Egbreuk / owerspel

In hierdie pos kyk ons na die onderwerp "egbreuk" (en kyk o.a. in op waarna "owerspel" verwys).

-----------------------------------------------------------------------------------------------------------------------------

INLEIDING:

Gewoonlik word die woord egbreek/egbreuk as volg verduidelik, nl. dat egbreek  of egbreuk gesien word as vleeslike gemeenskap tussen twee mense wat nie met mekaar getroud is nie, beide gewillig, en een is reeds getroud met iemand anders... - dit is 'n goeie beskrywing, maar egter nie al waarna egbreuk verwys nie. In Matt. 19:9 verwys Jesus na iemand wat egbreuk pleeg as (1) iemand wat "skei en hertrou" (en tereg, want 'n skeibrief breek nie dit wat God saamgevoeg het nie) - in hierdie geval is dit 'n sonde gepleeg teen jou eie eg. Hy maak ook in dieselfde vers die stelling dat (2) elkeen wat met 'n geskeide vrou trou, egbreuk pleeg... (Matt. 5:32), en op 'n ander geleentheid waar Hy daarna verwys het was dit nie as 'n daad beskryf nie, maar 'n gedate! (slegte/vleeslike gedagte), nl. (3) waar iemand na 'n vrou (getroude) "kyk om haar te begeer"... (Matt. 5:27-30; 15:18,19);  egbreuk verwys m.a.w. nie net na die vleeslike daad nie, maar iemand kan ook egbreuk in sy hart pleeg (wat jou terloops ook onrein maak, nl. die gewete is dan onrein). "Egbreuk" word tipies beskryf as 'n SONDE, en die een wat hierdie sonde doen (hetsy dit na die daad of denke verwys), doen die sonde teen iemand wat in eg is - hetsy jou eie eg of iemand anders se eg. Egbreuk word somtyds beskryf as "die eg is gebreek", maar neem kennis dat dit 'n sonde is;  bv., wanneer iemand in sy hart egbreuk pleeg, beteken dit tog nou nie dat die persoon met wie hy egbreek gepleeg het, se eg gebreek is nie!

Hierdie is dus die dinge wat veral die SONDE VAN EGBREUK beskryf, nl.:

- (1) iemand wat skei en hertrou (daar word 'n uitsondering in die Skrif gemaak, nl. waar skei a.g.v. hoerery..., en die manier hoe dit gewoonlik verstaan word, is dat waar iemand van sy vrou skei omdat sy hoereer het nie, pleeg hy nie egbreuk wanneer hy weer trou nie  - hierdie is een van twee enigstes redes wat meeste kerke aanvoer wat hertrou regverdig in die geval van geskeides.  'n Vrou wat hoereer maak die huwelik onrein, alhoewel sy veronderstel is om vergifnis te kan kry as sy haar daarvan bekeer...);

- (2) elkeen wat met 'n geskeide vrou trou;

- (3) waar iemand na 'n vrou (getroude) "kyk om haar te begeer".

'n Egbreker word gesien as 'n ONREINE (https://warechristenedagstukkies.blogspot.com/2020/01/onderskei-tussen-wat-is-rein-en-wat-is_28.html). Hetsy dit as "egbreek" of "egbreuk" in die Afrikaans vertaal is, dieselfde woord word in die Grieks gebruik (en is die engelse woord "adultery") - kyk as vb. Matt. 5:27 en 28;  bv., in v. 27 word die woord "egbreek" gebruik, maar in v. 28 word die woord "egbreuk" gebruik, tog in die Grieks word dieselfde woord gebruik (G3431 - "commit adultery").  

Owerspel word tipies as volg beskryf, nl. 'n man wat vleeslike gemeenskap het met 'n ander man se vrou... - altwee betrokke in die daad "pleeg owerspel" (Lev. 20:10). Dit kan ook verwys na "geestelike hoerery (Jer. 3:9), nl. dat op dieselfde wyse wat 'n vrou wat aan 'n man behoort besig is om te hoereer/owerspel te pleeg wanneer sy haar begeerte op 'n ander plaas, net so is die wat aan die Here behoort en afgode aanbid, besig om geestelike te hoereer. "Owerspel" of hoerery beskryf die daad, terwyl egbreuk die sonde beskryf wat iemand van skuldig is a.g.v. die daad.

________________________________________________________________________________

EGBREEK / EGBREUK:

Die woord "egbreek" is die Hebr. woord "naw-af'", wat verwys na 'n vrou wat die huwelik breek deur te hoereer  (of die Gr. woord moy-khyoo'-o / Matt. 5:27,28). Jesus het geleer dat selfs wanneer 'n man kyk na 'n vrou om haar te begeer..., hy reeds in sy hart met haar egbreek gepleeg het (Matt. 5:27-30 - "Julle het gehoor dat aan die mense van die ou tyd gesê is: Jy mag nie egbreek nie. Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het. As jou regteroog jou dan laat struikel, ruk dit uit en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie.  En as jou regterhand jou laat struikel, kap dit af en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie"). Slegte gedagtes soos egbreuk maak die mens ONREIN (Matt. 15:18,19; Mark. 7:21-23). Naasteliefde is belangrik as jy die gebod van God wil hou, en egbreek is nie naasteliefde nie! (Rom. 13:9).  "Ons mag nie egbreek pleeg nie" - in die N.T. is die wet van die Here ook belangrik, nl. ons is ook "onder 'n wet"! (nl. die wet van Jesus Christus en die Heilige Gees), en dit word van gelowiges verwag "om nie die wet te breek nie" (Jak. 2:11). Christene moenie hulle vryheid gebruik "om te sondig" nie. Egbreek is 'n ernstige sonde wat tot nietigheid lei;  en dus, daar word van Christene verwag om nie aan te hou sondig nie... (Joh. 8:11).  Die wat hulle nie bekeer nie, moet egter nie verwag dat hulle die tweede dood gaan vryspring nie (Ef. 5:5,6  - "Want dit moet julle weet dat geen hoereerder of onreine of gierigaard, wat ‘n afgodedienaar is, ‘n erfdeel het in die koninkryk van Christus en van God nie. Laat niemand julle met ydel woorde verlei nie, want daardeur kom die toorn van God oor die kinders van die ongehoorsaamheid").

Kom ons bestudeer 'n paar skrifte oor die onderwerp "egbreuk" (/owerspel):

- (Lev 18:20)  En jy mag geen vleeslike gemeenskap met jou naaste se vrou hê om jou met haar te verontreinig nie.   - as 'n man vleeslike gemeenskap het met iemand anders se vrou, dan word hy daardeur ONREIN.

-  (Jak. 4:4)  Egbrekers en egbreeksters, weet julle nie dat die vriendskap van die wêreld vyandskap teen God is nie? Wie dan ‘n vriend van die wêreld wil wees, word ‘n vyand van God.  - egbrekers word hier vgl. met die wat die wêreld kies bo God (kyk gerus ook hoe die wat afgode aanbid, geestelik gesien word as hoereerders...).

-  (Spr. 6:32)  Hy wat owerspel pleeg, is sonder verstand; hy wat sy eie lewe wil verwoes, hy doen so iets; - die pad van owerspel is 'n PAD VAN SELF-VERWOESTING.

-  (Gal 5:19)  En die werke van die vlees is openbaar, naamlik owerspel, hoerery, onreinheid, ongebondenheid; - owerspel en hoerery is WERKE VAN DIE VLEES (die wat stap in die werke vd vlees sonder om hulle daarvan te bekeer, is besig met "sonde tot die dood").

- Kom ons kyk ook na 'n vb. in Deut. 22:20,21(waar 'n dogter nie maagedelik rein was met haar huwelik nie, en die man dit agterkom nadat hulle getroud is = ONREIN):

-(Deu 22:20)  Maar as hierdie woord waarheid is: Die maagdom is aan die dogter nie gevind nie—

-(Deu 22:21)  dan moet hulle die dogter na die deur van haar vader se huis uitbring, en die manne van haar stad moet haar stenig, dat sy sterwe, omdat sy ‘n skanddaad in Israel begaan het deur in die huis van haar vader te hoereer. So moet jy dan die kwaad uit jou midde uitroei. (in die O.T. is die met bloedskuld gedood). Christus het egter vir alles sondes betaal, ook vir sondes wat bloedskuld veroorsaak (http://warechristene.blogspot.co.nz/2014/01/bloedskuld-1.html)(daar is slegs een onvergeeflike sonde in die N.T., nl. lastering teen die Heilige Gees). Alhoewel die persoon met bloedskuld in die O.T. met sy eie bloed moes betaal, is bloedskuld 'n vergeeflike sonde in die N.T. omdat Christus in ons plek met Sy bloed betaal het.  Daar is dus 'n kans vir vergifnis sou iemand berou en dit neerle.  Verder het Christus ook vir ons geleer dat ons ook so moet vergewe (Mark. 11:26; Matt. 18:21,22)(Luk. 15:30).  Die wat egter as Christene bekendstaan maar hoereer sonder om hulle te bekeer, moet anders hanteer word (soos ons in bg. voorbeelde gesien, nie om iemand te veroordeel nie, maar skaam te maak)(http://warechristene.blogspot.co.nz/2014/08/soos-ons-ook-ander-vergewe-3.html).

NOG SKRIFTE:

Exo_20:14  Jy mag nie egbreek (Hebr. woord "naw-af'", wat verwys na 'n vrou wat die huwelik breek deur te hoereer) nie.

Deu_5:18  En jy mag nie egbreek nie.
Mat_5:27  Julle het gehoor dat aan die mense van die ou tyd gesê is: Jy mag nie egbreek nie.
Mat_19:18  Hy vra Hom: Watter? En Jesus sê—dit: Jy mag nie doodslaan nie, jy mag nie egbreek nie, jy mag nie steel nie, jy mag geen valse getuienis gee nie;
Mar_10:19  Jy ken die gebooie: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag niemand te kort doen nie; eer jou vader en jou moeder.
Luk_18:20  Jy ken die gebooie: Jy mag nie egbreek nie; jy mag nie doodslaan nie; jy mag nie steel nie; jy mag geen valse getuienis gee nie; eer jou vader en jou moeder.
Rom_13:9  Want dít: Jy mag nie egbreek nie, jy mag nie doodslaan nie, jy mag nie steel nie, jy mag geen valse getuienis gee nie, jy mag nie begeer nie, en watter ander gebod ook al, word in hierdie woord saamgevat: Jy moet jou naaste liefhê soos jouself.
Jas_2:11  Want Hy wat gesê het: Jy mag nie egbreek nie, het ook gesê: Jy mag nie doodslaan nie. As jy nou nie egbreek nie, maar doodslaan, het jy ‘n oortreder van die wet geword.
Mat_5:28  Maar Ek sê vir julle dat elkeen wat na ‘n vrou kyk om haar te begeer, reeds in sy hart met haar egbreuk gepleeg het.
Mat_5:32  Maar Ek sê vir julle dat elkeen wat van sy vrou skei, behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk.
Mat_15:19  Want uit die hart kom daar slegte gedagtes, moord, egbreuk, hoerery, diewery, valse getuienis, lastertaal.
Mat_19:9  Maar Ek sê vir julle, elkeen wat van sy vrou skei, behalwe oor hoerery, en ‘n ander een trou, pleeg egbreuk; en die wat die geskeie vrou trou, pleeg egbreuk.
Mar_7:21  Want van binne, uit die hart van die mense, kom die slegte gedagtes, egbreuk, hoerery, moord,
Mar_10:11  En Hy sê vir hulle: Elkeen wat van sy vrou skei en ‘n ander een trou, pleeg egbreuk teen haar;
Mar_10:12  en as ‘n vrou van haar man skei en met ‘n ander een trou, pleeg sy egbreuk.
Luk_16:18  Elkeen wat van sy vrou skei en ‘n ander een trou, pleeg egbreuk; en elkeen wat trou met die vrou wat van haar man geskei is, pleeg egbreuk.
Joh_8:3  En die skrifgeleerdes en die Fariseërs het ‘n vrou wat in egbreuk betrap was, na Hom gebring.
Joh_8:4  En toe hulle haar tussen hulle in laat staan het, sê hulle vir Hom: Meester, hierdie vrou is op ‘n daad van egbreuk betrap;

_________________________________________________________________________________

OWERSPEL:

In Gal. 5:19 word owerspel beskryf as 'n werk van die vlees... (maw, 'n werk wat op nietigheid uitloop - werke wat die dood oes), en daarom is Christene wat owerspel pleeg en hulle nie daarvan bekeer en vergifnis ontvang nie, se saligheid in gevaar. Owerspel is tipies 'n daad van vleeslike gemeenskap "tussen 'n man en vrou, waarvan een getroud is met 'n ander", en word veral beskryf as 'n man wat vleeslike gemeenskap het met 'n ander man se vrou (altwee betrokke "pleeg owerspel")(in die Ou Testament was diesulkes doodgemaak - bloedskuld kan slegs betaal word met bloed)(Lev 20:10 - "En as iemand owerspel doen met ‘n man se vrou, owerspel (Hebr. woord "naw-af'", pleeg egbreuk) doen met sy naaste se vrou, moet hy en sy wat owerspel doen, sekerlik gedood word")(Jer. 29:23; Eseg. 16:32);(in die N.T. is daar vergifnis in Christus, maar Hy verwag van diesulkes om nie meer te sondig nie / Joh. 8:11). Party glo dat "om in die huwelik te tree" met die een saam met wie jy owerspel pleeg die sonde regmaak, maar die waarheid is dat in so 'n geval maak dit nie die egbreuk reg nie en hulle betree eerder 'n onwettige vorm van gemeenskap, want al sou sy ook skei, beteken dit nie dat sy los is van die verbond waaronder sy is nie (in so 'n geval fix "in die huwelik tree" nie die sonde nie, maar maak dit meer). Mense wat owerspel pleeg, het baiemaal 'n sg. vrede wat wys hulle bedrieg hulleself... (Spr. 30:20  - "So is die weg van ‘n vrou wat owerspel bedryf; sy eet en vee haar mond af en sê: Ek het geen sonde gedoen nie").

Owerspel kan ook op 'n geestelike manier geskied, bv. dat die wat aan die Here behoort, maar afgode aanbid, besig is om te (geestelik te) hoereer - (Jer 3:9 - "En vanweë haar ligsinnige hoerery het sy die land ontheilig, ja, sy het owerspel bedrywe met klip en hout")(Jer. 5:7)(Jer. 13:27). Op dieselfde wyse is 'n vrou wat aan 'n man behoort, besig om te hoereer wanneer sy haar begeerte op 'n ander plaas. "Owerspel" of hoerery beskryf die daad, terwyl egbreuk die sonde beskryf wat iemand van skuldig is a.g.v. die daad.

In Hos. 3:1-5 sien ons die Here se ideale resep waarmee Hy owerspeliges (die wat geestelik hoereer) terugroep tot bekering, nl. dat so 'n vrou weggestoot word totdat sy terugkom... (Hos 3:1-5 - "En die HERE het vir my gesê: Gaan nog ‘n keer, bemin ‘n vrou wat bemin word deur haar vriend, maar wat owerspel bedrywe, net soos die HERE die kinders van Israel bemin, terwyl hulle hul tot ander gode wend en versot is op rosynekoeke. Toe het ek haar vir my gekoop vir vyftien sikkels silwer en anderhalf homer gars. En ek het aan haar gesê: Jy sal ‘n lang tyd moet stilsit vir my, nie hoereer nie en aan geen man behoort nie; en so ook ek teenoor jou. Want die kinders van Israel sal ‘n lang tyd bly sit sonder koning en sonder vors en sonder slagoffer en sonder klippilare en sonder efod en huisgode. Daarna sal die kinders van Israel hulle bekeer en die HERE hulle God soek en Dawid hulle koning, en met siddering aankom na die HERE en na sy goedheid in die laaste van die dae"). Hierdie was dieselfde resep wat baiemaal gevolg is oor die eeue, en die juiste rede waarom egskeiding somtyds toegelaat was. Die Here verwag van ons om ook te vergewe soos Hy ons vergewe... - die rede vir egskeiding was nooit bedoel om "ongetroud" te word en weer te trou nie (soos meeste van dag dink die bedoeling is nie), maar bedoel vir skeiding met die hoop op hereniging... (vir 'n studie hieroor, bestudeer die volgende poste: 

https://warechristene.blogspot.com/2014/12/trou-skei-en-hertrou-3.html en

https://warechristene.blogspot.com/2014/12/trou-skei-en-hertrou-4.html)(geen mens kan dit wat die Here saamgevoeg het, skei nie).  Vir 'n studie oor hoereer, gaan na: https://warechristene.blogspot.com/2017/03/hoereer-hoerery-hoereerders.html.

Nog skrifte oor owerspel: 

Spr. 6:32  Hy wat owerspel pleeg, is sonder verstand; hy wat sy eie lewe wil verwoes, hy doen so iets;

Spr. 30:20  So is die weg van ‘n vrou wat owerspel bedryf; sy eet en vee haar mond af en sê: Ek het geen sonde gedoen nie.

