Verdrukking

IN HIERDIE POS KYK ONS NA WAT PRESIES DIE WOORD 

"VERDRUKKING" verwys.

Wat word as "verdrukking" gesien? Deur wie kom dit?, en wie gaan deur verdrukking?

----------------------------------------------------------------------------------------------------------------------------

(1)  Hoe word "verdrukking" beskryf?

- word sleg behandel of lewe word verbitter deur harde werk (Eks. 1:7-12);

-  om in gebrek te wees (2 Kor. 8:13; Jak. 1:27);

-  om bo jou kragte swaar te hê (2 Kor. 1:8; Jak. 1:27);

-  om met die dood gedreig te word (2 Kor. 1:8,9)(wat baiemaal eindig in om doodgemaak te word);

-  om van jou besittings beroof te word, of waar jou goed verwoes word, en bedrog teen jou gepleeg word (Eseg. 22:12; 45:9; Hand. 11:19);

-  valse broeders wat teen ware broeders preek, en die waarheid wat deur die ware broeders verkondig word verdraai (Fil. 1:16)(bv. in die geval van verdrukking ter wille van die waarheid - Matt. 13:21);

-  om opgesluit te word ter wille van die waarheid of evangelie, bv. Miga, Johannes die doper ens.(1 Kon. 22:27; 2 Kron. 18:26);

-  enige iemand wat "dien" ervaar 'n tipe van "verdrukking in die vlees", omdat jy soos 'n slaaf is vir die een vir wie jy dien, en dus besorg om daardie persoon te dien... (1 Kor. 7:28). In dieselfde opsig verduur Christene verdrukking omdat hulle slawe is vir Christus, en Hom DIEN (1 Kor. 7:20-23).  

-----------------------------------------------------------------------------------------------------------------------------

UITEENSETTING - SKRIFTE EN BETEKENIS:  

Die woord "verdrukking" is die Hebreeuse woord " lakh'-ats" ("distress: - affliction, oppression"-Eks. 3:9;Deut. 26:7;1 Kon. 22:27;2 Kron. 18:26;2 Kon. 13:4;Ps. 42:9);  en die Griekse woord "thlip'-sis"(afflicted, (-tion), anguish, burdened, persecution, tribulation, trouble-Matt. 13:21; 24:9,21,29; Joh. 16:33).

Kom ons kyk na 'n paar voorbeelde IN KONTEKS:

- Eks. 3:9, Deut. 26:7 (verdrukking vd volk deur die Egiptenaars) - volgens Eks. 1:12-14 het hulle die kinders van Israel met hardheid laat dien (hulle was "cruel", hulle sleg behandel (Num. 20:15), probeer verplig om hulle baba-seuns dood te maak (Eks. 1:15-17), en het hulle lewens verbitter deur swaar werk en hulle behandel soos slawe (Eks. 1:14; 2:23);

- 1 Kon. 22:27, 2 Kron. 18:26 (Miga verdruk in die gevangenis);

- 2 Kon. 13:4 (volk verdruk deur Hásael, die koning van Aram);

- Ps. 12:5; Ecc. 5:8 (verdrukking van die arme) - kyk ook die woord "o'-shek" wat gebruik word vir hoe die arme verdruk word deur bedrog ("fraud, unjust gain, extortion")(Jes. 30:12; 54:14; Jer. 6:6);

- Ps. 42:9; 43:2; 44:24 (verdrukking deur vyande);

Ons kan ook kyk na die woord, "toke"  "oppression" - ("deceit, fraud")(Ps. 55:11) - verdrukking deur haters.;  en die woord "shode"("desolation, destruction, oppression, robbery" etc. -Ps. 12:5) - hierdie is alles maniere van hoe mense VERDRUK word, m.a.w. bv. dat hulle beroof word, hulle goed verwoes word, daar bedrog teen hulle gepleeg word, bv. in die geval van onregverdige wins deur te veel geld te neem (Eseg. 22:12) of hulle uit hulle besittings te verdring (Eseg. 45:9).  

- Matt. 13:21 (verdukking ter wille van die woord);

- Matt. 24:9,21,29 (verdrukking deur haters);

- Hand. 11:19 (deur verdrukking word mense verstrooi na ander dele van die aarde);

- 2 Kor. 1:8,9 (om bo jou kragte swaar te hê en met die dood gedreig te word);

- 2 Kor. 8:13 (om in gebrek te wees);

- Fil. 1:16 (verdrukking deur valse broeders);

- Jak. 1:27 (die verdrukking wat die wese en weduwees ly);

-1 Kor. 7:28 (verdrukking van die vlees - in die sin van om besorg te wees oor mekaar - 1 Kor. 7:29-35).

-----------------------------------------------------------------------------------------------------------------------------(2)  Wie word verdruk?

