ORDE EN WET (priesterdom en wet van die huidige bedeling)

In hierdie pos kyk ons na ORDE en WAT, in die konteks van ALTARE en OFFERS (Nuwe Testament).

Rol af vir die volgende opsommings:

- Inleiding

- Orde en wet

- Voorbeelde van kenmerkende "bedelings" in die Skrif.

- Altare en Offers in verskillende bedelings

- Hoe sien die huidige bedeling daarna uit?

-----------------------------------------------------------------------------------------------------------------------------INLEIDING:

Altare en offers is 'n belangrike deel van die geloof.  'n Altaar is bv. 'n plek waar die Here aanbid of geraadpleeg word (Gen. 8:20-22; 12:7,8; 13:2-4,18; 35:1-7; Eks. 21:14; ens.), somtyds word daar offers gebring (bv. waar vir versoening gepleit word, dankoffer, vuuroffer, ens.)(Jos. 8:31);  sommige altare is monumente waar 'n gebeurtenis herdenk of 'n verbond gesluit is (Gen. 12:7,8; Eks. 17:10-16; Jos. 22:25-29). Die vraag is nou watter altare en offers deel is van die huidige bedeling?, en hoe sien die offersisteem in hierdie bedeling daarna uit?  Om hierdie vraag te beantwoord gaan ons o.a. inkyk op "ORDE EN WET".

Vir 'n pos wat hierby aansluit, getiteld "wet en orde", gaan na: https://warechristene.blogspot.com/2026/06/orde-en-wet.html

-----------------------------------------------------------------------------------------------------------------------------ORDE EN WET:

Geleerdes deel die Bybel op in verskillende bedelings, en elke bedeling kan o.a. beskryf word deur ORDE (regering/priesterskap en dienaars) en WET (legislasie/wetorde). 

- Die woord "ORDE" verwys in sekere skrifte veral na priesterskap (Hebr. 7:11) (Gr. woord "tax'-is", wat verwys na 'n offisiele orde wat rank of karakter aanbetref)(Hebr. 6:20);  bv., die "orde van Aäron"/Hebr. 7:11 verwys na 'n spesiefieke orde, nl. die Levitiese orde (en kan o.a. verwys dat in daardie "orde"/priesterskap, Aäron die hoëpriester was). Wat die tema van PRIESTERSKAP aanbetref..., bestudeer gerus die verband tussen "eersgeborenes" en priesters (https://warechristene.blogspot.com/2015/04/eersgeborenes-en-eerstelingepriesters.html) - priesters het belangrike pligte, o.a. dat die Here se wil uitgevoer en lering gegee word, wat insluit by die "ALTAAR bedien" en "OFFERS bring" (kortom, priesters is gemeenskapsdienaars.../Jes. 61:6-die woord "priester" is die Hebr. woord "ko-hane'" - "hoof regeerder, prins, hoof offisier, priester). Die hoëpriester het bv. o.a. die plig om versoening te doen vir die volk se sondes... (Hebr. 7:27). Terwyl die begrip "orde van" gewoonlik die hoëpriester se naam aanneem (bv. "orde van Melgisedek"), of die begrip "priesterskap" die stam se naam aanneem (bv. Levietesie priesterskap), verwys orde/priesterskap nie altyd na 'n spesifieke stam nie (Hebr. 7:11-15). 

- Die woord "wet" gaan oor die Here se wil (bv. hoe Sy wil uitgevoer word in 'n spesifieke bedeling), en daar is gewoonlik in elke bedeling iemand aan wie die Here Sy wil bekend maak vir die volk (bv. deur die hoëpriester, profete en leiers).  Die Levietese priesterskap was bv. onder die "wet van Moses" (Mal. 4:4; Luk. 2:22; 24:44; ens.), wat beteken dat die Here Sy wil aan Moses bekend gemaak het... (Joh. 7:19)(terwyl priesters weer op beurt die verantwoordelikheid het om die Here se wil uit te voer of te leer) - alhoewel Moses se naam in hierdie geval gebruik is ("die wet van Moses"), is dit nie Moses se wil nie maar "die wet van die Here" (Luk. 2:23,39) wat die Here aan Moses bekend gemaak het. Daar word ook somtyds na die wet vd Here verwys as "die wet vd profete", wat beteken dat die Here Sy wil aan Sy profete bekend gemaak het (Joh. 1:46; Hand. 13:15; 24:14). Somtyds word daar ook na die wet verwys as "die wet vd Jode", bv. waar daar na die wet vd Here verwys word in die teenwoordigheid van ander gelowe (Hand. 25:8)(wat verwys dat dit die wet is wat die Jode volg, nl. die Here se wet). Die begrip "wet van" vewys dus nie net na wie die wet ontvang het nie, maar ook na watter wet gevolg word. Somtyds word die begrip "wet vd geloof" gebruik om te verwys na hoe die wet in die huidige bedeling daarna uitsien (Rom. 3:27)(bv., die wet van Moses word gesien as 'n "wet van werke", wat nie dieselfde is as hoe die wet vd Here in die N.T. vervul word nie). 

- Die Skrif leer dat met verandering van priesterskap is daar verandering van wet... (Hebr. 7:12);  m.a.w., 'n "bedeling" kan o.a. gekenmerk word "onder watter wet dit is" en "priesterskap". Hierdie feit word bv. ook gekenmerk in die huwelik..., nl. dat wanneer die priester vd huis (nl. die man) sterwe, dan is die vrou ontslae van "die wet van die man" (Rom. 7:2) - dit is hoekom sy vry is om dan weer te trou, maar solank die man in die lewe is is sy "onder sy wet" en pleeg sy egbreuk as sy 'n ander man s'n word terwyl haar man nog lewe. Dit is dieselfde in geval van priesterskap, is dat die volk "onder daardie wet is solank die priester nog in die lewe is";  en is die juiste rede waarom die huidige wet nooit sal verander nie! - is omdat ons huidige Hoëpriester (nl. Jesus Christus) nooit sal doodgaan nie! (Rom. 7:1-6). Om 'n bedeling te identifiseer kan m.a.w. die volgende vrae gevra word: (1) Volgens watter ORDE (priesterskap) is die bedeling?, en (2) watter WET word gehoorsaam?  Die Skrif kan in geheel gesien word as twee "bedelings" (Hebr. 10:7-9), nl. die eerste (die oue waaronder die bloed van stiere en bokke gebruik was/Ou Testament), en die tweede (die huidige bedeling waarin Jesus Christus se bloed vir ons sondes betaal/Nuwe Testament).  Maar geleerdes deel graag ook die O.T. op in verskillende bedelings..., want alhoewel daar vir die sondoffer die bloed van stiere en bokke gebruik was, was dit nie altyd onder dieselfde priesterskap nie... (en met verandering van priesterskap is daar verandering van wet/Hebr. 7:12). En wat die wet aanbetref maak die Here Sy wet bekend deur verskillende mense oor die eeue;  bv. tot die profeet Johannes (die doper), het Hy profete oor die eeue gebruik om Sy wil bekend te maak, maar na Johannes het Hy die evangelie vd koninkryk (van God) gebruik... (Luk 16:16) - sien dus die belangrikheid vd evangelie wat Jesus gebring het - ons is onder die wet van Jesus Christus (Hy het alles gedeel wat die Vader wil/(Joh 5:30; Joh 14:10 - "Glo jy nie dat Ek in die Vader is en die Vader in My nie? Die woorde wat Ek tot julle spreek, spreek Ek nie uit Myself nie; maar die Vader wat in My bly, Hy doen die werke"). Die N.T. is onder 'n ander priesterskap (dus, verandering van wet!);  alhoewel weergeborenes die priesterdom is van die huidige bedeling, maak hulle nie self die wet op nie, maar is onder (die wet van) Jesus Chrisuts (die evangelie), onder die Gees... (hierdie wet word o.a. na verwys as "die wet van vryheid"/Jak. 2:13, of "wet vd Gees van lewe in Jesus Christus"/Rom. 8:2)(kyk ook die term "wet van geloof"/Rom. 3:27).         

----------------------------------------------------------------------------------------------------------------------------Voorbeelde van kenmerkende "bedelings" in die Skrif:

Kom ons kyk na 3 voorbeelde hiervan waar die Skrif in bedelings opgedeel word, en dit veral beskryf word deur "orde" (wat dus 'n invloed gehad het op wet):  

(1)  In Abraham se tyd was "wet en orde" volgens die orde van Melgisédek. Melgisedek was die koning van Salem, en die (hoë)priester... (Gen. 14:18)(dit is interessant dat Jesus Christus se orde beskryf word as 'n ewebeeld van hierdie orde .../Ps. 110:4). Die Skrif gee nie vir ons baie inligting oor die orde van Melgisedek nie, maar dit wil dit voorkom of die eersgebore seuns die plek van priester ingeneem het... (Eks. 13:2)(dit is duidelik dat die "orde" nie aan een spesifieke stam behoort het nie (https://warechristene.blogspot.com/2015/04/eersgeborenes-en-eerstelingepriesters.html). 

(2) Maar die begrip "orde" word somtyds beskryf deur 'n spesifieke stam, nl. die stam waaruit die Hoëpriester gebore is (Hebr. 7:14), en die mans van daardie stam is die priesterdom;  bv., in die tyd van Moses het die priesterskap verander om aan 'n spesifieke stam te behoort, nl. die Leviete - mans fisies gebore uit daardie stam (en noodwendig was daar verandering van wet).  Priesterskap het oorspronklik behoort aan die eersgebore seun van elke familie... (nie 'n spesifieke stam nie)(sien punt 1), maar hierdie het verander na die episode vd goue kalf (want die eersgeborenes het nie hulle plig gedoen nie en het dit verloor) - die priesterskap is toe gegee aan 'n spesifieke stam (onder Aaron, die hoëpriester), "onder die wet van Moses" (in ander woorde, die Here het Sy wil aan Moses bekend gemaak, Moses het dit oorgedra, en die Levietiese priesterskap moes toesien dat die volk dit nakom en leer/Eks. 7).  

(3) Hierdie huidige bedeling is 'n ewebeeld van die orde van Melgisédek... - is onder (ons Hoëpriester) Jesus Christus (maar alhoewel Hy uit die stam van Juda gebore is, word die huidige orde nie so beskryf nie.../Hebr. 7:14; Gen. 46:12; Jes. 11:1; Openb. 5:5;  in ander woorde, die huidige ORDE behoort nie aan 'n spesifieke stam nie)(Heb 6:20 - "waar Jesus as voorloper vir ons ingegaan het, Hy wat volgens die orde van Melgisédek ‘n hoëpriester geword het vir ewig")(Hebr. 5:6; 7:11,17,21).  Die huidige is onder 'n orde wat 'n ewebeeld is van Melgisedek, wat nie net vir ons beter laat verstaan waaroor die huidige orde gaan nie, maar deur die huidige orde verstaan ons ook meer van hoe die orde van Melgesedek daarna uitgesien het),  In die huidige ore is ons onder die wet van die Gees en die evangelie (wat Jesus gebring het)(Luk. 16:16)(ons word deur die evangelie gelei...;  asook, almal wat die Heilige Gees het word deur die Gees gelei...- "die wet is op hulle harte geskryf"). Jesus Christus is die Hoëpriester, en weergeborenes is die priesterdom (hulle is almal dienaars van die Here, en word terloops ook gesien as 'n "volk van eersgeborenes")(in 'n volgende paragraaf kyk ons in op skrifte hieroor).  Anders gestel, Christene (die wat glo in Jesus Christus) behoort aan die orde van Melgisedek. (baie geleerdes vgl. Melgisedek met Jesus Christus...). Jesus Christus se Hoepriesterskap  sal nooit weer sal verander nie (is vir ewig/Hebr. 6:20).  Ons weet nie veel van die oorspronklike "orde van Melgisedek" in Abraham se tyd nie, maar siende die huidige 'n ewebeeld is daarvan, en die huidige Christelike orde nie aan 'n spesifieke stam behoort nie (Hebr. 5:6)(maar aan enige iemand uit enige stam, volk, nasie, taal wat in Jesus Christus glo), kan ons aflei dat die orde van Melgisedek ook nie aan 'n spesieke stam behoort het nie..., en tereg, want dit lyk of in daardie tyd die eersgebore seuns die werk van priester gedra het (l.w. dat weergeborenes wel gesien word as kinders van Jesus Christus, meer presies "kinders van Abraham" deur Jesus Christus..., maar natuurlik is hulle nie fisies uit Hom gebore nie, maar geestelik). Die huidige orde is dus nie "volgens die orde van Juda" (bv. omdat Jesus uit die stam van Juda gebore is) NIE, maar word meer beskryf as "volgens DIE ORDE VAN MELGISEDEK" omdat die huidige orde nie aan 'n spesifieke stam behoort nie, maar enige iemand uit enige volk, nasie taal wat in Jesus Christus glo.  Sommige geleerdes is van mening dat dit veral verwys na die feit dat die wat in hierdie orde "gebore" word, dit op 'n geestelike manier verkry het... (nie fisies gebore uit 'n spesifieke stam nie, maar is onder die "wet van die geloof" - bestudeer gerus hoe Abraham geregverdig is deur die geloof!);  meer presies verwys dit dus nie net na die feit dat hulle nie uit 'n spesifieke stam gebore is nie, maar veral na wie DEEL IS VAN DIE EERSGEBORE VOLK" (kyk tema van "eersgeborenes"). Bv., in Abraham se tyd het die "eersgeborenes" spesifiek verwys na die eersgebore seuns onder die wat die Here God dien (maak nie saak uit watter stam, nasie volk of taal). NET SOOS IN DIE TYD VAN ABRAHAM, GAAN DIT DUS IN DIE NUWE TESTAMENT OOK OOR "WIE AS die EERSGEBORENES GESIEN IS"!, nl. die wat in Jesus Christus glo...; Hebr. 12:23 (kyk die begrip "gemeente van eersgeborenes" in 1Pet. 2:9,10 waar daar na geestelike mense verwys word - "Maar julle is ‘n uitverkore geslag, ‘n koninklike priesterdom, ‘n heilige volk, ‘n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig, julle wat vroeër geen volk was nie, maar nou die volk van God is; aan wie toe geen barmhartigheid bewys is nie, maar nou bewys is"). Die gemeente van eersgeborenes is die priesterdom van hierdie huidige bedeling, en net soos in die tyd van Abraham behoort hulle nie aan 'n spesifieke stam, nasie, volk of taal nie.