Jer_3:8  En Ek het gesien toe Ek uit oorsaak van die owerspel van die afkerige, Israel, haar verstoot en haar haar skeibrief gegee het, dat die ontroue, haar suster Juda, nie bevrees was nie, maar gegaan en ook self gehoereer het.

Jer_3:9  En vanweë haar ligsinnige hoerery het sy die land ontheilig, ja, sy het owerspel bedrywe met klip en hout.

Jer_5:7  Waarom sou Ek jou vergewe? Jou kinders het My verlaat en gesweer by die wat geen god is nie. En toe Ek hulle versadig het, het hulle owerspel bedrywe en by hope versamel in die hoerhuis.

Jer_7:9  Sal julle steel, doodslaan en owerspel bedrywe en vals sweer en vir Baäl offerrook laat opgaan en agter ander gode aan loop, wat julle nie ken nie,

Jer_13:27  Jou owerspel en jou gerunnik, jou skandelike hoerery—op die heuwels in die veld het Ek jou verfoeisels gesien. Wee jou, Jerusalem! Hoe lank sal dit nog duur voordat jy rein word?

Jer_23:14  maar by die profete van Jerusalem het Ek gesien wat afskuwelik is: hulle bedryf owerspel en gaan om met leuens, en hulle versterk die hande van die kwaaddoeners, sodat hulle hul nie bekeer elkeen van sy boosheid nie. Hulle het almal vir My geword soos Sodom, en sy inwoners soos Gomorra.

Jer_29:23  omdat hulle ‘n skanddaad in Israel begaan het en owerspel met die vroue van hulle naaste bedryf het en ‘n leuenwoord in my Naam gespreek het, wat Ek hulle nie beveel het nie; en Ek is die Een wat weet en getuie is, spreek die HERE.

Ezk_16:32  o Die vrou wat owerspel bedrywe! Terwyl sy onder haar man staan, het sy vreemdes aangeneem.

Ezk_16:38  En Ek sal jou oordeel volgens die verordeninge van vroue wat owerspel bedrywe en bloed vergiet, en sal jou oorgee aan die bloedige dood van grimmigheid en naywer.

Ezk_23:37  Want hulle het owerspel begaan, en daar is bloed aan hulle hande: met hul drekgode het hulle owerspel begaan en ook hul seuns wat hulle vir My gebaar het, as spys vir hulle deur die vuur laat deurgaan.

Ezk_23:43  Toe sê Ek: Bedryf die verwelkte nog owerspel? Nou sal haar hoererye self hoerery gaan bedrywe.

Hos_1:2  Die begin van wat die HERE met Hoséa gespreek het; die HERE het aan Hoséa gesê: Gaan heen, neem vir jou ‘n hoervrou en hoerkinders; want die land het grootliks owerspel bedrywe deur van die HERE afvallig te word.

Hos_2:1  Twis met julle moeder, twis; want sy is nie my vrou nie, en Ek is nie haar man nie, en laat sy haar hoerery van haar aangesig verwyder en haar owerspel van haar borste af weg.

Hos_3:1  En die HERE het vir my gesê: Gaan nog ‘n keer, bemin ‘n vrou wat bemin word deur haar vriend, maar wat owerspel bedrywe, net soos die HERE die kinders van Israel bemin, terwyl hulle hul tot ander gode wend en versot is op rosynekoeke.

Hos_4:2  Hulle sweer en lieg en moor en steel en pleeg owerspel; hulle breek in, sodat bloedbad aan bloedbad raak.

Hos_4:13  Hulle offer op die bergtoppe en laat rook opgaan op die heuwels, onder die eike en populiere en terpentynbome, omdat die skaduwee daar goed is. Daarom pleeg julle dogters hoerery, en julle skoondogters bedryf owerspel.

Hos_4:14  Ek sal oor julle dogters geen besoeking doen omdat hulle hoereer nie, en ook nie oor julle skoondogters omdat hulle owerspel bedryf nie; want die manne sonder hulleself af met die hoere en offer met die tempelhoere. So kom dan die volk wat geen verstand het nie, tot ‘n val.

Hos_5:3  Ek ken Efraim, en Israel is vir My nie verborge nie; want nou het jy owerspel bedrywe, o Efraim! Israel is verontreinig.

Rom_2:22  Jy wat sê dat ‘n mens nie owerspel mag pleeg nie, pleeg jy owerspel? Jy wat ‘n afsku van die afgode het, pleeg jy tempelroof?

Gal_5:19  En die werke van die vlees is openbaar, naamlik owerspel, hoerery, onreinheid, ongebondenheid;

2Pe_2:14  met oë vol van owerspel, wat nie ophou om te sondig nie; hulle verlok onvaste siele, hulle het ‘n hart geoefen in hebsug, hulle is kinders van die vervloeking.

Rev_2:22  Kyk, Ek werp haar neer op ‘n siekbed, en die wat met haar owerspel bedryf, in ‘n groot verdrukking, as hulle hul nie van hul werke bekeer nie.

------------------------------------------------------------------------------------------------------------------------------

Die duiwel / die Satan / die ou slang / groot draak

IN HIERDIE POS KYK ONS NA DIE VOLGENDE TERME: DUIWEL/DIE SATAN/ DIE OU SLANG/GROOT DRAAK (wie is hy?, en wat doen hy?, die betekenis van die betrokke woorde..._ - en ons kyk ook in op ander name wat somtyds aan die Satan toegeskryf word, bv. LEVIATAN, LUCIFER EN BEELSEBUL).

Rol af vir die volgende opsommings:

- Begrip (die duiwel, die groot draak, leviatan, satan, beelsebul, ou slang, lucifer)

- Die betekenis van die woord DUIWEL (en maniere hoe dit gebruik word).

- Wie presies is die Satan/ou slang? (en gebruik vd woord),

- Terme "sinagoge vd Satan", "dieptes vd Satan" en "troon vd Satan".

- Die uiteinde van die duiwel en sy engele.

- Hoeveel mag het die duiwel? (en waaroor het hy mag?).

- Sal die duiwel enige mag hê in die volgende bedeling?

- Beelsebul, owerste oor die onreine geeste. 

- Die begrip "owerste van hierdie wereld is geoordeel".

- Gee aan die duiwel geen plek nie.

-----------------------------------------------------------------------------------------------------------------------------BEGRIP: Om te verstaan na wie die Satan of ou slang verwys (of nie verwys nie!), kom ons bestudeer kortliks die betekenis van terme wat gewoonlik aan hom toegeskryf word:

- DIE DUIWEL:  Daar is baie duiwels... (https://warechristene.blogspot.com/2016/12/onreine-geeste.html), maar daar word na 'n spesifieke wese somtyds verwys as "die duiwel" (want hy is 'n duiwel!). Bv. Matt. 4:1 ("Toe is Jesus deur die Gees weggelei die woestyn in om versoek te word deur die duiwel") - die woord duiwel hier is die Gr. woord "dee-ab'-ol-os", wat beteken valse AANKLAER, duiwel, LASTERAAR (en somtyds word daar na hom verwys as 'n "groot draak" of 'n slang, bv. "die ou slang", want hy is listig - hy word ook somtyds na verwys as "die Satan"... - al hierdie verskillende name wat vir hom gegee word, beteken iets (Openb. 12:9 - "En die groot draak is neergewerp, die ou slang wat genoem word duiwel en Satan, wat die hele wêreld verlei, hy is neergewerp op die aarde, en sy engele is saam met hom neergewerp"). Die duiwel se doel is om die hele wêreld te verlei, en die manier hoe hy dit doen is deur "om te laster" (hy is baie bewus van die waarheid, maar verander die waarheid in 'n leuen, want hy wil nie he dat die mens in die waarheid glo nie). Hy is ook 'n "aanklaer" (Gr. woord "katēgoros", wat verwys na 'n aanklaer soos een vd wet) en kla ons bv. aan by God... (kyk die vb van Job) - sy doel is om te oordeel en dat ons gestraf word (in die volgende paragraaf word nog meer ingekyk op die betekenis van die woord "duiwel").  Bose geeste word ook somtyds na verwys as duiwels... (Mark. 9:32,33)(Gr. woord daemon, wat beteken "duiwel"). 

- DIE GROOT DRAAK: Die woord "draak" (Jes. 27:1) is die Gr. woord "tan-neen'" of "drak'-own" (Openb. 12:7), wat verwys na 'n groot see-monster of slang of walvis / draak. In Openb. 13, waar die "dier uit die see" en die "dier uit die aarde" beskryf word (wat terloops o..a. verwys na koninkryke), leer die skrif dat die draak sy mag aan die dier uit die see gee, en dat die dier uit die aarde praat soos 'n draak (bv., kla aan, laster) - l.w. dat die "draak" waarna verwys word in die betrokke Skrif (soos wie hy praat), nie noodwendig na die Satan verwys nie, maar dit wil liewer voorkom of dit verwys na die "voorrooi draak" ('n koninkryk/Babilon?)(vgl. dit ook met Openb. 16:3). Kortom, nie oral waar die woord "draak" gebruik word in die Skrif verwys dit na die Satan nie (bv. Jes. 27:1), maar die Satan word ook o.a. 'n draak genoem..., wat miskien meer vewysend is na hoe magtig hy is/groot (die Skrif leer bv. dat die Satan owerste is oor die duiwels/Matt. 12:24, en engele onder hom het/Openb. 12:7..., en dit is duidelik dat hy mag het)(kyk die woord "GROOT" draak)(Openb. 12:9 - "En die groot draak is neergewerp, die ou slang wat genoem word duiwel en Satan, wat die hele wêreld verlei, hy is neergewerp op die aarde, en sy engele is saam met hom neergewerp")(kyk ook Openb. 20:2). Kan dit beskrywend wees van hoe hy lyk? - wie weet... Daar word dus beslis ook na die Satan verwys as 'n draak (nl. "groot draak") - kyk Openb. 12:7,8, en volgens hierdie skrif wil dit voorkom of hierdie groot draak (Openb. 12:7-9) 'n plek "in die hemel" het en die aarde kan deurkruis... (lyk of hy instaat is om voor God (in die derde/hoogste hemel) te verskyn, en ons voor God kan aankla/Job 1:6,7 - "En op ‘n dag toe die seuns van God kom om hulle voor die HERE te stel, het die Satan ook onder hulle gekom. Toe vra die HERE vir die Satan: Waar kom jy vandaan? En die Satan antwoord die HERE en sê: Van ‘n swerftog oor die aarde, wat ek deurkruis het"). Openb. 12 leer dat die draak uiteindelik neergewerp sal word/is (Openb. 12), wat beteken dat wanneer hy neergewerp is (nl. op die aarde), sal die aarde (wat huidiglik onderwerp is aan owerhede, magte, wêreldheersers van die duisternis van hierdie eeu, bose geeste in die lug/Ef. 6:12) die eiendom word van onse God!, wat beteken dat Jesus Christus koningskap opneem/opgeneem het. Op hierdie stadium het hy nog mag om "aan te kla", asook om te verlei.  Net voor Jesus Christus terugkom sal die duiwel se mag "OM, MENSE AAN TE KLA", weggeneem word..., en wanneer hy gebind word (nadat Jesus Christus teruggekom het), sal hy (en dus ook die duiwels onder hom) nie meer toegelaat word om mense te VERLEI nie - vir 'n 1000 jaar lank! (die duiwel sal dan gebind wees/ Openb. 20:2,3)(en in daardie dae sal Jesus Christus oor die hele aarde vanuit Jerusalem regeer).  Wanneer die DRAAK/die Satan neergewerp is, het hy min tyd..., en sal alle stops uithaal om mense te verlei en te probeer verwoes (Openb. 12:2; 1 Pet. 5:8)(dit is dae waarin die dier uit see regeer en die stad Babilon oor die konings vd aarde.../Openb. 13,17). Sommige geleerdes is van mening dat Openb. 12 leer dat die duiwel alreeds "uitgegooi is" en nie meer 'n plek in die hemel het nie, siende hy ons bv. nie meer kan aankla nie (Openb. 12:7-10)(daar is verskillende interpretasies van Openb. 12, sommige glo dat dit histories is, en ander glo dat dit nog vervul moet word, nietemin, hetsy hy ons nog kan aankla of nie, die wat aan Jesus Christus behoort word deur Hom beskerm). 

- LEVIATAN: Daar word somtyds na die Satan verwys as die "Leviatan" (Hebr. woord "liv-yaw-thawn'", wat verwys na 'n slang of groot see-monster, en figuurlik konstellasie van 'n draak, ook simbolies van Babilon). Die woord "Leviátan" word in 'n paar verse in die Skrif gebruik (Job 3:8; Ps. 74:14; 104:26; Jes. 27:1), maar dit verwys nie noodwendig na hierdie spesifieke wese (die Satan) nie, maar is miskien meer simbolies van iets anders, soos "Babilon"...  Die Leviatan word o.a. na verwys as 'n "slang", en die Satan word ook na verwys as 'n slang, nl. die "ou slang" (Gen. 3:1-4, 13,14; 2 Kor. 11:3; Openb. 12:9,14,15; 20:2);  sekerlik is hierdie die rede waarom die woord "Leviatan" ook somtyds aan die Satan toegeskryf word, maar dit wil voorkom of in die skrifte waar die begrip "Leviatan" gebruik is, dit eerder beeldspraak is van iets anders (bv., Babel of Egipte). Kyk (Jes. 27:1 - "In dié dag sal die HERE met sy harde en groot en sterk swaard besoeking doen oor die Leviátan, die vinnige slang, en oor die Leviátan, die kronkelende slang; en Hy sal die draak doodmaak wat in die groot water is"); -kan bv. verwys na die koning van Babel/Jer. 51:34 of koning van Egipte/Eseg. 39:3 - en die woord "see" na "see van mense"). Nog 'n skrif waarin die woord Leviatan voorkom, is (Psa 104:26 - "Daar gaan die skepe en die Leviátan wat U geformeer het om daarin te speel"). In Ps. 74 wil dit ook voorkom of hierdie monster, die Leviatan, 'n beeld is van die Here se teëstanders... (Psa 74:14 - "U het die koppe van die Leviátan verbrysel; U het hom gegee as voedsel vir ‘n volk—vir woestyndiere"). Kortom, die woord "Leviatan" verwys nie noodwendig na die spesifieke wese, nl. die Satan nie, maar word somtyds ook so na hom verwys omdat hy 'n (ou) slang is (en die woord "leviatan" beteken slang of groot seemonster).

- SATAN: Die woord "Satan" is die Gr. woord "sat-an-as'" (wat verwys deels na "aanklaer", meer presies is hy 'n valse aanklaer... dit is die duiwel;  asook verwys die woord na 'n "teëstander"). Die klem is hier op die feit dat hy 'n AANKLAER is. 'n Goeie vb. is die boek van Job..., waar die Satan (Hebr. woord "saw-tawn'" in daardie skrif, wat verwys na 'n opponent, die groot vyand van wat goed is, 'n teestander) vir Job aankla (volgens Job 1:7 swerf/deurkruis hy die aarde..., en dit is duidelik dat hy soek wie hy kan aankla of probeer verwoes deur hulle te verlei). In die boek van Job word daar vertel hoe die Satan (verwysend na hierdie wese - duiwel/draak/ou slang) hom voor die Here gaan stel het op die dag wat die seuns van God hulle plek voor die Here gaan inneem het... (Job 1:6), en hy het God aangehits teen Job om Job op hierdie manier te probeer vernietig (Job 2:3). (Sag. 3:1 - "Daarna het Hy my Josua, die hoëpriester, laat sien, terwyl hy voor die Engel van die HERE staan, en die Satan aan sy regterhand staan om hom aan te klae") - in hierdie vers sien ons hoe die Satan mense aankla in die hemel by God (maar neem kennis dat Jesus sit nou aan die regterhand van die Vader!, en Hy tree vir Sy kinders in vir wie Hy duur betaal het!);  terloops, ons sien ook in die boek van Job dat die Satan mense kan siek maak, en selfs kan doodmaak..., dit is as God hom toelaat (Job 2:6,7). Die Satan is duidelik daarop uit om mense te verslind... (1Pe 5:8 - "Wees nugter en waaksaam, want julle TEëSTANDER, die duiwel, loop rond soos ‘n brullende leeu, en soek wie hy kan verslind"), en een manier hoe hy dit probeer doen is om mense "aan te kla..." - bv., hy het baie mense aangehits teen die dissipels, en hierdie is bv. ook die rede waarom Jesus op die ou end gekruisig is! (is omdat die mense die leuens/vals aanklagte geglo het). Die Satan "hits mense aan" sodat daardie mense teen ander mense optree - "aankla" in hierdie sin gaan nie net daaroor dat hy ons by God probeer aankla nie, maar hy gebruik ander mense om om teestanders van ons te word;  hy skep bv. verwarring sodat mense 'n verkeerde opinie vorm en dan teen ons optree (sodat hulle verkeerd optree teen / die regverdiges te na kom, of hulle oordeel/"is aanklaers"). In Matt. 16 waar Jesus vir Petrus "Satan" noem, het Hy natuurlik nie beweer dat Petrus self die Satan is nie, maar het verwys na hoe hy op daardie oomblik "soos" die Satan gepraat het... (Mat 16:23 - "Maar Hy het omgedraai en vir Petrus gesê: Gaan weg agter My, Satan (Gr. woord "sat-an-as'", wat verwys na 'n aanklaer of 'n duiwel/lasteraar)! Jy is vir My ‘n struikelblok (Gr. woord "skan'-dal-on", wat verwys na "in strik vang" - 'n okkasie wat geskep word om iemand te laat val), omdat jy nie die dinge van God bedink nie, maar die dinge van die mense". Hy het nie bedoel dat Petrus die Satan self is nie, maar eerder dat Petrus homself op daai oomblik laat gebruik deur die Satan (of soos die Satan optree) - Petrus het soos die wereld gedink, nie soos God nie.

