Wat beteken "om te vrees"/eer?

Wat beteken dit om "die Here te VREES of EER"? Wat beteken dit dat kinders hulle ouers, of dat ons die persoon van 'n grysaard moet EER? In hierdie pos kyk ons na die betekenis van hierdie woorde in verskillende skrifte in die Hebreeus en Grieks. 

-----------------------------------------------------------------------------------------------------------------------------Vrees die Here / die vrees van die Here:

Die woord "vrees" beteken "om bang/angstig te wees" - dit is ook wat bedoel word wanneer ons beveel word om die Here te vrees... (moet bang wees vir Hom), wat o.a. beteken dat jy Hom moet respekteer. Die Hebreeuse woord vir VREES is (" yaw-ray' ", en dit beteken "om bang te wees vir, angstig, respekteer").  (Die woord EER is die Hebr. woord " haw-dar' ", wat verwys na guns of trots, en beteken "om voor te plaas of voor te trek, op te heerlik, ens. - rol af vir 'n opsomming hieroor).

-(Lev 19:32) "Vir die grys hare moet jy opstaan, en die persoon van ‘n grysaard EER  (Hebr " woord haw-dar' ", wat verwys na guns of trots, en beteken "om voor te plaas of voortrek, op te heerlik, ens.); en jy moet jou God VREES (Hebr. woord " yaw-ray' ", wat beteken om bang te wees vir, angstig, respekteer,). Ek is die HERE".    

- (Lev 19:14)  Jy mag ‘n dowe nie vloek nie, en voor die blinde geen struikelblok lê nie; maar jy moet jou God VREES (Hebr. woord " yaw-ray' ", wat beteken om bang te wees vir, angstig, respekteer,). Ek is die HERE. 

Kyk gerus die konteks in Lev. 19:14 - "jy mag 'n dowe nie vloek nie" ens... - en dan die woorde "MAAR JY MOET JOU GOD VREES".  Gehoorsaamheid en vrees gaan hand in hand! Die persoon vir wie jy bang is is die persoon na wie jy luister/vir wie jy respekteer. In ander woorde, jy moet bang wees vir die Here... - Hom respekteer - moet Hom gehoorsaam. Ons weet dat kinders wat nie bang is vir hulle ouers nie, of mense wat nie bang is vir die Here nie, geneig is om "te doen wat hulle wil"... (hulle gee nie om of daar gevolge is nie, of dink daar sal nie wees nie...). As hierdie kenmerk bv. by 'n kind ontbreek is dit moeilik vir ouers, want sulke kinders is gewoonlik ongehoorsaam, hoogmoedig en opgeblase. Die manier om sulke kinders te dissiplineer is om hulle terug te bring by die plek waar hulle bang is vir hulle ouers, en dit word gewoonlik verkry deur vermaning en/of straf - kinders moet weet daar is gevolge vir hulle optrede. Wanneer vrees ontbreek by kinders vd Here, is vermaning en/of straf ook gewoonlik die manier wat die Here gebruik om Sy kinders terug te bring in vrees vir Hom. Kinders moet weet wat is die gevolge van ongehoorsaamheid.  Die mens moet nie vergeet nie, dat die Here is by magte om te red en te verderf (Luk. 12:4,5), en alle kinders vd Here sal eendag voor die regterstoel van Christus veskyn (2 Kor. 5:10,11 - "Want ons moet almal voor die regterstoel van Christus verskyn, sodat elkeen kan ontvang wat hy deur die liggaam verrig het, volgens wat hy gedoen het, of dit goed is of kwaad. Omdat ons dan die vrees van die Here ken, probeer ons om die mense te oortuig; maar voor God is ons openbaar, en ek hoop om ook in julle gewetens openbaar te wees"). Daar is sommige Christene wat nie die Here vrees nie en in ongehoorsaamheid stap, en die rede hiervoor is gewoonlik omdat hulle dink dat daar geen gevolge is vir hulle optrede nie... Heelwat valse leerstellings het hierdie tot gevolg gebring, o.a. dat sommige glo dat 'n weergeborene nie sy/haar saligheid kan verloor nie, maak nie saak wat hulle doen nie.. (??). Die kerk moet terugkom na Jesus se woorde en na wat in die eerste gemeentes geleer is, wat terloops heelwat verskil van sekere algemene sieninge in die kerk vandag rondom saligheid. Weergeborenes moet bv. leer dat daar gevolge is sou hulle die Gees bedroef. Jesus het o.a. geleer dat kinders vd koninkryk wat nie vrug dra nie, eendag uitgegooi sal word;  en het ook geleer dat bokke nie sal ingaan in die koninkryk nie... In die eerste gemeentes is ook geleer dat Christene wat in sonde bly stap en dit nie afle nie (bv. hoereerders, afgodedienaars, kwaadsprekers, egbrekers, diewe, leuenaars, ens.), nie sal ingaan in die koninkryk nie (1Kor. 6:10 - "Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie")(Gal 6:7,8 - "Moenie dwaal nie; God laat Hom nie bespot nie; want net wat die mens saai, dit sal hy ook maai. Hy wat in sy vlees saai, sal uit die vlees verderf maai; maar hy wat in die Gees saai, sal uit die Gees die ewige lewe maai").

Om die Here te vrees gaan oor "doen wat Hy wil" (nie wat ons wil nie) - as jy die Here vrees is jy lief vir Hom, Sy woord, Sy wee, ens.. 'n Kind wat sy ouers vrees het hierdie selfde kwaliteite, nl. "doen wat die ouers wil, is lief vir hulle, hou van hulle lering, respekteer hulle kultuur", ens. 

(1) As iemand bang is vir die Here (Hom respekteer),

(2) dan sal hy die Here gehoorsaam. 

Spr. 8:13 leer vir ons dat "vrees vd Here" bedoel "om te haat wat sleg is" (iemand wat die vrees vd Here het, is lief vir wat goed is - bv. is lief vir die Here, Sy waarheid, Sy wil, want Hy is goed en Sy woord is goed...). Iets wat gewoonlik volg wanneer iemand die vrees vd Here het is dat die Naam vd Here grootgemaak word! (Hy word opgeheerlik - vgl. dit gerus met die betekenis vd woord "eer"). Wanneer iemand die Here VREES, gaan hy Hom EER... (Hand. 19:17 - " En dit het bekend geword aan al die Jode en Grieke wat in Éfese woon, en vrees het op hulle almal geval, en die Naam van die Here Jesus is groot gemaak").  Daar is dus ook 'n nou verband tussen die woorde "vrees" en "eer".  In ander woorde, die wat die Here eer trek Hom voor, Sy woord, Sy bevele, en heerlik Hom op! Hulle het respek vir Hom (soos 'n kind wat sy ouer eer - so 'n kind is gunstig en trots op sy ouer en plaas die ouer voor). Hierdie is ongelukkig iets wat somtyds by kinders vd Here ontbreek, is dat hulle hul eie waardes en sieninge voortrek in plaas van die Here s'n.  So iemand eer nie die Here nie. Hierdie optrede word veral somtyds by slim kinders ook gesien, omdat hulle dink hulle is slimmer as hulle ouers of meerderes... Die woord "opgeblase" word veral in die Skrif hiervoor gebruik. Baiemaal is kinders vd Here ook opgeblase - hulle dink hulle weet beter, en eer dan nie die Here nie maar doen soos hulle goeddink en glo hulle eie sieninge. L.w. dat hierdie baie gevaarlik is vir 'n Christen, want so iemand het hom nog nie bekeer van sy eie sieninge nie, of is op die gevaarlike plek waar hy kies om nie die Here te EER nie (kyk gerus wat met koning Saul gebeur het wat hierdie selfde paadjie geloop het - die Here het uiteindelik Sy Gees van hom weggeneem...). 

Die wat die Here eer "haat wat sleg is" (haat bv. dit wat nie ooreenstem met die Here se woorde of leiding nie) - die geestelike mens luister bv. nie na die wereld nie, en doen nie soos die wereld nie maar eer en vrees die Here en doen soos Hy wil, luister na Hom, heerlik Hom op, trek Hom voor, en is trots op Hom (dit is die groot verskil tussen die "natuurlike mens" en die "geestelike mens", en dus relatief maklik om te sien wie dien die Here en wie nie).

- Wanneer iemand die Here vrees het hy Sy gebooie lief; 

- maar die wat Hom nie vrees nie, verag Hom... (hulle verag Sy wil en Sy gebooie). 

In heelwat skrifte waar gepraat word oor die vrees vd Here of eer vir Hom, kan hierdie selfde vgl. vekry word, bv:

- (Ecc 12:13,14)  Die hoofsaak van alles wat gehoor is, is: Vrees God en hou sy gebooie; want dit geld vir alle mense. Want God sal elke werk bring in die gerig wat kom oor al die verborge dinge, goed of sleg. ;  en

- (Spr. 14:2)  Wie in sy opregtheid wandel, vrees die HERE; maar hy wat verkeerd is in sy weë, verag Hom. Wanneer vrees ontbreek, is "veragting" gewoonlik aan orde vd dag (verag meester/vader se sieninge, optrede, wil). Hierdie is 'n groot teken van wie regtig vrees/eer het (nl. gehoorsaamheid), want wanneer vrees ontbreek doen iemand wat hy wil / hy luister nie / is ongehoorsaam (Mal 1:6 - "‘n Seun eer die vader, en ‘n kneg sy heer. As Ek dan ‘n Vader is, waar is my eer? En as Ek ‘n Heer is, waar is die vrees vir My? sê die HERE van die leërskare aan julle, o priesters, wat my Naam verag! Maar julle sê: Waardeur het ons u Naam verag?"). In die eerste gemeentes was hierdie baie opsigtelik onder die wat tot geloof gekom het, is dat hulle o.a. "gewandel het in die vrees vd Here"... (Hand. 9:31 - "En die gemeentes deur die hele Judéa en Galiléa en Samaría het vrede gehad; en terwyl hulle opgebou is en gewandel het in die vrees van die Here en die vertroosting van die Heilige Gees, het hulle vermeerder"). Hulle was gehoorsaam aan die Here (het na Hom geluister) - het Hom gevrees, geeer (ag gegee op Sy gebooie/Sy wil - het die Here se wil lief, het Hom opgeheerlik, voorgetrek). As hierdie nie gebeur by iemand wat tot geloof kom nie is dit onwaarskynlik dat daardie persoon opreg die Here dien/vrees/eer.  

DIE WAT DIE HERE VREES WORD O.A. GESIEN SOOS "VERSTANDIGES"! - (Spr. 1:7 - "Die vrees van die HERE is die beginsel van die kennis; sotte verag wysheid en tug");(Psa 111:10 - "Resj. Die vrees van die HERE is die beginsel van die wysheid; Sin. almal wat dit beoefen, het ‘n goeie verstand. Tau. Sy lof bestaan tot in ewigheid"). Maar die wat wysheid en tug verag/die wat Hom nie vrees nie, word in Spr. 1:7 voorgestel soos "sotte"... - Rom. 1 skets ook vir ons hierdie prentjie.  Dit is duidelik dat die wat lief is vir dit wat sleg is, eer nie die Here nie... Die Here wil nie he dat ons oor allerhande dinge bang moet wees nie, bv. wat ons sal eet of aantrek, of selfs vir die wat die liggaam kan doodmaak nie, maar as daar iemand is vir wie ons moet vrees is dit vir Hom! (daar is niemand soos Hy nie, die Een wat by magte is om jou te red of te verderf, ons Skepper-die Een wat alles geskep het inkluisend jou, wat die sand gestel het as grens vir die see, wat reen en oes gee, ens...)(Openb. 14:7; 15:4; Jer. 5:22-24; 10:6,7). Hy moet gevrees en geeer word  -  (Luk 12:4,5 - "En Ek sê vir julle, my vriende: Moenie vrees vir die wat die liggaam doodmaak en daarna niks meer kan doen nie; maar Ek sal julle wys wie julle moet vrees: vrees Hom wat, nadat Hy doodgemaak het, by magte is om in die hel te werp; ja, Ek sê vir julle, vrees Hom!")(Luk. 12:22-34; Matt. 10:28). Spr. 14:26,27 leer vir ons dat in die vrees van die HERE lê ‘n sterk sekerheid - die HERE is ‘n fontein van die lewe, om van die strikke van die dood af te wyk...  Kom ons wees verstandig!

-----------------------------------------------------------------------------------------------------------------------------Wat beteken dit "om te eer"?:

Ons het bo gesien dat die begrip "eer" gaan hand in hand met "vrees", en sal ook hier die verband sien tussen "gehoorsaamheid" en "eer". In Hebreeus en Grieks beteken die woord "eer" om voor te plaas/trek, op te heerlik/verheerlik, te respekteer, waarde te heg aan,  trots wees op, ens.  Maar wanneer respek (vrees) ontbreek sal iemand nie wil voorgetrek, opheerlik, guns bewys aan, of trots wees op daardie persoon nie. 'n Kind wat bv. nie sy ouers vrees nie, sal hulle nie eer nie.  

