Goddelose mense

In hierdie pos kyk ons na waarna presies die begrip "goddelose mense" verwys.

-----------------------------------------------------------------------------------------------------------------------------Goddelose mense word tipies as "slegte mense" bestempel (Job 16:11; Matt. 13:49), of "onregverdig" (Gen. 18:23), en word o.a. na verwys as "vyande van die Here" (Est. 9:24,25; Nah. 1:2) ."Goddeloos" beteken basies BOOS. Die Skrif leer dat GODDELOSE MENSE se weg sal vergaan... - hulle sal uitgeroei word van die aarde... (Ps. 1:6; 37:34; Jud. 1:15; Sef. 1:3).  Ons sien dat die Here hierdie alreeds een keer gedoen het in die verlede, nl. met die sondvloed (2 Pet. 2:5; 3:6), en Hy gaan dit weer doen!, maar volgende keer nie deur 'n vloed nie maar deur vuur (2 Pet. 3:7 - "Maar die teenswoordige hemele en die aarde is deur dieselfde woord as ‘n skat weggelê en word vir die vuur bewaar teen die dag van die oordeel en die verderf van die goddelose mense")(Job 36:6;Ps. 9:6)(hulle sal soos kaf in die wind verstrooi word/Ps. 1:4). Die Here het ook al spesifieke plekke op aarde in die verlede verwoes a.g.v. die goddeloosheid daar..., bv. Sodom en Gomorra (Gen. 18:20-33; Gen. 19:13) - hulle sonde was so swaar dat daar nie eens 10 regverdiges gevind kon word nie (Gen. 19:24). Nog 'n voorbeeld was sekeres onder die volk Israel, nl. Korag, Datan en Abiram wat saam met hulle families uitgedelg was... (hulle was murmureerders wat nie hulle lot wou aanvaar nie). 

Die Skrif leer dat ONREGVERDIGE MENSE nie die Koninkryk sal beerwe nie (2 Pet. 2:9; 1 Kor. 6:8-10). Daar is mense wat onder die kinders van die Koninkryk beweeg wat voorgee dat hulle regverdig is, maar wat goddeloos/boos is en nie die Koninkryk sal beerwe nie - nie almal onder die kinders van die Koninkryk is goed en regverdig nie. Dit beteken nie dat ons nou lings en regs mense uit die kerk uit kan gooi wat so optree nie, maar eerder het Jesus baie spesifiek geleer hoe ons diesulkes moet hanteer. Wanneer Hy terugkom sal Hy die onkruid van die koring skei, asook sal die kaf verwyder word...

-----------------------------------------------------------------------------------------------------------------------------Kom ons kyk na voorbeelde in die Skrif om die woord beter te verstaan:

- BOOS, ONGEREGTIG, DIE WAT VERKEERD DOEN: vb., kyk die woorde van Dawid aan Saul...: (1Sa 24:12-14 - "En kyk, my vader, ja, kyk die slip van u mantel in my hand! Want toe ek die slip van u mantel afgesny het, het ek u nie gedood nie. Erken en sien dat daar by my geen kwaad of oortreding is en ek nie teen u gesondig het nie, alhoewel u op my lewe loer om dit weg te neem. Die HERE sal oordeel tussen my en u, en die HERE sal my aan u wreek; maar my hand sal teen u nie wees nie. Soos die spreekwoord van die voorvaders sê: Uit die goddelose (Hebr. woord "reh'-shah" van verwys na "verkeerd" - ongeregtigheid, boos(heid)) gaan goddeloosheid (Hebr. woord " raw-shaw' ", wat verwys na moreel verkeerd... - 'n slegte persoon: veroordeel, skuldig, goddeloos, boos, doen verkeerd) uit. Maar my hand sal nie teen u wees nie.

- WEDERSTREWIG, EIESINNIG (die wat rebelleer en ongeshoorsaam is; die wat liewer in hulleself of in iemand anders glo): Koning Saul was deur die Here aangestel as koning, maar hy was nie gehoorsaam aan die Here nie, en nadat Dawid gesalf is het hy gedurig probeer om Dawid se lewe te neem. Dawid noem Saul in hierdie gedeelte "GODDELOOS" - koning Saul was nou gesien as 'n vyand van God, en dus van Sy diensknegte! (Est. 9:24,25; Nah. 1:2). Koning Saul was tipies een van daardie kinders vd Koninkryk wat nie die Here as bron gebruik nie, maar homself! Dit het hy vir baie jare gedoen - alhoewel hy tog die Here geraadpleeg het, het hy nie gedoen wat die Here hom opdrag gee om te doen nie. Dit het op die ou tot gevolg gehad dat die Here nie eers meer vir hom wou antwoord nie..., en koning Saul sondig toe nog verder en gaan raadpleeg die bose (1 Sam. 15:23). Hierdie is baiemaal die pad wat "goddeloses" stap!, want alhoewel hulle met die Here begin, glo hulle nie in Sy leiding nie (bv., hulle glo nie dat Hy beter weet nie, maar volg hulle of iemand anders se kop - al weet hulle wat die Here wil he). Koning Saul was o.a. genoem WEDERSTREWIG en EIESINNING (1 Sam. 15:23). In Eks. 23:21, waar die woord wederstrewig gebruik word, beteken dit in die Hebr. dat so iemand die ander bedroef maak - 'n goeie vb. is hoe Korag en sy bende teenoor Moses en Aaron opgetree het... - mense wat wederstrewig is teen die Here maak Hom bedroef - Christene word o.a. in Ef. 4:30 gevra om nie die Heilige Gees te bedroef nie, en in konteks gaan dit oor die wat verkeerd doen (die wat nie die ou mens afle nie) en op hierdie manier die Heilige Gees bedroef. In Num. 2:24 beskryf  die woord "wederstrewiges" mense wat rebelleer en ongehoorsaam is - duidelik wys dit dat hulle nie glo nie!, want wanneer jy iemand vertrou, rebelleer jy nie teen sy wil en woord nie... Goddelose mense gee voor, want hulle raadpleeg die Here maar luister nie -  hulle glo/vertrou nie regtig nie.  Eiesinnigheid word bv. weer op beurt vgl. met afgodery en beeldediens (1 Sam. 15:23), want dit is soos om iemand anders (as die Here) te dien - wanneer iemand eiesinnig is, dan vertrou hy liewer in sy eie opinie of iemand anders se opinie, nie die Here nie. Hy mag miskien die Here raadpleeg het selfs 'n antwoord kry, maar hy gebruik dan nie die Here as bron nie... - luister nie na Hom nie! (maar volg liewer sy eie kop - soos koning Saul gedoen het);  en as die Here ophou om hom te antwoord wanneer hy Hom raadpleeg (omdat hy gedurig ongehoorsaam is), dan begin soek hy antwoorde by die bose (soos koning Saul gedoen het). 

- GEBRUIK 'N ANDER BRON: Dit is waarom die valse profete ook onder die goddeloses getel word.., want alhoewel hulle nie skape is nie, gee voor dat hulle van die Here hoor maar gebruik 'n ander bron. Hulle is "slegte mense" wat "slegte vrug" dra, en is soos gif in die kerk (Jesus het o.a. "addergeslag" genoem/Matt. 12:34; 15:18 (wolwe). Valse profete PRAAT VERKEERDE DINGE (Hand. 20:29). Jesus het hierdie mense o.a. beskryf as "met dorings en distels" (Matt. 7:16) - wat daarop wys dat hulle nie die Here eerste soek nie, maar eerder die sorge en rykdom en begeerlikhede en genietinge vd lewe (sommige skape, soos koning Saul) dra ook dorings en distels... (kyk 3de groep in die gelykenis vd saaier, asook die boek van Judas) (wat enige goeie vrug verstik). GODDELOSE MENSE kan dus tipies beskryf word as mense wat 'n ander bron gebruik, en bv. REBELLEER en ONGEHOORSAAM AAN DIE HERE - hulle volg hulle eie kop of ander mense of gebruik die bose as bron. 

-  ONREGVERDIGES / WELLUSTELINGE en SODOMIETE: Die mense van Sodom was na verwys as "goddelose mense"..., - en in konteks is "goddeloses" beskryf as ONREGVERDIGES (Gen. 18:23)(Mal. 3:18). Die mense van Sodom en Gomorra se "sonde was baie swaar" (Gen. 18:20), en dit is duidelik dat baie mense oor hulle gekla het by God en die geroep het by God uitgekom (Gen. 18:21; 4:10). Hulle is die teenoorgestelde van regverdig;  dus onwettig, onbedagsaam en hulle tonge spreek wat verkeerd is (Spr. 10:11; 13:5).Vgl. dit met 1 Kor. 6:1-9, waarin die opmerking gemaak word dat onregverdiges nie die Koninkryk sal beerwe nie, en in die gedeelte word onregverdiges beskryf as die wat onreg doen aan broeders en hulle beroof... (1 Kor. 6:8-10 - "Maar julle doen onreg en pleeg roof, en dit aan broeders. Of weet julle nie dat die onregverdiges die koninkryk van God nie sal beërwe nie? Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie"). Onregverdiges word gesien as die onder die kinders van die Koninkryk wat onbarmhartig is, nie volgens die Here se wil lewe nie, en spreek wat verkeerd is.