-----------------------------------------------------------------------------------------------------------------------------ALTARE EN OFFERS IN VERSKILLENDE BEDELINGS: 

Dit kom voor of die wet tussen verskillende bedelings anders is..., en die rede hiervoor is nie omdat sekere wette verval in verskillende bedelings nie, maar eerder omdat dit verskillend vervul word in die nuwe. Dit hang af van "orde en wet" - ook dus wat ALTARE en OFFERS aanbetref word dit verskillend vervul in verskillende bedelings! - dit het nie verval nie.  Wat belangrik is om te verstaan is dat in elke bedeling is priesterskap en wet belangrik (en in die huidige ook). 

Wat die volk wel geweet het van die toe komende koninkryk (wat nou die huidige is), is dat die ORDE 'n ewebeeld sou wees van die orde van Melgisédek (Hebr. 7:14). Jesus Christus is in hierdie bedeling die Hoëpriester (Hebr. 2:17; 3:1; 4:14,15; 5:1,10; 6:20; 7:26; 8:1);  en nie net dit nie, Hy is EWIGE HOëPRIESTER (m.a.w., daar sal nie 'n ander een na Hom kom nie..., en Sy koninkryk is vir ewig. Dit gesê, dit is slegs iemand wat vir ewig kan lewe wat 'n ewige priesterskap kan ontvang...;  daarom het Hy dit met eedswering ontvang / Hebr. 7:21,28). In hierdie huidige bedeling, wat 'n ewebeeld is van die orde van Melgisedek, is daar dus wel ook priesters, en 'n Hoëpriester.  PRIESTERDOM = die wat glo in Jesus Christus/weergeborenes = geestelike mense.  Daar is nie 'n fisiese tempel en altaar waar Christene die Here gaan raadpleeg, dank, om vergifnis vra, ens. nie, want die weergeborene se liggaam word soos 'n tempel gesien (want hy het die Heilige Gees);  alhoewel hierdie dinge baiemaal in die kerkgebou gedoen word en sommige dus die plek waar hierdie gebede plaasvind "die altaar" noem. 

'n Altaar wat vir God opgerig is, word deur Hom gesien - Jesus Christus het die gebare by altare bv. baie ernstig opgeneem...  In Mat 5:23,24 leer Hy dat as jy jou gawe na die ALTAAR bring en dit jou daar byval dat jou broeder iets teen jou het, moet jy jou gawe daar laat voor die altaar, en eers gaan versoening doen met jou broer - dan kan jy terugkom en jou gawe bring. Dit wys nie net hoe ernstig Hy gebare by altare opgeneem het nie, maar ook dat Hy "op voorwaardes" offers ontvang!  In Mat 23:18-20 het Hy verklaar dat 'n ALTAAR meer is as die gawe..., nl. dit "kan die gawe heilig". Gawes wat na die Here toe gebring word is heilig (afgesonder) vir die Here se werk en werkers (1 Kor. 9:13)(tiende word bv. op hierdie manier gesien, en in sommige kerke sal die leraar bv. die woorde gebruik "bring jou tiende na die ALTAAR). Wanneer jy iets afsonder vir die Here (hetsy 'n deel van jou oes, geld, ens.), is dit afgesonder vir Sy werk en werkers - in die tyd van 'n fisiese tempel was daar altare waarnatoe mense hierdie gawes gebring het (Matt. 23:18, 35). In die N.T. is daar ook dienaars wat "die tabernakel bedien", maar die tabernakel is nie 'n fisiese waar offers gebring word en die wat die altaar bedien, daarvan eet nie (Hebr. 13:10-14). 

Gebare by altare wat vir God opgerig is, is dus nie nietigheid nie! (alhoewel afgodsaltare nietig is), en enige iets wat jy daar voor die Here verklaar word ernstig opgeneem (Matt. 23:20). Die nagmaal kan o.a. soos 'n altaar gesien word..., en moet ook beslis nie gesien word as 'n nietige ritueel nie!, want God sien dit, en dit het baie betekenis... (wat in 'n ander paragraaf in meer diepte bespreek word). Offers in die N.T. geskied nie dieselfde as in die oue nie, maar ons bring ook offers aan die Here God, ja!, bv. 'n lofoffer (Hebr. 13:15), en weldadigheid en mededeelsaamheid word ook gesien as "offers" (Hebr. 13:16). In die volgende paragraaf staan ons ook vinnig stil by "gawes en offers vd huidige bedeling", en sal dan beter verstaan hoe dit huidiglik werk.

-----------------------------------------------------------------------------------------------------------------------------WAT "ORDE EN WET" AANBETREF, WAT LEER DIE SKRIF VD HUIDIGE BEDELING?:

- Volgens watter ORDE is die huidige bedeling? - Volgens die orde van Melgisedek. 

Wat "orde" aanbetref het ons ook priesters en 'n hoepriester, nl.:

JESUS CHRISTUS = DIE HOëPRIESTER (en soos enige hoëpriester bring Hy gawes en offers...). Jesus Christus (die Hoëpriester) sit wel aan die regterhand van God die Vader (Hebr. 8:1), maar Hy bring gawes en offers... (Hebr. 8:3 / Hy is 'n bedienaar van die heilige dinge soos enige hoëpriester), en die tabernakel waar Hy bedien is nie met mensehande gemaak nie, maar deur die Here opgerig (Hebr. 8:2)(in die volgende paragraaf word daar meer ingekyk hierop..., na wat dit presies beteken, en bv. gekyk na hoedanig altare en offers daarna uitsien in hierdie huidige bedeling...). 

M.a.w., in die huidige bedeling is daar nie 'n fisiese tabernakel waar gawes en offers gebring word nie (Hebr. 13:10), maar daar is een waar Jesus Christus bedien, een wat nie deur mensehande gemaak is nie. (Hebr. 8:2). Waarna verwys hierdie tabernakel?  JESUS CHRISTUS BRING GAWES EN OFFERS - een van 'n hoëpriester se pligte is bv. om versoening te doen vir die volk se sondes, en oor die eeue, voor Jesus Christus, was hoëpriesters gewone mense wat sondig en doodgaan... (dit die rede waarom daar soveel hoëpriesters was oor die eeue.  Ons het egter nou 'n Hoëpriester wat nooit doodgaan nie - Hy het geen sonde nie en leef tot in ewigheid - is anders as al die hoepriesters voor Hom, en daar sal ook nooit 'n ander een na Hom kom nie).  Behalwe dit, is Sy offer voldoende! en hoef nie oor en oor gebring te word soos in die vorige bedelings nie... (Heb 7:25-28 - "Daarom kan Hy ook volkome red die wat deur Hom tot God gaan, omdat Hy altyd leef om vir hulle in te tree. Want so ‘n hoëpriester was vir ons gepas, een wat heilig, onskuldig, onbesmet, afgeskeie van die sondaars is, en wat hoër as die hemele geword het; wat nie elke dag nodig het, soos die hoëpriesters, om eers vir sy eie sondes offers te bring en dan vir dié van die volk nie. Want dit het Hy net een maal gedoen toe Hy Homself geoffer het. Want die wet stel as hoëpriesters aan mense met swakhede, maar die woord van die eedswering wat ná die wet gekom het, stel die Seun aan, wat vir ewig volmaak is").

WAT DIE PRIESTERDOM AANBETREF VAN DIE HUIDIGE ORDE,  IS DIT DUIDELIK NIE UIT 'N SPESIFIEKE STAM NIE:  Die Levietiese priesterskap was bv. uit 'n spesifieke stam, maar die huidige priesterskap kom uit alle stamme, volke, nasies en tale, almal wat glo in Jesus Christus (wat veral verwys na weergeborenes). Alhoewel Jesus Christus uit die stam van Juda gebore is, behoort die huidige priesterskap of orde nie aan daardie spesifieke stam nie (die begrip "orde beskryf nie net die hoepriester nie, maar ook die priesterdom);  alhoewel die wat in Jesus Christus glo tog gesien kan word as Sy kinders (en word terloops beskryf as mense wat "uit God gebore is"), het hulle dit deur geloof ontvang (hulle is nie fisies uit Hom gebore nie, maar geestelik).  Die huidige orde word in die Skrif veral beskryf as "'n ewebeeld van die orde van Melgisedek" (wat o.a. sekerlik 'n verwysing is na hierdie, nl. die feit dat die priesterskap enige iemand van enige stam, taal, nasie, of volk kan wees deur die geloof in die Here God). Die huidige priesterskap word o.a. beskryf deur woorde soos die "wet van geloof", "wet van geregtigheid", en "wet van vryheid"... (Rom. 9:31,32; 10:4; Gal. 3:3-6l Jak. 1:25; 2:12) - woorde wat ook toegeskryf was aan die orde van Melgisedek  - geregtigheid en vrede word bv. oop beurt gebruik van die koning van Salem, die priester Melgisedek gebruik... (Gen. 14:19; Ps. 104:10; Hebr. 5:6,10; 6:20). 

- Onder watter WET is die huidige bedeling?  - Onder die wet van Christus (1 Kor. 9:21 -"Vir die wat sonder die wet is, soos een sonder wet—al is ek nie sonder die wet van God nie, maar onder die wet van Christus—om die wat sonder die wet is, te win)(Gal. 6:2), onder die wet van die Gees van lewe in Christus Jesus (Rom. 8:2 - "Want die wet van die Gees van die lewe in Christus Jesus het my vrygemaak van die wet van die sonde en die dood") en die Evangelie (Luk. 16:16 - "Die wet en die profete was tot op Johannes; van toe af word die evangelie van die koninkryk van God verkondig, en elkeen dring met geweld daarin").  JESUS CHRISTUS HET VIR ONS DIE EVANGELIE VAN DIE KONINKRYK GEBRING. In die evangelie vd Koninkryk bring Hy die waarheid en gee leiding hoe om redding te kry (die EVANGELIE gaan oor die evangelie van Jesus Christus, die evangelie van vrede, en die evangelie vd Koninkryk).  Hy het ook belowe dat almal wat in Hom glo, die Heilige Gees kan ontvang. DIE HEILIGE GEES WORD NIE NET AAN SEKERE MENSE (bv. profete, konings) MEER GEGEE (soos in die O.T.) NIE, MAAR AAN ELKEEN WAT WEERGEBORE WORD (geestelike mense is almal "profete", en terloops koninklik/1 Pet. 2:9). Om weergebore te word het jy nodig dat jou sonde afgewas word, en jy het nodig om die Heilige Gees te ontvang. Die Here het altyd Sy Gees gebruik om Sy wil bekend te maak, maar in die O.T. was daar net sekere mense wat die Heilige Gees ontvang het (bv. die profete en sommige leiers, soos konings). Moses was so 'n profeet wat die wet ontvang het... (die vorige bedeling was bv. "onder die wet van Moses").  In hierdie bedeling ontvang elke weergeborene die Heilige Gees!, en die Gees lei hulle in wat die Here se wil is (weergeborenes is die priesterdom..., is die dienaars;  n fisiese tabernakel is nie nodig nie, want hulle liggame is soos tempels...). Ons moet egter verstaan dat die "wet vd Gees" is die Here se wet;  die Gees gaan bv. nie vir 'n weergeborene iets anders leer as wat Jesus Christus geleer het nie!  Somtyds doen geestelike mense hulle eie wil of glo wat hulle wil, en skryf dit toe aan die stem van die Heilige Gees, maar ons moet pasop om nie te laster nie! (lastering teen die Heilige Gees is 'n onvergeeflike sonde, in die huidige sowel die volgende bedeling...). DIE WET VAN DIE GEES word na verwys as wet "van die lewe in Christus Jesus", wat verwys daarna dat Hy ons vrygemaak het van "die wet van sonde en die dood" (as ons deur die Gees lewe, en nie in die vlees wandel nie, dan sal ons die lewe oes)(Rom 8:1,2). Die wet van die Gees verwys veral hierna..., nl. dat weergeborenes "onder die Gees" is, Hom gehoorsaam en deur Hom wandel. Wat WET aanbetref (nl. dat weergeborenes "onder die Gees" is en deur Hom gelei word), beteken dat hulle vir Jesus Christus dien (Hy is hulle hoof, die Hoepriester, nl. die hoof vd priesters...).  Die Heilige Gees word deur Jesus Christus uitgestort aan die wat in Hom glo - dit is hoe Hy hulle lei (in ander woorde, hulle Hom)(is eintlik onder die wet van Christus, l.w. "van lewe in" Christus - want onder hierdie "wet" kan jy die ewige lewe oes!).

- Wie is die PRIESTERS in die huidige bedeling? - Geestelike mense (weergeborenes).

WEERGEBORENES = PRIESTERDOM (priesters vir die Here)(1 Pet. 2:5,9): In die huidige bedeling word die kinders vd Koninkryk in geheel gesien as 'n priesterdom, wat veral verwys na die wat die Heilige Gees het = "geestelike mense", maar hulle bedien nie by 'n fisiese tabernakel opgerig soos die priesters in die O.T. nie (maar 'n geestelike). ELKE WEERGEBORENE IS 'N PRIESTER VIR JESUS CHRISTUS EN DIE VADER.  Hoe voer hulle hul priesterlike plig uit? -priesters is teen eerste "onder 'n wet";  bv., soos gesien, in die N.T. is weergeborenes ONDER DIE WET VAN DIE GEES (hulle dien/gehoorsaam die Gees)(Rom. 7:6; 8:2,4). Die Heilige Gees gee vir hulle die wet..., wat noodwendig Jesus Christus se wet is (so, dit kan bv. nie verskillend wees van wat Jesus geleer het nie)  -  (die Heilige Gees wys vir hulle wat die Here wil, en lei hulle in die waarheid/Joh. 15:26/16:13; en herinner hulle aan Jesus se woorde/Joh. 14:26, nl. die evangelie vd Koninkryk).