'n Goeie vb. waar hierdie verband gesien kan word in die Skrif, is waar ons beide beveel word om ouers te EER asook te VREES (Lev. 19:32; Matt. 15:4; 19:19; Eks. 20:12)(Lev. 19:3)  - sien dus die konneksie tussen "gehoorsaamheid" en "eer". IN ANDER WOORDE, IEMAND WAT NIE VREES (bang, respek) HET NIE, SAL NIE EER NIE;  

EN IEMAND WAT NIE EER (voorplaas, opheerlik, trots op, ens.) NIE, SAL NIE GEHOORSAAM WEES NIE...  

Ongehoorsaamheid word gewoonlik toegeskryf aan veral hierdie 2 dinge:

(1) die persoon het geen vrees nie/het nie respek nie;

(2) en omdat hy nie vrees het nie, eer hy nie die een aan wie eer toekom nie... (ongehoorsaamheid, en waar eer ontbreek, is dus tekens dat iemand nie vrees het nie).

Skrifte oor "eer":

- (Lev 19:32) "Vir die grys hare moet jy opstaan, en die persoon van ‘n grysaard eer  (Hebr " woord haw-dar' ", wat verwys na guns of trots, en beteken "om voor te plaas of voortrek, op te heerlik, ens.); en jy moet jou God vrees (Hebr. woord " yaw-ray' ", wat beteken om bang te wees vir, angstig, respekteer,). Ek is die HERE".

- (Lev 19:3)  Elkeen moet sy moeder en sy vader vrees (Hebr. woord " yaw-ray' ", wat beteken om bang te wees vir, angstig, respekteer,), en my sabbatte hou. Ek is die HERE julle God.

- (Mat 15:4)  Want God het bevel gegee en gesê: Eer (Gr. woord " tim-ah'-o ", wat verwys na respek, en beteken "heg waarde aan, eer") jou vader en moeder; en: Hy wat vader of moeder vloek, moet sekerlik sterwe.

- (Mat 19:19)  eer (Gr. woord " tim-ah'-o ") jou vader en moeder; en: Jy moet jou naaste liefhê soos jouself.

- (Exo 20:12)  Eer (Hebr. woord " kaw-bad, kaw-bade' ", wat verwys na "hoeveel" eer, bv. beteken "oorvloedig wees met" (eer), bv. trots wees op, spog, "verheerlik"/opheerlik, ens.) jou vader en jou moeder, dat jou dae verleng mag word in die land wat die HERE jou God aan jou gee.

- (Lev 19:3)  Elkeen moet sy moeder en sy vader vrees (Hebr. woord " yaw-ray' "), en my sabbatte hou. Ek is die HERE julle God.

Ouers en oumense moet geeer word - skrifte:

- (Lev 19:32)  Vir die grys hare moet jy opstaan, en die persoon van ‘n grysaard eer . (Hebr " woord haw-dar' ", wat verwys na guns of trots, en beteken "om voor te plaas of voortrek, op te heerlik, ens.); en jy moet jou God vrees. Ek is die HERE.

- (Spr. 23:22)  Luister na jou vader wat jou verwek het, en verag jou moeder nie as sy oud geword het nie.

- (Ef. 6:1-3)  Kinders, julle moet jul ouers gehoorsaam (Gr. woord " hoop-ak-oo'-o ", wat beteken om "ag te gee" of "om te gehoorsaam") wees in die Here, want dit is reg. Eer jou vader en jou moeder—dit is die eerste gebod met ‘n belofte— sodat dit met jou goed mag gaan en jy lank mag lewe op die aarde. (KYK HOE "GEHOORSAAMHEID" EN "EER" SAAM IN HIERDIE SKRIF GEBRUIK WORD).

LET WEL DAT DIE GEBOD "EER JOU VADER EN JOU MOEDER" GEKOPPEL IS AAN 'N BELOFTE. Natuurlik kan "'n kort lewe" nie altyd toegeskryf word aan waar eer vir ouers ontbreek nie, maar as kinders nie hulle ouers eer nie kan hulle ook nie verwag dat dit met hulle sal goedgaan en hulle sal lank lewe op die aarde nie... 

7 Geeste van God

IN HIERDIE POS WIL ONS KYK NA DIE TERM "7 Geeste van God" WAT GEBRUIK WORD IN DIE BOEK VAN OPENBARING. Is die term slegs beeldspraak, of is daar werklik 7 Geeste van God?  Verwys hierdie 7 Geeste na verskillende name?, of na gawes, bedieninge en werke vd een Gees? 

Daar is min skrifte in die Bybel wat melding maak van hierdie "7 Geeste van God", en die 7 Geeste word ook nie elk op 'n naam genoem nie. Sommige geleerdes probeer name kry uit ander skrifte, maar daardie name moet miskien eerder gesien word as "werke of dele vd Gees" (as wat dit is om verskillende Geeste van God te beskryf);  tog is dit sekerlik nie verkeerd om na die verskillende gawes, bedieninge en werke vd Gees te verwys as "geeste" nie (soos dit in sommige skrifte gebruik word, bv. Jes. 11:2), maar dan met die doel dat dit verskillende maniere is om die Gees van God te beskryf ... (bv., die Heilige Gees word ook die Gees van God genoem, asook die Gees van waarheid)  (die gawe van wysheid en gawe van kennis kan bv. maklik na verwys word as "die Gees van wysheid en verstand", maar dit is een Gees, maar verskillende gawes vd Gees...).  Dit is duidelik dat die "7 Geeste van God" verwys na "die Gees van God" (al word daar heelwat name vir die Gees van God gegee). As daar inderdaad 7 name aan die Gees van God gegee word in die hemel, dan weet ons nie wat hierdie 7 name presies is nie. 

In hierdie pos gaan ons kyk na die betrokke skrifte in Openbaring waar daar melding gemaak word van die 7 Geeste van God, asook kyk na ander skrifte wat moontlik kan lig werp op hierdie onderwerp.

_________________________________________________________________________________

DAAR IS 4 SKRIFTE IN DIE BOEK VAN OPENBARING WAT MELDING MAAK VD 

"7 Geeste van God". Kom ons kyk eers na die betrokke 4 skrifte (in Griekse betekenis en in konteks):

-  (Openb. 4:5)  En daar het weerligte en donderslae en stemme uit die troon uitgegaan, en sewe vuurfakkels (Gr. woord " lam-pas' ", wat beteken lamp, lig, flits) wat die sewe Geeste (Gr. woord " pnyoo'-mah ", wat verwys na wind of asem, en beteken gees, spook, lewe, verstand) van God is, het voor die troon gebrand;

-  (Openb. 5:6)  En ek het gesien, en kyk, in die middel van die troon en die vier lewende wesens en in die midde van die ouderlinge staan daar ‘n Lam asof Hy geslag is, met sewe horings en sewe oë (Gr. woord " of-thal-mos' ", wat verwys na visie - beteken oog, sig), wat die sewe Geeste (Gr. woord " pnyoo'-mah ") van God is wat uitgestuur is oor die hele aarde.

-  (Openb. 3:1)  En skryf aan die engel van die gemeente in Sardis: Dít sê Hy wat die sewe Geeste (Gr. woord " pnyoo'-mah ") van God en die sewe sterre het: Ek ken jou werke, dat jy die naam het dat jy leef en jy is dood.

-  (Openb. 1:4)  Johannes aan die sewe gemeentes in Asië: Genade vir julle en vrede van Hom wat is en wat was en wat kom, en van die sewe Geeste (Gr. woord " pnyoo'-mah ") wat voor sy troon is.

-----------------------------------------------------------------------------------------------------------------------------

Wat kan ons leer oor die 7 Geeste van God uit hierdie betrokke skrifte:

*  Die 7 Geeste van God word voorgestel met "sewe vuurfakkels" (lamp/lig/flits wat in donker skyn)(Openb. 4:5)  (die 7 Geeste van God is soos 'n lamp/e - dus, die wat die Gees van God ontvang het 'n lamp wat vir hulle help om te sien, bv. om te "sien" wat moet gedoen word, of om te "sien" wat is die waarheid, ens. - die 7 Geeste van God is soos lig in die donker...) (weergeborenes in wie die Heilige Gees is word bv. ook voorgestel soos ligte in hierdie wereld, want hulle het die Lig! - kyk tema "kinders vd dag";  uitverkorenes word o.a. voorgestel soos sterre (Gen. 22:17; Deut. 1:10) wat skyn in 'n donker plek.  Die Messias word ook voorgestel soos 'n ster, nl. "die blink Morester"(Openb. 22:16), 'n "lig in die duisternis" (Joh. 1:5). Die profetiese woord word ook soos 'n lamp voorgestel (2 Pet. 1:19). Figuurlik word die aarde op die oomblik soos 'n donker plek voorgestel, maar die dag kom! (1 Pet. 1:19);  en solank die dag nog nie aangebreek het nie is Christus en die profetiese woord soos lig in die duisternis...;  maar wanneer "die dag aanbreek" begin 'n nuwe era, en die nasies vd aarde sal die Here se weg ken en Hom loof en bly wees en jubel omdat Hy hulle regverdig oordeel... - die Here sal die nasies op aarde lei en hulle sal Hom vrees en loof - die Lig sal onder hulle woon en hulle sal Sy seen ervaar....ens. (Ps. 67:2-8). Huidiglik is die Here nie self hier teenwoordig nie, maar is teenwoordig deur Sy Gees! (en Sy Gees en Sy woord is dus soos 'n lamp...). In Openb. 1:16,20 word die "engele" (boodskappers) vd gemeentes ook voorgestel soos "sterre" (ligte) - sekerlik ook omdat hulle die profetiese woord vir die mense bring wat soos lig is...);

*  Die 7 Geeste van God word voorgestel as die Lam se oë (sig) - "sewe oë" "wat uitgestuur is oor die hele aarde" (Openb. 5:6) (hier is die klem op die feit dat die 7 Geeste van God uitgestuur word en dus soos oe is vir die Here..., m.a.w. "om te sien" wat op die aarde aangaan - vgl. dit gerus met Openb. 3:1 waarin die Lam aan die gemeente van Sardis se "Ek ken jou werke..." - die Here weet/sien alles, Hy sien Sy kinders se doen en late, weet wat in hulle harte aangaan, ens...) (vgl. dit ook met bg. Openb. 4:5 waarin die 7 Geeste van God voorgestel word met lampe;  m.a.w. "om te kan sien!" - nie net dat die Here ons sien nie, maar ook dat die Gees 'n lig is vir ons sodat ons kan sien....)(dus, op beurt sal elke mens wat die Gees ontvang ook instaat wees om te SIEN! bv., die wat in Jesus is en die Gees ontvang, is "afgesonder" ("heilig") vir Hom - Hy vernuwe hulle, lei, leer, vul met die krag vd Gees ens., en Hy verander hulle "manier van sien".  Bv., die wat in Christus Jesus glo ontvang die Heilige Gees (die Gees van waarheid) - en daarom kan hulle "SIEN" ! (hulle verstaan/weet/ken die waarheid en die Here, ens. - dit is terloops die groot verskil tussen die "natuurlike mens" en die "geestelike mens"...).  Die Heilige Gees is soos oe vir hulle - 'n fakkel/lig op hulle pad (http://warechristene.blogspot.co.nz/2017/11/beeldspraak-van-ster-en-skyn-en.html) en leer en lei hulle in die WAARHEID (hulle kan "sien"/verstaan/weet/kan sien waar die pad is). En die Gees werk ook ander gawes en bedieninge deur hulle, bv. gawe van  wysheid, gawe van kennis, gawe van onderskeiding...., ens. (hulle is soos "sieners").  Hulle "sien" dinge wat ander mense nie sien nie - verstaan of weet iets wat ander mense nie weet nie, het sekerheid, ens. M.a.w., hulle sien/weet/verstaan, omdat hulle die Gees het - en die Gees werk ook hierdie dinge deur hulle deur gawes en bedieninge);

*  Die 7 Geeste van God is in die Lam se hande (Openb. 3:1) (Hand. 2:33 - "Nadat Hy dan deur die regterhand van God verhoog is en van die Vader die belofte van die Heilige Gees ontvang het, het Hy dít uitgestort, wat julle nou sien en hoor") (Hy gee die Gees aan die wat in Hom glo - hierdie is iets waarna die volk van God vir lank uitgesien het vir eeue, is dat wanneer die Messias kom die Gees uitgestort sou word want nie alle geroepenes in die Ou Testament het die Gees ontvang nie.  In die Nuwe tesament word die Gees gegee aan almal wat glo in Jesus Christus en Hom gehoorsaam, en hulle ontvang ook gawes en bedieninge vd Gees volgens geloof). Jesus Christus is die Een wat die Gees stuur aan die wat in Hom glo... - hy het mag verkry om dit te doen;

*  Die 7 Geeste van God is voor Sy troon (Openb. 1:4). Die Gees van God is voor die Vader se troon, en word ook beskryf as in die Lam se hande, en word ook beskryf as die Lam se oe, en word ook beskryf as 7 vuurfakkels/lampe...  Dit is duidelik dat die Gees van God Homself nie net op aarde bevind nie maar ook in die hemel - is eintlik in die hemel (waar God woon - derde hemel)(http://warechristene.blogspot.com/2016/02/die-skepping-3.html), en word uitgestuur en uitgestort oor die aarde en na sekere mense.  Die begrip "Heilige Gees" verwys bv. na Gees wat "afgesonder" is (die woord "heilige" beteken "afgesonder"), en word in baie skrifte na verwys as "Gees van God".  