- BEëLSEBUL:  Matt. 12:24,26 leer dat die Satan DIE OWERSTE VAN DIE DUIWELS is (owerste van die "bose of onreine geeste" wat terloops ook bekend staan as "duiwels")(vir 'n studie hieroor, gaan na: https://warechristene.blogspot.com/2016/12/onreine-geeste.html)(dit wil voorkom of dit is waarna die woord Beëlsebul hier verwys).  Die woord "Beëlsebul" word dus somtyds vir die Satan gebruik (as owerste vd duiwels), maar neem ook kennis dat die naam "Beelsebul" eintlik die naam van 'n Fililstynse god was wat later gedoop is as "die god van wat vuil is/vuilgoedhoop" ("poop god / dung god")(Beelsebul is 'n woord wat deur profete gebruik was om na gode te verwys as vals en nietig). Die Satan word in Matt. 12 die owerste van die duiwels genoem..., en "Beelsebul" (die god van wat vuil is, nl. van die demone wat onrein is - die woord onrein beteken "vuil")(Mark. 3:22,23 - "En die skrifgeleerdes wat van Jerusalem af gekom het, het gesê: Hy het Beëlsebul! (Gr. woord "beh-el-zeb-ool'", 'n naam van Satan) en: Deur die owerste van die duiwels dryf Hy die duiwels uit. En Hy het hulle na Hom geroep en vir hulle deur gelykenisse gesê: Hoe kan die Satan die Satan uitdryf?").  Dit is ook interessant om te merk dat die bose geeste (in die lug, wat somtyds in mense intrek) net soos die Satan mense o.a. kan siek maak... (bv. Matt. 17:18)(alhoewel nie alle siektes van bose geeste kom nie). Die Satan het 'n koninkryk... (Mark. 3:23-27) - hy is die owerste/regeerder/hoof van die bose (onrein, vuil) geeste, en hy het ook engele saam met hom... (Openb. 12:7). 

- OU SLANG: In Openb. 12:9 word daar na die duiwel/draak/Satan o.a. verwys as die "ou slang" (Gr. woord "of'-is", wat verwys na 'n listige slang) - die klem hier is op die feit dat hy LISTIG is (2Kor. 11:3 - "Maar ek vrees dat, net soos die slang Eva deur sy listigheid (die Gr. woord "pan-oorg-ee'-ah", wat verwys na hoe hy mense in 'n strik vang deur sy listigheid/subtiel) bedrieg het, julle sinne so miskien bedorwe kan raak, vervreemd van die opregtheid teenoor Christus") (Gen 3:4,5 -"Toe sê die slang vir die vrou: Julle sal gewis nie sterwe nie;  maar God weet dat as julle daarvan eet, julle oë sal oopgaan, sodat julle soos God sal wees deur goed en kwaad te ken"). Die Skrif leer o.a. dat DIE DUIWEL IS 'N VERLEIER wat die hele wêreld verlei... (Openb. 20:3).  Wat die woord "slang" dus veral verwys, is dat die Satan 'n BEDRIEER en VERLEIER is, en hy mense op hierdie manier probeer vang om sy wil te doen in plaas van die Here se wil (2 Tim. 2:26).

- MôRESTER / LUCIFER (?):  Die woord "lucifer" word baiemaal gebruik vir die duiwel..., maar neem kennis van die betekenis vd woord!, en dat die woord nie aan een persoon toegeken word nie, want dit beteken bloot "môrester" (Openb. 2:28; 22:16) en gaan in hierdie konteks oor "woord wat skyn". Baie geleerdes is van mening dat "môrester " en  "die seun van dageraad" in Jes. 14 daar verwys na die duiwel (wat oop is vir interpretasie) - die een na wie daar verwys word word bv. o.a. "môrester" genoem., wat nie bedoel is om 'n naam aan iemand spesifiek toe te skryf nie (want Jesus word bv. ook "môrester" genoem, nl. "blink morester"), maar die term gaan oor die betekenis daarvan in daardie konteks... (Jes. 14:12 - "Hoe het jy uit die hemel geval, o môrester (Hebr. woord "hay-lale'", wat verwys na "skyn"/môrester - lucifer), seun van die dageraad! Hoe lê jy teen die aarde neergeslaan, oorweldiger van die nasies!"). En natuurlik hang dit ook af na wie daar spesifiek verwys word.  As Jes. 14:12 bv. inderdaad vewys na die duiwel soos baie geleerdes glo, dan beteken dit dat hy 'n "lig" bring vir die mense... (vir 'n studie hieroor, gaan na: https://warechristene.blogspot.com/2017/11/beeldspraak-van-ster-en-skyn-en.html) - hierdie "lig" verwys na kennis..., maar in hierdie konteks nie die ware lig (die profetiese woord en waarheid/2 Pet. 1:19) is nie!, want die duiwel doen hom voor as 'n engel van die lig en baie sal glo dit is die waarheid maar hy bring nie die ware lig nie - en net so sy dienaars (die valse profete)... Bv., kyk 2 Kor. 11:13,15, waar valse apostels die Satan se dienaars genoem. (2Kor. 11:14 - "En geen wonder nie! Want die Satan self verander hom in ‘n engel van die lig").  Die duiwel doen homself voor as iets wat hy nie is nie, nl. 'n engel van die lig... (op dieselfde wyse doen die valse apostels hulleself voor as dienaars van geregtigheid, wat hulle nie is nie). Die duiwel is NIE 'N ENGEL VAN DIE LIG NIE (en duidelik ook nie die engele onder hom nie). Die woord/kennis wat hulle bring, bederf mense se sinne sodat hulle nie die waarheid of evangelie kan ontvang nie (2 Kor. 11:3) - vgl. dit met (1Tim. 4:1 - "Maar die Gees sê uitdruklik dat in die laaste tye sommige van die geloof afvallig sal word en verleidende geeste en leringe van duiwels sal aanhang"). Vir die wereld, nl. die wat verlore gaan, is die duiwel soos 'n lig, maar vir die een wat gered word is Christus die Lig!, en Christus het die ware lig/waarheid/profetiese woord!

-----------------------------------------------------------------------------------------------------------------------------BETEKENIS VAN DIE WOORD "DUIWEL":

DIE DUIWEL:  Die Satan, na wie ook somtyds verwys word as "die duiwel", word ook na verwys as 'n "groot draak", somtyds na 'n slang, bv. "die ou slang" (Openb. 12:9 - "En die groot draak is neergewerp, die ou slang wat genoem word duiwel en Satan, wat die hele wêreld verlei, hy is neergewerp op die aarde, en sy engele is saam met hom neergewerp"). In Matt. 4:1 is die woord duiwel die Gr. woord ("dee-ab'-ol-os", valse aanklaer, duiwel, lasteraar)(Matt. 4:1 - "Toe is Jesus deur die Gees weggelei die woestyn in om versoek te word deur die duiwel"). Hierdie is 'n goeie voorbeeld van hoe die duiwel opereer, nl. dat hy mense aankla en leuens oor hulle verkondig (sodat hulle geoordeel kan word) - die manier hoe hy dit doen is dus deur bedrog... (hy bederf mense se sinne sodat hulle nie die evangelie ontvang nie)(Matt. 4:1-11; 2 Kor. 11:3) - hy draai mense teen die een wat die waarheid verkondig of praat.  

SOOS 'N DUIWEL: Waar die woord "duiwel" gebruik word in die Skrif, verwys dit nie altyd na die spesifieke wese nie. In Joh 6:70 waar Jesus vir die dissipels sê "Het Ek nie julle twaalf uitverkies nie? En een van julle is ‘n duiwel!", is dit bv. dieselfde Gr. woord wat daar gebruik word vir die woord "duiwel", maar Hy verwys nie hier na Judas Iskáriot as die wese, die ou slang, nie, maar wys dat hy (Judas) 'n lasteraar en aanklaer is soos die slang. In ander woorde, waar die woord "duiwel" gebruik word verwys dit nie altyd na die wese, nl. die "groot draak" of  "ou slang" nie, maar dit word somtyds gebruik om te beskryf dat die persoon "soos die ou slang is". 

DIE DUIWEL AS PA? In Hand. 13:10 noem Paulus vir Elimas (die towenaar) "kind vd duiwel" - hoekom? -... omdat hy "die reguit weë van die Here verdraai het", soos die duiwel doen! (Elimas het vir Barnabas en Saulus teëgestaan en het probeer om die goewerneur afkerig te maak van die geloof) - in ander woorde, hy was 'n lasteraar (en verleier, teestander...), soos die duiwel.  Kinders is soos hulle pa..., en dit die rede waarom Paulus hierdie vgl. maak. (op ditto wyse is weergeborenes bv. kinders van God, wat daarna verwys dat hulle "soos God" is, bv. hulle dink en sien soos God, en doen soos hulle hemelse pa) - vgl. dit ook met Joh. 8:44. (1Jn_3:8 - "Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek"). Om "soos jou pa" te wees, wys "uit watter saad" iemand gebore is (in hierdie geval, geestelik bedoel). Weergeborenes is "uit God se saad gebore", dit is waarom hulle soos God is en nie die sonde dien nie, maar wanneer iemand die sonde dien is hy soos iemand wat uit die duiwel gebore is (geestelik bedoel) - dit verwys nie daarna dat die persoon 'n wese is wat fisies gebore is uit die Satan self nie, maar wys dat hy soos die Satan is, asof uit hom gebore... Maar weergeborenes word gesien asof "gebore uit God", want hulle is soos hulle Pa, die Here! (1 Joh. 3:9; 4:7; 5:1,4,18) - hulle het die Gees van God, maar die natuurlike mens het die gees vd wereld. Kinders van die duiwel sal noodwendig eendag opeindig saam met hulle "pa"..., nl. in die ewige vuur (wat berei is vir die duiwel en sy engele/Matt. 25:41) = "vervloektes".

-----------------------------------------------------------------------------------------------------------------------------WIE PRESIES IS DIE SATAN/OU SLANG?

Die Satan word deur verskillende name beskryf..., wat natuurlik op beurt elk iets van sy karakter vertel...;  bv.:

- die woord "satan":  =aanklaer;  

- die woord "slang":  =listig; 

- die woord "draak": =groot monster/slang/walvis  (die woord "Leviatan word ook gebruik); 

- die woord "duiwel": =valse aanklaer en lasteraar; 

- die woord "Beelsebul", 'n naam wat aan hom gegee is as die owerste vd duiwels/bose geeste (god van die onreine). 

Elkeen van hierdie name beskryf iets van hoe hy lyk, wat hy doen, of sy karakter... (bv., hy is 'n verleier, hy is 'n aanklaer, hy is 'n lasteraar, ens.). Ons lees die eerste keer van die "slang" in die Genesis-verhaal, waar die slang vir Eva verlei om ongehoorsaam te wees aan die Here..., en daar sien ons iets van die Satan se karakter, nl. dat hy listig is ("soos 'n slang") waarmee hy vir Eva (en Adam) gevang het om sy wil te doen.  

Is die Satan 'n engel?  Baie geleerdes is van mening dat die Satan 'n engel (wese) is (alhoewel die woord "engel" eintlik verwys na 'n "werk"  nl. is 'n boodskapper, nie noodwendig 'n spesifieke soort wese nie - die woord word bv. in baie Skrifte gebruik om te verwys na die wesens "wat daardie werk doen" - 'n mens kan bv. 'n engel genoem word/boodskappers-Openb. 1:20).  Alhoewel daar nie duidelikheid is oor wat se soort wese die Satan is nie, is daar Skrifte waarvan sommige geleerdes hierdie afleiding maak..., bv. die woorde dat die Satan hom voordoen as 'n engel van die lig... (2Kor. 11:14 - "En geen wonder nie! Want die Satan self verander hom in ‘n engel van die lig") - wat verwys daarna dat hy hom voordoen as iemand wat 'n boodskapper van die Here is.  Die feit dat hy soos die seuns van God (wat gewoonlik ook deur sommige na verwys word as engele), tussen hulle ook voor die Here kan verskyn... (Job 1:6 - "En op ‘n dag toe die seuns van God kom om hulle voor die HERE te stel, het die Satan ook onder hulle gekom"), is 'n ander rede waarom hy gesien word as een van die "seuns van God" (maar duidelik, as hy is, is hy 'n ongehoorsame seun van God!).  Nog skrifte wat somtyds gebruik word om na die Satan as 'n seun van God te verwys, is Jes. 14 en Eseg. 28, alhoewel die betrokke skrifte nie noodwendig na die duiwel verwys nie... (https://warechristene.blogspot.com/2018/03/verwys-dele-in-jes-14-en-eseg-28-regtig.html). Of die Satan 'n engel-wese is of wat se wese ookal, wat wel seker is is dat hy 'n wese is!, nie 'n denkbeeldige voorstelling in een of ander mite nie;  en alhoewel hy onder God se mag is (en bv. toestemming moet kry voor hy iets aan die Here se kinders kan doen - kyk die vb. van Job), dra hy nie God se belange op die hart nie;  inteendeel is hy 'n verleier en verwoester.

Nog 'n rede waarom hy baiemaal gesien word as 'n engel-wese, is omdat hy sekere mag het. Bv., wat engele aanbetref wil dit voorkom of sommige van hulle (of almal?) groot mag het, en sterk is... (Openb. 5:2; 18:1), en instaat om baie dinge te doen soos om mense siek te maak, bv. iemand stom maak (Luk. 1:20) blind maak (Gen. 19:11)..., ens. (vir 'n studie oor engele, gaan na: https://warechristene.blogspot.com/2018/06/engele.html).  Bose geeste kan ook mense siek maak (en terloops, baie geleerdes is van mening dat bose geeste die kinders is van gevalle engele/boek van enog..). - kyk vir Job /  en onthou ook dat die Satan die owerste is van die bose/onreine geeste. Alhoewel baie mense die duiwel mag gee in hulle lewens (hy is die "god vd wereld"), het hy nie almag nie!  Die Skrif leer dat die engele ONDER Jesus Christus gestel is en alle engele van God Hom moet aanbid... (Heb 1:6-8 "En wanneer Hy weer die Eersgeborene in die wêreld inbring, sê Hy: En al die engele van God moet Hom aanbid. En van die engele sê Hy wel: Hy wat van sy boodskappers winde maak en van sy dienaars vuurvlamme maar van die Seun: U troon, o God, is tot in alle ewigheid, die septer van u koninkryk is ‘n regverdige septer"). 1 Pet. 3:22 leer ook vir ons dat die engele aan Jesus Christus onderwerp is, en Jesus Christus is aangestel bo elke naam, alle owerheid en mag en krag en heerskappy. (1Pe 3:22 - "wat heengegaan het na die hemel en aan die regterhand van God is, terwyl engele en magte en kragte aan Hom onderwerp is") -  in hierdie sowel die toekomstige wêreld (Ef. 1:20-23), en Hy gebruik die engele as boodskappers en hulle DIEN Hom (Hebr. 1:6,7). Dit gese, is nie almal engele van die lig nie! Daar was bv. ook 'n groep (engele) wat "geval" het en ongehoorsaam was aan die Here - hulle het hulle (hemelse) woning verlaat en agter vreemde vlees aan gehoereer... (Gen. 6:4; Jud. 1:6,7), daardie groep engele is huidiglik in die hel gebind is (en hulle wag op die oordeel / 2 Pet. 2:4; Jud. 1:6). 