- Watter offers word gebring in die huidige bedeling? - Wat die priesters aanbetref, is hulle liggame ten eerste 'n offer... (hulle verheerlik God in die liggaam en bring bv. dankoffers, lofoffers, weldadig en mededeelsaam, ens./Hebr. 13:15,16). Wat die Hoepriester aanbetref bring Hy ook gawes en offers... (in 'n tabernakel nie met hande gemaak nie), en Hy was self die sondoffer! (doen versoening vir die wat in Hom glo, se sonde)(Hebr. 5,8 en 9). - Op 'n volgende pos in hierdie reeks word ALTARE EN OFFERS VD NUWE TESTAMENT spesifiek behandel. 

waar is die TEMPEL? - weergeborenes se LIGGAME word soos tempels gesien (want God is by hulle teenwoordig deur Sy Gees).  In hierdie bedeling is daar nie 'n fisies tabernakel/tempel nodig nie..., want geestelike mense het die Heilige Gees! ('n tempel word gesien soos 'n plek waar God teenwoordig is) -  hulle liggame is soos tempels... (hulle bring bv. offers in/deur hulle liggame). In hierdie priesterdom, volgens die orde van hierdie bedeling, ontvang elkeen wat in Jesus Christus glo, die Heilige Gees (nie soos die vorige verbond waar die Here teenwoordig was d.m.v. 'n fisies tabernakel/tempel deur mensehande gebou nie; ook wat "wet" aanbetref, het net sekere mense in die ou bedeling die Heilige Gees ontvang - noodwendig die dienaars van die Here, en hierdie mense moes opgesoek word om tot God te nader). In hierdie bedeling ontvang elkeen wat weergebore word die Heilige Gees en is dienaars vd Here, en hulle liggame is soos tempels! (1Kor. 6:19,20  "Of weet julle nie dat julle liggaam ‘n tempel is van die Heilige Gees wat in julle is, wat julle van God het, en dat julle nie aan julself behoort nie? Want julle is duur gekoop. Verheerlik God dan in julle liggaam en in julle gees wat aan God behoort") - hulle offer hulleself vir die Here:  (Rom 12:1,2 "Ek vermaan julle dan, broeders, by die ontferminge van God, dat julle jul LIGGAME stel as ‘n lewende, heilige en aan God welgevallige OFFER dit is julle redelike godsdiens. En word nie aan hierdie wêreld gelykvormig nie, maar word verander deur die vernuwing van julle gemoed, sodat julle kan beproef wat die goeie en welgevallige en volmaakte wil van God is"). WEERGEBORENES MOET HULLE LIGGAME GEBRUIK AS OFFERS (en die manier hoe hulle liggame 'bv, n offer kan wees, is deur nie gelykvormig te word aan die wereld nie..., maar hulle gemoed daagliks te vernuwe;  maw, doen die wil van die Here, Ken hom). Die wat weergebore word word imeers vrygekoop van hulle slaafskap onder sonde, en hulle dien nie meer die sonde nie maar dien die Een deur wie hulle vrygekoop is - dit is "lewe in Christus Jesus" -  deur die Gees is die geestelike mens soos 'n plant wat "vrug tot lewe" dra - is dus nou slawe van Jesus Christus, slawe van die Een deur wie hulle vrygekoop is;  hulle dien nie meer die sonde nie, maar dien nou die Here.  Hulle offer hulleself vir Hom! 

-----------------------------------------------------------------------------------------------------------------------------

Egbreuk / owerspel

In hierdie pos kyk ons na die onderwerp "egbreuk" (en kyk o.a. in op waarna "owerspel" verwys).

Rol af vir die volgende opsommings:

- Inleiding

- Egbreek/egbreuk

- Owerspel

- Verdere verwysings en bespreking.

-----------------------------------------------------------------------------------------------------------------------------

INLEIDING:

Gewoonlik word die woord egbreek/egbreuk as volg verduidelik, nl. dat egbreek  of egbreuk gesien word as vleeslike gemeenskap tussen twee mense wat nie met mekaar getroud is nie, beide gewillig, en een is reeds getroud met iemand anders... - dit is 'n goeie beskrywing, maar egter nie al waarna egbreuk verwys nie. In Matt. 19:9 verwys Jesus na iemand wat egbreuk pleeg as (1) iemand wat "skei en hertrou" (en tereg, want 'n skeibrief breek nie dit wat God saamgevoeg het nie) - in hierdie geval is dit 'n sonde gepleeg teen jou eie eg. Hy maak ook in dieselfde vers die stelling dat (2) elkeen wat met 'n geskeide vrou trou, egbreuk pleeg... (Matt. 5:32), en op 'n ander geleentheid waar Hy daarna verwys het was dit nie as 'n daad beskryf nie, maar 'n gedate! (slegte/vleeslike gedagte), nl. (3) waar iemand na 'n vrou (getroude) "kyk om haar te begeer"... (Matt. 5:27-30; 15:18,19);  egbreuk verwys m.a.w. nie net na die vleeslike daad nie, maar iemand kan ook egbreuk in sy hart pleeg (wat jou terloops ook onrein maak, nl. die gewete is dan onrein). "Egbreuk" word tipies beskryf as 'n SONDE, en die een wat hierdie sonde doen (hetsy dit na die daad of denke verwys), doen die sonde teen iemand wat in eg is - hetsy jou eie eg of iemand anders se eg. Egbreuk word somtyds beskryf as "die eg is gebreek", maar neem kennis dat dit 'n sonde is;  bv., wanneer iemand in sy hart egbreuk pleeg, beteken dit tog nou nie dat die persoon met wie hy egbreek gepleeg het, se eg gebreek is nie!

Hierdie is dus die dinge wat veral die SONDE VAN EGBREUK beskryf, nl.:

- (1) iemand wat skei en hertrou (daar word 'n uitsondering in die Skrif gemaak, nl. waar skei a.g.v. hoerery..., en die manier hoe dit gewoonlik verstaan word, is dat waar iemand van sy vrou skei omdat sy hoereer het nie, pleeg hy nie egbreuk wanneer hy weer trou nie  - hierdie is een van twee enigstes redes wat meeste kerke aanvoer wat hertrou regverdig in die geval van geskeides.  'n Vrou wat hoereer maak die huwelik onrein, alhoewel sy veronderstel is om vergifnis te kan kry as sy haar daarvan bekeer...);

- (2) elkeen wat met 'n geskeide vrou trou;

- (3) waar iemand na 'n vrou (getroude) "kyk om haar te begeer".

'n Egbreker word gesien as 'n ONREINE (https://warechristenedagstukkies.blogspot.com/2020/01/onderskei-tussen-wat-is-rein-en-wat-is_28.html). Hetsy dit as "egbreek" of "egbreuk" in die Afrikaans vertaal is, dieselfde woord word in die Grieks gebruik (en is die engelse woord "adultery") - kyk as vb. Matt. 5:27 en 28;  bv., in v. 27 word die woord "egbreek" gebruik, maar in v. 28 word die woord "egbreuk" gebruik, tog in die Grieks word dieselfde woord gebruik (G3431 - "commit adultery").  

Owerspel word tipies as volg beskryf, nl. 'n man wat vleeslike gemeenskap het met 'n ander man se vrou... - altwee betrokke in die daad "pleeg owerspel" (Lev. 20:10). Dit kan ook verwys na "geestelike hoerery (Jer. 3:9), nl. dat op dieselfde wyse wat 'n vrou wat aan 'n man behoort besig is om te hoereer/owerspel te pleeg wanneer sy haar begeerte op 'n ander plaas, net so is die wat aan die Here behoort en afgode aanbid, besig om geestelike te hoereer. "Owerspel" of hoerery beskryf die daad, terwyl egbreuk die sonde beskryf wat iemand van skuldig is a.g.v. die daad.

________________________________________________________________________________

EGBREEK / EGBREUK:

Die woord "egbreek" is die Hebr. woord "naw-af'", wat verwys na 'n vrou wat die huwelik breek deur te hoereer  (of die Gr. woord moy-khyoo'-o / Matt. 5:27,28). Jesus het geleer dat selfs wanneer 'n man kyk na 'n vrou om haar te begeer..., hy reeds in sy hart met haar egbreek gepleeg het (Matt. 5:27-30 - "Julle het gehoor dat aan die mense van die ou tyd gesê is: Jy mag nie egbreek nie. Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het. As jou regteroog jou dan laat struikel, ruk dit uit en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie.  En as jou regterhand jou laat struikel, kap dit af en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie"). Slegte gedagtes soos egbreuk maak die mens ONREIN (Matt. 15:18,19; Mark. 7:21-23). Naasteliefde is belangrik as jy die gebod van God wil hou, en egbreek is nie naasteliefde nie! (Rom. 13:9).  "Ons mag nie egbreek pleeg nie" - in die N.T. is die wet van die Here ook belangrik, nl. ons is ook "onder 'n wet"! (nl. die wet van Jesus Christus en die Heilige Gees), en dit word van gelowiges verwag "om nie die wet te breek nie" (Jak. 2:11). Christene moenie hulle vryheid gebruik "om te sondig" nie. Egbreek is 'n ernstige sonde wat tot nietigheid lei;  en dus, daar word van Christene verwag om nie aan te hou sondig nie... (Joh. 8:11).  Die wat hulle nie bekeer nie, moet egter nie verwag dat hulle die tweede dood gaan vryspring nie (Ef. 5:5,6  - "Want dit moet julle weet dat geen hoereerder of onreine of gierigaard, wat ‘n afgodedienaar is, ‘n erfdeel het in die koninkryk van Christus en van God nie. Laat niemand julle met ydel woorde verlei nie, want daardeur kom die toorn van God oor die kinders van die ongehoorsaamheid").

Kom ons bestudeer 'n paar skrifte oor die onderwerp "egbreuk" (/owerspel):

- (Lev 18:20)  En jy mag geen vleeslike gemeenskap met jou naaste se vrou hê om jou met haar te verontreinig nie.   - as 'n man vleeslike gemeenskap het met iemand anders se vrou, dan word hy daardeur ONREIN.

-  (Jak. 4:4)  Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God.  - egbrekers word hier vgl. met die wat die wêreld kies bo God (kyk gerus ook hoe die wat afgode aanbid, geestelik gesien word as hoereerders...).

-  (Spr. 6:32)  Hy wat owerspel pleeg, is sonder verstand; hy wat sy eie lewe wil verwoes, hy doen so iets; - die pad van owerspel is 'n PAD VAN SELF-VERWOESTING.

-  (Gal 5:19)  En die werke van die vlees is openbaar, naamlik owerspel, hoerery, onreinheid, ongebondenheid; - owerspel en hoerery is WERKE VAN DIE VLEES (die wat stap in die werke vd vlees sonder om hulle daarvan te bekeer, is besig met "sonde tot die dood").

- Kom ons kyk ook na 'n vb. in Deut. 22:20,21(waar 'n dogter nie maagedelik rein was met haar huwelik nie, en die man dit agterkom nadat hulle getroud is = ONREIN):

-(Deu 22:20)  Maar as hierdie woord waarheid is: Die maagdom is aan die dogter nie gevind nie—

-(Deu 22:21)  dan moet hulle die dogter na die deur van haar vader se huis uitbring, en die manne van haar stad moet haar stenig, dat sy sterwe, omdat sy ‘n skanddaad in Israel begaan het deur in die huis van haar vader te hoereer. So moet jy dan die kwaad uit jou midde uitroei. (in die O.T. is die met bloedskuld gedood). Christus het egter vir alles sondes betaal, ook vir sondes wat bloedskuld veroorsaak (http://warechristene.blogspot.co.nz/2014/01/bloedskuld-1.html)(daar is slegs een onvergeeflike sonde in die N.T., nl. lastering teen die Heilige Gees). Alhoewel die persoon met bloedskuld in die O.T. met sy eie bloed moes betaal, is bloedskuld 'n vergeeflike sonde in die N.T. omdat Christus in ons plek met Sy bloed betaal het.  Daar is dus 'n kans vir vergifnis sou iemand berou en dit neerle.  Verder het Christus ook vir ons geleer dat ons ook so moet vergewe (Mark. 11:26; Matt. 18:21,22)(Luk. 15:30).  Die wat egter as Christene bekendstaan maar hoereer sonder om hulle te bekeer, moet anders hanteer word (soos ons in bg. voorbeelde gesien, nie om iemand te veroordeel nie, maar skaam te maak)(http://warechristene.blogspot.co.nz/2014/08/soos-ons-ook-ander-vergewe-3.html).

NOG SKRIFTE:

Exo_20:14  Jy mag nie egbreek (Hebr. woord "naw-af'", wat verwys na 'n vrou wat die huwelik breek deur te hoereer) nie.