-  MURMUREERDERS en KWAADSPREKERS: Nog 'n voorbeeld van "goddelose mense" is die van Korag, Datan en Abíram (Nu. 16:26)- hulle het teen Moses en Aäron opgestaan saam met 250 man uit die kinders van Israel en Moses en Aäron beskuldig dat hulle hul bo die ander verhef - hierdie mense het die priestersamp begeer, maar dit was nie aan hulle gegee nie, maar aan Aaron (Num. 16:2,3,10,11). Hulle was MURMUREERDERS wat nie hulle lot wou aanvaar nie... - baie mense was ingetrek hierby "ter wille vd voordeel wat hierdie goddeloses daaruit kon kry (en het o.a. vir Moses aangekla oor hy hulle in die woestyn ingebring het, en het gese dat hy oor hulle wil baasspeel-v.13,14;  hulle wou liewer die base wees! en besluit hoe dinge moet gebeur - Moses was anders, want vir hom het dit gegaan oor hoe die Here wil he dinge moet gebeur). Die gevolg was dat die aarde onder Datan en Abíram en hulle families oopgeskeur het en hulle het almal lewendig na die doderyk neergedaal, en die 250 manne wat vir hulle reukwerk gebring het is met vuur verteer (Num. 16:35). Hierdie mense was "goddelose mense" - in hierdie konteks verwys goddelose mense na murmureerders wat oor hulle lot kla en nie die Here se wil soek nie, maar hulle eie wil (vgl. met Jud 1:14-16  - "En Henog, die sewende van Adam af, het ook teen hulle geprofeteer en gesê: Kyk, die Here het gekom met sy heilige tien duisendtalle, om gerig te hou oor almal en al die goddelose mense onder hulle te straf oor al hulle goddelose werke wat hulle goddelooslik gedoen het, en oor al die harde woorde wat die goddelose sondaars teen Hom gespreek het. Hulle is murmureerders wat oor hul lot klae, en volgens hulle begeerlikhede wandel; en hulle mond spreek trotse woorde, terwyl hulle mense vlei ter wille van voordeel"). 

-  TEESTANDERS en VYANDE VAN GOD: 'n Vyand is iemand wat jou haat, en hulle word o.a. "moordenaars" genoem in die Skrif (1 Joh. 3:15) - nie dat hulle noodwendig iemand doodmaak nie, maar hulle optrede en woorde kan daarop uit wees... - jou vyand se doel is om jou tot 'n val te bring. 'n Goeie voorbeeld is in Ester 9:25 - Haman het 'n goddelose (bose) plan gehad om die Jode uit te roei (Est. 9:24) - hy word o.a. daar 'n  "teëstander van die Jode" genoem (vgl. met Job 27:7 - teestander is 'n kwaaddoener)(vyand). Hierdie is een van die kenmerke van goddelose, is dat hulle die Here haat en die wat die Here dien, ook haat...;  m.a.w., hulle is soos VYANDE van God en die regverdiges (Ps. 11:2; 17:9)((Psa 37:12,32)  Sajin. Die goddelose bedink listige planne teen die regverdige en kners met sy tande teen hom (Psa 37:14 - "Get. Die goddelose het die swaard getrek en hulle boog gespan om die ellendige en behoeftige te laat val, om dié te slag wat opreg is van weg"). Die tipiese gesindheid van 'n vyand is HAAT (Ps. 25:19), wat beteken dat hy die slegte vir jou toewens... (dit is die teenoorgestelde van "seen") - die vyand verheug hom bv. daaroor as die regverdige struikel, val of ly (maar die regverdige se gesindheid is anders.../Spr. 24:17; 25:21; Matt. 5:43,44). "Vyande" (teestanders) is onbarmhartig en hulle doel is om die regverdige te vernietig (Ps. 69:5). In verskeie Skrifte sien ons dat die Here altyd wraak uitoefen op Sy vyande - die Here is toornig op Sy vyande..., en roei hulle gewoonlik uiteindelik uit! (Nah. 1:2). So het Hy gedoen in die Sondvloed, so het Hy gedoen met Sodom en Gomorra, en so sal Hy ook doen wanneer Jesus Christus terugkom, en sal Hy ook doen aan die einde van die "volgende 1000-jaar bedeling". Hierdie feit dat die Here wraak uitoefen op Sy vyande, word gewoonlik o.a. beskryf deur die woord "toorn" - wanneer die Here se toorn teen mense ontvlam, is Hy kwaad, en dit eindig gewoonlik daarin op dat daar persone uitgedelg word vd aarde/vernietig word! - die "vervloektes" - Ps. 69:5; Deut. 6:15; Jos. 23:16; 2 Sam. 6:7; 2 Kron. 24:18; Job 4:9; Ps. 37:17,20,34,38; 75:11; 145:20; Spr. 10:30; 11:7; Jer. 25:31; Sef. 1:3; Mal. 4:3; Jud. 1:15)(Psa 11:5 - "Die HERE toets die regverdige; maar sy siel haat die goddelose en die wat geweld liefhet"). Maar l.w. dat die wraak behoort aan die Here - ons mag nie self wraak neem nie! Alhoewel jy miskien onregverdig behandel is deur goddelose mense, verwag die Here van jou om dit te verdra en Hy sal jou help (Spr. 12:21; 11:31; Ps. 34:16; 37:39; 1 Pet. 3:12; Matt. 5:44,45; Ps. 33:22; 37:40; 97:10; Spr. 3:33; 10:3)(https://warechristene.blogspot.com/2022/08/oog-vir-oog-tand-vir-tand.html). Hierdie mense kan baiemaal uitgeken word aan sekere kenmerke, bv. dat hulle jou haat, maar wees versigtig want Jesus het geleer dat ons ons vyande moet liefhe... (Luk 6:27 - "Maar Ek sê vir julle wat luister: Julle moet jul vyande liefhê en goed doen aan die wat vir julle haat"). Alhoewel jy moet pasop vir hulle (en pasop vir hulle woorde), word daar van jou verwag om nie dieselfde kwaad aan hulle te doen wat hulle aan jou doen nie - hulle gaan probeer om jou te laat "val", maar moenie die kwaad toereken en verbitterd word nie - wys liewer liefde (lankmoedig, vriendelik, soek nie eie belang nie, ens.).

-  WERDERSTREWIGES, EIESINNIGES en AFGODEDIENAARS: In 2 Kron. 19:2 word Agab, die koning van Israel, en sy mense "goddelose" genoem - Agab het valse profete geraadpleeg omdat hulle vir hom profeteer wat hy graag wil hoor, en 'n probleem gehad met Miga, 'n profeet van die Here, en selfs verklaar dat hy vir Miga haat... (1 Kron. 18:7). Die koning van Juda het hulle gaan help in oorlog..., en toe hy terugkom is dit wat die profeet Jehu hom meedeel: "het die siener Jehu, die seun van Hanáni, uitgegaan hom tegemoet, en aan koning Jósafat gesê: Moet ‘n mens die goddelose help, en het u lief die wat die HERE haat? Daarom kom daar nou ‘n toorn op u van die HERE" (2 Kron. 19:2). Uit hierdie stelling kan ons aflei dat Agab die Here gehaat het... Dit is iets wat ons hier leer vd "goddelose" is dat hulle die Here en Sy diensknegte haat (vir die goddelose gaan dit nie oor die wil van die Here nie, maar wat hulleself wil...). Hierdie mense is wederstrewig en eiesinnig, en het daarom 'n probleem met wat die Here wil - koning Saul was 'n goeie voorbeeld hiervan, en is immers deur Dawid goddeloos genoem in 2 Sam. 24:14. Koning Saul het goed geweet wat die Here wil, maar het bly doen wat hyself dink is reg;  en toe die Here ophou om hom antwoorde te gee (weens sy wederstrewigheid), toe gaan soek hy raad by ander bronne. Hierdie is baiemaal die pad wat goddoloses stap!, is dat hulle gaan raad soek by ander bronne (Jud. 1:4)(soos ook die vb. hierbo van Agab wat liewer die valse profete geraadpleeg het as die een profeet wat opreg die woord van die Here geprofeteer het.

-  DIEWE, ROWERS en GIERIGAARDS: In 2 Kron. 24:7 is die "goddeloses" na wie daar verwys word 'n vrou en haar seuns wat in die huis van God ingebreek het en selfs al die heilige gawes van die huis van die HERE vir die Baäls gebruik het... - in hierdie geval DIEWE, en mense wat die Here verloen het. Goddelose mense word baiemaal beskrywe as diewe..., kyk bv. (Psa 37:21 - "Lamed. Die goddelose leen en gee nie terug nie, maar die regverdige ontferm hom en gee"). M.a.w., diewe val ook onder die groep "goddeloses" - dit beteken nie noodwendig dat alle goddeloses diewe is nie, maar diewe sal onder die "goddeloses" gereken word (en sal dus nie die Koninkryk beerwe nie/1 Kor. 6:10). 

- TROTSES, wat die ellendige vervolg - hulle dink listige planne uit (Ps. 10:2).

- VERAG DIE HERE, juig oor die begeerte van sy siel en seen die wat onregverdige wins maak (Ps. 10:3),verhard hulle harte - weier om na die Here se woorde te luister, en loop agter gode aan (Jer. 13:10).  Hulle VERANDER DIE GENADE IN ONGEBONDENHEID (lewe volgens eie begeertes - draai weg van die Here), en VERLOëN DIE HERE (Jud. 1:4). (Jud_1:18  dat hulle vir julle gesê het: In die laaste tyd sal daar SPOTTERS wees wat volgens hul eie goddelose begeerlikhede wandel).

- SOEK EIE WIL en HET GEEN VREES VIR DIE HERE NIE, soek nie na die Here nie en die Here is nie in hulle gedagtes nie (Ps. 10:4)(Ps. 36:2). 

