Algemene vrae oor SALIGHEID (1): (Inleiding)

In hierdie pos:
-(1) Inleiding: SALIGHEID
(en "die salgheidsboodskap")

_________________________________________________________________________________
In hierdie pos kyk ons na die volgende vrae:
- (1) wat presies is "saligheid"?;
- (2) "hoekom het die mens saligheid nodig"?; en
- (3) hoe beïnvloed iemand se antwoord op hierdie vrae die saligheidsboodskap?
------------------------------------------------------------------------------------------------------------

(1) Wat presies is SALIGHEID?

Die woord "saligheid" is die Gr. woord "so-tay-ree'-ah", wat beteken: -"om te red, gesondheid, red, redding...", en is bv. dieselfde woord wat as "redding" vertaal word (AOV) in Luk. 19:19, Hand. 7:25, 13:47, Rom.1:16 e.a. Ons kan ook kyk na die woord "sode'-zo" wat vertaal word as "gered" (wat basies dieselfde beteken...)(bv. 1 Pet. 4:18; Tit. 3:5 ens.).
Dus, as ons beweer die mens het "redding" nodig dan moet ons weet wat dit is waarvan hy GERED moet word, bv.:

-  Wat is dit waarvan die mens GERED moet word - vyand?, slaaf?, is hy "siek"?;

-  Is daar 'n manier hoe hy van hierdie vyand en/of slaaf en/of siekte gered kan word?, 
en wat moet hy doen om hierdie "saligheid" te verky?  Hoedanig lyk hierdie redding (saligheid) wat hy beërwe wanneer hy gered word?

------------------------------------------------------------------------------------------------------------

(2)  Hoekom het die mens saligheid nodig?

(2a) Wat is dit waarvan die mens gered moet word, bv. "vyand"?
Die mens se VYAND:

Die DOOD is 'n groot VYAND (1Kor. 15). Die mens was nie geskep om dood te gaan nie, maar in sy huidige toestand is hy bestem om een maal te sterwe en daarna die oordeel...(Hebr. 9:27) - hierdie is die gevolg vd sondeval, Gen. 3.  Die blote feit dat elke mens sterwe is bewys dat dit wat in die tuin van Eden gebeur het, werklik gebeur het (Gen. 2:17; 3:3). Ons moet verstaan dat dit SONDE is wat hierdie vyand aanbring het...(1 Kor. 16:56; Ps. 90:3; Joh. 8:24; Rom. 5:15; 6:23), en dat dit die duiwel (die VYAND van alle geregtigheid - Hand. 13:10; Matt. 13:39) is wat die mens verlei het om te sondig (Gen. 3:4). As die mens nie gesondig het nie, dan sou hy nie sterwe nie! (Gen. 2:17). Die loon vd sonde is die DOOD (Rom. 6:23). Net soos 'n vyand iemand agtervolg en inhaal en verwoes, so maak "die dood" met die mens - dit agtervolg en haal hom in, en vewoes elke mens. In ander woorde kan ons sê dat die mens word geoordeel... tot die DOOD, maar dit verwys (1) nie net na wanneer die uiterlike mens STERWE nie, maar (2) verwys ook na die OORDEEL wat daarna volg..., want wanneer die mens doodgaan sterf sy "uiterlike mens" wel en keer terug na stof, ja, maar dan wag hy (die mens as gees,siel / die innerlike mens) op "die (ewige) oordeel" (die "tweede dood" / "oordeel vd hel")(Matt. 10:28; 23:33)(Openb. 20:14; 21:8). Die wie se name nie in die boek vd lewe is nie sal deur die TWEEDE DOOD gaan (verwysend na "natuurlike mense"). "Geestelike mense" sal nie deur die tweede dood gaan nie, en het nie net hierdie belofte nie, maar het ook die belofte van eendag "opstanding" in 'n nuwe uiterlike mens (nuwe liggaam - onverganklike liggaam (maw wat nie kan doodgaan nie - dan is die vyand finaal verslaan!).