Deu_5:18  En jy mag nie egbreek nie.
Mat_5:27  Julle het gehoor dat aan die mense van die ou tyd gesê is: Jy mag nie egbreek nie.
Mat_19:18  Hy vra Hom: Watter? En Jesus sê—dit: Jy mag nie doodslaan nie, jy mag nie egbreek nie, jy mag nie steel nie, jy mag geen valse getuienis gee nie;
Mar_10:19  Jy ken die gebooie: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag niemand te kort doen nie; eer jou vader en jou moeder.
Luk_18:20  Jy ken die gebooie: Jy mag nie egbreek nie; jy mag nie doodslaan nie; jy mag nie steel nie; jy mag geen valse getuienis gee nie; eer jou vader en jou moeder.
Rom_13:9  Want dít: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag nie begeer nie, en watter ander gebod ook al, word in hierdie woord saamgevat: Jy moet jou naaste liefhê soos jouself.
Jas_2:11  Want Hy wat gesê het: Jy mag nie egbreek nie, het ook gesê: Jy mag nie doodslaan nie. As jy nou nie egbreek nie, maar doodslaan, het jy ‘n oortreder van die wet geword.
Mat_5:28  Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het.
Mat_5:32  Maar Ek sê vir julle dat elkeen wat van sy vrou skei, behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk.
Mat_15:19  Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal.
Mat_19:9  Maar Ek sê vir julle, elkeen wat van sy vrou skei, behalwe oor hoerery, en ‘n ander een trou, pleeg egbreuk; en die wat die geskeie vrou trou, pleeg egbreuk.
Mar_7:21  Want van binne, uit die hart van die mense, kom die slegte gedagtes, egbreuk, hoerery, moord,
Mar_10:11  En Hy sê vir hulle: Elkeen wat van sy vrou skei en ‘n ander een trou, pleeg egbreuk teen haar;
Mar_10:12  en as ‘n vrou van haar man skei en met ‘n ander een trou, pleeg sy egbreuk.
Luk_16:18  Elkeen wat van sy vrou skei en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk.
Joh_8:3  En die skrifgeleerdes en die Fariseërs het ‘n vrou wat in egbreuk betrap was, na Hom gebring.
Joh_8:4  En toe hulle haar tussen hulle in laat staan het, sê hulle vir Hom: Meester, hierdie vrou is op ‘n daad van egbreuk betrap;

_________________________________________________________________________________

OWERSPEL:

In Gal. 5:19 word owerspel beskryf as 'n werk van die vlees... (maw, 'n werk wat op nietigheid uitloop - werke wat die dood oes), en daarom is Christene wat owerspel pleeg en hulle nie daarvan bekeer en vergifnis ontvang nie, se saligheid in gevaar. Owerspel is tipies 'n daad van vleeslike gemeenskap "tussen 'n man en vrou, waarvan een getroud is met 'n ander", en word veral beskryf as 'n man wat vleeslike gemeenskap het met 'n ander man se vrou (altwee betrokke "pleeg owerspel")(in die Ou Testament was diesulkes doodgemaak - bloedskuld kan slegs betaal word met bloed)(Lev 20:10 - "En as iemand owerspel doen met ‘n man se vrou, owerspel (Hebr. woord "naw-af'", pleeg egbreuk) doen met sy naaste se vrou, moet hy en sy wat owerspel doen, sekerlik gedood word")(Jer. 29:23; Eseg. 16:32);(in die N.T. is daar vergifnis in Christus, maar Hy verwag van diesulkes om nie meer te sondig nie / Joh. 8:11). Party glo dat "om in die huwelik te tree" met die een saam met wie jy owerspel pleeg die sonde regmaak, maar die waarheid is dat in so 'n geval maak dit nie die egbreuk reg nie en hulle betree eerder 'n onwettige vorm van gemeenskap, want al sou sy ook skei, beteken dit nie dat sy los is van die verbond waaronder sy is nie (in so 'n geval fix "in die huwelik tree" nie die sonde nie, maar maak dit meer). Mense wat owerspel pleeg, het baiemaal 'n sg. vrede wat wys hulle bedrieg hulleself... (Spr. 30:20  - "So is die weg van ‘n vrou wat owerspel bedryf; sy eet en vee haar mond af en sê: Ek het geen sonde gedoen nie").

Owerspel kan ook op 'n geestelike manier geskied, bv. dat die wat aan die Here behoort, maar afgode aanbid, besig is om te (geestelik te) hoereer - (Jer 3:9 - "En vanweë haar ligsinnige hoerery het sy die land ontheilig, ja, sy het owerspel bedrywe met klip en hout")(Jer. 5:7)(Jer. 13:27). Op dieselfde wyse is 'n vrou wat aan 'n man behoort, besig om te hoereer wanneer sy haar begeerte op 'n ander plaas. "Owerspel" of hoerery beskryf die daad, terwyl egbreuk die sonde beskryf wat iemand van skuldig is a.g.v. die daad.

In Hos. 3:1-5 sien ons die Here se ideale resep waarmee Hy owerspeliges (die wat geestelik hoereer) terugroep tot bekering, nl. dat so 'n vrou weggestoot word totdat sy terugkom... (Hos 3:1-5 - "En die HERE het vir my gesê: Gaan nog ‘n keer, bemin ‘n vrou wat bemin word deur haar vriend, maar wat owerspel bedrywe, net soos die HERE die kinders van Israel bemin, terwyl hulle hul tot ander gode wend en versot is op rosynekoeke. Toe het ek haar vir my gekoop vir vyftien sikkels silwer en anderhalf homer gars. En ek het aan haar gesê: Jy sal ‘n lang tyd moet stilsit vir my, nie hoereer nie en aan geen man behoort nie; en so ook ek teenoor jou. Want die kinders van Israel sal ‘n lang tyd bly sit sonder koning en sonder vors en sonder slagoffer en sonder klippilare en sonder efod en huisgode. Daarna sal die kinders van Israel hulle bekeer en die HERE hulle God soek en Dawid hulle koning, en met siddering aankom na die HERE en na sy goedheid in die laaste van die dae"). Hierdie was dieselfde resep wat baiemaal gevolg is oor die eeue, en die juiste rede waarom egskeiding somtyds toegelaat was. Die Here verwag van ons om ook te vergewe soos Hy ons vergewe... - die rede vir egskeiding was nooit bedoel om "ongetroud" te word en weer te trou nie (soos meeste van dag dink die bedoeling is nie), maar bedoel vir skeiding met die hoop op hereniging... (vir 'n studie hieroor, bestudeer die volgende poste: 

https://warechristene.blogspot.com/2014/12/trou-skei-en-hertrou-3.html en

https://warechristene.blogspot.com/2014/12/trou-skei-en-hertrou-4.html)(geen mens kan dit wat die Here saamgevoeg het, skei nie).  Vir 'n studie oor hoereer, gaan na: https://warechristene.blogspot.com/2017/03/hoereer-hoerery-hoereerders.html.

Nog skrifte oor owerspel: 

Spr. 6:32  Hy wat owerspel pleeg, is sonder verstand; hy wat sy eie lewe wil verwoes, hy doen so iets;

Spr. 30:20  So is die weg van ‘n vrou wat owerspel bedryf; sy eet en vee haar mond af en sê: Ek het geen sonde gedoen nie.

Jer_3:8  En Ek het gesien toe Ek uit oorsaak van die owerspel van die afkerige, Israel, haar verstoot en haar haar skeibrief gegee het, dat die ontroue, haar suster Juda, nie bevrees was nie, maar gegaan en ook self gehoereer het.

Jer_3:9  En vanweë haar ligsinnige hoerery het sy die land ontheilig, ja, sy het owerspel bedrywe met klip en hout.

Jer_5:7  Waarom sou Ek jou vergewe? Jou kinders het My verlaat en gesweer by die wat geen god is nie. En toe Ek hulle versadig het, het hulle owerspel bedrywe en by hope versamel in die hoerhuis.

Jer_7:9  Sal julle steel, doodslaan en owerspel bedrywe en vals sweer en vir Baäl offerrook laat opgaan en agter ander gode aan loop, wat julle nie ken nie,

Jer_13:27  Jou owerspel en jou gerunnik, jou skandelike hoerery—op die heuwels in die veld het Ek jou verfoeisels gesien. Wee jou, Jerusalem! Hoe lank sal dit nog duur voordat jy rein word?

Jer_23:14  maar by die profete van Jerusalem het Ek gesien wat afskuwelik is: hulle bedryf owerspel en gaan om met leuens, en hulle versterk die hande van die kwaaddoeners, sodat hulle hul nie bekeer elkeen van sy boosheid nie. Hulle het almal vir My geword soos Sodom, en sy inwoners soos Gomorra.

Jer_29:23  omdat hulle ‘n skanddaad in Israel begaan het en owerspel met die vroue van hulle naaste bedryf het en ‘n leuenwoord in my Naam gespreek het, wat Ek hulle nie beveel het nie; en Ek is die Een wat weet en getuie is, spreek die HERE.

Ezk_16:32  o Die vrou wat owerspel bedrywe! Terwyl sy onder haar man staan, het sy vreemdes aangeneem.

Ezk_16:38  En Ek sal jou oordeel volgens die verordeninge van vroue wat owerspel bedrywe en bloed vergiet, en sal jou oorgee aan die bloedige dood van grimmigheid en naywer.

Ezk_23:37  Want hulle het owerspel begaan, en daar is bloed aan hulle hande: met hul drekgode het hulle owerspel begaan en ook hul seuns wat hulle vir My gebaar het, as spys vir hulle deur die vuur laat deurgaan.

Ezk_23:43  Toe sê Ek: Bedryf die verwelkte nog owerspel? Nou sal haar hoererye self hoerery gaan bedrywe.

Hos_1:2  Die begin van wat die HERE met Hoséa gespreek het; die HERE het aan Hoséa gesê: Gaan heen, neem vir jou ‘n hoervrou en hoerkinders; want die land het grootliks owerspel bedrywe deur van die HERE afvallig te word.

Hos_2:1  Twis met julle moeder, twis; want sy is nie my vrou nie, en Ek is nie haar man nie, en laat sy haar hoerery van haar aangesig verwyder en haar owerspel van haar borste af weg.

Hos_3:1  En die HERE het vir my gesê: Gaan nog ‘n keer, bemin ‘n vrou wat bemin word deur haar vriend, maar wat owerspel bedrywe, net soos die HERE die kinders van Israel bemin, terwyl hulle hul tot ander gode wend en versot is op rosynekoeke.

Hos_4:2  Hulle sweer en lieg en moor en steel en pleeg owerspel; hulle breek in, sodat bloedbad aan bloedbad raak.

Hos_4:13  Hulle offer op die bergtoppe en laat rook opgaan op die heuwels, onder die eike en populiere en terpentynbome, omdat die skaduwee daar goed is. Daarom pleeg julle dogters hoerery, en julle skoondogters bedryf owerspel.

Hos_4:14  Ek sal oor julle dogters geen besoeking doen omdat hulle hoereer nie, en ook nie oor julle skoondogters omdat hulle owerspel bedryf nie; want die manne sonder hulleself af met die hoere en offer met die tempelhoere. So kom dan die volk wat geen verstand het nie, tot ‘n val.

Hos_5:3  Ek ken Efraim, en Israel is vir My nie verborge nie; want nou het jy owerspel bedrywe, o Efraim! Israel is verontreinig.

Rom_2:22  Jy wat sê dat ‘n mens nie owerspel mag pleeg nie, pleeg jy owerspel? Jy wat ‘n afsku van die afgode het, pleeg jy tempelroof?

Gal_5:19  En die werke van die vlees is openbaar, naamlik owerspel, hoerery, onreinheid, ongebondenheid;

2Pe_2:14  met oë vol van owerspel, wat nie ophou om te sondig nie; hulle verlok onvaste siele, hulle het ‘n hart geoefen in hebsug, hulle is kinders van die vervloeking.

Rev_2:22  Kyk, Ek werp haar neer op ‘n siekbed, en die wat met haar owerspel bedryf, in ‘n groot verdrukking, as hulle hul nie van hul werke bekeer nie.

------------------------------------------------------------------------------------------------------------------------------

Bespreking van inligting wat by hierdie onderwerp aanskakel, +verdere verwysings:

Die terme "egbreek","egbreuk" en "hoerery":

Alhoewel ons onderskeid maak tussen die twee woorde "egbreek" en "egbreuk" in Afrikaans, en dit onderskeidelik gebruik word in verskillende verse, moet ons tog daarop let dat vir beide dieselfde woord in die Grieks gebruik word (en is die engelse woord wat gebruik word, "adultery"). Kyk bv. Matt. 5:27 en 28. In v. 27 word die woord "egbreek" gebruik, maar in v. 28 word die woord "egbreuk" gebruik, tog in die Grieks word dieselfde woord gebruik (G3431 - "commit adultery").  

Waar die woord "fornication" gebruik word in die engels, is dit in die Afrikaanse Bybel vertaal as "hoerery" of "hoereer" (Matt. 5:32; 1 Kor. 10:8...).  (Mat 19:9 - "Maar Ek sê vir julle, elkeen wat van sy vrou skei, behalwe oor hoerery (fornication)(G4202-"harlotry",including "adultery and "incest"), en ‘n ander een trou, pleeg egbreuk (adultery); en die wat die geskeie vrou trou, pleeg egbreuk (adultery)". Selfs vir die woord "owerspel" (wat ons verstaan as iemand wat egbreuk pleeg deur te hoereer) word hierdie selfde woord in Grieks gebruik: (Gal 5:19)  En die werke van die vlees is openbaar, naamlik owerspel (G3430-adultery), hoerery (G4202)(fornication), onreinheid, ongebondenheid;

Kom ons kyk 'n paar interessante feite rondom egbreek/egbreuk/owerspel:

- (Lev 18:20)  En jy mag geen vleeslike gemeenskap met jou naaste se vrou hê om jou met haar te verontreinig nie. - as 'n man vleeslike gemeenskap het met 'n getroude vrou, dan word hy daardeur ONREIN.

-  (Jas 4:4)  Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God. - egbrekers word hier vgl. met die wat die wêreld kies bo God  - vgl. hierdie met die tema van hoe die wat afgode aanbid, geestelik ook gesien word as "hoereerders" (want iemand wat aan die Here behoort, moet aan Hom getrou bly soos 'n vrou aan man).

-  (Spr. 6:32)  Hy wat owerspel pleeg, is sonder verstand; hy wat sy eie lewe wil verwoes, hy doen so iets; - die pad van owerspel is 'n pad van self-verwoesting en dus dom om te volg.

-  (Gal 5:19)  En die werke van die vlees is openbaar, naamlik owerspel, hoerery, onreinheid, ongebondenheid; - owerspel en hoerery is "werke van die vlees". L.w. dat die wat stap in die "werke vd vlees" sonder om hulle daarvan te bekeer, is besig met "sonde tot die dood"!

