die dood van die Here totdat Hy kom. Hoe verkondig ons Sy dood daardeur?  - ons verkondig op hierdie manier dat Sy liggaam vir ons gebreek is, en Sy bloed vir ons gevloei het - wat op beurt wys dat ons in 'n nuwe testament is! Hy is die testamentmaker, en met Sy dood het die nuwe testament ingetree. Dit kan vgl. word met Jesus se woorde in Joh. 6:50-58 (Joh 6:53,54 - "En Jesus sê vir hulle: Voorwaar, voorwaar Ek sê vir julle, as julle nie die vlees van die Seun van die mens eet en sy bloed drink nie, het julle geen lewe in julleself nie. Hy wat my vlees eet en my bloed drink, het die ewige lewe, en Ek sal hom opwek in die laaste dag"). As jy van Hom "eet en drink" dan verkondig jy ook daardeur dat jy "geerf" het... - jy is deel van die kinders aan wie die boedel uitbetaal word, en dit wat jy kry is redding (van liggaam en siel), en dus ewige lewe. Natuurlik het Jesus nie bedoel dat ons fisies van Sy liggaam eet en Sy bloed moet drink nie, maar hierdie is geestelik bedoel... - soos wanneer iemand deel in 'n offertafel-1 Kor. 10:16. Alhoewel ons nie dieselfde woorde wil gebruik soos in afgodskringe nie, kan die nagmaal gesien word soos 'n "offertafel"..., want wanneer ons nagmaal gebruik het ons GEMEENSKAP MET SY LIGGAAM EN BLOED. 

Ongesuurde brode en wyn word gebruik: Tydens die Pasgamaal was o.a. ongesuurde brode saam met bitter kruie geeet, en wyn gedrink... Dit is daardie deel van die Pasgamaal wat Jesus gebruik het om die Nagmaal mee in te stel (nl. die ongesuurde brood en wyn).  

Die wyn verwys na bloed - in die pasgamaal het dit ook na bloed verwys, nl. met Pasga is die bloed van 'n lam aan die deurposte en bo-drumpel gesmeer voor die volk uit Egipte verlos is-Eks. 12. Die  rede vir die bloed aan die kosyne was sodat die doodsengel (wat al die eersgeborenes in Egipte op daardie nag getref het) by hulle kon verbygaan... - op dieselfde manier beskerm Jesus se bloed ons teen die dood. Hy is soos 'n Lam wat geslag is (Openb. 5:6,12; 13:8) - vgl. dit ook met die tempeldiens versoeningsoffer (waar versoening vir die volk se sonde gedoen is). In die Pasgamaal stel die wyn die bloed van die lam voor; in die Nagmaal stel dit ook bloed voor!, en Jesus is die Lam! (nl. die bloed van Jesus, die "Lam van God" wat soos 'n lam vir ons geslag is)(Hand. 8:32.33 - "En die gedeelte van die Skrif wat hy besig was om te lees, was dít: Soos ‘n skaap is Hy gelei om geslag te word, en soos ‘n lam wat stom is voor die een wat hom skeer, so maak Hy sy mond nie oop nie. In sy vernedering is sy oordeel weggeneem, en wie sal sy geslag beskrywe? Want sy lewe word van die aarde weggeneem")(Jes. 53:7-12). Deur Sy bloed is daar versoening gedoen vir ons, en is 'n nuwe testament ingelyf.  Net soos die bloed aan die kosyne die volk se eersgeborenes gespaar het in Egipte op daardie nag, so word die wat "Jesus se bloed drink", gespaar (sodat hulle nie die dood beerwe nie, maar lewe).  

Die rede waarom "ongesuurde" brode in die pasgamaal gebruik was was omdat alles haastig gedoen is toe Farao hulle uiteindelik laat trek..., maar daar is ook 'n geestelike betekenis rondom hoekom die brode "ongesuurd" is, en dit is dat dit reinheid en waarheid voorstel - 1 Kor. 5:6-8 (terwyl onreinheid op beurt vgl. word met suurdeeg). Die brood stel Jesus se liggaam voor - en is 'n "brood" wat gedeel word onder die "reines"... (die wat in Jesus Christus glo is skoongewastes en deel van een liggaam).

Hoekom word die brood en wyn gedeel met mekaar?: Jesus se liggaam is vir ons gebreek, en die "een brood" wat verdeel word wys op beurt na die heiliges as deel van een liggaam/brood/Jesus se liggaam (die kerk word bv. o.a. voorgestel as die "liggaam van Christus"-Kol. 1:24)(Rom 12: - "so is ons almal saam een liggaam in Christus en elkeen afsonderlik lede van mekaar"). Die wat in Jesus Christus glo is lede van dieselfde liggaam/brood (deel in ditto liggaam - die een brood word tydens nagmaal gedeel, wat op beurt wys dat die wat dit neem, lede is van een liggaam - en op beurt ook wys hoe ons mekaar nodig het)(1Kor. 12:12 - "Want net soos die liggaam een is en baie lede het, en al die lede van die een liggaam, al is hulle baie, een liggaam is, so ook Christus")(1Kor. 12:20,21 - "Maar nou is daar wel baie lede, maar net een liggaam. En die oog kan nie vir die hand sê: Ek het jou nie nodig nie; of ook die hoof vir die voete: Ek het julle nie nodig nie"). Noodwendig word die brood gebreek en wyn gedeel onder "reines" (skoongewastes)! ...;  dus is dit belangrik dat die wat aan die nagmaal deelneem seker maak hulle is "rein" (dit is immers waarna "ongesuurd" verwys), anders kan hulle 'n oordeel oor hulleself eet en drink... (1Kor. 10:16,17 - "die beker van danksegging wat ons met danksegging seën, is dit nie die gemeenskap met die bloed van Christus nie? Die brood wat ons breek, is dit nie die gemeenskap met die liggaam van Christus nie?  Omdat dit een brood is, is ons almal een liggaam, want ons het almal deel aan die een brood").   

Kan iemand 'n oordeel oor homself eet of drink? Ons het genoem dat die nagmaal gesien kan word soos om gemeenskap te hê met 'n altaar... (1 Kor. 10:14-22 - "Daarom, my geliefdes, vlug vir die afgodediens. Ek spreek soos met verstandige mense; oordeel self wat ek sê: die beker van danksegging wat ons met danksegging seën, is dit nie die gemeenskap met die bloed van Christus nie? Die brood wat ons breek, is dit nie die gemeenskap met die liggaam van Christus nie? Omdat dit een brood is, is ons almal een liggaam, want ons het almal deel aan die een brood. Let op Israel na die vlees: het die wat die offers eet, nie gemeenskap met die altaar nie? Wat sê ek dan? Dat ‘n afgod iets is, of dat ‘n afgodsoffer iets is? Nee, maar dat die heidene wat dit offer, aan duiwels offer en nie aan God nie. En ek wil nie hê dat julle met die duiwels gemeenskap moet hou nie. Julle kan nie die beker van die Here drink en ook die beker van die duiwels nie. Julle kan nie deel hê aan die tafel van die Here en ook aan die tafel van die duiwels nie. Of wil ons die ywer van die Here opwek? Is ons miskien sterker as Hy?"). Nagmaal kan dus op beurt gesien word soos 'n offer, want tydens nagmaal het jy gemeenskap met die bloed en liggaam van Jesus Christus... Dus, wanneer 'n Christen aan die een kant ook "offer aan ander altare" bv. afgode aanbid, ander geloofspraktyke raadpleeg ens.,  dan is hy besig om met beide gemeenskap te he (1Kor. 10:21 - "Julle kan nie die beker van die Here drink en ook die beker van die duiwels nie. Julle kan nie deel hê aan die tafel van die Here en ook aan die tafel van die duiwels nie"). As iemand bv. die nagmaal op hierdie manier gebruik deur OOK gemeenskap te hê met "ander altare" (bv. om begerig te wees na slegte dinge, geestelik te hoereer, murmureer teen die Here, ens. - 1 Kor. 10,), kan dit die Here se ywer opwek! (1 Kor. 10:22) - en in so 'n geval kan 'n persoon 'n oordeel oor homself eet en drink.

-----------------------------------------------------------------------------------------------------------------------------

https://warechristene.blogspot.com/2020/03/die-nuwe-mens-deel-1-die-wedergeborene.html

https://warechristene.blogspot.com/2020/04/die-nuwe-mens-deel-2-die-christelike.html

Algemene vrae oor SALIGHEID (2) - hoekom het ons saligheid nodig

VIR DIE EERSTE DEEL OOR HIERDIE ONDERWERP, GAAN NA:
-  https://warechristene.blogspot.com/2020/05/algemene-vrae-oor-saligheid-1-inleiding.html. In die eerste deel het ons ook gekyk na "HOEKOM iemand saligheid nodig het" en het daar stilgestaan by die volgende feite:

ons het

-REDDING NODIG VAN DIE DOOD, en 

-REDDING NODIG VAN ons SLAAFSKAP ONDER SONDE. 