-----------------------------------------------------------------------------------------------------------------------------

Kom ons kyk of daar enige skrifte is waar daar na die Gees verwys word asof Hy uit verskillende dele bestaan, bv.:

- Jes. 11:1,2 ("Maar daar sal ‘n takkie uitspruit uit die stomp van Isai, en ‘n loot uit sy wortels sal vrugte dra; en op Hom sal die Gees van die HERE rus, die Gees van wysheid en verstand, die Gees van raad en sterkte, die Gees van kennis en van die vrees van die HERE"). 

Die term "7 Geeste van God" word nie gebruik in Jes. 11:2 nie, maar daar word na die Gees verwys as die

-  "Gees van wysheid en verstand",

-  "Gees van raad en sterkte", en
-  "Gees van kennis en vd vrees vd Here".

Sommige geleerdes bou 'n hele studie uit Jes. 11:2 waarin hulle die verskillende dinge wat daar genoem word vd Gees toepas op die 7 Geeste van God (waarna verwys word in die boek van Openb.)(al word daar net 6 punte genoem, bv. wysheid, verstand, raad, sterkte, kennis, en vrees;  of daar net na "3 Geeste" verwys). Wat Jes. 11:2 aanbetref, waarin terloopes spesifiek verwys word na Jesus Christus (die takkie wat uitspruit uit die stomp van Isai), gaan dit hier oor hoe Hy die Gees van God op Hom het, en moet miskien eerder gesien word as beskrywend van die verskillende werkinge, gawes en bedieninge vd Gees wat op Hom rus as wat dit verskillende Geeste van God beskryf... - dit is een Gees, maar met verskillende werkinge, gawes en bedieninge (wat op beurt na verwys kan word as verskillende Geeste van God).  M.a.w., dit is "die Gees van God" maar verskillende werke vd Gees... - en dan sekerlik nie verkeerd om na hierdie verskillende dele te verwys as "Geeste" nie (maar bedoelend dat dit verskillende maniere is om die Gees te beskryf). Vgl. dit gerus met skrifte waar daar bv. na die gawes, bedieninge en werkinge van die Gees verwys word (1 Kor. 12:4-6 - "Daar is wel verskeidenheid van genadegawes, maar dit is dieselfde Gees; en daar is verskeidenheid van bedieninge, en tog is dit dieselfde Here; en daar is verskeidenheid van werkinge, en tog is dit dieselfde God wat alles in almal werk"). Daar kan bv. ook onderskei word tussen wanneer iemand "die Heilige Gees ontvang" (wederbaar word deur die Gees) en "die krag van die Gees ontvang" (gedoop word in die Gees) - dit is dieselfde Gees, maar verkillende dele vd Gees... Die Heilige Gees is deels verantwoordelik vir die vernuwing van iemand wat weergebore word, maar werk ook verskillende gawes en bedieninge en werke deur die wat Hom ontvang (l.w. o.a. gawe van wysheid, gawe van kennis, ens). IN DAARDIE OPSIG wil dit voorkom of  DIE TERM "7 GEESTE VAN GOD" VERWYS NA VERSKILLENDE WERKE VAN DIE GEES  (wat op beurt ook na verwys kan word as "Geeste").  Dit sal ook interessant wees om 'n studie te maak van hierdie terme, bv. "wysheid en verstand". "raad en sterkte", en "kennis en vrees vd Here", wat terloops in heelwat ander skrifte saam gebruik word!..., bv.:-  "wysheid" en "verstand" (Eks. 31:3; 35:31; 36:1; Deut. 4:6; 1 Kon. 4:29; 1 Kon. 7:14; Openb. 13:18; Ef. 1:8; Spr. 3:13, 8:1; 24:3 ens.); -  "raad" en "sterkte" (Spr. 8:14; Jes. 11:2); en -  "kennis, en "vrees vd Here" (Spr. 1:7,29; 2:5; 9:10; Jes. 33:6). In seker skrifte word daar ook spesifiek na die "G(g)ees van wysheid" verwys (kyk bv. Ef. 1:17, Deut. 34:9; Eks. 28:3). 

Elkeen van hierdie verskillende "werke"/dele vd Gees kan dus sekerlik beskryf word as "Geeste".  

Dit is duidelik dat die "7 Geeste van God" verwys na die "Gees van God", en daar word heelwat name vir die Gees van God gebruik, bv. "die Heilige (afgesonderde) Gees" en die "Gees van waarheid". Die begrip "Gees van God" word bv. ook gebruik om na die "Heilige Gees" te verwys, en word ook genoem "die Gees van waarheid" - dit is een Gees maar wys na verskillende aspekte vd Gees (bv. is afgesonder, is waarheid, ens.). 

-----------------------------------------------------------------------------------------------------------------------------
Die Heilige Gees:

Daar word na die "Heilige Gees" ook verwys as die "die Gees van God" (http://warechristene.blogspot.co.nz/2014/12/die-gees-van-god-3.html).  Dawid het o.a. ook na die "Gees van God" verwys as "die Heilige Gees":  (Psa 51:11)  (51:13) "Verwerp my nie van u aangesig nie en neem u Heilige Gees nie van my weg nie". In die O.T. was God se Gees nie op al Sy dienaars uitgestort nie.  Die volk van God was bv. "diensknegte" van God genoem, tog het net sekeres onder die volk die Heilige Gees ontvang (bv. profete en konings, waarvan Dawid een was...) - en die Gees was op hierdie manier tussen hulle teenwoordig.  En die wat die Gees van God ontvang het was die wat bekwaam gemaak is om spesifieke werke vir die Here te doen, om Sy wil aan die volk bekend te maak, hulle te waarsku waar hulle verkeerd gaan, ens. Hulle is die mense wat kon "SIEN" - hulle het bv. die wil van God geken, het selfs somtyds geweet wat in die toekoms sou gebeur, het besonderse wysheid of verstand of kennis of bekwaamheid gehad, ens. (sodat hulle vir die Here kon werk, Sy wil bekend maak aan die volk en die volk kon lei)(http://warechristene.blogspot.com/2014/08/die-gees-van-god-1.html). Let wel dat hierdie bedienaars in die O.T. ook o.a. "sieners" genoem was (bv. profeet, priester, ens. - wat hulle is die ouens wat kon "sien"! - hulle het die Here geraadpleeg en die weg geken, het geweet/by die Here gehoor wat moet gedoen word. Wanneer iemand die Here wou raadpleeg het hy dus na 'n SIENER gegaan. Elke persoon wat die Heilige Gees het kan gesien word soos 'n siener (Christene word bv. in die N.T. o.a. gesien as 'n "profete of priesterdom"), want die Heilige Gees is soos 'n lamp vir hulle (hulle ken die pad, die waarheid ens.)(maar l.w. dat nie alle kinders vd Here gehoorsaam bly aan die Gees nie, want sommige dwaal af vd waarheid al ken hulle die waarheid;  en sommige begin doen wat hulle wil en begin ander bronne raadpleeg wat hulle verkeerd lei - sulke weergeborenes is veronderstel om sieners te wees, maar is besig om die Gees te bedroef... - in daardie opsig is almal wat die Gees het veronderstel om sieners te wees, maar nie almal gehoorsaam nie en kan dus nie almal gesien word as ware profete en priesters vir die Here nie.  In die O.T. was daar ook diesulkes wat die Heilige Gees gehad het, maar ongehoorsaam was en in valse profete verander het...).  

Die "Heilige Gees" word somtyds na verwys as "die Gees van God" (Gees wat afgesonder word - dit is wat "heilige" beteken -  en deur Jesus Christus gestuur word aan Sy kinders om hulle te vernuwe en vul met krag uit die hoogte sodat hulle in gawes, bedieninge en werke stap soos die Gees deur hulle werk...). Ons sien dus baie werke vd Heilige Gees in die weergeborene se lewe, en hierdie spesifieke gawes, bedieninge en werke word in die Skrif genoem.  Daar is o.a. 9 gawes wat op die naam genoem word, asook bedieninge wat die Gees deur gelowiges werk soos Hy wil... Dit is een Gees, maar sekerlik kan daar na hierdie verskillende gawes of bedieninge of werke as "Geeste" verwys word... (alhoewel, dan nie 9 of meer Geeste nie!, maar soos die geval met Jes. 11:2 kan sommige saam gebruik word...;  bv. nie net "Gees van wysheid" nie, maar "Gees van wysheid en verstand", en hierdie "1 Gees" beskryf dan beide die gawe van wysheid en gawe van kennis...).  Die begrip "7 Geeste van God" verwys bes moontlik net na verskillende werke of dele vd Gees (?)(een Gees maar verskillende werke);  of dele - bv. ons kan onderskei tussen "ontvang vd Heilige Gees wanneer iemand weergebore word" en "die ontvang van die krag van die Gees waarmee gelowiges gedoop word en gedurigdeur mee vervul kan word". Bv., in Joh. 20:22 het Jesus op Sy dissipels geblaas en vir hulle gese:  "ONTVANG DIE HEILIGE GEES"  - let wel dat hierdie gebeur het nog VOOR die uitstorting van die Heilige Gees nog voor Jesus se opvaarding... (m.a.w., na hierdie "blaas oor hulle" het Jesus in Hand. 1:4,5 Sy dissipels gevra om in Jerusalem te bly tot hulle "gedoop word met die Heilige Gees").   As daar letterlik 7 Geeste van God is, dan kan 2 moontlik na hierdie verwys..., nl. "die Gees van waarheid wat die Heilige Gees is", en "die doping/krag van die Gees"...;  maar natuurlik is altwee "DIE GEES VAN GOD"! Dit is dus duidelik dat die "ontvang vd Heilige Gees" in Joh. 20:22 'n aparte gebeurtenis was van die "doop in die Heilige Gees" in Hand. 2, maar  die doel verskillend in die twee geleenthede (dit is een Gees nl. die Gees van God. met verskillende werke...).

-----------------------------------------------------------------------------------------------------------------------------

Teken/Merk/Verseël (op regterhand / voorhoof / vel)

 In hierdie pos kyk ons na die betekenis van 'n teken of merk (regterhand/voorhof/vel ens.),

- (1) Teken op hand / voorhofsband (gedenkseëls);

- (2) Verseël / Naam op voorhoof (144000) (weergeborenes);

- (3) Teken op hand en/of voorhoof (merk vd dier);

- (4) Sny of ingeprikte tekening op die vel;

- (5) Merk van Kain (Gen. 4:15).

-----------------------------------------------------------------------------------------------------------------------------

(1) TEKEN OP HAND / VOORHOFSBAND (tekens van herinnering en gedenkseëls)

Daar is gewoonlik 'n rede vir 'n "teken" bv., onder die volk van God was 'n "teken (Hebr. woord "oth", wat ditto betekenis het as 'n vlag, monument ens. - 'n merk bedoel vir "herinnering"-Deut. 6:9) op die hand of die voorhofsband" bedoel om hulle te herinner aan wat die Here vir hulle gedoen het, dat hulle Sy woorde onthou en dit vir hulle kinders leer... (hierdie "woorde" is ook op die deurposte vd huise en poorte geskrywe...-Deut. 6:9), en wil nie vookom of dit op die vel self gedoen was nie, maar op iets anders wat op die liggaam gedra is. In hierdie geval sien ons hoe die teken op die hand of die voorhofsband, as TEKEN gedien het vir iets... (bv., in hierdie geval "om hulle te laat onthou"...):  

-(Deu 6:6-8)  En hierdie woorde wat ek jou vandag beveel, moet in jou hart wees; en jy moet dit jou kinders inskerp en daaroor spreek as jy in jou huis sit en as jy op pad is en as jy gaan lê en as jy opstaan. Ook moet jy dit as ‘n teken bind op jou hand, en dit moet as ‘n voorhoofsband tussen jou oë wees.

-(Deu 11:18-20)  Lê dan hierdie woorde van my weg in julle hart en in julle siel, en bind dit as ‘n teken op julle hand en laat dit as ‘n voorhoofsband tussen julle oë wees, en leer dit aan julle kinders deur daaroor te spreek as jy in jou huis sit en as jy op pad is en as jy gaan lê en as jy opstaan;  en skryf dit op die deurposte van jou huis en op jou poorte,

-(Eks. 13:14-16) En as jou seun jou later vra en sê: Wat beteken dit? dan moet jy hom antwoord: Die HERE het ons deur ‘n sterke hand uit Egipte, uit die slawehuis, uitgelei. Want toe Farao swarigheid gemaak het om ons te laat trek, het die HERE al die eersgeborenes in Egipteland gedood, van die eersgeborene van die mense af tot die eersgeborene van die diere toe. Daarom offer ek aan die HERE alles wat die moederskoot open wat manlik is; maar al die eersgeborenes van my seuns koop ek los. En dit sal as ‘n teken wees op jou hand en ‘n voorhoofsband tussen jou oë; want die HERE het ons deur ‘n sterke hand uit Egipte uitgelei.