Verdrukking is nie altyd die gevolg van hierdie spesifiek nie, maar somtyds is verdrukking iets wat die Here toelaat op iemand se pad met die doel om sy ore te open - Job het bv. hierdie interessante stelling gemaak waarin hy verklaar dat die Here tye van VERDRUKKING gebruik om mense se ore te open (Job 36:15).  Ons sien 'n vb. hiervan in 2 Kon. 13:4 hoe "verdrukking" Jóahas, ongehoorsame koning van Israel, beweeg het om die aangesig van die Here te soek.  Openb. 2:22 is nog 'n vb. van hoe die Here ongehoorsame gelowiges in daardie geval onder verdrukking plaas met die doel om hulle tot bekering roep..., maar dit beteken natuurlik nie dat die gehoorsames en gelowiges nooit deur verdrukking gaan nie!, want ons gaan ook deur verdrukking is ter wille van die geloof en getuienis.  Alhoewel "verdrukking" dus somtyds as 'n metode van teregwysing gebruik word, moet elke Christen ook bereid wees om ter wille van die woord en getuienis verdruk te word (Matt. 13:21; 2 Tim. 2:9)(Joh 16:33 - "Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin"). Inteendeel, die Christen moet roem in die verdrukking!, want verdrukking werk lydsaamheid... (Rom. 5:3)-(2Ti 2:3 - "Ly dan verdrukking soos ‘n goeie krygsman van Jesus Christus")(2 Tim. 4:5).  Die dissipels en die eerste Christene het self baie verdrukkinge gely (2 Kor. 4:7; 7:4; 8:2; Fil. 4:14; Kol. 1:24; 1 Thess. 1:6; Openb. 1:9; 2:9,10...), maar niks waardeur die opregte gelowige gaan kan hom skei van die liefde van Christus nie (Rom 8:35) - geen VERDRUKKING of benoudheid of vervolging of honger of naaktheid of gevaar of swaard nie...  (Rom 8:36 - "Soos geskrywe is: Om U ontwil word ons die hele dag gedood, ons is gereken as slagskape"). Ons word beveel om GEDULDIG te wees in die verdrukking (Rom. 12:12), en om mekaar te troos tydens verdrukking (2 Kor. 1:4; 1 Thess. 3:7).  Oor en oor word dit in die skrif bevestig dat dit die behoeftiges en armes is vd volk oor wie die Here Hom ontferm (Ps. 72:13) - die behoeftiges wat roep om hulp en die ellendiges wat geen helper het nie... (v.12,14)(Ps. 107:41). Dieselfde soort benoudheid wat verdrukking teweeg bring (en gelowiges en gehoorsames nou moet verduur), sal die ongeregtiges en ongehoorsames eendag ervaar wanneer Christus terugkom (Rom. 2:5-9; 2 Thess. 1:6,7).

Anders as die algemene siening, word verdruktes eerder gewoonlik gesien as geseëndes in die Skrif (http://warechristene.blogspot.co.nz/2012/05/is-jy-n-geseende.html).  Ons dink dit gaan oor geluk, rykdom, eer, status, besittings, genietinge, voorspoed in die wêreld, geliefd, valse vrede, wêreldse wysheid...ens., maar dit is juis hierdie dinge wat veroorsaak waarom mense ander mense baiemaal verdruk!  Natuurlik kan dinge soos rykdom en eer ens. gesien word as seen, maar die wat behep is hiermee soek dit eerder as die koninkryk van God. In ons soeke na die dinge vd koninkryk van God, moet verdrukking ook gesien word soos 'n seen. Sommige gebruik ongelukkig dit wat normaalweg as seen beskryf word, om ongehoorsaam of onbarmhartig te wees;  bv.,  a.g.v. wêreldse wysheid oordeel mense verkeerd... ; -a.g.v. valse vrede word die wat die waarheid en die evangelie verkondig, onderdruk...; -a.g.v. om geliefd te wil wees, word daar getrap op sekere mense om ander tevrede te stel...; -a.g.v. wêreldse voorspoed (bv. om eerste of beste te wees, of meeste te hê) word mense beroof, verkleineer, verarm, ingeloop, onregverdig behandel ens. (Luk 16:15 - "En Hy het vir hulle gesê: Dit is julle wat julself regverdig voor die mense, maar God ken julle harte; want wat by die mens hoog geag word, is ‘n gruwel voor God"). Interessant hoe die Groot Verdrukking ook sal begin "wanneer die gruwel opgerig is"... - dit die dinge wat by mense hoog geag word wat gewoonlik verdrukking veroorsaak!  

DIE PRENTJIE VAN "GESEENDES" IN DIE N.T. IS 'N PRENTJIE VAN "VERDRUKTES, HONGERES, GELOWIGES, GEHOORSAMES, ARMES, BELEDIGDES, SAGMOEDIGES, TREURIGES, GETOETSTES..., en verwys in hierdie geval na die wat ly terwille van die koninkryk van God. Verdrukking ter wille van die waarheid/geloof/gehoorsaamheid moet gesien word as 'n seën.  Tensy jy verdruk word as gevolg van ongehoorsaamheid, behoort niemand skaam te wees vir vedrukking nie.  Deesdae sien baie Christene verdrukking as 'n skande - hoekom?  Ja, dit is 'n skande as jy verdruk word omdat jy ongehoorsaam is (Openb. 2:2), maar selfs dit is goed vir jou. Selfs as iemand verdruk word omdat hy ongehoorsaam was (en die verdrukking dus verdien), is dit 'n seëning omdat hy op hierdie manier 'n geleentheid kry om vergifnis te kry, of op hierdie manier beweeg word om sy hart te verander. 

http://warechristene.blogspot.co.nz/2012/07/die-wat-hulle-lewe-verloor-sal-dit-wen.html

http://warechristene.blogspot.co.nz/2013/03/hy-sit-konings-af-en-stel-konings-aan.html

-----------------------------------------------------------------------------------------------------------------------------

(3)  Deur wie kom verdrukking?