As ons nie gered word van hierdie dinge nie, sal ons onder God se toorn val.

-----------------------------------------------------------------------------------------------------------------------------

As ons dan nou vra HOEKOM ONS SALIGHEID NODIG HET, dan moet ons ook beslis dat:

In konteks verwys saligheid na "GERED VD TOORN" (...omdat almal sondig en dus verdien om onder oordeel te val en in die toorn sal kom), maar die wat gered is en die opstanding tot lewe ontvang, het die belofte dat hulle nie in die toorn sal kom nie (1 Thess. 5:8,9). Die mens is oppad na sy dood..., nie net die dood vd liggaam (omdat almal sondig) nie, maar ook die tweede dood (die oordeel van die hel)(dit is die uiteinde van "natuurlike mense" - is onder slaafskap gebore, is "onder sonde" gebore - dien die sonde - slawe van sonde).  Dus, die mens het redding nodig, nie net om die dood (vd liggaam) te oorwin nie, maar ook die tweede dood - die mens het dus redding nodig van "toorn", en die "tweede dood" word o.a. na verwys as die die "komende toorn"... (Ef. 2:3; Openb. 6:17; Matt. 3:7-12; Hebr. 4:3; 1 Thess. 2:16; Rom. 1:18; 2:5; Sef. 2:3; ens.). 

Waarna presies verwys hierdie toorn? Hierdie "toorn" verwys na "wraak" (Rom. 12:19) - wanneer die Here gaan wraak neem... (want die wraak kom Hom toe, Hy sal vergeld) (nie net op die wat slawe van sonde is nie, maar ook op die kinders van ongehoorsaamheid, die eiesinniges, die wat nie die vrugte dra wat by die bekering pas nie, ens. - Rom 12:19,20; Kol. 3:6; Ef. 5:6; Rom. 2:5,8; ens.). M.a.w., hierdie toorn verwys na die tweede dood, ook genoem "ewige oordeel" of "poel van vuur" (ons het redding nodig van die tweede dood) - die wat die saligheid verkry deur Jesus Christus is NIE bestem "tot toorn" nie (1Th 5:9,10). In plaas van om deur die tweede dood te gaan, sal die wat saligheid verkry, lewe (1 Thess. 1:10). Toe Jesus die eerste keer gekom het het Hy nie gekom om te oordeel nie, maar wanneer Hy terugkom sal Hy oordeel ...(Joh 3:35,36 - "Die Vader het die Seun lief en het alles in sy hand gegee. Hy wat in die Seun glo, het die ewige lewe; maar hy wat die Seun ongehoorsaam is, sal die lewe nie sien nie, maar die toorn van God bly op hom").

In daardie opsig kan die wat nie gered is nie, nie vir ewig lewe nie;  maar die wat gered word het die belofte dat hulle vir ewig kan lewe (in ander woorde, die wat opstaan tot lewe sal nie onder die toorn vd tweede dood val nie) - en aan hulle is die koninkryk belowe. Jy kan nie 'n "ewige" koninkryk beerwe as jy self nie vir "ewig" kan lewe nie!

Die wat redding verkry, het dus die belofte van
- "ewige lewe" en sal die
- "koninkryk beërwe". 

Daarom word hierdie baiemaal hanteer as deel van die redes hoekom ons saligheid nodig het; (m.a.w. in hierdie konteks het "die mens redding/saligheid nodig om die ewige lewe en die koninkryk te kan beërwe"... (2 Tim. 4:18; Dan. 2:44; Matt. 7:21; 25:34,46; Joh. 3:15; 3:36). 

Dus, die mens het REDDING nodig;  m.a.w., die wat:

- (1) "weer gebore" word (deur water en Gees)(Joh. 3:3-7), word gesien as 

- (2) kinders van God (is dus nou as vrymense gebore)(word "geestelike mense" genoem)(1 Joh. 3:1), en het dus die belofte van 

- (3) ewige lewe (word nie net innerlik vernuwe nie, maar sal ook eendag uiterlik vernuwe word)(Joh. 3:15; 6:40), en sal die

- (4) koninkryk beërwe (Matt. 25:34).

---------------------------------------------------------------------------------------------------------------------------

(1)  OM SALIGHEID TE VERKRY BETEKEN DAT SO IEMAND "WEER GEBORE" WORD:

Alle mense word as NATUURLIKE MENSE gebore (omdat hulle kinders van Adam is) - "natuurlike mense" is 'n begrip wat gebruik word om te verwys na watter mense "natuurlik" is (hulle is nie uit Gees gebore nie, is nie "geestelik" nie) - hoe hulle is/dink/sien/doen... - die wat "uit vlees" gebore is, is bv." gebore in sonde"/is vleeslik, maar die wat "uit Gees" gebore is, is gebore uit God - hulle het nie die Gees van God nie, en is daarom "natuurlik" (1 Kor. 2:14). Natuurlike mense word in slawerny gebore - "is slawe van sonde" (is dus nie vry nie, maar word as slawe gebore - slawe van sonde)(is kinders van Adam), en is daarom "natuurlik" (Rom. 7:14) - hulle dien die sonde, en hulle uiteinde is die dood (dood vd liggaam omdat hulle sondig)(tweede dood omdat hulle kinders van Adam is). Maar geestelike mense dien die Gees (want hulle het die Gees). Dit is dus duidelik dat natuurlike mense skoonwassing nodig het!, en die Gees nodig het!...; maw, het nodig om "weer gebore" te word, wat geskied deur WATER en GEES (Joh. 3:5). Die "water"-gedeelte vd wedergeboorte verwys na die afwassing van sondes, en dit is waarom geestelike mense die opstanding verwag (hulle liggame verdien om steeds dood te gaan a.g.v. sonde), maar omdat hulle vergifnis kry sal Jesus hulle opwek uit die dood. Die Gees-gedeelte van wedergeboorte gaan oor "die Heilige Gees ontvang" - die wat die Gees ontvang, se innerlike word  nuutgemaak en hulle is nou soos mense wat "uit Gees" gebore is (is nie meer slawe van sonde nie, maar dien Jesus Christus). 

Natuurlike mense: 

- HET NIE DIE GEES VAN GOD NIE (1 Kor. 2:14);

- HET DIE GEES VD WêRELD (1 Kor. 2:12);

- NEEM NIE DIE DINGE VD GEES VAN GOD AAN NIE en verstaan dit nie (want hulle het nie die Gees nie!) / is nie gehoorsaam aan die Gees nie (1 Kor. 2:14); 

- natuurlike mense is VLEESLIK (hulle dink bv. vleeslik en tree vleeslik op)(Rom. 8:5-7);

- IS NIE VRY NIE - hulle word in slawerny gebore / is slawe van sonde/dien die wet van sonde, en kan nie in daardie staat aangeneem word as kinders van God nie (2 Pet. 2:19; Hebr. 2:15; Rom. 8:15; 7:26; 6:6);

- DRA VRUGTE VIR DIE DOOD (wat ook verwys na die tweede dood) - omdat hulle die sonde dien / m.a.w., hulle kan God nie behaag nie (Jud. 1:10; 1 Kor. 2:14; Rom. 8:6-8).

 

Die natuurlike mens het 'n natuurlike/VERGANKLIKE LIGGAAM (almal gaan dood!);  maar die begrip "dood" verwys nie net na die uiterlike wat sterwe nie, maar verwys ook na die "tweede dood" (wanneer beide die liggaam/uiterlike mens en die siel/innerlike mens verderwe word)(Matt. 10:28).  Sonder die Gees van God kan niemand vrug dra tot LEWE nie (m.a.w., omdat natuurlike mense nie die Gees het en daarom nie instaat is om vrug te dra "tot lewe" nie, kan geen natuurlike mens die ewige lewe beërwe nie, en daarom is alle natuurlike mense se uiteinde die dood - HULLE IS SOOS SLAWE WAT LOSKOPING NODIG HET. As iemand nie losgekoop word nie, kan hy nie die ewige lewe beërwe nie - so iemand se uiteinde is die dood (nie net het hy opstanding nodig vd uiterlike mens omdat almal sterf nie, maar het ook redding nodig vd innerlike mens/"siel" - sodat hy nie deur die tweede dood gaan nie). 