Die Christelike kerk (altans die diensknegte vd Here) het mag om te bind of ontbind (wat te doen het met die evangelie vd koninkryk), sien die tema van "vergifnis" in die evangelie vd koninkryk... - "wat word vergewe en wat nie?" (bv., in sekere gevalle word egskeiding "vergewe"). (http://warechristene.blogspot.co.nz/2014/03/wat-julle-op-die-aarde-bind-sal-in-die.html).  Maar natuurlik mag hierdie "oordeel" nooit in stryd wees met die Here se wil nie, bv., al is dit nie die Here se wil dat enige huwelikspaartjie skei nie, sal Hy dit wel toelaat ter wille van barmhartigheid (en Hy WIL ook dat ons barmhartig wees teenoor mekaar), bv. in gevalle soos familie geweld, waar kinders gemolesteer word, ens. word egskeiding beslis toegelaat.  DIE TEMA VAN REIN/ONREIN IS OOK BELANGRIK OM TE BESTUDEER WANNEER DIT KOM BY SONDES VAN DIE VLEES. Bv., dit is belangrik om te weet wat word gesien as rein, en wat as onrein, wat terloops nie altyd dieselfde vervul word in die N.T. as in die oue nie - of sal ons liewer sê, "word op 'n veel uitnemender manier vervul" (http://warechristenedagstukkies.blogspot.co.nz/2016/11/die-eet-van-rein-en-onrein-diere.html). Dit beteken egter nie dat die wet tot niet is nie!, want ook in die N.T. moet ons verstaan wat bedoel word met "rein" en "onrein", en besef dat dit 'n baie belangrike onderwerp is wat wel 'n invloed het op elkeen se saligheid (onreines sal nie ingaan in die Koninkryk nie).

Kom ons kyk na 'n vb. in Deut. 22:20,21, om te kyk hoe verskillend sekere wette vervul word t.o.v. owerspel, egbreuk en hoerery in die N.T., wat terloops nie beteken dat dit nie meer sonde is nie!, maar wat VERGIFNIS aanbetref is in die N.T. 'n veel uitnemender weg:

(kom ons kyk die vb. van waar 'n dogter nie maagedelik rein was toe sy getroud is nie, en die man dit agterkom nadat hulle getroud is):

-(Deu 22:20)  Maar as hierdie woord waarheid is: Die maagdom is aan die dogter nie gevind nie—

-(Deu 22:21)  dan moet hulle die dogter na die deur van haar vader se huis uitbring, en die manne van haar stad moet haar stenig, dat sy sterwe, omdat sy ‘n skanddaad in Israel begaan het deur in die huis van haar vader te hoereer. So moet jy dan die kwaad uit jou midde uitroei. Op 'n ander geleentheid was 'n vrou aan wie iets skandeliks )?) ontdek is, 'n skeibrief gegee... (Deut. 24:1), en die rede waarom hierdie wette so vervul was, was omdat die huwelik in alle opsigte rein moet wees (Heb 13:4 - "Laat die huwelik in alle opsigte eerbaar wees en die bed onbesmet; want God sal hoereerders en egbrekers oordeel").  Bv., wanneer iemand wat hoereer het in 'n huwelik tree sonder dat die persoon weer rein geword (vergifnis ontvang) het, kan dit die huwelik onrein maak. Ons sien dat in die O.T. die met bloedskuld, doodgemaak was - hoekom?  In die O.T. was daar geen offer vir bloedskuld nie, en die enigste manier hoe so iemand kon REIN word van daardie sondes, was met hulle eie bloed! Diesulkes was doodgemaak, of verwyder..., maar dit is anders in die N.T. In die N.T. is daar 'n offer wat iemand kan rein maak van selfs sondes wat bloedskuld veroorsaak!  Dus, so iemand kan rein word en 'n huwelik betree sonder om dit onrein te maak. Dieselfde geld vir egbreuk... (en l.w. dat jy selfs in jou gedagtes kan egbreuk pleeg).  Egbreuk (wat terloops bloedskuld veroorsaak) kan vergewe word, want Jesus Christus kan alle sonde vergewe (behalwe lastering teen die Heilige Gees - daardie sonde sal Hy nie vergewe nie, nie in die huidige bedeling nie, en ook nie in die volgende nie), en Sy offer was voldoende. Ons sien dus hoe verskillend die offersisteem daarna uitsien tussen die oue en nuwe. In die N.T. kan iemand vergifnis kry vir hierdie soort sondes (bv. hoerery, egbreuk en owerspel), maar natuurlik is Jesus se opdrag dan "gaan heen en sondig nie meer" (Joh. 8:11).  As iemand dan rein geword het, is daar geen manier hoe so iemand in 'n huwelik, die huwelik kan ontheilig nie. Christus het geleer dat ons moet vergewe, sou iemand so berou en bely... - dit word van ons verwag om te vergewe soos die Here vergewe (Mark. 11:26; Matt. 18:21,22). 

Wat beteken die woord "skei"?

(Rom 7:2)  Want die getroude vrou is deur die wet aan die lewende man gebonde; maar as die man sterwe, is sy ontslae (G2673 - "loosed")("abolish, cease, cumber, deliver, destroy, do away, become (make) of no (none, without) effect, fail, loose, bring (come) to nought, put away (down), vanish away, make void") van die wet van die man.

(Rom 7:3)  Daarom dan, as sy ‘n ander man s’n word terwyl haar man lewe, sal sy ‘n egbreekster genoem word; maar as die man sterwe, is sy vry van die wet, sodat sy nie ‘n egbreekster is as sy ‘n ander man s’n word nie.

Die woord "ontslae" hier is nie dieselfde woord as die woord "skei" in ander skrifte nie (waar dit bv. meer verwys na "parden"), maar het in bg. geval eerder die betekenis van "abolish" (G2673 - "loosed" - "destroy, abolish, cease, make void...") - bestudeer die volgende pos om hierdie beter te verstaan (https://warechristene.blogspot.com/2018/02/trou-skei-en-hertrou-6.html). Die betekenis van "ontslae word" in Rom. 7:2 is nie dieselfde as die betekenis van die woord "skei" (wat verwys na egskeiding) in ander skrifte nie.  Bv., in skrifte waar die woord "skei" gebruik word (nl. in die geval vd huwelik), is dit 'n ander Griekse woord wat gebruik word, bv.  (Luk 16:18 - "Elkeen wat van sy vrou skei (G630) en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk")(Mark. 10:4,11,12; Luk. 16:18) - 'n woord wat eerder verwys na "pardon" as wat dit verwys na "abolish", en in Luk. 16:18 (G630) word die Griekse woord " (kho-rid'-zo) gebruik, wat beteken "depart" ("to place room between, that is, part; reflexively to go away: - depart, put asunder, separate").  WAT ONS DUS KAN OPSOM IS DAT DIE WOORD VIR "ontslae" WAT GEBRUIK WORD IN Rom. 7:2 (waar die vrou ontslae word van die wet wat haar bind aan haar man), VERSEKER NIE DIESELFDE BETEKENIS HET AS DIE SKEIDING IN GEVAL VAN 'N SKEIBRIEF NIE! 

Egskeiding breek nie die verbond nie!  - 'n geskeide moet nie gesien word as 'n "ongetroude" wat weer kan trou nie (vgl. dit met Jesus se woorde in Matt. 5:31,32; 19:9).  Geskeides wat hertrou pleeg dus die SONDE VAN EGBREUK (neem kennis dat net soos daar uitsonderings is waar "egskeiding" toegelaat word, daar uitsonderings mag wees waar "hertrou" toegelaat word... (/) - jou kerk behoort jou hiermee te kan help).

Orde en Wet

 In hierdie pos kyk ons na die betekenis van die begrippe "orde" en "wet" in die Skrif.

----------------------------------------------------------------------------------------------------------------------------ORDE EN WET:

Geleerdes deel die Bybel op in verskillende bedelings, en elke bedeling kan o.a. beskryf word deur ORDE (regering/priesterskap en dienaars) en WET (legislasie/wetorde). 

- Die woord "ORDE" verwys veral na priesterskap (Hebr. 7:11) (Gr. woord "tax'-is", wat verwys na 'n offisiele orde wat rank of karakter aanbetref)(Hebr. 6:20);  kyk bv., die "orde van Aäron".../Hebr. 7:11, wat beteken dat in daardie "orde" (priesterskap) was Aäron die hoëpriester. Wat die tema van PRIESTERSKAP aanbetref, bestudeer gerus die verband tussen "eersgeborenes" en priesters (https://warechristene.blogspot.com/2015/04/eersgeborenes-en-eerstelingepriesters.html) - as ons verstaan die verband tussen "eersgeborenes" en "priesterdom", dan sal ons verstaan hoekom die volk van God ook in geheel verwys word as 'n priesterdom..., want onder al die volke op aarde word hulle gesien soos die Here se "eersgebore seun" (eersgeborenes behoort aan die Here - is priesters vir Hom). Priesters het belangrike pligte, o.a. dat die Here se wil uitgevoer en lering gegee word (en het bv. in die O.T. die bediening vd "ALTAAR en "OFFERS ingesluit")(kortom, die priesters vd die Here is Sy dienaars.../Jes. 61:6). Die priesters het spesifieke pligte; asook het die hoëpriester... (wie bv. o.a. die plig het om versoening te doen vir die volk se sondes/Hebr. 7:27 - dit is wat Jesus huidiglik vir ons doen - in die huidige bedeling is Hy die Hoëpriester, en Hy is dit terloops VIR EWIG!). Terwyl die begrip "orde van" gewoonlik die hoëpriester se naam aanneem (bv. "orde van Aaron"), en die begrip "priesterskap" veral die stam se naam aanneem (bv. Levietesie priesterskap), verwys wet in die nuwe bedeling nie noodwendig na 'n spesifieke stam nie (Hebr. 7:11-15). Die volk van weergeborenes (die huidige priesterdom) is wel "kinders van Jesus Christus", maar hulle is nie fisies uit Hom gebore nie maar het kindskap op 'n geestelike manier verkry (nl. uit die geloof) - weergeborenes kom uit alle stamme, volke, nasies en tale... (Openb. 5:9; 7:9/kyk "evangelie van vrede"). 

Daar is baie wat ons nie verstaan van Melgisedek nie, maar wat duidelik is is dat die huidige orde SOORTGELYK is aan daardie orde (Ps. 110:4; Hebr. 5:9,10; 7:17). Alhoewel daar na die huidige ORDE as Jesus Christus se orde verwys kan word (want Hy is die Hoepriester), en Hy gebore is uit die stam van Dawid (Openb. 5:5), is Hy nie net mens nie maar ook God en gebore uit God se saad. Wat die fisiese saad aanbetref behoort die priesterskap huidiglik nie aan 'n spesifieke stam op aarde nie  (die huidige priesterdom kom uit alle stamme, nasies, volke en tale - weergeborenes het kindskap op 'n geestelike manier verkry, en word terloops na verwys dat hulle "gebore is uit God se saad"), maar kan eerder beskryf word as beide fisies en geestelik (vgl. dit gerus met die tema "die koninkryk van God"). Die huidige priesterdom bestaan uit priesters (weergeborenes) wat dit op 'n geestelike manier (deur geloof) verkry het. Die huidige priesterdom is dus meer geestelik van aard, maar wanneer Jesus terugkom sal dit weer fisies van aard wees, wanneer Hy gaan sit op die troon/// (dan sal daar ook weer 'n fisiese tempel wees en 'n fisisiese offersisteem). Die Skrif leer dat Jesus Christus is Hoëpriester VIR EWIG (Hebr. 6:20); logies gesproke, want Hy leef vir ewig! (Hebr. 7:21).

- Die woord "wet" gaan oor die Here se wil (gaan oor reg en verkeerd - hoe die Here "sien", nie die mens nie; die Kennis vd Here; bv. hoe Sy wil uitgevoer word in 'n spesifieke bedeling - in elke bedeling het die mens die wet van die Here nodig!, want alhoewel geloof nie daaruit kom nie, het die mens dit nodig om "vrug tot lewe" te kan dra.../Gal. 3:12).  En daar is gewoonlik in elke bedeling iemand aan wie die Here Sy wil bekend maak vir die volk (bv. deur die hoëpriester, profete en leiers). Die Levietese priesterskap was onder die "wet van Moses" (Mal. 4:4; Luk. 2:22; 24:44; ens.), wat beteken dat die Here Sy wil aan Moses bekend gemaak het (Joh. 7:19)(terwyl priesters weer op beurt die verantwoordelikheid het om die Here se wil uit te voer of te leer).  Alhoewel Moses se naam in hierdie geval gebruik is ("die wet van Moses"), is dit nie Moses se wil nie maar "die wet van die Here" (Luk. 2:23,39) wat die Here aan Moses bekend gemaak het (hierdie verwys na die ou bedeling - in die nuwe bedeling is Christene nie onder die wet van Moses nie). Daar word ook somtyds na die wet vd Here verwys as "die wet vd profete", wat beteken dat die Here Sy wil aan Sy profete bekend gemaak het (Joh. 1:46; Hand. 13:15; 24:14), net soos Jesus Christus nou Sy wil aan ons bekend maak deur Sy Gees (weergeborenes is onder die "wet van die Gees"). Somtyds word daar ook na die wet verwys as "die wet vd Jode", bv. waar daar na die wet vd Here verwys word in die teenwoordigheid van ander gelowe (Hand. 25:8)(wat verwys dat dit die wet is wat die Jode volg). Die begrip "wet van" vewys dus nie net na wie die wet ontvang het nie, maar ook na watter wet gevolg word. Somtyds word die begrip "wet vd geloof" gebruik ombv.  te verwys na hoe die wet in die huidige bedeling daarna uitsien... (Rom. 3:27)(die wet van Moses word gesien as 'n "wet van werke", terwyl die wet vd geloof gaan oor "geloof in Jesus Christus", nl. "die wet van Christus" - wie se wet jy volg wys in wie jy glo - geloof kom nie a.g.v. wet nie, maar wette word onderhou a.g.v. geloof/Gal. 3:12). 