- deur die wat die Here se gebooie breek (haters, vyande, ens.). 

Dit is a.g.v. selfsug dat rykes armes verdruk.  Dit is a.g.v. ongehoorsaamheid aan die waarheid waarom valse broeders ware broeders verdruk... ens. 

Ma.w., hulle het 'n tekort aan naasteliefde (a.g.v. verhardheid of sondes vd hart bv. jaloesie).  Verdrukking kom gewoonlik deur die wat ONbarmhartig en ONgehoorsaam is, en ongelukkig somtyds deur "onwetendes"! Die een wat nie barmhartig is nie kyk neer op die ander persoon - hy verafsku hom en kyk miskien neer op die waarheid wat hy verkondig, of kyk neer op sy nederige en arm toestand, of watookal.  Bv., in plaas van om goed te doen en besittings en geld te deel met die wat nie het nie, probeer die ryke nog meer ryk word (maar natuurlik is nie alle rykes so nie). Dit gaan baiemaal oor "mag" en bv. juis die rede waarom die Egiptenaars die volk verdruk het en onder dwangarbeid geplaas het (Eks. 1:7-12).  Die manier hoe hulle hul verdruk het was deur hulle sleg te behandel en het hulle lewens verbitter deur swaar werk (en hulle soos slawe behandel).  Dit was oor die eeue ook baiemaal die rede waarom sekere nasies deur ander nasies verdruk is, en gaan oor "mag" en wie aan bewind wil wees, en gaan dus oor "EERSTE WEES". Waar mense belangriker wil wees of meer wil he as ander, veroorsaak dit baiemaal dat hulle verdrukkers word om daardie posisie te bereik. 

Dan is daar verder ook die talle vb.e in die Skrif van mense wat verdruk is ter wille vd waarheid..., en veral die rede waarom Jesus en Sy dissipels verdruk is. 

Christene moenie verdrukkers wees nie:

Verdrukking kom gewoonlik deur die wie se harte verkeerd is;  daarom is dit belangrik om jou hart en ore te besny. Bv., as jy verkeerde begeertes koester of verkeerd dink moet jy sulke begeertes aflê en jou gedagtes verander.  As jy nie "sien" soos die Here sien nie, moet jy Sy waarheid soek en dit kies.  Christene behoort aan die Here (nie aan hulleself nie).  In plaas van die ou natuur, is Christene geroep om goeie vrug te dra - om liewer te dien as om gedien te word...; om besittings en werke en krag en geld te deel en nie alles vir die self te hou nie...; om jou lewe te verloor in plaas van probeer wen...; om liewer laaste te wees as eerste...; om versigtig te wees vir die genietinge en rykdom waardeur vrug verstik kan word...; om vervolging en verdrukkinge te verdra i.p.v. wet in eie hande neem.  

Onbarmhartiges en ongehoorsames "verdruk", maar

Barmhartiges en gehoorsames verdra verdrukking...

-----------------------------------------------------------------------------------------------------------------------------

Die uur van beproewing wat oor die hele wêreld kom

In die brief aan die gemeente van Filadelfía (Openb. 3:7-13) het Christus 'n interessante verklaring gemaak waarin Hy verwys na 'n tyd wat oor die hele wêreld sal kom, genoem:
"die uur van beproewing". Om te verstaan wat met hierdie "uur van beproewing" bedoel word, moet ons gaan kyk nawat die doel is daarvan,
en wie presies deur dit sal gaan.

  

ROL AF VIR DIE VOLGENDE OPSOMMINGS:

- Wat is die doel van die uur van beproewing?

- Sal die wat bewaar word weggeneem word van die aarde?

- Is daar kinders van die Koninkryk wat sal afval in hierdie uur van beproewing?

- Hoe kan ons seker maak dat ons vasstaan en nie val vir die versoeking nie?

_________________________________________________________________________________
Wat is die doel van hierdie "uur van beproewing"?

Die Gr. woord wat in Openb. 3:10 gebruik word  vir "beproewing" word somtyd vertaal as "versoeking" (vir 'n studie oor versoeking/beproewing, gaan na: https://warechristene.blogspot.com/2013/08/bewaar-in-die-uur-van-beproewing.html). Wanneer iemand beproef word word hy GETOETS (bv., word deur die kwaad versoek om te sien of hy aan die geloof vashou). God versoek niemand nie, maar Hy laat dit toe of nie toe nie. In Openb. 3:10 verwys Jesus na 'n tyd van BEPROEWING wat oor die hele wereld sal kom... - l.w. die woorde "om die bewoners vd aarde op die proef te stel" (Openb. 3:10:  -"Omdat jy die woord van my lydsaamheid bewaar het, sal Ek jou ook bewaar in die uur van beproewing wat oor die hele wêreld kom om die bewoners van die aarde op die proef te stel"). Sekere mense sal nie op OP DIE PROEF GESTEL word nie, bv. die gemeente aan wie hierdie brief gestuur is. Of die 7 briewe aan 7 gemeentes in die boek van Openbaring slegs gerig was aan gemeentes in die tyd waarin Johannes geleef het, is natuurlik 'n punt van oorlegging, maar as dit slegs geskiedkundig is dan moet ons die vraag vra of daar dan 'n tyd in die geskiedenis was aarop die hele wêreld op die proef gestel is? Meeste geleerdes is van mening dat hierdie briewe nie net geskiedkundig is nie, maar ook toekomstig. As dit dus verwys na iets in die toekoms, dan kan ons 'n tyd verwag waarop al die aardbewonders op die proef gestel sal word. 