- HOOGMOEDIG, vehoog hullself - is goed in hulle eie oë, en haat die Here se weë (Ps. 35:3)   (Ps. 10:5,6)(Ps. 17:10). 

- PRAAT VERKEERDE DINGE - vloek, bedrog, verdrukking, boos, vals (Ps. 10:7).  

- GEWELDENAARS, MOORDENAARS, VANG PROOI, ONREGVERDIGE WINS - maak die onskuldige dood, en hou soos 'n leeu die ongelukkige/ellendige/arme/nederige dop om hulle te vang/verskeur (verneder hullself om mense te mislei)(Ps. 10:8-10)(Ps. 17:9,11,12; 71:4), neem omkoopgeskenke aan om die paaie van die reg te buig (Spr. 17:23)(Spr. 28:15,16 - "‘n Leeu wat brom, en ‘n beer wat hongerig is, so is ‘n goddelose wat oor ‘n arm volk heers. ‘n Vors wat gebrek aan verstand het, is wel ryk aan afpersinge, maar die wat onregverdige wins haat, sal die dae verleng"). Dit is deur die hande van goddelose mense wat Jesus gekruisig is (Hand. 2:23).

- IS VERLEIERS, EN WORD VERLEI (2 Tim. 3:13).

- MISLEI HULLSELF, glo dat God nie sien wat hulle doen nie (Ps. 10:11); VALS, mond spreek onreg en bedrog - laat na om verstandig te wees en goed te doen (Ps. 36:4), bedink en doen onreg en dit wat nie goed is nie, en staan saam met dit wat sleg is (Psa 36:5; 71:4).

- BEGEER RYKDOM (Ps. 73:12).

-----------------------------------------------------------------------------------------------------------------------------

Goddelose mense verander nie noodwendig omdat jy aan hulle genade bewys nie:

Jy mag dalk vergewensgesind wees, maar daar is sekere mense wat nie sal verander bloot omdat jy hulle vergewe het nie!, en hierdie mense verwys spesifiek na die GODDELOSES... (Jes. 26:10 - "Word aan die goddelose genade bewys, dan leer hy geen geregtigheid nie; wat onreg is, doen hy in ‘n land van reg, en hy sien die hoogheid van die HERE nie");  inteendeel, jou onvoorwaardelike vergifnis kan veroorsaak dat hulle nie tot bekering kom nie!  Goddelose mense is besig met "SONDE TOT DIE DOOD" (Rom. 6:16; Jak. 1:15). Dit word wel van jou verwag om hierdie mense "lief te he" en geduldig selfs lyding onder hulle te ervaar, maar dit beteken nie dat jy iemand moet vergewe wat nie bely en berou het nie... Die Skrif leer selfs dat ons nie vir broeders moet bid wat besig is met sonde tot die dood nie... (1 Jn_5:16 - "As iemand sy broeder ‘n sonde sien doen wat nie tot die dood is nie, moet hy bid, en Hy sal hom die lewe gee—vir die wat nie ‘n sonde tot die dood doen nie. Daar is ‘n sonde tot die dood; daarvoor sê ek nie dat hy moet bid nie. Alle ongeregtigheid is sonde, en daar is ‘n sonde wat nie tot die dood is nie") - nie dat dit bedoel ons moet onbarmhartig wees nie, maar wat dit beteken is dat selfs al vergewe jy die persoon deur daarvoor in gebed te vra, sal hy nie deur die Here vergewe word solank hy nie die sonde afle nie! Daar is altyd 'n voorwaarde vir vergifnis, en dit is dat jy bely en berou het. As jou broeder 70 x 7 keer bely en berou het, moet jy hom vergewe, maar dit help nie jy vergewe iemand onvoorwaardelik nie. 

Wat is die uiteinde van die een wat in sonde tot die dood stap? 

Sonde tot die dood is gevaarlik, en jou plig is eerder om daardie persoon te help om tot inkeer te kom, want "sonde tot die dood" verwys na sonde wat tot die dood lei... Die Skrif leer dat GODDELOSE MENSE se weg sal vergaan...  (Jak. 1:15 - "Daarna, as die begeerlikheid ontvang het, baar dit sonde; en as die sonde tot volle ontwikkeling gekom het, bring dit die dood voort") - hulle sal uitgeroei word van die aarde (Ps. 1:6; 37:34; Jud. 1:15; Sef. 1:3). Deur iemand onvoorwaardelik te vergewe gaan nie stop dat dit met hom gebeur nie. Liefde is nie onvoorwaardelike vergifnis nie, maar eerder waarskuwing sodat die persoon 'n kans kry om reg te maak. Goddelose mense is gewoonlik hard van hart, maar die feit dat jy lydsaamheid het en vriendelik is en nie verbitterd word nie... (nl. liefde wys), beteken nie dat jy moet stilbly oor die waarheid nie. Natuurlik is reg reg, en verkeerd is verkeerd... Daar is beslis 'n wet nodig in die kerk vir mense wat GODDELOOS en sondig is (en die onheiliges en ongewydes, moordenaars/haters, ens...)(1 Tim. 1:9)(in ander woorde, die "wettelose en tugtelose mense"). (Spr. 15:10 - "‘n Strenge tugtiging is daar vir hom wat die pad verlaat; hy wat die teregwysing haat, sal sterwe"). Pasop om 'n goddelose (wat nie bekeer) regverdig te verklaar!, en in die proses die regverdige skuldig te maak, want die Skrif leer dat jy ook self op hierdie manier kan opeindig as 'n gruwel... (Spr. 17:15). Slegte mense staan op vir mekaar, maar as jy wat goed is dit doen, dan kan jy onder die slegtes getel word (Spr. 28:4,5 - "Die wat die wet verlaat, hulle prys die goddelose; maar die wat die wet onderhou, word vererg oor hulle. Slegte mense verstaan die reg nie, maar die wat die HERE soek, verstaan alles").

As die Here jou opdrag gee om die goddelose te waarsku en jy dit nie doen nie, kan jyself skuldig opeindig ( Eseg. 3:18,19 - "As Ek aan die goddelose sê: Jy sal sekerlik sterwe—en jy waarsku hom nie en spreek nie om die goddelose vir sy goddelose weg te waarsku om hom in die lewe te hou nie, dan sal hy, die goddelose, deur sy ongeregtigheid sterwe; maar sy bloed sal Ek van jou hand eis. Maar as jy die goddelose waarsku, en hy hom nie van sy goddeloosheid en van sy goddelose weg bekeer nie, dan sal hy deur sy ongeregtigheid sterwe; maar jy het jou siel gered"). DUS, TERWYL DIT VAN ONS VERWAG WORD OM ONS VYANDE LIEF TE HE, MOET ONS NIE DINK DIT BETEKEN "ONVOORWAARDELIKE VERGIFNIS" NIE.

GODDELOSE MENSE (net soos die sondaars, onheiliges, ongewydes, moordenaars,...) neem nie tugtiging aan nie, en word dus nie net beskryf as WETTELOOS nie, maar is ook "TUGTELOSE MENSE" (mense wat ONGEHOORSAAM is aan die Here, en nie na tugtiging luister nie). Die waarheid is dat hulle gewoonlik nie sal ag gee op die waarheid nie;  maar daar is 'n kans vir die onregverdige, sou daar ten minste van hom verwag word om die Here te gehoorsaam (Jes. 26:10; Rom. 6:16). DIT IS MOONTLIK VIR 'n GODDELOSE BROEDER OM TOT BEKERING TE KOM, EN IS TERLOOPS BELANGRIK SODAT HY DIE LEWE OES (Eseg. 18:21,22 - "Maar as die goddelose hom bekeer van al sy sondes wat hy gedoen het, en al my insettinge onderhou en reg en geregtigheid doen, sal hy sekerlik lewe, hy sal nie sterwe nie. Al sy oortredinge wat hy begaan het, sal hom nie toegereken word nie; deur sy geregtigheid wat hy gedoen het, sal hy lewe").

-----------------------------------------------------------------------------------------------------------------------------

DIE OFFER EN WANDEL VD GODDELOSE IS VIR DIE HERE 'N GRUWEL:

Gruwels is soos geestelike hoerery, bv. afgodsaanbidding. Goddelose mense se wandel en offers word deur die Here gesien soos afgodsaanbidding. 

- (Spr. 15:8)  Die offer van die goddelose is vir die HERE ‘n gruwel, maar die gebed van die opregtes is Hom welgevallig.

- (Spr. 15:9)  Die wandel van die goddelose is vir die HERE ‘n gruwel, maar hom wat geregtigheid najaag, het Hy lief.

- (Spr. 21:27)  Die offer van die goddelose is ‘n gruwel; hoeveel te meer as hulle dit met skandelike bedoeling bring.

Die woord "gruwel" word gewoonlik gebruik in die konteks van afgodsaanbidding (Deut. 32:16; 2 Kon. 21:11; 2 Kron. 33:7; Jer. 7:6,9; Jer. 16:18,11 Kon. 14:23; 2 Kon. 16:4; 2 Kon. 21:1-7), sondes wat bloedskuld veroorsaak (Jer.7:6,9; Lev. 18:6-24), en die wat die bose raadpleeg (Lev. 8:3-26; Deut. 18:11,12; 2 Kon. 16:13; Esra 9:1). Hierdie is die dinge waarmee die goddelose hulle baiemaal besig hou.  