- Die Skrif leer dat met verandering van priesterskap is daar verandering van wet (Hebr. 7:12);  m.a.w., 'n "bedeling" kan o.a. gekenmerk word "onder watter wet dit is" en "priesterskap". Hierdie feit word bv. ook gekenmerk in die huwelik..., nl. dat wanneer die priester vd huis (nl. die man) sterwe, dan is die vrou ontslae van "die wet van die man" (Rom. 7:2), en dit is hoekom sy dan vry is om weer te trou;  maar solank die man in die lewe is is sy "onder sy wet" en pleeg egbreuk as sy 'n ander man s'n word terwyl haar man nog lewe. Dit is dieselfde in geval van priesterskap, is dat die volk "onder daardie wet is solank die priester nog in die lewe is";  en is die juiste rede waarom die huidige wet nooit sal verander nie!, want Jesus Christus leef vir ewig (is m.a.w. omdat ons huidige hoëpriester nooit sal doodgaan nie!)(Rom. 7:1-6). Ook die volgende bedeling sal wees onder Jesus Christus (en die aarde sal onder Sy orde wees vir ewig!). Wat die priesterdom aanbetref in die volgende bedeling, is duidelik" (Openb. 20:6 - "Salig en heilig is hy wat deel het aan die eerste opstanding; oor hulle het die tweede dood geen mag nie, maar hulle sal priesters van God en van Christus wees en sal saam met Hom as konings regeer duisend jaar lank"). Almal wat deel het aan die "eerste opstanding" wat nie deur die tweede dood gaan nie, sal priesters van God en Christus wees in die volgende bedeling, want in die volgende bedeling gaan die priesterskap nie verander nie!, en almal sal onder die wet van Jesus Christus wees.

 Om 'n bedeling te identifiseer kan m.a.w. die volgende vrae gevra word: 

(1) Volgens watter ORDE (priesterskap) is 'n bedeling?, en 

(2) watter WET word gehoorsaam?  

Die Skrif kan in geheel gesien word as twee "bedelings" (Hebr. 10:7-9), nl. die eerste (die oue waaronder die bloed van stiere en bokke gebruik was/Ou Testament), en die tweede (die huidige bedeling waarin Jesus Christus se bloed vir ons sondes betaal/Nuwe Testament).  Maar geleerdes deel graag ook die O.T. op in verskillende bedelings..., want alhoewel daar vir die sondoffer die bloed van stiere en bokke gebruik was, was dit nie altyd onder dieselfde priesterskap nie (en met verandering van priesterskap is daar verandering van wet). En wat die wet aanbetref maak die Here Sy wet bekend deur verskillende mense oor die eeue;  bv. ...tot op die profeet Johannes (die doper) het die Here profete gebruik om Sy wil bekend te maak, maar na Johannes die evangelie vd koninkryk van God... (Luk 16:16) - die WET kom maw deur die evangelie vd Koninkryk waaroor Jesus vir ons lering kom gee het (sien dus die belangrikheid vd EVANGELIE nadat Jesus Christus gekom het, en hoekom Hy gevra het dat hulle "die evangelie moet glo"/Mark. 1:15). Wat "wet" aanbetref is die huidige bedeling onder die evangelie en die wet vd (Heilige) Gees.  Kom ons kyk na 3 voorbeelde hiervan waar die Skrif in bedelings opgedeel word, en dit veral beskryf word deur "orde" (wat dus 'n invloed gehad het op wet):  (1)  In Abraham se tyd was "wet en orde" volgens die orde van Melgisédek. Melgisedek was die koning van Salem, en die hoëpriester... (Gen. 14:18)(dit is interessant dat Jesus Christus se orde beskryf word as 'n ewebeeld van hierdie orde .../Ps. 110:4). Die Skrif gee nie vir ons baie inligting oor die orde van Melgisedek nie, maar dit wil voorkom of die orde nie toegeskryf is bloot aan die stam waaruit die hoepriester gekom het (soos in die geval van die orde in Moses se tyd, nl. orde van Aaron) nie.. (Hebr. 5:6). Wat die wet van daardie "bedeling" aanbetref wil dit voorkom of die eersgeborene seuns die plek van priester ingeneem het (Eks. 13:2)(dit is duidelik dat die "orde" nie aan 'n spesifieke stam behoort het nie, net soos vandag!)(https://warechristene.blogspot.com/2015/04/eersgeborenes-en-eerstelingepriesters.html). (2) Maar "orde" word somtyds beskryf deur 'n spesifieke stam/die stam waaruit die Hoëpriester gebore is (Hebr. 7:14) -  bv., in die tyd van Moses het priesterskap verander om aan 'n spesifieke stam te behoort (nl. die Leviete - almal fisies gebore uit daardie stam). Priesterskap het oorspronklik behoort aan die eersgebore seun van elke familie... (nie 'n spesifieke stam nie)(sien punt 1), maar hierdie het verander na die episode vd goue kalf (want die eersgeborenes het nie hulle plig gedoen nie en het dit verloor) - die priesterskap is toe gegee aan 'n spesifieke stam (onder Aaron, die hoëpriester), "onder die wet van Moses" (in ander woorde, die Here het Sy wil aan Moses bekend gemaak, Moses het dit oorgedra, en die Levietiese priesterskap moes toesien dat die volk dit nakom en leer/Eks. 7; ens.).  (3) Hierdie huidige bedeling waarin ons nou is 'n ewebeeld van..., is volgens die orde van Melgisédek, onder ons Hoëpriester Jesus Christus (maar alhoewel Hy uit die stam van Juda gebore is, word die huidige orde nie so beskryf nie.../Hebr. 7:14; Gen. 46:12; Jes. 11:1; Openb. 5:5)(Heb 6:20 - "waar Jesus as voorloper vir ons ingegaan het, Hy wat volgens die orde van Melgisédek ‘n hoëpriester geword het vir ewig")(Hebr. 5:6; 7:11,17,21). Jesus Christus is ook die een wat die wet vir ons gegee het! (evangelie vd Koninkryk) en het getuig dat Hy die wil van die Vader doen (Joh. 5:30; Luk. 22:42)(Luk. 10:22). Die huidige orde is volgens die orde van Melgisedek en behoort bv. aan "die volk van eersgeborenes" (Hebr. 12:23), 'n heilige priesterdom (1 Pet. 2:5,9) - is onder die wet van die Gees en die evangelie... (Rom. 8:2; Luk. 16:16)(ons word deur die evangelie gelei;  asook, almal wat die Heilige Gees het word deur die Gees gelei - "die wet is op hulle harte geskryf") - is onder Jesus Christus. IN DIE HUIDIGE BEDELING IS JESUS CHRISTUS DIE HOëPRIESTER, EN WEERGEBORENES DIE PRIESTERDOM (weergeborenes is almal dienaars van die Here =  "volk van eersgeborenes"). 

-----------------------------------------------------------------------------------------------------------------------------DIE ORDE VAN MELGISEDEK:

Daar is min waarvan ons seker is wanneer dit kom by Melgisedek en die stad Salem. Wat die Skrif leer (bv. in die O.T.) van die huidige bedeling, is dat die priester wat vir God sou opstaan 'n ewebeeld is van Melgisedek... (Ps. 11:4; Hebr. 5:6,10; 6:20);  ook wat "wet" aanbetref, dat die wet wat sou kom nie volgens vleeslike gebod sou wees nie, maar uit die krag vd onvernietigbare lewe! (wat natuurlik verwys na die huidige bedeling waarin ons onder die wet vd Gees is). (Heb 7:15-17 - En nog baie duideliker is dit as daar ‘n ander priester opstaan na die ewebeeld van Melgisédek, een wat "dit geword het nie kragtens die wet van ‘n vleeslike gebod nie, maar uit die krag van die onvernietigbare lewe. Want Hy getuig: U is priester vir ewig volgens die orde van Melgisédek"). Melgisedek was koning van Salem..., asook 'n priester vd Allerhoogste. Wat die vergelyking aanbetref, is die klem miskien o.a. op die feit van "eersgeborenes", nl. weergeborenes, soos 'n "volk van eersgeborenes" gesien word (priesterskap het oorspronklik behoort aan die eersgeborenes, maar of dit alreeds so was in Melgisedek se tyd, is debateerbaar;  ons weet wel dat dit die geval was in Moses se tyd, nl. voor "die wet van Moses"/orde van Aaron).  Oorspronklik het priesterskap aan die eergeborenes behoort (eersgeborenes van gelowige families was geroep om priesters vir die Here te wees) - dit wil dus voorkom of in Abraham se tyd "priesterskap" dus ook verwys het na die eersgeborenes (maak nie saak watter stam, nasie, volk of taal nie, maar natuurlik verwysend na gelowige families), en hierdie is miskien een van die dinge waarna verwys word dat die huidige orde 'n ewebeeld is van Melgisedek. Of anders gestel, die priesterdom in hierdie bedeling, wat terloops verwys na weergeborenes (die "volk van eersgeborenes"/Hebr. 12:23). behoort ook nie aan 'n spesifieke stam nie. In die N.T. word die wat in Jesus Christus glo, almal gesien as "eersgeborenes"/ Hebr. 12:23 ("gemeente van eersgeborenes") - is priesters in die huidige orde (1Pet. 2:9,10 - "Maar julle is ‘n uitverkore geslag, ‘n koninklike priesterdom, ‘n heilige volk, ‘n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig, julle wat vroeër geen volk was nie, maar nou die volk van God is; aan wie toe geen barmhartigheid bewys is nie, maar nou bewys is"). Die gemeente van eersgeborenes is die priesterdom van hierdie huidige bedeling.  Hulle behoort nie aan 'n spesifieke stam, nasie, volk of taal nie, maar het dit verkry deur die geloof - hierdie is sekerlik een van die redes waarom die huidige orde vgl. word met die van die orde van Melgisedek. 

Daar is ook ander dinge wat ons kan inkyk op om te verstaan wat met "ewebeeld van orde van Melgisedek" bedoel word.  Bv., wat die wet vd huidige bedeling aanbetref is gelowiges onder die wet van die Gees, onder die wet van Jesus Christus... (onder die wet van "genade en waarheid")(Joh. 1:17; Rom. 8:10)(bv. nie onder die wet soos die wet van Moses nie, maar onder die Gees). Jesus Christus sal nooit sterf nie, so daar sal nooit 'n ander opstaan waardeur 'n ander wet ingelyf word nie... (Hy sal altyd die wet gee). Daar word 'n "gelykstelling" gemaak tussen Melgisedek en die Seun van God in Hebr. 7:3 - kyk bv. hoe Melgisedek daar beskryf word: "sonder vader, sonder moeder, sonder geslagsregister, sonder begin van dae of lewenseinde, maar gelykgestel aan die Seun van God, bly hy priester altyddeur".  Hierdie woorde het al baie geleerdes se kop laat krap - wat presies is dit wat die Skrif bedoel? Duidelik was Melgisedek nie Jesus Christus self nie, want hy word "gelyksgestel aan" die Seun van God, wat meer wys op 'n vergelyking (Gr. woord "af-om-oy-o'-o", wat beteken "gemaak soos"). Hy word o.a. voorgestel as 'n "ewige" priester (nerens word hy 'n hoepriester genoem nie, alhoewel dit so wil voorkom;  kyk bv. die woorde "orde van....." gewoonlik verwys na 'n orde onder 'n "hoe"priester ;  Abraham het ook sy tiendes na hom gebring/Hebr. 7:2, en Jesus Christus is Hoepriester vd huidige bedeling en "ewebeeld Melgisedek/Hebr. 7:15-28...), en hy word o.a. "die koning van geregtigheid genoem, asook "koning van Salem" wat beteken koning van "vrede"..., WAT SEKERLIK OOK verwys na VERGELYKINGS TUSSEN DIE SEUN VAN DIE MENS EN DAARDIE KONING (Jes. 32:1; 9:6,7; Jer. 23:5,6). Dit wil voorkom of die klem liewer val op die "vergelykings" as wat ons te tegnies daaroor moet raak. Interessant, in Ps. 76:3 wil dit ook voorkom of Salem vgl. word met Sion..., maar of Sion dieselfde plek is as wat Salem was, is ook nie heeltemal seker nie (maar dit kan net sowel wees). Dus, daar is baie wat ons nie verstaan van "Melgisedek" nie, maar ons weet darem iets van die orde waarin ons ons bevind!

-----------------------------------------------------------------------------------------------------------------------------

Die duiwel

 

In hierdie pos kyk ons na die onderwerp "duiwel", en waarna of na wie dit verwys. 

Rol af vir die volgende opsommings:

- Die begrip "duiwel"

- Soos 'n duiwel / die duiwel as pa?

- Onreine geeste is duiwels

- Die Satan is 'n duiwel

-----------------------------------------------------------------------------------------------------------------------------DIE DUIWEL:  

Die woord "duiwel" word nie altyd vir 'n spesifieke wese gebruik nie, en is die Gr. woord "dee-ab'-ol-os", wat beteken "vals aanklaer of lasteraar. Somtyds word daar na die Satan verwys as "duiwel" (Openb. 12:9; 20:2,10), en in ander gevalle word daar na bose geeste verwys as duiwels (wat verwys na "onreine geeste").Vir 'n pos wat by hierdie onderwerp aansluit, gaan na:

https://warechristene.blogspot.com/2026/05/die-duiwel-die-satan-die-ou-slang-groot.html.

