Ware Christene: saligheid

VIR DIE EERSTE DEEL OOR HIERDIE ONDERWERP, GAAN NA:
- https://warechristene.blogspot.com/2020/05/algemene-vrae-oor-saligheid-1-inleiding.html. In die eerste deel het ons ook gekyk na "HOEKOM iemand saligheid nodig het" en het daar stilgestaan by die volgende feite:

ons het

-REDDING NODIG VAN DIE DOOD, en

-REDDING NODIG VAN ons SLAAFSKAP ONDER SONDE.

As ons nie gered word van hierdie dinge nie, sal ons onder God se toorn val.

------------------------------------------------------------------------------------------------------------------------------

As ons dan nou vra HOEKOM ONS SALIGHEID NODIG HET, dan moet ons ook beslis dat:

In konteks verwys saligheid na "GERED VD TOORN" (...omdat almal sondig en dus verdien om onder oordeel te val en in die toorn sal kom)(maar die wat gered is en die opstanding tot lewe ontvang, het die belofte dat hulle nie in die toorn sal kom nie)(1 Thess. 5:8,9).
- die mens het dus redding nodig van die komende toorn (Ef. 2:3; Openb. 6:17; Matt. 3:7-12; Hebr. 4:3; 1 Thess. 2:16; Rom. 1:18; 2:5; Sef. 2:3; ens.). Waarna verwys hierdie toorn? Hierdie "toorn" verwys na "wraak" (Rom. 12:19) - wanneer die Here gaan wraak neem, want die wraak kom Hom toe, Hy sal vergeld... (bv. Hy sal wraak neem op die kinders van ongehoorsaamheid, die eiesinniges, die wat nie die vrugte dra wat by die bekering pas nie, ens. - Rom 12:19,20; Kol. 3:6; Ef. 5:6; Rom. 2:5,8; ens.). M.a.w., hierdie toorn verwys na die tweede dood, ook genoem "ewige oordeel" of "poel van vuur" (ons het redding nodig van die tweede dood), want die wat die saligheid verkry deur Jesus Christus, is NIE bestem "tot toorn" nie (1Th 5:9,10). In plaas van om deur die tweede dood te gaan, sal die wat saligheid verkry lewe (1 Thess. 1:10). Toe Jesus die eerste keer gekom het het Hy nie gekom om te oordeel nie, maar wanneer Hy terugkom sal Hy (Joh 3:35,36 - "Die Vader het die Seun lief en het alles in sy hand gegee. Hy wat in die Seun glo, het die ewige lewe; maar hy wat die Seun ongehoorsaam is, sal die lewe nie sien nie, maar die toorn van God bly op hom").

In daardie opsig kan die wat nie gered is nie, nie vir ewig lewe nie; maar die wat gered word het die belofte dat hulle vir ewig kan lewe (die wat opstaan tot lewe sal nie onder die toorn vd tweede dood val nie) - en aan hulle is die koninkryk belowe...

Die wat redding verkry, het dus die belofte van
- "ewige lewe" en sal die
- "koninkryk beërwe".

Daarom word hierdie baiemaal hanteer as deel van die redes hoekom ons saligheid nodig het; (m.a.w. in hierdie konteks het "die mens redding/saligheid nodig om die ewige lewe en die koninkryk te kan beërwe"... (2 Tim. 4:18; Dan. 2:44; Matt. 7:21; 25:34,46; Joh. 3:15; 3:36).

Dus, die mens het REDDING nodig; m.a.w., die wat:

- (1) "weer gebore" word (deur water en Gees)(Joh. 3:3-7), word gesien as

- (2) kinders van God (is dus nou as vrymense gebore)(word "geestelike mense" genoem)(1 Joh. 3:1), en het dus die belofte van

- (3) ewige lewe (word nie net innerlik vernuwe nie, maar sal ook eendag uiterlik vernuwe word)(Joh. 3:15; 6:40), en sal die

- (4) koninkryk beërwe (Matt. 25:34).

---------------------------------------------------------------------------------------------------------------------------

(1) OM SALIGHEID TE VERKRY BETEKEN DAT SO IEMAND "WEER GEBORE" WORD:

Alle mense word as NATUURLIKE MENSE gebore (omdat hulle kinders van Adam is) - "natuurlike mense" is 'n begrip wat gebruik word om te verwys na watter mense "natuurlik" is (is nie "geestelik" nie)(hoe hulle is/dink/sien/doen... - verwys na "is gebore in sonde"/is vleeslik) - hulle het nie die Gees van God nie, en is daarom "natuurlik" (1 Kor. 2:14). Natuurlike mense word in slawerny gebore - "is slawe van sonde" (is dus nie vry nie, maar word as slawe gebore - slawe van sonde)(is kinders van Adam), en is daarom "natuurlik" (Rom. 7:14) - hulle dien die sonde. Maar geestelike mense dien die Gees (want hulle het die Gees). Dis dus duidelik dat natuurlike mense skoonwassing nodig het, en die Gees nodig het... (maw, het nodig om "weer gebore" te word, wat geskied deur WATER en GEES-Joh. 3:5).

Natuurlike mense:

- HET NIE DIE GEES VAN GOD NIE (1 Kor. 2:14);

- HET DIE GEES VD WêRELD (1 Kor. 2:12);

- NEEM NIE DIE DINGE VD GEES VAN GOD AAN NIE en verstaan dit nie (want hulle het nie die Gees nie!) / is nie gehoorsaam aan die Gees nie (1 Kor. 2:14);

- natuurlike mense is VLEESLIK (hulle dink bv. vleeslik en tree vleeslik op)(Rom. 8:5-7);

- IS NIE VRY NIE - hulle word in slawerny gebore / is slawe van sonde/dien die wet van sonde, en kan nie in daardie staat aangeneem word as kinders van God nie (2 Pet. 2:19; Hebr. 2:15; Rom. 8:15; 7:26; 6:6);

- DRA VRUGTE VIR DIE DOOD (wat ook verwys na die tweede dood) - omdat hulle die sonde dien / m.a.w., hulle kan God nie behaag nie (Jud. 1:10; 1 Kor. 2:14; Rom. 8:6-8).

Die natuurlike mens het 'n natuurlike/VERGANKLIKE LIGGAAM (almal gaan dood!); maar die begrip "dood" verwys nie net na die uiterlike wat sterwe nie, maar verwys ook na die "tweede dood" (wanneer beide die liggaam/uiterlike mens en die siel/innerlike mens verderwe word)(Matt. 10:28). Sonder die Gees van God kan niemand vrug dra tot LEWE nie (m.a.w., omdat natuurlike mense nie die Gees het en daarom nie instaat is om vrug te dra "tot lewe" nie, kan geen natuurlike mens die ewige lewe beërwe nie, en daarom is alle natuurlike mense se uiteinde die dood - HULLE IS SOOS SLAWE WAT LOSKOPING NODIG HET. As iemand nie losgekoop word nie, kan hy nie die ewige lewe beërwe nie - so iemand se uiteinde is die dood (nie net het hy opstanding nodig vd uiterlike mens omdat almal sterf nie, maar het ook redding nodig vd innerlike mens/"siel" - sodat hy nie deur die tweede dood gaan nie).

'n Slaaf wat losgekoop word verkry 'n nuwe lewe - is soos 'n nuwe mens wat nou vry is; alhoewel hy dan behoort aan die een wat hom gekoop het! Dit is wat gebeur wanneer iemand geestelike redding verkry - hy word losgekoop deur Jesus Christus en alhoewel hy nou "vry" is (en nie meer die vorige meester nl. die sonde dien nie), behoort hy nou aan Jesus Christus (deur wie hy losgekoop is - hy word m.a.w. 'n slaaf van Christus en dien Hom). En in Christus (Hy was ons skoon en gee vir ons die Heilige Gees) is hy nou instaat om vrug te dra tot lewe (nie meer vrug "tot dood" nie, maar vrug tot lewe...). In daardie opsig is hy soos 'n nuwe mens, asof "weer gebore" - weergeborenes word bv. o.a. beskryf as mense wat "gebore is uit God" (1 Joh. 5:1)(is "geestelike mense"), asof gebore uit Sy saad (hulle word hanteer soos mense wat gebore is uit God, nie uit Adam nie). Mense wat uit God se saad gebore is is instaat om vrug te dra tot lewe (sal lewe!), maar die wat gebore is uit Adam se saad dra vrugte vir die dood (sal doodgaan)...

-----------------------------------------------------------------------------------------------------------------------------

(2) OM "KIND VAN GOD TE WEES" HET JY SALIGHEID/REDDING NODIG:

Kinders erf... Nie almal sal die aarde beerwe nie, slegs die wat "kinders" is, sal! En hoe kan jy die aarde beërwe (Matt. 5:5; Ps. 37:9,11,22,29,34; Rom. 4:13) as jy nie in die lewe is nie? Jy moet in die lewe wees om die aarde te kan beërwe, en jy moet 'n kind wees want dit is die kinders wat erf.

Die erfenis sal nie gegee word aan "natuurlike mense" nie, maar aan "geestelike mense" (kinders van God - die wat uit God gebore is - m.a.w., weergeborenes / die gebore uit water en Gees, en die wat onverganklike liggame kry). Daar word somtyds ook hierna verwys as "die koninkryk beërwe" (Matt. 13:43; 25:34)(kyk tema "kinders vd koninkryk"). Natuurlik is kinders deel van hulle "vader se koninkryk", en die koninkryk is nie net hemels van aard nie, maar sal ook eendag 'n aardse koninkryk wees (sal fisies op aarde wees) wat terloops ook vir ewig sal wees! (en is immers al hier deur Sy Gees, want waar Hy is daar is Sy koninkryk - "geestelike koninkryk" / Gees in wedergeborenes; daarom weergeborenes "tempel van God"). Die Vader het hierdie koninkryk aan Sy Seun Jesus Christus gegee. Jesus Christus sal vir ewig Koning wees OP AARDE, en die wat gered word het die belofte dat hulle hierdie koninkryk sal beerwe - hulle sal vir ewig lewe, op aarde, in Sy koninkryk.

Sommige Christene dink dat hulle vir ewig in die hemel sal lewe (?) - bes moontlik toegang tot die hemel, ja, maar die Skrif leer dat gereddes vir ewig "op die aarde" lewe. Die Skrif leer dat Jesus vd hemel af sal terugkom na die aarde, die ander koninkryke sal verbrysel, en sal Sy ewige koninkryk oprig.......(Dan. 2:44; 4:3; Gen. 49:10; Ps. 2:6-12; 89:3,4,36; Eseg. 35:35; Miga 4:7; Luk. 1:32,33; Joh. 12:34; Openb. 11:15; 19:11-21; 20:6,7; Jes. 24:23; ens.).

-----------------------------------------------------------------------------------------------------------------------------

(3) OM DIE EWIGE LEWE TE BEëRWE, HET JY SALIGHEID NODIG:

Die wat in Christus Jesus glo (saligheid in Hom ontvang) het die belofte van ewige lewe (Joh. 3:15,16,36; 1 Joh. 2:25; 5:11,13,20; 1:2; Jud. 1:21; Tit. 3:7; 1 Tim. 1:16; Rom. 6:22,23; 5:21; Joh. 17:2,3; Joh. 6, ens.). Maar natuurlik moet ons verstaan wat GELOOF beteken, want geloof in Hom is nie bloot 'n belydenis van woorde nie, maar gaan ook oor gehoorsaamheid - m.a.w., geloof sonder werke is dood. Daarom word in baie skrifte die belofte vd ewige lewe in ditto konteks gebruik as "werke", bv. (Gal 6:7,8 - "Moenie dwaal nie; God laat Hom nie bespot nie; want net wat die mens saai, dit sal hy ook maai. Hy wat in sy vlees saai, sal uit die vlees verderf maai; maar hy wat in die Gees saai, sal uit die Gees die ewige lewe maai"). Kyk ook 1 Tim. 6:11-19; Rom. 2:7,8; Joh. 18:18-24; Luk. 16: 8-13; Luk. 10:25-28; ens.

Tydens 'n gebed (Joh. 17) het Jesus die EWIGE LEWE o.a. op die volgende manier beskryf: (Joh 17:3 - "En dit is die ewige lewe, dat hulle U ken, die enige waaragtige God, en Jesus Christus wat U gestuur het"). In hierdie opsig is "om die Here te ken" soos ewige lewe... As iemand nie die Here ken nie, hoe kan hy dan verwag om die ewige lewe te beerwe want dit is immers o.a. waaroor die ewige lewe gaan - dit gaan nie net oor "vir ewig lewe" nie (Joh. 10:28; Dan. 12:2), maar verwys na die wat die Here ken (God die Vader en Sy Seun Jesus Christus KEN). In Joh. 12 noem Jesus ook die "gebod vd Vader" die ewige lewe... - (Joh 12:50 - "En Ek weet dat sy gebod die ewige lewe is. Wat Ek dan spreek—net soos die Vader vir My gesê het, so spreek Ek") - kyk ook Joh. 5:39. In die gedeelte (Joh. 12:44-50) verwys Hy na hoe Hy nie uit Homself spreek nie maar spreek wat die Vader Hom gee (Joh 12:49) Want Ek het nie uit Myself gespreek nie; maar die Vader wat My gestuur het, Hy het My ‘n gebod gegee wat Ek moet sê en wat Ek moet spreek"). Op dieselfde wyse is die Here se gebod vir die Christen soos "ewige lewe" - as jy nie Sy gebod liefhet nie, hoe wil jy dan die ewige lewe ontvang, want Sy gebod is die ewige lewe! Ons sien dus hier hoe Jesus vir ons verduidelik het wat EWIGE LEWE nou eintlik beteken. (Joh 12:25,26 - "Wie sy lewe liefhet, sal dit verloor; maar wie sy lewe haat in hierdie wêreld, sal dit bewaar vir die ewige lewe. As iemand My dien, laat hom My volg; en waar Ek is, daar sal my dienaar ook wees; en as iemand My dien, sal die Vader hom eer"). M.a.w., om die ewige lewe te he beteken dat jy die Here KEN en GEHOORSAAM. Die belofte vd ewige lewe is gemaak aan die wat GLO (nie net glo dat Hy is nie, maar verwys na die wat Hom ken en in Sy woorde/gebooie glo - die ewige lewe is om Hom te ken, en is Sy gebod...). Die ewige lewe is bedoel vir REGVERDIGES/BARMHARTIGES (Matt. 25:46).