- (Spr. 17:15) "Hy wat die goddelose regverdig verklaar en die regverdige skuldig verklaar, hulle altwee is vir die HERE ‘n gruwel". Somtyds reken mense dat die manier om 'n onregverdige te wen is om saam met hom te staan, maar waar dit gebeur en die regverdige dus in die proses die skuldige verklaar word, sal jy ook vir die Here 'n gruwel wees!

DIE OPREGTE SE WANDEL IS VIR DIE GODDELOSE 'N GRUWEL, en andersom...:

Wat iemand sien as 'n gruwel, wys watter kant hy voor staan. Duidelik staan die goddelose nie aan dieselfde kant as die regverdiges nie, maar hulle dien hulleself of die bose - en dit is sigbaar! (Spr. 29:2 - "‘n Man van onreg is vir die regverdiges ‘n gruwel, en vir die goddelose is die opregte van wandel ‘n gruwel").

-----------------------------------------------------------------------------------------------------------------------------

AS DIE GODDELOSE DIE MAAT VOLGEMAAK HET...:

Die Skrif leer dat aan die einde van dae sal die goddeloosheid oorneem en dit sal dit moontlik maak vir 'n spesifieke koning wat sal optree... (een hard van aangesig, wat listige streke verstaan). Vir 'n studie oor "as die goddelose die maat volgemaak het", gaan na: https://eindtydonderwerpe.blogspot.com/2017/08/die-maat-van-sondes-wat-vol-word.html.

- (Dan 8:23)  Maar aan die einde van hulle heerskappy, as die goddelose die maat volgemaak het, sal ‘n koning optree, hard van aangesig en wat listige streke verstaan.

- (Dan 12:10)  Baie sal gereinig en gesuiwer en gelouter word, maar die goddelose sal goddeloos handel; en geeneen van die goddelose mense sal verstaan nie, maar die verstandiges sal verstaan.

KOM ONS KYK NA 'N PAAR DINGE WAT DIE SKRIF LEER OOR HOE DIE SONDE SAL VOL WORD, EN KYK GERUS HOEVEEL HIERVAN WORD OP ANDER PLEKKE IN DIE SKRIF GESE VAN DIE GODDELOSE:

-  daar sal mense wees wat spot oor die wederkoms van die Here Jesus en moedswillig nie ag gee op die waarheid nie, maar stap volgens eie begeerlikhede (2 Pet. 3:3);
-  daar sal sedelose mense wees wat dwaalleringe verkondig (2 Pet. 2:7; 3:17);
-  daar sal valse christusse wees wat mense probeer verlei om agter 'n valse messias aan te gaan (Matt. 24:24; Mark. 13:22);
-  dit sal wees soos in die dae van Noag, en soos in die dae van Lot (sal meer besig wees met die lewe as met die Here (Luk. 17:28; Matt. 24:37,38; Luk. 17:26);
- sommige sal Christene probeer mislei deur voor te gee asof die dag van Christus al daar is, maar die wederkoms sal nie plaasvind voor die afval en voor die seun van verderf openbaar word nie (2 Thess. 2:2);
-  in daardie tyd sal hulle sê "vrede en veiligheid" - mense sal hulle hoop plaas in wêreldse vrede en veiligheid (1 Thess. 5:3);
-  swaar tye:  -mense sal liefhebbers wees van hulleself, geldgieriges, grootpraters, trotsaards, lasteraars, ongehoorsaam aan hulle ouers, ondankbaar, onheilig, sonder natuurlike liefde, onversoenlik, kwaadsprekers, bandeloos, wreed, sonder liefde vir die goeie, verraaiers, roekeloos, verwaand, meer liefhebbers van genot as liefhebbers van God, mense wat 'n gedaante het van godsaligheid maar die krag daarvan verloen het (2 Tim. 3:1);
-  mense sal deur allerhande begeerlikhede gedryf word - "die wat altyd leer en nooit tot kennis van die waarheid kom nie" - hulle sal die waarheid teestaan;  verdorwe in die verstand en onbetroubaar ten opsigte van die geloof (2 Tim. 3:1-7);
- GODDELOSE MENSE en bedrieers - hulle sal voortgaan van kwaad tot erger, hulle wat verlei en verlei word (2 Tim. 3:13);
-  sal weet om goed te doen, maar dit nie doen nie! (Rom. 1:32);
-  sal skatte vergader;  rykdom en besittings sal belangrik wees (Jak. 5:3);
-  sal weelderig en losbandig lewe (2 Pet. 2:13; Jak. 5:5; Openb. 18:7,9);
-  valse profete en valse leraars wat verderflike ketterye invoer en die Here verloen (2 Pet. 2:1);
- baie mense sal die valse profete en valse leraars se verderflikhede navolg en a.g.daarvan sal die weg van die waarheid gelaster word (2 Pet. 2:2);
-  uit hebsug sal die valse profete en valse leraars baie voordeel uit gelowiges trek met gebruik van verdigte woorde (2 Pet. 2:3). 

-----------------------------------------------------------------------------------------------------------------------------Watter ander groepe mense in die Skrif val onder "goddelose mense":

Goddelose mense verwys nie noodwendig na heidene nie, maar verwys ook na mense in die koninkryk van God wat soos heidene lewe. Daar is bv. 'n konneksie tussen goddelose mense en sekere ander groepe in die kerk - bestudeer die terme "onkruid", "struikelblokke" en "kaf". 

Daar word bv. na "onkruid" in Matt. 13:41 verwys as STRUIKELBLOKKE en die wat die ongeregtigheid doen...; en in Jud. 1:4 word daar na STRUIKELBLOKKE verwys as GODDELOSES...; . en Job 21:17,18 en Ps. 1:4 leer dat goddelose soos KAF sal wees wat in die wind verstrooi word... Alhoewel elkeen van hierdie groepe (onkruid, struikelblokke en kaf) verwys na verskillende groepe mense, wil dit voorkom of hulle almal onder die term "GODDELOSES" getel word (en sal dus VERVLOEK word as hulle hul nie bekeer nie). Nie almal wat onder die kinders van die Koninkryk beweeg is gered nie! (bv. die struikelblokke, wat o.a. verwys na "ingesluiptes" soos valse broeders)(en onkruid, wat lyk soos koring maar nie is nie - hulle is kinders vd bose). 

  

Die waarheid is dat onder die kinders vd Koninkryk beweeg mense wat lyk soos "koring", maar nie koring is nie (onkruid - is eintlik kinders van die bose, en is daar gesaai om die broeders te verlei) (vgl. met "ingesluiptes"). Daar is ook sommige wat wel koring is, maar afgeval het! (vrugteloos/kaf), en dan is daar die "struikelblokke" (wat o.a. kan verwys na "ingesluiptes", maar ook valse profete/wolwe en valse broeders).

Hierdie mense gaan eendag onder die GODDELOSES getel word:

=  onkruid (kinders vd bose wat onder die kinders vd Koninkryk gesaai is)(die wat lyk soos koring, maar nie is nie!/Matt. 13:25 - is "kinders vd bose"/Matt. 13:38 ),

=  kaf, as hulle hul nie bekeer nie (gereddes wat afgeval het - "vrugteloos", of wie hulle vrug verloor het - hierdie mense kan eendag onder die goddeloses getel word as hulle hul nie bekeer nie)(die wat nie die vrugte dra wat by die bekering pas nie/Matt. 3:8)(vgl. met die tweede en derde groep in die gelykenis vd saaier = afvalliges, die wat nie wortel het nie en dus geen vrug dra nie, of die wat vrugteloos word a.g.v. spesifieke dinge/Matt. 13:20-22 - kan miskien ook vgl. word met bokke of onbarmhartiges/Matt. 25:31-46; en die nuttelose dienskneg/Matt. 25:14-30; en die dwase/Matt. 25:1-13).

=  struikelblokke (o.a. ingesluiptes/Jud. 1:4)(verleiers wat insluip onder die kinders vd Koninkryk, bv. valse broeders of valse profete).

-----------------------------------------------------------------------------------------------------------------------------

Waaksaam

 

In hierdie pos kyk ons na die begrip "waak" in die Skrif - bv. in watter konteks die woorde "om te waak" of "om "waaksaam" te wees gebruik word in die Skrif. Kinders vd Koninkryk word o.a. aangemoedig om "wakker te wees" (want as jy slaap kan jy nie waak nie...).  In hierdie pos kyk ons dus ook in op ander begrippe wat pas by hierdie tema, bv. "wakker" of "slaap", "nugter" of "dronk".

----------------------------------------------------------------------------------------------------------------------------Opsomming:

"Waak" gaan oor om wag te hou - waar daar nie gewaak word nie kan die vyand inbreek, of iemand kan onverwags betrap word.  Hierdie soort beeldspraak was baie deur Jesus gebruik om te verduidelik hoe kinders vd Koninkryk onverhoeds betrap sal word met die Wederkoms as hulle nie waak nie..., of hoe die vyand in die kerk onder die kinders vd Koninkryk kan insluip as hulle slaap.

Die wat nie waak nie verwys na kinders van die Koninkryk wat "slaap" (hulle "sien" nie, en hulle "hoor" nie..., want hulle slaap) of "dronk" is (die wie se sinne bedorwe is, bv. die eiesinniges wat dronk is van wereldse wysheid, of die wat dronk is van sonde en afgode). Wanneer iemand slaap sien en hoor hy nie... - op dieselfde wyse is die wat geestelik slaap soos mense wat nie sien en hoor nie Hulle hoor bv. die waarheid maar kies om nie te luister nie, of word gewys maar kies om nie te "sien" nie. Somtyds sit die Here iemand geestelik in 'n "diep slaap" sodat hy glad nie meer hoor en sien nie! - hy word m.a.w. oorgegee aan sy eie begeertes; die gevolg van so iemand is dat hy later regtig dink hy "sien en hoor" terwyl hy eintlik nie doen nie! (hy glo later hy's reg al is hy verkeerd - Rom. 1)(bv. wederstrewiges wat in sonde stap maar hulle nie daarvan bekeer nie soos om hulle sonde te regverdig). Hierdie gebeur met kinders vd Koninkryk wat slaap maar nie wakker word nie;  m.a.w., hulle bekeer hulle nie van die manier hoe hulle sien en dink tot die manier hoe die Here sien en dink nie (Rom. 11:7-11; Jes. 29:9,10). 