'n Slaaf wat losgekoop word verkry 'n nuwe lewe - is soos 'n nuwe mens wat nou vry is;  alhoewel hy dan behoort aan die een wat hom gekoop het!  Dit is wat gebeur wanneer iemand geestelike redding verkry - hy word losgekoop deur Jesus Christus en alhoewel hy nou "vry" is (en nie meer die vorige meester nl. die sonde dien nie), behoort hy nou aan Jesus Christus (deur wie hy losgekoop is - hy word m.a.w. 'n slaaf van Christus en dien Hom). En in Christus (Hy was ons skoon en gee vir ons die Heilige Gees) is hy nou instaat om vrug te dra tot lewe (nie meer vrug "tot dood" nie, maar vrug tot lewe...). In daardie opsig is hy soos 'n nuwe mens, asof "weer gebore" - weergeborenes word bv. o.a. beskryf as mense wat "gebore is uit God" (1 Joh. 5:1)(is "geestelike mense"), asof gebore uit Sy saad (hulle word hanteer soos mense wat gebore is uit God, nie uit Adam nie). Mense wat uit God se saad gebore is is instaat om vrug te dra tot lewe (sal lewe!), maar die wat gebore is uit Adam se saad dra vrugte vir die dood (sal doodgaan)... 

-----------------------------------------------------------------------------------------------------------------------------

(2)  OM "KIND VAN GOD TE WEES" HET JY SALIGHEID/REDDING NODIG:

Kinders erf...  Nie almal sal die aarde beerwe nie, slegs die wat "kinders" is, sal! En hoe kan jy die aarde beërwe (Matt. 5:5; Ps. 37:9,11,22,29,34; Rom. 4:13) as jy nie in die lewe is nie? Jy moet in die lewe wees om die aarde te kan beërwe, en jy moet 'n kind wees want dit is die kinders wat erf. 

Die erfenis sal nie gegee word aan "natuurlike mense" nie, maar aan "geestelike mense" (kinders van God - die wat uit God gebore is -  m.a.w., weergeborenes / die gebore uit water en Gees, en die wat onverganklike liggame kry). Daar word somtyds ook hierna verwys as "die koninkryk beërwe" (Matt. 13:43; 25:34)(kyk tema "kinders vd koninkryk").  Natuurlik is kinders deel van hulle "vader se koninkryk", en die koninkryk is nie net hemels van aard nie, maar sal ook eendag 'n aardse koninkryk wees (sal fisies op aarde wees) wat terloops ook vir ewig sal wees! (en is immers al hier deur Sy Gees, want waar Hy is daar is Sy koninkryk - "geestelike koninkryk" / Gees in wedergeborenes; daarom weergeborenes "tempel van God").  Die Vader het hierdie koninkryk aan Sy Seun Jesus Christus gegee. Jesus Christus sal vir ewig Koning wees OP AARDE, en die wat gered word het die belofte dat hulle hierdie koninkryk sal beerwe - hulle sal vir ewig lewe, op aarde, in Sy koninkryk. 

Sommige Christene dink dat hulle vir ewig in die hemel sal lewe (?) - bes moontlik toegang tot die hemel, ja, maar die Skrif leer dat gereddes vir ewig "op die aarde" lewe.  Die Skrif leer dat Jesus vd hemel af sal terugkom na die aarde, die ander koninkryke sal verbrysel, en sal Sy ewige koninkryk oprig.......(Dan. 2:44; 4:3; Gen. 49:10; Ps. 2:6-12; 89:3,4,36; Eseg. 35:35; Miga 4:7; Luk. 1:32,33; Joh. 12:34; Openb. 11:15; 19:11-21; 20:6,7; Jes. 24:23; ens.). 

-----------------------------------------------------------------------------------------------------------------------------

(3)  OM DIE EWIGE LEWE TE BEëRWE, HET JY SALIGHEID NODIG:

Die wat in Christus Jesus glo (saligheid in Hom ontvang) het die belofte van ewige lewe (Joh. 3:15,16,36; 1 Joh. 2:25; 5:11,13,20; 1:2; Jud. 1:21; Tit. 3:7; 1 Tim. 1:16; Rom. 6:22,23; 5:21; Joh. 17:2,3; Joh. 6, ens.). Maar natuurlik moet ons verstaan wat GELOOF beteken, want geloof in Hom is nie bloot 'n belydenis van woorde nie, maar gaan ook oor gehoorsaamheid - m.a.w., geloof sonder werke is dood. Daarom word in baie skrifte die belofte vd ewige lewe in ditto konteks gebruik as "werke", bv. (Gal 6:7,8 - "Moenie dwaal nie; God laat Hom nie bespot nie; want net wat die mens saai, dit sal hy ook maai. Hy wat in sy vlees saai, sal uit die vlees verderf maai; maar hy wat in die Gees saai, sal uit die Gees die ewige lewe maai"). Kyk ook 1 Tim. 6:11-19; Rom. 2:7,8; Joh. 18:18-24; Luk. 16: 8-13; Luk. 10:25-28; ens.

Tydens 'n gebed (Joh. 17) het Jesus die EWIGE LEWE o.a. op die volgende manier beskryf: (Joh 17:3 - "En dit is die ewige lewe, dat hulle U ken, die enige waaragtige God, en Jesus Christus wat U gestuur het"). In hierdie opsig is "om die Here te ken" soos ewige lewe... As iemand nie die Here ken nie, hoe kan hy dan verwag om die ewige lewe te beerwe want dit is immers o.a. waaroor die ewige lewe gaan - dit gaan nie net oor "vir ewig lewe" nie (Joh. 10:28; Dan. 12:2), maar verwys na die wat die Here ken (God die Vader en Sy Seun Jesus Christus KEN). In Joh. 12 noem Jesus ook die "gebod vd Vader" die ewige lewe... - (Joh 12:50 - "En Ek weet dat sy gebod die ewige lewe is. Wat Ek dan spreek—net soos die Vader vir My gesê het, so spreek Ek") - kyk ook Joh. 5:39. In die gedeelte (Joh. 12:44-50) verwys Hy na hoe Hy nie uit Homself spreek nie maar spreek wat die Vader Hom gee (Joh 12:49)  Want Ek het nie uit Myself gespreek nie; maar die Vader wat My gestuur het, Hy het My ‘n gebod gegee wat Ek moet sê en wat Ek moet spreek"). Op dieselfde wyse is die Here se gebod vir die Christen soos "ewige lewe" - as jy nie Sy gebod liefhet nie, hoe wil jy dan die ewige lewe ontvang, want Sy gebod is die ewige lewe!  Ons sien dus hier hoe Jesus vir ons verduidelik het wat EWIGE LEWE nou eintlik beteken. (Joh 12:25,26 - "Wie sy lewe liefhet, sal dit verloor; maar wie sy lewe haat in hierdie wêreld, sal dit bewaar vir die ewige lewe. As iemand My dien, laat hom My volg; en waar Ek is, daar sal my dienaar ook wees; en as iemand My dien, sal die Vader hom eer"). M.a.w., om die ewige lewe te he beteken dat jy die Here KEN en GEHOORSAAM. Die belofte vd ewige lewe is gemaak aan die wat GLO (nie net glo dat Hy is nie, maar verwys na die wat Hom ken en in Sy woorde/gebooie glo - die ewige lewe is om Hom te ken, en is Sy gebod...). Die ewige lewe is bedoel vir REGVERDIGES/BARMHARTIGES (Matt. 25:46). 

Redding/saligheid/wedergeboorte vind plaas deur afwassing (water) en die ontvang vd Heilige Gees (Gees)(Joh. 3:5);  alhoewel die aanneming tot kinders eers heeltemal voltrek word in die opstanding - die wat "opstaan tot lewe", nie die wat opstaan tot veroordeling nie (Joh. 5:29).  Ja, kinders van God sal ook geoordeel word! (sien "regterstoel van Christus"-2 Kor. 5:10; Rom. 14:10; 2 Tim. 4:1).  Jesus Christus was ons skoon van sonde en gee aan ons die Heilige Gees, maar Hy sal Sy dorsvloer skoonmaak wanneer Hy terugkom - bv., dan sal die kaf (die wat nie vrug dra nie) van die koring (die wat vrug dra) geskei word (en die kaf sal in die vuur gegooi word)(Matt. 3:12; Luk. 3:17). Natuurlik het almal wat weergebore word die belofte van EWIGE LEWE en sien uit na die opstanding wanneer ook hulle uiterlike vernuwe sal word, maar dit is bedoel vir die wat vashou (nie die wat self laat los nie).  Geloof is inderdaad belangrik, maar geloof sonder werke is dood (Jak. 2:20,26). Geestelike mense is instaat om VRUG te dra TOT LEWE (omdat hulle die Gees het, en hulle word deur die Gees in bewaring gehou tot die dag van verlossing...), maar geestelike mense wat vrugteloos is wanneer Jesus terugkom (hetsy nie vrug gedra of het dit verloor), sal uitgewerp en verbrand word (Joh. 15:4-6; Mark. 4:7; Luk. 8:14; ). Daar sal ook ander oordele plaasvind in ditto tyd, bv. onkruid (die struikelblokke in die koninkryk) sal ook van die koring geskei word (Matt. 13:24-30), en die bokke (die wat onbarmhartig is) sal geskei word van die skape (die barmhartiges)(Matt. 25:31-46) - die "goeies" sal vd "slegtes" geskei word (Matt. 13:47-50). Inderdaad bestaan die "koninkryk vd hemele/God" (verwysend na die wat aan Sy koninkryk behoort of saambeweeg) nie net uit goeies (goeie visse) nie, maar ook slegtes (slegte visse)(Matt. 13:47-50; 22:9-14; 5:45) . M.a.w., met die voleinding vd wêreld (wanneer Jesus terugkom), sal die goeie visse van die slegtes geskei word...