Redding/saligheid/wedergeboorte vind plaas deur afwassing (water) en die ontvang vd Heilige Gees (Gees)(Joh. 3:5); alhoewel die aanneming tot kinders eers heeltemal voltrek word in die opstanding - die wat "opstaan tot lewe", nie die wat opstaan tot veroordeling nie (Joh. 5:29). Ja, kinders van God sal ook geoordeel word! (sien "regterstoel van Christus"-2 Kor. 5:10; Rom. 14:10; 2 Tim. 4:1). Jesus Christus was ons skoon van sonde en gee aan ons die Heilige Gees, maar Hy sal Sy dorsvloer skoonmaak wanneer Hy terugkom - bv., dan sal die kaf (die wat nie vrug dra nie) van die koring (die wat vrug dra) geskei word (en die kaf sal in die vuur gegooi word)(Matt. 3:12; Luk. 3:17). Natuurlik het almal wat weergebore word die belofte van EWIGE LEWE en sien uit na die opstanding wanneer ook hulle uiterlike vernuwe sal word, maar dit is bedoel vir die wat vashou (nie die wat self laat los nie). Geloof is inderdaad belangrik, maar geloof sonder werke is dood (Jak. 2:20,26). Geestelike mense is instaat om VRUG te dra TOT LEWE (omdat hulle die Gees het, en hulle word deur die Gees in bewaring gehou tot die dag van verlossing...), maar geestelike mense wat vrugteloos is wanneer Jesus terugkom (hetsy nie vrug gedra of het dit verloor), sal uitgewerp en verbrand word (Joh. 15:4-6; Mark. 4:7; Luk. 8:14; ). Daar sal ook ander oordele plaasvind in ditto tyd, bv. onkruid (die struikelblokke in die koninkryk) sal ook van die koring geskei word (Matt. 13:24-30), en die bokke (die wat onbarmhartig is) sal geskei word van die skape (die barmhartiges)(Matt. 25:31-46) - die "goeies" sal vd "slegtes" geskei word (Matt. 13:47-50). Inderdaad bestaan die "koninkryk vd hemele/God" (verwysend na die wat aan Sy koninkryk behoort of saambeweeg) nie net uit goeies (goeie visse) nie, maar ook slegtes (slegte visse)(Matt. 13:47-50; 22:9-14; 5:45) . M.a.w., met die voleinding vd wêreld (wanneer Jesus terugkom), sal die goeie visse van die slegtes geskei word...

Sonder die Gees van God kan niemand "vrug dra tot lewe" nie. Weergeborenes DIEN DIE HERE - is gehoorsaam aan die Gees (is nie onder die wet nie, en dien nie die sonde nie, maar is onder die Gees) - dit is immers waarom hulle vrug kan dra tot lewe. Natuurlike mense (die wat nie die Gees het nie) dra vrugte vir die dood (en kan dus nie die ewige lewe beërwe nie, want hulle uiteinde is die dood!). Geestelike mense (die wat die Gees het) dra vrug tot (ewige) lewe.

-----------------------------------------------------------------------------------------------------------------------------

(4) OM DIE KONINKRYK TE KAN BEëRWE, HET JY SALIGHEID NODIG:

- Natuurlike mense (die wat nie die Gees het nie) / "vleeslikes" kan nie die koninkryk beërwe nie (Gal. 5:21; 1 Kor. 6:9,10; Ef. 5:5). Die "natuurlike mens" word ook somtyds na verwys as "vlees en bloed" (gebore uit vlees-Joh. 3:6, en gebore uit bloed-Joh. 1:13, deur die wil van 'n man / die mensdom, gebore uit vlees en bloed/is VERGANKLIK / "kinders van Adam")(1Kor. 15:50 - "Maar dit verklaar ek, broeders, dat vlees en bloed die koninkryk van God nie kan beërwe nie; ook beërwe die verganklikheid nie die onverganklikheid nie").

- Geestelike mense (die wat die Gees het) / Weergeborenes het die belofte dat hulle die koninkryk sal beërwe (1 Kor. 15:50-58; Kol. 1:13,14) - die koninkryk is belowe aan gelowiges wat volhard, 2 Pet. 1:11 / die wat lief is vir die Here of ryk is in Hom, Jak. 2:5 / die wat Hom dien en vrees, Hebr. 12:28, 2 Tim. 4:18 / die wat vedrukking en vervolging verdra ter wille vd Koninkryk, 2 Thess. 1:5 / die barmhartiges, Matt. 25.......ens. Die geestelike mens (weergeborenes) is ook vlees en bloed, maar soos vlees en bloed van Jesus Christus... (verwys na "hulle lewe is in Hom" - omdat die lewe is in die bloed-kyk teken in Nagmaal-Hebr. 9:13;Joh. 6:53-56)(Joh. 1:12,13) - is "familie" van Hom, van Sy vlees en van Sy bene (Ef. 5:30)(kyk terme "vlees en been" of "liggaam en bloed"); - nie letterlik uit Hom gebore nie maar geestelik deur water en Gees - daarom word die weergeborene gesien as ONVERGANKLIK!, - innerlike is vernuwe, en sal ook eendag nuwe uiterlike (onverganklike) liggaam kry.

Maar nie alle "kinders vd koninkryk" sal in die koninkryk ingaan nie..., want die "aanneming tot kinders" word eers voltrek in "die opstanding". M.a.w., nie alle kinders vd koninkryk sal die opstanding tot lewe ontvang nie, maar die wat kwaad gedoen het sal opstaan tot veroordeling (Joh. 5:19). Bv., die "KAF" sal uitgewerp word - slegs die met vrug of die nodige vrug (nl. die "KORING") sal die koninkryk kan beërwe - (l.w., "kaf" verwys na weergeborenes wat nie vrug dra nie, of die wat wel vrug dra maar dit verloor...). Ook nie almal wat deel is van die Christelike kerk sal in die koninkryk ingaan nie, slegs die KORING / SKAPE sal dit beërwe - "ONKRUID" sal dit nie beërwe nie - (l.w., "onkruid" is mense in die Christelike kerk wat eintlik nie wederbaar is nie maar beweeg onder die koring asof hulle kinders van God is - hulle is vals, is "ingesluiptes" wat die koring kan laat struikel...), en "BOKKE" sal dit ook nie beërwe nie (l.w., "bokke" verwys na die wat nie barmhartig is nie, hetsy hulle aan die kerk behoort of nie, weergebore of nie).

---------------------------------------------------------------------------------------------------------------------------

Maandag 10 Augustus 2020

Bybelstudie: Die begrip saligheid (hoekom)

In hierdie bybelstudie vb word gekyk na "hoekom" iemand saligheid nodig het (nie "hoe" hy saligheid verkry nie).
- Vir 'n bybelstudie oor HOE iemand saligheid verkry, gaan na:
- Vir 'n bybelstudie om die begrip saligheid beter te verstaan, gaan na: https://warechristene.blogspot.com/2020/08/bybelstudie-die-begrip-saligheid-oorsig.html.

Die Bybelstudie stensil word as riglyn gebruik... Siende hierdie bedoel is vir gebruik in Bybelstudie is nie alle paragrawe hieronder opgesom nie - die bedoeling is dat onderstaande as riglyn gebruik kan word (en daar is natuurlik meer ingligting in die Skrif oor hierdie onderwerp as slegs dit wat hieronder gegee word).

------------------------------------------------------------------------------------------------------------
(1) HOEKOM HET DIE MENS SALIGHEID NODIG?:
Wat verstaan mense in die algemeen van "hoekom ons saligheid nodig het", of hoe sou die Christen dit verduidelik?

(hierdie vraag kan in die groepsbybelstudie behandel word as 'n inleiding - elkeen kan hulle opinie gee van hoekom hulle dink die mens saligheid nodig het - bv. "die mens het redding nodig van sonde", ens.)
------------------------------------------------------------------------------------------------------------
(2) BEPAAL VOLGENS DIE SKRIF HOEKOM DIE MENS SALIGHEID NODIG HET:
Kyk na die Grieks/Hebreeuse betekenis van saligheid, en kyk na voorbeelde uit die Skrif wat vir ons die rede gee hoekom ons saligheid nodig het.

Die woord SALIGHEID is die Griekse woord: (so-tay-ree'-ah), wat beteken:

- red van, gesondheid, redding, red, om te red.
(2 of 3 verse kan gekies word om in die groep voor te lees en dit te bespreek - die idee is om te verstaan dat saligheid verwys na "redding" - daar kan dus ook na skrifte gekyk word bv. die wat die woord redding, of bv. woorde soos "red" of "gered", bevat).

Betekenis bepaal uit vb.e in die Skrif:
- 1Th_5:8 i.p.v. TOORN sal die wat "nugter" is, SALIGHEID ontvang
- 1Th_5:9 ons nie bestem tot toorn nie, maar om die saligheid te verkry deur onse Here Jesus Christus
Wat is dit waarvan die mens REDDING verkry in hierdie skrifte? - (redding van die toorn / m.a.w. redding vd "tweede dood"- dus redding vd "oordeel vd hel" of redding van "ewige oordeel")(m.a.w. redding van om verderf te word - redding vd DOOD! - vgl. met Jak. 4:12). Saligheid gaan dus indirek hier oor "redding van ons VYAND, die DOOD" - 1 Kor. 15:26 ("toorn" verwys na die tweede dood).(1Th 5:9,10 - " Want God het ons nie bestem tot toorn nie, maar om die saligheid te verkry deur onse Here Jesus Christus wat vir ons gesterf het, sodat ons, of ons waak en of ons slaap, saam met Hom kan LEWE").

- 1Pe_1:9 die einddoel van ons geloof is die saligheid vd siel
Wat is dit waarop die mens redding kry volgens hierdie skrif? -(is m.a.w. saligheid of redding VD SIEL). Die woord "siel" word ok somtyds gebruik om na die innerlike mens in geheel te verwys - redding vd siel verwys dus nie net van redding vd uiterlike mens (kyk tema "die opstanding") nie maar ook vd innerlike mens, m.a.w. "siele" (liggaam en siel) wat gered word vd "tweede dood".

M.a.w.. "die mens se siel het redding nodig" - hoekom? - vgl. met Jak. 5:20 - "red siel uit dood".

- 1Pe_1:10 profete het oor hierdie saligheid geprofeteer
Daar kan ingekyk word op wat hierdie saligheid is waarvan die profete geprofeteer het... - kyk bv. wat dit is waarvan hulle profeteer het die mens van gered moet word?

- Kyk bv. Hand. 10:43 - kan VERGIFNIS VAN SONDES ontvang deur die Naam vd "Een wat sou kom" (deur Jesus Christus). L.w. vergifnis van sondes nodig om redding te kan ontvang... (2 Kor. 7:10; Hebr. 10:18-21 ens.).

- (2Ti 4:18) red om in sy hemelse koninkryk te kan ingaan
Niks wat onrein is sal in die koninkryk van God kan ingaan nie; dus, iemand het "afwassing van sondes nodig", en moet gered word van sy slaafskap onder sonde (Gal. 3:28). Vgl. met 1 Thess. 1:15 - ons is SONDAARS en het dus redding nodig. Vgl. ook met Ps. 51:5 - onder sonde gebore...

- saligheid vd siel (1 Pet. 1:9; 3:21; Hebr. 10:22)
- saligheid vd liggaam (Hebr. 9:13; 10:22).

OPSOMMING:
- In konteks verwys saligheid na "redding van toorn" (en verwys dus na "redding vd dood" - siel gered vd oordeel vd hel). Bv., die mens kan nie meer vir ewig lewe nie, so hy het redding nodig om vir ewig te kan lewe... Die liggaam en siel het dus nodig om gered te word , want die huidige liggaam en siel is bestem tot oordeel (dra vrugte vir die dood) - het dus redding nodig vd komende oordeel (ook genoem "toorn" / ewige oordeel / tweede dood). Wanneer iemand gered word, word die innerlike vernuwe en hy het die belofte van opstanding vd uiterlike eendag (die wat gered word dra vrugte tot ewige lewe) - die mens het dus redding nodig vd dood.

- In konteks verwys saligheid na redding van sondaars - het redding nodig vd siel, en het redding nodig vd liggaam. M.a.w., het nodig om gewas te word (gewas van sonde) ('n uitnemender manier nodig as dit onder die wet van Moses), en het redding nodig van slaafskap onder sonde (is gebore onder sonde - ouers slawe van sonde, dus kinders word as slawe gebore). Het redding nodig van hulle slaafskap, anders kan hulle nie in die koninkryk van God ingaan nie - moet Sy kinders word...- het dus nodig om "weer gebore" te word (hierdie keer nie gebore as slawe nie, maar as vrymense) - dan kinders van God (die profete het bv. o.a. geprofeteer vd uitstorting vd Heilige Gees en die skep van nuwe harte).

------------------------------------------------------------------------------------------------------------

(3) ALLEDAAGSE VOORBEELDE (bv. stories, vergelykings ens.) WAT GEBRUIK KAN WORD OM HIERDIE TE VERDUIDELIK:
Kies vb.e wat dit miskien as volg verduidelik:
- Die mens het redding nodig, maar waarvan? (bv. redding nodig van 'n vyand?, slaafskap?, siekte?).

Gebruik bv. die vgl. met 'n slaaf. Net soos 'n kind as 'n slaaf gebore word as sy ouers slawe is, net so word die mens gebore onder slawerny en dien die sonde omdat Adam 'n slaaf was van sonde (almal is "kinders van slawe" - gebore in sonde - dien die sonde soos 'n slaaf)(vgl. dit met die tema van "natuurlike mense"). Die mens het redding nodig van hierdie slaafskap. As hy weer gebore kon word, maar hierdie keer uit 'n pa wat "vry" is, dan sal hyself as "vrymens" gebore word. Daarom word die wat "weergebore" word gesien as vrymense, maar om dit te bewerkstellig moes hulle eers vrygekoop word deur 'n ander meester - en hierdie "meester" is Jesus Christus. In daardie opsig het hulle eers slawe geword van 'n ander - natuurlik slawe van Jesus Christus want hulle is deur Hom gekoop.

'n Ander vgl. wat gebruik kan word is die waar "die dood" gesien word soos 'n vyand (1 Kor. 15). Net soos wat 'n vyand iemand inhaal en verwoes, so maak die dood met ons. Alle mense gaan dood, maar dood verwys nie net na wanneer die uiterlike mens sterwe nie, maar beide die uiterlik en innerlike - "dood" dus ook verwysend na "die tweede dood" (die oordeel vd hel)(die ewige oordeel). Die mens het redding nodig van hierdie vyand. En siende die mens nie net bestaan uit 'n uiterlike nie maar ook 'n innerlike, het hy redding nodig van beide (somtyds genoem "liggaam en siel"). Die wat weergebore word, het bv. die belofte dat al sou hulle doodgaan, hulle eendag nuwe liggame sal kry, en sal dus "die dood oorwin"! Hulle word ook belowe dat die tweede dood geen mag oor hulle sal he nie! - want hulle "siele' (in hierdie geval verwysend na die innerlike mens) word hernu (asof hulle doodgaan en opstaan), en hulle word deur die Gees in bewaring gehou tot die dag van verlossing - wanneer hulle ook opgewek sal word in nuwe liggame - verwysend na 'n nuwe "uiterlike".
------------------------------------------------------------------------------------------------------------

(4) LYS VAN SKRIFTE EN SKRIFGEDEELTES OOR DIE BETROKKE WOORD OF TEMA:

Die groepleier kan gerus 'n lys maak van skrifte oor hierdie onderwerp en dit byderhand hou tydens die groep-bybelstudie.