Dit kan sekerlik vgl. word met die "gedenkseëls" waarna Jesus verwys in Matt. 23:5 - gedenkseëls in hierdie skrif is die Griekse woord "foo-lak-tay'-ree-on" (die engelse woord "phylactery" (Aramees "tefillin") wat verwys na skrifte wat hulle op hulle dra - word gedra as 2 swart leerbokse met skrif in, gewoonlik gedra op die voorhoof of op die linkerarm... -Exod. 13:1-10, 11-16; Deut. 6:4- 9; 11:13-21). Hierdie skrifte was bedoel om hulle te herinner aan die Here se woorde en Sy wil.  

Sommige geleerdes is van mening dat hoe die Here dit oorspronklik bedoel het (bv. die feit dat hulle dit moet bind as teken op hand en as voorhofsband tussen die oe) nie letterlik geinterpreteer moes word nie (Eks. 13:9; Deut. 11:18); tog, sou ons dit vgl. met die skryfwerk op die deurposte en poorte, dan wil dit tog voorkom of hierdie ook letterlik bedoel kon wees ( dit kan vgl. word met ander skrifte waar "om die skrif te bewaar" meer figuurlik bedoel is, sodat die onderskeiding gemaak kan word tussen wanneer dit figuurlik of letterlik bedoel was...: bv. Spr. 1:8,9;  3:1,3;  6:20-22; 7:2,3; Jer. 31:32  ; of kyk na die verwysing in  Deut. 6:6 - "En hierdie woorde wat ek jou vandag beveel, moet in jou hart wees" - wat duidelik verwys na hoe hulle Sy woorde moet bedink en onthou. en in hierdie opsig nie letterlik uitvoer nie, alhoewel die letterlike uitvoer natuurlik ook kan help om die woorde in jou hart te hou!). Soos in hierdie skrifte genoem en bo gesien, is die teken op hand of voorhofsband maar net een vd metodes wat gebruik was om "te herinner" en "te onthou". Dit is dieselfde soos wanneer ons skrifte op papier uitskryf en dit op die kasdeur of die kerk se mure plak... - dit gaan oor die doel, en die rede vir hierdie gebare was "vir herinnering".

-----------------------------------------------------------------------------------------------------------------------------(2) VERSEëL / NAAM/seël op voorhoof:

(144000)  (weergeborenes)

Daar is 'n paar skrifte waar daar verwys word na mense wat "verseël" is, bv. die wat verseël is deur die Heilige Gees, of die 144000 wat verseël sal word in die laaste dae... 

Van die 144000 word daar gesê dat hulle "op hulle voorhoofde" verseël sal word - (Openb. 7:2,3)  En ek het ‘n ander engel sien opkom van die opgang van die son, met die seël van die lewende God; en hy het met ‘n groot stem geroep na die vier engele aan wie dit gegee is om die aarde en die see te beskadig en gesê: Moenie die aarde of die see of die bome beskadig voordat ons die diensknegte van onse God op hulle voorhoofde verseël het nie. Vgl. dit met Openb. 14 waar daar ook na die 144000 verwys word: - (Openb. 14:1)  En ek het gesien, en kyk, die Lam staan op die berg Sion, en saam met Hom honderd vier en veertig duisend met sy Naam en die Naam van sy Vader op hulle voorhoofde geskrywe. Die 144000 is mans wat vrygekoop word uit die stamme van Israel. Daar is redes waarom hierdie mans "verseël" word, en een rede word gegee in Openb. 14 - hulle is gekoop as eerstelinge vir God en die Lam, en sal die Lam volg waar hy ookal heengaan. 'n Ander moontlik rede word gegee in Openb. 7:3 - is om hulle te beskerm onder die gebeure onder die 7de seël (terwyl die wat nie die seël het nie onder God se wraak gaan val.../vgl. met Openb. 9:4).  

In hierdie geval word die 144000 dus o.a. "gemerk" vir beskerming ("signet"), en kan vgl. word met hoe weergeborenes "verseël is deur die Heilige Gees tot die dag van verlossing": (Ef. 4:30)  En bedroef nie die Heilige Gees van God nie, deur wie julle verseël is tot die dag van verlossing. L.w. dat weergeborenes ook gesien word soos 'n volk van eersgeborenes/'n heilige priesterdom...!(weergeborenes is gekoop onder die mensdom om vir God priesters te wees). Weergeborenes (geestelike mense / die in wie die Heilige Gees is) kan ook gesien word as "verseëldes", en daar is ook 'n rede hiervoor;   nl., dat hulle in bewaring gehou word (deur die Heilige Gees) tot die dag van verlossing... (sodat hulle nie onder oordeel val nie). "Seël" in hierdie konteks is amper dieselfde betekenis as die van 'n seëlring ('n SEëL of sekuriteit)(bestudeer pos getiteld "verseël tot die dag van verlossing"...)(Ef. 4:30; 2 Kor. 1:21,22).  Dit beteken egter nie noodwendig dat hulle beskerm word van verdrukking nie, maar verwys spesifiek na beskerming van oordeel (soos die tweede dood), of beskerming teen die wraak van God... (bv., kan verwys na gebeure onder die 7de seël). 

Vgl. dit ook met die profesie in Eseg. 9:4..., waarin sekere manne 'n teken op hulle voorhoofde kry (die wat sug en steun oor al die gruwels wat in die stad gedoen word) - in hierdie gedeelte word hierdie manne met die teken op die voorhof beskerm. 

Dit wil dus voorkom of die tema van "verseëling" veral te doen het met:

-   beskerming, maar gaan ook oor 

- "om iemand te merk" (dat hulle aan 'n sekere groep behoort, bv. "eerstelinge gekoop", of is deel vd volk van "eersgeborenes"...)("naam op voorhoof" kan bv. ook gebruik word om te beskryf "wie", bv. Openb. 17:5 - "en op haar voorhoof was ‘n naam geskrywe: Verborgenheid, die groot Babilon, die moeder van die hoere en van die gruwels van die aarde").

 .  

Kom ons kyk na nog 'n paar skrifte met die woord "seel" in konneksie met kinders vd koninkryk, om beter te verstaan waarna "seël" kan verwys:

-  (Rom 4:11 -  "En hy het die teken van die besnydenis ontvang as ‘n seël van die geregtigheid van die geloof toe hy nog nie besny was nie; dat hy die vader sou wees van almal wat glo terwyl hulle onbesnede is, sodat ook aan hulle die geregtigheid toegereken sou word"); - ABRAHAM SE GELOOF WAS SOOS 'N MERK/TEKEN/BEWYS DAT HY GEREGTIG IS/"BESNY" IS (al was hy toe nog nie besny nie, is hy gesien soos 'n besnedene... - besnydenis is slegs 'n fisiese teken -bestudeer die tema "besnydenis vd hart" om hierdie beter te verstaan) - die vleeslike besnydenis is 'n teken, is soos 'n seël of merk.  Op ditto wyse kan geloof gesien word soos 'n seël...;  m.a.w., die wat GLO is soos mense wat besny is (is GEROEPENES). L.w. dat die wat glo (in Jesus Christus) ontvang die Heilige Gees, wat 'n bewys is dat hulle aangeneem is... (en hulle het die dus die belofte dat hulle sal opstaan tot lewe-Rom. 8:23 - is dus "beskerm", of word in bewaring gehou tot die dag van oordeel).

-  (1Kor.  9:2 - "As ek vir ander geen apostel is nie, is ek dit tog seker vir julle, want julle is die seël op my apostelskap in die Here") - KERKE WAT DEUR PAULUS BEGIN IS, WAS SOOS DIE SEëL/TEKEN/MERK/BEWYS DAT HY 'N APOSTEL WAS.

-  (2Ti 2:19 - "Ewenwel, die fondament van God staan vas met hierdie seël: Die Here ken die wat syne is; en: Laat elkeen wat die Naam van Christus noem, afstand doen van die ongeregtigheid"). - DIE CHRISTEN SE WERKE WYS OF HY AAN DIE HERE BEHOORT / HULLE WERKE IS SOOS 'N TEKEN/STEMPEL/'n bewys DAT HULLE GLO. Net soos geloof gesien kan word soos 'n teken/seël dat iemand geroep is, so is werke weer is teken dat iemand glo! (geloof sonder werke is dood...).

-----------------------------------------------------------------------------------------------------------------------------

(3) TEKEN OP HAND OF VOORHOOF:

(die merk van die dier)

In die boek van Openbaring (Openb. 13) word daar verwys na 'n spesifieke "TEKEN OP DIE HAND OF VOORHOF" wat ook genoem word "die merk vd dier" (of die naam vd dier, of die getal van sy naam).  Die "merk" waarna verwys word in Openb. 13 is soos ander tekens ook duidelik "'n teken van iets"... Maar van wat? - die wat hierdie merk het, aanbid die dier... Die merk is 'n teken van wie "trou gesweer" het aan die dier. Op dieselfde wyse is die wat glo in Jesus Christus, en die Heilige Gees ontvang, soos mense wat gemerk is as die wat "trou gesweer" het aan Jesus Christus...   

Volgens Openb. 13 verwys die merk vd dier/"teken" na:

-  'n merk  (Griekse woord "khar'-ag-mah", wat verwys na 'n iets soos 'n stempel of iets gegrafeer); 

- of 'n getal  (Griekse woord "ar-ith-mos'", wat verwys na 'n getal)   (en die dier se getal is 666 - Openb. 13:6); 

- of 'n naam  (Griekse woord "on'-om-ah", wat verwys na 'n noemnaam - 'n outoriteit)  - m.a.w. "vd dier" in Openb. 13. 

Die teken op die hand of voorhofsband:
Onder die "dier uit die see" ("dier" hier verwys na 'n koninkryk en 'n koning)(Dan. 7:17,23,24) se bewind sal die valse profeet ("dier uit die aarde" - Openb. 13:11) maak dat almal (klein en groot, rykes en armes, vrymense en die slawe...) ‘n merk op hulle regterhand en/of  voorhoofde gegee word, sodat niemand kan koop of verkoop nie behalwe hy wat die merk of die naam van die dier ("dier uit see" - Openb. 13:1;  ook deur baie genoem "Antichris") of die getal van sy naam het (Openb. 13:16,17 - "En hy maak dat aan almal, klein en groot, en die rykes en die armes, en die vrymense en die slawe ‘n merk op hulle regterhand en op hulle voorhoofde gegee word; sodat niemand kan koop of verkoop nie, behalwe hy wat die merk of die naam van die dier of die getal van sy naam het"). Niemand weet met sekerheid waarna presies hierdie merk verwys nie (bv. tekening of ingeprikte tekening, of iets wat onder die vel ingeplant word, ens.). Wat eerder belangrik is om te weet, is die REDE vir hierdie merk!  Die wat hierdie merk ontvang, is mense wat die dier aanbid. Die valse profeet sal ook maak dat almal gedwing word om hierdie merk te neem, en dat niemand kan koop of verkoop sonder die merk nie (Openb. 13:16,17). Hierdie wys beslis op 'n tyd van verdrukking vir die heiliges... - (Openb. 20:4 - "En ek het trone gesien, en hulle het daarop gaan sit, en aan hulle is die oordeel gegee; en ek het die siele gesien van die wat onthoof is oor die getuienis van Jesus en oor die woord van God, en die wat die dier en sy beeld nie aanbid het nie, en die merk op hulle voorhoof en op hulle hand nie ontvang het nie; en hulle het geleef en as konings geregeer saam met Christus die duisend jaar lank").

L.w. dat elkeen wat hierdie merk neem sal onder God se oordeel val (Openb. 14:9-11; 16:2). Kinders van die koninkryk mag nie hierdie merk neem nie want deur dit te neem gaan jy die Here verloën... Die wat hierdie merk ontvang verwys na mense wat die dier aanbid en dien... - hierdie mense sal uiteindelik almal onder God se toorn val: -(Openb. 14:9-11 - "En ‘n derde engel het hulle gevolg en met ‘n groot stem gesê: As iemand die dier en sy beeld aanbid en ‘n merk op sy voorhoof of op sy hand ontvang, sal hy self ook drink van die wyn van die grimmigheid van God wat ongemeng ingeskink is in die beker van sy toorn, en hy sal gepynig word met vuur en swawel voor die heilige engele en voor die Lam. En die rook van hulle pyniging gaan op tot in alle ewigheid, en hulle het dag en nag geen rus nie hulle wat die dier en sy beeld aanbid, en elkeen wat die merk van sy naam ontvang");  -(Openb. 16:2 - "Toe gaan die eerste een weg en gooi sy skaal op die aarde uit, en kwaai en bose swere het aan die mense gekom wat die merk van die dier gehad het en sy beeld aanbid het").

Die rede waarom die valse profeet hierdie metode van 'n teken sal gebruik, mag miskien 'n nabootsing wees van die teken wat deur die Jode op die linkerarm of voorhoof gedra word (?), alhoewel hierdie teken miskien baie meer tegnologies gevorderd gaan wees. Sommige is van mening dat dit iets soos 'n tattoeeering sal wees en/of 'n strepieskode...