 

Sonder die Gees van God kan niemand "vrug dra tot lewe" nie.  Weergeborenes DIEN DIE HERE - is gehoorsaam aan die Gees (is nie onder die wet nie, en dien nie die sonde nie, maar is onder die Gees) - dit is immers waarom hulle vrug kan dra tot lewe. Natuurlike mense (die wat nie die Gees het nie) dra vrugte vir die dood (en kan dus nie die ewige lewe beërwe nie, want hulle uiteinde is die dood!). Geestelike mense (die wat die Gees het) dra vrug tot (ewige) lewe.

-----------------------------------------------------------------------------------------------------------------------------

(4)  OM DIE KONINKRYK TE KAN BEëRWE, HET JY SALIGHEID NODIG:

-  Natuurlike mense (die wat nie die Gees het nie) / "vleeslikes" kan nie die koninkryk beërwe nie (Gal. 5:21; 1 Kor. 6:9,10; Ef. 5:5). Die "natuurlike mens" word ook somtyds na verwys as "vlees en bloed" (gebore uit vlees-Joh. 3:6, en gebore uit bloed-Joh. 1:13, deur die wil van 'n man / die mensdom, gebore uit vlees en bloed/is VERGANKLIK / "kinders van Adam")(1Kor. 15:50 - "Maar dit verklaar ek, broeders, dat vlees en bloed die koninkryk van God nie kan beërwe nie; ook beërwe die verganklikheid nie die onverganklikheid nie").

-  Geestelike mense (die wat die Gees het) / Weergeborenes het die belofte dat hulle die koninkryk sal beërwe (1 Kor. 15:50-58; Kol. 1:13,14) - die koninkryk is belowe aan gelowiges wat volhard, 2 Pet. 1:11 / die wat lief is vir die Here of ryk is in Hom, Jak. 2:5 /  die wat Hom dien en vrees, Hebr. 12:28, 2 Tim. 4:18 / die wat vedrukking en vervolging verdra ter wille vd Koninkryk, 2 Thess. 1:5 / die barmhartiges, Matt. 25.......ens.  Die geestelike mens (weergeborenes) is ook vlees en bloed, maar soos vlees en bloed van Jesus Christus... (verwys na "hulle lewe is in Hom" - omdat die lewe is in die bloed-kyk teken in Nagmaal-Hebr. 9:13;Joh. 6:53-56)(Joh. 1:12,13) - is "familie" van Hom, van Sy vlees en van Sy bene (Ef. 5:30)(kyk terme "vlees en been" of "liggaam en bloed"); - nie letterlik uit Hom gebore nie maar geestelik deur water en Gees - daarom word die weergeborene gesien as ONVERGANKLIK!, - innerlike is vernuwe, en sal ook eendag nuwe uiterlike (onverganklike) liggaam kry. 

Maar nie alle "kinders vd koninkryk" sal in die koninkryk ingaan nie..., want die "aanneming tot kinders" word eers voltrek in "die opstanding". M.a.w., nie alle kinders vd koninkryk sal die opstanding tot lewe ontvang nie, maar die wat kwaad gedoen het sal opstaan tot veroordeling (Joh. 5:19).  Bv., die "KAF" sal uitgewerp word - slegs die met vrug of die nodige vrug (nl. die "KORING") sal die koninkryk kan beërwe - (l.w., "kaf" verwys na weergeborenes wat nie vrug dra nie, of die wat wel vrug dra maar dit verloor...).  Ook nie almal wat deel is van die Christelike kerk sal in die koninkryk ingaan nie, slegs die KORING / SKAPE sal dit beërwe - "ONKRUID" sal dit nie beërwe nie - (l.w., "onkruid" is mense in die Christelike kerk wat eintlik nie wederbaar is nie maar beweeg onder die koring asof hulle kinders van God is - hulle is vals, is "ingesluiptes" wat die koring kan laat struikel...), en "BOKKE" sal dit ook nie beërwe nie (l.w., "bokke" verwys na die wat nie barmhartig is nie, hetsy hulle aan die kerk behoort of nie, weergebore of nie). 

---------------------------------------------------------------------------------------------------------------------------

WATER vir LEWE

In hierdie pos kyk ons na  "waarna WATER verwys in beeldspraak".
Gelowiges word soos saad in die wêreld gesaai of geplant...(Matt. 12:33; Luk. 3:9;1 Kor. 3:6-8...), en word o.a. voorgestel soos bome in Luk. 3:9, en soos "takke" of "lote" in Rom. 11 en Joh. 15:5 (http://warechristene.blogspot.co.nz/p/blog-page.html). Net soos saad geplant en natgemaak word, en God dit laat groei, net so het gelowiges WATER nodig om te kan groei en vrug dra , maar ook water nodig om aan die lewe te bly!  In hierdie pos sal ons sien dat "water" verwys na die woord vd Here en na die Heilige Gees (waardeur ons groei en vrug dra, en waarin en deur Wie ons LEWE)(Joh. 6:63,68).

Ons gaan die volgende vrae beantwoord:
-  WAT is / waarna verwys die water?
-  WAAR kry ons hierdie water?
-  HOE kry ons hierdie water?
________________________________________________________________________________

INLEIDING:

Die belangrikheid van water is regdeur die Bybel bv., in die skepping het water 'n belangrike rol gespeel (2 Pet. 3:5) - maar natuurlik nie sonder die woord van God nie (wat ook vgl. moet word met "water"). Op verskeie geleenthede is water gebruik as die middel waardeur genesing tot stand gebring is (Joh. 5:3-7; 2 Kon. 5:10).  "LEWE" word ook baiemaal voorgestel soos water (omdat water nodig is om aan die lewe te bly)(bv. Openb. 22:1).  Selfs in die Christelike doop is water o.a. 'n teken van "lewe", in die sin van "afwassing van die oue en opstaan in 'n nuwe lewe" (Hebr. 10:22; Hand. 10:47...)(maar wys ook op die belofte van opstanding tot ewige lewe). (1 Joh. 5:8 - "en daar is drie wat getuig op die aarde: die Gees en die WATER en die bloed, en die drie is eenstemmig").  Water (as letterlike teken) is een van die elemente nodig vir wedergeboorte - die ander element is die Gees (en verwys figuurlik ook na "water"!)(Joh. 3:5): - "Jesus antwoord: Voorwaar, voorwaar Ek sê vir jou, as iemand nie gebore word uit WATER en Gees nie, kan hy in die koninkryk van God nie ingaan nie". 

In hierdie pos sal ons sien hoe belangrik WAARHEID is, 

en kan opsom dat WATER in beeldspraak verwys na:

- DIE WOORDE VD HERE, en Jesus Christus is DIE WOORD;

- die GEES VAN GOD;  
- die HERE is soos 'N FONTEIN VAN WATER.

Wanneer die Here Hom van iemand afskei, dan word daardie mens soos 'n dor land (Hos. 2:1-3; Jer. 51:43; Ps. 68:6...). Die natuurlike mens kan ook miskien voorgestel word soos 'n dor land SONDER WATER, want hy het geen belofte van LEWE nie omdat hy "geen water het nie"....Natuurlik verwys hierdie na die INNERLIKE MENS, nie die uiterlike nie.  In Amos 8:11-13 word die wat geestelik "hoereer" (verwysend na die wat eintlik deel is van God se volk, maar wat in sonde stap of afvallig word) ook voorgestel soos 'n "dor land", en al sou diesulkes dors na die woorde vd Here, sal hulle dors nie geles word nie omdat hulle (ook) dors na verkeerde dinge (bv. afgodsaanbidding en heidense praktyke)(Jes. 65:13). Dawid het ook 'n soortgelyke beedpraak gebruik in Ps. 63:1 waar dit lyk of hy die land rondom hom voorstel soos 'n "dor en uitgedroogde land SONDER WATER"... Maar die siel wat dors na die Here (soos Dawid), sal versadig word!, en kan voorgestel word "soos 'n tuin wat goed besproei is, en soos 'n fontein van waters waarvan die water nooit teleurstel nie" (Jes. 58:11). Die geestelike mens het die belofte van LEWE, want hy het "die water" (woord / Gees) wat hom aan die lewe hou.