Hier is 'n paar voorbeelde van urls op hierdie blog wat tot hulp kan wees:

- Wat gebeur met die mens wanneer hy doodgaan?

- Die verskil tussen die uiterlike en die innerlike mens

- Wie is geskik om eendag saam met Christus te regeer?

- Wie oorwin sal beklee word met wit klere

- Die koninkryk van God

- Hoe is die evangelie verkondig in die eerste gemeentes?

- Die opstanding

- Wedergeboorte

- Boom vd lewe

- Beeldspraak van ster en skyn / kinders vd dag

ens.

------------------------------------------------------------------------------------------------------------
(5) MOONTLIKE VRAE WAT GEVRA KAN WORD:

Die groepleier moet voorberei vir moontlike vrae rakende hierdie onderwerp wat mag ontstaan tydens die groeps-bybelstudie.

OF gepaste vrae wat miskien liewer aan die groep gevra kan word, sal ook meer lig werp op "HOEKOM ons saligheid nodig het", bv.:
- hoekom was daar so baie gepraat oor "die opstanding" tydens evangelie-prediking in die tyd vd eerste gemeentes?
- wat het Jesus se opstanding te doen met saligheid?
- watter verband is daar tussen die uitstorting vd Heilige Gees en redding?
------------------------------------------------------------------------------------------------------------
(6) URLS, POSTE, BOEKE ENS. TOT HULP:

Die groepleier kan vooraf 'n lys maak van geloofwaardige boeke ens. wat tot hulp kan wees vir insig oor hierdie onderwerp. Daar kan selfs 'n afdruk vir elkeen gegee word van bronne wat later op hulle eie of by die huis opgelees of nagesoek kan word.

------------------------------------------------------------------------------------------------------------
(7) VERKEERDE OPVATTINGS OF VALSE EN VERDRAAIDE LEERSTELLINGS RONDOM HIERDIE ONDERWERP:

Bv.:
- "Die wat gered word gaan vir ewig in die hemel bly":
Somtyds word daar gepreek dat mense redding nodig het sodat hulle vir ewig in die hemel kan bly..., maar is dit so dat die wat gered word vir ewig in die hemel (waar God woon) gaan wees?
Is dit hoekom ons redding nodig het?
Alhoewel die wat gered word die belofte het om die koninkryk te beerwe, beteken dit egter nie dat hulle vir ewig in die hemel gaan bly nie - maar eerder is dit die AARDE wat aan hulle belowe word! (bv. Matt. 5:5). Of Christene huidiglik na die (derde) hemel gaan wanneer hulle doodgaan is natuurlik moontlik, maar Christus sal hulle met Hom saambring wanneer Hy terugkom (1 Thess. 4:14)(van waar af Hy hulle ookal vergader), en die Skrif leer dat die wat "opstaan tot lewe" vir ewig by Hom sal wees... (1 Thess. 4:17) - maar waar gaan Hy wees?

In die "volgende eeu" gaan Hy vanuit Jerusalem oor die hele AARDE regeer, en dit is terloops ook 'n ewige koninkryk! - kyk bv. Openb. 21 en 22 - "nuwe hemel en aarde" - en kyk hoe die nuwe stad Jerusalem vanuit die hemel op die AARDE afsak, en die wat gered word gaan in hierdie stad bly. M.a.w., die wat gered word gaan nie vir ewig in die hemel bly nie maar vir ewig "op die aarde" - hulle gaan "die aarde" beerwe. Die rede waarom ons redding nodig het kan dus deels beteken dat dit is "om die koninkryk te beerwe" (omdat hierdie belofte gegee word aan die wat gered word) ja, maar met "koninkryk beerwe" word nie bedoel dat ons vir ewig in die hemel gaan bly nie...

------------------------------------------------------------------------------------------------------------
(8) TOEPASSING VAN ONDERWERP / OPSOMMING:
Die groepleier moet voorbereid wees met 'n kort opsomming vir aan die einde vd groepbybelstudie - m.a.w. 'n woord waarmee die bybelstudie afgerond kan word.

Vb. van so 'n OPSOMMING:
Die woord saligheid beteken "REDDING" - die vraag is waarvan die mens redding nodig het?, bv. vyand?, slaafskap?, siekte?
In die skrif word "dood" bv. soos 'n vyand voorgestel (1 Kor. 15:26), en "sonde" o.a. soos iets waarvan die mens as 'n slaaf gebore word... (2 Pet. 2:19; Rom. 7:14,23). Die mens het dus redding nodig van hierdie dinge - m.a.w., redding van hulle vyand, die dood, en redding nodig van hulle slaafskap onder sonde.
Volgens die Skrif het die mens se (1) LIGGAAM en (2) SIEL REDDING NODIG - dus verwys hierdie redding nie net na die uiterlike mens nie, maar ook na die innerlike mens. Die wat redding verkry bv. nuwe liggame en hulle siele word gewederbaar (is dan soos mense wat "weer gebore" word). Die wat "weer gebore" word (deur water en Gees) word gesien as kinders van God (is as vrymense gebore) en het dus die belofte van ewige lewe, en sal die koninkryk beerwe (omdat hulle siele gered is en hulle liggame ook gered word eendag) - in daardie opsig is die "ewige lewe" en die "erfenis" dus deel vd rede waarom ons redding nodig het - m.a.w., deels het ons redding nodig "om die ewige lewe en die koninkryk te beerwe".
Die wie REDDING VD SIEL verkry (m.a.w., hulle innerlike mens word vernuwe deurdat hulle sondes afgewas word en hulle die Heilige Gees ontvang) het die belofte dat hulle nie in die (ewige) oordeel sal kom nie (sal nie deur die tweede dood gaan nie)(sal gered word vd toorn), en het ook die belofte van REDDING VD LIGGAAM eendag (wat verwys na 'n nuwe uiterlike - kyk tema "die opstanding") - en hulle sal dus so die dood oorwin; sal dus redding verkry van hulle vyand, die dood - en kry dus redding van hulle slaafskap onder sonde deurdat hulle sondes afgewas word (is vrygekoop deur Jesus Christus en word slawe van Hom i.p.v. slawe van sonde), en hulle soos nuwe mense gebore word, maar hierdie keer uit God se saad (word dus hierdie keer as "vrymense" gebore 1 Kor. 7:22 - uit God se saad - is dus kinders van Hom en kan daarom vir ewig lewe en eendag "erf").

------------------------------------------------------------------------------------------------------------
(9) (Wiki) HOE SOU DIE ANTWOORD OP HIERDIE VRAAG KORTLIKS OPGESOM WORD:
Hoe sou die antwoord op bg. vraag (oor "hoekom ons saligheid nodig het") kortliks opgesom kan word - bv. slegs in 2 of 3 sinne.

(Laat die groep in klein groepe verdeel en dit bespreek).

Hier is 'n vb. van so 'n opsomming:
Die mens se liggaam en siel het redding nodig,
- REDDING VAN hulle VYAND die d o o d (want almal gaan dood - dood vd uiterlike mens, en sal ook deur die "tweede dood" gaan)(en kan dus nie vir ewig lewe nie); en
- REDDING VAN hulle SLAAFSKAP onder s o n d e (want almal word in sonde gebore en dien die sonde soos 'n slaaf, en kan daarom nie soos "vrymense" eendag erf nie).

------------------------------------------------------------------------------------------------------------

Sondag 02 Augustus 2020

Bybelstudie: DIE BEGRIP "SALIGHEID" (oorsig)

In hierdie bybelstudie vb word nie gekyk na "hoekom" die mens saligheid nodig het of "hoe" hy saligheid verkry nie, maar dit is bedoel om te kyk waarna die begrip of woord "SALIGHEID" verwys.
- Vir 'n bybelstudie oor HOE iemand saligheid verkry, gaan na:
- Vir 'n bybelstudie oor HOEKOM die mens saligheid nodig het, gaan na: https://warechristene.blogspot.com/2020/07/bybelstudie-die-begrip-saligheid-hoekom.html

Die Bybelstudie stensil word as riglyn gebruik... Siende hierdie bedoel is vir gebruik in Bybelstudie, is nie alle paragrawe hieronder opgesom nie - die bedoeling is dat onderstaande as riglyn gebruik kan word (en daar is natuurlik meer ingligting in die Skrif oor hierdie onderwerp as slegs dit wat hieronder gegee is).
------------------------------------------------------------------------------------------------------------

(1) DIE ALGEMENE SIENING VAN waarna "SALIGHEID" verwys:
Hoe sien mense in die algemeen "wat is saligheid", of wat is hulle begrip van die woord "saligheid" en wat dit beteken?

(hierdie vraag kan in die groepsbybelstudie behandel word as 'n inleiding, en kan miskien beperk word tot spesifiek "Christene" se siening hieroor - bv. "dat saligheid iets is wat sekere mense ontvang, en a.g.daarvan het hulle die ewige lewe" - so iets...)
------------------------------------------------------------------------------------------------------------
(2) KORREKTE BETEKENIS BEPAAL:

(A) DIE BETEKENIS VD WOORD OF TEMA:
Wat beteken die woord "saligheid"?
Die woord SALIGHEID is die Griekse woord: (so-tay-ree'-ah), wat beteken:
- red van, gesondheid, redding, red, om te red.

In die AOV word die woord "heil" gebruik vir "saligheid" in die O.T. (m.a.w., die woord "saligheid" word nie as "saligheid" vertaal in die AOV nie, maar word daar veral vertaal as "HEIL").
Die woord HEIL is die Hebreeuse woord (yesh-oo'-aw), wat beteken:
- redding, gesondheid, hulp, red, gered, welsyn (e.a.: veiligheid, oorwinning).

(B) KORREKTE BETEKENIS VD WOORD (saligheid) BEPAAL UIT KONTEKS VAN VOORBEELDE UIT DIE SKRIF:
M.a.w., wat kan ons leer uit voorbeelde uit die skrif van wat die woord saligheid beteken?
Die volk het gewag op hierdie heil (saligheid) en die profete het hieroor geprofeteer... (1 Pet. 1:10) - bv. ook oor dinge wat rondom hierdie tyd van saligheid sal gebeur (bv. hoe die Christus sou ly en hoe die heerlikheid daarna sou kom...)(1Pe 1:11,12; Jes. 53:1-10). "Saligheid" is dus nie net 'n N.T. begrip asof deur Christene uitgedink nie, maar was in der waarheid iets waarop die volk van God vir al die eeue gewag het.

Redding van vyande en land herstel:
Die begrip saligheid verwys o.a. ook na die tyd wanneer God Sy volk sal RED uit die hand van hulle vyande (en die land herstel). Daarom is die tyd wanneer die Messias sou kom ook gesien as 'n tyd van SALIGHEID. "Tyd van saligheid" word o.a. ook gesien soos 'n tyd van "wedergeboorte" (Matt. 19:28), wanneer alles nuut gemaak word en die God vd hemel 'n koninkryk op aarde verwek wat in ewigheid sal bestaan (Dan. 2:44), en dit sal begin met 'n 1000-jaar tydperk wanneer Jesus Christus Sy plek op die troon inneem en oor die hele aarde regeer... (Openb. 20:4-7)(ander dinge wat ook rondom hierdie tyd gebeur is bv. "die opstanding", en die Messias sal die volk versamel en 'n tempel laat bou...).
- (Dan. 2:44) - die God vd hemel sal 'n koninkryk op aarde verwek wat in ewigheid sal bestaan (Openb. 19:11-16).
- (Mat 19:28) - En Jesus sê vir hulle: Voorwaar Ek sê vir julle dat julle wat My gevolg het, in die wedergeboorte wanneer die Seun van die mens op sy heerlike troon gaan sit, julle ook op twaalf trone sal sit en die twaalf stamme van Israel sal oordeel.
- (Hag. 2:7) - God sal Sy volk en land seën (Jes. 2:3).
- (Sag. 6:12) - profesieë vd koms vd Messias en hoe Hy die tempel vd Here sal bou.
- (Est_10:3) Jood Mórdegai het die heil van sy volk gesoek...
- (Psa_98:2) - Die HERE het sy heil bekend gemaak, sy geregtigheid voor die oë van die nasies geopenbaar.
- (Psa_98:3) - Hy het gedink aan sy goedertierenheid en sy trou aan die huis van Israel; al die eindes van die aarde het die heil van onse God gesien.
- (Jes. 49:8) - So sê die HERE: In die tyd van die welbehae het Ek U verhoor, en in die dag van heil het Ek U gehelp; en Ek behoed U en gee U as ‘n verbond van die volk, OM DIE LAND WEER OP TE RIG, OM VERWOESTE ERFENISSE TE LAAT BeëRWE;
- (Jes. 49:6) -...Christus GEMAAK TOT 'N LIG VD NASIES, om die heil te wees tot aan die einde van die aarde.

In die N.T. verduidelik die dissipels waarna hierdie saligheid verwys (neem kennis dat Jesus se dissipels mense was wat terloops deel was vd volk wat op die Messias gewag het en bekend was met dele vd O.T. profesiee). Wat is dit wat hulle van "saligheid" verstaan het?
- die wat saligheid kry, SAL NIE ONDER DIE TOORN VAL NIE (1 Thess. 5:8,9)(en natuurlik verwys dit nie net na redding vd liggaam bv. opstanding nie, maar verwys ook na redding vd tweede dood)(dus ook redding vd "tweede dood" of oordeel vd hel - dus, die wat nie saligheid verkry nie is bestem tot die toorn! - saligheid verwys dus hier na "om gered te word vd toorn", en hierdie "toorn" verwys na die oordeel vd hel of "ewige oordeel").;
- saligheid / REDDING VD SIEL (1 Pet. 1:9);
- hierdie saligheid verwys na 'n EWIGE saligheid (hulle sal vir altyd gered wees)(Hebr. 5:9).