-----------------------------------------------------------------------------------------------------------------------------

(4) SNY OF INGEPRIKTE TEKENING OP VEL:

Mense maak somtyds merke op hulle vel omdat dit iets voorstel... - bv. 'n ink merk of tekening wat jou toegang verseker tot 'n geleentheid, of 'n ingeprikte tekening (tatoeeering) vir versiering of omdat dit iets spesifiek voorstel...  Om daardie rede was snye in die vlees en ingeprikte tekeninge op die vel weens sekere redes vir die volk van God verbode (bv., waar dit "ter wille van 'n dooie" gemaak is)(Lev 19:28) - dit gaan oor die doel waarom dit gedoen is.  

Dit gaan dus hier oor DIE REDE vir SO 'N SNY OF TEKENING of MERK. Die volk van God mag hulle bv. nie "ter wille van 'n dooie" sny of ingeprikte tekeninge maak, stukkend kerwe of 'n kaalte maak nie... ((en mag terloops ook nie (kos)offerandes aan dooies maak nie))(Deut. 14:1; Lev. 19:27,28). Die feit dat die volk belet was om hierdie te doen was natuurlik bedoel in konteks met gevalle waar dit  gedoen is "ter wille van dooies" - hierdie gebruike was toegepas deur die heiden nasies wat hulle besig gehou het met afgodsaanbidding, oproep van dooies en allerhande ander verbode heindense praktyke (Lev. 21:5; Jer. 16:6; 48:47, ens.).  Dit gaan beslis hier oor die doel... - m.a.w. "waarom" dit gedoen word. Bv., dit is tog nou nie verkeerd as 'n man sy baard afskeer of 'n kaalte op sy hoof maak nie!, maar in 'n spesifieke konteks kan dit verkeerd wees... (Jes. 15:2 ). Dit gaan hier oor die REDE waarom dit gedoen word. Om 'n ingeprikte tekening op die vel te maak is nie noodwendig verkeerd nie, maar dit gaan beslis oor die REDE waarom dit gedoen word. 

___________________________________________________________________________________

(5)  Teken van Kain:

(Gen 4:15)  Maar die HERE sê vir hom: Daarom, as enigeen Kain doodslaan, sal dit sewevoudig gewreek word. En die HERE het ‘n TEKEN (Hebr. woord "oth" wat ditto betekenis het as 'n vlag of monument, ens., en beteken "merk of teken") gegee aan Kain, sodat enigeen wat hom kry, hom nie sou doodslaan nie.

Niemand weet presies wat hierdie "teken" was wat Kain ontvang het nie.  Wat wel duidelik is is dat dit ook vir sy beskerming was! Omdat Kain vir Abel doodgemaak het, het die Here hom vervloek en hom uit die land verdryf ...(Gen. 4:12 -  "As jy die grond bewerk, sal dit sy vermoë aan jou nie meer gee nie; ‘n swerwer en vlugteling sal jy wees op die aarde") - hy sou nou 'n swerwer en vlugteling wees, en Kain was bang dat elkeen wat hom kry hom sal wil doodslaan (v.14).  Daarom het die Here hom "gemerk"(Gen 4:15 - "Maar die HERE sê vir hom: Daarom, as enigeen Kain doodslaan, sal dit sewevoudig gewreek word. En die HERE het ‘n teken gegee aan Kain, sodat enigeen wat hom kry, hom nie sou doodslaan nie") - hierdie TEKEN was vir sy beskerming sodat niemand hom doodslaan nie - die teken was soos 'n waarskuwing vir die wat hom wil doodslaan, want as hulle dit doen sal dit 7-voudig gewreek word.  Vgl. dit gerus met Lev. 26:18 waarin die volk van God ook "gewaarsku" word, dat sou hulle nie ag gee op die Here se woorde nie, Hy hulle 7-voudig sal tugtig!... ("En as julle dan nog nie na My luister nie, sal Ek voortgaan om julle sewevoudig weens julle sondes te tugtig")(kyk ook ander skrifte waarin hierdie "7-voudig" gebruik word: Lev. 26:18, 21, 24, 28; Ps. 79:12; Spr. 6:30,31).

Vgl. dit met ander skrifgedeeltes waar 'n TEKEN ook dien "as beskerming", bv. (Eseg. 9:4-6 - "En die HERE sê vir hom: Trek dwarsdeur die stad, dwarsdeur Jerusalem, en maak ‘n TEKEN OP DIE VOORHOOFDE van die manne wat sug en steun oor al die gruwels wat daarin gedoen word. Maar aan die ander sê Hy voor my ore: Trek agter hom aan deur die stad, en slaan; laat julle oog nie verskoon nie, en moet nie spaar nie; slaan dood grysaards, jongmanne en jongedogters en kinders en vroue tot vernietiging toe; MAAR RAAK AAN NIEMAND OP WIE DIE TEKEN IS NIE, en begin by my heiligdom. En hulle het begin by die manne, die oudstes, wat voor die huis was").

----------------------------------------------------------------------------------------------------------------------------  

Geskeurde klere / Geskeerde baarde / Grond of hand op die hoof

In hierdie pos kyk ons na die belangrikheid van GEBARE, en kyk in op sekere gebare wat as tekens gedien het in die O.T. en tyd van die eerste gemeentes... Hoekom is dit gedoen? Bv., hoekom het hulle hul klere geskeur?, of grond op die hoof gegooi?  Elkeen van hierdie gebare was in 'n spesifieke konteks gebruik, en ons sal dus meer verstaan as ons weet wat dit beteken hierdie kontekste. 

----------------------------------------------------------------------------------------------------------------------------

- Geskeurde klere/Roukleed:

DIE GEBARE VAN "KLERE SKEUR" EN "ROUKLEED AANTREK" WAS UITERLIKE GEBARE OM IEMAND SE ROU TE WYS, OF OM HULLESELF AAN DIE HERE (die Een wat mag het oor lewe en dood) TE ONDERWERP EN BY HOM TE PLEIT (o.a. vir Sy bekerming).  In verskeie gevalle sien ons dat hierdie gebare, wat gewoonlik gepaard gegaan het met vas en gebed en smekinge voor die Here, veroorsaak het dat die Here iemand verskoon het en/of tegemoet gekom het (1 Kon. 21:28; 2 Kon. 22:19; 2 Kron. 34:27);  

-(2 Kon. 22:19  omdat jou hart week is en jy jou voor die aangesig van die HERE verneder het toe jy hoor wat Ek oor hierdie plek en oor sy inwoners gespreek het, dat hulle ‘n voorwerp van verbasing en vervloeking sal word, en omdat jy jou klere geskeur en voor my aangesig geween het, daarom het Ék ook verhoor, spreek die HERE");  

-(2 Kron. 34:27  omdat jou hart week is en jy jou voor die aangesig van God verneder het toe jy sy woorde teen hierdie plek en teen sy inwoners hoor, en jy jou voor my aangesig verneder het en jou klere geskeur en voor my aangesig geween het, daarom het Ek ook verhoor, spreek die HERE). 

-  Om die KLERE te SKEUR was 'n uiterlike gebaar, gewoonlik gedoen in die geval van waar iemand doodgegaan het of met die dood gedreig word. Uit 2 Kon. 5:7,8 kan ons leer dat die gebaar van "klere skeur" gegaan het oor die volk se wete dat God in beheer is oor dood en lewe - Hy maak dood of maak lewend... Vgl. dit met Hand. 14:14: -toe die skare dink dat Paulus en Barnabas gode is wat soos mense geword het en neergedaal het na hulle toe, het Paulus en Barnabas hulle klere geskeur en onder die skare ingespring en geroep, en hulle probeer oortuig dat hulle mense is net soos hulle...  Siende die gebaar van "klere skeur" 'n konneksie het met "dood" en met die feit dat lewe en dood in die Here se hande is, was Paulus en Barnabas se rede hier sekerlik om te wys hoe hulle net mense is... - hulle het bv. nie mag oor die dood nie! (dus, hulle kan nie gode wees nie). 

- Kyk ook die vb. van Job nadat hy die nuus gekry het van alles van hom wat verwoes is, en hy geroof is, en sy seuns en dogters gesterf het...  (Job 1:20 - "Toe staan Job op en skeur sy mantel, en hy het sy hoof geskeer en in aanbidding op die grond geval").

- Kyk ook die vb. van Josua in Jos. 7:1-6 (in die geval waar die toorn vd Here ontvlam het oor die kinders van Israel omdat hulle hul vergryp het aan die bangoed, en baie van hulle manne daardie dag verslaan is... (Jos 7:6 - "Toe het Josua sy klere geskeur en met sy aangesig op die grond geval voor die ark van die HERE, tot die aand toe, hy en die oudstes van Israel, en hulle het stof op hul hoofde gegooi")(kyk ook 2 Kon. 18:37; 19:1; Gen. 37:2). Hierdie manier van Josua om sy klere te skeur en met sy aangesig voor die Here op die grond te val, was 'n manier om te ween voor die Here en by Hom te pleit, en was duidelik 'n teken van BEROU (ter wille vd kinders van Israel), maar hy het ook daardeur gewys dat hy homself onderwerp aan Een wat mag het oor dood en lewe. Dit was 'n manier om te bely en by die Here te pleit vir Sy guns en beskerming oor hulle... Hulle was onder die Here se hand (Hy besluit of hulle lewe of doodgaan), en hulle het vergifnis nodig gehad om in die Here se guns te kom. Die gebaar hier van klere skeur het dus gewys dat hulle hulself onderwerp aan die Here, die Een wat in beheer is van lewe en dood, en pleit vir Sy beskerming... 

-  Ook in Agab se geval was dit weens "berou" (berou omdat hy gesondig het en die tyding ontvang het dat hy en sy familie doodgemaak sou word - 1Kon. 21:27) - hy het hom m.a.w. onderwerp aan die Een wat mag het oor lewe en dood, en het vergifnis gesoek en gepleit vir die Here se beskerming. 

-  Somtyds was ook 'n ROUKLEED aangetrek (1 Kon. 21:27; 2 Kon. 19:1; Jes. 37:1). Kyk die geval in Est. 4, toe Mórdegai sy klere skeur en 'n roukleed aantrek - die roukleed was 'n teken van rou omdat daar 'n bevel oor die Joodse volk uitgespreek was oor al die provinsies vd koninkryk, dat hulle uitgedelg moes word... Die roukleed was gewoonlik aangetrek in die geval van dood of tyding van komende dood. Ook in die geval van Jes. 4:24,25 sien ons dat die roukleed gebruik word in konteks met die wat in die oorlog sou val (kyk ook Jer. 6:26, 48:37; Joe 1:8; Amos 8:10). Dit wil voorkom of die aantrek van 'n roukleed gepaard gegaan het met vas, gebed, en smekinge... (Psa 35:13; Dan. 9:3). 

Daar kan ook ingekyk word op die woorde "in rougewaad"... (Jona 3:6; Gen. 37:34).

-  In die geval van Jakob wat 'n roukleed aangetrek het (Gen. 34:37) was dit beslis omdat hy iemand aan die dood afgegee het (altans geglo het dat Josef dood is).  

BESTUDEER GERUS NOG ANDER SKRIFTE OOR KLERE SKEUR "IN KONTEKS"...:
Num_14:6  En Josua, die seun van Nun, en Kaleb, die seun van Jefúnne, twee van die wat die land verken het, het hulle klere geskeur 
2Ki_2:12  En Elísa het dit gesien en geroep: My vader, my vader, wa van Israel en sy ruiters! En toe hy hom nie meer sien nie, het hy sy klere gegryp en dit in twee stukke geskeur. 
2Ki_5:8  Maar toe Elísa, die man van God, hoor dat die koning van Israel sy klere geskeur het, laat hy die koning weet: Waarom skeur u u klere? Laat hom maar na my kom; dan sal hy weet dat daar ‘n profeet in Israel is. 
2Ki_22:11  En toe die koning die woorde van die wetboek hoor, het hy sy klere geskeur; 
2Ch_34:19  En toe die koning die woorde van die wet hoor, het hy sy klere geskeur, 
Isa_37:1  En toe koning Hiskía dit hoor, het hy sy klere geskeur en hom met ‘n roukleed bedek en in die huis van die HERE gegaan. 
Jer_36:24  En hulle was nie verskrik nie en het hulle klere nie geskeur nie—die koning en al sy dienaars wat al hierdie woorde gehoor het; 
(Psa 30:11)  (30:12) U het my weeklag vir my verander in ‘n koordans, U het my roukleed losgemaak en my met vreugde omgord.