Alhoewel elkeen van ons figuurlik voorgestel word soos saad, plant, boom, lote...ens., word die mens somtyds ook as "grond" voorgestel (soos in die gelykenis vd saaier)(https://warechristene.blogspot.com/2014/06/wat-is-die-waarheid-2.html);
(https://warechristene.blogspot.com/2018/06/dorings-en-distels-braak-vir-julle-n.html);  sekerlik omdat die LIGGAAM uit grond gemaak is, maar siende ons eintlik hier vd INNERLIKE MENS praat (nie die uiterlike nie), kan ons ook innerlik die liggaam voorstel met grond (en innerlik, die siel, met plant of boom...)(en innerlik, die gees vd mens, met lig). Wanneer water op grond val, dan het dit tot gevolg dat die saad uitspruit.  Lig is weer belangrik vir groei. Op dieselfde wyse kan die geestelike mens voorgestel word soos grond (liggaam), waarop water val en die SAAD (siel) spruit uit ("een plant"-1 Kor. 3:7,8), en met WATER (woorde vd Here -"een maak nat"-1 Kor. 3:7,8)(die Heilige Gees) en LIG (gees), sal dit GROEI (God laat groei-1 Kor. 3:7,8).  Die manier hoe elkeen van ons "op ons grond bou", is belangrik!, want dit sal bepaal wat se soort VRUG iemand op die ou end dra.  Die wat HOOR en REG BOU, gee ag op die WAARHEID (hulle "dors na die water vd woord en die Gees");   bv., wanneer ons die woord van God (die waarheid) op ons grond bou, dan bring dit lewe voort (verwys na die wat "hoor"), maar as ons verkeerd bou (bv. valse leerstellings), kan dit die dood voortbring...  Ander vb.e van "bou" sluit onderwerpe in soos :  - pasop hoe julle "hoor"  ;  wat dit beteken om "gereed te wees" (bv., word ryk in die Here; verloor lewe i.p.v. om dit te probeer wen; ken die wil vd Here en doen dit); ens.

"Ander woorde" vergaan, maar die woord vd Here bly tot in ewigheid! (1Pe 1:24,25). Die mens het die woorde van God nodig om te kan lewe.  Alhoewel DIE HEILIGE GEES ook soos lig is vir die gees vd geestelike mens, is Hy ook soos water omdat Hy die "Gees van WAARHEID" is en vir ons lei en leer in die woorde vd Here, en word verder vgl. met "lewende water" omdat die Gees soos 'n fontein is wat opspring tot in die ewige lewe! (Openb. 21:6).

------------------------------------------------------------------------------------------------------------
WAARNA verwys "WATER" (in beeldspraak)?

-(1)  WATER verwys na die WOORDE VD HERE:
(Amo 8:11)  Kyk, daar kom dae, spreek die Here HERE, dat Ek ‘n honger in die land stuur, nie ‘n honger na brood nie en nie ‘n dors na water nie, maar om die woorde van die HERE te hoor.  IN HIERDIE VERS SIEN ONS HOE BROOD EN WATER IN BEELDSPRAAK GEBRUIK WORD VIR "die woorde vd Here".  In 1 Pet. 1:23 verwys "saad" ook na die Woord van God. God is die Een wat laat groei, en Hy gebruik Sy diensknegte om die PLANTwerk te doen, en om "NAT te MAAK" (woord saai / water gee). Sy woorde is vir ons soos water. Sonder die woorde vd Here kan ons nie groei nie.

Water verwys dus na "woorde".  In sommige skrifte word die woorde wat uit iemand se mond kom, ook voorgestel soos water (Spr. 18:4). In Spr. 10:11a word die mond vd regverdige voorgestel soos "n fontein van lewe...".  Die geestelike mens se hart word vernuwe deur die Heilige Gees (sien punt 2 waar Heilige Gees ook met water voorgestel word).  Die Heilige Gees is soos 'n fontein van lewe in iemand se binneste - en waarvan die hart vol is loop die mond oor! (Jes. 59:21)(Luk. 6:45; Matt. 12:34; 15:18; Kol. 3:16).

Jesus Christus is DIE WOORD.  Hy is Here, en is soos 'n "fontein van water" en gee die WATER.  Die waarheid het deur Hom gekom:
- (Joh 1:1)  In die begin was die Woord, en die Woord was by God, en die Woord was God.
- (Openb. 19:13)  En Hy was bekleed met ‘n kleed wat in bloed gedoop was, en sy Naam is: Die Woord van God.

- (1Jn 1:1,2)  Wat van die begin af was, wat ons gehoor het, wat ons met ons oë gesien het, wat ons aanskou het en ons hande getas het aangaande die Woord van die lewe— en die lewe is geopenbaar, en ons het dit gesien, en ons getuig en verkondig aan julle die ewige lewe wat by die Vader was en aan ons geopenbaar is—

- (1Jn 5:7)  Want daar is drie wat getuig in die hemel: die Vader, die Woord en die Heilige Gees, en hierdie drie is een.

-(2)  WATER verwys na die GEES VAN GOD:
(Joh 7:38)  Hy wat in My glo, soos die Skrif sê: strome van lewende water sal uit sy binneste vloei.
(Joh 7:39)  En dit het Hy gesê van die Gees wat dié sou ontvang wat in Hom glo; want die Heilige Gees was daar nog nie, omdat Jesus nog nie verheerlik was nie. WANNEER IEMAND DIE GEES ONTVANG IS DIE GEVOLG "SOOS STROME WATER"...(Jes. 44:3). Vgl. hierdie met begrip "lewende water" (rol af na volgende paragraaf).  Die persoon kry soveel water dat dit soos strome uit sy binneste vloei. Ons het gesien dat "water" veral verwys na die woorde vd Here - let wel die Heilige Gees is "DIE GEES VAN WAARHEID". Die Gees van God is vir ons soos water en gee vir ons DIE WOORDE VD HERE - leer en lei ons in die waarheid, en herinner ons aan die waarheid wat deur Jesus gekom het... (Ps 123:10; Joh. 16:13). Hy vernuwe ons harte sodat ons anders begin dink en "sien" en PRAAT! Maar die Gees is ook soos 'n fontein wat opspring tot in die ewige lewe!  "Ander woorde" vergaan, maar die woord vd Here bly tot in ewigheid... -(1Pe 1:24,25) - "Want alle vlees is soos gras, en al die heerlikheid van die mens soos ‘n blom van die gras. Die gras verdor en sy blom val af,  maar die woord van die Here bly tot in ewigheid. En dit is die woord wat aan julle verkondig is). 

- (3) DIE HERE IS soos 'n "FONTEIN VAN WATER":

(Jer 2:13)  Want my volk het twee verkeerde dinge gedoen: My, die fontein van lewende water, het hulle verlaat om vir hulle reënbakke uit te kap, gebarste reënbakke wat geen water hou nie.

------------------------------------------------------------------------------------------------------------ 

WAAR kry ons hierdie WATER?
Hierdie "water" (woorde vd Here en Sy Gees) kan slegs by die Here verkry word.

Natuurlik verwys die "woorde van die Here" na die WAARHEID - Sy woord is die waarheid, en Sy Gees is die Gees van waarheid, en die WAARHEID het deur Jesus Christus gekom (Joh. 1:17);  en Hy is die Een wat ons doop met die Heilige Gees  (Matt. 3:11). As iemand nie in Jesus Christus glo nie, dan glo hulle ook nie in Sy woorde nie, en hulle kan dan ook nie verwag om die Heilige Gees te ontvang nie, want Hy is die Een wat die Gees gee aan die wat in Hom glo-Joh. 7:38.
En hoe kan iemand vrug dra "tot ewige lewe" as hy nie die Gees het nie?
Ons sien dus dat hierdie WATER (woord en Gees) by Jesus Christus verkrygbaar is (en Hy self is die Woord!):
- (Joh 4:13,14)  Jesus antwoord en sê vir haar: Elkeen wat van hierdie water drink, sal weer dors kry; maar elkeen wat drink van die water wat Ek hom sal gee, sal in ewigheid nooit dors kry nie, maar die water wat Ek hom sal gee, sal in hom word ‘n fontein van water wat opspring tot in die ewige lewe. Jesus het vir ons die waarheid gebring sodat ons Sy woorde kan ken, en Hy lei Sy diensknegte om die woord te verkondig (sodat hulle van die water wat hulle kry, kan gee aan die wat dors is). Jesus gee Sy Gees aan die wat in Hom glo en Hom gehoorsaam - die Gees van God leer en lei hulle in die waarheid, en herinner hulle aan Sy woorde (Joh. 16:13).