(1) SODAT ONS NIE ONVERWAGS BETRAP WORD NIE: (Mark. 13:32-37 - "Maar van daardie dag en dié uur weet niemand nie, ook nie die engele in die hemel of die Seun nie, maar net die Vader. Pas op, waak en bid, want julle weet nie wanneer die tyd daar is nie. Dit is soos ‘n man wat op reis is, wat sy huis agtergelaat en sy diensknegte volmag gegee het, en vir elkeen sy werk, en aan die deurwagter bevel gegee het om te waak. Waak dan, want julle weet nie wanneer die eienaar van die huis kom nie: in die aand of middernag of met die haangekraai of vroeg in die môre nie; dat hy nie miskien skielik kom en julle aan die slaap vind nie. En wat Ek vir julle sê, sê Ek vir almal: Waak!")(die woord "waak" hier is die Gr. woord "gray-gor-yoo'-o", wat beteken om waaksaam te wees, wakker, hou wag)(Matt. 24:42; 25:13). In hierdie konteks word dit gewoonlik vgl. met wakker wees, maar dit word ook somtyds in dieselfde konteks gebruik as "moet nugter wees" (1Th 5:6 - "Laat ons dan nie slaap soos die ander nie, maar laat ons waak en nugter wees"). As jy aan die slaap is kan jy nie waak nie, en die wat nie WAAK en hulle KLERE BEWAAR nie, is soos mense wat "dronk" is... - dronk mense kan nie hulle goed bewaar nie (Openb. 16:15 - "Kyk, Ek kom soos ‘n dief. Salig is hy wat WAAK en sy klere bewaar, sodat hy nie miskien naak rondloop en hulle sy skaamte sien nie").  In hierdie geval verwys dit na kinders vd Koninkryk wat in sonde stap sonder om hulle daarvan te bekeer (hulle bewaar nie hulle klere wat hulle naaktheid bedek nie, en sal dus naak bevind word wanneer Jesus terugkom...). In konteks word 'n kind vd Koninkryk wat geestelik dronk is wanneer Jesus terugkom, ook gesien as iemand wat nie kon waak nie... (want hy is dronk!), en a.g.daarvan kon hy nie sy klere (wat sy naaktheid bedek) bewaar nie... - hierdie verwys na kinders vd Koninkryk wat in sonde stap en geestelik "hoereer" sonder om hulle daarvan te bekeer.  Doen gerus 'n studie oor die belangrikheid van geestelik bekleed wees (https://warechristenedagstukkies.blogspot.com/2020/05/die-keiser-se-nuwe-klere.html).

(2) SODAT DIE VYAND NIE INBREEK NIE: Wanneer iemand slaap kan hy nie waak nie... In Matt. 13 verduidelik Jesus deur 'n gelykenis dat die rede waarom daar somtyds onkruid (valses) tussen die koring (opregtes) gesaai word, is wanneer hulle SLAAP! (en die een wat die onkruid daar saai is die vyand - die duiwel). Baie kerke het onkruid, en die rede hiervoor is omdat daar tye is of was wat hulle SLAAP of geslaap het... -  omdat hulle dus NIE WAAK NIE, gebeur hierdie...  Die begrip "dronk" word ook somtyds in hierdie konteks gebruik, bv. dat die wat dronk is val en rondslinger... ;  bv. "val vir versoeking" en "word rondgeslinger deur allerhande leringe".  'n Dronk mens kan nie waaksaam wees nie (want hy weet nie wat hy doen nie en word maklik saamgesleep en val terloops rond).  Die wat nugter is is egter wakker en weet wat om hulle aangaan!, en is vas op hulle voete - dit verwys na mense wat in die Here bly en vashou aan die geloof - hulle "hoor" en hulle "sien" (hulle verstaan - ken bv. die waarheid en weet wat die wil vd Here is). Dit is anders as dronk mense wat nie hoor nie, en nie mooi sien nie..., en dan saamstem wanneer hulle nie moet nie en op iemand anders staatmaak om hulle te ly (kan net sowel in 'n sloot ingelei word... - hierdie word terloops ook in die konteks gebruik van "is blind"). Dit is duidelik dat die vyand op hierdie tye kan inbreek en so iemand lei op 'n verkeerde pad.  Wanneer kinders vd koninkryk in sonde stap en begin luister na ander bronne en hulle deur hulle laat lei, is hulle nie besig om te waak nie! Nog 'n tema wat hierby aansluit is "kinders vd nag" (of  "kinders vd lig/dag") - kinders vd nag is dronk, maar kinders vd dag is nugter - (1Th 5:8 - "Maar laat ons wat van die dag is, nugter wees, met die borswapen van geloof en liefde aan, en as helm die hoop op die saligheid")(Mark. 14:38; 1 Kor. 16:13)(Kol. 4:2 - " Volhard in die gebed en waak daarin met danksegging"). 

----------------------------------------------------------------------------------------------------------------------------

SKRIFTE OOR "WAAK":

Om die woord beter te verstaan kan ons ook kyk na 'n paar skrifgedeeltes waarin hierdie begrip voorkom:

- (1) Matt. 26 - Jesus besig om te bid, Getsémané, net voor Hy gevange geneem is... Hy vra 3 van Sy dissipels om saam met Hom te WAAK, maar toe Hy later weer by hulle kom VIND HY HULLE AAN DIE SLAAP, en sê vir hulle:-(Matt. 26:40,41 - "En Hy kom by die dissipels en vind hulle aan die slaap, en Hy sê vir Petrus: So was julle dan nie in staat om een uur saam met My te waak nie? Waak en bid, dat julle nie in versoeking kom nie. Die gees is wel gewillig, maar die vlees is swak"). Hier sien ons 'n goeie vb. van hoe "slaap/nie waak nie" kan lei tot "in die versoeking kom"... (letterlik hier bedoel, maar dit het ook 'n geestelike betekenis;  want wanneer gelowiges "slaap" dan saai die bose onkruid/struikelblokke onder die koring, wat kan veroorsaak dat die gelowige onder versoeking kom).Vir poste waarin hierdie onderwerp o.a. bespreek word, gaan na:

-https://warechristene.blogspot.com/2013/08/bewaar-in-die-uur-van-beproewing.html

-https://warechristenedagstukkies.blogspot.com/2020/08/misleiding.html

-https://warechristene.blogspot.com/2021/12/ingesluiptes.html

- (2) (Mar 13:32-37 - "Maar van daardie dag en dié uur weet niemand nie, ook nie die engele in die hemel of die Seun nie, maar net die Vader. Pas op, WAAK en bid, want julle weet nie wanneer die tyd daar is nie. Dit is soos ‘n man wat op reis is, wat sy huis agtergelaat en sy diensknegte volmag gegee het, en vir elkeen sy werk, en aan die deurwagter bevel gegee het om te waak. Waak dan, want julle weet nie wanneer die eienaar van die huis kom nie: in die aand of middernag of met die haangekraai of vroeg in die môre nie; dat hy nie miskien skielik kom en julle AAN DIE SLAAP vind nie. En wat Ek vir julle sê, sê Ek vir almal: Waak!"). Hierdie beeldspraak word in ander gelykenisse ook gebruik waarin die Here voorgestel word soos 'n "man op reis"... (Luk. 20:9-18; Matt. 25:14-30) - in hierdie geval, Hy laat Sy huis agterna, gee Sy diensknegte volmag (het Sy besittings aan hulle toevertrou), gee vir elkeen werk, en die deurwagter bevel gegee om te waak... Niemand weet wanneer die eienaar terugkom nie, maar wat belangrik is is dat hulle nie slaap wanneer Hy terugkom nie! In hierdie geval sien ons dat waak beslis verwys na "wakker wees". Dit kan miskien vgl. word met Spr. 17:9 (alhoewel die konteks anders daar), van iemand wat homself oorgee aan dronkenskap (in hierdie geval liefde maak terwyl die vrou se man nie by die huis is nie...). Op ditto wyse ruk kinders bv. somtyds hand uit wanneer die ouers nie by die huis is nie... Op ditto wyse is daar diensknegte wat hand uitruk terwyl hulle Meester op reis is... Hier sien ons dat ONGEHOORSAAMHEID o.a. 'n verwysing kan wees dat iemand nie waaksaam is nie (bv., die ongehoorsame kind is nie waaksaam nie en sy ouers betrap hom onkant;  net so die kinders vd koninkryk wat hand uitruk en ongehoorsaam word en dus nie waaksaam is nie, en Jesus sal hulle onkant betrap - bestudeer veral die tema van "soos 'n dief in die nag" om hierdie nog beter te verstaan). 