Die loon vd sonde is die dood - die wat die sonde dien is m.a.w. tot TOORN bestem (Ef. 2:3; Kol. 3:6; Ef. 5:6; 1Th 5:9; 2:16; Hebr. 3:11...) en het dus redding nodig! - het m.a.w. nodig om GERED te word van hierdie TOORN nl. die ewige oordeel (ook genoem die "tweede dood")(Openb. 20:6,14), want as hulle nie daarvan gered word nie dan sal hulle onder God se toorn val - m.a.w., sal onder die ewige oordeel val. Vir iemand om hierdie toorn of oordeel vry te spring, moet hy dus VAN DIE DOOD GERED WORD (1 Thess. 1:10), en die woord "saligheid" beskryf o.a. hierdie redding. En beskryf ook redding in die sin van die uiterlike mens wat die dood kan oorwin deur "opstanding tot lewe" - "geestelike mense". 

------------------------------------------------------------------------------------------------------------

(2b) Wat is dit waarvan die mens gered moet word, bv. "slaafskap"?
Die mens, uit vlees gebore, is " 'n slaaf - verkoop onder sonde "... 

Die natuurlike mens is 'n SLAAF van die SONDE (1Kor. 15) - soos iemand wat verkoop word as slaaf is die natuurlike mens verkoop onder sonde (Rom. 7:14). Hierdie soort beeldspraak is bedoel om te beskryf wie dit is vir wie die natuurlike mens DIEN - net soos 'n slaaf behoort aan die een wat hom gekoop het, net so is die natuurlike mens soos 'n slaaf verkoop onder die sonde "en dien dus die sonde" (Joh. 8:34; 2 Pet. 2:19; Rom. 6:16).  En hulle het dit verkry deur geboorte (die saad waaruit hulle gebore is - om dit beter te verstaan kan die tema van "natuurlike mense" behandel word - "saad" bepaal wat se soort plant of boom opkom...). Elke "natuurlike mens" kan dus gesien word soos 'n SLAAF ('n slaaf is van sonde)(Tit. 3:3; 2 Pet. 2:19), en is daarom van nature "kinders vd TOORN"! (Ef. 2:3). Al manier hoe iemand van hierdie slaafskap verlos kan word, is wanneer iemand anders hom LOSKOOP, en dan word hy 'n slaaf van die een wat hom losgekoop het;  of om van voor af gebore te word maar hierdie keer uit saad van iemand wat vry is (1 Pet. 2:16). Die een wat "weergebore" word (geestelike mense) is soos mense wat gebore word uit 'n vrye, maar hulle is ook duur gekoop deur Christus se bloed - dus, deur Hom gekoop - dus, behoort aan Hom en is Sy slaaf (1Kor. 7:22 - "Want die slaaf wat in die Here geroep is, is ‘n vrygemaakte van die Here; so is ook hy wat as vryman geroep is, ‘n slaaf van Christus"). 
Natuurlike mense kan slegs "natuurlike mense" voortbring.  Dus, vir iemand om nie meer die sonde te dien nie moet hy "weer gebore" word maar hierdie keer uit God se saad (word dan as vrye gebore).

Anders gestel:Net soos sommige mense as slawe gebore word omdat hulle ouers slawe is, net so kan "natuurlike mense" slegs "natuurlike mense" voortbring;  dus gebore as "SLAWE van sonde" (omdat Adam 'n slaaf was van sonde). 
- (1) Sou hulle egter uit ander saad gebore word van bv. iemand wat nie 'n slaaf is nie, dan word hulle as VRYMENSE gebore.  Hierdie is waar van die "weergeborene" wat gebore word uit God se saad - dus is "vry" (want gebore uit 'n vrye).  (1Kor. 7:22 - "Want die slaaf wat in die Here geroep is, is ‘n vrygemaakte van die Here; so is ook hy wat as vryman geroep is, ‘n slaaf van Christus").

- (2) Of sou hulle losgekoop word, dan sal hulle aan 'n nuwe behoort en wees onder die leiding van die een wat hulle LOSGEKOOP het. Hierdie is waar vd een wat deur Jesus Christus losgekoop word - dus is nou 'n SLAAF VAN JESUS CHRISTUS en behoort aan Hom en dien Hom (Rom. 6:18; Gal. 5:13; 1 Pet. 2:16; Rom. 6:12-14)

(Rom 6:22 - "Maar nou dat julle vrygemaak is van die sonde en diensbaar geword het aan God, het julle jul vrug tot heiligmaking en uiteindelik die ewige lewe").
.
(Joh 8:32)  En julle sal die waarheid ken, en die waarheid sal julle vrymaak.
(Joh 8:33)  Hulle antwoord Hom: Ons is die geslag van Abraham en het nog nooit vir iemand slawediens verrig nie; hoe sê U dan: Julle sal vry word?
(Joh 8:34)  Jesus antwoord hulle: Voorwaar, voorwaar Ek sê vir julle dat elkeen wat die sonde doen, ‘n dienskneg van die sonde is.
(Joh 8:35)  En die dienskneg bly nie vir altyd in die huis nie; die seun bly vir altyd.
(Joh 8:36)  As die Seun julle dan vrygemaak het, sal julle waarlik vry wees.