Die woorde "uur van beproewing" verwys dus na 'n tyd van VERSOEKING. (die mensdom sal op die proef gestel word). Op hierdie stadium verwag ons dat die evangelie reeds aan die hele wereld verkondig is (wat veral gebeur tydens verdrukking!)(Matt. 24:14 -  "En hierdie evangelie van die koninkryk sal verkondig word in die hele wêreld tot ‘n getuienis vir al die nasies; en dan sal die einde kom"). Hierdie word o.a. beskryf as 'n tyd waarin die ongeregtigheid vermeester en meeste mense se liefde verkoel... En kyk gerus waar hierdie woorde inpas in Matt. 24, want dit wat in die volgende verse volg is die "gruwel van verwoesting" en dan die groot verdrukking... - op hierdie stadium sal die hele wereld die evangelie gehoor het, en dan op die proef gestel word... Hulle sal deur die kwaad versoek word (hierdie word gesien as die tyd waarin "die dier" sal regeer, mense sal gedwing word om die dier te aanbid, en die wat nie wil nie sal gedood word).  DIE UUR VAN BEPROEWING word m.a.w. gewoonlik vgl. met die tyd van die dier se regering en die groot verdrukking. Die mensdom sal deur die kwaad verlei word, en die wat in die geloof is se geloof sal getoets word. 

Wanneer iemand nie die versoeking of beproewing deurstaan nie, "val hy af". Vergeleyk dit gerus met die tyd van "AFVAL" waarvan gepraat word in 2 Thess. 2:3, wat net voor en/of rondom dieselfde tyd sal afspeel wanneer die mens van sonde of seun van verderf geopenbaar word... (http://eindtydonderwerpe.blogspot.co.nz/2017/08/want-eers-moet-die-afval-kom.html). Ons kan dus aflei, en dit wil dus voorkom, of hierdie "UUR VAN BEPROEWING" miskien te doen het met die AFVAL waarna verwys word in 2 Thess. 2:3.  Gelowiges wat in daardie tyd VERSOEK/BEPROEF word sal getoets word, en hulle harte sal bepaal of hulle AFVALLIG word of nie... Natuurlik hou dit verband met verdrukking en vervolging vir die wat VASSTAAN, maar baie gelowiges sal val vir die valse (christus / profete   leerstellings), en "AFVAL" in hierdie uur van beproewing (2 Pet. 2:1; Matt. 24:24).

----------------------------------------------------------------------------------------------------------------------------

Sal die wat bewaar word van die beproewing, weggeneem word van die aarde?

Die woord "bewaar" in Openb. 3:10 beteken nie dat hulle weggeneem sal word (van die aarde) nie, maar eerder dat hulle "bewaar" (vasgehou / opgepas) sal word (weggeneem van die gevaar, ja). Baiemaal word hierdie skrif uit konteks geneem deur die wat probeer bewys dat die wegraping plaasvind voor hierdie "uur van beproewing", maar die waarheid is dat hierdie mense wat nie versoek word nie, steeds hier op aarde sal wees! - maar "bewaar" sal word... Die Groot verdrukking wys wel op verdrukking en baie sal doodgemaak word vir hulle geloof, maar l.w. dat ook sommige BEWAAR sal word en kans gegee sal word om te vlug na die berge (Matt. 24:15,16 - "Wanneer julle dan die gruwel van die verwoesting, waarvan gespreek is deur die profeet Daniël, sien staan in die heiligdom—laat hy wat lees, oplet— dan moet die wat in Judéa is, na die berge vlug")  -  en hulle sal daar onderhou word! (Openb. 12:14 - "maar die twee vlerke van die groot arend is aan die vrou gegee, sodat sy na die woestyn, na haar plek, kon vlieg, waar sy uit die gesig van die slang onderhou word, ‘n tyd en tye en ‘n halwe tyd"). 

Dit wil dus voorkom of Openb. 3:10 bes moontlik kan verwys na hierdie betrokke kinders van die koninkryk... Kyk ons dus na "die gemeente van Filadelfía" in Openb.3, dan is daar sekere gelowiges daar aan wie Christus belowe dat hulle NIE soos die res van die wereld beproef sal word in die "uur van beproewing" nie (Openb. 3:8,10,11) - nie dat Hy die beproewing bring nie (Jak. 1:13), maar Hy sal hulle beslis daarteen beskerm; altans, BEWAAR (oppas). In daardie sin het Hy vir hulle 'n geopende deur gegee, en niemand kan dit sluit nie! Hy sal m.a.w. nie toelaat dat hulle in daardie spesieke "uur" versoek word soos die ander nie, sodat hulle geen rede kry om AF te VAL nie..  Dit beteken egter nie dat hulle geen verdrukking ly nie!, want dit is tog duidelik dat hierdie gemeente weet wat dit is om te ly en ten spyte van verdrukking Sy woord bewaar het en Sy Naam nie verloën het nie. "Beproewing" beteken nie "verdrukking" nie (alhoewel beproewing kan lei daartoe dat iemand verdruk word... - d.w.s., die een wat nie AFVAL weens beproewing nie...). (Joh 15:20 - "Onthou die woord wat Ek vir julle gesê het: ‘n Dienskneg is nie groter as sy heer nie. As hulle My vervolg het, sal hulle jul ook vervolg. As hulle my woord bewaar het, sal hulle jul woord ook bewaar").  Dit is ook interessant om te sien dat waar daar van "die afval" gepraat word in 2 Thess. 2:1-3, die KONTEKS van daardie skrif gaan oor hoe die Here vir hulle verligting sal gee wanneer Hy terugkom....- verligting van wat?  -van VERDRUKKING!  Die feit dat die Here sal toelaat dat sommige die "uur van beproewing" vryspring, beteken nie dat hulle nie verdruk sal word nie. En as Hy toelaat dat hulle op ander maniere versoek word, dan sal Hy vir hulle die uitkoms gee... (1 Kor. 10:13).