- WAT SE SOORT WESE IS DIE SATAN? Alhoewel hy die OWERSTE VAN DIE BOSE GEESTE is (Matt. 12:24,26; Mark. 3:22,23) beteken dit nie hy is ook 'n bose gees self nie.  Meeste geleerdes is van mening dat die Satan 'n engel (seun van God) is... (en het engele onder hom)(Matt. 25:41; Openb. 12:9; 2 Kor. 11:14), maar hy en hulle is duidelik nie "boodskappers van die lig" nie (soos reeds bespreek, waar die woord "engel" gebruik word in die Skrif is die klem op "werk", nie op "wese" nie). Die feit dat die Satan s trawante as "engele" verwys word, beskryf nie regtig presies wat se soort wesens hulle is nie, liewer beskryf dit dat hulle sy boodskappers is. Die Satan word 'n "groot draak" of Leviatan genoem..., en lyk dus bes moontlik soos 'n groot monster/slang (?), maar sy karakter beskryf eerder wat se soort wese hy is. Dit is duidelik dat hy toegang het tot die (derde) hemel (Job 1,2) en voor God kan verskyn, maar hy sal eendag daardie plek verloor (Openb. 12:7,8). Dat hy 'n "regering" het, is verseker, want hy het selfs engele onder hom, en is ook die owerste van die bose geeste (hierdie "regering" wat o.a. na verwys kan word as 'n koninkryk.)(Matt. 12:26 - "En as die Satan die Satan uitdryf, dan is hy teen homself verdeeld. Hoe sal sy koninkryk dan bly staan?")

- DIE SATAN IS 'N VYAND: Hy probeer mense verwoes (die boek van Job is 'n goeie vb.), en hy kan mense siek maak, en selfs doodmaak as hy toegelaat word (Job 1:12). Selfs in die Christelike kerk saai die duiwel somtyds onkruid onder die koring... (Matt. 13:39) met die doel om die valses te gebruik om die gemeente te verwoes (https://warechristene.blogspot.com/2021/12/ingesluiptes.html)(hierdie valses verwys nie na kaf nie... - kaf is mense wat gered is maar nie vrug dra nie of vrugeteloos word,  terwyl "onkruid" mense is wat voorgee hulle is gered maar hulle is nie/is vals). Die "ingesluipte" se doel is om die koring te verlei deur bv. leuens te verkondig en in opstand te kom teen die wat die waarheid verkondig, sodat hulle die ander kan verlei (soos wat duiwels doen!). In ag geneem dit wat in die vorige paragraaf beskryf is, is dit baie moontlik dat hierdie valses wat in die kerk insluip, mense is wat bose geeste het...(alhoewel nie noodwendig nie)(?). Ingesluiptes is soos diewe, en 'n dief se doel is om te steel en slag en verwoes... (Joh 10:10) - vgl. dit met Matt. 13:39 waarin DIE DUIWEL o.a. 'n VYAND genoem word. Jesus het geleer dit is wanneer die kerk "slaap" wanneer onkruid onder die koring gesaai word, en die een wat hulle daar saai is die vyand (nl. die Satan)!  

- DIE SATAN IS 'N VERLEIER - hy verlei mense om sy wil te doen / hom te dien en aanbid: Soos in die eerste opsomming gesien, beteken die woord "satan" aanklaer en teestander - hy is die vyand!, en sy doel is om mense te verlei (Openb. 12:9 - "En die groot draak is neergewerp, die ou slang wat genoem word duiwel en Satan, wat die hele wêreld verlei, hy is neergewerp op die aarde, en sy engele is saam met hom neergewerp"). Mense wat deur die duiwel verlei is is "gevang om sy wil te doen" - dit is presies wat hy wil he, is sodat mense sy wil doen, en nie die Here se wil nie (diesulkes word somtyds in die Skrif beskryf as "dronk", asof hulle van hom gedrink het) (2Ti 2:26 - "en hulle weer nugter kan word, vry van die strik van die duiwel, nadat hulle deur hom gevang was om sy wil te doen"). Die Satan is daarop uit om mense te vernietig! - as hulle sy wil kan doen, is hulle lewens oppad na nietigheid (gaan dood) (Luk_22:31 - "En die Here sê: Simon, Simon, kyk, die Satan het vurig begeer om julle soos koring te sif") (1Pe 5:8 - "Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind"). En deels hoe hy dit doen, is om mense se sinne te verblind... (terloops, daarom is dit nodig dat hulle oë geopen word!/Hand. 26:18) - die wat "verblind" is is "in die duisternis"... (soos mense wat nie kan sien nie! - hulle verstaan nie)(Hand. 26:18);  en terloops, hierdie skrif leer verder dat diesulkes onder "die mag van die Satan" is! (hulle sien en dink anders)(2 Kor. 4:3,4). Wammeer mense "soos die wereld" dink en sien, is hulle onder die mag van die Satan, hulle is verlei... (1Jn 5:19 - "Ons weet dat ons uit God is en die hele wêreld in die mag van die Bose lê").  Die duiwel/die Satan is die owerste van die bose geeste, en somtyds gebruik hy die bose geeste/duiwels/onreine geeste om sy doel te bereik;  bv., somtyds trek bose geeste in mense in en beweeg hulle om die wil van die duiwel te doen... (Openb. 16:13,14; Joh. 13:2,27; Luk. 22:3)(https://warechristene.blogspot.com/2016/12/onreine-geeste.html). Joh. 13:27 verklaar dat die Satan in Judas ingevaar het... - of dit na 'n bose gees verwys is nie seker nie, maar beslis het dit Judas beweeg om die wil van die duiwel te doen. Die Satan kan mense beweeg om die verkeerde te doen, bv. Hand. 5:3 waar Ananias vir die Heilige Gees gelieg het en het nie gedoen wat die Here van hom verwag het nie - die Skrif verklaar dat die Satan sy hart vervul het (om te lieg). Die Satan wil gedien en aanbid word (Luk. 4:8). In Matt. 4 het die Satan probeer om Jesus te versoek om eerder sy wil te doen as die Vader se wil - in v.3 word die duiwel o.a. "die versoeker" genoem, en hy het verskillende maniere probeer om vir Jesus te laat val, eerste probeer om Sy vas te breek, toe Hom probeer kry om vir God (die Vader) te versoek, en toe het hy Hom probeer kry om hom te dien en te aanbid..,  maar Jesus het vir geen van sy versoekings geval nie. Op dieselfde wyse probeer die Satan gelowiges versoek om nie die wil van die Here te doen nie, en om sy wil te doen, of hulle eie wil eerder as die Here se wil te doen! Die Satan kan terloops mense verhinder om te doen wat hulle beplan... (1 Thess. 2:18). God laat toe dat Sy kinders somtyds versoek/beproef word.  In tyd van versoeking val sommige af... (nl. van die wat tot geloof gekom het), en die rede hiervoor is gewoonlik omdat hulle nie geestelik groei nie (maw, groei en vrug dra is belangrik) - as iemand nie geestelik groei en die vrug van die Gees dra nie, is dit maklik om af te val in tyd van versoeking en die wil van die Satan te doen (kyk die tweede groep in die gelykenis vd saaier -ons moet verstaan hoe belangrik geestelike groei is!). Hierdie is een van die rede waarom opsieners nie nuwelinge moet wees nie en 'n goeie getuienis dra, sodat hulle nie "in verangting IN DIE STRIK VAN DIE DUIWEL VAL nie! (1 Tim. 3:7).  Wanneer iemand al geestelik gegroei het en die vrug van die Gees dra, dan staan hulle makliker vas (en sal dan nie so maklik deur die duiwel gevang kan word om sy wil te doen nie)(en l.w. v.6..., "verwaand word en in die oordeel vd duiwel val nie" - die wat die wil van die duiwel begin doen, in plaas van die Here se wil, kan nie verwag om anders op te eindig as die duiwel nie - hulle uiteinde is saam met die een vir wie hulle gehoorsaam). . 

 In 1Tim. 5:15 word die woorde gebruik dat die wat vir versoeking val "afwyk agter die Satan aan"... (m.a.w. hulle doen sy wil).  Kinders vd Koninkryk moet ook ag gee dat hulle die duiwel geen plek gee om hulle te versoek nie! (bv. waar ons versoek kan word deur ons eie begeertes - een so 'n vb. is in 1Kor. 7:5 waarin huwelikspaartjies gevra word om hulle nie te lank van mekaar te onttrek (bv. as hulle vas) nie -  die rede? = "sodat die Satan hulle nie in versoeking bring deur hulle gebrek aan selfbeheersing nie")(kyk ook 1 Tim. 1:20)(Matt. 5:30 - "En as jou regterhand jou laat struikel, kap dit af en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie"). 

- HY IS 'N VALS AANKLAER WAT AANHITS: Die Satan kan iemand beinvloed om iets spesifiek te doen..., bv. in 1 Kron. 21:1 waar hy teen Israel wou optree het hy Dawid aangehits (om Israe te tel...). Op 'n ander geleentheid het hy die Here opgehits teen Job... (om vir Job te vernietig sonder oorsaak)(Job 2:3). Een van van sy kenmerke, soos ons reeds gesien het, is dat hy mense vals aankla... (Job 1), en is die juiste rede waarom hy o.a. "duiwel" genoem word. Kyk ook (Sag. 3:1 - "Daarna het Hy my Josua, die hoëpriester, laat sien, terwyl hy voor die Engel van die HERE staan, en die Satan aan sy regterhand staan om hom aan te klae") - in die brokke gedeelte het die Satan vir Josua, die hoëpriester, aangekla by God, maar die Here het Josua se skuld weggeneem. In Job 1 kla hy vir Job aan by God - die Satan swerf oor die aarde en kyk "wie hy kan verslind" (Job 2:2)(1Pe 5:8 - "Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind"). Terwyl ons nie kan keer om aangekla te word nie, het die wat in Jesus Christus glo nou iemand wat vir hulle intree..., nl. Jesus Christus tree vir ons in! (Heb 7:25 - "Daarom kan Hy (Jesus) ook volkome red die wat deur Hom tot God gaan, omdat Hy altyd leef om vir hulle in te tree")

- HY KAN MENSE SIEK MAAK: Die Satan kan mense siek maak... - hy het bv. vir Job met bose swere getref (Job 2:7).  Neem ook kennis dat hy die owerste (genoem, Beëlsebul) is van die bose geeste (Luk. 11:18), onreine geeste wat mense kan siek maak - bv., in vele skrifte waar Jesus duiwels uitgedryf het, het die mense gesond geword nadat die duiwels uit is. Nog 'n vb. is Luk. 13:11,16 vd vrou wat 'n gees van krankheid gehad het... (sy was inmekaargetrek en nie instaat om regop te kom nie) - in v.16 noem Jesus dat sy "deur satan gebind was" vir al daardie jare. Die Satan verderf vlees... (1 Kor. 5:5) - (vgl. dit met 1 Kor. 5:5). Wanneer 'n engel van satan gestuur word (bv. om iemand siek te maak)(2 Kor. 12:7) beteken dit NIE 'n bose gees trek in nie, maar die Here laat somtyds toe dat sy kinders deur die Satan se engele "met die vuis geslaan word", bv. Paulus noem dat in sy geval dit was sodat hy homself nie verhef nie. Wat presies hierdie "doring in die vlees" was is nie seker nie, maar dit kon moontlik 'n siekte wees. Ook in Job se geval was die Satan toegelaat om vir Job siek te maak (alhoewel nie toegelaat om hom dood te maak nie), maar dit beteken nie dat daar 'n bose gees in Job ingegaan het nie, alhoewel die Satan ook bose geeste kan stuur om in sekere mense in te gaan... (siende hy immers hulle owerste is), maar neem kennis dat bose geeste slegs kan intrek in 'n huis/iemand wat voorberei is vir hulle! (bv. mense wat op die bose vertrou/Matt. 12:43-45, bv. afgode aanbid of afgodspraktyke volg, die bose raadpleeg, ens...). 

- HY PROBEER VERHOED DAT MENSE DIE EVANGELIE AANNEEM: Die Satan bedink nie die dinge van God nie (Matt. 16:23; Mark. 8:33), en kan die woord wat gesaai is uit mense se harte wegneem sodat hulle nie die evangelie aanneem nie... (Mark. 4:15). Somtyds doen hy homself voor as 'n "engel van die lig" (2 Kor. 11:4) - in ander woorde, hy gee voor dat hy die woord vd Here en waarheid bring, maar hy doen nie. En somtyds gebruik hy allerhande kragtige dade en tekens en wonders vd leuen om mense te vang... (1 Thess. 2:9).

-----------------------------------------------------------------------------------------------------------------------------Terme "sinagoge vd Satan", "dieptes vd Satan" en "troon vd Satan":

Sinagoge van die Satan: Hierdie woorde word in 2 skrifte gebruik, en verwys na 'n "vergadering van mense"/gemeente wat voorgee dat hulle Jode is, maar nie is nie... - is eintlik 'n groep LASTERAARS (/kwaadsprekers) en LEUENAARS (Openb. 2:9; 3:9) - vir 'n studie hieroor, gaan na: (https://warechristene.blogspot.com/2025/11/sinagoge-vd-satan-dieptes-vd-satan.html).

Troon van die Satan: Openb. 2:13  Ek ken jou werke en die plek waar jy woon, waar die troon (Gr. woord "thron'-os", wat verwys na 'n sitplek van mag / troon) van die Satan is. En jy hou vas aan my Naam en het die geloof in My nie verloën nie, selfs in die dae waarin Antipas my getroue getuie was, wat gedood is by julle waar die Satan woon. Dit is duidelik dat die woord "troon" hier verwys na 'n troon van 'n god... (l.w. dat die Satan en die bose geeste onder hom ook gesien kan word soos sy koninkryk/Matt. 12:26).  Of Openb. 2:13 letterlik opgeneem word of beeldspraak, is nie seker nie, maar baie moontlik dat dit gebruik is in konteks van Openb. 12:2..., waar die draak sy mag en krag oorgee aan 'n wereldse koning/koninkryk (en daardie geval kan dit verwys na 'n fisiese troon(?)). Nietemin, die Satan word deur baie aanbid soos 'n god, en hierdie "troon" kan bloot verwys na 'n spesifieke plek waar hy aanbid word (wat so na verwys word).(https://warechristene.blogspot.com/2025/11/sinagoge-vd-satan-dieptes-vd-satan.html)

Dieptes van die Satan: Openb. 2:24  En ek sê vir julle en die ander wat in Thiatíre is, almal wat hierdie leer nie het nie, en die wat die dieptes (Gr. woord "bath'-os", wat verwys na diepgaande of mate - diep (te)) van die Satan, soos hulle dit noem, nie leer ken het nie: Ek sal op julle geen ander las lê nie.         -  Om die woorde "dieptes vd Satan" beter te verstaan, kan ingekyk word op ander skrifte waarin soortgelyke woordgebruik. Wat die die gemeente in Thiatíre aanbetref was daar 'n valse profetes toegelaat om lering te gee (sy het die gemeente verlei om te hoereer en afgodsoffers te eet). Die "lering" wat sy gebring het was duidelik soos 'n openbaring vir die wat daarvoor geval het - duidelik nie wysheid van God nie!, en bes moontlik aan haar geopenbaar deur onreine geeste... (wysheid wat sy van die bose gekry het ="dieptes van Satan").(https://warechristene.blogspot.com/2025/11/sinagoge-vd-satan-dieptes-vd-satan.html)

-----------------------------------------------------------------------------------------------------------------------------DIE UITEINDE VAN DIE DUIWEL EN SY ENGELE: 

(Matt. 25:41 - "Dan sal Hy ook vir dié aan sy linkerhand sê: Gaan weg van My, julle vervloektes, in die ewige vuur wat berei is vir die duiwel en sy engele") - die EWIGE VUUR was berei vir die duiwel en sy engele.  Aan die begin van die volgende bedeling (die "volgende" bedeling, nl. 'n 1000jaar tydperk wanneer Jesus oor die hele aarde regeer) sal die duiwel/draak/ou slang/die Satan gebind word vir die 1000 jaar lank (hy sal in die afgrond gewerp en toegesluit word, sodat hy nie die nasies kan verlei nie)(Openb. 20:2,3). Aan die einde van die 1000 jaar sal hy 'n kort tydjie ontbind word... (Openb. 20:3)(hy sal uit sy gevangenis ontbind word en sal uitgaan om die nasies te verlei, en hulle selfs versamel vir oorlog - dan sal hulle die laer vd heiliges en die geliefde stad omsingel, maar vuur sal uit die hemel neerdaal, van God af, en hulle verslind / Openb. 20:7-9). Hy sal uiteindelik in die poel van vuur en swawel gewerp word... (Openb. 20:10).

-----------------------------------------------------------------------------------------------------------------------------

HOEVEEL MAG HET DIE DUIWEL? (en waaroor het hy mag?):

Alhoewel baie mense die duiwel mag gee in hulle lewens (hy is die "god vd wereld"), en hy wesens het wat onder hom dien, en is bv. die leier vd bose, onreine geeste/duiwels (hy is "Beelsebul"), en is ook instaat om sekere ander dinge aan mense te doen bv. om hulle te verblind of verlei, siekmaak of selfs dood te maak, ens. (as God hom toelaat);  maw, hy het nie die algehele mag nie! Inteendeel, die Skrif leer dat hy eers moet toestemming vra voor hy iets aan God se kinders kan doen, en ook is alle engele onderwerp aan Jesus Christus! - Jesus Christus is die Een met die mag! (soos ons in die vorige paragraaf gesien het). 