-----------------------------------------------------------------------------------------------------------------------------

Geskeerde baarde/hare:

- In sekere gevalle was die afskeer vd baard gesien as 'n teken van "onderdanigheid" omdat die baard self gedien het as 'n teken van "outoriteit" . Natuurlik is dit nie verkeerd wanneer 'n man sy baard skeer nie, maar dit gaan hier oor hoe die baard of hare somtyds as 'n teken gebruik is. Dit word bv. verbied in die geval van waar dit ter wille van dooies gedoen word, maar kon 'n ander betekenis dien in verskeie ander geleenthede.  Bv., 'n Nasareer se hare mag nie geskeer geword het nie (Num. 6), maar die Lev. priesters (in Eseg. 44) is weer beveel om hulle hare behoorlik te skeer... (nie kaal skeer nie, maar ook nie lank laat groei nie).  Dit gaan hier oor die konteks waarin iets as teken dien, en almal wat hierdie kennis gehad het het verstaan wat dit beteken in 'n spesifieke konteks; bv., in die geval van 2 Sam. 10 was die rede beslis om hulle te verneder en Hanun wou hierdeur wys dat hy vir Dawid (en sy dienaars) nie vertrou nie... In daardie tye was 'n man se baard grootliks gerespekteer  - 2 Sam. 10 is 'n goeie vb hiervan, en kyk veral verse 4 en 5: ((2Sa 10:4)  "Daarop neem Hanun die dienaars van Dawid en skeer die een helfte van hulle baard af en sny hulle klere in die helfte af, tot by hulle sitplekke; en hy het hulle laat gaan. (2Sa 10:5)  En toe hulle aan Dawid hiervan berig bring, stuur hy om hulle tegemoet te gaan, want die manne was baie skaam. En die koning het gesê: Bly in Jérigo totdat julle baard weer gegroei het; kom dan terug").    

- Ons kan ook kyk na die vb. vd "Nasareër" (die wat 'n gelofte aflê waarin hulle beoog om hulle lewens aan die Here te wy, hetsy vir 'n periode of hul lewe lank... - Num. 6:2).  Daar was heelwat voorwaardes wat so iemand moes nakom, wat natuurlik as tekens gedien het dat hulle hierdie gelofte gedoen het en eenkant gesit is vir die Here se werk. Een van hierdie tekens was dat die nasareër nie sy hare mag geskeer het nie... (kyk vb.e, Simson, en Samuel die profeet) (en die hare kan dus sekerlik hier gesien word as 'n teken van sy "outoriteit" om 'n nasareer te wees). 'n Nasareër mag terloops ook nie naby 'n dooie gekom het nie (Num. 6:6), en as hy hierdie wet oortree het het hy homself ontheilig en moes dan al sy hare afskeer, en na 7 dae 'n spesiale offer bring, en van voor af as Nasareër ingewy word... Hier sien ons hoe die afskeer vd hare as teken gedien het dat hy onheilig geword het (omdat hy naby 'n dooie gekom het). 

Die teenoorgestelde geld weer as teken in 'n ander geval waar "hare afskeer" gebruik is in 'n seremonie.  bv. Lev. 14:19 waarin die baard afgeskeer moes word, maar in hierdie geval het dit as teken gedien vir iemand wat reinig geword het... (gereinig van melaatsheid). Dus ook hier gaan dit natuurlik oor die konteks, en dit gaan dus oor WAAROM hulle somtyds nie toegelaat was om hare te skeer nie of waarom hulle die hare moes afskeer... In hierdie geval was die "baard afskeer" 'n teken daarvan dat die persoon reiniging ontvang het.

- In ander gevalle kon "baard afskeer" weer na iets anders verwys;  bv., GESKEERDE BAARDE (of geskeerde hoof) WAS SOMTYDS 'N TEKEN VAN rou en weeklaag (Job 1:20). In hierdie gevalle was hare afgeskeer in die geval van rou of berou; en was miskien bedoel om te wys dat hulle verneder is, of om hulleself te verneder...: 

- bv., in tye van ballingskap en slawerny - soos met die verwoesting vd tempel (Jer 41:5 - "kom daar manne van Sigem, van Silo en van Samaría, tagtig man, met afgeskeerde baard en geskeurde klere, wat hulleself stukkend gekerwe het; en spysoffer en wierook was in hulle hand om dit na die huis van die HERE te bring");

- of berou a.g.v. sonde onder die volk... (Esra 9:3 - "En toe ek dit hoor, het ek my kleed en my mantel geskeur en van die hare van my hoof en my baard uitgepluk en verslae neergesit").

- "Hare" was selfs as teken gebruik in Eseg. 5 om te profeteer wat met Jerusalem sal gebeur...  (Esegiel moes sy hare en baard skeer en 'n derde vd hare moes binne-in die stad met vuur verbrand word; 'n ander derde moes met die swaard stukkend gekap word rondom die stad;  en die laaste derde moes hy in die wind strooi... Elkeen van hierdie derdes (HARE) het iets voorgestel). 

Hier sien ons ook hoe dit as TEKEN gebruik is om iets te beskryf.

DIT GAAN M.A.W. OOR "waarom" DIT GEDOEN IS (waarom was die hare geskeer?, of vir watter doel mag dit nie geskeer geword nie?) - dit was 'n uiterlike gebaar.  Die mans onder die volk van God was bv. verbied om baarde te skeer ter wille van dooies (Lev. 15:2) - dit was omdat dit as teken gebruik was van iets!  (daar is ook ander tekens wat nie mag gedoen geword het nie TER WILLE VAN dooies, bv. mag geen snye in die vlees of ingeprikte tekeninge in die vel maak nie (Lev. 19:28), kaalte op die hoof maak nie (Jes. 15:2), of offerandes aan dooies eet nie (Ps. 106:28)...ens.).  Natuurlik is dit nie verkeerd om 'n baard te skeer nie!, maar sou dit gedoen word ter wille van dooies, dan is dit verkeerd;  en in sekere ander gevalle (soos bo gesien) was dit verbied of beveel om iets voor te stel...  Dit gaan dus veral oor "wat die gebaar voorstel". Dieselfde geld vir ander onderwerpe, soos offers eet ens. - dit gaan oor die konteks!  Natuurlik is dit nie verkeerd om aan die Here kos te offer (soos in die tempel van God gedoen is of Christene die nagmaal gebruik) nie, maar dit is verkeerd vir die kind van God om kos aan afgode of dooies te offer. Dit gaan dus inderdaad oor hoekom dit gedoen word en in watter konteks?

-----------------------------------------------------------------------------------------------------------------------------

 Grond / Hand op die hoof:

"Grond op die hoof/kop" word in heelwat skrifte gebruik in dieselfde konteks waar klere geskeur word (1 Sam. 4:12; 2 Sam. 1:2; 15:32), of in konteks met "rouklere" (Neh. 9:1; Lam. 2:10). Die skeur van klere in 1 Sam. 4 het beslis te doen gehad het met rou oor die wat hulle aan die dood afgestaan het, en die feit dat die Here (wat mag het oor dood en lewe) hulle nie beskerm het nie (omdat hulle gesondig het-1 Sam.7) soos bo gesien, maar waarna het die "grond op hoof" verwys?

"Grond of as op die hoof" (1 Sam. 4:12; Neh. 9:1; Est 4:1; Job 2:12; Eseg. 27:30) of "hand op die hoof en loop en weeklaag" (2 Sam. 13:19; Est 4:1) was gedoen in tye van ontsteltenis en vernedering. In 'n paar voorbeelde sien ons dat iemand grond op sy hoof gegooi het wanneer hy verskriklike nuus bring (bv. 1 Sam. 4:12; 1 Sam. 1:2). (Est 4:3 - "En in al die provinsies waar die bevel van die koning en sy wet ook al aankom, was daar groot rou onder die Jode met VAS en GEWEEN en ROUKLAG; baie het sak en as onder hulle uitgesprei"). In Neh. 9:1,2 het die volk hulle op hierdie manier verneder voor die Here (asof in sak en as) en belydenis gedoen vir hulle (vaders se) sondes en ongeregtighede... - hulle het "geVAS met rouklere en grond op hulle hoof". (Kyk ook Lam. 2:10). Dit wil dus voorkom of "grond op die hoof gooi" 'n teken was van hoe hulle is in "sak en as", en'n teken van hoe hulle hulself voor die Here verneder. 

 
-----------------------------------------------------------------------------------------------------------------------------

OPSOMMING:

Hierdie tekens of gebare het dus elkeen iets spesifiek voorgestel in 'n sekere konteks (bv. hare wat nooit geskeer is nie kon beteken dat iemand 'n nasareer is; of klere wat geskeur is kon verwys na rou en/of iemand wat pleit by die Here vir Sy beskerming..., ens.).  Dit was veronderstel om te wys wat in iemand se hart aangaan, bv. waardeur hulle gaan en in opregtheid te pleit by die Here en het gepaargegaan met vas, gebed en smekinge;  maar hierdie gebare was ook ongelukkig somtyds gebruik om vals te wees!, bv. waar iemand voorgee dat hy vas en dit gebruik om mense te mislei om te dink dat hy die Here raadpleeg, maar dan doen hy werklik nie... (Matt. 6:16-18 - "En wanneer julle vas, moenie lang gesigte trek soos die geveinsdes nie; want hulle mismaak hul gesigte, sodat dit deur die mense gesien kan word dat hulle vas. Voorwaar Ek sê vir julle, hulle het hul loon weg. Maar jy, as jy vas, salf jou hoof en was jou gesig, sodat jy nie die mense laat sien dat jy vas nie, maar jou Vader wat in die verborgene is; en jou Vader wat in die verborgene sien, sal jou in die openbaar vergelde")(Jes. 58:3-7).  Die tema van gebare en tekens kan miskien ook vgl. word met die tema van "gedenkseels", wat ook as tekens gedien het (bv. vir herinnering), maar sommige het (alhoewel hulle die skrifte op hulle gedra het) tog nie gehoorsaam gewees aan die Here se woorde nie - hulle het wel die woorde bely maar self nie die werke gehad nie.  Sekere skrifgeleerdes en die Fariseërs was deur Jesus sterk aangespreek hieroor, want hulle het "op die stoel van Moses gesit" en moes die Here se woorde aan die volk leer, tog was hulleself nie gehoorsaam aan hierdie woorde nie maar eerder hoogmoedig, blinde leiers, werke gedoen tot eie voordeel, en hulleself verhoog (Matt. 23). Die Here weet wanneer iemand opreg is en wanneer nie.  Hy sien die hart...

Die Here soek 'n waaragtige hart, nie net uiterlike gebare nie, en vir die wat hulle voor Hom verneder en Hom raadpleeg, die wat met opregte hart vas en bid en tot Hom smeek, dit is hulle op wie Hy ag gee... (2 Kon. 22:19; 2 Kron. 34:27). Gebare beteken dus net iets wanneer dit gepaardgaan met opregtheid. Dit is immers die doel van gebare of TEKENS, dat dit iets voorstel in 'n spesifieke konteks. So is die Christelike doop en Nagmaal ook TEKENS, en gebare wat iets spesifiek beteken in 'n spesifieke konteks.  Die doop van Johannes het bv. nie alles voorgestel wat die doop in Jesus Christus voorstel nie (kyk die vb. in Hand. 19:3-5 van die wat nadat hulle met Johannes se doop gedoop is weer gedoop is nadat hulle tot geloof gekom het in Christus Jesus -nie dat die doop van Johannes nie belangrik of nodig was nie, maar dit gaan hier gaan oor wat dit is wat elke doop voorstel, of voorgestel het).  Die doop van Johannes was bv. slegs 'n doop van bekering (dus 'n teken van bekering en afwassing van sondes), terwyl die Christelike doop op 3 dinge wys waarvan bekering en die afwas van sondes slegs een van hulle is! (http://warechristene.blogspot.co.nz/2013/09/die-christelike-doop.html).  Op dieselfde wyse kan die skeer van 'n baard iets anders voorstel in een opsig, en in 'n ander opsig na iets anders verwys.  Waar baarde geskeer was in die geval van "rou", het dit bv. iets anders voorgestel as in die geval van waar dit in 'n seremonie gedoen moes word.  Somtyds is die skeer van hare nie toegelaat nie, en somtyds was dit nodig... Waar die baard geskeer word ter wille van dooies is dit bv. verkeerd, maar in 'n ander konteks kon dit 'n teken van reiniging wees  - dit gaan alles oor wat dit beteken het in 'n spesifieke konteks.  

-----------------------------------------------------------------------------------------------------------------------------

Salf / gesalf met olie / Salwing

 

In hierdie pos kyk ons na die volgende: 

- (1) Salwing

- (2) Salf

- (3) Salfolie

- (4) Die salwing van die Heilige Gees

-----------------------------------------------------------------------------------------------------------------------------

(1) SALWING:

- Die woord "salf" word gewoonlik gebruik in konteks van om iets of iemand te "heilig" (af te sonder), en verwys in betekenis na "om met olie te besprinkel/oor te giet" (Eks. 28:41) - " heilige salfolie" is vir hierdie doel gebruik (Eks. 30:22).  Maar salf kan natuurlik bloot verwys na olie/salf wat aan die liggaam gesmeer word... (Rut 3:3);  en ons moet dus onderskei tussen "heilige salfolie" (salfolie, gemeng volgens 'n spesifieke resep en geheilig/afgesonder met die doel "om items en persone te heilig"), en ander salwe soos die wat gebruik is om aan die lyf te smeer, dooies te salf, ens. (Matt. 6:17; Joh. 19:39,40). 