----------------------------------------------------------------------------------------------------------------------------

Sal daar kinders van die Koninkryk wees wat afval in die tyd van beproewing (versoeking)?

In die gelykenis van die saaier word 'n baie spesifieke groep mense genoem wat afval in tyd van versoeking... - en hierdie groep verwys na die wat tot geloof kom, maar nie wortel skiet nie.  Kortom, dit verwys na die wat bely hulle glo maar nie die Here ken nie. Geestelike groei is belangrik, want sonder vrug is dit moeilik om vas te hou aan die geloof. En vir geestelike groei het jy geestelike lig, kos en water nodig...  Jesus het baie oor hierdie dinge gesels, en o.a. die stelling gemaak dat om vrug te kan dra, jy IN HOM moet BLY.  (Joh 15:4 - "Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie"). Hy het o.a. baie gepraat oor hoe ons moet "waak" (nie slaap nie), want dit is wanneer die kerk slaap wanneer daar onkruid onder hulle gesaai word;  en hierdie "onkruid" verwys na valses soos die verleiers wat mense verlei (soos wanneer iemand deur die kwaad versoek word)(https://warechristene.blogspot.com/2021/12/ingesluiptes.html). Ons moet dus verstaan waarna hierdie terme verwys - vir studies hieroor is daar 'n lys van poste onder die volgende opsomming: https://warechristene.blogspot.com/2013/08/bewaar-in-die-uur-van-beproewing.html).

Aan die einde van die dag is dit die hart wat bepaal of iemand val vir versoeking of nie. Sommige wat bely dat hulle gelowig is het bv. bose of ongelowige harte, wat veroorsaak dat hulle afval in tye van beproewing... - 'n goeie vb. word gegee in die gelykenis van die saaier, waarin Christus verklaar wat gebeur met die Christen met 'n ongelowige hart, en Hy verklaar dat dit die is wat die woord met blydskap ontvang wanneer hulle dit hoor, maar net vir 'n tyd glo (Luk. 8:13) - EN LET WEL DIE WOORDE WAT HY DAAR GEBRUIK: ".....en in die tyd van versoeking val hulle af (v.13c)". 'n Ander vb. van iemand wat 'n bose hart gehad het, is die van Simon in Hand. 8:13-23 (in hierdie vb. wou Simon die krag van die Gees gebruik vir selfverheffing). Vgl. dit ook met wat die Skrif vir ons leer oor die laaste dae in 2 Tim. 3:1-9 en Jak. 5:3. Hierdie is baiemaal die doel van verleiers. Die probleem met "versoeking" (of beproewing) is dat dit iemand kan "laat val" ("AFVAL"). Gelowiges word nooit bo hulle kragte versoek nie (1 Kor. 10:13 - "Geen versoeking het julle aangegryp behalwe ‘n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra"), maar ons moet verstaan dat dit die begeerlikhede van die hart is wat kan veroorsaak dat iemand verlok en versoek word... en des te meer hoe belangrik gebed is en om ons denke te vernuwe en ons gedagtes te plaas op die dinge daarbo.  Let ook op die konteks van 1 Kor. 10:13 - kyk veral na verse 6 en 14: (1Kor. 10:6 - "En hierdie dinge was voorbeelde vir ons, dat ons nie begerig moet wees na slegte dinge soos hulle begerig was nie).  Die manier hoe die gelowige hom/haarself beskerm teen versoeking, is deur gebed, en deur om ag te gee op die pad van godsaligheid.
----------------------------------------------------------------------------------------------------------------------------

HOE KAN ONS SEKER MAAK DAT ONS NIE AFVAL IN DIE UUR VAN BEPROEWING NIE?

GEBED kan help dat ons NIE in versoeking kom nie - (Luk 11:4b - ".....en lei ons nie in versoeking nie, maar verlos ons van die Bose"). Christus het vir ons hierdie waarheid geleer.  Gebed kan ons beskerm teen versoeking - en kyk na die vb. in Luk. 22:46 en Mark. 14:38 (voor Christus gevange geneem is), hoe Hy die dissipels aangemoedig het om "TE BID"! Hoekom?  -dat hulle nie in VERSOEKING kom nie...  (Mar 14:38 - "Waak en bid, dat julle nie in versoeking kom nie. Die gees is wel gewillig, maar die vlees is swak"). Dit beteken egter nie dat die wat wel tyd in gebed spandeer nooit versoek sal word nie, maar wat dit beteken is dat die wat wel tyd in gebed spandeer die krag sal he om versoeking te deurstaan, en gebed kan ook help dat iemand glad nie in versoeking kom nie! Die wat tyd in gebed spandeer, verkry krag en wysheid om ten spyte van versoeking VAS TE STAAN.  Ons weet goed dat die Here ons harte en denke verander wanneer ons in Hom bly, en ons krag gee vir wat ons moet doen (Joh 15:5 - "Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie"). 