Die Satan, na wie ook somtyds verwys word as "duiwel", word met verskillende name voorgestel, wat elk 'n besonderse betekenis het. (Openb. 12:9 - "En die groot draak is neergewerp, die ou slang wat genoem word duiwel en Satan, wat die hele wêreld verlei, hy is neergewerp op die aarde, en sy engele is saam met hom neergewerp"). Die Satan, die owerste van die onreine geeste, is 'n lasteraar en "vals aanklaer" (vgl. dit met die tema van "kwaadspreek" die duiwel is 'n kwaadspreker) - sien die woorde hierbo in Openb. 12:9 wat hom beskryf as 'n wese wat "die hele wereld verlei" (vgl. dit met Openb. 20:3)(die begrip duiwel verwys na 'n VERLEIER). In Matt. 4, waar die duiwel vir Jesus Christus probeer versoek het in die woestyn, is die woord duiwel ook die Gr. woord ("dee-ab'-ol-os")(Matt. 4:1 - "Toe is Jesus deur die Gees weggelei die woestyn in om versoek te word deur die duiwel"). Hierdie is 'n goeie voorbeeld van hoe die duiwel opereer..., nl. dat hy mense in versoeking probeer lei, en die manier hoe hy dit doen is deur die waarheid te laster en mense so probeer verlei dat hulle afval vd geloof, of hy bederf mense se sinne sodat hulle nie die evangelie ontvang nie (hy mislei/verlei hulle om die leuen te glo of te sondig)(Matt. 4:1-11; 2 Kor. 11:3).  

-----------------------------------------------------------------------------------------------------------------------------SOOS 'N DUIWEL: 

Waar die woord "duiwel" gebruik word in die Skrif, verwys dit nie altyd na die spesifieke wese nie. In Joh 6:70 waar Jesus vir die dissipels sê "Het Ek nie julle twaalf uitverkies nie? En een van julle is ‘n duiwel!", is dit bv. dieselfde Gr. woord wat daar gebruik word vir die woord "duiwel", maar Hy verwys nie hier na Judas Iskáriot as die wese, die ou slang, nie, maar wys dat hy 'n lasteraar is (soos die ou slang). In ander woorde, waar die woord "duiwel" gebruik word verwys dit nie altyd na die wese "groot draak" of "ou slang" nie, maar dit word somtyds gebruik om te beskryf dat die persoon soos die ou slang is. Die woord "satan" word ook somtyds op hierdie manier gebruik, bv. in (Mat 16:23 - "Maar Hy het omgedraai en vir Petrus gesê: Gaan weg agter My, Satan (Gr. woord "sat-an-as'", wat verwys na 'n aanklaer of 'n duiwel/lasteraar)! Jy is vir My ‘n struikelblok, omdat jy nie die dinge van God bedink nie, maar die dinge van die mense". Hy het nie bedoel dat Petrus die Satan self is nie, maar eerder dat hy op daardie oomblik soos die Satan was... Dit wat Petrus gesê het het die waarheid verdraai, want hy het gedink soos die wereld (nie soos God nie). Kinders van die Here behoort "soos die Here te dink en sien", nie soos die wereld nie (kyk die groot verskil tussen "geestelike mense" en "natuurlike mense" nie), want die wereld (die wat dink en sien soos die wereld) is onder die mag van die bose (1 Joh. 5:19). 

'n Duiwel is 'n KWAADSPREKER ('n "vals aanklaer").  As iemand kwaadspreek is hy soos die duiwel - noodwendig is kinders soos hulle pa;  dus, as iemand die gewoonte het om kwaad te spreek (soos die duiwel), wys dit wie sy pa is! Die wat soos die duiwel optree sal saam met die duiwel (hulle pa) in die poel van vuur beland (1Kor. 6:10 - "Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie"). Dade en woorde is belangrik, want dit wys aan wie jy behoort.

DIE DUIWEL AS PA vir sommige beskryf? 

In Hand. 13:10 noem Paulus vir Elimas (die towenaar) "kind vd duiwel"... omdat hy die reguit weë van die Here verdraai het (want Elimas het vir Barnabas en Saulus teëgestaan, en het probeer om die goewerneur afkerig te maak van die geloof) - in ander woorde, Elimas was 'n verleier en lasteraar... ("soos 'n duiwel").  Vgl. dit met Joh. 8:44. (1Jn_3:8 - "Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek"). Hierdie verwys nie dat die persoon 'n wese is fisies gebore uit die Satan self nie, maar wys dat hy soos die Satan is... (soos kinders soos hulle pa is). Weergeborenes word bv. ook gesien asof "gebore uit God", want hulle is soos hulle Pa, die Here (1 Joh. 3:9; 4:7; 5:1,4,18) - hulle dink, sien en doen soos Hy. Kinders van die duiwel sal noodwendig eendag opeindig saam met hulle "pa"..., nl. in die ewige van vuur (wat berei is vir die duiwel en sy engele/Matt. 25:41) = "vervloektes". 

LASTERAARS word o.a. in die Skrif beskryf as mense wat slegs 'n gedaante van godsaligheid het... (2 Tim. 2:3.5).  Die waarheid is dat diesulkes godsalig voorkom, wat dus die rede is waarom baie deur hulle verlei word. Duidelik is lasteraars "soos die duiwel" (het die duiwel as pa), en as lasteraars onder kinders van die Koninkryk beweeg, is hulle soos struikelblokke in die kerk.

-----------------------------------------------------------------------------------------------------------------------------Onreine geeste:

Onrein of BOSE GEESTE word ook somtyds na verwys as DUIWELS (Joh. 10:21) (https://warechristene.blogspot.com/2016/12/onreine-geeste.html). As onreine geeste o.a. deur die woord "duiwel" beskryf word, beteken dit dat hulle lasteraars en kwaadsprekers is, en dit is interessant dat wanneer iemand gelaster het, hy gesien is as iemand "met 'n duiwel". Kyk gerus die vb. waar sommige vir Jesus valslik aankla dat hy "duiwel besete" is (Joh. 7:20; Joh. 10:20), en op 'n ander geleentheid  het sommige skrifgeleerdes gese dat hy 'n onreine gees het (Mark. 3:30), en selfs voorgegee dat hy deur die owerste van die duiwels, duiwels uitdryf! (Mark. 3:22; Luk 11:15)(lees gerus hoe Jesus hulle reghelp dat die duiwel nie self duiwels sal uitdryf nie - hulle het Jesus voorgestel soos 'n lasteraar, maar hulle was eintlik die lasteraars!).  Kranksinnigheid (Joh. 10:20; Hand. 26:24,25) of om "buite die sinne" (Mark. 3:21) te wees, is 'n tipiese kenmerk dat iemand 'n duiwel het, want dit is hoe duiwels is - hierdie gaan oor hoe iemand "sien en dink" (en sy woorde getuig hiervan). 

Maar natuurlik is nie alles wat duiwels kwytraak, vals nie, want hulle weet goed wat is die waarheid... (Luk. 4:34,35,41; Mark. 1:24; 3:11).  Dit is nie omdat hulle nie weet wat die waarheid is waarom hulle lieg nie, maar hulle lieg omdat hulle die waarheid wil verdraai. Hierdie is gewoonlik iets wat mense nie altyd verstaan van die bose nie;  bv., wanneer iemand die bose raadpleeg is die antwoorde nie altyd leuens nie, maar dit kan net sowel wees! En dit is hierdie gedaante van godsaligheid wat mense baiemaal uitgooi. Kinders van die Koninkryk is spesifiek beveel om nie die bose te raadpleeg nie, en ons moet gehoorsaam wees aan die Here. Terwyl "laster" en "kwaadspreek" dus kenmerkend kan wees van mense wat bose geeste het, beteken dit nie dat hulle nooit die waarheid praat nie, eerder is dit dat hulle goed weet wat is die waarheid en dit opsetlik verdraai om mense te verlei. Dit is egter anders as iemand onkundig is! en tot insig gebring word... "Lastering teen die Heilige Gees" is bv. 'n onvergeeflike sonde in hierdie, sowel die volgende bedeling, maar ons moet verstaan wat met "laster" bedoel word, want onkundiges wat bog praat is nie noodwendig besig om te laster nie. Lasteraars is eintlik kundig..., maar verander die waarheid in 'n leuen. 

-----------------------------------------------------------------------------------------------------------------------------Die worstelstryd..., en hoe die duiwel daarby inpas:

Natuurlik bestaan "die duiwel" - 'n manier hoe daar somtyds na die Satan verwys word omdat hy verleier is.  Die Satan is NIE God NIE (daar is net een God, en Hy bestaan uit 3, nl. die Vader, Seun en Heilige Gees). Wat se wese die Satan ookal is (?), wat wel seker is is dat hy hy rêrig is!, nie 'n denkbeeldige voorstelling in een of ander mite nie...  En alhoewel die Here God die mag het (en die duiwel bv. toestemming moet kry voor hy iets aan die Here se kinders kan doen / kyk die vb. van Job), is die duiwel 'n VERLEIER en 'n VERWOESTER. Sommige Christene het ongelukkig "onder die mag van satan" beland omdat hulle geluister het na sy leuens. Daarom is dit belangrik om ag te gee op die wapenrusting van God - en dit help nie jy trek dit net deur woorde elke dag aan nie, maar wat belangrik is is dat jy 'n dader is... (bv., dis iets anders om geloof uit te leef as om bloot te bely dat jy glo). Christene bely bv. dat hulle glo in Jesus Christus, maar wanneer sommige begin praat hoor jy gou dat hulle liewer in wereldse wysheid glo as dit wat Jesus geleer het. Alhoewel die natuurlike mens die duiwel mag gee in hulle lewens (daar word bv. o.a. na die duiwel verwys as die "god vd wereld"), behoort die krag en mag en heerlikheid nie aan hom nie!, maar aan die Here.  

Die "duiwel", nl. die Satan, het wesens wat onder hom dien en hy's o.a. die leier vd bose geeste (nl. vd onreine geeste/duiwels - hy is "Beelsebul", is hulle "god"), en is daarop uit om mense te verblind en te verlei (bv., wat in die tuin van Eden gebeur het met die sondeval, is 'n goeie voorbeeld hiervan...). Hierdie is maniere wat hy gebruik om die mens te probeer VERWOES. DIE REDE HOEKOM HY LASTER EN KWAADSPREEK, IS OM TE VERWOES. Jesus het geleer dat die duiwel 'n mensemoordenaar is, 'n leuenaar (hy is die vader van leuens) en staan nie in die waarheid nie (want daar is geen waarheid in hom nie)(Joh. 8:44);  m.a.w., wat die duiwel praat is gewoonlik leuens (hy praat uit sy eie).  Jy gaan nie sommer die waarheid vind by duiwels nie..., miskien deels omdat hulle jou in hul strik wil vang, maar verseker sal hulle die geleentheid gebruik om jou te mislei. 

Die wat afgode aanbid of deelneem aan ander-geloofspraktyke moet verstaan dat hulle eintlik besig is om met duiwels gemeenskap te hou (1Kor. 10:20). Daarom is dit belangrik om die waarheid op die regte plek te soek! (jy kan nie die bose raadpleeg en verwag om noodwendig die waarheid daar te vind nie). Hierdie is 'n strik vd duiwel waarin sommige Christene val..., en dit is om die waarheid by ander gelowe te probeer vind (hoekom doen sommige dit?)(https://warechristene.blogspot.com/2013/07/hoekom-voel-sommige-christene-dat-die.html). Sommige is kwaad vir die Here en dan terg hulle Hom op hierdie manier - dit hoort nie so nie. En natuurlik moet ons soek, maar die vraag is "waar soek jy"?  Die Here moet jou bron wees... - kinders van die Here is nie veronderstel om die bose te raadpleeg nie (https://warechristene.blogspot.com/2019/10/die-here-ons-bron.html), en as jy dit doen wys jy dat jy nie die Here vertrou nie of besig is om Hom te versoek ('n Christen wat by die bose antwoorde gaan soek, is beslis nie veilig nie). Hierdie stryd het alreeds begin in die tuin van Eden..., 'n stryd waarin die duiwel mense probeer vang om sy wil te doen (in plaas van die Here se wil te doen)(2Tim. 2:25,26 - "Hy moet die weerspanniges in sagmoedigheid teregwys, of God hulle nie miskien bekering sal gee tot die kennis van die waarheid nie, en hulle weer nugter kan word, vry van die strik van die duiwel, nadat hulle deur hom gevang was om sy wil te doen"). Die wat afval van die waarheid en gevang word om die duiwel se wil te doen, word o.a. na verwys as "blind" of "dronk" of "aan die slaap" - bestudeer gerus die verband tussen "dronk" en  "gemeenskap met duiwels"/1 Kor. 10:19,20; Openb. 17:2, "gemeenskap met duisternis"/2 Kor. 6:14; 1 Joh. 1:6, "gemeenskap met sondes"/1Tim. 5:22, en "gemeenskap met bose werke"/2 Joh. 1:11. In konteks gaan dit oor die weerspanniges, Christene wat van die waarheid afdwaal.  Die wat nie nugter is nie (geestelik bedoel), verwys bv. o.a. na die wat nie kennis van die Here het nie... (1 Kor. 15:34). Daar is net twee kante, die een is die kennis van God, en die ander een is wereldse wysheid. ONS IS ALTYD IN HIERDIE STRYD GEWIKKELD! - WATTER KANT KIES JY?  Kies jy die kennis van God? (en raadpleeg Hom)?, of kies jy wereldse wysheid (en raadpleeg ander bronne)? Dit is kommerwekkend hoeveel Christene vandag ander geloofsbronne raadpleeg en hulle antwoorde daar probeer kry, en selfs deelneem aan praktyke wat in ander gelowe en satanisme beoefen word.., tog is hulle uitgesproke oor hulle Christelike "geloof", maar die waarheid is dat hulle eintlik besig is om geestelik te hoereer. WIE IS JOU BRON? ...Dit is belangrik om hierdie te weet want anders besef jy nie die stryd waarin jy gewikkeld is nie, en as jy die stryd nie verstaan nie, gaan jy nie ag gee op die geestelike wapenrusting van God nie. 

Kom ons kyk na 'n paar dinge wat die Skrif spesifiek leer oor die Satan, na wie o.a. verwys word as DIE DUIWEL:

- Die duiwel wil nie hê dat mense die evangelie verstaan en gered word nie;  dus, hy verblind hulle sinne... (2 Kor. 4:4) en steel die woord uit hulle harte uit... (Luk. 8:12 - "Dié langs die pad is die hoorders. Daarna kom die duiwel en neem die woord uit hul harte weg, sodat hulle nie sou glo en gered word nie"). 