- Daar is 'n doel waarom iets of iemand gesalf of geheilig word - geestelike mense het bv. die salwing vd Heilige Gees, wat beteken dat hulle onder die Gees se lering is / is m.a.w. afgesonder om die Gees van waarheid te ontvang, en ken dus die waarheid (1 Joh. 2:20,27). Elke Christen word ook deur die Heilige Gees afgesonder vir iets spesifiek, bv. ontvang gawes, bedieninge en werke (wat die Gees uitdeel soos Hy wil, en sekerlik ook gesien kan word soos salwing).  

- Wanneer siekes gesond gemaak is of daar oor hulle gebid is, is hulle ook met olie gesalf (Mar 6:12,13 - "En hulle het uitgegaan en gepreek dat die mense hulle moes bekeer. En hulle het baie duiwels uitgedryf en baie siekes met olie gesalf en gesond gemaak"). Hierdie is miskien gesien soos 'n tipe teken van reiniging (bv. om te reinig vd siekte, hetsy die plek of persoon)(Lev. 14:16.18). Om iemand met olie te salf wanneer daar vir siekes gebid word, word in baie kerke nog gedoen, en is ook gedoen in die eerste gemeentes (Jak. 5:14,15 - "Is daar iemand siek onder julle? Laat hom die ouderlinge van die gemeente inroep, en laat hulle oor hom bid nadat hulle hom in die Naam van die Here met olie gesalf het. En die gebed van die geloof sal die kranke red, en die Here sal hom oprig. Selfs as hy sonde gedoen het, sal dit hom vergewe word").

- Salwing gaan dus oor die DOEL - iets kan bv. selfs afgesonder/gesalf word om bloot as gedenksteen te dien! (soos die klip waarop Jakob geslaap het/waar die Here hom ontmoet het;  Gen. 28:18 - "Toe staan Jakob die môre vroeg op en neem die klip wat hy onder sy hoof gesit het, en rig dit as ‘n gedenksteen op; en hy het olie daaroor uitgegiet". Gewoonlik word daar olie oor iets of iemand gegiet wanneer dit gesalf word (of dit word besprinkel in sekere gevalle) - in hierdie geval sien ons ook hoe Jakob olie oor die klip gegooi het... Hy het dit afgesonder met 'n doel, nl. om te onthou wat die Here hom daar meegedeel het en veral om hom te herinner aan die gelofte wat hy aan die Here gemaak het (as die Here hom sou hou en terugbring na daardie plek...)(Gen 28:22 - "En hierdie klip wat ek as gedenksteen opgerig het, sal ‘n huis van God wees, en van alles wat U my gee, sal ek aan U sekerlik die tiendes afstaan"). Sien ook Gen. 35:14 (toe die Here hom terugstuur na die plek...)("En Jakob het ‘n gedenksteen opgerig op die plek waar Hy met hom gespreek het, ‘n gedenksteen van klip, en daarop ‘n drankoffer uitgegiet en olie daarop gegooi").

 - Nog 'n tipe salwing wat ons sien in die skrif is dooies wat gesalf is voor hulle begrawe is...- die liggaam was o.a. in doeke toegedraai saam met speserye (Joh. 19:39,40). (2Kron. 16:14 - "En hulle het hom begrawe in sy graf wat hy vir hom in die stad van Dawid gegrawe het, en hom op die bed neergelê wat vol speserye was, en dit van allerhande soorte, volgens die kuns van ‘n salfmenger klaargemaak; en hulle het vir hom ‘n buitengewoon groot wierookbrand aangesteek") ; (Mar 16:1 - "En toe die sabbat verby was, het Maria Magdaléna en Maria, die moeder van Jakobus, en Salóme speserye gekoop om Hom te gaan salf") ; (Luk 23:56 - "Daarop het hulle teruggegaan en speserye en salf berei en op die sabbat gerus volgens die gebod").  Ons sien 'n ander vb. hiervan in Matt. 26 - (Matt. 26:7  kom ‘n vrou na Hom met ‘n albaste fles met baie kosbare salf, en sy gooi dit op sy hoof uit terwyl Hy aan tafel was"), en die doel van hierdie salwing was met die oog op Jesus se begrafnis - (Mat 26:12)  Want toe sy hierdie salf op my liggaam uitgegooi het, het sy dit gedoen met die oog op my begrafnis)(Mark. 14:8).

-----------------------------------------------------------------------------------------------------------------------------

(2)  SALF:

Allerhande/interessante feite rondom "salf":

- Die woord "salf" word gewoonlik gebruik in die konteks van om iets of iemand te "heilig" (af te sonder), bv. (Eks. 28:41- "En trek dit jou broer Aäron en sy seuns saam met hom aan. En salf hulle en stel hulle aan en heilig hulle, sodat hulle vir My die priesteramp kan bedien") ; (Eks. 30:30 - "Jy moet ook Aäron en sy seuns salf en hulle heilig om vir My die priesteramp te bedien") ; (Eks. 40:15 - "Salf hulle dan, soos jy hulle vader gesalf het, dat hulle vir My die priesteramp kan bedien. En hul salwing moet vir hulle ‘n ewige priesterskap in hulle geslagte wees");  

- en verwys in betekenis na "om met olie te smeer/giet" (Rut 3:3 - "Was jou dan en salf jou en trek jou klere aan, en gaan af na die vloer toe; laat jou deur die man nie herken totdat hy klaar geëet en gedrink het nie") ; (2Sa 14:2 - "het Joab na Tekóa gestuur en daarvandaan ‘n skrander vrou laat haal en aan haar gesê: Stel jou tog aan soos een wat treur, en trek rouklere aan; en salf jou nie met olie nie, maar hou jou soos ‘n vrou wat al baie dae rou oor ‘n dode") ; (Psa 104:15 - "en dat wyn die mens se hart kan bly maak; om die aangesig te laat blink van olie, en dat brood die mens se hart kan versterk") ; (Mat 6:17) - "Maar jy, as jy vas, salf jou hoof en was jou gesig") ; (Dan 10:2,3 - "In daardie dae het ek, Daniël, drie volle weke getreur. Smaaklike spys het ek nie geëet en vleis en wyn het nie in my mond gekom nie; en ek het my glad nie gesalf nie, totdat drie volle weke om was") ; (Ecc_10:1 - "Dooie vlieë laat die salf van die apteker stink en bederwe; ‘n bietjie dwaasheid weeg swaarder as wysheid, as eer") ; (Son_1:3 - "U salf is aangenaam van geur, u naam is soos salf wat uitgegiet is; daarom het die jonkvroue u lief") ; (Son_4:10 - "Hoe skoon is u liefde, my susterbruid, hoeveel beter is u liefde as wyn en die geur van u salf as al die speserye!") ; (Luk. 7:38 - "en agter by sy voete gaan staan en geween; en sy het sy voete begin natmaak met haar trane en hulle afgedroog met die hare van haar hoof; en sy het sy voete gesoen en met salf gesalf") ; (Luk. 7:46 - "Met olie het jy my hoof nie gesalf nie; maar sy het my voete met salf gesalf").

- Heilige salfolie (rol af na paragraaf 2) word gebruik in die proses om iets of iemand te heilig (vir 'n spesifieke amp/taak/doel). Bv., in die geval van waar iemand gesalf is, is die "salfolie" (nie enige olie nie, maar 'n spesifieke olie geheilig vir hierdie doel) gewoonlik oor die hoof gegiet, en so is die persoon geSALF / geheilig (Eks. 29:7 - "Neem dan die salfolie en giet dit op sy hoof en salf hom") ; (2Kon. 9:3 - "neem dan die kruik met olie en giet dit op sy hoof uit en sê: So spreek die HERE: Ek salf jou tot koning oor Israel. Maak dan die deur oop en vlug en vertoef nie"). 

- Daar is salfolie resepte wat vir ons gegee word in sekere skrifte (bv. die heilige salfolie), maar salf verwys nie altyd na hierdie heilige salfolies (wat gebruik was om artikels en mense te heilig vir 'n spes. amp, taak of doel) nie, maar kan bloot verwys na "om jouself met olie te smeer" (Rut 3:3).  Dit wil voorkom of die salf waarna verwys word in Deut. 28:40, "olyfolie" nodig gehad het in die meng daarvan. (Deu_28:40 - "Olyfbome sal jy hê in jou hele grondgebied, maar jy sal jou nie met olie salf nie; want jou olywe sal afval").(Rol af na paragraaf 2 vir 'n opsomming oor "heilige salfolie", wat volgens 'n spesifieke resep gemeng was)

- Die priesters was in hulle (heilige) klere GESALF - die klere was ook geheilig/afgesonder (Eks. 29:29 - "En die heilige klere van Aäron moet vir sy seuns ná hom wees, om hulle daarin te salf en as priesters aan te stel") ; (Eks. 40:13 - "Trek Aäron dan die heilige klere aan; en salf hom en heilig hom, dat hy vir My die priesteramp kan bedien"). 

- Artikels in die tabernakel/tempel was ook GESALF - op hierdie manier was dit ge"heilig" (afgesonder)(Eks. 29:36 - "Jy moet ook daagliks ‘n sondofferbul tot versoening berei en die altaar ontsondig deur daarvoor versoening te doen; en jy moet dit salf om dit te heilig") ; (Eks.30:26 - "Daarmee moet jy dan die tent van samekoms salf en die ark van die Getuienis") ; (Eks. 40:9 - "Dan moet jy die salfolie neem, en jy moet die tabernakel salf en alles wat daarin is, en dit heilig met alles wat daarby behoort; en dit sal heilig wees") ; (Eks. 40:10 - "Jy moet ook die brandofferaltaar salf met al sy gereedskap, en jy moet die altaar heilig, en die altaar sal hoogheilig wees") ; (Eks. 40:11 - "Salf dan die waskom en sy voetstuk, en heilig dit").

- Konings en vorste is GESALF ("geheilig/afgesonder" om koning/vors te wees - gewoonlik deur salfolie oor die hoof te gooi). (Rig. 9:8  Eendag het die bome gegaan om ‘n koning oor hulle te salf en aan die olyfboom gesê: Wees koning oor ons!) ; (Rig. 9:15  En die steekdoring het vir die bome gesê: As julle in waarheid my as koning oor julle salf, kom dan, skuil in my skaduwee; maar so nie, laat daar dan vuur uitgaan uit die steekdoring en die seders van die Líbanon verteer) ; (1Sam. 9:16 - "Môre sulke tyd sal Ek ‘n man uit die land Benjamin na jou stuur wat jy moet salf as ‘n vors oor my volk Israel; en hy sal my volk verlos uit die hand van die Filistyne. Want Ek het my volk aangesien, omdat sy geroep na My gekom het") ; (1Sam.15:1 - "Toe sê Samuel vir Saul: Die HERE het my gestuur om jou as koning te salf oor sy volk, oor Israel; luister dan nou na die stem van die woorde van die HERE") ; (1Sam. 16:3 - "Nooi Isai dan na die offermaaltyd, en Ek sal jou bekend maak wat jy moet doen, en jy moet die een vir My salf wat Ek jou sal noem" ; v.12 - "Daarop het hy gestuur en hom laat kom; en hy was rooierig, met mooi oë en ‘n mooi voorkoms. En die HERE sê: Staan op, salf hom, want dit is hy") ; (1Kon.1:34 - "en laat Sadok, die priester, en Natan, die profeet, hom daar as koning oor Israel salf, en julle moet op die ramshoring blaas en sê: Mag koning Salomo lewe!") ; (1Kon. 19:15,16 - "Maar die HERE sê vir hom: Gaan terug op jou pad na die woestyn van Damaskus, en gaan heen en salf Hásael as koning oor Aram. En Jehu, die seun van Nimsi, moet jy salf as koning oor Israel; en Elísa, die seun van Safat, uit Abel-Mehóla, moet jy salf as profeet in jou plek") ; (2Kon. 9:6 - "En hy het opgestaan en in die huis ingegaan. Toe giet hy die olie op sy hoof uit en sê vir hom: So spreek die HERE, die God van Israel: Ek salf jou as koning oor die volk van die HERE, oor Israel") ; (2Kon. 9:12 - "Maar hulle sê: Leuens! Vertel ons tog. En hy antwoord: So en so het hy met my gespreek en gesê: So spreek die HERE: Ek salf jou as koning oor Israel") ; .

- In 1 Sam. 16:13 was die salfolie in 'n horing gestoor... (1Sa 16:13 - "Samuel neem toe die horing met olie en salf hom te midde van sy broers, en die Gees van die HERE het van dié dag af en verder oor Dawid vaardig geword. En Samuel het klaargemaak en na Rama gegaan").