Wat kan ons verder leer oor saligheid deur dit wat in die eerste gemeentes verkondig is?
- 1 Thess. 5:9 - hierdie "saligheid" is die teenoorgestelde van "toorn", en is iets wat verkry word deur Jesus Christus - daar word dus 2 groepe mense verwys, of die wat onder die toorn gaan val (m.a.w. "natuurlike mense"), of die wat deur Jesus Christus gered word (m.a.w. "geestelike mense").

Kom ons kyk na skrifte waar die woord "heil" in die betrokke skrif as "red" verduidelik word:
- 1Ch_16:35 en sê: Verlos ons, God van ons HEIL, en versamel ons en RED ONS van die nasies, dat ons u heilige Naam kan loof en ons beroem in u lof!
- Psa_51:14 (51:16) RED MY van bloedskuld, o God, GOD VAN MY HEIL! Laat my tong u geregtigheid uitjubel.
- Psa_79:9 Help ons, o God van ons HEIL, om die eer van u Naam, en RED ONS en doen versoening oor ons sondes ter wille van u Naam.
In hierdie skrifte gaan "heil" oor
- REDDING UIT DIE HAND VAN VYANDE,
- REDDING VAN BLOEDSKULD, en
- REDDING verkry DEUR VERSOENING VAN SONDES.

Dinge wat rondom saligheid verkondig is TYDENS EVANGELIEPREDIKING - (Hand. 2:14-41; 3:12-28; 4:8-20; 5:29-32,42; 8:28-40 ens.):
- dat die Messias sou ly (sodat ons saligheid kan ontvang);
- dat Christus die mag het om sondes te vergewe, en dat die Gees uitgestort sou word (water en Gees nodig vir wedergeboorte - Jesus kan sondes afwas-Luk. 1:77, Hebr. 5:9, en Hy gee die Heilige Gees aan die wat in Hom glo)(dus redding van die sondige natuur waaronder gebore);
- dat Christus uit die dood sou opstaan (dood oorwin en sleutels van doderyk kry - en sal die wat in Hom sterf eendag opwek tot lewe, en die dan nog in die lewe wanneer Hy terugkom, ook vernuwe liggame gee; -dus, REDDING van die dood);
- dat Jesus Christus die Messias is waarop hulle gewag het (wie die saligheid sou bewerk en die enigste Naam in wie saligheid is).
- komende koninkryk verkondig (die wat saligheid verkry sal die koninkryk beerwe)...
Dus, Jesus se lyding was 'n belangrike gebeurtenis sodat ons GERED kan word. Jesus Christus het die mag om sondes te vergewe - het dus die mag om ons te RED VAN SONDE. Om redding vd siel te ontvang is wedergeboorte nodig, en dus is die ontvang vd Gees belangrik ("water en Gees" nodig vir wedergeboorte). Jesus gee die Heilige Gees aan elkeen wat in Hom glo. Ons sien dus hier die belangrikheid van om in Jesus te glo (vir vergifnis van sondes en die ontvang vd Gees) sodat ons REDDING kan ontvang. Daar is dus redding in Hom! Die dissipels het ook baie bewyse gelewer dat Jesus inderdaad die Messias was waarop hulle gewag het, en het bv. Sy komende koninkryk verkondig wat gesien word as 'n tyd van HEIL.

------------------------------------------------------------------------------------------------------------
(3) ALLEDAAGSE VOORBEELDE WAT GEBRUIK KAN WORD OM DIE WOORD TE VERDUIDELIK:
Neem die 2de paragraaf in aanmerking en gebruik alledaagse stories, vergelykings ens. om die woord "saligheid" op 'n maklike manier te verduidelik.

(die bybelstudie leier kan aan 'n alledaagse storie of vgl. dink - dink dus aan 'n maklike vb. om die woord "saligheid" te verduidelik, in ag geneem dit beteken "redding").

Bv.:
- As saligheid verwys na REDDING, waarvan het die mens "redding" nodig?
Dink aan voorbeelde soos redding van vyande of redding van slaafskap ens. Watter vyand is dit waarvan die mens gered moet word?, of waarvan is hy 'n slaaf waarvan hy redding nodig het?
------------------------------------------------------------------------------------------------------------
(4) LYS VAN SKRIFTE EN SKRIFGEDEELTES OOR DIE BETROKKE WOORD:
Kyk na die woorde "saligheid" en "heil"...
(hierdie lys is gerieflik vir voorbereiding vir bybelstudie, sodat die leier tydens die bybelstudie verse op bystand het vir oplees of om vrae te beantwoord)
Luk_1:77 Jesus het die kennis van saligheid gegee
Joh_4:22 saligheid is uit die Jode
Act_4:12 saligheid net deur een Persoon, nl. Jesus Christus
Rom_11:11 saligheid bedoel vir almal (evangelie van vrede)
Rom_13:11 saligheid naby - moet dus aandag gee aan die pad van godsaligheid
1Th_5:8 i.p.v. toorn sal die wat nugter is, saligheid ontvang - het hoop op saligheid in Christus Jesus
1Th_5:9 ons nie bestem tot toorn nie, maar om die saligheid te verkry deur onse Here Jesus Christus
2Th_2:13 sommige van die begin af verkies tot saligheid
2Ti_3:15 die heilige Skrifte gee die kennis dat die saligheid kom deur die geloof in Christus Jesus.
Heb_1:14 die engele is dienende geeste ter wille van die wat die saligheid beërwe
Heb_2:3 kan nie ontvlug as ons die saligheid verontagsaam nie
Heb_2:10 deur Sy lyding het Jesus die saligheid bewerk
Heb_5:9 almal wat vir Jesus Christus gehoorsaam, het ewige saligheid in Hom
Heb_6:9 moet die vrug dra wat by die saligheid pas
Heb_9:28 Christus sal weer terugkom aan die wat Hom verwag tot saligheid.
1Pe_1:5 deur geloof word die saligheid (in hierdie geval ons erfenis) vir ons bewaar
1Pe_1:9 die einddoel van ons geloof is die saligheid vd siel
1Pe_1:10 profete het oor hierdie saligheid geprofeteer
2Pe_3:15 die lankmoedigheid van onse Here (van Sy koms) moet as saligheid gesien word
Jud_1:3 Christene deel in 'n gemeenskaplike saligheid.
Luk_1:69 Sagaria het profeteer dat Jesus die horing van HEIL (saligheid) is
Luk_2:30 die man Símeon, gelei deur die Heilige Gees, bevestig dat Jesus die HEIL is (saligheid in Hom)
Luk_3:6 Johannes die doper getuig van die heil (saligheid)
Act_28:28 die heil (saligheid) van God aan die heidene gestuur
2Co_6:2 Paulus verklaar dat dit die tyd van heil (saligheid) is
Php_1:19 Lyding ter wille van Christus sal tot heil (saligheid) strek
Php_2:12 werk eie heil (saligheid) uit met vrees en bewing (pad van godsaligheid)

Exo_15:2 Die HERE ons HEIL
Deu_32:15 God die steenrots van sy heil
2Sa_22:3 God die horing van my heil (Luk. 1:69; Ps. 18:47)
2Sa_22:47 Die HERE die rots van my heil!
2Sa_23:5 ewige verbond daargestel wat in alles gereël en verseker is - sal heil laat uitsprei
1Ch_16:23 Verkondig die Here se heil van dag tot dag.
1Ch_16:35 ...God van ons heil, en versamel ons en red ons van die nasies
Job_13:16 tot heil goddelose nie voor aangesig kom nie
Psa_3:8 (3:9) Die heil behoort aan die HERE - seën oor volk
Psa_35:3 heil - die Here se hulp teen vyande (Jes. 60:18)
Psa_50:23 Die een wat dank offer, eer My; en die een wat op sy weg ag gee, hom sal Ek die heil van God laat geniet.
Psa_51:14 (51:16) heil - red van bloedskuld
Psa_67:2 (67:3) heil - almal op aarde ken Sy heil
Psa_85:9 (85:10) sy heil is naby die wat Hom vrees, sodat heerlikheid in ons land kan woon.
Psa_91:16 heil - lengte van dae
Psa_118:25 heil - voorspoed
Psa_119:155 heil nie bedoel vir die goddelose nie
Psa_146:3 geen heil in mense nie
Psa_149:4 heil - vir ootmoediges
Isa_49:8 in die dag van heil help Hy - om die land weer op te rig, om verwoeste erfenisse te laat beërwe;
Isa_51:6 Sy heil vir ewig
Isa_56:1 heil naby , en geregtigheid naby om geopenbaar te word.
Isa_61:10 klere van heil,
Isa_62:1 heil - redding van volk en stad (v.11)
------------------------------------------------------------------------------------------------------------
(5) MOONTLIKE VRAE WAT GEVRA KAN WORD:
In groepsbybelstudie is daar gewoonlik allerhande vrae rondom 'n onderwerp. bv. dinge waaroor iemand wonder of wat hy nie verstaan oor die onderwerp nie.

(as daar tyd is kan geleentheid gegun word vir vrae rondom die onderwerp - of daardie vrae kan op 'n volgende bybelstudie behandel word...)
------------------------------------------------------------------------------------------------------------
(6) URLS/POSTE/BOEKE OOR DIE ONDERWERP:
Maak 'n lys van opleesbronne of interessante inligting rakende die begrip of woord.

(kies sorgvuldig goeie naslaanwerke oor die onderwerp en wees gereed om dit uit te deel in die groep)
(of video's kan miskien gebruik word en tydens bybelstudie gespeel word om opvattings te bestudeer ens.)
------------------------------------------------------------------------------------------------------------
(7) VERKEERDE OPVATTINGS EN/OF VERDRAAIDE OF VALSE LEERSTELLINGS:
Watter verkeerde opvattings en/of verdraaide of valse leerstellings doen die rondte rakende die begrip "saligheid"?

As daar tyd is kan daar geleentheid gegun word om verdraaide opvattings te bespreek - of 'n video kan gespeel word waarin 'n valse leerstelling is - of iets wat Christene oor die algemeen glo maar nie noodwendig skriftuurlik is nie, kan bespreek word.

Hier is 'n paar voorbeelde:
- 'n Opvatting waar saligheid ALLEENLIK gesien word as redding vd volk uit die hand van hulle vyande en hulle hul miskien besig hou met "dooie werke" (- Redding gaan nie net oor die tyd van redding wanneer die Messias (terug)kom nie, maar dit gaan ook oor redding vd liggaam en redding vd siel).
- Waar mense wel glo dat die saligheid deur die Messias kom, maar steeds wag op die Messias en nie glo dat Jesus die Christus is nie, en a.g.hiervan is hulle oop om 'n valse messias aan te neem (- Bv. verwysend na die wat behoort aan die volk van God maar weier om die tekens te aanvaar wat bewys dat Jesus die Christus is - a.g.daarvan wag hulle steeds op 'n Messias. Of bv. die wat iemand anders sien as die Messias - dus glo in 'n valse messias. Die saligheid, altans "redding", kan slegs verkry word deur Jesus Christus. Die saligheid is in geen ander naam te kry nie!).
- Waar saligheid vd liggaam en siel gesien word as slegs iets waarin iemand glo en geen werke nodig is nie (-Baie Christene hanteer die begrip saligheid vandag soos wensdenkery, bv. "glo" dat daar geen werke vd persoon wat saligheid wil he verwag word nie - glo bv. dat bekering nie nodig is nie en saligheid ontvang kan word deur slegs 'n belydenis van woorde... Hierdie is 'n valse leerstelling en beslis nie iets wat in die eerste kerke geleer is nie - in beide Johannes die doper se geval asook Jesus self, het hulle prediking begin deur mense op te roep tot bekering. Geloof sonder werke is dood. Net soos die wat tot geloof kom 'n besluit moet maak om die Here te dien, net so is "werke" 'n bewys van geloof i.g.v. die een wat 'n kind van God is. Ja, werke kan nie iemand red nie, maar werke is 'n bewys dat iemand glo..).
------------------------------------------------------------------------------------------------------------
(8) TOEPASSING VD WOORD OF TEMA - OPSOMMING:
Hoe kan die woord saligheid opgesom word - m.a.w., waarna verwys dit?
(kyk gerus na nog skrifte, en neem bg. studie in ag om tot hierdie slotsom te kom)

Saligheid verwys na:
- (1) saligheid vd siel (1 Pet. 1:9; 3:21; Hebr. 10:22)("siel" hier verwysend na die innerlike mens)(reiniging vd gewete-Hebr. 9:14);
- (2) saligheid vd liggaam ("liggaam" hier verwysend na die uiterlike mens)(reininging van vlees)(Hebr. 9:13; 10:22);
- (3) saligheid of redding vd volk op aarde (verwysend na die wat ingaan in die koninkryk van God)(Luk. 1:71; Dan. 2:44; Hag. 2:7; Sag. 6:12; Ps. 98:3; Jes. 49:6,8; 1 Kron. 16:35).

Fil. 1:19 LYDING TER WILLE VAN CHRISTUS sal tot heil (saligheid) strek
Fil. 2:12 WERK EIE HEIL (saligheid) UIT met vrees en bewing (pad van godsaligheid) (2 Kor. 7:10; Luk. 19:9)
(Rom 10:9,10) As jy met MET JOU MOND DIE HERE JESUS BELY en MET JOU HART GLO DAT GOD HOM UIT DIE DODE OPGEWEK HET, sal jy gered word; want met die hart glo ons tot geregtigheid en met die mond bely ons tot redding.

Die saligheid is slegs beskikbaar in Jesus Christus:
- die volk het hierdie saligheid verwag - en Johannes die doper het die kennis daaroor gebring en getuig van die Messias en wie Hy is! (Luk. 1:77; Joh. 1:29,36)(kyk ook na die "evangelie van vrede" - Rom. 11:11; Hand. 28:28);
- is 'n EWIGE saligheid (Hebr. 5:9);
- die IS UIT DIE JODE (Joh. 4:22); Jesus gebore uit hierdie geslag - almal wat in Hom glo word deur Hom gewas en ontvang die Gees, en word dus weergebore, asof "gebore uit God" (gebore uit hierdie geslag)(geestelik van aard, vd innerlike mens)("gebore uit Hom");
- SALIGHEID kan deur niemand anders en geen ander naam KOM nie, behalwe DEUR JESUS CHRISTUS (Hand. 4:12); Jesus, die "horing van heil" (Luk. 1:69; Luk. 2:30; Luk. 3:6); die evangelie van Jesus 'n bewys van redding (Fil. 1:27,28; Ef. 1:13; Hand. 13:47);
- saligheid kom deur GELOOF in JESUS CHRISTUS (2 Tim. 3:15; 1 Pet. 1:5,9)(Judas 1:3 - Christene gemeenskaplike saligheid) - vir die wat Hom gehoorsaam (Hebr. 5:9);
- deur Sy lyding het Jesus hierdie saligheid bewerk (Hebr. 2:10)
- wanneer Christus terugkom, sal die saligheid (vir die wat in Hom glo) voltrek word (Hebr. 9:28; Jes. 38:17).
------------------------------------------------------------------------------------------------------------
(9) HOE KAN HIERDIE WOORD KORTLIKS OPGESOM WORD?
Bv. "wiki" - hoe sou jy hierdie woord KORTLIKS opsom bv. vir 'n woordeboek? (laat almal opdeel in klein groepe en 'n definisie bymekaarsit:

Bv.
Die woord saligheid beteken REDDING; (1) bv. redding vd liggaam, (2) redding vd siel, of (3) redding van alledaagse nood (bv. gesondheid - redding van siekte)(of hulp, welsyn en oorwinning - redding uit die hand van vyande of redding van tekorte).
------------------------------------------------------------------------------------------------------------

Donderdag 21 Mei 2020

Algemene vrae oor SALIGHEID (1): (Inleiding)

In hierdie pos:
-(1) Inleiding: SALIGHEID
(en "die salgheidsboodskap")

_________________________________________________________________________________
In hierdie pos kyk ons na die volgende vrae:
- (1) wat presies is "saligheid"?;
- (2) "hoekom het die mens saligheid nodig"?; en
- (3) hoe beïnvloed iemand se antwoord op hierdie vrae die saligheidsboodskap?
------------------------------------------------------------------------------------------------------------

(1) Wat presies is SALIGHEID?