Jesus Christus het op geleenthede ook die begrip "LEWENDE WATER" gebruik, wat verwys na die water wat HY GEE.  In Jer. 2:13 noem die Here Homself  'n "fontein van lewende water". Hy is "die fontein" by wie ons water kan kry:
-(Psa 42:1)  Vir die musiekleier. ‘n Onderwysing van die kinders van Korag. (42:2) Soos ‘n hert wat smag na waterstrome, so smag my siel na U, o God!
-(Psa 42:2)  (42:3) My siel dors na God, na die lewende God; wanneer sal ek ingaan en voor die aangesig van God verskyn?
Hy gee vir ons hierdie water want Hy is Here en is soos 'n "fontein van lewende water" (Joh. 4:10,11). Nie net is hierdie water (wat Hy gee) instaat om iemand se dors te les nie, maar is van so 'n aard dat iemand nooit weer sal dors kry nie!  (Joh 4:14). "Lewende water" word soos 'n fontein in iemand, wat opspring tot in die EWIGE LEWE. In Openb. 21:6 het Jesus belowe dat Hy die fontein vd water vd lewe verniet sal gee aan die wat DORS het - m.a.w., die wat "dors na Hom" en dors na Sy geregtigheid...(die wat in Hom glo).  (Mat 5:6)  Salig is die wat honger en dors na die geregtigheid, want hulle sal versadig word. Ons het die water vd Here nodig om te kan LEWE!  Jer. 17:13 leer vir ons dat die wat die "fontein van lewende water" (die Here) verlaat (die wat van Hom afwyk), beskaamd sal staan, en hulle sal op die aarde geskryf word...

Die Heilige Gees word ook voorgestel soos LEWENDE WATER in Joh. 7:38,39. Die wat in Jesus Christus glo en dors na Sy geregtigheid, word gevul met Sy Gees (Sy Gees is soos "water" vir hulle - Joh 7:39). Die wat die Heilige Gees ontvang is nie meer 'n "dor land" nie, maar soos 'n land vol water.  Nie net word hulle dors geles nie, maar hierdie lewende water (die Heilige Gees in hulle) word soos 'n fontein wat opspring TOT IN DIE EWIGE LEWE!  Daarom word daar ook na die lewende water verwys as "die fontein vd water VD LEWE".  Die begrip "lewende water" verwys dus ook na die wat die ewige lewe gaan ontvang, want hulle het die water wat nodig is om aan die lewe te bly (die water wat die ontvang wat weergebore word deur die Gees).

-  (Jes. 44:3,4)  Want Ek sal water giet op die dorsland en strome op die droë grond; Ek sal my Gees op jou kroos giet en my seën op jou nakomelinge. En hulle sal uitspruit tussen die gras in, soos wilgerbome by waterlope.

- (Jes. 59:21)  Wat My aangaan, dit is my verbond met hulle, sê die HERE: My Gees wat op jou is, en my woorde wat Ek in jou mond gelê het, sal uit jou mond nie wyk nie, en ook nie uit die mond van jou kroos en uit die mond van die kroos van jou kroos, sê die HERE, van nou af tot in ewigheid nie.

------------------------------------------------------------------------------------------------------------
HOE KRY ONS HIERDIE WATER?


(1) Wat moet ons doen om hierdie water te kry? (2) Word hierdie water gegee aan almal wat dit vra?

(1) Dit is duidelik dat water gegee word aan die DORSTIGES (Openb. 21:6; 22:17).  Dawid het verstaan dat die Here soos 'n fontein is van water, en dat "dors" hier verwys na "dors na die Here en Sy dinge...(Psa 63:1)  ‘n Psalm van Dawid, toe hy in die woestyn van Juda was. (63:2) o God, U is my God, U soek ek; my siel dors na U, my vlees smag na U, in ‘n dor en uitgedroogde land, sonder water.- VGL. HIERDIE GERUS MET DIE TEMA VAN "DOR LAND" WANT DOR LAND VERWYS NA "VERLATE GESTEL", bv. Hos. 2:1-3, waarin die Here waarsku dat diesulkes se hoerery en owerspel tot gevolg gaan he dat Hy hulle naak uittrek en maak soos 'n woestyn (natuurlik beeldspraak) - Hy sou hulle "STEL SOOS 'N DOR LAND", en hulle van dors laat sterwe...  'n Soortgelyke voorstelling kan uit verskeie ander skrifte verkry word van iets/iemand waarvan die Here Hom skei of wat geskei is van die Here (Jer. 51:43; Ps. 68:6 ens.)...  Die volk Israel word bv. voorgestel soos 'n vrou en die Here HAAR MAN, maar as hulle "owerspel pleeg" en "hoereer" (m.a.w. "hoereer" met afgode, heidense praktyke...), dan waarsku Hy dat Hy haar soos 'n woestyn sal maak, 'n DOR LAND... (Hos. 2:1-3). Haar dors sal nie geles word nie omdat sy, in plaas van om na die Here te dors en na Sy wil en geregtigheid, dors na verkeerde dinge. (Jes. 65:13)  "Daarom, so sê die Here HERE: Kyk, my knegte sal eet, maar julle sal honger bly; kyk, my knegte sal drink, maar julle sal dors wees; kyk, my knegte sal bly wees, maar julle sal beskaamd staan".  Die wat "geestelik hoereer" kry nie die regte water nie, maar soek water (soos bitter water) wat hulle dood kan veroorsaak! Gewoonlik wys iemand se vrug wat se soort water hy drink, want wat die hart van vol is, loop die mond van oor - (Jak. 3:10,11 - "Uit dieselfde mond kom seën en vervloeking. Dit, my broeders, behoort nie so te wees nie. ‘n Fontein laat tog nie uit dieselfde oog vars en bitter water opborrel nie?)(rol af na volgende paragraaf vir 'n kort opsomming oor "vars en bitter water").

Hier is 'n paar dinge wat ons kan leer uit Jes. 55 oor wat dit beteken om te dors na die water van die Here:
- v. 2:  "Luister aandagtig na My en eet die goeie, en laat julle siel hom in vettigheid verlustig";
- v. 3:  "Neig julle oor en kom na My toe, luister, en julle siel sal lewe";
- v. 6:  "Soek die HERE terwyl Hy nog te vinde is; roep Hom aan terwyl Hy naby is";
- v. 7:  "Laat die goddelose sy weg verlaat en die kwaaddoener sy gedagtes; en laat hy hom tot die HERE bekeer, dan sal Hy hom barmhartig wees"...

Ons moet dors wees vir die regte dinge - luister na die Here, "eet" Sy dinge, neig ons oor tot Hom en luister, soek Hom, roep Hom aan, verlaat en bekeer van verkeerde wee, bekeer van die manier hoe ons dink tot die manier hoe die Here dink, ens.

Nie alle woorde het ewigheidswaarde nie!, maar slegs die WAARHEID.  Ja, die waarheid is belangrik, en ons moet weet "wat is die waarheid".  Waarheid is NIE "wat elkeen glo" soos baie mense vandag dink nie, maar is wat die Here sê dit is!  Jesus het vir ons die waarheid gebring.  As iemand nie glo in Sy woorde nie, dan glo hy nie in Jesus Christus nie! Die Heilige Gees (wat deur Jesus Christus gegee word aan die wat in Hom glo) is die Gees van WAARHEID, en lei en leer ons in die waarheid.  Hy werk ook gawes en bedieninge deur ons waardeur die waarheid bekend gemaak word, bv. 'n "gawe van onderskeiding"...ens. Die wat die Gees van God het, WEET WAT IS DIE WAARHEID en is eintlik die enigste mense op aarde wat met sekerheid weet "wat is die waarheid". Maar ons moet versigtig wees om te dink dat almal wat bely hulle is Christene, werklik die Gees van God het, of gehoorsaam is aan die Heilige Gees... - Nie almal wat Christene is, is Christene in hart nie! Dit is slegs die wat regtig GLO in Jesus Christus (in Hom en in Sy woorde) en Hom gehoorsaam, wat die Heilige Gees ontvang (en wie se harte vernuwe word). Sommige word afvallig vd geloof, en weet later nie meer wat is die waarheid nie (omdat hulle nie gehoorsaam is aan die Heilige Gees nie)...(kyk punt 2).