Die duiwel is NIE God NIE.  Daar is net een God (wie bestaan uit die Vader, Seun en Heilige Gees). Die Skrif leer dat alle magte ONDER Jesus Christus gestel is en Hom moet aanbid.... (Hebr. 1:6,7) - Jesus Christus is aangestel BO elke naam, alle owerheid en mag en krag en heerskappy! Ook die engele is aan Jesus Christus onderwerp... -1 Pet. 3:22, l.w., "in hierdie, sowel die toekomstige wêreld" (Ef. 1:20-23), en Hy gebruik die engele (verwysend van die boodskappers vd lig) en hulle DIEN Hom (Hebr. 1:6,7). 

Daar is 'n groep engele wat "geval" het en ongehoorsaam was aan God... - hulle het hulle (hemelse) woning verlaat en agter "vreemde vlees aan hoereer" (Gen. 6:4; Jud. 1:6,7)(het met vrouens hoereer wat verbode was - alle wesens het nie dieselfde vlees nie...).  Hierdie engele is huidiglik in die hel gebind (en hulle wag op die oordeel / 2 Pet. 2:4; Jud. 1:6) en het groot verwoesting op die aarde teweeggebring omdat hulle baie mag het. Die Satan is 'n wese met mag, wat se wese hy ookal is (?) - wat wel seker is is dat hy 'n wese is!, nie 'n denkbeeldige voorstelling in een of ander mite nie;  en alhoewel hy onder God se mag is (en bv. toestemming moet kry voor hy iets aan die Here se kinders kan doen / kyk die vb. van Job), dra hy nie God se belange op die hart nie;  inteendeel hy is 'n VERWOESTER. Dus, alhoewel die duiwel instaat is om sekere dinge aan mense en in die wereld te doen, is hy NIE God is nie, en het nie algehele mag nie.  Wat die huidige wereld aanbetref, is baie mense "onder die mag van satan", maar dit is omdat hulle hom die mag gee (hulle kies om hom te gehoorsaam). 

 

- Die duiwel wil nie hê dat mense die evangelie verstaan en gered word nie;  dus, hy verblind hulle sinne... (2 Kor. 4:4) en steel die woord uit hulle harte uit... (Luk. 8:12 - "Dié langs die pad is die hoorders. Daarna kom die duiwel en neem die woord uit hul harte weg, sodat hulle nie sou glo en gered word nie"). 

- Die duiwel verlei die hele wêreld (Openb. 12:9). Die Satan word o.a. 'n slang genoem, wat verwys na hy is "listig"... (soos 'n slang)(2 Kor. 11:3) - met sy listigheid bedrieg hy mense om die leuen te glo (Gen. 3:4,5) - en op die manier verlei hy hulle om sy wil te doen in plaas van die Here se wil; of hy bederf hulle sinne sodat hulle nie die evangelie en waarheid sal ontvang nie (2 Tim. 2:26; 2 Kor. 11:3,14).

- In Jhn_8:44 word daar na die duiwel verwys as 'n "mensemoordenaar" wat nie in die waarheid staan nie (omdat daar geen waarheid in hom is nie). Jesus het ook verder daar geleer dat wanneer die duiwel leuentaal praat, hy uit sy eie praat omdat hy 'n leuenaar is en die vader daarvan...  Die duiwel kan iemand doodmaak, maar l.w. dat hy bv. nie vir Job kon doodmaak nie want God het hom nie toestemming gegee daartoe nie (Job 1:12) - dit wys weer-eens vir ons wie het eintlik die mag!

- Die duiwel kan iemand beinvloed (Jhn_13:2  En gedurende die maaltyd—die duiwel het dit al in die hart van Judas Iskáriot, die seun van Simon, ingegee om Hom te verraai—), bv soos om gedagtes in hulle te sit, of iemand aanhits... (Job 2:3). 

- Die duiwel probeer mense versoek om die Here God te verloën (soos Hy met Jesus gedoen het/Luk. 4:2-13), en probeer hulle vang om sy wil te doen (2Ti_2:26). 

- Die duiwel is 'n teëstander en valse aanklaer en loop rond soos ‘n brullende leeu, en soek wie hy kan verslind... (1 Pet. 5:8). Hy word ook "lasteraar" genoem (dit is o.a. wat die woord "duiwel" beteken), en kan in die hemel mense aankla by God (Job 1:6,7) - hy deurkruis die aarde op soek na mense vir wie hy kan vernietig (Job 1:7; 1 Pet. 5:8). 

- In Openb. 2:10 het die duiwel sommige Christene in die gevangenis gewerp sodat hulle op die proef gestel kon word (en hulle het vir 10 dae verdrukking gehad - die duiwel gebruik baiemaal mense om sy wil uit te voer). 

- Die duiwel kan mense siek maak (Job 2:7). In sommige gevalle is dit bose of onreine geeste wat mense siek maak en l.w., die duiwel is die owerste van die onreine geeste (nl. "Beelsebul"/Matt. 12:24; 17:8). 

WAT KAN DIE DUIWEL NIE DOEN NIE: 

(1) Die duiwel se mag kan wel ook beskryf word as 'n "koninkryk", want hy het bv. engele onder hom en is die owerste van die bose of onreine geeste ("Beelsebul"/Matt. 3:22,23; 12:24; 17:8), maar noodwendig sal hy nie "duiwels uitdryf" nie..., want dit sou beteken dat hy (sy koninkryk) teen homself verdeeld is;  in ander woorde, die Satan sal nie iets doen wat kan veroorsaak dat sy koninkryk verwoes word nie - m.a.w., DIE SATAN KAN/SAL NIE BOSE GEESTE UITDRYF NIE (Mat 12:22-32 - "Toe het hulle ‘n duiwelbesetene wat blind en stom was, na Hom gebring; en Hy het hom gesond gemaak, sodat die blinde en stomme kon praat en sien. En die hele menigte was verbaas en het gesê: Is Hy nie miskien die seun van Dawid nie? Maar toe die Fariseërs dit hoor, sê hulle: Hy dryf die duiwels nie anders uit as deur Beëlsebul, die owerste van die duiwels, nie.  Maar Jesus het hulle gedagtes geken en vir hulle gesê: Elke koninkryk wat teen homself verdeeld is, word verwoes; en elke stad of huis wat teen homself verdeeld is, sal nie bly staan nie. En as die Satan die Satan uitdryf, dan is hy teen homself verdeeld. Hoe sal sy koninkryk dan bly staan? En as Ek deur Beëlsebul die duiwels uitdryf, deur wie dryf julle seuns hulle uit? Daarom sal hulle jul regters wees. Maar as Ek deur die Gees van God die duiwels uitdryf, dan het die koninkryk van God by julle gekom. Of hoe kan iemand in die huis van ‘n sterk man ingaan en sy goed roof, as hy nie eers die sterk man geboei het nie? En dan sal hy sy huis beroof.  Hy wat nie met My is nie, is teen My; en hy wat nie saam met My versamel nie, verstrooi.  Daarom sê Ek vir julle: Elke sonde en lastering sal die mense vergewe word, maar die lastering teen die Gees sal die mense nie vergewe word nie. En elkeen wat ‘n woord spreek teen die Seun van die mens, dit sal hom vergewe word; maar elkeen wat spreek teen die Heilige Gees, dit sal hom nie vergewe word nie, in hierdie eeu nie en ook in die toekomende nie"). Hierdie is 'n interesante punt van bespreking... Dit gese, nie almal wat duiwels uitdryf ("duiwelbesweerders") is noodwendig deur die Here gestuur nie! (Hand. 19:13-17) - vir iemand om te kan duiwels uitdryf moet hy ten eerste vir Jesus Christus ken, want Jesus Christus het die mag (dit is waarom die geeste uitgaan in die Naam van Jesus Christus) en Hy is die een wat iemand die mag gee (Luk. 10). 

Slegs wanneer iemand mag oor ander het, kan hy hulle gebied. Dus, alhoewel die duiwels 'n owerste het (nl. die Satan, en hulle hom gehoorsaam), het Jesus algehele mag en hulle moet Hom gehoorsaam... (Matt. 17:18 - "Daarop bestraf Jesus hom; en die duiwel het van hom uitgegaan, en die seun het gesond geword van daardie uur af") ; (Mark.7:26  En sy was ‘n Griekse vrou, ‘n Siro-Feniciese van geboorte, en sy het Hom gevra om die duiwel uit haar dogter uit te dryf.......v:29,30  En Hy sê vir haar: Ter wille van hierdie woord kan jy gaan; die duiwel het uit jou dogter uitgevaar.Mrk_7:30  En toe sy huis toe gaan, vind sy dat die duiwel uitgevaar het en dat haar dogter op die bed lê") ; (Luk_4:33,34 - "En in die sinagoge was daar ‘n man met die gees van ‘n onreine duiwel, en hy het met ‘n groot stem uitgeskreeu. En Jesus het hom bestraf en gesê: Bly stil, en gaan uit hom uit! En die duiwel het hom tussen hulle neergegooi en uit hom uitgegaan sonder om hom seer te maak") ; (Hand_10:38  "met betrekking tot Jesus van Násaret, hoe God Hom gesalf het met die Heilige Gees en met krag. Hy het die land deurgegaan, goed gedoen en almal genees wat onder die mag van die duiwel was, omdat God met Hom was"). 

(2) In Joh. 12:31, 14:30 en 16:11 verwys Jesus na die duiwel as die "die owerste van hierdie wêreld", en in 2 Kor. 4:4 word hy die "god van hierdie wêreld" genoem;  meer presies die god van die ongelowiges en die kinders van ongehoorsaamheid...  (2Kor. 4:4 - "naamlik die ongelowiges in wie die god van hierdie wêreld die sinne verblind het, sodat die verligting van die evangelie van die heerlikheid van Christus, wat die beeld van God is, op hulle nie sou skyn nie"). Die wêreld is onder die mag van die bose... (maar die wat in Jesus Christus glo is deur Jesus verlos van daardie mag/Kol 1:13 - "Hy wat ons verlos het uit die mag van die duisternis en oorgebring het in die koninkryk van die Seun van sy liefde"). (1Jn 5:19 - "Ons weet dat ons uit God is en die hele wêreld in die mag van die Bose lê"). Die kinders van ongehoorsaamheid wandel "volgens die loop van hierdie wêreld, volgens die owerste van die mag van die lug, van die gees wat nou in hulle werk... (dit beteken o.a. dat hulle in die begeerlikhede van die vlees wandel... - doen die wil van die vlees en van die sinne  =  "kinders van die toorn", want almal wat wandel volgens die owerste vd wereld, is mense wat vir die toorn bestem is)(Ef. 2:2,3). In ander woorde, DIE SATAN HET MAG OOR DIE KINDERS VAN ONGEHOORSAAMHEID (deels "gebore in sonde", en deels omdat hulle hom mag gee oor hulle lewens - hulle wandel volgens die vlees/sinne verblind/het 'n wereldse gees), MAAR HY HET NIE MAG OOR DIE KINDERS VAN JESUS CHRISTUS NIE! (want hulle wandel nie meer volgens die wil vd vlees en sinne nie, en hulle sinne is nie meer bederf nie / het die Heilige Gees). Die natuurlike mens is soos 'n slaaf van sonde... Die mens word in sonde gebore;  of anders gestel, hy word in slaafskap onder sonde gebore (en het dus vrymaking nodig van hierdie slaafskap!) - hierdie is een van die dinge wat Jesus bewerk het, nl. dat Hy die mens kan vrykoop uit hulle slaafskap. Die natuurlike mens doen dus nie die wil van die Here nie, maar doen die wil van die duiwel (gehoorsaam aan die sonde / asof onder die mag van die duiwel). Maar geestelike mense doen die wil van die Here... DIE DUIWEL HET GEEN MAG OOR MENSE WAT DIE WIL VAN GOD DOEN NIE.  Geestelike mense is maw vrygekoop van slaafskap onder sonde... (doen nie meer die wil van die duiwel nie). In ander woorde, die wat vrygekoop is is nie meer "kinders vd duiwel" nie, en sal dus NIE in die poel van vuur opeindig nie..., want hulle het nou 'n nuwe vader (1Jn_3:8  Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek)  (1Jn_3:10  Hierin is die kinders van God en die kinders van die duiwel openbaar: elkeen wat die geregtigheid nie doen nie, is nie uit God nie, en hy ook wat sy broeder nie liefhet nie). 

(3) Die owerste van hierdie wêreld is geoordeel! (Joh. 16:11).(Joh 12:31 - "Nou is dit die oordeel van hierdie wêreld, nou sal die owerste van hierdie wêreld buitentoe gedryf word"). DIE DUIWEL SE MAG IS GEBREEK...: nl, die duiwel het mag gehad oor die dood, maar Jesus het daardie mag verbreek  (Heb_2:14  Aangesien die kinders dan vlees en bloed deelagtig is, het Hy dit ook op dieselfde manier deelagtig geword, sodat Hy deur die dood hom tot niet kon maak wat mag oor die dood het—dit is die duiwel—). DIE DUIWEL HET NIE MAG OOR DIE DOOD EN DODERYK NIE, maar Jesus Christus het... (Openb. 1:18 - "en die lewende; en Ek was dood en kyk, Ek  leef tot in alle ewigheid. Amen. En Ek (Jesus Christus) het die sleutels van die doderyk en van die dood"). M.a.w., die weergeborene het oorwinning oor die dood, want wanneer Jesus terugkom sal Hy die wat in Hom gesterwe het opwek uit die dood - ook wat die doderyk aanbetref het Jesus hulle losgekoop... (die doderyk kan hulle nie gevange hou nie). Alhoewel die duiwel mense kan doodmaak, sou God hom toelaat, het hy nie die mag om mense in die doderyk te hou of onder oordeel te laat kom nie. Jesus Christus het die mag en sal besluit wie losgekoop word, en wie nie, wie opgewek word tot lewe en wie nie. 

-----------------------------------------------------------------------------------------------------------------------------Sal die duiwel enige mag hê in die volgende bedeling?

Die duiwel word wel huidiglik die "god van hierdie wereld" genoem omdat almal in sonde gebore word, hy mense kan verlei en natuurlike mense hom mag gee oor hulle lewens (hom gehoorsaam), maar uiteindelik, wanneer Jesus Christus terugkom, sal hy nie meer toegelaat word om mense te vang om sy wil te doen nie. 

...Dit sal gebeur WANNEER JESUS CHRISTUS TERUGKOM  - DAN SAL DIE DUIWEL GEBIND WORD vir 'n 1000 jaar sodat hy NIE instaat is om DIE MENS te VERLEI NIE (Openb. 20:1-3).  Tereg, in die volgende bedeling sal almal gedwing word om vir Jesus Christus te aanbid en Hom gehoorsaam!, maar aan die einde van daardie bedeling, wanneer die duiwel weer losgelaat word vir 'n kort ruk, sal die wereld ongelukkig weer onder sy mag kom (Openb. 20:7-10).  Dit sal eindig in die verbranding van die aarde, en die duiwel sal in die poel van vuur gewerp word (Openb. 20:10; Matt. 25:41). 

In die volgende bedeling "sal alles Jesus Christus se eiendom wees", wat sekerlik veral verwys daarna dat Hy "die God van die wereld" sal wees, nl. dat almal vir Jesus Christus sal aanbid EN GEHOORSAAM.. (om dat beter verstaan, kan ingekyk word op Luk. 4:5-8)(in die volgende bedeling sal die duiwel nie meer die mens kan verlei nie, en sal hulle nie kan aankla nie) (Openb. 12:10 - "Toe hoor ek ‘n groot stem in die hemel sê: Nou het die heil en die krag en die koningskap die eiendom van onse God geword, en die mag van sy Christus; want die aanklaer van ons broeders is neergewerp, hy wat hulle aanklaag voor onse God, dag en nag").

-----------------------------------------------------------------------------------------------------------------------------Beëlsebul, owerste oor die onreine geeste:

In Luk 11:15, Matt. 12:24 en Mark. 3:22 word Beëlsebul die "owerste" van die duiwels genoem (Matt. 9:24). "Beelsebul" is dus ook o.a. 'n naam wat aan Satan toegeskryf word... (Matt. 12:24,26),en dit verwys na "die god van vuilgoed" (sien eerste opsomming).  In ander woorde, DIE SATAN IS DIE OWERSTE VAN DIE DUIWELS, die "onreine" ("duiwels" hier verwys na bose of onreine geeste) (Mark. 3:22,23 - "En die skrifgeleerdes wat van Jerusalem af gekom het, het gesê: Hy het Beëlsebul (Gr. woord "beh-el-zeb-ool'", 'n naam van Satan)! en: Deur die owerste van die duiwels dryf Hy die duiwels uit. En Hy het hulle na Hom geroep en vir hulle deur gelykenisse gesê: Hoe kan die Satan die Satan uitdryf?"). Wat is hierdie "duiwels"?:  - hulle is geeste..., en kan in mense intrek. Woorde wat o.a. in die Skrif gebruik word vir mense wat duiwels in hulle het, is die woorde "duiwel besete" (Matt. 9:32; 15:22; Joh. 10:20/8:49) - wat beteken dat hy 'n duiwel (in hom) het... (Matt. 9:32 is so 'n vb., van iemand wat "van die duiwel besete" was; kyk ook Mark. 9:32; Matt. 15:22). Bose geeste kan in mense ingaan en het 'n invloed op die persoon in wie hulle intrek - daar word o.a. ook na bose geeste verwys as "onrein" (Joh. 10:21), want waar hulle ookal intrek maak hulle die plek ONREIN (besoedel/vuil). Iemand wat 'n bose gees het word verder beskryf as "is onder die mag van die duiwel" (Hand. 10:38). Bose of onreine geeste swerf rond oor die aarde op soek na plek om te rus... (Matt. 12:44,45), en as hulle in iemand ingegaan maar uitgedryf is, probeer hulle weer terugkeer (en neem dan baiemaal nog 'n klomp duiwels saam met hulle)(Luk. 11:24; Matt. 12:45; Mark. 9:25).