Die woord "saligheid" is die Gr. woord "so-tay-ree'-ah", wat beteken: -"om te red, gesondheid, red, redding...", en is bv. dieselfde woord wat as "redding" vertaal word (AOV) in Luk. 19:19, Hand. 7:25, 13:47, Rom.1:16 e.a. Ons kan ook kyk na die woord "sode'-zo" wat vertaal word as "gered" (wat basies dieselfde beteken...)(bv. 1 Pet. 4:18; Tit. 3:5 ens.).
Dus, as ons beweer die mens het "redding" nodig dan moet ons weet wat dit is waarvan hy GERED moet word, bv.:

- Wat is dit waarvan die mens GERED moet word - vyand?, slaaf?, is hy "siek"?;

- Is daar 'n manier hoe hy van hierdie vyand en/of slaaf en/of siekte gered kan word?,
en wat moet hy doen om hierdie "saligheid" te verky? Hoedanig lyk hierdie redding (saligheid) wat hy beërwe wanneer hy gered word?

------------------------------------------------------------------------------------------------------------

(2) Hoekom het die mens saligheid nodig?

(2a) Wat is dit waarvan die mens gered moet word, bv. "vyand"?
Die mens se VYAND:

Die DOOD is 'n groot VYAND (1Kor. 15). Die mens was nie geskep om dood te gaan nie, maar in sy huidige toestand is hy bestem om een maal te sterwe en daarna die oordeel...(Hebr. 9:27) - hierdie is die gevolg vd sondeval, Gen. 3. Die blote feit dat elke mens sterwe is bewys dat dit wat in die tuin van Eden gebeur het, werklik gebeur het (Gen. 2:17; 3:3). Ons moet verstaan dat dit SONDE is wat hierdie vyand aanbring het...(1 Kor. 16:56; Ps. 90:3; Joh. 8:24; Rom. 5:15; 6:23), en dat dit die duiwel (die VYAND van alle geregtigheid - Hand. 13:10; Matt. 13:39) is wat die mens verlei het om te sondig (Gen. 3:4). As die mens nie gesondig het nie, dan sou hy nie sterwe nie! (Gen. 2:17). Die loon vd sonde is die DOOD (Rom. 6:23). Net soos 'n vyand iemand agtervolg en inhaal en verwoes, so maak "die dood" met die mens - dit agtervolg en haal hom in, en vewoes elke mens. In ander woorde kan ons sê dat die mens word geoordeel... tot die DOOD, maar dit verwys (1) nie net na wanneer die uiterlike mens STERWE nie, maar (2) verwys ook na die OORDEEL wat daarna volg..., want wanneer die mens doodgaan sterf sy "uiterlike mens" wel en keer terug na stof, ja, maar dan wag hy (die mens as gees,siel / die innerlike mens) op "die (ewige) oordeel" (die "tweede dood" / "oordeel vd hel")(Matt. 10:28; 23:33)(Openb. 20:14; 21:8). Die wie se name nie in die boek vd lewe is nie sal deur die TWEEDE DOOD gaan (verwysend na "natuurlike mense"). "Geestelike mense" sal nie deur die tweede dood gaan nie, en het nie net hierdie belofte nie, maar het ook die belofte van eendag "opstanding" in 'n nuwe uiterlike mens (nuwe liggaam - onverganklike liggaam (maw wat nie kan doodgaan nie - dan is die vyand finaal verslaan!).

Die loon vd sonde is die dood - die wat die sonde dien is m.a.w. tot TOORN bestem (Ef. 2:3; Kol. 3:6; Ef. 5:6; 1Th 5:9; 2:16; Hebr. 3:11...) en het dus redding nodig! - het m.a.w. nodig om GERED te word van hierdie TOORN nl. die ewige oordeel (ook genoem die "tweede dood")(Openb. 20:6,14), want as hulle nie daarvan gered word nie dan sal hulle onder God se toorn val - m.a.w., sal onder die ewige oordeel val. Vir iemand om hierdie toorn of oordeel vry te spring, moet hy dus VAN DIE DOOD GERED WORD (1 Thess. 1:10), en die woord "saligheid" beskryf o.a. hierdie redding. En beskryf ook redding in die sin van die uiterlike mens wat die dood kan oorwin deur "opstanding tot lewe" - "geestelike mense".

------------------------------------------------------------------------------------------------------------

(2b) Wat is dit waarvan die mens gered moet word, bv. "slaafskap"?
Die mens, uit vlees gebore, is " 'n slaaf - verkoop onder sonde "...

Die natuurlike mens is 'n SLAAF van die SONDE (1Kor. 15) - soos iemand wat verkoop word as slaaf is die natuurlike mens verkoop onder sonde (Rom. 7:14). Hierdie soort beeldspraak is bedoel om te beskryf wie dit is vir wie die natuurlike mens DIEN - net soos 'n slaaf behoort aan die een wat hom gekoop het, net so is die natuurlike mens soos 'n slaaf verkoop onder die sonde "en dien dus die sonde" (Joh. 8:34; 2 Pet. 2:19; Rom. 6:16). En hulle het dit verkry deur geboorte (die saad waaruit hulle gebore is - om dit beter te verstaan kan die tema van "natuurlike mense" behandel word - "saad" bepaal wat se soort plant of boom opkom...). Elke "natuurlike mens" kan dus gesien word soos 'n SLAAF ('n slaaf is van sonde)(Tit. 3:3; 2 Pet. 2:19), en is daarom van nature "kinders vd TOORN"! (Ef. 2:3). Al manier hoe iemand van hierdie slaafskap verlos kan word, is wanneer iemand anders hom LOSKOOP, en dan word hy 'n slaaf van die een wat hom losgekoop het; of om van voor af gebore te word maar hierdie keer uit saad van iemand wat vry is (1 Pet. 2:16). Die een wat "weergebore" word (geestelike mense) is soos mense wat gebore word uit 'n vrye, maar hulle is ook duur gekoop deur Christus se bloed - dus, deur Hom gekoop - dus, behoort aan Hom en is Sy slaaf (1Kor. 7:22 - "Want die slaaf wat in die Here geroep is, is ‘n vrygemaakte van die Here; so is ook hy wat as vryman geroep is, ‘n slaaf van Christus").
Natuurlike mense kan slegs "natuurlike mense" voortbring. Dus, vir iemand om nie meer die sonde te dien nie moet hy "weer gebore" word maar hierdie keer uit God se saad (word dan as vrye gebore).

Anders gestel:Net soos sommige mense as slawe gebore word omdat hulle ouers slawe is, net so kan "natuurlike mense" slegs "natuurlike mense" voortbring; dus gebore as "SLAWE van sonde" (omdat Adam 'n slaaf was van sonde).
- (1) Sou hulle egter uit ander saad gebore word van bv. iemand wat nie 'n slaaf is nie, dan word hulle as VRYMENSE gebore. Hierdie is waar van die "weergeborene" wat gebore word uit God se saad - dus is "vry" (want gebore uit 'n vrye). (1Kor. 7:22 - "Want die slaaf wat in die Here geroep is, is ‘n vrygemaakte van die Here; so is ook hy wat as vryman geroep is, ‘n slaaf van Christus").

- (2) Of sou hulle losgekoop word, dan sal hulle aan 'n nuwe behoort en wees onder die leiding van die een wat hulle LOSGEKOOP het. Hierdie is waar vd een wat deur Jesus Christus losgekoop word - dus is nou 'n SLAAF VAN JESUS CHRISTUS en behoort aan Hom en dien Hom (Rom. 6:18; Gal. 5:13; 1 Pet. 2:16; Rom. 6:12-14)

(Rom 6:22 - "Maar nou dat julle vrygemaak is van die sonde en diensbaar geword het aan God, het julle jul vrug tot heiligmaking en uiteindelik die ewige lewe").
.
(Joh 8:32) En julle sal die waarheid ken, en die waarheid sal julle vrymaak.
(Joh 8:33) Hulle antwoord Hom: Ons is die geslag van Abraham en het nog nooit vir iemand slawediens verrig nie; hoe sê U dan: Julle sal vry word?
(Joh 8:34) Jesus antwoord hulle: Voorwaar, voorwaar Ek sê vir julle dat elkeen wat die sonde doen, ‘n dienskneg van die sonde is.
(Joh 8:35) En die dienskneg bly nie vir altyd in die huis nie; die seun bly vir altyd.
(Joh 8:36) As die Seun julle dan vrygemaak het, sal julle waarlik vry wees.

Elke natuurlike mens, gebore uit vlees, is dus soos 'n "SLAAF of dienskneg" van SONDE (2 Pet. 2:19; Rom. 6:17; Rom. 5:15,17; Ps. 51:5; Job 15:14; Rom. 6:20; Joh. 8:34...) want hulle is "in sonde gebore" (Ps. 51:5; 1 Joh. 1:8) - want waar ‘n mens deur oorwin is, daarvan het hy ook ‘n slaaf geword! (2Pe 2:19)(vgl. hierdie met die verhaal van Adam en Eva). Toe Adam en Eva kies om eerder die slang te vertrou as om die Here te vertrou, het hulle "slawe geword vd sonde" en het so die sonde begin dien i.p.v. om die Here te dien, en "verganklikheid" het deel geword van hulle (Gen. 2:17; 3:3,4). Ons sien dus dat die NATUURLIKE MENS in 'n probleem gewikkeld is, in die sin van dat hy in sonde gebore is en dus soos 'n slaaf is van sonde - iets waarvan hy REDDING NODIG het!, anders sal hy beslis onder ewige oordeel val. Die (natuurlike) mens het nie net AFWASSING nodig nie maar ook VERNUWING... (Tit. 3:5), want as hy nie weergebore word nie, dan bly hy 'n slaaf van sonde. Dit gaan hier oor die saad waaruit iemand gebore is (1 Joh. 3:9). Die natuurlike mens is gebore uit vlees (en dien dus die sonde), maar die geestelike mens is uit Gees gebore (Joh. 3:5-8)(uit God gebore-Joh. 1:13; 1 Joh. 3:9; 4:7; 5:1,4,18) en dien dus die Here (hy verkry 'n goddelike natuur-2 Pet. 1:4). Die geestelike mens is duur gekoop en sy liggaam is 'n slaaf van Christus... (nie meer 'n slaaf vd sonde nie).

------------------------------------------------------------------------------------------------------------

(2c) Wat is dit waarvan die mens gered moet word, bv. "is siek"?

Die begrip "siek" of "ongesteld" word in beeldspraak in die Skrif gebruik van die wat in sonde stap of lewe.
"Natuurlike mense" kan almal gesien word as "siek" omdat hulle "slawe is van sonde" (en hulle het dus bekering nodig). Alhoewel "siekte" nie altyd tot die dood lei nie, lei hierdie "siekte" beslis tot die dood, want alle natuurlike mense dra "vrugte vir die dood" (sal die dood oes) - wat nie net verwys na die sterwe vd uiterlike mens nie, maar elke natuurlike mens sal ook deur die tweede dood gaan (die oordeel vd hel).
"Geestelike mense" word ook somtyds gesien as "siek", m.a.w. verwys na die wat in sonde stap (hulle het ook bekering nodig voor hulle vergifnis van sondes kan kry). "Siek" Christene wat stap in "sonde tot die dood" kan nie verwag om eendag aanneming tot kinders te kry as hulle nie vergewe is nie; dus, hulle sonde sal tot die dood lei sou hulle hul nie daarvan bekeer nie. Christene is geroep om vrug te dra (vrug tot ewige lewe). Siekte het beslis 'n invloed op vrug - dis nie goed as Christene hulle vrug verloor nie, en wat sal word vd een "sonder vrug" eendag?

In hierdie gedeelte moet ons dus onderskei tussen:
-die bekering wat voor wedergeboorte plaasvind (van "natuurlike mense"), en
-die bekering somtyds nodig van die wat reeds wedergebore is (van "geestelike mense").

Die natuurlike mens is soos 'n sieke (het bekering nodig):
Na regte kan die "natuurlike mens" gesien word as "SIEK" (Rom. 6:19), en gesien word soos 'n "kind van die duiwel" omdat hy die sonde DIEN (Hand. 13:10; Joh. 8:44). (Rom 6:19 - "Ek spreek menslikerwys ter wille van die swakheid van julle vlees..............") - die woord "swakheid" hier is die Griekse woord "as-then'-i-ah", wat nie net verwys na swakheid nie, maar ook "siekte" beteken (figuurlik bedoel, asof die mens gesien kan word as "siek" in die vlees maar verwys nie na 'n letterlike siekte nie). Rom 6:19 verduidelik ook vir ons presies wat hierdie "swakheid" of "siekte" is: - "Ek spreek menslikerwys ter wille van die swakheid van julle vlees; want net soos julle jul lede diensbaar gestel het aan die onreinheid en wetteloosheid om wetteloos te wees...". Dit gaan oor wie dit is vir wie jy dien/vertrou/gehoorsaam! (1 Joh. 3:8). Die mens wat nie in hierdie opsig gesien word as "siek" nie, DIEN nie die onreinheid en wetteloosheid nie (Rom. 6:19c), maar die persoon wat "SIEK" is, DIEN (1) die onreinheid ("vuil" / is nie skoon nie), en (2) die wetteloosheid ("ongeregtigheid")(is ongehoorsaam aan die wet)(Rom. 7:14-16). HIERDIE BESKRYF DIE TOESTAND VAN DIE "NATUURLIKE MENS" (gebore uit vlees/bloed - "kinders van Adam")("vleeslik" / verkoop onder die sonde... -Rom. 7:14) en verwys veral na die INNERLIKE MENS. Die "geestelike mens" begin bv. wel die geregtigheid DIEN (bv. "met sy gemoed"), maar dit verwys veral na die innerlike mens - m.a.w., omdat sy innerlike vernuwe is! (weer gebore uit die saad van God...). Wat die "geestelike mens" se innerlike aanbetref dien hy dus wel die Gees, maar sy uiterlike mens is nog nie vernuwe nie... (Rom. 7:25). Bestudeer gerus die tema van "met Christus beklee" om hierdie beter te verstaan.