- Die duiwel verlei die hele wêreld (Openb. 12:9). Die Satan word o.a. 'n slang genoem, wat verwys na hy is "listig"... (soos 'n slang)(2 Kor. 11:3) - met sy listigheid bedrieg hy mense om die leuen te glo (Gen. 3:4,5) - en op die manier verlei hy hulle om sy wil te doen in plaas van die Here se wil; of hy bederf hulle sinne sodat hulle nie die evangelie en waarheid sal ontvang nie (2 Tim. 2:26; 2 Kor. 11:3,14).

- In Jhn_8:44 word daar na die duiwel verwys as 'n "mensemoordenaar" wat nie in die waarheid staan nie (omdat daar geen waarheid in hom is nie). Jesus het ook verder daar geleer dat wanneer die duiwel leuentaal praat, hy uit sy eie praat omdat hy 'n leuenaar is en die vader daarvan...  Die duiwel kan iemand doodmaak, maar l.w. dat hy bv. nie vir Job kon doodmaak nie want God het hom nie toestemming gegee daartoe nie (Job 1:12) - dit wys weer-eens vir ons wie het eintlik die mag!

- Die duiwel kan iemand beinvloed (Jhn_13:2  En gedurende die maaltyd—die duiwel het dit al in die hart van Judas Iskáriot, die seun van Simon, ingegee om Hom te verraai—), bv soos om gedagtes in hulle te sit, of iemand aanhits... (Job 2:3). 

- Die duiwel probeer mense versoek om die Here God te verloën (soos Hy met Jesus gedoen het/Luk. 4:2-13), en probeer hulle vang om sy wil te doen (2Ti_2:26). 

- Die duiwel is 'n teëstander en valse aanklaer en loop rond soos ‘n brullende leeu, en soek wie hy kan verslind... (1 Pet. 5:8). Hy word ook "lasteraar" genoem (dit is o.a. wat die woord "duiwel" beteken), en kan in die hemel mense aankla by God (Job 1:6,7) - hy deurkruis die aarde op soek na mense vir wie hy kan vernietig (Job 1:7; 1 Pet. 5:8). 

- Die duiwel kan veroorsaak dat mense verdruk word  (bv. in die gevangenis gewerp word sodat hulle op die proef gestel kon word-Openb. 2:10 / en hulle het vir 10 dae verdrukking gehad - die duiwel gebruik baiemaal mense om sy wil uit te voer). 

- Die duiwel kan mense siek maak (Job 2:7). In sommige gevalle is dit bose of onreine geeste wat mense siek maak en l.w., die duiwel is die owerste van die onreine geeste (nl. "Beelsebul"/Matt. 12:24; 17:8). 

WAT KAN DIE DUIWEL NIE DOEN NIE: 

(1) Die duiwel se mag kan wel ook beskryf word as 'n "koninkryk", want hy het bv. engele onder hom en is die owerste van die bose of onreine geeste... ("Beelsebul"/Matt. 3:22,23; 12:24; 17:8), maar noodwendig sal hy nie "duiwels uitdryf" nie want dit sou beteken dat hy (sy koninkryk) teen homself verdeeld is;  in ander woorde, die Satan sal nie iets doen wat kan veroorsaak dat sy koninkryk verwoes word nie.  M.a.w., DIE SATAN KAN/SAL NIE BOSE GEESTE UITDRYF NIE (Mat 12:22-32 - "Toe het hulle ‘n duiwelbesetene wat blind en stom was, na Hom gebring; en Hy het hom gesond gemaak, sodat die blinde en stomme kon praat en sien. En die hele menigte was verbaas en het gesê: Is Hy nie miskien die seun van Dawid nie? Maar toe die Fariseërs dit hoor, sê hulle: Hy dryf die duiwels nie anders uit as deur Beëlsebul, die owerste van die duiwels, nie.  Maar Jesus het hulle gedagtes geken en vir hulle gesê: Elke koninkryk wat teen homself verdeeld is, word verwoes; en elke stad of huis wat teen homself verdeeld is, sal nie bly staan nie. En as die Satan die Satan uitdryf, dan is hy teen homself verdeeld. Hoe sal sy koninkryk dan bly staan? En as Ek deur Beëlsebul die duiwels uitdryf, deur wie dryf julle seuns hulle uit? Daarom sal hulle jul regters wees. Maar as Ek deur die Gees van God die duiwels uitdryf, dan het die koninkryk van God by julle gekom. Of hoe kan iemand in die huis van ‘n sterk man ingaan en sy goed roof, as hy nie eers die sterk man geboei het nie? En dan sal hy sy huis beroof.  Hy wat nie met My is nie, is teen My; en hy wat nie saam met My versamel nie, verstrooi.  Daarom sê Ek vir julle: Elke sonde en lastering sal die mense vergewe word, maar die lastering teen die Gees sal die mense nie vergewe word nie. En elkeen wat ‘n woord spreek teen die Seun van die mens, dit sal hom vergewe word; maar elkeen wat spreek teen die Heilige Gees, dit sal hom nie vergewe word nie, in hierdie eeu nie en ook in die toekomende nie"). Hierdie is 'n interesante punt van bespreking... 

Noodwendig, nie almal wat sg. duiwels uitdryf ("duiwelbesweerders") is deur die Here gestuur nie... (Hand. 19:13-17), maar dit is nie vir ons om te besluit wie is gestuur, en wie nie (Luk 9:49,50 - En Johannes het geantwoord en gesê: Meester, ons het iemand gesien wat in u Naam die duiwels uitdryf; en ons het hom belet, omdat hy U nie saam met ons volg nie. Maar Jesus sê vir hom: Moet hom nie belet nie, want wie nie teen ons is nie, is vir ons"). Waar bekering gepreek word (Matt. 3:2; 4:17), siekes gesond gemaak word en bose geeste uitgedryf word (Matt. 10:7,8; Luk. 10:9), is dit duidelik dat die Koninkryk van God daar naby gekom het. Vir iemand om duiwels te kan uitdryf moet hy dus aan die Koninkryk van God behoort... (hierdie verwys na weergeborenes).  Jesus Christus het die mag (dit is waarom die geeste uitgaan in die Naam van Jesus Christus) en Hy is die een wat iemand die mag gee (Luk. 10). Wanneer iemand mag oor ander het, kan hy hulle gebied;  dus, alhoewel die duiwels 'n owerste het (nl. die Satan, en hy hulle kan gebied), het Jesus algehele mag en hulle moet Hom gehoorsaam (Matt. 17:18 - "Daarop bestraf Jesus hom; en die duiwel het van hom uitgegaan, en die seun het gesond geword van daardie uur af") ; (Mark.7:26  En sy was ‘n Griekse vrou, ‘n Siro-Feniciese van geboorte, en sy het Hom gevra om die duiwel uit haar dogter uit te dryf.......v:29,30  En Hy sê vir haar: Ter wille van hierdie woord kan jy gaan; die duiwel het uit jou dogter uitgevaar.Mrk_7:30  En toe sy huis toe gaan, vind sy dat die duiwel uitgevaar het en dat haar dogter op die bed lê") ; (Luk_4:33,34 - "En in die sinagoge was daar ‘n man met die gees van ‘n onreine duiwel, en hy het met ‘n groot stem uitgeskreeu. En Jesus het hom bestraf en gesê: Bly stil, en gaan uit hom uit! En die duiwel het hom tussen hulle neergegooi en uit hom uitgegaan sonder om hom seer te maak") ; (Hand_10:38  "met betrekking tot Jesus van Násaret, hoe God Hom gesalf het met die Heilige Gees en met krag. Hy het die land deurgegaan, goed gedoen en almal genees wat onder die mag van die duiwel was, omdat God met Hom was"). 

(2) In Joh. 12:31, 14:30 en 16:11 verwys Jesus na die duiwel as die "die owerste van hierdie wêreld", en in 2 Kor. 4:4 word hy die "god van hierdie wêreld" genoem;  meer presies die god van die ongelowiges en die kinders van ongehoorsaamheid...  (2Kor. 4:4 - "naamlik die ongelowiges in wie die god van hierdie wêreld die sinne verblind het, sodat die verligting van die evangelie van die heerlikheid van Christus, wat die beeld van God is, op hulle nie sou skyn nie") - die wêreld is onder die mag van die bose... (maar die wat in Jesus Christus glo is deur Jesus verlos van daardie mag/Kol 1:13 - "Hy wat ons verlos het uit die mag van die duisternis en oorgebring het in die koninkryk van die Seun van sy liefde"). (1Jn 5:19 - "Ons weet dat ons uit God is en die hele wêreld in die mag van die Bose lê"). Die kinders van ongehoorsaamheid wandel "volgens die loop van hierdie wêreld, volgens die owerste van die mag van die lug, van die gees wat nou in hulle werk... (dit beteken o.a. dat hulle in die begeerlikhede van die vlees wandel... - doen die wil van die vlees en van die sinne  =  "kinders van die toorn", want almal wat wandel volgens die owerste vd wereld, is mense wat vir die toorn bestem is)(Ef. 2:2,3). In ander woorde, DIE SATAN HET MAG OOR DIE KINDERS VAN ONGEHOORSAAMHEID (deels "gebore in sonde", en deels omdat hulle hom mag gee oor hulle lewens - hulle wandel volgens die vlees/sinne verblind/het 'n wereldse gees), MAAR HY HET NIE MAG OOR DIE KINDERS VAN JESUS CHRISTUS NIE! (want hulle wandel nie meer volgens die wil vd vlees en sinne nie, en hulle sinne is nie meer bederf nie / het die Heilige Gees). Tensy hulle hom die mag gee... - kinders vd Koninkryk moet seker maak dat hulle die geestelike wapenrusting van God aanhet. 

Die natuurlike mens is soos 'n slaaf van sonde... Die mens word in sonde gebore;  of anders gestel, hy word in slaafskap onder sonde gebore (en het dus vrymaking nodig van hierdie slaafskap!) - hierdie is een van die dinge wat Jesus bewerk het, nl. dat Hy die mens kan vrykoop uit hierdie slaafskap. Die natuurlike mens doen dus nie die wil van die Here nie, maar doen die wil van die duiwel (gehoorsaam aan die sonde / asof onder die mag van die duiwel). Maar geestelike mense doen die wil van die Here... - in ander woorde, hulle is vrygekoop van slaafskap onder sonde (hulle doen nie meer die wil van die duiwel nie). In ander woorde, die wat vrygekoop is, is nie meer "kinders vd duiwel" nie;  en sal dus NIE in die poel van vuur opeindig nie..., maar hulle het nou 'n nuwe vader (kinders volg hulle vader)(1Jn_3:8  Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek)  (1Jn_3:10  Hierin is die kinders van God en die kinders van die duiwel openbaar: elkeen wat die geregtigheid nie doen nie, is nie uit God nie, en hy ook wat sy broeder nie liefhet nie). 

(3) Die owerste van hierdie wêreld is geoordeel! (Joh. 16:11).(Joh 12:31 - "Nou is dit die oordeel van hierdie wêreld, nou sal die owerste van hierdie wêreld buitentoe gedryf word"). DIE DUIWEL IS 'N VERWOESTER EN HET DIE MENS GEVANG OM SY WIL TE DOEN, WAT TOT GEVOLG HET DAT ALLE MENSE DOODGAAN, MAAR SY MAG IS GEBREEK!;   nl, hy het mag gehad oor die dood, maar Jesus Christus het daardie mag verbreek  (Heb_2:14  Aangesien die kinders dan vlees en bloed deelagtig is, het Hy dit ook op dieselfde manier deelagtig geword, sodat Hy deur die dood hom tot niet kon maak wat mag oor die dood het—dit is die duiwel—)(Jes. 25:8; Hos. 13:14; 2 Tim. 1:10). Almal wat in Jesus Christus glo, SAL DIE DOOD OORWIN! (1 Kor.. 15:54,55). DIE DUIWEL HET NIE MEER DAARIE MAG OOR DIE DOOD EN DODERYK NIE, maar Jesus Christus het... (Openb. 1:18 - "en die lewende; en Ek was dood en kyk, Ek  leef tot in alle ewigheid. Amen. En Ek (Jesus Christus) het die sleutels van die doderyk en van die dood"). 

Die weergeborene het oorwinning oor die dood, want wanneer Jesus terugkom sal Hy die wat in Hom gesterwe het opwek uit die dood (hulle sal nuwe liggame kry) - wat die doderyk aanbetref het Jesus hulle losgekoop (die doderyk kan hulle nie gevange hou nie)(1 Kor. 15:54,55. Alhoewel die duiwel mense kan doodmaak, natuurlik slegs as God hom toelaat, het hy nie die mag om geestelike mense in die doderyk te hou of onder oordeel te laat kom nie. Jesus Christus het die mag en sal besluit wie losgekoop word, en wie nie;  wie opgewek word tot lewe, en wie nie (Joh. 5:29).  Die duiwel word wel die "god van hierdie wereld" genoem omdat mense hom mag oor hulle lewens gee en baie mense hom gehoorsaam, maar uiteindelik sal hy nie meer toegelaat word om dit te doen nie.  Dit sal gebeur wanneer Jesus Christus terugkom... - dan sal die duiwel gebind word vir 'n 1000 jaar sodat hy nie instaat is om die mens te verlei nie.  Tereg, in die volgende bedeling sal almal vir Jesus Christus aanbid en Hom gehoorsaam!, en dus sal Hy ook die God (van hierdie wereld) wees. Alles sal Jesus Christus se eiendom wees en die duiwel sal nie meer die mens kan aankla nie (Openb. 12:10 - "Toe hoor ek ‘n groot stem in die hemel sê: Nou het die heil en die krag en die koningskap die eiendom van onse God geword, en die mag van sy Christus; want die aanklaer van ons broeders is neergewerp, hy wat hulle aanklaag voor onse God, dag en nag"). Huidiglik is die duiwel nog instaat om die mens aan te kla en te probeer verwoes, maar in die volgende bedeling sal hy nie toegelaat word om dit te doen nie (behalwe aan die einde van daardie bedeling).

-----------------------------------------------------------------------------------------------------------------------------