Daar is baie bose (of onrein of "ander") geeste, wat terloops somtyds op die naam genoem word in die Skrif, bv.gees van hoerery (Hos. 4:12), stomme gees (Mark. 9:17), 'n gees wat waarse (Lev. 20:27), ens. Hierdie geeste bly nie noodwendig in iemand nie, maar word somtyds geraapleeg (wat natuurlik verbied word!/Deut. 18:10,11). Waar hulle ookal intrek het hulle 'n invloed op die persoon..., bv. in Luk_8:29 het die onreine gees 'n man so sterk gemaak dat hy boeie uitmekaar kon ruk, en het hom somtyds in die woestyn ingedrywe. In Luk_9:42 het die duiwel iemand laat stuiptrekkings kry. In vele voorbeelde sien ons dat die duiwels mense siek gemaak het, bv. Luk. 11:14 het 'n duiwel iemand stom gemaak. Natuurlik, nie oral waar daar in die Skrif verwys word na iemand het sus of so 'n gees..., verwys dit spesifiek na 'n bose gees nie, maar kan bloot 'n beskrywing wees van die toestand van iemand se gees (die mens se gees).  Vir 'n studie oor bose geeste, gaan na:  https://warechristene.blogspot.com/2016/12/onreine-geeste.html. 

Lasteraars en verleiers word somtyds beskryf as "het 'n duiwel (bose gees)"... (bv. hulle het so van Johannes gepraat..., maar natuurlik was hy nie 'n lasteraar en verleier nie/Matt. 11:18;  maar die vb. leer vir ons dat daar lasteraars en verleiers gesien is as mense met bose geeste - het 'n duiwel;  dit is wat die woord duiwel immers beteken, 'n aanklaer en lasteraar). Wat interessant is!, want ons dink gewoonlik dat mense met bose geeste slegs meer uiterlike gebare sal toon, soos mal voorkom of struiptrekkings kry, of wat ookal (wat baiemaal die geval is, maar nie noodwendig nie, want dit hang af wat se gees in iemand ingetrek het).  Dus, dit is duidelik volgens die Skrif dat lasteraars en verleiers gesien is as mense wat bose geeste in hulle het...  Kyk ook die vb in Matt. 9:34 waar sommige Fariseërs Jesus voorgestel het as 'n lasteraar (en Hom beskuldig het dat hy die duiwel uitdryf d.m.v. die owerste van die duiwels). Indirek wil dit voorkom asof hulle Hom beskuldig het dat Hy 'n bose gees het (Joh. 7:20, en vgl. ook met Joh. 8:47-49 waarin sommige Hom aankla as met die duiwel besete) , maar natuurlik was dit nie die waarheid nie, en Jesus was nie die een wat gelaster het nie - liewer was hulle self die lasteraars! In ag geneem dat die duiwel, en dus ook die onreine geeste (wat ook somtyds na verwys word as "duiwels", wat terloops aanklaers of lasteraars beteken) verleiers is, is dit nie onwaarskynlik dat 'n mens wat 'n verlei en laster 'n bose gees in hom het nie...

Waar die Koninkryk van God naby is, het die duiwel nie mag nie: Alhoewel die duiwel mag het oor die duiwels, het hy geen mag waar die Koninkryk van God teenwoordig is nie... Bv., wanneer die Here iemand outoriteit gee om geeste uit te dryf, kan hy hulle gebied om die plek heeltemal te verlaat - en hulle sal en moet luister!, want die persoon het meer mag oor hulle...;  bv., weergeborenes in wie die Heilige Gees is, het hierdie mag (want God is daar dmv Sy Gees!, en in so 'n geval sal die duiwel se mag oor iemand se lewe, gebreek word). God het die algehele mag (en Hy gee daardie mag aan sy dienaars);  dus, al is die Satan owerste (hoof) oor die bose geeste, moet hulle die Here (en Sy diensknegte in wie die Heilige Gees is) gehoorsaam waar hulle ookal gestuur word (1 Sam. 16:14). 

Waar die Heilige Gees teenwoordig is, is die koninkryk van God naby..., in so 'n geval het die duiwel geen mag nie want die Here het algehel mag (Mat 12:28)  Maar as Ek deur die Gees van God die duiwels uitdryf, dan het die koninkryk van God by julle gekom")   (Mar 16:16,17 - "Hy wat glo en hom laat doop, sal gered word; maar hy wat nie glo nie, sal veroordeel word. En vir die wat geglo het, sal hierdie tekens volg: in my Naam sal hulle duiwels uitdryf, met nuwe tale sal hulle spreek"). Jesus gebruik 'n soort beeldspraak in Matt. 12:29 om hierdie beter verduidelik, bv. dat daardie bose geeste wat uitgedryf word is soos diewe wat geboei en weggeneem word... Die duiwels word nie fisies gebind nie (want as dit die geval was sou hulle nie meer enige iemand kan verlei nie/Openb. 20:2), maar wat dit beteken is dat hulle uitgesmyt word uit daardie spesifieke huis, en wel nie meer daardie persoon kan verlei nie (wat die persoon self aanbetref, is hulle dus soos gebindes), en hulle kan weggestuur word na 'n ander plek (Matt. 8:28-34). In die volgende bedeling (nadat Jesus terggekom het) sal nie net die duiwel gebind wees nie, maar dit wil voorkom of ook die ander duiwels sal na 'n spesifieke plek gestuur sal word (Openb. 18:2). 

-----------------------------------------------------------------------------------------------------------------------------GEE AAN DIE DUIWEL GEEN PLEK NIE:

Eph_4:27  en gee aan die duiwel geen plek nie.

Eph_6:11  Trek die volle wapenrusting van God aan, sodat julle staande kan bly teen die liste van die duiwel.

Die wat die wil van die duiwel doen, is "in sy strik gevang"... - kan ook vgl. word met mense wat dronk is en nodig het om nugter te word (2Ti_2:26  en hulle weer nugter kan word, vry van die strik van die duiwel, nadat hulle deur hom gevang was om sy wil te doen). 1Pe_5:8  Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind.

Jas_4:7  Onderwerp julle dan aan God; weerstaan die duiwel, en hy sal van julle wegvlug.

-----------------------------------------------------------------------------------------------------------------------------

Die wapenrusting van God

In hierdie pos kyk ons na "DIE WAPENRUSTING VAN GOD" waarna verwys word in Ef. 6:11 (bestudeer gerus o.a. die tema van geestelike bekleding, want die wapenrusting van God kan ook gesien word soos iets waarmee jy jouself geestelik beklee - rol af tot heel onder vir 'n lys van poste waarin geestelike bekleding behandel word). Die mens het nie net klere nodig vir die uiterlike nie, maar ook vir die innerlike mens. Die "wapenrusting van God" kan gesien word as "geestelike klere"; bv., net soos ons die uiterlike mens beklee met wapenrusting wanneer jy gaan veg in 'n fisiese geveg, net so het die mens geestelike wapenrusting nodig vir die geestelike geveg waarin ons ons bevind. 

-----------------------------------------------------------------------------------------------------------------------------Ons is in 'n wortelstryd..., maar wat is hierdie stryd?: 

Die Skrif leer dat die geestelike mens in 'n worstelstryd betrokke is..., nie teen vlees en bloed (m.a.w., nie teen mense wat uit vlees en uit bloed gebore is) nie, maar "teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug" (Ef. 6:12 - "Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug"). Duidelik is hierdie stryd geestelik van aard! en praat nie van 'n worstelstryd teen ander mense nie.  Die "owerhede, magte en wêreldheersers vd duisternis" en "bose geeste in die lug" waarna verwys word in Ef. 6:12 verwys na die geestelike realm, en fisiese klere/wapenrusting gaan nie help in hierdie "geveg" nie (want dit is geestelik van aard).  Wat ons nodig het is "geestelike klere" . Die wapenrusting van God sal ons help om oorwinning te behaal... - bestudeer gerus die tema "wêreld oorwin" om hierdie nog beter te verstaan (https://warechristene.blogspot.com/2025/07/wat-beteken-die-begrip-wereld-oorwin.html). 

Hoe word hierdie (geestelike) wapenrusting (wat na verwys word as die WAPENRUSTING VAN GOD)_beskryf?:

- die lendene omgord met die WAARHEID;

- die borswapen van GEREGTIGHEID;

- skoene, BEREIDHEID VIR DIE EVANGELIE VAN VREDE;

- die skild van die GELOOF;

- die helm van VERLOSSING; en

- die swaard van die Gees, DIE WOORD VAN GOD  (Ef. 6:14-17 - "Staan dan vas, julle lendene met die waarheid omgord, met die borswapen van die geregtigheid aan,  en as skoene aan julle voete die bereidheid vir die evangelie van vrede. Behalwe dit alles neem die skild van die geloof op waarmee julle al die vurige pyle van die Bose sal kan uitblus. En neem aan die helm van verlossing en die swaard van die Gees—dit is die woord van God—").

DIE GEREDDE HET DIE "GEESTELIKE WAPENRUSTING VAN GOD" NODIG:  

DIE WEERGEBORENE IS VRYGEKOOP VAN DIE MAG WAARONDER HY GEBORE IS, en dit maak die duiwel woedend - sy plan om jou te verwoes, het gefaal - nou probeer hy jou terugkry...  DIT  IS  BASIES  DIE  GEVEG  WAARIN  DIE  GEESTELIKE   MENS  BETROKKE  IS.  Die duiwel probeer om jou te vang om die leuen te glo in plaas van die waarheid (dit is waarom jou lendene omgord moet wees met die waarheid), probeer om jou te vang om verkeerd te doen (dit is waarom jy die borswapen van geregtigheid moet aanhê), probeer jou stuit om die goeie boodskap uit te dra (dit is waarom jy skoene moet aanhe bereidheid om die evangelie te verkondig), probeer jou van die geloof afvallig maak (dit is waarom jy die skild van die geloof nodig het), probeer om jou te laat twyfel in die verlossing wat jy ontvang het (dit is waarom jy die helm van verlossing nodig het), en probeer om jou te vang om 'n ander evangelie aan te neem (dit is waarom jy die swaard nodig het). In hierdie geveg het jy die geestelike wapenrusting van God nodig (Ef. 6:11) sodat jy kan staande bly in die dag van onheil.  

Die geestelike mens moet seker maak dat hy met al hierdie BEKLEE is, maar die manier om dit aan te trek bestaan nie bloot uit woorde nie, maar het baie te doen met keuses en dade;  bv, wat kies jy wanneer jy moet kies tussen wêreldse wysheid en die kennis van God/waarheid/Jesus se woorde? (sal jy die waarheid kies?, of glo jy dat jy beter weet of dat die wereld se kennis meer logies is?).  Wat kies jy wanneer jy versoek word om verkeerd te doen? (het jy geregtigheid? - kies jy om die Here te gehoorsaam, of die vlees?). Is jou hoop in die evangelie vd Koninkryk/Jesus/vrede? (of glo jy dat saligheid op verskillende maniere verkry kan word?); wie raadpleeg jy wanneer jy antwoorde soek? (in wie plaas jy jou vertroue?; bv., raadpleeg jy die Here, of soek jy ander bronne op?) en vir wie gehoorsaam jy? (in wie glo jy? - doen jy die wil van God, of jou eie wil?);   leef jy vir die Here? (dien jy Hom of jouself?); ens. ... Hierdie is basies wat bepaal hoe jy jou "beklee" (nl. of jy die Here raadpleeg, hoop in Sy saligheid, glo in Sy woorde, ens.). 

------------------------------------------------------------------------------------------------------------------------------

KOM ONS KYK NA DIE VERSKILLENDE DIE ELEMENTE VD WAPENRUSTING OM DIT BETER TE PROBEER VERSTAAN:

Skrifgedeelte van belang:  

(Eph 6:10)  Eindelik, my broeders, word kragtig in die Here en in die krag van sy sterkte.

(Eph 6:11)  Trek die volle wapenrusting van God aan, sodat julle staande kan bly teen die liste van die duiwel.

(Eph 6:12)  Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug.

(Eph 6:13)  Daarom, neem die volle wapenrusting van God op, sodat julle weerstand kan bied in die dag van onheil en, nadat julle alles volbring het, staande kan bly.

(Eph 6:14)  Staan dan vas, julle lendene met die waarheid omgord, met die borswapen van die geregtigheid aan,

(Eph 6:15)  en as skoene aan julle voete die bereidheid vir die evangelie van vrede.

(Eph 6:16)  Behalwe dit alles neem die skild van die geloof op waarmee julle al die vurige pyle van die Bose sal kan uitblus.

(Eph 6:17)  En neem aan die helm van verlossing en die swaard van die Gees—dit is die woord van God—

Die geestelike wapenrusting word beskryf as geregtigheid, waarheid, bereidheid om die evangelie te verkondig, geloof, verlossing, die woord van God (en waak in gebed, want ons kan niks sonder die Here doen nie).  Elkeen van hierdie dele moet jy "AANTREK", en meeste dele is bedoel vir BESKERMING;  behalwe een, ..is om mee te VEG (nl. die woord van God - die swaard). Elke stuk vd wapenrusting is belangrik;  bv., die Skrif leer dat geloof (die skild van geloof) is nodig om die vurige pyle van die bose te kan uitblus! Die ander dele wat nodig is vir beskerming, is geregtigheid, waarheid, bereidheid evangelie verkondig, en verlossing. "Geregtigheid" word voorgestel soos die borswapen, waarheid soos die lendene omgord, evangelie verkondig, soos skoene, en verlossing die helm. In die volgende paragraaf sal ons meer stilstaan op elkeen van hierdie dele om te verstaan presies waarna elkeen verwys en wat elkeen beteken - l.w. dat elkeen van hierdie dele 'n spesifieke deel vd liggaam beskerm (en neem ook in ag dat die geestelike mens se liggaam soos 'n tempel is). (Ef. 6:12-18 - "Want ons worstelstryd is nie teen vlees en bloed nie, maar teen die owerhede, teen die magte, teen die wêreldheersers van die duisternis van hierdie eeu, teen die bose geeste in die lug. Daarom, neem die volle wapenrusting van God op, sodat julle weerstand kan bied in die dag van onheil en, nadat julle alles volbring het, staande kan bly. Staan dan vas, julle lendene met die waarheid omgord, met die borswapen van die geregtigheid aan, en as skoene aan julle voete die bereidheid vir die evangelie van vrede. Behalwe dit alles neem die skild van die geloof op waarmee julle al die vurige pyle van die Bose sal kan uitblus. En neem aan die helm van verlossing en die swaard van die Gees—dit is die woord van God— terwyl julle met alle gebed en smeking by elke geleentheid bid in die Gees, en juis daartoe waak met alle volharding en smeking vir al die heiliges"). 

Bestudeer gerus ook die tema van "geestelike bekleding" saam met hierdie onderwerp.  Bv., die tema "met Christus beklee"... (Gal. 3:26-29)(rol op na eerste paragraaf vir opsomming) gaan oor hoe die een wat weergebore word ingedoop word onder die kinders van God (dit verwys na die wat in Christus gedoop is) - hierdie is soos geestelike KLERE wat iemand aantrek. Op ditto wyse is daar ander geestelike soort bekledings in die Skrif (wat elk verwys na iets wat "aangetrek" word, bv. die "klere van heil/saligheid".  Die geredde BEKLEE hom/haarself bv. ook met die "nuwe mens"..., wat o.a. beteken dat hy die dinge daarbo bedink en verwys na "Christus in ons" (Ef. 4:24)( Kol 3:2-12). Hierdie soort beeldspraak word baie in die Skrif gebruik..., en in elke geval verwys dit in konteks na iets spesifiek. Ons het geestelike bekleding nodig vir baie dinge, o.a. om ons naaktheid (geestelik bedoel) te bedek/sonde te bedek. 