In daardie opsig kan ons sê dat die natuurlike mens SIEK is... Sommige geleerdes noem dit "geestelik dood" omdat die innerlike mens vd natuurlike mens gesien kan word as "dood" ("donker") terwyl die innerlike vd geestelike mens gesien kan word as "lewendig"! (is verlig)(Kol. 3:3; 1 Pet. 4:6...). Die geestelike mens sal wel geoordeel word na die vlees (verwys hier na tema "regterstoel van Christus - Rom. 14:10; 2 Kor. 5:10), maar lewe na God "in die gees"! (1Pe 4:6). Wanneer die mens doodgaan is dit sy uiterlike mens wat sterwe - die innerlike mens wag dan op die oordeel... ("oordeel vd hel"; ook genoem "tweede dood") - tensy vernuwe! In daardie opsig is die natuurlike mens "dood" maar die geestelike mens lewendig.

Daar is 'n plek berei vir die duiwel en sy engele nl. "die poel van vuur" (oordeel vd hel), en alhoewel hierdie plek nooit bedoel was vir mense nie sal alle "natuurlike mense" wat uit vlees gebore is daar opeindig omdat hulle VERGANKLIK is... (omdat hulle "siek" is agv sonde) - almal wat sondig kan dus gesien word soos "kinders vd duiwel" en moet dus na dieselfde plek gaan wat berei is vir die duiwel, want die loon vd sonde is die dood! (Rom. 6:23), en sal soos hulle vader in die poel van vuur opeindig.
Maar die "geestelike mens" (die wat weergebore is uit ONVERGANKLIKE saad) sal nie in hierdie oordeel (nl. die oordeel vd hel) kom nie - hulle sal wel voor die regterstoel van Christus verskyn, ja (en geoordeel word na die vlees), maar hulle innerlike mens sal nie in "die oordeel" (die oordeel vd hel) kom nie - en hulle "uiterlike mens" sal ook die dood oorwin! (want hulle het die belofte van opstanding eendag in nuwe verheerlikte onverganklike liggame...). Alhoewel, hierdie verwys nie na gelowiges wat geen wortel skiet en afval nie..., en die eendag "sonder vrug" kan ook nie staatmaak op hulle "redding" nie want geloof sonder werke is dood.

Die gelowige wat siek is (het bekering nodig):
Die begrip "bekering" moet nie verwar word met wedergeboorte nie; alhoewel dit deel is van wedergeboorte. Bekering word somtyds gesien as 'n eenmalige gebeurtenis (maw wanneer iemand tot geloof kom), maar alhoewel iemand bekering nodig het voor hy weergebore word, is bekering nodig in enige situasie waar iemand in sonde stap of nie in regstand is met die Here nie; dus ook nodig waar gelowiges hierdie doen. Gelowiges word dus ook somtyds gesien as "siek" (die wat in sonde stap) en moet hulle van die sonde bekeer voor hulle genesing kan ontvang (en dus vergifnis ontvang). As hulle kies om te stap in "sonde tot die dood", kan hierdie "siekte" dus lei tot die dood... In so 'n geval sal die gelowige (wat in sonde tot die dood stap en hulle nie daarvan bekeer nie) "die dood" oes in plaas van "lewe" (sal maw nie aangeneem word as 'n kind nie - sal dus sy beloofde saligheid verloor).
- https://warechristene.blogspot.com/2013/09/wat-beteken-dit-om-tot-bekering-te-kom.html
- https://warechristene.blogspot.com/2013/09/die-christelike-doop.html
- https://warechristene.blogspot.com/2014/02/weer-gebore-wedergeboorte-wedergebore.html

Vir 'n studie oor gelowiges wat gesien word as "siek", gaan na:
https://warechristene.blogspot.com/2020/04/honger-dors-vreemdeling-naak-siek.html

------------------------------------------------------------------------------------------------------------

(3) Hoe beïnvloed iemand se antwoorde op bg. vrae die saligheidsboodskap?

Die salgheidsboodskap:
DIE EVANGELIE:
Saligheidsboodskap word bevat in die "EVANGELIE" ('n "goeie boodskap" wat redding verkondig).
Die manier hoe die evangelie gebring word, word beinvloed deur dit wat iemand sien as "evangelie" en m.a.w. deur dit wat hy "glo" (bv., "hoekom het iemand redding nodig?", "waarvan het hy redding nodig?", en "hoedanig lyk hierdie redding of saligheid?"). Wat iemand dus sien as WAARHEID beinvloed die manier hoe hy die evangelie bring. Om saligheid te onvang gaan nie net oor 'n gebed soos baie leer nie. Mense moet na eers die boodskap hoor en verstaan! - maar wat is die boodskap?

As iemand bv. nie glo dat daar iets is soos "ewige oordeel" nie, dan sal hy 'n "ander evangelie" bring (2 Kor. 11:4). Baiemaal word 'n "ander evangelie" van die preekstoel af gepreek en dit kan veroorsaak dat iemand dink hy het saligheid en dan het hy nie. "Eerste beginsels" (bekering, geloof, die Christelike doop, handoplegging, die opstanding, ewige oordeel) gebring in die eerste gemeentes is veral belangrik omdat dit die denkwyse vd evangelie beskryf - sou iemand hierdie basiese leringe nie verstaan nie, hoe kan hy dan die ware evangelie bring? Mense wat bely hulle is Christene maar nie glo dat daar bv. iets is soos 'n ewige oordeel wag, of nie verstaan wat is geloof of die belangrikheid van bekering nie, of die Christelike doop verander in iets anders of nie as nodig sien nie, of nie glo in 'n optanding nie, of niks te doen wil he met die gebare van handoplegging nie, sal heel moontlik 'n ander evangelie bring! En dit sien ons reeds gebeur in sommige kerke. Baie Christene bely dat hulle GLO maar hulle glo nie eens in Jesus se woorde nie?, maar glo liewer iets anders as wat Jesus gepreek het.

As ons nie hierdie basiese dinge verstaan nie, dan sal baie inligting boontoe in hierdie pos, nie sin maak nie; bv. "die opstanding" (oorwinning oor die dood); "die ewige oordeel" (hoe om dit vry te spring); "handoplegging" (wedergeboorte, genesing, ontvang vd Gees); "bekering" (tot die Here; van sonde; van werke); "geloof" (bly in Hom en vrug; slaaf vir Christus; vry); "die Christelike doop" (teken; afwassing; vernuwing; hoop), ens. Kyk maar hoeveel is "die opstanding" saam met die evangelie gepreek in die eerste kerke! Kyk hoeveel is daar hande opgele en die belangrikheid van bekering gepreek. Johannes het ook sy bediening begin deur mense op te roep tot bekering. Jesus het ook so begin deur mense op te roep tot bekering. Daar is nie geskroom om te praat oor die oordeel wat kom wanneer die evangelie gepreek is nie. Kyk die belangrikheid van "jy moet glo in Jesus Christus" wanneer die evangelie gebring is. Doen gerus bybelstudie van hoe presies die evangelie verkondig is in die eerste gemeentes: ( http://warechristene.blogspot.com/p/die-waarheid.html ).

Die evangelie gaan nie net oor die "evangelie van Jesus Christus" nie, maar ook "die evangelie vd Koninkryk" asook "die evangelie van vrede" - saam vorm hierdie DIE EVANGELIE.

_________________________________________________________________________________

Donderdag 07 Junie 2018

Dorings en distels / Braak vir julle 'n braakland

IN HIERDIE POS KYK ONS NA DIE TEMA VAN "dorings en distels"

- NIE NET LETTERLIK NIE, MAAR VERAL WAARNA DIT FIGUURLIK VERWYS.

Ons kyk ook na ander beeldspraak soos "wilde druiwe", "braakland braak", "ploeg en saai", "brandnekels, ens.

------------------------------------------------------------------------------------------------------------
INLEIDING:

Die mens bestaan uit liggaam, siel en gees,
en is tweeledig van aard nl.: LETTERLIK en FIGUURLIK.

Letterlik is die LIGGAAM gemaak uit grond (en keer terug na stof wanneer die mens doodgaan) - maar die liggaam kan ook figuurlik voorgestel word met "GROND" (en verwys veral na óf die natuurlike mens, óf die geestelike mens). Bv. in die gelykenis vd saaier word die mens voorgestel soos GROND (en hier verwys "saad" na die woord).- sommige mense word voorgestel soos "grond langs die pad", ander soos "grond in rotsagtige plekke", ander soos "grond tussen dorings", en dan die "goeie grond". In hierdie pos gaan ons veral stilstaan by die voorstelling vd mens as "grond", ook kyk na die belangrikheid van "ploeg en saai", en bietjie stilstaan by die grond "tussen die dorings".

In die geval van die SIEL, verwys dit letterlik na die lewe in die bloed/hart, maar figuurlik kan dit ook voorgestel word met "SAAD, BOOM of PLANT" (en verwys veral na die hart - "figuurlik" bedoel, bv. die wil, emosies, denke, oorlegginge ens.)(en verwys veral na "ou hart"-kinders vd vlees (die natuurlike mens); of "nuwe hart"-kinders vd Gees (die geestelike mens)). Die geestelike mens se siel is vernuwe en hy het 'n nuwe hart ontvang en sy lewe is in die bloed van Christus.
Daar is heelwat skrifte waar gelowiges soos bome voorgestel word, of soos saad wat in die wêreld gesaai word (http://warechristene.blogspot.com/p/blog-page.html)(Matt. 12:33; Luk. 3:9 ens.) ; selfs soos "takke" of "lote" (Rom. 11; Joh. 15:5 ens.). Net soos 'n boom aan sy vrugte geken word, net so is dit die hart vd mens (sy siel) wat wys wat se vrug iemand dra - "iemand word dus aan sy hart (die vrug vd hart) geken".

Letterlik verwys die GEES (vd mens) na "asem" waarsonder niemand kan lewe nie, en is dus soos lig vir die liggaam, maar figuurlik kan dit ook voorgestel word soos "LIG" (wat 'n plant nodig het om te lewe en groei)(en verwys veral na óf die kinders vd duisternis, óf die kinders vd lig). Iemand se gees wys m.a.w. of hy 'n kind vd duisternis (die natuurlike mens) is of 'n kind vd lig (die geestelike mens). Die geestelike mens se gees is vernuwe.

------------------------------------------------------------------------------------------------------------
OPSOMMING:

- PLOEG en SAAI (figuurlik bedoel): Die tema van ploeg en saai het veral te doen met die besnydenis vd hart. Die besnydenis vd hart is nie net iets wat die Here doen in gelowiges se harte (wanneer die siel vernuwe word) nie, maar is ook iets wat van elke gelowige verwag word om self te doen ("pad van godsaligheid"). Elke gelowige kan gesien word soos 'n boom wat (in die Here se wingerd) geplant word om vrug te dra (bestudeer gerus "die Here se wingerd"-http://warechristenedagstukkies.blogspot.com/2017/07/die-here-se-wingerd.html). Die Here spit Sy wingerd om, haal die klippe uit en beplant dit met edel wingerdstokke (Jes. 5), maar
- Elke gelowige is ook self verantwoordelik vir ploeg (en saai), en kan nie verwag dat daar iets gaan wees in die OESTYD (wanneer Jesus Christus terugkom) as hy nie ag gee daarop om ook self sy hart te besny nie (Spr. 20:4). En in hierdie pos kyk ons veral na die geval waar die lui en verstandelose mens se grond toegroei met dorings... (Spr. 24:30,31), wat ook na verwys word in die gelykenis vd saaier. In die gelykenis vd saaier verwys "dorings" na sorge vd wêreld, verleiding vd rykdom, begeerlikhede i.v.m. ander dinge en genietinge vd lewe (http://warechristene.blogspot.com/2014/06/wat-is-die-waarheid-2.html). Ons moet verstaan die belangrikheid van beeldspraak wanneer gelowiges beveel word om hulle "BRAAKLAND TE BRAAK" (Jer. 4:3; Hos. 10:12). As die gelowige nie sy eie hart besny nie (m.a.w. nie sy grond omspit en mis gooi nie; -nie ploeg (en saai) nie, dan kan hy nie verwag dat daar iets gaan wees in die oestyd (wanneer Christus terugkom) nie... (Spr. 20:4). Waar grond nie omgespit word nie, skiet dorings en distels op (Jes. 5:6) - dit is amper dieselfde asof iemand "onder die dorings saai" (Jer. 4:3; Matt. 13:7,22).
-Waar grond nie omgespit word nie, kom dorings en distels op (Jes. 5:6). Waar kinders vd Here dorings dra, word hulle beveel om hulle grond om te ploeg sodat hulle nie "onder die dorings saai" nie, want as iemand onder die dorings saai, kom beide op en sal die dorings die saad verstik (Jer. 4:3; Matt. 13:7,22). Hier gaan dit oor "wat ons saai, sal ons maai". Dus bring dit ons terug by die eerste punt, die belangrikheid van ploeg en saai...

------------------------------------------------------------------------------------------------------------

Die invloed van dorings en distels:
Met die sondeval in Genesis het Adam se ongehoorsaamheid o.a. tot gevolg gehad dat die aarde DORINGS EN DISTELS voortbring (Gen. 3:17,18). Hierdie vloek op Adam het veroorsaak dat sy werk met meer moeite gedoen moes word. Ons weet dat waar saad saam met dorings opkom, dorings veroorsaak dat daardie saad verstik (Matt. 13:7) - die gevolg is dat sulke grond onvrugbaar word of geen ryp vrug dra nie...