Jakobus leer verder dat tydens tye van versoeking, ons moet BID VIR WYSHEID. Christus het elke versoeking deurstaan, met woorde van wysheid - kyk bv. waar die duiwel Hom versoek het in die woestyn ().  Ook wanneer sommige uit die Fariseers en Sadduseers Hom probeer versoek het deur woorde (met die doel dat hulle Hom wou "laat val"),  het Hy telkens hulle teruggeantwoord met baie wysheid (Matt. 16:1; 19:3; 22:19,35).  

Jesus het geleer dat ons moet WAAK en ons klere bewaar... (Openb. 16:15 - "Kyk, Ek kom soos ‘n dief. Salig is hy wat waak en sy klere bewaar, sodat hy nie miskien naak rondloop en hulle sy skaamte sien nie"). In die eerste gemeentes is baie hierop klem gele, nl. die belangrikheid van om "wakker" en "nugter" te wees (1Pe 5:8,9 - "Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind. Hom moet julle teëstaan, standvastig in die geloof, omdat julle weet dat dieselfde lyding opgelê word aan julle broederskap wat in die wêreld is"). Die wat geestelik "dronk" is, verwys na mense wat in sonde stap.  Gelowiges moet seker maak dat hulle sondes neerle en 'n heilige wandel nastreef. (1Th 5:6 - "Laat ons dan nie slaap soos die ander nie, maar laat ons waak en nugter wees").   (Mark. 13:32,33 - "Maar van daardie dag en dié uur (vd wederkoms) weet niemand nie, ook nie die engele in die hemel of die Seun nie, maar net die Vader. Pas op, waak en bid, want julle weet nie wanneer die tyd daar is nie").

Kom ons kyk volgens. Openb. 3:7-13 wie dit is aan wie die Here Jesus hierdie belofte gemaak het (dat hulle nie deur die uur van beproewing sal gaan nie, maar deur Hom bewaar sal word):
-  die met min krag (m.a.w., hulle sal nie bo hulle kragte versoek word nie!);

-  die wie Sy woord bewaar (bv., die wat hulle nie wend tot afgodsdiens nie-Deut. 33:9/Eks. 32:25-29; en die wat hulle voete terughou vd verkeerde pad, m.a.w. "ag gee op die godsaligheid"-Ps. 119:101; en die wat die waarheid bewaar en dit nie verdraai of verander om te wees "die oorlewering van mense" nie-Mark. 7:13; en die wat die woord ter harte neem-Luk. 11:27-30; en die wat glo in Christus Jesus, dat Hy die Seun van God is en glo in die waarheid wat Hy gebring het-Joh. 8:46-51 en 17:6-8; en die wat Christus Jesus KEN en Sy gebooie bewaar-Joh. 14:21-23 en 1 Joh. 2:3-5; en die wat die waarheid wat die dienskneg van die Here bring, ontvang-Joh. 15:20);

-  die wat nie Sy Naam verloën nie (m.a.w., die wat die Here vrees eerder as wat hulle vrees dat hulle doodgemaak word-Matt. 10:28-33;  en die wat bereid is om hulle lewens te verloor ter wille van die koninkryk-Matt. 16:24,25; en die wie se werke wys dat hulle die Here KEN-Tit. 1:16; en die wat nie Sy waarheid verloen nie-2 Pet. 2:1 en Jud. 1:4);

-  die wat die woord van Sy lydsaamheid bewaar (m.a.w., die hoop wat deur lydsaamheid kom-Rom. 5:4 en 15:4 - wat l.w., "deur verdrukking kom"!-Rom. 5:3; en om die goeie stryd van die geloof te stry deur ag te gee op die pad van godsaligheid en vergenoeg te wees, m.a.w. om eerder die wil van die Here te doen wat beteken dat ons lyding moet verdra...-2 Thess. 3:5 en 1 Tim. 6:11 en 2 Tim. 3:10 en Tit. 2:2 en Hebr. 10:36 en Jak. 1:1-5;  en dus "hulle wat VERDRA-Jak. 5:11; 2 Pet. 1:6; Openb. 2:3; Openb. 2:19; en die wat lyding verdra ter wille van die woord, selfs tot die dood-Openb. 13:10; 14:12);

-  die wat VASHOU! (m.a.w. die wat vashou aan die Here se wysheid, nie wereldse wysheid nie-Spr. 3:18 en Openb. 2:14,15; en die wie Sy woorde vashou, m.a.w. Sy gebooie onderhou-Spr. 4:4; en die wat aan die Here vashou deur Hom te vrees-Ecc. 7:18; en die wat vashou aan reg en geregtigheid en aan Sy verbond -Jes. 56:1,2,4 en Dan. 11:32; en die wat vashou aan die waarheid en Christus se leringe, nie die wat vashou aan menslike leringe nie-Mark. 7:3 en 1 Kor. 11:2; en die wat vashou aan die evangelie en die geloof in Christus Jesus, die belydenis van hoop, en 'n goeie gewete-1 Kor. 15:2 en Fil. 2:16 en Kol. 2:19 en 1 Tim. 1:19 en Tit. 1:9 en Hebr. 3:6,14 en 4:14 en 10:23).