Elke natuurlike mens, gebore uit vlees, is dus soos 'n "SLAAF of dienskneg" van SONDE (2 Pet. 2:19; Rom. 6:17; Rom. 5:15,17; Ps. 51:5; Job 15:14; Rom. 6:20; Joh. 8:34...) want hulle is "in sonde gebore" (Ps. 51:5; 1 Joh. 1:8) - want waar ‘n mens deur oorwin is, daarvan het hy ook ‘n slaaf geword! (2Pe 2:19)(vgl. hierdie met die verhaal van Adam en Eva). Toe Adam en Eva kies om eerder die slang te vertrou as om die Here te vertrou, het hulle "slawe geword vd sonde" en het so die sonde begin dien i.p.v. om die Here te dien, en "verganklikheid" het deel geword van hulle (Gen. 2:17; 3:3,4). Ons sien dus dat die NATUURLIKE MENS in 'n probleem gewikkeld is, in die sin van dat hy in sonde gebore is en dus soos 'n slaaf is van sonde - iets waarvan hy REDDING NODIG het!, anders sal hy beslis onder ewige oordeel val. Die (natuurlike) mens het nie net AFWASSING nodig nie maar ook VERNUWING... (Tit. 3:5), want as hy nie weergebore word nie, dan bly hy 'n slaaf van sonde.  Dit gaan hier oor die saad waaruit iemand gebore is (1 Joh. 3:9). Die natuurlike mens is gebore uit vlees (en dien dus die sonde), maar die geestelike mens is uit Gees gebore (Joh. 3:5-8)(uit God gebore-Joh. 1:13; 1 Joh. 3:9; 4:7; 5:1,4,18) en dien dus die Here (hy verkry 'n goddelike natuur-2 Pet. 1:4).  Die geestelike mens is duur gekoop en sy liggaam is 'n slaaf van Christus... (nie meer 'n slaaf vd sonde nie). 

------------------------------------------------------------------------------------------------------------

(2c) Wat is dit waarvan die mens gered moet word, bv. "is siek"?

Die begrip "siek" of  "ongesteld" word in beeldspraak in die Skrif gebruik van die wat in sonde stap of lewe.
"Natuurlike mense" kan almal gesien word as "siek" omdat hulle "slawe is van sonde" (en hulle het dus bekering nodig). Alhoewel "siekte" nie altyd tot die dood lei nie, lei hierdie "siekte" beslis tot die dood, want alle natuurlike mense dra "vrugte vir die dood" (sal die dood oes) - wat nie net verwys na die sterwe vd uiterlike mens nie, maar elke natuurlike mens sal ook deur die tweede dood gaan (die oordeel vd hel).
"Geestelike mense" word ook somtyds gesien as "siek", m.a.w. verwys na die wat in sonde stap (hulle het ook bekering nodig voor hulle vergifnis van sondes kan kry). "Siek" Christene wat stap in "sonde tot die dood" kan nie verwag om eendag aanneming tot kinders te kry as hulle nie vergewe is nie;  dus, hulle sonde sal tot die dood lei sou hulle hul nie daarvan bekeer nie.  Christene is geroep om vrug te dra (vrug tot ewige lewe).  Siekte het beslis 'n invloed op vrug - dis nie goed as Christene hulle vrug verloor nie, en wat sal word vd een "sonder vrug" eendag?

In hierdie gedeelte moet ons dus onderskei tussen: 
-die bekering wat voor wedergeboorte plaasvind (van "natuurlike mense"), en 
-die bekering somtyds nodig van die wat reeds wedergebore is (van "geestelike mense"). 