Alhoewel die vloek op Adam na letterlike dorings en distels verwys, en letterlik meer werk veroorsaak omdat die grond, akker, wingerd of watookal nou ook skoongehou moet word van dorings en distels (Spr. 24:30,31), word die tema van dorings ook in beeldspraak gebruik in sommige skrifte, bv. Heb 6:8 wat in konteks praat van die wat afvallig word vd geloof, en verwys na die vrug wat daardie grond oplewer - "Maar as dit dorings en distels oplewer, deug dit nie en is naby die vervloeking—die einde daarvan is verbranding". Dit is iemand se "vrug" wat wys wat in sy hart aangaan en wys wat se soort boom hy is (Luk. 6:44). Ons het reeds op 'n vorige geleentheid gesien dat gelowiges o.a. voorgestel word soos bome wat in die wêreld geplant word..... om vrug te dra, maar as hy vol dorings is of lyk soos 'n doringbos, kan hy nie goeie vrug dra nie; altans, die vrug sal verstik! (Luk. 6:44 - "Want elke boom word geken aan sy eie vrugte. Van dorings pluk ‘n mens tog nie vye nie, en ‘n mens sny ook nie druiwe van ‘n doringbos nie"). In hierdie sin is elkeen van ons ook verantwoordelik vir ons "eie grond", om dit om te spit en mis te gooi, en ook verantwoordelik vir dit wat ons daarin saai. Jesus het ook die term "dorings" in beeldspraak gebruik in die gelykenis vd saaier. In hierdie gelykenis verwys "dorings" na "die sorge en rykdom en begeerlikhede en genietinge vd lewe" - ook in die gelykenis is die gevolg van "dorings" dat die persoon geen ryp vrug dra nie! (Luk. 8:14), of onvrugbaar word! (Matt. 13:22). In Jer. 4:3 word die volk van God ook versoek om NIE ONDER DIE DORINGS TE SAAI NIE. Elkeen is m.a.w. ook self verantwoordelik om sy grond om te spit en mis te gooi, en nie onder die dorings te saai nie (figuurlik bedoel), want as iemand dit nie doen nie sal die dorings en distels oorneem en enige vrug verstik. Wat jy saai sal jy maai. Bv., as 'n gelowige begeer en probeer om eerder ryk te word in die wêreld as ryk in die Here, dan is hy besig om onder die dorings te saai, en dit sal verseker tot gevolg hê dat so iemand sy vrug (m.a.w. vrug wat hy as gelowige alreeds dra, en wat nodig is om ewige lewe te verkry) verloor of geen ryp vrug dra nie. Die uiteinde? - Hebr. 6:8. Maar as die manier hoe hy saai is "om ryk te word in die Here", dan sal hy vrug dra (sy uiteinde? - hy dra vrug "tot ewige lewe", m.a.w. vrug wat vir hom die ewige lewe kan gee). Hierdie gaan nie oor "werke tot saligheid" nie, maar gaan oor werke a.g.v. saligheid! Christene moet dus versigtig wees "HOE HULLE SAAI". Want waar 'n Christen (wat 'n nuwe hart het) terugval in die genietinge en begeerlikhede vd lewe, of meer behep met die sorge vd lewe (soos die met 'n ou hart), dan kan hy nie verwag om goeie vrug te dra nie. Die uiteinde is dat so 'n Christen besig is om te "saai onder dorings" en dat die vrug wat hy alreeds dra (wat eintlik vir hom die ewige kan gee) verstik word - sulke grond word onvrugbaar en kan dan geen ryp vrug dra nie.

Iemand se pad word ook somtyds op hierdie manier voorgestel, bv.
- Spr. 15:19 - "Die weg van die luiaard is soos ‘n heining van dorings, maar die pad van die opregtes is reggemaak".
- Spr. 22:5 - "Dorings, vangnette lê op die pad van die verkeerde; hy wat sy siel wil bewaar, bly ver weg daarvandaan".
- Hos 9:6 - "Want kyk, hulle gaan heen weens die verwoesting: Egipte sal hulle versamel, Mof hulle begrawe; onkruid sal hulle skat van silwergoed in besit neem, dorings in hulle tente wees".

Hierdie tema kan moontlik ook vgl. word met die tema van "onkruid" of "kaf", alhoewel "onkruid" meer verwysend is na die wat voorgee dat hulle gelowig is (valse gelowiges) as wat dit verwys na die wat nie vrug dra nie (soos die "kaf") - (Job 31:40 - "laat dan distels in plaas van koring uitspruit en onkruid in plaas van gars...").

------------------------------------------------------------------------------------------------------------

Braak vir julle 'n braakland:

Die huis van Israel word gesien soos DIE WINGERD VAN DIE HERE (Jes. 5:7,1). Die Here spit dit om, haal die klippe uit en beplant dit met edel wingerdstokke (v.2). Natuurlik verwag Hy dat dit druiwe sal dra, maar as dit wilde druiwe voortbring (v. 2,4), sal Hy dit verwoes (v.5). Vgl. hierdie met die gelykenis in Matt. 20:1-16, Matt. 21:28-32 en Matt. 21:33-44 waar die beeldspraak van "wingerd" ook gebruik word.

Christene is deel van die kinders van Abraham (deel vd "huis van Israel" - die Here se wingerd), en word "kinders" gebore uit die geslag van Jesus Christus (Abraham, Isak, Jakob,...Dawid,...Jesus Christus) - nie fisies gebore uit Sy saad nie, maar geestelik gebore deur die Heilige Gees wat Hy aan hulle gee. Deur die Gees kry hulle God se saad in hulle, en word "weer gebore" - hulle gees en siel word vernuwe en hulle het ook die belofte van 'n nuwe liggaam!

Alhoewel die belofte van wie sou erf spesifiek gemaak is aan "die kinders van Abraham" is dit slegs die gelowiges en gehoorsames wat regtig erf - en daarom spesifiek gebore uit die geslag van Abraham-Isak-Jakob(Israel)-Dawid-Jesus Christus! Net soos wat die uitverkore geslagslyn vasgestel was deur wie GEHOORSAAM en GELOWIG is, net so is dit slegs die Christene wat gehoorsaam en gelowig is wat regtig sal erf. Die Here gaan nie toelaat dat goddeloses saam met Hom regeer nie... Hy verwag van ons, AS "DEEL VAN SY WINGERD", OM VIR ONS 'N BRAAKLAND TE BRAAK (en nie onder die dorings te saai nie)(Hos. 10:12).

Voor ons verder praat oor "braakland braak", KOM ONS KYK net eers NA DIE GELYKENIS IN LUK. 13:6-9:

(Luk 13:5) Nee, sê Ek vir julle; maar as julle jul nie bekeer nie, sal julle almal net so omkom.

(Luk 13:6) En Hy het hierdie gelykenis uitgespreek: ‘n Man het ‘n vyeboom gehad wat in sy wingerd geplant was, en hy het gekom en vrugte daaraan gesoek en niks gekry nie.

(Luk 13:7) Toe sê hy vir die tuinier: Kyk, drie jaar kom ek om vrugte aan hierdie vyeboom te soek en ek kry niks nie; kap hom uit. Waarvoor maak hy die grond nog onvrugbaar?

(Luk 13:8) Maar hy antwoord en sê vir hom: Meneer, laat hom nog hierdie jaar staan totdat ek om hom gespit en mis gegooi het.

(Luk 13:9) As hy dan vrugte dra, goed; maar so nie, dan kan u hom anderjaar uitkap.

DIE BEELDSPRAAK van hoe gelowiges as saad in die wêreld gesaai word (Matt. 13:37) OM VRUG TE DRA, word in verskeie gelykenisse gebruik. Gelowiges is soos bome wat groei en vrug dra (in die Here se wingerd) - Hy spit die wingerd om, haal die klippe uit en plant ons in Sy wingerd... om vrug te dra - en hierdie vrug sal geoes word wanneer Christus terugkom. Maar gelowiges wat nie vrug dra nie, maak die grond waarop hulle staan onvrugbaar (Luk. 13:7) - hulle grond het spit en mis nodig, maar as hulle na "spit en mis" steeds nie vrug dra nie, sal hulle uiteindelik uitgekap word (Luk. 13:9). Die Christen se siel en gees wat in sy binneste gevorm is, word VERNUWE wanneer hy weer gebore word - hy is veronderstel om vrug te dra wat by die bekering pas. Ons moet dus verstaan die belangrikheid van beeldspraak wanneer gelowiges beveel word om hulle "BRAAKLAND TE BRAAK" (Jer. 4:3; Hos. 10:12). In Luk. 13 (en ander skrifte soos hieronder) sal ons sien dat dit veral beteken dat iemand hom BEKEER van sondes en/of bekeer tot die Here, en om Hom en Sy geregtigheid te soek (Hom vertrou, raadpleeg, gehoorsaam...).

Kom ons kyk na twee skrifgedeeltes waarin hierdie term gebruik is:

- (Jer 4:3) Want so sê die HERE aan die manne van Juda en aan Jerusalem: Braak vir julle ‘n braakland en saai nie onder die dorings nie. -die volk word beveel om hulle te BEKEER en hulle VERFOEISELS TE VERWYDER... - in hierdie skrifgedeelte verwys "onder die dorings saai" dus veral na afgodsaanbidding.

- Vgl. dit met Hos. 10:12 waar die volk, ook daar, beveel word om vir hulle 'n braakland te braak - (Hos 10:12 - "Saai vir julle volgens die eis van geregtigheid, maai in ooreenstemming met die liefde; braak vir julle ‘n braakland, want dit is tyd om die HERE te soek, totdat Hy kom en geregtigheid oor julle laat reën"). - Ons kan seker aflei dat "om grond te ploeg" hier veral verwys daarna dat hulle die Here moet soek en Hom gehoorsaam, maar wat hulle gedoen het is om "goddeloosheid in te ploeg"! (v.13) - die gevolg is dat hulle "slegtigheid gemaai" het, die vrug van hulle leuens geëet het. Dit word ook verder in v. 13 verduidelik waarom hulle so verkeerd gedoen het: "omdat jy op jou weg vertrou het, op die menigte van jou helde". In plaas van om op die Here te vertrou het hulle in hulle mense vertrou, die Here nie geraadpleeg nie maar gedoen soos hulle self goeddink.
Wat is dit wat ons in ons grond inploeg? Wat is dit wat ons saai?, want l.w. dat hulle beveel word om te "saai... volgens die eis van geregtigheid". Hulle moes seker maak dat hulle die regte saad saai (want wat jy saai sal jy maai). In hulle geval het hulle goddeloosheid, "leuens" gesaai, en slegtigheid gemaai. Ons sien dus wat die Here bedoel het met die woorde "braak vir julle 'n braakland", en dat dit (net soos in die letterlike geval) figuurlik ook gaan oor PLOEG en SAAI. Wat Hy dus van hulle verwag is om hulle harte te besny! (sien volgende paragraaf). Hulle grond lyk nie goed nie want hulle het verkeerde saad gesaai, en het nou nodig om geploeg te word, en nodig om te saai volgens die eis van geregtigheid. M.a.w., HULLE MOET HULLE BEKEER - bekeer tot die Here deur afgode af te le, en bekeer van sonde - die grond omploeg en skoonmaak, EN NIE ONDER DIE DORINGS SAAI NIE, maar die Here raadpleeg, Hom soek, Sy geregtigheid en wil soek...
------------------------------------------------------------------------------------------------------------
Besny die hart:
Ons sien dat terwyl God in Jer. 4 van die volk verwag om hulle grond om te ploeg en nie onder die dorings te saai nie, Hy ook aan hulle die opdrag gee: "BESNY JULLE VIR DIE HERE"!
Die oplossing, of dan die manier "hoe hulle hul grond omploeg" is om hulle HARTE te BESNY:
(Jer 4:4 - "Besny julle vir die HERE en verwyder die onbesnedenheid van julle hart, manne van Juda en inwoners van Jerusalem, dat my grimmigheid nie soos ‘n vuur uitgaan en brand sonder dat iemand kan blus nie, weens die boosheid van julle handelinge")(Jer 4:14 - "Was jou hart van boosheid, o Jerusalem, dat jy gered kan word. Hoe lank sal jou onheilsgedagtes in jou binneste vertoef?"). Hulle was wederstrewig teen die Here, - boos (v.18), dwaas en onverstandig, het Hom nie geKEN nie, was slim om kwaad te doen... (v.22). Hulle moet uit hulle harte uit wegsny wat nie daar hoort nie!

Die tema van "besnydenis" gaan nie net oor die vleeslike besnydenis nie, maar veral oor die BESNYDENIS VAN DIE HART. In die O.T., as gelowiges nie hulleself besny het na die hart nie, dan was hulle steeds as 'n onbesnedenes gesien in die oë van die Here, al was hulle ook vleeslik besny of deel vd volk (deel vd "besnedenes")(http://warechristene.blogspot.co.nz/2017/02/die-besnydenis-1.html).. In ag geneem dat die besnydenis 'n teken was van "wie is vir die Here 'n volk" en "vir wie is Hy 'n Here" (bv. watter volk is uitgekies onder die mensdom om 'n priestervolk te wees vir die Here; Hy sorg vir hulle en lei hulle; hulle is aan Hom gehoorsaam), maak dat ons die besnydenis vd hart beter verstaan. Die persoon wat 'n nuwe hart kry wanneer hy die Heilige Gees ontvang, word deel van die Here se priestervolk; en die Here lei hulle en sorg vir hulle. Maar van hulle kant af besny hulle ook self hulle harte, deur uit te sny wat nie daar hoort nie, m.a.w. bekering en afleg van sonde. Die geestelike mens dien die Here, en is daarom gehoorsaam aan Jesus Christus en aan Sy Heilige Gees (want immers 'n bewys is dat hulle glo).

Die besnydenis vd hart het te doen met hoe elkeen sy eie land ploeg, en die manier HOE IEMAND "SAAI", SAL BEPAAL HOE HY GAAN MAAI ! (Gal. 6:7,8; Job 4:8; Spr. 22:8; 1:31). Die VRUG wys wat GESAAI is. Iemand se VRUG wys dus wat in sy hart is! In Hos. 10 het die volk gesondig deur afgode te aanbid. Hulle het wel vrug gedra vir die Here, maar ook altare gebou vir afgodsaanbidding!? Baie Christene bevind hulle in hierdie selfde posisie, waar hulle wel vrug dra vir die Here, maar besig is om twee here te dien deur ook besig te wees met afgodspraktyke... Wat met so iemand gebeur is dat hy die vrug wat hy vir die Here dra sal verloor en onvrugbaar word, of sal uiteindelik nie die nodige vrug dra nie! Vgl. hierdie gerus met die gelykenis vd saaier - die derde groep, wat wel vrug dra, maar onvrugbaar word a.g.v. afgodsdiens (sorge en genietinge vd lewe, begeerte na rykdom..ens.)(http://warechristene.blogspot.co.nz/2013/05/is-jy-regtig-vry-van-afgodsdiens.html). In Hos. 10 sien ons dat die rede waarom hulle afvallig geword het was a.g.v. "eiesinnigheid" (Hos. 10:13) -en hulle harte was vals (v.2). Hulle het voorgegee dat hulle gehoorsaam is aan die Here, maar in werklikheid was hulle harte vals want hulle was eerder gehoorsaam aan hulleself. Eiesinnigheid gaan veral daaroor dat iemand doen volgens hoe hy self "sien" - so iemand ontvang 'n opdrag vd Here, maar gaan teen die Here se opdrag omdat hy reken dat hy beter weet wat nodig is in die situasie (soos koning Saul gedoen het). Hy gee voor dat hy die Here ken en gehoorsaam, maar doen eintlik soos hy wil en self goeddink. Dit word dus van hulle verwag om hulle eie harte te besny, deur hulle te bekeer van hulle eiesinnigheid en te bekeer tot die Here (m.a.w., bekeer van die manier hoe hulle "sien" tot die manier hoe die Here sien).