Vir poste waarin hierdie onderwerp o.a. bespreek word, gaan na:

-https://warechristene.blogspot.com/2017/05/slaap-en-die-geestelike-betekenis-van.html

-https://warechristenedagstukkies.blogspot.com/2017/07/die-koninkryk-vd-hemele-is-soos-n_1.html

-https://warechristenedagstukkies.blogspot.com/2017/07/die-here-se-wingerd.html

- (3) (Luk 21:34-37 - "Maar pas op vir julleself, dat julle harte nie miskien beswaar word deur swelgery en dronkenskap en sorge van die lewe nie, en dié dag julle nie skielik oorval nie. Want soos ‘n strik sal hy kom oor almal wat op die hele aarde woon. Waak dan en bid altyddeur, sodat julle waardig geag mag word om al hierdie dinge wat kom, te ontvlug en voor die Seun van die mens te staan"). In hierdie geval is die wat "waak" ook die wat "waardig geag sal word" -  "waak" in hierdie gedeelte verwys daarna dat ons nie ons harte beswaar met swelgery en dronkenskap, en sorge vd lewe nie... Vgl. dit met "die dae van Noag" en die derde groep in die gelykenis vd saaier., wat beslis beteken dat daardie mense nie gereed is/was nie.

Vir poste waarin hierdie onderwerp o.a. bespreek word, gaan na:

-https://warechristene.blogspot.com/2021/12/die-boek-van-judas.html

-https://warechristene.blogspot.com/2013/08/versoeking-2.html

-https://warechristene.blogspot.com/2014/06/wat-is-die-waarheid-2.html

-https://warechristene.blogspot.com/2013/09/versoeking-3-jy-mag-die-here-jou-god.html

- (4) (Hand. 20:28-31 - "Gee dan ag op julleself en op die hele kudde waaroor die Heilige Gees julle as opsieners aangestel het om as herders die gemeente van God te versorg, wat Hy deur sy eie bloed verkry het. Want ek weet dit, dat ná my vertrek wrede wolwe onder julle sal inkom en die kudde nie sal spaar nie. Ja, uit julle self sal daar manne opstaan wat verkeerde dinge praat om die dissipels weg te trek agter hulle aan. Daarom moet julle waak en onthou dat ek drie jaar lank nag en dag nie opgehou het om elkeen met trane te vermaan nie"). In hierdie geval beteken "waak" dat die opsieners/herders ag gee op hulleself en op die kudde... Waarvoor moet hulle oppas?  Daar sal wrede wolwe onder hulle inkom wat verkeerde dinge sal praat en die kudde sal probeer wegtrek om agter hulle aan te gaan - daarom is dit belangrik dat hulle nie "slaap" nie, want anders kan hulle in versoeking kom. Die wagters moet wakker wees! (anders word onkruid onder die koring gesaai). In die wagters se geval verwys dit nie net na die belangrikheid van vermaning waar nodig (soos Paulus gedoen het) nie, maar ook daarna dat hulle die gemeente moet versorg (laat hulle wei en gee vir hulle geestelike kos en water).  

Vir poste waarin hierdie onderwerp o.a. bespreek word, gaan na:

-https://warechristene.blogspot.com/2021/12/ingesluiptes.html

-https://warechristene.blogspot.com/2022/01/die-boek-van-judas-2ingesluip-ongebonde.html

-https://warechristene.blogspot.com/2022/04/dwaal-dwalendes.html

-https://warechristene.blogspot.com/2020/09/mislei-misleiding-verlei-verleier.html

- (5) (Openb. 16:15 - "Kyk, Ek kom soos ‘n dief. Salig is hy wat waak en sy klere bewaar, sodat hy nie miskien naak rondloop en hulle sy skaamte sien nie"). In hierdie geval sien ons hoe "klere bewaar" in dieselfde konteks gebruik word as "waak".  Die wat nie hulle klere bewaar nie moet pasop dat hulle nie naak staan teen die tyd wat Jesus terugkom nie - natuurlik is hierdie beeldspraak om te verduidelik dat die heiliges "klere aangetrek is" (bv., hulle sonde is vergewe en hulle is "bekleed met Christus"), maar as hulle terugval in sonde (en die sonde weer begin dien) dan is hulle besig om hulle klere te besoedel;  en as iemand wegval vd geloof in Christus kan hy nie verwag om saam met die volk te erf nie.

Vir poste waarin hierdie onderwerp o.a. bespreek word, gaan na:

-https://warechristenedagstukkies.blogspot.com/2020/05/die-keiser-se-nuwe-klere.html

-https://warechristenedagstukkies.blogspot.com/2017/05/die-koninkryk-vd-hemele-is-soos-n_23.html

-https://warechristenedagstukkies.blogspot.com/2021/12/algemene-vrae-oor-saligheid-lewe-of-dood.html

- (6) (1Pe 5:8 - "Wees NUGTER en WAAKSAAM, want julle teëstander, die duiwel, loop rond soos ‘n brullende leeu, en soek wie hy kan verslind"). Die konteks van hierdie skrif gaan o.a. oor hoe hulle hulself moet verneder onder die kragtige hand van God...- in hierdie konteks word daar gepraat met die wat na die kudde omsien - hulle moet nie soos heersers optree nie, maar voorbeelde wees... (moet nederig wees, en die Here sal hulle verhoog op die regte tyd)(1 Pet. 5:1-8). Ons kry dieselfde konteks in Jak. 4... (Jak. 4:5-7 - "Of meen julle dat die Skrif tevergeefs sê: Met jaloersheid begeer die Gees wat in ons woon?  Maar Hy gee groter genade; daarom sê Hy: God weerstaan die hoogmoediges, maar aan die nederiges gee Hy genade. Onderwerp julle dan aan God; weerstaan die duiwel, en hy sal van julle wegvlug"). In hierdie geval word daar met al die broeders gepraat... - en daar word o.a. die volgende stelling gemaak: (Jak. 4:3,4 - "Julle bid en julle ontvang nie, omdat julle verkeerd bid, om dit in julle welluste deur te bring. Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God"). Kinders vd Koninkryk wat geestelik "slaap" (wat kies om nie te sien en hoor nie) of "dronk" is (die wat geestelik dronk is van sonde, afgode en wereldse wysheid), is HOOGMOEDIG.  Die manier om die duiwel te weerstaan is nie deur harder van hart te word nie... - die duiwel loop rond en soek wie hy kan verslind, en die manier hoe hy wegvlug is wanneer mense hulleself voor die Here VERNEDER ;  so iemand word gesien as nugter, en is dus waaksaam. Ef. 4:27 waarsku dat ons nie aan die duiwel moet plek gee nie, en in die gedeelte word kinders vd koninkryk aangemoedig om hulle met die nuwe mens te beklee en sondes af te le. Maar as 'n kind vd koninkryk in sonde stap en hom/haar nie daarvan wil bekeer nie, is hy/sy besig om "soos die heidene" te wandel en aan die duiwel plek te gee... (Ef. 4:17-19 - "Dit sê en betuig ek dan in die Here, dat julle nie meer moet wandel soos die ander heidene ook wandel in die verdwaasdheid van hulle gemoed nie— mense wat verduisterd is in die verstand en vervreemd van die lewe van God deur die onkunde wat in hulle is vanweë die verharding van hulle hart; wat ongevoelig geword het en hulle oorgegee het aan die ongebondenheid om in hebsug allerhande onreinheid te bedrywe").  Om jou hart te verhard verwys na mense wat wetend ongelowig bly... - hulle kies om nie te glo nie, of om te doen wat hulle wil en nie wat die Here wil nie. Die uiteinde is dat so iemand later "nie sien nie" en "nie hoor nie" (soos 'n dronk mens of iemand wat aan die slaap is). Vgl. dit met sekeres in die gemeente van Sardis, kinders vd koninkryk wie se KLERE BESOEDEL was... (Openb. 1:3-6) - en kyk die waarskuwing wat vir hulle gegee word:  (Openb. 3:3 - "Onthou dan hoe jy dit ontvang en gehoor het, en bewaar dit en bekeer jou; as jy dan NIE WAKKER WORD NIE, sal Ek op jou afkom soos ‘n dief, en jy sal nie weet in watter uur Ek op jou afkom nie").

Vir poste wat aansluit hierby, gaan na:

- https://warechristene.blogspot.com/2020/04/hart-verhard.html

- (7) (Luk 12:37-40 - "Gelukkig is daardie diensknegte vir wie die heer WAKKER sal vind as hy kom. Voorwaar Ek sê vir julle, hy sal hom omgord en hulle aan tafel laat gaan en hulle kom bedien. En as hy in die tweede of in die derde nagwaak kom, en dit so vind gelukkig is daardie diensknegte. Maar weet dit: as die huisheer geweet het in watter uur die dief sou kom, sou hy GEWAAK het en nie in sy huis laat inbreek het nie. Julle moet dan ook GEREED WEES, omdat die Seun van die mens kom op ‘n uur dat julle dit nie verwag nie"). Konteks?  Ons lampe moet aan die brand wees! (Luk 12:35,36). Vgl. dit gerus met die 10 maagde (5 het olie gehad en 5 nie - vir 5 is oopgemaak, en 5 nie). Kinders vd Koninkryk het die lig! - hulle is soos lampe omdat hulle die woord het en die Gees van waarheid (maw, hulle is wakker want hulle "sien") - maar as hulle begin om weer ander lig op te soek (bv. hulle antwoorde op ander plekke soek, ander bronne raadpleeg en bv. valse leerstelling aanneem) staan hulle die gevaar om "sonder olie" te wees - sal "donker" opeindig, soos lampe sonder olie...