Die natuurlike mens is soos 'n sieke (het bekering nodig):
Na regte kan die "natuurlike mens" gesien word as "SIEK" (Rom. 6:19), en gesien word soos 'n "kind van die duiwel" omdat hy die sonde DIEN (Hand. 13:10; Joh. 8:44). (Rom 6:19 - "Ek spreek menslikerwys ter wille van die swakheid van julle vlees..............") - die woord "swakheid" hier is die Griekse woord "as-then'-i-ah", wat nie net verwys na swakheid nie, maar ook "siekte" beteken (figuurlik bedoel, asof die mens gesien kan word as "siek" in die vlees maar verwys nie na 'n letterlike siekte nie). Rom 6:19 verduidelik ook vir ons presies wat hierdie "swakheid" of "siekte" is:  -  "Ek spreek menslikerwys ter wille van die swakheid van julle vlees; want net soos julle jul lede diensbaar gestel het aan die onreinheid en wetteloosheid om wetteloos te wees...". Dit gaan oor wie dit is vir wie jy dien/vertrou/gehoorsaam! (1 Joh. 3:8). Die mens wat nie in hierdie opsig gesien word as "siek" nie, DIEN nie die onreinheid en wetteloosheid nie (Rom. 6:19c), maar die persoon wat "SIEK" is, DIEN (1) die onreinheid ("vuil" / is nie skoon nie), en (2) die wetteloosheid ("ongeregtigheid")(is ongehoorsaam aan die wet)(Rom. 7:14-16). HIERDIE BESKRYF DIE TOESTAND VAN DIE "NATUURLIKE MENS" (gebore uit vlees/bloed - "kinders van Adam")("vleeslik" / verkoop onder die sonde... -Rom. 7:14) en verwys veral na die INNERLIKE MENS. Die "geestelike mens" begin bv. wel die geregtigheid DIEN (bv. "met sy gemoed"), maar dit verwys veral na die innerlike mens - m.a.w., omdat sy innerlike vernuwe is! (weer gebore uit die saad van God...). Wat die "geestelike mens" se innerlike aanbetref dien hy dus wel die Gees, maar sy uiterlike mens is nog nie vernuwe nie... (Rom. 7:25). Bestudeer gerus die tema van "met Christus beklee" om hierdie beter te verstaan.

In daardie opsig kan ons sê dat die natuurlike mens SIEK is... Sommige geleerdes noem dit "geestelik dood" omdat die innerlike mens vd natuurlike mens gesien kan word as "dood" ("donker") terwyl die innerlike vd geestelike mens gesien kan word as "lewendig"! (is verlig)(Kol. 3:3; 1 Pet. 4:6...). Die geestelike mens sal wel geoordeel word na die vlees (verwys hier na tema "regterstoel van Christus - Rom. 14:10; 2 Kor. 5:10), maar lewe na God "in die gees"! (1Pe 4:6). Wanneer die mens doodgaan is dit sy uiterlike mens wat sterwe - die innerlike mens wag dan op die oordeel... ("oordeel vd hel";  ook genoem "tweede dood") - tensy vernuwe! In daardie opsig is die natuurlike mens "dood" maar die geestelike mens lewendig.

Daar is 'n plek berei vir die duiwel en sy engele nl. "die poel van vuur" (oordeel vd hel), en alhoewel hierdie plek nooit bedoel was vir mense nie sal alle "natuurlike mense" wat uit vlees gebore is daar opeindig omdat hulle VERGANKLIK is... (omdat hulle "siek" is agv sonde) - almal wat sondig kan dus gesien word soos "kinders vd duiwel" en moet dus na dieselfde plek gaan wat berei is vir die duiwel, want die loon vd sonde is die dood! (Rom. 6:23), en sal soos hulle vader in die poel van vuur opeindig.
Maar die "geestelike mens" (die wat weergebore is uit ONVERGANKLIKE saad) sal nie in hierdie oordeel (nl. die oordeel vd hel) kom nie - hulle sal wel voor die regterstoel van Christus verskyn, ja (en geoordeel word na die vlees), maar hulle innerlike mens sal nie in "die oordeel" (die oordeel vd hel) kom nie - en hulle "uiterlike mens" sal ook die dood oorwin! (want hulle het die belofte van opstanding eendag in nuwe verheerlikte onverganklike liggame...).  Alhoewel, hierdie verwys nie na gelowiges wat geen wortel skiet en afval nie..., en die eendag "sonder vrug" kan ook nie staatmaak op hulle "redding" nie want geloof sonder werke is dood.