So het die WAPENRUSTING VAN GOD 'n bepaalde doel, nl.:

- om kragtig te word in die Here (Ef. 6:10), 

-staande te kan bly teen die liste vd duiwel (Ef. 6:11), 

-om weerstand te bied in die dag van onheil (Ef. 6:13), en 

-om die vurige pyle van die Bose te kan uitwis (Ef. 6:16).

------------------------------------------------------------------------------------------------------------------------------DIE REDE WAAROM "OORLOGVOERING" BELANGRIK IS:

Ons het gesien in die vorige paragraaf wat die doel is van die "wapenrusting van God" - hoekom ons dit nodig het... Bv., as jy wil kragtig (sterk) word in die Here, dan het jy die WAPENRUSTING VAN GOD nodig.

As jy wil staande bly teen die liste vd duiwel (hoe hy lê en wag om jou te vang), het jy die WAPENRUSTING VAN GOD nodig.

As jy wil kan weerstand (teestand) bied in die dag van onheil (dag van boosheid), het jy die WAPENRUSTING VAN GOD nodig.

As jy die vurige pyle van die Bose wil uitwis, het jy die skild van geloof nodig in die WAPENRUSTING VAN GOD.

Kom ons kyk bietjie meer in op die woorde "SODAT ONS KAN STAANDE BLY TEEN DIE LISTE VD DUIWEL": - die woord "liste" hier is die Gr. woord ("meth-od-i'-ah") wat vewys na 'n "metode" wat deur die duiwel gebruik word om iemand in sy lis te probeer vang, soos om te lê en wag...  Bv., kinders vd Koninkryk wat in die strik van die duiwel gevang is, word tipies na verwys in die Skrif as "dronk" of die wat nie waak nie - hulle is nie nugter nie / nie waaksaam nie, en verwys na mense wat gevang is om die wil vd duiwel te doen (2 Tim. 2:26). Dit is waarom Petrus aan die gemeente skryf  (1Pe 5:8 - "Wees NUGTER en WAAKSAAM, want julle teëstander, die duiwel, loop rond soos ‘n brullende leeu, en soek wie hy kan verslind"). Die duiwel is 'n teëstander..., en gereddes word beveel om hom teë te staan (bestudeer gerus hierdie pos om meer te verstaan wat "teëstander" beteken: https://warechristene.blogspot.com/2024/09/die-begrip-grimmigheid-van-god.html)(tipies kenmerkend van teëstanders is dat hulle verag en spot... - hulle is trots, vertel leuens, en terg die Here). As ons kyk na die verhaal van Eden is dit duidelik dat die duiwel 'n teëstander is - hy't bv. die Here God verag en leuens vertel - "geloof" word op hierdie manier aangeval (bv. deur 'n leuen, sodat jy nie glo nie).  L.w. die woorde "standvastig in die GELOOF" daar gebruik in 1 Pet. 5:9, want hierdie is die manier hoe jy die vurige pyle vd bose kan uitwis... (Ef. 6:16) - dit is hoe jy kan seker maak dat jy nie in sy liste gevang word nie (hou vas aan die Here en bly Hom vertrou - moenie die leuen glo nie). Kyk gerus hoe die WAPENRUSTING (vir die geestelike geveg) ook gebruik word in konteks met die tema van NUGTER en WAKKER. Geestelike mense is soos mense wat geestelik BEKLEE is, maar wanneer hulle hierdie "klere" uittrek of besoedel (Openb. 3:4; 7:13,14) en nie was nie, sal hulle onkant gevang word wanneer Jesus terugkom... (Openb. 3:3).  Dieselfde met die wapenrusting van God, want die wat nie daarmee beklee is nie sal onkant gevang word, en in hierdie geval, deur die vyand! Vir studie oor sekere van hierdie onderwerpe, klik op die volgende woorde: (SLAAP)(DRONK)(beklee)(naaktheid)(skaamte ontbloot).

Skild van die GELOOF:

Die prentjie wat vir ons geskets word in Ef. 6 is dat die geredde AANGEVAL WORD DEUR DIE BOSE EN MET PYLE GESKIET WORD..., maar daar is 'n manier hoe hierdie "vurige pyle" uitgewis kan word, en dit is deur GELOOF. Geloof is deel van die "wapenrusting van God", en word voorgestel as die "skild" gedeelte. Wanneer die Here jou skild is (m.a.w., as jy jou vertroue in Hom plaas), hoef jy niks te vrees nie! (Gen. 15:1). Die woord "skild" in Ef. 6:16 is die Gr. woord (" thoo-reh-os' "), wat verwys na 'n groot item, soos die vorm van 'n deur (wat pyle kan afweer en jou BESKERM teen aanvalle). Wanneer jy jou vertroue in die Here plaas hoef jy nie te vrees nie - dan is die Here soos 'n skild vir jou (Ps. 56:4). Bestudeer gerus die konneksie tussen "wêreld oorwin" en "geloof" (1 Joh. 5:4,5), want die woord "geloof" in Ef. 6:16 is die Gr. woord ("pis'-tis") wat gaan oor in wie of waarin jy jou vertroue plaas... - bv. wat sien jy as waarheid?  In wie plaas jy jou vertroue?, maw in die koteks van tussen die wêreld of die Here...;  bv.,  glo jy in wereldse wysheid? of die wysheid van die Here God?  In ander woorde, wat sien jy as waarheid? Plaas jy jou vertroue in die Here God?, of plaas jy dit in die wereld? GELOOF kan m.a.w. onder andere beskryf word as "om die wêreld (bv. sieninge, kennis, wil, ens.) te oorwin" (1 Joh. 5:4,5), en dit is veral waarna geloof verwys in hierdie skrif. 

  

Lendene omgord met die WAARHEID:

In heelwat skrifte waar die lendene omgord is was dit wanneer iemand gereed gemaak het vir 'n pad of missie..., bv. 2 Kon. 9:1 (waar Elisa 'n profete-seun beveel om sy heupe te gord en 'n kruik olie te neem na Ramot om iemand te salf)(kyk ook 2 Kon. 4:29; 1 Kon. 20:31; ens.) - die gord verwys na 'n belt. Dit is interessant om te merk dat die term "omgord die lendene" ook gebruik word in konteks van "nugter" wees, bv. in 1 Pet. 1:13.14 - ("Daarom, omgord die lendene van julle verstand, wees nugter en hoop volkome op die genade wat julle deel word by die openbaring van Jesus Christus. Soos gehoorsame kinders moet julle nie jul lewe inrig volgens die begeerlikhede wat tevore in julle onwetendheid bestaan het nie"). Om die wêreld te oorwin begin by om DIE WAARHEID te kies... Dit is soos voorbereiding vir die pad wat voorlê (en soos 'n belt hou dit alles bymekaar).  In 'n gelykenis wat Jesus vertel het in Luk. 12:35-48, waarin Hy hulle vertel om seker te maak hulle is GEREED, gebruik Hy ook die woorde "laat julle heupe omgord wees" (en terloops beveel Hy hulle om WAKKER te wees!). Om "die heupe te omgord" is beslis 'n term gebruik in konteks met "gereed maak" - wanneer jy die waarheid kies is jy soos iemand wat gereed is (is wakker, en sal nie onverwags betrap word nie);  maar as jy wêreldse wysheid en kennis eerder vertrou, is jy soos iemand wat nie gereed is nie. In Jes. 11:5 word geregtigheid daar voorgestel as 'n gordel van sy ("takkie uit die stomp van Isai" / nl. Christus) lendene, en trou die gordel van sy heupe ("gordel" verwys hier na geregtigheid en trou). 

Borswapen van GEREGTIGHEID:

Die woord "geregtigheid" in Ef. 6:14 is die Gr. woord ("dik-ah-yos-oo'-nay"), wat verwys na hoe iemand se karakter en dade in lyn kom met die Here se wil (geregtigheid beskryf basies dat iemand leef en doen soos die Here wil). In 1 Thess. 5:8 word "borswapen" ook gebruik in konteks met "nugter wees" (1Th 5:8 - "Maar laat ons wat van die dag is, nugter wees, met die borswapen van geloof en liefde aan, en as helm die hoop op die saligheid"). Sover is dit duidelik dat die wat die wapenrusting van God aanhet, verwys na mense wat "waak" en "nugter" is! Vgl. dit met Rom 13:12-14 - ("Die nag het ver gevorder en dit is amper dag. Laat ons dan die werke van die duisternis aflê en die wapens van die lig aangord. Laat ons welvoeglik wandel soos in die dag, nie in brassery en dronkenskap, nie in ontug en ongebondenheid, nie in twis en nydigheid nie. Maar beklee julle met die Here Jesus Christus, en maak geen voorsorg vir die vlees om sy begeerlikhede te bevredig nie"). In hierdie konteks gaan dit veral daaroor dat ons geen voorsorg moet maak vir die vlees omsy begeerlikhede te bevredig nie (m.a.w., as iemand nie geregtigheid aantrek nie, dan sal hy nie welvoeglik wandel nie, maar toegee aan die begeertes vd vlees).  In 1 Thess. 5:8 word GELOOF en LIEFDE beskryf as die borswapen... (want geregtigheid gaan eintlik hieroor...; m.a.w., dat iemand leef en doen soos die Here wil, bv., vertroue in die Here se wil en raadpleeg Hom, is barmhartig, vergewensgesind, ens).  In heelwat ander skrifte word geregtigheid ook beskryf as iets wat aangetrek word..., bv. in Job 29:14 word geregtigheid beskryf soos 'n kleed;  in Jes. 61:10 word dit beskryf soos 'n mantel.  In Jes. 59:17 word dit ook beskryf soos 'n pantser (Hebr. woord (shir) -yone', -yawn', -yaw', -yo-naw')(borswapen, harnas). 'n Pantser kan jou ook beskerm teen pyle (Jer. 51:3);  in ander woorde, as jy die wil van die Here doen, is jy o.a. beskerm teen die pyle van die bose.

Skoene, BEREIDHEID VIR DIE EVANGELIE VAN VREDE:

Die evangelie is die goeie boodskap... (Rom 10:15 - "En hoe kan hulle preek as hulle nie gestuur word nie? Soos geskrywe is: Hoe lieflik is die voete van die wat die evangelie van vrede verkondig, van die wat die evangelie van die goeie verkondig!"). Dit wil voorkom of hierdie deel van die wapenrusting verwys na hoe ons bereid moet wees om die goeie boodskap te verkondig (kinders van die koninkryk moet bereid wees om gestuur te word) - 'n evangelie wat nie net vir die kinders van Israel bedoel is nie, maar vir enige iemand! Die begrip "evangelie van vrede" is 'n begrip gebruik in die eerste gemeentes om te verwys na die goeie boodskap wat Jesus Christus gebring het wat o.a. bevestig dat enige iemand van enige nasie, stam, volk of taal gered kan word deur Jesus Christus! (nie net die van Joodse afkoms nie)(Hand. 10:36 - "Dit is die woord wat Hy gestuur het aan die kinders van Israel toe Hy die evangelie van vrede verkondig het deur Jesus Christus—Hy is die Here van almal")    (Ef. 2:11-19 - "Daarom, onthou dat julle wat vroeër heidene in die vlees was en onbesnedenes genoem word deur die sogenaamde besnydenis wat in die vlees met hande verrig word, dat julle in dié tyd sonder Christus was, vervreemd van die burgerskap van Israel en vreemdelinge ten aansien van die verbonde van die belofte, sonder hoop en sonder God in die wêreld. Maar nou in Christus Jesus het julle wat vroeër ver was, naby gekom deur die bloed van Christus. Want Hy is ons vrede, Hy wat albei een gemaak en die middelmuur van skeiding afgebreek het deurdat Hy in sy vlees die vyandskap tot niet gemaak het, naamlik die wet van gebooie wat in insettinge bestaan; sodat Hy, deur vrede te maak, die twee in Homself tot een nuwe mens kon skep en albei in een liggaam met God kon versoen deur die kruis, nadat Hy daaraan die vyandskap doodgemaak het. En Hy het die evangelie van vrede kom verkondig aan julle wat ver was en aan die wat naby was; want deur Hom het ons albei die toegang deur een Gees tot die Vader. So is julle dan nie meer vreemdelinge en bywoners nie, maar medeburgers van die heiliges en huisgenote van God"). Daar is nie meer Jood of Griek nie... (Gal. 3:28) - in Jesus Christus is Jood en heiden een (natuurlik verwysend na die wat glo in Jesus Christus) - hulle is ALMAL "kinders van Abraham". In ander woorde, as 'n weergeborene bereid is om die evangelie te verkondig, dan kan dit hom kragtig maak in die Here... - dit gaan nie net oor wat die evangelie vir jou beteken nie, maar ook wat dit vir ander kan beteken. Dit is barmhartig om die blye boodskap te verkondig. 

Helm van VERLOSSING:

(Eph 6:17 - "En neem aan die helm (Gr. woord "per-ee-kef-al-ah'-yah" - 'n helmet) van verlossing (Gr. woord "so-tay'-ree-on" - saligheid) en die swaard van die Gees—dit is die woord van God—". vir 'n studie oor die begrip "saligheid", gaan na: https://warechristene.blogspot.com/2020/08/bybelstudie-die-begrip-saligheid-oorsig.html. Redding is "veiligheid", dit is waarna die woord "verlossing" hier veral verwys. Vgl. dit met Jes. 59:17 waarin na verwys word as "die helm van heil (redding, gesondheid, saligheid)" - (Jes. 59:17 - "En Hy het geregtigheid aangetrek soos ‘n pantser, en die helm van heil was op sy hoof; en die klere van wraak het Hy aangetrek as kleding en Hom gewikkel in die ywer soos in ‘n mantel")(Jes. 61:10).

Die swaard van die Gees, DIE WOORD VAN GOD:

(Ef. 6:17 - "En neem aan die helm van verlossing en die swaard (Gr. woord "makh'-ahee-rah") van die Gees—dit is die woord van God—").  Die skrif verduidelik vir ons wat bedoel word met "SWAARD VAN DIE GEES", nl. dat dit verwys na die WOORD VAN GOD. Vgl. dit met Heb 4:12 - "Want die woord van God is lewend en kragtig en skerper as enige tweesnydende swaard, en dring deur tot die skeiding van siel en gees en van gewrigte en murg, en is ‘n beoordelaar van die oorlegginge en gedagtes van die hart". Die woord van God verander ons van binne sodat ons begin sien en dink soos die Here. As dit nie gebeur nie, het ons niks om mee te veg nie. In Jes. 49:2 word Israel op 'n interessante manier voorgestel: (Jes. 49:2 - "En Hy het my mond gemaak soos ‘n skerp swaard, in die skaduwee van sy hand het Hy My verberg; en Hy het My ‘n skerp pyl gemaak, in sy pylkoker My weggesteek")(mond daar die Hebr. woord "peh", wat gaan oor praat, maar o.a. is die woord "twee-snydend" daar in die betekenis vd woord mond) (en "swaard" verwys na 'n wapen, bv. 'n mes, byl, swaard... -Hebr. woord "kheh'-reb"). Vgl. dit met Jes. 11:4, hoe die Here Jesus die aarde sal slaan met die roede van Sy mond..., en kyk Openb. 1:16 waar Hy beskryf word as o.a. 'n skerp tweesnydende swaard wat uit sy mond uitgaan (Openb. 2:12). Om tyd met die woord van God te spandeer is inderdaad baie belangrik vir die wapenrusting.  Oorwinning le in die woord van God, dit is wat ons getuienis moet wees: (Openb. 12:11 - "En hulle het hom oorwin deur die bloed van die Lam en deur die woord van hulle getuienis, en hulle het tot die dood toe hulle lewe nie liefgehad nie"). 1Jn_2:14 leer dat die wat STERK IS EN DIE WOORD VAN GOD IN HULLE HET, is mense wat die bose oorwin: ("Ek het aan julle geskrywe, vaders, omdat julle Hom ken wat van die begin af is. Ek het aan julle geskrywe, jongmanne, omdat julle sterk is en die woord van God in julle bly en julle die Bose oorwin het"). Die begrip "oorwin die wêreld" het baie hiermee te doen, is dat ons nie dink en sien soos die wêreld nie, maar dink en sien soos God - die woord van God is hoe die Here sien en dink.  Die woord "wêreld" hier verwys na dit wat nie die waarheid is nie, maar mense glo dit omdat dit aantreklik is;  hulle het die "gees van dwaling" (1 Joh. 4:6) - hulle bedink die vlees, nie die Gees nie... (sien dus, dat die swaard "van die Gees" verwys na die wat dink soos die Gees). Hierdie is die groot verskil tussen natuurlike en geestelike mense, en die rede waarom geestelike mense anders "dink en sien", is omdat hulle die Heilige Gees het. As jy die bose wil oorwin het jy die woord van God nodig om te veg, nl. die waarheid, die Skrif, die woorde van Jesus Christus, en dus die Heilige Gees nodig, want die Heilige Gees leer en lei ons in die woorde van God (Joh. 14:17,26; 15:26; 1 Kor. 2:12,13; 1 Joh. 2:27) - selfs wanneer ons nie weet wat om te spreek nie, sal Hy vir ons die woorde gee (Joh 16:13 - "Maar wanneer Hy gekom het, die Gees van die waarheid, sal Hy julle in die hele waarheid lei; want Hy sal nie uit Homself spreek nie, maar alles wat Hy hoor, sal Hy spreek en die toekomstige dinge aan julle verkondig"). Nog 'n woord wat o.a. die "woorde van God" beskryf, is die woord WAARHEID (Mark. 12:14; Luk. 20:21;  Joh. 8:32). Jesus Christus het vir ons die waarheid gebring (Joh. 1:17), en die Heilige Gees word ook o.a. die "Gees van waarheid" genoem... (Joh. 15:26). In ander woorde, om die SWAARD VAN DIE GEES op te neem, beteken dat jy glo in Jesus Christus se woorde (vertrou Sy woorde/gehoorsaam Hom) en gehoorsaam die Heilige Gees (geestelike mense is onder die wet van Jesus Christus/1 Kor. 9:21, en onder die wet van die Gees/Rom. 8:2 - hulle dien vir Jesus Christus, dien die Gees). 