Vir poste wat aansluit hierby, gaan na:

- https://warechristenedagstukkies.blogspot.com/2022/04/lampe-aan-die-brand.html 

----------------------------------------------------------------------------------------------------------------------------

KOM ONS KYK NA NOG 'N PAAR SKRIFTE OOR HOE HIERDIE VERSKILLENDE SOORT BEELDSPRAAK GEBRUIK WORD... (bv. slaap of wakker, dronk of nugter, kinders vd duisternis of kinders vd dag), en HOE DIT AANSLUIT BY "om waaksaam te wees":

Grieks en Hebreeuse betekenis vd woord "waak" - Wat dit beteken om "wakker te wees":

Die wat nie waak nie is aan die slaap.  Wanneer jy aan die slaap is kan jy NIE WAAK NIE... "Waak" is die Hebr. woord "shaw-kad'"(Esra 8:29) wat beteken "wakker bly" of "om bedag/'alert' te wees" of "wag te hou,/uit te kyk vir";  en Griekse woord "gray-gor-yoo'-o" (Matt. 24:42), wat beteken "om wakker te bly, hou wag" (bv. "vigilent"-gee aandag aan iets wat kan gebeur). As jy g'n niks verwag of weet wat kan of gaan gebeur nie, is jy soos iemand wat aan die slaap is.  Bv., gelowiges wat tyd met die Here spandeer (bv. in gebed en woord) weet gewoonlik wat die Here wil doen, watter woord Hy wil laat uitgaan, hoe Hy "sien en dink"...ens.  - hulle word soos "vriende" en begin om die Here se planne te ken... (Joh. 15:15)(bv. hoe die Here oor iets dink, wat Hy beoog om te doen, ens.);   maar die wat nie tyd met die Here spandeer nie is soos mense wat slaap... - daarom weet hulle g'n niks wat aangaan nie!;  of is soos mense wat dronk is en hulp elders kry.  

Wanneer daar nie gewaak word nie saai die vyand onkruid onder die koring:

Die vyand kom in waar mense SLAAP..., en is juis die rede waarom daar somtyds ONKRUID (valses) onder die KORING (opregtes) gesaai word. Dit is dus die rede waarom valse profete en valse leraars (struikelblokke) die kerk somtyds insluip... (Matt. 13:25). In 'n kerk waar baie (of die wagter) slaap kan dus verwag word dat onkruid so sal insluip... (kyk  gerus die geestelike betekenis vd woord "slaap" in die Skrif).  Om "aan die slaap" te wees verwys dus deels na daardie kinders vd Koninkryk wat wandel soos kinders vd duisternis... (hulle wandel nie soos hulle behoort te wandel nie). Kyk bv. die konteks van Ef. 5 waarin gelowiges vermaan word om sonde en afgodsdiens af te lê en gevra word om "die tyd uit te koop"... (Ef. 5:14 - "Daarom sê Hy: Ontwaak, jy wat slaap, en staan op uit die dode, en Christus sal oor jou skyn").  Maar die wat "wakker" is verwys gewoonlik na  kinders van die lig , kinders vd dag (1 Thess. 5:1-10)(mens is in die dag wakker...).  KINDERS VD DAG verwys tipies na die wat nie onder toorn sal kom nie... (hulle sal nie deur die "tweede dood" gaan nie)(1 Thess. 5:9).(1Th 5:6-8 - "Laat ons dan nie slaap soos die ander nie, maar laat ons waak en nugter wees. Want die wat slaap, slaap in die nag; en die wat dronk word, is in die nag dronk. Maar laat ons wat van die dag is, nugter wees, met die borswapen van geloof en liefde aan, en as helm die hoop op die saligheid") - hulle het die hoop op saligheid want hulle "sien" en "hoor";  hulle het dus geloof en liefde. Dit verwys veral na die wie se SINNE VERLIG is! (2 Kor. 4:4-hulle "sien" en "verstaan" - bv., ken die waarheid en die Here se wil)(vir 'n pos hieroor, gaan na: https://warechristene.blogspot.com/2017/11/beeldspraak-van-ster-en-skyn-en.html). Wanneer kinders vd Koninkryk "slaap" dan kan hulle nie sien of hoor wat om hulle aangaan nie, maar WANNEER HULLE WAKKER IS KAN HULLE SIEN EN HOOR.  

Die wat dronk is word ook somtyds vgl. met kinders vd duisternis (of na die wat slaap):

Dronk mense kan nie hulle goed beskerm nie, en hulle val maklik en word rondgeslinger ...(bv. in hierdie konteks verwys dit na "val vir versoekinge" soos sonde, of word deur soorte leringe rondgeslinger-Hebr. 13:9). In beeldspraak beteken om "dronk" te wees  na gelowiges wie se sinne bedorwe is...(natuurlik verwys dit NIE na die wat "dronk van die Heilige Gees" is nie!).  Die wat dronk is gee net ag op hulle eie begeertes en gedagtes, en doen wat hulle wil (nie wat die Here wil nie) - bv. dronk van sonde, afgode, wereldse wysheid ens.  

Somtyds plaas die Here ongehoorsame gelowiges in 'n geestelike "diep slaap", sodat hulle oë nie sien nie en hulle ore nie hoor nie... (Rom. 11:7-11; Jes. 29:9,10)(hierdie verwys na die wat die waarheid ken maar hulle harte verhard/bv., hulle bly wetend ongelowig en doen wat hulle wil...) - omdat hulle hul nie bekeer van hulle verkeerde dade en verkeerde manier van "sien" nie, gee die Here hulle uiteindelik oor aan hulle begeerte (Rom. 1).  Hulle "sinne is verblind" (soos die ongelowiges) - hulle dink hulle "sien en hoor" maar doen nie werklik nie - hierdie kan ook vgl. word met "dronk" gelowiges.

----------------------------------------------------------------------------------------------------------------------------

Kinders vd Koninkryk word dus nie net aangemoedig om WAAKSAAM te wees nie, maar ook NUGTER... (1Pe 5:8 - "Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind). Die wat SLAAP of DRONK is is NIE GEREED NIE, maar kinders vd lig is mense wat waak en nugter is, en is dus gereed! (1Pe 5:8 - "Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind").

Ingesluiptes

Nie almal wat onder die kinders vd koninkryk beweeg, is inderdaad gelowiges nie.  Sommige het "ingesluip" onder die kinders vd koninkryk, en neem deel aan hulle bedrywighede (maaltye, hou saam fees ens.) asof hulle gelowiges is, maar is nie. Hierdie INGESLUIPTES kan met verskillende groepe vgl. word, nl. "goddelose mense", "valse broeders", "spottters" en "onkruid" (struikelblokke), en word tipies beskryf as ONGELOWIGES wat onder die gelowiges wandel asof hulle gelowig is. Hulle is VALS! Hulle kan inderdaad soos suurdeeg wees in 'n kerk (met die gevaar dat hulle die hele deeg kan suurmaak), want hulle leef nie volgens die wil van God nie en probeer ander motiveer om ook so te lewe (is struikelblokke).  Hulle tree op soos VERLEIERS (deur bv. leuens te verkondig en in opstand te kom teen die wat die waarheid verkondig).

----------------------------------------------------------------------------------------------------------------------------- 

Baie spesifieke dinge word oor "ingesluiptes" in die Skrif geleer , o.a. die volgende:

- (1) Hulle is goddeloos, leef in ongebondenheid, en verloën die Here Jesus Christus:  (Jud 1:4)  "Want sekere mense het ingesluip wat lank tevore al opgeskryf is vir hierdie oordeel, goddelose mense wat die genade van onse God verander in ongebondenheid, en die enigste Heerser, God, en onse Here Jesus Christus verloën".

- (2) Hulle is VALS en ingesmokkel onder die kinders vd koninkryk met die doel om gelowiges diensbaar te maak aan hulleself.  Ingesluiptes kan verwys na VALSE BROEDERS - kyk bv. (Gal 2:4)  "en dit vanweë die ingesmokkelde valse broeders wat ingesluip het om ons vryheid te bespied wat ons in Christus Jesus het, sodat hulle ons in diensbaarheid kon bring") - in hierdie gedeelte sien ons dat die betrokkenes teen die apostels gepreek het.. (sekerlik omdat hulle probeer het om mense eerder diensbaar te maak aan hulleself en aan wat hulle leer, nie aan wat die apostels geleer het nie);  nog 'n vb van "valse broeders" in die Skrif is 2 Kor. 11:26 (waar die apostel Paulus praat van hoe hy gely het o.a. in gevare onder valse broeders...) - ons sien dat "valse broeders" baiemaal die rede is waarom opregtes ly, bv dat hierdie valses in opstand kom teen die waarheid wat gepreek word deur die opregte en ander opregtes te mislei om die leuen te glo, of veroorsaak dat mense in opstand kom teen die opregte wat die waarheid verkondig deur die opregte bv. vals aan te kla, leuens oor hom te versprei, voor te gee dat hy lieg ens ( maw soos 'n VERLEIER! - vgl. dit met die VALSE LERAARS waarna in hierdie hfst ook verwys word...  - 'n VERLEIER is iemand wat leuens verkondig en iemand vals aankla sodat mense liewer in hom glo as in dit wat verkondig word). Ons sien hierdie mense baiemaal in die kerk - mense wat in opstand kom teen die waarheid en ander probeer beinvloed om die leuen te glo, of mense opsweep teen die opregte.... - vgl. hierdie ook met bg Korag se bende..., waar hulle in opstand kom teen die gesalfdes vd Here.