Christus het ook vir ons geleer dat die manier hoe iemand HOOR bepaal of hy gaan vrug dra of nie (en wat se soort vrug hy dra...) (http://warechristene.blogspot.co.nz/2014/06/wat-is-die-waarheid-2.html). In die gelykenis vd saaier is die "saad" die woord. Die Here gee vir ons woord en maak Sy wil bekend, maar die manier hoe ons "hoor", m.a.w. ag gee op dit, bepaal of ons gaan vrug dra. Die manier "hoe ons HOOR" kan ook vgl. word met "hoe ons (in ons grond) saai". Wanneer iemand eiesinnig is dan "hoor" hy nie werklik nie - hy gee voor dat hy hoor, maar hy doen eintlik wat hy wil. Selfs al is daar koring gesaai, sal die ONgehoorsame "koring" (grond) dorings maai - sy "inkomste" sal m.a.w. dorings wees (Jer. 12:13) - soos wat gebeur met die wat wilde druiwe voortbring - hulle word nie verder gesnoei en omgespit nie, en dorings en distels sal opskiet... (Jes. 5:6). Die wat nie "hoor" nie is soos mense wat nalaat om hulleself te "snoei" en "om te spit". Die gevolg? -Daar sal dorings en distels opskiet wat op beurt veroorsaak dat so 'n gelowige se vrug verstik word...(soos grond wat onvrugbaar word en geen ryp vrug dra nie).

------------------------------------------------------------------------------------------------------------

Elke boom word aan sy vrugte geken:

(Luk 6:41) En waarom sien jy die splinter in die oog van jou broeder, maar die balk wat in jou eie oog is, merk jy nie op nie?

(Luk 6:42) Of hoe kan jy vir jou broeder sê: Broeder, laat my toe om die splinter wat in jou oog is, uit te haal, terwyl jy self die balk wat in jou oog is, nie sien nie? Geveinsde, haal eers die balk uit jou oog uit, en dan sal jy goed sien om die splinter wat in jou broeder se oog is, uit te haal.

(Luk 6:43) Want dit is nie ‘n goeie boom wat slegte vrugte dra nie, en ook nie ‘n slegte boom wat goeie vrugte dra nie.

(Luk 6:44) Want elke boom word geken aan sy eie vrugte. Van dorings pluk ‘n mens tog nie vye nie, en ‘n mens sny ook nie druiwe van ‘n doringbos nie.

(Luk 6:45) Die goeie mens bring uit die goeie skat van sy hart te voorskyn wat goed is; en die slegte mens bring uit die slegte skat van sy hart te voorskyn wat sleg is; want uit die oorvloed van die hart spreek sy mond.

KYK VERAL NA V.44 EN 45, EN KYK HOE CHRISTUS KLEM Lê OP DIE "HART" ! Elke een se hart wys of hy 'n goeie boom of 'n slegte boom is. God weet wat in elke mens se hart is, maar mense weet nie altyd wat in iemand anders se hart aangaan nie; alhoewel iemand se VRUG dit kan uitwys. 'n Doringbos kan nie druiwe dra nie. En vye groei nie op dorings nie!

------------------------------------------------------------------------------------------------------------

Is dit moontlik vir 'n Christen om sy "saligheid" te verloor?
(Heb 6:4) Want dit is onmoontlik om die wat eenmaal verlig geword het en die hemelse gawe gesmaak en die Heilige Gees deelagtig geword het,

(Heb 6:5) en die goeie woord van God gesmaak het en die kragte van die toekomstige wêreld,

(Heb 6:6) en afvallig geword het—om dié weer tot bekering te vernuwe, omdat hulle ten opsigte van hulleself die Seun van God weer kruisig en openlik tot skande maak.

(Heb 6:7) Want die grond wat die reën indrink wat dikwels daarop val, en nuttige plante voortbring ter wille van hulle vir wie dit ook bewerk word, het deel aan die seën van God.

(Heb 6:8) Maar as dit dorings en distels oplewer, deug dit nie en is naby die vervloeking—die einde daarvan is verbranding.

Hier is 'n vgl. tussen dit wat ons in die natuur sien, en die mens. Wanneer reën op die GROND val, dan bring dit nuttige plante voort... Op dieselfde wyse wag "die landbouer" (die Vader-Joh. 15:1) op die "vrug vd aarde"... (Jak. 5:7 - "Wees dan geduldig, broeders, tot op die wederkoms van die Here. Kyk, die landbouer wag op die kostelike vrug van die aarde en het geduld daarmee totdat dit die vroeë en die laat reën ontvang het"). ONS IS GEROEP OM VRUG TE DRA! (Joh. 15). (Vgl. dit met die gelykenis in Luk. 13:6-9 en Mark. 4:26-28). Vgl. dit ook met die tema van "oes".

DORINGS en DISTELS is die rede waarom sommige Christene eendag afgesny sal word..., en verwys spesifiek hier na die wat afvallig geword het. Ja, die mense na wie hierbo verwys word, is Christene - hulle was eens VERLIG (nuwe gees)!, en het die Heilige Gees ontvang!, en het die waarheid leer ken! en het die kragte vd toekomstige wereld gesmaak!; MAAR het dorings en distels opgelewer.... HIER MOET ONS NATUURLIK ONDERSKEI TUSSEN WANNEER IEMAND SE VRUG VERSTIK WORD DEUR DORINGS EN DISTELS (vir wie daar nog hoop is...), EN WANNEER SY VRUG SELF DORINGS EN DISTELS IS! (vir wie daar geen hoop meer is nie...). Vgl. dit gerus met die tema van slegte vrugte, valse leraars en valse profete.

------------------------------------------------------------------------------------------------------------
Skrifte "brandnekels":
Job_30:7 Tussen die bossies skreeu hulle, onder brandnekels kruip hulle bymekaar—
Pro_24:31 en kyk, dit was heeltemal toegegroei van die dorings, sy oppervlakte was oordek met brandnekels en sy klipmuur omgegooi.
Isa_34:13 En sy paleise word begroei met dorings, brandnekels en distels sal in sy vestings wees. En dit sal ‘n lêplek van jakkalse, ‘n verblyf vir die volstruise wees.
Zep_2:9 Daarom, so waar as Ek leef, spreek die HERE van die leërskare, die God van Israel: Moab sal word soos Sodom en die kinders van Ammon soos Gomorra—’n veld van brandnekels en soutpanne en ‘n verwoesting vir ewig; die oorblyfsel van my volk sal hulle berowe, en die res van my nasie sal hulle beërwe.

------------------------------------------------------------------------------------------------------------

SKRIFTE rakende hierdie tema:
-(Jes. 10:17) En die Lig van Israel sal ‘n vuur wees, en sy Heilige ‘n vlam; en dit sal sy distels en sy dorings verbrand en verteer op een dag.

-(Jes. 32:13) vanweë die akkers van my volk wat met dorings en distels opskiet, ja, vanweë al die huise van vreugde van die uitgelate stad.

-(Jes. 34:13) En sy paleise word begroei met dorings, brandnekels en distels sal in sy vestings wees. En dit sal ‘n lêplek van jakkalse, ‘n verblyf vir die volstruise wees.

-(Num 33:55) Maar as julle die bewoners van die land nie voor julle uit verdrywe nie, sal die wat julle van hulle laat oorbly, soos dorings in julle oë wees en soos angels in julle sye, en hulle sal julle beveg in die land waar julle in woon.

-(Jos 23:13) weet dan verseker dat die HERE julle God nie langer hierdie nasies voor julle uit sal verdrywe nie; maar hulle sal vir julle ‘n vangnet en ‘n strik wees en ‘n angel in julle sye en dorings in julle oë, totdat julle omkom uit hierdie goeie land wat die HERE julle God aan julle gegee het.

-(Spr. 15:19) Die weg van die luiaard is soos ‘n heining van dorings, maar die pad van die opregtes is reggemaak.

-(Spr. 22:5) Dorings, vangnette lê op die pad van die verkeerde; hy wat sy siel wil bewaar, bly ver weg daarvandaan.
- (Jes. 27:4) Geen grimmigheid is by My nie. Kry Ek doring of distel, in oorlog sou Ek daarop aanval, dit alles saam verbrand.

(Jes. 7:23) En in dié dag sal elke plek waar duisend wingerdstokke staan, wat die waarde van duisend sikkels silwer het, vir die dorings en distels wees.

(Jes. 7:24) Met pyl en boog sal hulle daarheen kom, want die hele land sal vol dorings en distels wees.

(Jes. 7:25) En al die berge wat met die pik bewerk is—daar sal hulle uit vrees vir dorings en distels nie kom nie; maar dit sal dien om die beeste in te jaag en om deur die kleinvee vertrap te word.

(Eseg. 2:5) Maar of hulle nou al luister of nie—want hulle is ‘n wederstrewige huis—hulle sal moet erken dat daar ‘n profeet in hulle midde gewees het.

(Eseg. 2:6) En jy, mensekind, wees nie vir hulle of vir hulle woorde bevrees nie, omdat distels en dorings by jou is, en jy by skerpioene woon; wees nie bevrees vir hulle woorde en wees voor hulle aangesig nie verskrik nie, want hulle is ‘n wederstrewige huis.

(Eseg. 2:7) Maar jy moet hulle my woorde verkondig, of hulle al luister of nie; want hulle is wederstrewig.

(2Sa 23:6) Maar deugniete, hulle almal is soos weggegooide dorings, want ‘n mens vat dit nie met die hand nie;

(2Sa 23:7) en elkeen wat hulle wil aanraak, wapen homself met ‘n yster of die steel van ‘n spies, en met vuur word hulle op daardie plek heeltemal verbrand.

(Hos 9:6) Want kyk, hulle gaan heen weens die verwoesting: Egipte sal hulle versamel, Mof hulle begrawe; onkruid sal hulle skat van silwergoed in besit neem, dorings in hulle tente wees.

(Hos 9:7) Die dae van besoeking het gekom, die dae van vergelding het gekom; Israel sal dit ervaar! Die profeet word ‘n dwaas, die man van die gees ‘n waansinnige, weens die grootheid van jou ongeregtigheid, en omdat die vyandskap groot is.

(Hos 9:8) Efraim is ‘n spioen teenoor my God; wat die profeet aangaan, die net van ‘n voëlvanger is op al sy weë gesprei, vyandskap in die huis van sy God.

(Hos 9:9) Hulle het baie, baie verkeerd gehandel soos in die dae van Gíbea. Hy sal dink aan hulle ongeregtigheid, besoeking doen oor hulle sondes.

(Hos 10:8) En die hoogtes van Awen, Israel se sonde, word verdelg, dorings en distels sal opskiet op hulle altare; en hulle sal tot die berge sê: Bedek ons! en tot die heuwels: Val op ons!

(Mat 7:15) Maar pas op vir die valse profete wat in skaapsklere na julle kom en van binne roofsugtige wolwe is.

(Mat 7:16) Aan hulle vrugte sal julle hulle ken. ‘n Mens pluk tog nie druiwe van dorings of vye van distels nie!

(Mat 7:17) So dra elke goeie boom goeie vrugte; maar ‘n slegte boom dra slegte vrugte.

(Mat 7:18) ‘n Goeie boom kan geen slegte vrugte dra nie, en ‘n slegte boom ook geen goeie vrugte nie.

(Mat 7:19) Elke boom wat nie goeie vrugte dra nie, word uitgekap en in die vuur gegooi.

(Mat 7:20) So sal julle hulle dan aan hul vrugte ken.

-Mat_13:7 En ‘n ander deel het in die dorings geval, en die dorings het opgekom en dit verstik.
-Mat_13:22 En by wie in die dorings gesaai is—dit is hy wat die woord hoor, maar die sorg van hierdie wêreld en die verleiding van die rykdom verstik die woord, en hy word onvrugbaar.

-Mar_4:7 En ‘n ander deel het in die dorings geval, en die dorings het opgekom en dit verstik; en dit het geen vrug opgelewer nie.

-Mar_4:18 En hulle by wie in die dorings gesaai word—dit is hulle wat die woord hoor, druiwe van ‘n doringbos nie.

-Luk_8:7 En ‘n ander deel het tussen die dorings in geval; en die dorings het daarmee saamgegroei en dit verstik.

-Luk_8:14 En wat in die dorings geval het—dit is die wat gehoor het, en hulle gaan weg en word verstik deur die sorge en rykdom en genietinge van die lewe en dra geen ryp vrug nie.

-(Mat 27:29) en hulle vleg ‘n kroon van dorings en sit dit op sy hoof, en ‘n riet in sy regterhand; en hulle val op hul knieë voor Hom en bespot Hom en sê: Wees gegroet, Koning van die Jode!

-(Jes. 55:13) Vir ‘n doringboom sal ‘n sipres opgaan; vir ‘n distel sal ‘n mirteboom opgaan; en dit sal vir die HERE wees tot ‘n naam, tot ‘n ewige teken wat nie uitgeroei sal word nie.

-(Eseg. 28:24) En daar sal vir die huis van Israel geen steekdoring en smartlike distel meer wees onder almal wat rondom hulle is nie, wat hulle verag; en hulle sal weet dat Ek die Here HERE is.

------------------------------------------------------------------------------------------------------------

Pages

Sondag 10 September 2023

Saligheid

Donderdag 08 September 2022

Algemene vrae oor SALIGHEID (2) - hoekom het ons saligheid nodig

Maandag 10 Augustus 2020

Bybelstudie: Die begrip saligheid (hoekom)

Sondag 02 Augustus 2020

Bybelstudie: DIE BEGRIP "SALIGHEID" (oorsig)

Donderdag 21 Mei 2020

Algemene vrae oor SALIGHEID (1): (Inleiding)

Donderdag 07 Junie 2018

Dorings en distels / Braak vir julle 'n braakland