-----------------------------------------------------------------------------------------------------------------------------Hoekom die stryd: 

Hierdie stryd het alreeds begin in die tuin van Eden..., 'n stryd waarin die duiwel mense probeer vang om sy wil te doen (in plaas van die Here se wil te doen)(2Tim. 2:25,26 - "Hy moet die weerspanniges in sagmoedigheid teregwys, of God hulle nie miskien bekering sal gee tot die kennis van die waarheid nie, en hulle weer nugter kan word, vry van die strik van die duiwel, nadat hulle deur hom gevang was om sy wil te doen"). Die wat afval van die waarheid en gevang word om die duiwel se wil te doen, word o.a. na verwys as "blind" of "dronk" of "aan die slaap" - bestudeer gerus die verband tussen "dronk" en  "gemeenskap met duiwels"/1 Kor. 10:19,20; Openb. 17:2, "gemeenskap met duisternis"/2 Kor. 6:14; 1 Joh. 1:6, "gemeenskap met sondes"/1Tim. 5:22, en "gemeenskap met bose werke"/2 Joh. 1:11. In konteks gaan dit oor die weerspanniges - Christene wat van die waarheid afdwaal.  Die wat nie nugter is nie (geestelik bedoel), verwys bv. o.a. na die wat nie kennis van die Here het nie... (1 Kor. 15:34). Daar is net twee kante, die een is die kennis van God, en die ander een is wereldse wysheid. ONS IS ALTYD IN HIERDIE STRYD GEWIKKELD! - WATTER KANT KIES JY?  Kies jy die kennis van God? (en raadpleeg Hom)?, of kies jy wereldse wysheid (en raadpleeg ander bronne)? Dit is kommerwekkend hoeveel Christene vandag ander geloofsbronne raadpleeg en hulle antwoorde daar probeer kry, en selfs deelneem aan praktyke wat in ander gelowe en satanisme beoefen word, tog is hulle uitgesproke is oor hulle Christelike geloof maar die waarheid is dat hulle eintlik besig is om geestelik te hoereer... WIE IS JOU BRON? 

Om meer te verstaan van hierdie stryd, moet ons iets weet van hoe die duiwel opereer, bv.:

- Die duiwel wil nie hê dat mense die evangelie verstaan en gered word nie;  dus, hy verblind hulle sinne... (2 Kor. 4:4) en steel die woord uit hulle harte uit... (Luk. 8:12 - "Dié langs die pad is die hoorders. Daarna kom die duiwel en neem die woord uit hul harte weg, sodat hulle nie sou glo en gered word nie"). 

- Die duiwel verlei die hele wêreld (Openb. 12:9). Die Satan word o.a. 'n slang genoem, wat verwys na hy is "listig"... (soos 'n slang)(2 Kor. 11:3) - met sy listigheid bedrieg hy mense om die leuen te glo (Gen. 3:4,5) - en op die manier verlei hy hulle om sy wil te doen in plaas van die Here se wil; of hy bederf hulle sinne sodat hulle nie die evangelie en waarheid sal ontvang nie (2 Tim. 2:26; 2 Kor. 11:3,14).

- In Jhn_8:44 word daar na die duiwel verwys as 'n "mensemoordenaar" wat nie in die waarheid staan nie (omdat daar geen waarheid in hom is nie). Jesus het ook verder daar geleer dat wanneer die duiwel leuentaal praat, hy uit sy eie praat omdat hy 'n leuenaar is en die vader daarvan. Die duiwel kan iemand doodmaak, maar l.w. dat hy bv. nie vir Job kon doodmaak nie want God het hom nie toestemming gegee daartoe nie (Job 1:12)(dit wys darem vir ons wie het eintlik die mag!).

- Die duiwel kan iemand beinvloed (Jhn_13:2  En gedurende die maaltyd—die duiwel het dit al in die hart van Judas Iskáriot, die seun van Simon, ingegee om Hom te verraai—), bv soos om gedagtes in hulle te sit;  of kan iemand aanhits... (Job 2:3). 

- Die duiwel probeer mense versoek om die Here God te verloën (soos Hy met Jesus gedoen het/Luk. 4:2-13), en probeer hulle vang om sy wil te doen (2Ti_2:26). 

- Die duiwel is 'n teëstander en valse aanklaer en loop rond soos ‘n brullende leeu, en soek wie hy kan verslind... (1 Pet. 5:8). Hy word ook "lasteraar" genoem (dit is o.a. wat die woord "duiwel" beteken), en kan in die hemel mense aankla by God (Job 1:6,7) - hy deurkruis die aarde op soek na mense vir wie hy kan vernietig (Job 1:7; 1 Pet. 5:8). 

- Die duiwel kan mense siek maak (Job 2:7). In sommige gevalle is dit bose of onreine geeste wat mense siek maak en l.w., die duiwel is die owerste van die onreine geeste (nl. "Beelsebul"/Matt. 12:24; 17:8). 

Die wereld is in die strik van satan, meer presies is natuurlike mense gevang om sy wil te doen (die skrif verwys o.a. hierna as "hulle het 'n gees van dwaling").  Kinders van ongehoorsaamheid wandel "volgens die loop van hierdie wêreld, volgens die owerste van die mag van die lug, van die gees wat nou in hulle werk... (dit beteken o.a. dat hulle in die begeerlikhede van die vlees wandel... - doen die wil van die vlees en van die sinne  =  "kinders van die toorn", want almal wat wandel volgens die owerste vd wereld, is mense wat vir die toorn bestem is)(Ef. 2:2,3). In ander woorde, DIE SATAN HET MAG OOR DIE KINDERS VAN ONGEHOORSAAMHEID ("gebore in sonde" en omdat hulle hom mag gee oor hulle lewens - hulle wandel volgens die vlees/sinne verblind/het 'n wereldse gees), MAAR DIE DUIWEL HET NIE MAG OOR DIE KINDERS VAN JESUS CHRISTUS NIE! (want hulle wandel nie meer volgens die wil vd vlees en sinne nie, en hulle sinne is nie meer bederf nie / hulle het die Heilige Gees). Maar wat gebeur as die geestelike mens terugval? Wat gebeur as hy ander bronne begin raadpleeg, homself of op wereldse wysheid begin staatmaak, ens.? Geestelike mense is nie meer slawe van sonde nie, maar wat gebeur wanneer hy dit weer word? Hierdie is 'n ernstige saak, en hoekom dit so belangrik is dat ons OORWINNING BEHAAL wanneer die duiwel ons probeer vang om sy wil te doen. Die natuurlike mens doen nie die wil van die Here nie maar die wil van die duiwel - is slawe van sonde, maar wat gebeur as geestelike mense wat losgekoop is van hulle slaafskap weer terugval daarin? 

Geestelike mense, nl. die wat vrygekoop is, is nie "kinders vd duiwel" nie (doen en dink nie soos die duiwel nie - is nie onder die gees van dwaling nie) en sal dus NIE in die poel van vuur opeindig nie, want hulle het nou 'n nuwe vader (1Jn_3:8  Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek)  (1Jn_3:10  Hierin is die kinders van God en die kinders van die duiwel openbaar: elkeen wat die geregtigheid nie doen nie, is nie uit God nie, en hy ook wat sy broeder nie liefhet nie). Die geredde (of nuwe mens) dink en sien anders as die wêreld..., en wandel dus anders (want die geredde het nie meer die gees vd wêreld nie, maar die Gees van God - het die Heilige Gees). Om hierdie rede is gereddes altyd in 'n geveg betrokke, want ons leef in 'n wêreld waar die bose probeer om ons "heilige klere uit te trek" (probeer om ons te laat teruggaan na die ou mens wat sien en dink en wandel soos die wêreld)(Ef. 2:1-3 - "En julle het Hy lewend gemaak, wat dood was deur die misdade en die sondes  waarin julle tevore gewandel het volgens die loop van hierdie wêreld, volgens die owerste van die mag van die lug, van die gees wat nou in die kinders van die ongehoorsaamheid werk, onder wie ons almal ook vroeër gewandel het in die begeerlikhede van ons vlees toe ons die wil van die vlees en van die sinne gedoen het; en ons was van nature kinders van die toorn net soos ook die ander"). Die "aim" is om staande te bly! (vas te hou/om te oorwin)(kyk o.a. die 7 gemeentes in die boek van Openbaring, hoe belangrik dit is "om te oorwin"). In 'n ander konteks word hierdie pad van godsaligheid voorgestel soos 'n wedloop..., waarin die belangrikheid van "geestelike oefening" uitgelig word (1 Kor. 9:24-27) / (1Kor. 9:27 - "Maar ek kasty my liggaam en maak dit diensbaar, dat ek nie miskien, terwyl ek vir ander gepreek het, self verwerplik sou wees nie"). Saligheid is wel verniet, alhoewel jy nou aan 'n ander behoort (Jesus Christus het immers duur betaal vir jou) - die persoon wat verlos is dien die een deur wie hy vrygekoop is, en so "oorwin hy die wereld"... In Luk. 11:21-23 het Jesus 'n interessante stelling gemaak: (Luk 11:21-23 - "Wanneer ‘n sterk man wat goed gewapend is, sy huis bewaak, is sy besittings in veiligheid. Maar as een hom oorval wat sterker is as hy en hom oorwin, neem hy sy volle wapenrusting weg waar hy op vertrou het, en deel sy buit uit. Hy wat nie met My is nie, is teen My; en hy wat nie saam met My versamel nie, verstrooi"). Dit is belangrik om STERK TE WORD IN DIE HERE, sodat ons nie oorval word nie. En die manier om sterk te word is deur DIE WAPENRUSTING VAN GOD aan te trek - jy kan nie kortpad hier kies nie. Of jou hart is in dit, of nie. (Rom. 12:21 - "Laat jou nie deur die kwaad oorwin nie, maar oorwin die kwaad deur die goeie"). Dit waardeur iemand OORWIN is, daarvan het hy 'n slaaf geword (2 Pet. 2:19). Geestelike mense moet hulleself o.a. sien soos slawe van Jesus Christus en begeer om Sy wil te doen. Dit gaan basies oor wie se wil jy doen, en hierdie is presies die doel van die duiwel, nl. is om mense te probeer van om sy WIL TE DOEN, in plaas van die Here se wil (2Tim. 2:26 - "en hulle weer nugter kan word, vry van die strik van die duiwel, nadat hulle deur hom gevang was om sy wil te doen"). Mense wat deur die duiwel gevang is om sy wil te doen, is soos mense wat in 'n strik gevang is. Dit is gevaarlik as kinders van die Here hulle laat vang... (2Pe_2:20  Want as hulle, nadat hulle deur die kennis van die Here en Saligmaker, Jesus Christus, die besmettinge van die wêreld ontvlug het, hulle tog weer deur hierdie dinge laat verstrik en oorwin word, dan het vir hulle die laaste erger geword as die eerste).

Kom ons kyk na 'n paar skrifte om te sien hoe belangrik dit is om te OORWIN:

1Jn_4:4  Julle is uit God, my kinders, en het hulle oorwin, omdat Hy wat in julle is, groter is as hy wat in die wêreld is.

1Jn_5:4  Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof.

1Jn_5:5  Wie anders is dit wat die wêreld oorwin as hy wat glo dat Jesus die Seun van God is?

Rev_2:7  Wie ‘n oor het, laat hom hoor wat die Gees aan die gemeentes sê. Aan hom wat oorwin, sal Ek gee om te eet van die boom van die lewe wat binne in die paradys van God is.

Rev_2:11  Wie ‘n oor het, laat hom hoor wat die Gees aan die gemeentes sê. Die wat oorwin, sal deur die tweede dood geen skade ly nie.

Rev_2:17  Wie ‘n oor het, laat hom hoor wat die Gees aan die gemeentes sê. Aan hom wat oorwin, sal Ek gee om te eet van die verborge manna, en Ek sal hom gee ‘n wit keursteen, en op dié steen ‘n nuwe naam geskrywe wat niemand ken nie, behalwe hy wat dit ontvang.

Rev_2:26  En aan hom wat oorwin en my werke tot die einde toe bewaar, sal Ek mag oor die nasies gee,

Rev_3:5  Wie oorwin, sal beklee word met wit klere, en Ek sal sy naam nooit uitwis uit die boek van die lewe nie, en Ek sal sy naam bely voor my Vader en voor sy engele.

Rev_3:12  Wie oorwin, Ek sal hom ‘n pilaar in die tempel van my God maak, en hy sal daar nooit weer uitgaan nie; en Ek sal op hom die Naam van my God skrywe en die naam van die stad van my God, van die nuwe Jerusalem, wat uit die hemel van my God neerdaal, en my nuwe Naam.

Rev_3:21  Aan hom wat oorwin, sal Ek gee om saam met My te sit op my troon, soos Ek ook oorwin het en saam met my Vader op sy troon gaan sit het.

Rev_12:11  En hulle het hom oorwin deur die bloed van die Lam en deur die woord van hulle getuienis, en hulle het tot die dood toe hulle lewe nie liefgehad nie.

Rev_21:7  Hy wat oorwin, sal alles beërwe; en Ek sal vir hom ‘n God wees, en hy sal vir My ‘n seun wees.

Geestelike mense is met Christus beklee (Gal. 3:26-29), maar hulle word ook beveel om hulleself te beklee met die Here Jesus Christus... (Rom 13:14 - "Maar beklee julle met die Here Jesus Christus, en maak geen voorsorg vir die vlees om sy begeerlikhede te bevredig nie"). In 'n sekere konteks verwys die woorde "met Christus beklee" na hoe weergeborenes deel is van Jesus Christus se familie (en deel van die wat eendag gaan erf), maar in 'n ander konteks verwys dit na hoe die geredde die "nuwe mens moet aantrek" - dit is iets wat jy moet doen (vir 'n studie hieroor, gaan na: https://warechristene.blogspot.com/2019/05/uiteensetting-die-liggaam-klere-en.html)  - en wat dit in hierdie laaste konteks beteken is dat ons (as nuwe mense/eerste konteks) geen voorsorg moet maak vir die vlees om sy begeerlikhede te bevredig nie, maar beklee jou liewer met die nuwe mens!  Dit is wat gewoonlik bedoel word met die feit dat geestelike mense op 'n pad is van godsaligheid... "Godsaligheid" word o.a. soos OEFENINGE in die Skrif beskryf (in hierdie opsig word geleer dat geestelike oefening selfs belangriker is as liggaamlike oefening!). Net soos wanneer iemand oefen vir 'n wedloop, het soldate ook oefening nodig om hulle gereed te kry vir die geveg, en dit is ook in hierdie konteks waarin ons moet kyk na die geestelike wapenrusting.  In 1 Tim. 4:7 word gereddes bv. beveel om hulle te "oefen in die godsaligheid" (1Ti 4:7 - "Maar verwerp onheilige en oudwyfse fabels, en oefen jou in die godsaligheid") - gereddes moet hulle "oefen" in die nuwe afgesonderde lewe wat hulle nou het. Die geestelike wapenrusting van God gaan oor geloof, geregtigheid, waarheid, bereidheid, verlossing, en die woord... - hierdie is alles deel van die "nuwe lewe".

------------------------------------------------------------------------------------------------------------------------------Poste waarin "geestelike bekleding" o.a. behandel word:

- https://warechristene.blogspot.com/2019/05/uiteensetting-die-liggaam-klere-en.html

- https://warechristenedagstukkies.blogspot.com/2020/05/die-keiser-se-nuwe-klere.html

- https://warechristene.blogspot.com/2020/01/met-christus-beklee.html

- https://warechristene.blogspot.com/2020/03/honger-dors-vreemdeling-naak-siek.html

- https://eindtydonderwerpe.blogspot.com/2017/05/wie-oorwin-sal-beklee-word-met-wit-klere.html

- (skaamte ontbloot)

- https://warechristene.blogspot.com/2020/03/die-nuwe-mens-deel-1-die-wedergeborene.html