- (3) Hulle het 'n gedaante van godsaligheid maar verloen die krag daarvan, en is onbetroubaar t.o.v. die geloof;  is met sondes belaai en word deur allerhande begeerlikhede gedryf;  is altyd besig om te leer maar kom nooit tot die kennis vd waarheid nie - hulle staan die waarheid tee en is verdorwe in die verstand:

(2Ti 3:5)  "mense wat ‘n gedaante van godsaligheid het, maar die krag daarvan verloën het. Keer jou ook van hierdie mense af.

(2Ti 3:6)  Want uit hulle is die wat in die huise insluip en arme vroue gevange neem wat met sondes belaai is en deur allerhande begeerlikhede gedryf word,

(2Ti 3:7)  wat altyd leer en nooit tot die kennis van die waarheid kan kom nie

(2Ti 3:8)  En net soos Jannes en Jambres Moses teëgestaan het, so staan ook hierdie mense die waarheid teë, mense verdorwe in die verstand, onbetroubaar ten opsigte van die geloof".

- (4) Hulle kan moontlik ook vgl. word met die tema van "ONKRUID" (mense wat deur die bose onder die "koring"/kinders vd koninkryk gesaai word). (Mat 13:25 - "maar terwyl die mense slaap, het sy vyand gekom en onkruid onder die koring gesaai en weggegaan"). Onkruid lyk bv soos koring maar is nie - wanneer jonk lyk hulle ditto - dit is eers wanneer "in vrug" wanneer dit sigbaar word wat/wie is koring en wat/wie is onkruid (Matt. 13:26) - "onkruid" word o.a. "struikelblokke" genoem in Matt. 13 - hulle is eintlik "kinders vd bose" (v.38). Dit is nie altyd maklik, of nie altyd onmiddellik sigbaar wie is koring en wie is onkruid nie, want somtyds word koring verlei of is hulle nog onkundig, en dan praat hulle of tree hulle op net soos hierdie valses...  Dit is dan ook om hierdie rede wat onkruid nie nou al verwyder word onder die koring nie (maar eers wanneer Jesus terugkom-Matt. 13:30)..., sodat die koring nie saam met die onkruid uitgetrek word nie. Met die tyd, wanneer vrug gesien word, word dit wel duidelik wie is koring en wie is onkruid (bv., valse profete dra "slegte vrug"...).  

- (5) Hulle kan moontlik ook vgl. word met WOLWE. (Mat 7:15 - "Maar pas op vir die valse profete wat in skaapsklere na julle kom en van binne roofsugtige WOLWE is"). "Wolwe" verskeur (Eseg. 22:27) en vang en jaag skape uitmekaar (Joh. 10:12) - ter wille van onregverdige wins sal hulle selfs bloed vergiet (Eseg. 22:27)("is roofsugtig" - Matt. 7:15). Hierdie sien ons somtyds gebeur in 'n gemeente, waar wolwe inkom en sekere broeders beweeg om agter hulle aan te gaan en die ander word uitmekaar gejaag. Jesus het baie die dissipels gewaarsku teen hierdie mense en hulle ook beskryf as mense wat hulle broeders sal oorgee aan regbanke en hulle gesel... (Matt. 10:17,21)(Matt. 16:6; Mark. 12:38). Die werk vd lam wat gestuur word is ook baiemaal 'n ervaring van "onder wolwe ingestuur" (Luk. 10:3)(Matt. 10:16 - "Kyk, Ek stuur julle soos skape onder die wolwe in; wees dan versigtig soos die slange en opreg soos die duiwe")  - wolwe gee voor dat hulle die waarheid ken, maar hulle doen nie - en wys hulle ware klere wanneer hulle die waarheid hoor! Voor Paulus se vertrek in Hand. 20 het hy die Efese ouderlinge gewaarsku teen wolwe wat sal inkom in hulle gemeente... (Hand. 20:29-31), en o.a. die volgende stellings gemaak rakende "wolwe":  (1) hulle sal die kudde nie spaar nie;  en(2) hulle sal verkeerde dinge praat om die dissipels weg te trek agter hulle aan... Wolwe is VERLEIERS, en SLUIP onder die broeders in met die doel om hulle te vang en uitmekaar te jaag.  

------------------------------------------------------------------------------------------------------------------------------

Kom ons kyk spesifiek na hoe daar na "ingesluiptes" in 

Judas 1 verwys word: 

-(Jud 1:4)  "Want sekere mense het ingesluip wat lank tevore al opgeskryf is vir hierdie oordeel, goddelose mense wat die genade van onse God verander in ongebondenheid, en die enigste Heerser, God, en onse Here Jesus Christus verloën" - hulle word o.a. in v.12 "skandvlekke" in die kinders vd koninkryk se liefdesmaaltye genoem, mense wat sonder vrees saam fees hou en hulleself voer...)(vgl. dit ook met v.13 - mense wat "hulle eie skandes laat opskuim" soos woeste golwe vd see).  Hier sien ons dat hierdie "spotters" verwys na mense wat "ingesluip" het onder die kinders vd koninkryk (onder hulle beweeg en saam fees hou en eet ens.). 

Jud. 1:4 - "mense wat INGESLUIP het" (ingesluip het in die kerk of onder die kinders van God), word o.a. in Jud. 1:12 "skandvlekke (stain, defile, spot) in die kinders vd koninkryk se liefdesmaaltye" genoem (2 Pet. 2:13)(vgl. dit gerus ook met die begrip "struikelblokke", wat verwys na is soos 'n skandaal - figuurlik in die sin van soos 'n vangnet, "iemand laat sondig" - kyk die onderwerp van ONKRUID)(vgl. dit ook met Jud. 1:13 - mense wat "hulle eie skandes laat opskuim" soos woeste golwe vd see)(Jes. 57:20 - die goddelose is soos 'n onstuimige see want hy kan nie tot rus kom nie...)(vgl. ook met Fil 3:18,19 - hulle eer is in hulle skande, v.19 - hierdie mense wandel as vyande vd kruis van Christus en bedink aardse dinge, v.18). "Ingesluiptes" hou sonder vrees saam fees met die gelowiges en voer hulleself, maar hulle is nie kinders vd koninkryk nie maar eerder soos 'n "vlek".  

Let wel dat hulle ook "DWAALSTERRE" genoem word in Jud. 1:14, want hulle dwaal! (swerf rond - kom nie tot rus-Jes. 57:20, vgl. met bg. woorde "onstuimige see"). 

In v. 4 hier word hulle ook GODDELOSE MENSE genoem (die begrip "goddelose" verwys na mense wat "verkeerd doen" - die wat nie die Here vrees maar "doen wat hulle wil"-Jud. 1:18)  ('n goeie vb in die Skirf van "goddelose mense" is Korag se bende..., Num. 16 - l.w. ook die verwysing na Korag hier in Judas 1 v.11! - Korag e.a. het 'n klomp manne van Israel bymekaar vergader om saam met hulle op te staan teen Moses en Aaron... - lees gerus wat hierdie mense se uiteinde was in Num. 16; vgl. met Jud. 1:6,7). 

Hulle word ook in hierdie gedeelte "spotters" genoem  -(Jud 1:18 - "dat hulle vir julle gesê het: In die laaste tyd sal daar spotters wees wat volgens hul eie goddelose begeerlikhede wandel"). Vgl. dit ook met 2 Pet.3:3 wat min of meer dieselfde lui, en interessant in v.4 word o.a. genoem "hoe" hulle gespot het ("en sê: Waar is die belofte van sy wederkoms? Want vandat die vaders ontslaap het, bly alles soos dit was van die begin van die skepping af"). Mense wat so "insluip" in die kerk, word ook baiemaal geken aan die feit dat hulle SPOTTERS is! (vgl. met Judas 1:18, asook 2 Pet. 3:3-5)(mense wat volgens hulle eie begeerlikhede wandel en spot oor ware feite).  HIERDIE MENSE BEWEEG ONDER DIE KINDERS VD KONINKRYK, NEEM DEEL AAN HULLE FEESTE, EET SAAM ENS...,  MAAR HULLE IS VALS!, EN word baiemaal geken aan hoe hulle in OPSTAND KOM TEEN DIE WAARHEID en SPOT OOR DIE WAARHEID.

------------------------------------------------------------------------------------------------------------------------------

Opsomming:

INGESLUIPTES verwys na mense wat wandel soos gelowiges onder die kinders vd koninkryk, maar hulle is eintlik ONGELOWIGES (is heimlik daar ingevoer en deur die bose daar gesaai).  Hulle vrug sal met die tyd wys dat hulle eintlik ONKRUID is. Mense wat onder hierdie groep sorteer is bv. valse profete (bv., dra slegte vrug), valse leraars, valse broeders ens. Hulle is VERLEIERS wat leuens verkondig en mense vang om agter hulle aan te gaan. Hulle is baiemaal die oorsaak hoekom 'n kerk se mense uitmekaar gejaag word (is WOLWE). Ingesluiptes word verder beskryf as GODDELOSES omdat hulle wandel volgens hulle eie begeerlikhede en hulleself nie kan beheer nie (bv., leef in ongebondenheid, ens.) - hulle is nie gehoorsaam aan die Here nie en tree soos STRUIKELBLOKKE op deur te probeer om gelowiges te laat val.  Hulle word veral gekenmerk aan die feit dat hulle in opstand kom teen die waarheid, en kom ook in opstand teen die wat die waarheid verkondig en sal ook ander opstandig maak teen hulle; en tree baiemaal soos SPOTTERS op (wat spot oor die waarheid sodat gelowiges ophou om daarin te glo). Ingesluiptes het gewoonlik 'n gedaante van godsaligheid, maar verloen die krag vd godsaligheid en vir Jesus Christus... 

----------------------------------------------------------------------------------------------------------------------------