(2) Somtyds is iemand "dors na die Here", maar dan ontvang hy nie die water nie!:

Dit gebeur veral met kinders vd Here wat geestelik "hoereer" - bv. afgodsaanbidding en heidense praktyke.  (Amo 8:11)  Kyk, daar kom dae, spreek die Here HERE, dat Ek ‘n honger in die land stuur, nie ‘n honger na brood nie en nie ‘n dors na water nie, maar om die woorde van die HERE te hoor. (Amo 8:12)  En hulle sal swerwe van see tot see en rondslinger van noord na oos, om na die woord van die HERE te soek, maar hulle sal dit nie vind nie.(Amo 8:13)  In dié dag sal die mooi jongedogters en die jongmanne van DORS beswyk—. OOK IN HIERDIE VERSE SIEN ONS HOE BROOD EN WATER IN BEELDSPRAAK GEBRUIK WORD VIR "die woorde vd Here". SOMTYDS IS IEMAND DORS NA DIE WOORDE VD HERE MAAR DAN VIND HY DIT NIE (sy dors word nie geles nie!) OMDAT HY BESIG IS OM TE "HOEREER" soos ons sien hier in Amos 8:12 - hulle vind nie die waarheid nie omdat hulle BESIG is MET AFGODSAANBIDDING / HEIDENDSE PRAKTYKE.  In so 'n geval (al is die persoon dors) sal sy dors nie geles word nie.  Hy vind dit nie - hy soek die woorde vd Here, of soek die waarheid maar vind dit nie!  Dus, die een wat geestelik hoereer sal homself bevind soos 'n dor land! (al is hy 'n kind vd Here!). Wat gebeur met ongehoorsame kinders vd Here wat hulle vertroue plaas in afode en afgodspraktyke en wereldse en eie wysheid, en hulle nie bekeer van hierdie werke nie, is dat hulle later die leuen begin glo omdat hulle NIE WATER KRY NIE. Hulle kies nie die waarheid nie, en hulle weet later nie meer wat die waarheid is nie - al het hulle die Heilige Gees kan die Gees van hulle weggeneem word (omdat hulle die Gees van WAARHEID nie gehoorsaam nie), en hulle kan 'n "gees van dwaling" gestuur word (http://warechristenedagstukkies.blogspot.com/2017/04/aan-wie-word-die-gees-van-dwaling.html).  Hierdie is baie gevaarlik!, en dit het beslis te doen met "wie dit is vir wie jy raadpleeg" (in wie jy jou vertroue plaas).  

------------------------------------------------------------------------------------------------------------

VARS of BITTER water (in beeldspraak):
Jak. 3 leer vir ons wat bedoel word wanneer vars of bitter water gebruik word in beeldspraak:

(Jak. 3:10)  Uit dieselfde mond kom seën en vervloeking. Dit, my broeders, behoort nie so te wees nie.

(Jak. 3:11)  ‘n Fontein laat tog nie uit dieselfde oog vars en bitter water opborrel nie?

(Jak. 3:12)  ‘n Vyeboom, my broeders, kan tog nie olywe voortbring, of ‘n wingerdstok vye nie? So kan geen fontein brak en vars water voortbring nie.

(Jak. 3:13)  Wie is wys en verstandig onder julle? Laat hom uit sy goeie lewenswandel sy werke in sagmoedige wysheid toon.

-  vars water verwys na woorde van seën, terwyl
-  bitter water verwys na woorde van vervloeking.

Bitter water:
Interessant, Num. 5 is ook 'n vb. van waar bitter water gebruik is as middel waardeur 'n vloek op iemand kon kom, bv. in daardie geval was dit op 'n vrou wat egbreuk gepleeg het... . BITTER WATER kan nie gedrink word nie (Eks. 15:23) en mense kan sterf daarvan... (Openb. 8:11) - op dieselfde wyse is dit die vervloektes wat eendag die tweede dood sal sterf! Hulle het nie die water wat soos 'n fontein opbruis tot in die ewige lewe nie, maar het bitter water waarvan hulle sal sterf.

(Spr. 5:1)  My seun, luister na my wysheid, neig jou oor tot my insig,
(Spr. 5:2)  dat jy volle oorleg kan behou en jou lippe kennis kan bewaar;
(Spr. 5:3)  want die lippe van die vreemde vrou drup heuningstroop, en haar verhemelte is gladder as olie,
(Spr. 5:4)  maar op die end is sy bitter soos wilde-als, soos ‘n swaard aan weerskante skerp.

(Psa 64:2)  (64:3) Steek my weg vir die raad van die kwaaddoeners, vir die gewoel van die werkers van ongeregtigheid;

(Psa 64:3)  (64:4) wat hulle tong skerp maak soos ‘n swaard, hulle pyl rig—bitter woorde! —

(Psa 64:4)  (64:5) om in skuilplekke na die opregte te skiet; skielik skiet hulle hom en vrees nie.

(Psa 64:5)  (64:6) ‘n Listige plan stel hulle vir hul vas; hulle spreek af om strikke te span; hulle sê: Wie sal dit sien?

------------------------------------------------------------------------------------------------------------

Die doel van die "wegraping"

Let wel dat bg. pos "Die doel van die wegraping" 

oorgeskuif het na die Eindtyd Onderwerpe blog:
http://eindtydonderwerpe.blogspot.co.nz/2017/05/die-doel-van-die-wegraping.html

Boom van die Lewe

IN HIERDIE POS KYK ONS NA DIE ONDERWERP "BOOM VAN DIE LEWE". 

----------------------------------------------------------------------------------------------------------------------------

DIE BOOM VAN DIE LEWE:

Daar is maar sowat 9 verse in die Bybel wat melding maak van die BOOM VAN DIE LEWE. In Gen. 2 was daar 'n boom van die lewe in die tuin van Eden... (in die middel van die tuin-Gen. 2:9). Dit leer dat Adam en Eva toegang gehad het tot die boom, maar na die sondeval was hulle nie (meer) toegelaat om van die vrugte van hierdie boom te eet nie (Gen_3:24 - "So het Hy dan die mens weggedrywe en gérubs aan die oostekant van die tuin van Eden laat woon, met die swaard wat vlam en flikker, om die toegang tot die boom van die lewe te bewaak").  Vers 22 leer vir ons dat as iemand van hierdie boom se vrugte eet, hy VIR EWIG KAN LEWE! (Gen_3:22 - "Toe sê die HERE God: Nou het die mens geword soos een van Ons deur goed en kwaad te ken. As hy nou maar nie sy hand uitsteek en ook van die boom van die lewe neem en eet en lewe in ewigheid nie!").  Openb. 22:2 leer dat hierdie boom (se vrugte) GENESING gee (Oepnb._22:2 - "In die middel van sy straat en weerskante van die rivier was die boom van die lewe wat twaalf maal vrugte dra en elke maand sy vrugte gee, en die blare van die boom is tot genesing van die nasies"). In Openb.2:7  belowe Jesus dat die wat oorwin, van die boom van die lewe sal eet... (en in hierdie vers word geleer dat hierdie boom "in die paradys van God is ("Wie ‘n oor het, laat hom hoor wat die Gees aan die gemeentes sê. Aan hom wat oorwin, sal Ek gee om te eet van die boom van die lewe wat binne in die paradys van God is")(vir 'n studie oor "paradys" en die tuin van God, gaan na: https://warechristene.blogspot.com/2018/02/eden-tuin-van-eden.html). 

As iemand van hierdie boom se vrugte eet kan die vrugte genesing bring;  dus, iemand kan dan vir ewig kan lewe... Daar is slegs 2 plekke in die Skrif wat melding maak van waar hierdie boom te vinde is (of was), (1) in die tuin van Eden (binne-in die tuin van God)(wat weggesink het na die onderwereld-Gen. 2:9,22,24), en (2) in die Nuwe Jerusalem (wat eendag uit die hemel op die aarde sal neerdaal-Openb. 22:2,14) - die wat gered word sal eendag in hierdie stad, die "Nuwe Jerusalem" bly en toegang he tot hierdie boom wat genesing en ewige lewe gee (Openb. 22:14 - "Salig is die wat sy gebooie doen, sodat hulle reg kan hê op die BOOM VAN DIE LEWE en ingaan deur die poorte in die stad"). 