----------------------------------------------------------------------------------------------------------------------------

Julle is meer werd as baie mossies

Vir 'n opsomming oor EINDTYD ONDERWERPE, gaan na: http://warechristene.blogspot.co.nz/p/opsomming-eindtyd-onderwerpe.html

------------------------------------------------------------------------------------------------------------

(Mat 10:30)  En van julle is selfs die hare van die hoof almal getel.
(Mat 10:31)  Wees dan nie bevrees nie: julle is meer werd as baie mossies.

========================================================================

.......wat 'n welbekende skrifgedeelte onder Christene!

Wat is die gedagte wat by iemand opkom wanneer hy hierdie woorde hoor?  Gedagtes van die Here se beskerming?  Hoeveel Hy omgee vir ons?  Hoe ons nie moet bang wees nie, want Hy sal ons uithelp?  

- MAAR IS DIT WAT JESUS REGTIG IN HIERDIE SKRIFGEDEELTE BEDOEL HET?  WAT IS DIE WERKLIKE KONTEKS VAN DIE TWEE VERSE?  

Terwyl die verse gewoonlik gebruik word om te staaf hoe die Here ons sal uithelp uit moeilike situasies soos verdrukking, omdat Hy vir ons omgee, is dit egter nie wat Jesus bedoel het nie.  Inteendeel het Hy deels presies die teenoorgestelde bedoel!

--------------------------------------------------------------------------------------------------

KOM ONS GAAN KYK NA DIE SKRIFGEDEELTE IN KONTEKS:     

In die skrifgedeelte van Matt. 10, stuur Jesus die 12 uit om te gaan getuig en verkondig dat die koninkryk van die hemele naby gekom het.  Hy gee hulle ook mag om onreine geeste uit te dryf, en om elke kwaal en siekte te genees.  Vanaf v. 16 vertel Hy vir hulle hoe hy hulle instuur "soos skape onder die wolwe", hoe hulle onder druk sal moet getuig en deur verdrukkinge sal gaan, selfs doodgemaak sal word vir hulle geloof.  (Dit is duidelik dat Jesus ook hier verwys het na die toekoms, siende dit eers later is wat die dissipels hierdie verdrukkinge ervaar het - ook praat Hy van 'n tyd voor Sy wederkoms (v.23)).  

En dan se Hy vir hulle die volgende vanaf v.24:

(Mat 10:24)  ‘n Leerling is nie bo die meester nie en ‘n dienskneg ook nie bo sy heer nie.

(Mat 10:25)  Dit is vir die leerling genoeg dat hy soos sy meester word en die dienskneg soos sy heer. As hulle die heer van die huis Beëlsebul genoem het, hoeveel te meer sy huisgenote!

(Mat 10:26)  Vrees hulle dan nie; want daar is niks bedek wat nie ontdek sal word nie, en verborge wat nie bekend sal word nie.

(Mat 10:27)  Wat Ek vir julle in die donker sê, vertel dit in die lig; en wat julle in die oor hoor, verkondig dit op die dakke.

(Mat 10:28)  En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel.

(Mat 10:29)  Word twee mossies nie vir ‘n stuiwer verkoop nie? En nie een van hulle sal op die aarde val sonder julle Vader nie.

(Mat 10:30)  En van julle is selfs die hare van die hoof almal getel.

(Mat 10:31)  Wees dan nie bevrees nie: julle is meer werd as baie mossies.

(Mat 10:32)  Elkeen dan wat My sal bely voor die mense, hom sal Ek ook bely voor my Vader wat in die hemele is.

(Mat 10:33)  Maar elkeen wat My verloën voor die mense, hom sal Ek ook verloën voor my Vader wat in die hemele is................

Dus, in konteks het Jesus die woorde van "meer werd as baie mossies", gebruik saam met "vervolging" en "verdrukking" - ook saam met "om te getuig".  Hoekom moet ons nie bevrees wees nie?  -nie omdat Hy ons sal verlos van verdrukking nie, maar kyk die volgende woorde (v.26):  "daar is niks bedek wat nie ontdek sal word nie, en verborge wat nie bekend sal word nie".  As iemand ter wille van sy geloof verdruk en vervolg word, en selfs doodgemaak word, sal dit wat die ander persoon aan die gelowige doen, aan die lig kom - die gelowige sal nie "op die aarde val sonder die Vader nie", m.a.w. sonder dat Hy weet nie, en dit sal uiteindelik aan die lig gestel word!  Die gelowige is baie werd vir die Vader en die ander sal geoordeel word vir die feit dat hulle die waarheid (deur die getuienis van die gelowige) verwerp het, en vir enige vervolging of verdrukking wat die gelowige moes verduur.  

(Mat 10:38)  En wie sy kruis nie neem en agter My volg nie, is My nie waardig nie.

(Mat 10:39)  Wie sy lewe vind, sal dit verloor; en wie sy lewe verloor om My ontwil, sal dit vind.

(Mat 10:40)  Wie julle ontvang, ontvang My; en wie My ontvang, ontvang Hom wat My gestuur het.