-----------------------------------------------------------------------------------------------------------------------------

(3) SALFOLIE:

Daar is 'n paar resepte in die O.T. van spefieke olies of reukwerk wat gebruik was in die tabernakel - hierdie olies was self "heilig" - was afgesonder vir 'n spesifieke doel (om artikels of mense te "heilig").  Een so 'n resep van "salfolie" word gegee in Eks. 30:22, maar hierdie spesifieke olie mag nie in die algemeen gebruik geword het, bv. vir die liggaam nie (v.32) - dit het bestaan uit 'n spesifieke komposisie wat opsig self "heilig" was (v.25)(m.a.w, "afgesonder" om as olie te dien om bv spesifieke artikels te salf, nl. in die tent van samekoms - die ark vd Getuienis, tafel en kandelaar en reukaltaar en brandofferaltaar met al hulle gereedskap, en die waskom met voetstuk;  asook vir Aaron en sy seuns te salf vir die priesteramp). 'n Spesifieke olie was dus gemeng om te gebruik in die salwing van hierdie artikels en die priesters, en hierdie olie mag nie gemeng geword het om vir ander doeleindes te gebruik nie... (v.32,33). In Eks. 30:34-38 is ook 'n resep vir "reukwerk" wat in die tabernakel gebruik was (spesifiek geplaas voor "die Getuienis"), en was ook "heilig", afgesonder spesifiek vir hierdie doel, en hierdie komposisie mag ook nie op ander plekke gebruik geword het nie. 

Eks. 30:22-38: "(Exo 30:22)  Verder het die HERE met Moses gespreek en gesê:(Exo 30:23)  En jy, neem vir jou van die beste speserye: vyf honderd sikkels fyn mirre en die helfte soveel geurige kaneel, twee honderd en vyftig sikkels, en twee honderd en vyftig sikkels geurige kalmoes(Exo 30:24)  en vyf honderd sikkels kassie, volgens die sikkel van die heiligdom, en ‘n hin olyfolie;(Exo 30:25)  en maak daarvan heilige salfolie, ‘n salfmengsel soos ‘n salfmenger dit maak; heilige salfolie moet dit wees.(Exo 30:26)  Daarmee moet jy dan die tent van samekoms salf en die ark van die Getuienis(Exo 30:27)  en die tafel met al sy gereedskap en die kandelaar met sy gereedskap en die reukaltaar(Exo 30:28)  en die brandofferaltaar met al sy gereedskap en die waskom met sy voetstuk.(Exo 30:29)  So moet jy hulle dan heilig, dat hulle hoogheilig kan wees. Elkeen wat aan hulle raak, word heilig.(Exo 30:30)  Jy moet ook Aäron en sy seuns salf en hulle heilig om vir My die priesteramp te bedien.(Exo 30:31)  En jy moet met die kinders van Israel spreek en sê: Dit moet vir My ‘n heilige salfolie wees in julle geslagte.(Exo 30:32)  Op geen mens se liggaam mag dit uitgegiet word nie; julle mag ook, na dieselfde voorskrif, so iets nie maak nie: heilig is dit; heilig moet dit vir julle wees.(Exo 30:33)  Elkeen wat so iets meng of iets daarvan aan ‘n onbevoegde laat kom, moet uit sy volksgenote uitgeroei word.(Exo 30:34)  Verder het die HERE vir Moses gesê: Neem vir jou speserye: storaksgom en naeltjies en gálbanum—speserye en ook suiwer wierook; alles in gelyke hoeveelhede,(Exo 30:35)  en maak daar reukwerk van, ‘n mengsel soos die salfmenger dit maak, met sout gemeng, suiwer, heilig.(Exo 30:36)  En vrywe ‘n gedeelte daarvan heeltemal fyn, en sit ‘n deel daarvan neer voor die Getuienis in die tent van samekoms, waar Ek met jou sal saamkom; hoogheilig moet dit vir julle wees.(Exo 30:37)  En die reukwerk wat jy moet maak—na dieselfde voorskrif mag julle vir julle nie maak nie; as iets heiligs aan die HERE moet dit vir jou wees. (Exo 30:38)  Elkeen wat so iets maak om daaraan te ruik, moet uit sy volksgenote uitgeroei word".

Hoekom was hierdie (heilige) salfolie gegiet of besprinkel op hierdie mense en artikels?:

Dit was om hierdie mense en artikels TE HEILIG (af te sonder) vir 'n spesifieke taak/doel. 

Skrifte oor "salfolie":

Exo_29:7  Neem dan die salfolie en giet dit op sy hoof en salf hom. - DIT WAS OP DIE HOOF GEGIET.

Exo_29:21  Dan moet jy van die bloed wat aan die altaar is, neem en van die salfolie en dit sprinkel op Aäron en op sy klere sowel as op sy seuns en op die klere van sy seuns saam met hom, dat hy heilig kan wees en sy klere sowel as sy seuns en die klere van sy seuns saam met hom. - IS GESPRINKEL OP AARON EN SY KLERE, EN SY SEUNS EN HULLE KLERE (hulle klere was ook afgesonder).

Exo_30:25  en maak daarvan heilige salfolie, ‘n salfmengsel soos ‘n salfmenger dit maak; heilige salfolie moet dit wees. - DIE OLIE SELF WAS "HEILIG", MAW "AFGESONDER, EN MAG NIE VIR ANDER DOELE GEBRUIK GEWEES HET NIE.   Exo_30:31  En jy moet met die kinders van Israel spreek en sê: Dit moet vir My ‘n heilige salfolie wees in julle geslagte.;  Exo_40:9  Dan moet jy die salfolie neem, en jy moet die tabernakel salf en alles wat daarin is, en dit heilig met alles wat daarby behoort; en dit sal heilig wees. ; Lev_8:2  Neem Aäron en sy seuns saam met hom, en die klere en die salfolie en die sondofferbul en die twee ramme en die mandjie met ongesuurde koeke, ; Lev_8:10  Toe het Moses die salfolie geneem en die tabernakel en alles wat daarin was, gesalf en dit geheilig. ; Lev_8:12  Daarna het hy van die salfolie op die hoof van Aäron gegiet en hom gesalf om hom te heilig. ; Lev_8:30  Moses het ook van die salfolie en van die bloed wat aan die altaar was, geneem en dit op Aäron, op sy klere, sowel as op sy seuns en op die klere van sy seuns gesprinkel. So het hy dan Aäron, sy klere, sowel as sy seuns en die klere van sy seuns geheilig.

Exo_31:11  ook die salfolie en die reukwerk van speserye vir die heiligdom—net soos Ek jou beveel het, moet hulle dit maak. -sekere KUNSTENAARS EN PRIESTERS HET DIE WERK GEKRY OM DIE SALFOLIE TE MENG (salfmengers vir salfolie)(bv. Besaleel wat gevul is met die Gees en dus wysheid en kennis en verstand gekry het om allerhande werk te doen en kunstige planne uit te dink...). Exo_37:29  Hy (Besáleël-v.1) het ook die heilige salfolie gemaak en die suiwer reukwerk van speserye, soos ‘n salfmenger dit maak. ;   Num_4:16  En die toesig van Eleásar, die seun van die priester Aäron, gaan oor die olie vir die kandelaar en die reukwerk van speserye en die voortdurende spysoffer en die salfolie; die toesig oor die hele tabernakel en oor alles wat daarin is: die heiligdom en bybehorende gereedskap. ; 1Ch_9:30  En van die seuns van die priesters was daar mengers van salf uit speserye.

Exo_35:8  en olie vir die kandelaar en speserye vir die salfolie en vir die reukwerk van speserye;- DIE SPESERYE VIR DIE MENG VD OLIE HET GEKOM UIT DIE VOLK SE BESITTINGS (vrywillige offergawes)(v. 5).

Lev_21:10  En die priester wat die hoogste onder sy broers is, op wie se hoof die salfolie uitgegiet is en wat as priester aangestel is om die klere aan te trek hy mag sy hare nie laat loshang en geen skeure in sy klere maak nie. - DAAR WAS HEELWAT REELS VIR DIE WAT GE"HEILIG" IS, NL. die PRIESTERS was in verskillende rangorde afgesonder met spesifieke reels t.o.v rangorde... (kyk ook Lev. 10).  Lev_21:12  en hy mag uit die heiligdom nie uitgaan nie, sodat hy die heiligdom van sy God nie ontheilig nie, want die wyding van die salfolie van sy God is op hom. Ek is die HERE.

-----------------------------------------------------------------------------------------------------------------------------

(4)  DIE SALWING VD HEILIGE GEES:

Geestelike mense is soos gesalfdes. 

(1Jn 2:27)  En die salwing wat julle van Hom ontvang het, bly in julle, en julle het nie nodig dat iemand julle leer nie; maar soos dieselfde salwing julle aangaande alles leer, so is dit ook waar en geen leuen nie; en soos dié julle geleer het, so moet julle in Hom bly.

(1Jn 2:20)  En julle het die salwing van die Heilige en weet alles.

Bv., die "ontvang vd Heilige Gees" word o.a. gesien soos 'n salwing wat die persoon ontvang (word geroep / eenkat gesit / afgesonder). Mense wat die Heilige Gees ontvang word "geestelike mense" genoem en word deur die Gees in bewaring gehou tot die dag van verlossing (is afgesonder om die ewige lewe te onvang), en ontvang deur die Gees ook gawes en bedieninge (soos die Gees deur elkeen werk) sodat hulle kan werk vir die Here;  dus, hulle word vir die Here afgesonder (is gesalf) om vir Hom te werk (soos heilige salfolie iets of iemand afsonder...) - dit waarom sommige somtyds in beeldspraak na die Heilige Gees verwys as "Hy is soos olie". Die Heilige Gees is self Gees "afgesonder" (kyk die woord "heilige", wat beteken "afgesonderde" Gees), en sonder ons af vir spesifieke werk (soos salfolie self 'n "heilige" olie is, bedoel om sekere artikels en mense te heilig/af te sonder). Die Heilige Gees is self heilig / is afgesonder spesifiek vir die wat in Jesus Christus glo - en kan dus sekerlik soos "salfolie" gesien word, want Hy sonder ons af vir spesifieke werk... 

Daar is bv. twee elemente van weergeboorte, nl. water en Gees.  In die O.T. het die heiligmaking proses ook twee elemente bevat nl. "was met water", en "salfolie" (kyk die heiligmaking vd priesters - Lev. 8). Net soos die priesters gesalf is in die O.T. om in die Here se diens te wees (1 Kor. 4:1), net so word geestelike mense gesalf om vir die Here 'n priesterdom te wees - eerstens word hulle "gewas" (die Christelike doop is o.a. 'n teken hiervan), en tweedens ontvang hulle die Heilige Gees (soos mense wat met salfolie gesalf word). "Geestelike mense" behoort aan die Here en is in Sy diens (vrygekoop deur Jesus en is nou 'n slaaf van Hom) - hulle het m.a.w. die plig van priester, bv. om die kennis te bewaar, boodskapper te wees vir Hom, die Here raadpleeg en Sy wil uitvoer, ens. 

Om meer te leer oor hierdie onderwerp van hoe/waarvoor geestelike mense afgesonder word, gaan na die dagstukkie getiteld "'n Heilige priesterdom, 'n volk as eiendom verkry".  

Bestudeer gerus ook die pos getiteld "en ons gemaak het konings en priesters vir Sy God en Vader",

asook die onderwerp van "eersgeborenes/eerstelinge/priesters". 

Kom ons kyk na nog 'n paar skrifte oor die salwing vd Gees:

-  Jesus se lesing in: (Luk 4:18)  Die Gees van die Here is op My, omdat Hy My gesalf het om die evangelie aan die armes te bring ('n blye boodskap te bring aan die ootmoediges-Jes. 61:1b). Hy het My gestuur om die wat verbryseld van hart is, te genees (om te verbind die gebrokenes van hart-Jes. 61:1c); (Luk 4:19)  om aan gevangenes vrylating te verkondig en aan blindes herstel van gesig; om die wat gebroke is, in vryheid weg te stuur (om vir die gevangenes ‘n vrylating uit te roep en vir die geboeides opening van die gevangenis-Jes. 61:1d); om die aangename jaar van die Here aan te kondig . 

- DIE GEES HET VIR JESUS AFGESONDER VIR HIERDIE DOEL, SOOS GENOEM IN Luk. 4:18,19;  vgl. dit met Jes. 61:1,2 (Jes. 11:2-5; 42:1-4). 

-  (Hand. 20:28)  Gee dan ag op julleself (ouderlinge) en op die hele kudde waaroor die Heilige Gees julle as opsieners aangestel het om as herders die gemeente van God te versorg, wat Hy deur sy eie bloed verkry het.

- DIE GEES HET DIE OUDERLINGE AANGESTEL / IS m.a.w. AFGESONDER OM AS HERDERS DIE GEMEENTE VAN GOD TE VERSORG - hulle is soos herders wat toesig hou oor die kudde van God - 1 Pet. 5:2 (nie as heersers nie; moet voorbeeldig wees... - 1 Pet. 5:3). DEUR DIE SALWING VD HEILIGE GEES ONTVANG GEESTELIKE MENSE GAWES EN BEDIENINGE SODAT HULLE VIR DIE HERE KAN WERK - ELKEEN WORD AFGESONDER/GEHEILIG OM 'N SPESIFIEKE WERK TE DOEN...

-----------------------------------------------------------------------------------------------------------------------------