----------------------------------------------------------------------------------------------------------------------------

DIE VRUG VAN DIE REGVERDIGE IS 'N LEWENSBOOM...:

Die vrug van die geestelike mens word ook somtyds voorgestel soos "vrug tot lewe" (Spr. 11:30 - "Die vrug van die regverdige is ‘n boom van die lewe, en hy wat siele win, is wys") - asof  die geestelike mens 'n "boom van lewe" is wat hierdie soort vrug dra. In hierdie geval verwys dit nie na die letterlike boom wat bv. beskryf word in Genesis en Openbaring nie, maar is geestelik bedoel wat wys daarop dat die geestelike mens instaat is om die ewige lewe eendag te oes. VGL. DIT MET:  (Joh 4:36 - "En hy wat maai, ontvang loon en vergader vrug vir die ewige lewe, sodat die saaier en die maaier saam bly kan wees"), en  (Spr. 3:16-18 - "In sy regterhand is lengte van dae, in sy linkerhand rykdom en eer; sy weë is lieflike weë, en al sy paaie is vrede. Dit is ‘n lewensboom vir die wat dit aangryp, en elkeen wat dit vashou, is gelukkig"). IN DIE VERGELYKING WAAR DIE WOORDE "in sy regterhand is lengte van dae" GEBRUIK WORD, IS DIT DUIDELIK DAT "LEWENSBOOM" TE DOEN HET MET DIE TEMA VAN "LEWE", of soos in die geval van bg. skrifte, "EWIGE LEWE".  

Vgl. gerus hierdie ook met die tema van  "OPSTANDING TOT LEWE" en skrifte waarin die woorde "ewige lewe" voorkom:

-(Dan 12:2) - "En baie van die wat in die stof van die aarde slaap, sal ontwaak, sommige tot die ewige lewe en sommige tot groot smaadheid, vir ewig afgryslik").

-(Mat 25:46) - "En hulle sal weggaan in die ewige straf, maar die regverdiges in die ewige lewe".

-(1Jn 2:25)  En dit is die belofte wat Hy ons beloof het, naamlik die ewige lewe". 

-(Mat 19:16)  "En daar kom een na Hom en sê vir Hom: Goeie Meester, watter goeie ding moet ek doen, dat ek die ewige lewe kan hê"?

-(Joh 3:16)  Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê. (Joh 3:17)  Want God het sy Seun in die wêreld gestuur nie om die wêreld te veroordeel nie, maar dat die wêreld deur Hom gered kan word.

-(Joh 5:24)  Voorwaar, voorwaar Ek sê vir julle, wie my woord hoor en Hom glo wat My gestuur het, het die ewige lewe en kom nie in die oordeel nie, maar het oorgegaan uit die dood in die lewe.

-(Joh 12:25)  Wie sy lewe liefhet, sal dit verloor; maar wie sy lewe haat in hierdie wêreld, sal dit bewaar vir die ewige lewe.

-(Joh 17:2)  soos U Hom mag oor alle vlees gegee het, sodat Hy aan almal wat U Hom gegee het, die ewige lewe kan gee. (Joh 17:3)  En dit is die ewige lewe, dat hulle U ken, die enige waaragtige God, en Jesus Christus wat U gestuur het.

-(Joh 12:50)  En Ek weet dat sy gebod die ewige lewe is. Wat Ek dan spreek—net soos die Vader vir My gesê het, so spreek Ek.

-(Rom 6:23)  Want die loon van die sonde is die dood, maar die genadegawe van God is die ewige lewe in Christus Jesus, onse Here.

-(Jud 1:21)  en julleself in die liefde van God bewaar, terwyl julle die barmhartigheid van onse Here Jesus Christus tot die ewige lewe verwag.

----------------------------------------------------------------------------------------------------------------------------

Die ultimate bewys is in "om Hom te KEN"

VIR DAGSTUKKIES WAT HIERDIE ONDERWERP BEVAT, GAAN NA:
http://warechristenedagstukkies.blogspot.co.nz/2014/05/afgodsdiens-in-die-kerk.html

----------------------------------------------------------------
(Mat 16:15)  "Hy sê vir hulle: Maar julle, wie sê julle is Ek?

(Mat 16:16)  En Simon Petrus antwoord en sê: U is die Christus, die Seun van die lewende God.

(Mat 16:17)  Toe antwoord Jesus en sê vir hom: Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is".

-----------------------------------------------------------

Dit is interessant om te merk Jesus se opmerking aan Petrus in bg. skrifgedeelte.  Wat ons miskien eerder sou dink Jesus se opmerking sou wees, is iets soos dat Hy agtergekom het Petrus KEN DIE SKRIFTE, of dat Petrus die SKRIFTE GOED KON ONDERSKEI - tog het dit niks met Jesus se stelling te doen gehad nie!  Nee, Hy het eerder vir hom gese: "Salig is jy, Simon Bar-Jona, want vlees en bloed het dit nie aan jou geopenbaar nie, maar my Vader wat in die hemele is".  Wanneer ons net staatmaak op die letter, dan gaan dit min oor die waarheid, maar eerder oor hoe ons dit interpreteer.  Wanneer ons die Here PERSOONLIK LEER KEN, dan begin gaan dit oor Sy wil en raak die waarheid vir ons duidelik. Dus, al sou ons die skrifte goed ken en onderskei, is dit alleen nie genoeg om ons te oortuig nie. Geen mens kan werklik tot wedergeboorte kom as hy nie uitroep na die Here en Hom persoonlik leer ken nie. Feitlik elke Christelike getuienis van iemand wat werklik tot bekering gekom het, is die persone wat in 'n verhouding met die Here gekom het, na Hom uitgeroep het en Hom persoonlik leer ken het - so iemand is gewoonlik absoluut seker van die waarheid en niemand kan hom beweeg nie! (Ongelukkig stop party mense by die wedergeboorte en vergeet die Here later as hulle EERSTE LIEFDE...).    

 Dit is slegs wanneer iemand in 'n persoonlike verhouding met die Here kom, wat hy ook werklikwaar OORTUIG word van die waarheid (inderdaad hoe Petrus oortuig was in bg. skrifgedeelte).  Die letter alleen is nie genoeg nie. Dit is ook interessant dat twyfel gewoonlik intree wanneer iemand nie veel persoonlike tyd met die Here spandeer nie.  Vele Christene bevind hulself  op hierdie plek en voel ver van die Here en onseker oor die waarheid.  Die letter is nie genoeg nie.  Jesus het vir ons die voorbeeld gestel van hoeveel ons moet bid en ook die opdrag gegee dat ons persoonlike tyd met die Here moet spandeer: (Mat 6:6)  "Maar jy, wanneer jy bid, gaan in jou binnekamer, sluit jou deur en bid jou Vader wat in die verborgene is; en jou Vader wat in die verborgene sien, sal jou in die openbaar vergelde". Geloof is 'n HARTSAAK - dit was juis die fout wat die Skrifgeleerdes en Fariseers gemaak het, dat dit vir hulle gegaan het oor letter en uiterlike gebaar - hierdie "gemaakte" geloof veroorsaak gewoonlik dat mense plek maak in hulle hart vir "menslike gebooie" en dit veroorsaak dat hulle dan nie van die waarheid oortuig is nie:

(Mat 15:8)  "Hierdie volk nader My met hulle mond en eer My met die lippe, maar hulle hart is ver van My af.

(Mat 15:9)  Maar tevergeefs vereer hulle My deur leringe te leer wat gebooie van mense is".

-(dit is ook gewoonlik die oorsaak van hoekom iemand nie die nodige "vrug dra nie").

--------------------------------------------------

DIE VERSKIL TUSSEN 'N MENSGEMAAKTE GELOOF EN WARE GELOOF, is dat 'n mensgemaakte geloof  "nie na die wil van die Here soek nie", terwyl in ware geloof  " die persoon homself ondergeskik stel aan die Here, na die wil van die Here soek en Hom wil gehoorsaam.   (Mat 6:24)  "Niemand kan twee here dien nie; want òf hy sal die een haat en die ander liefhê, òf hy sal die een aanhang en die ander verag...".  

So iemand wat egter na die Here self soek en na Sy wil, kan nie anders as om OORTUIG te word van die waarheid nie.  Dit gaan dus oor "om in 'n ware verhouding met die Here te wees", nie oor ydelike herhaling van woorde in gebed, of sekere gewoontes nie, ens.....  Jesus het die "ewige lewe" as volg beskryf in 'n gebed wat Hy gedoen het tot God die Vader:  (Joh 17:3)  "En dit is die ewige lewe, dat hulle U KEN, die enige waaragtige God, en Jesus Christus wat U gestuur het".  As iemand dan nou verklaar dat hy die ewige lewe besit in Jesus Christus, beteken dit eintlik dat hy Hom KEN.  Sonder om Hom te ken, kan jy nie die ewige lewe besit nie!

As iemand Hom nie werklik KEN nie, dan sal hy ook altyd twyfel in wat werklik die waarheid is 

(al ken hy ook die skrifte baie goed!).