------------------------------------------------------------------------------------------------------------

Gaan die bloed van die gelowiges gewreek word?

In Openb. 6, onder die 5 de seel, sien ons die siele onder die altaar, van die wat gedood is ter wille van die woord van God en die getuienis (v.9). Volgens v. 10 is duidelik dat die gelowiges wat gedood is, wag op die tyd wanneer hulle bloed gewreek word: 

(Openb. 6:10)  En hulle het met ‘n groot stem uitgeroep en gesê: Hoe lank, o heilige en waaragtige Heerser, oordeel en wreek U nie ons bloed op die bewoners van die aarde nie?

(Openb. 6:11)  En aan elkeen van hulle is wit klere gegee; en aan hulle is gesê dat hulle nog ‘n klein tydjie moes rus totdat ook hulle medediensknegte en hulle broeders wat nog gedood sou word soos hulle, voltallig sou wees.

"Vrees hulle dan nie; want daar is niks bedek wat nie ontdek sal word nie, en verborge wat nie bekend sal word nie"!

=================================================================

Die gelowige se oe moet nie gerig wees op 'n uitkoms nie!, maar op die feit dat die Here alles weet en omdat Hy vir die gelowige omgee, daardie mense sal oordeel wat in opstand kom teen Sy kinders - Die feit dat Hy vir die gelowige omgee, gaan dus nie daaroor dat Hy noodwendig 'n uitkoms gaan gee nie, maar eerder dat Hy weet van alles en elkeen sal oordeel vir hulle werke en die gelowiges se bloed sal wreek op die ongeregtiges. 

Glo jy wat Jesus gesê het, of wat die mense sê ?

Vir wie glo jy?

(vir Jesus, of wat die mense sê ?)

WAT JESUS GESê HET:

(Joh 15:20)  Onthou die woord wat Ek vir julle gesê het: ‘n Dienskneg is nie groter as sy heer nie. As hulle My vervolg het, sal hulle jul ook vervolg. As hulle my woord bewaar het, sal hulle jul woord ook bewaar.

WAT DIE MENSE Sê:

Die Here sal nie toelaat dat Sy kinders verdruk word nie.


========================================================================

ANDER SKRIFGEDEELTES:

(Joh 12:25)  Wie sy lewe liefhet, sal dit verloor; maar wie sy lewe haat in hierdie wêreld, sal dit bewaar vir die ewige lewe.

-------------------------

(Mat 10:28)  En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel.

-------------------------

(Mat 5:10)  Salig is die wat vervolg word ter wille van die geregtigheid, want aan hulle behoort die koninkryk van die hemele.

(Mat 5:11)  Salig is julle wanneer die mense julle beledig en vervolg en valslik allerhande kwaad teen julle spreek om My ontwil.

------------------------

(Mat 24:9)  Dan sal hulle jul aan verdrukking oorgee en julle doodmaak; en julle sal deur al die nasies gehaat word ter wille van my Naam.

------------------------

(Openb. 7:9)  Ná hierdie dinge het ek gesien, en kyk, daar was ‘n groot menigte wat niemand kon tel nie, uit alle nasies en stamme en volke en tale; hulle het gestaan voor die troon en voor die Lam, bekleed met wit klere en met palmtakke in hulle hande;

(Openb. 7:13)  Toe het een van die ouderlinge gespreek en vir my gesê: Hulle wat bekleed is met die wit klere, wie is hulle en waarvandaan het hulle gekom?

(Openb. 7:14)  En ek sê vir hom: My heer, u weet dit. En hy sê vir my: Dit is hulle wat uit die groot verdrukking kom, en hulle het hul klere gewas en hul klere wit gemaak in die bloed van die Lam.

-----------------------

(Openb. 12:17)  En die draak was vertoornd op die vrou (Israel), en hy het weggegaan om oorlog te voer teen haar ander nakomelinge wat die gebooie van God bewaar en die getuienis van Jesus Christus hou.

------------------------

(Openb. 17:6)  En ek het die vrou (Babilon) gesien, dronk van die bloed van die heiliges en van die bloed van die getuies van Jesus, en ek het my uitermate verwonder toe ek haar sien.

------------------------------------------------------------------------------------------------------------

JA, DIE KERK GAAN OOK VERDRUK WORD IN DIE LAASTE DAE, NIE NET DIE JODE NIE!  Die "wegraping" gaan saam met die wederkoms plaasvind, maar neem kennis dat die wederkoms eers geskied onder die 7de seel, terwyl die groot verdrukking plaasvind onder die 5 de seel, en daar reeds verdrukking gaan wees onder die 4 de seel!  

http://warechristene.blogspot.co.nz/2012/07/die-here-weet-om-die-godsaliges-uit.html
http://warechristene.blogspot.co.nz/2012/06/die-doel-van-die-wegraping.html

------------------------------------------------------------------------------------------------------------

http://warechristene.blogspot.co.nz/2012/03/wie-oorwin-sal-beklee-word-met-wit.html
http://warechristene.blogspot.co.nz/2012/03/en-dit-sal-vir-julle-uitloop-op-n.html
http://warechristene.blogspot.co.nz/2012/07/die-wat-hulle-lewe-verloor-sal-dit-wen.html
http://warechristene.blogspot.co.nz/2012/07/die-wederkoms.html