Die gelowige wat siek is (het bekering nodig):
Die begrip "bekering" moet nie verwar word met wedergeboorte nie;  alhoewel dit deel is van wedergeboorte.  Bekering word somtyds gesien as 'n eenmalige gebeurtenis (maw wanneer iemand tot geloof kom), maar alhoewel iemand bekering nodig het voor hy weergebore word, is bekering nodig in enige situasie waar iemand in sonde stap of nie in regstand is met die Here nie; dus ook nodig waar gelowiges hierdie doen. Gelowiges word dus ook somtyds gesien as "siek" (die wat in sonde stap) en moet hulle van die sonde bekeer voor hulle genesing kan ontvang (en dus vergifnis ontvang).  As hulle kies om te stap in "sonde tot die dood", kan hierdie "siekte" dus lei tot die dood... In so 'n geval sal die gelowige (wat in sonde tot die dood stap en hulle nie daarvan bekeer nie) "die dood" oes in plaas van "lewe" (sal maw nie aangeneem word as 'n kind nie - sal dus sy beloofde saligheid verloor).
- https://warechristene.blogspot.com/2013/09/wat-beteken-dit-om-tot-bekering-te-kom.html
- https://warechristene.blogspot.com/2013/09/die-christelike-doop.html
- https://warechristene.blogspot.com/2014/02/weer-gebore-wedergeboorte-wedergebore.html

Vir 'n studie oor gelowiges wat gesien word as "siek", gaan na:
https://warechristene.blogspot.com/2020/04/honger-dors-vreemdeling-naak-siek.html

------------------------------------------------------------------------------------------------------------

(3)  Hoe beïnvloed iemand se antwoorde op bg. vrae die saligheidsboodskap?

Die salgheidsboodskap:
DIE EVANGELIE:
Saligheidsboodskap word bevat in die "EVANGELIE" ('n "goeie boodskap" wat redding verkondig).
Die manier hoe die evangelie gebring word, word beinvloed deur dit wat iemand sien as "evangelie" en m.a.w. deur dit wat hy "glo" (bv., "hoekom het iemand redding nodig?", "waarvan het hy redding nodig?", en "hoedanig lyk hierdie redding of saligheid?"). Wat iemand dus sien as WAARHEID beinvloed die manier hoe hy die evangelie bring. Om saligheid te onvang gaan nie net oor 'n gebed soos baie leer nie. Mense moet na eers die boodskap hoor en verstaan! - maar wat is die boodskap? 

As iemand bv. nie glo dat daar iets is soos "ewige oordeel" nie, dan sal hy 'n "ander evangelie" bring (2 Kor. 11:4). Baiemaal word 'n "ander evangelie" van die preekstoel af gepreek en dit kan veroorsaak dat iemand dink hy het saligheid en dan het hy nie. "Eerste beginsels" (bekering, geloof, die Christelike doop, handoplegging, die opstanding, ewige oordeel) gebring in die eerste gemeentes is veral belangrik omdat dit die denkwyse vd evangelie beskryf - sou iemand hierdie basiese leringe nie verstaan nie, hoe kan hy dan die ware evangelie bring? Mense wat bely hulle is Christene maar nie glo dat daar bv. iets is soos 'n ewige oordeel wag, of nie verstaan wat is geloof of die belangrikheid van bekering nie, of die Christelike doop verander in iets anders of nie as nodig sien nie, of nie glo in 'n optanding nie, of niks te doen wil he met die gebare van handoplegging nie, sal heel moontlik 'n ander evangelie bring! En dit sien ons reeds gebeur in sommige kerke. Baie Christene bely dat hulle GLO maar hulle glo nie eens in Jesus se woorde nie?, maar glo liewer iets anders as wat Jesus gepreek het.

As ons nie hierdie basiese dinge verstaan nie, dan sal baie inligting boontoe in hierdie pos, nie sin maak nie;  bv. "die opstanding" (oorwinning oor die dood); "die ewige oordeel" (hoe om dit vry te spring);  "handoplegging" (wedergeboorte, genesing, ontvang vd Gees);  "bekering" (tot die Here; van sonde; van werke); "geloof" (bly in Hom en vrug; slaaf vir Christus; vry);  "die Christelike doop" (teken; afwassing; vernuwing; hoop), ens. Kyk maar hoeveel is "die opstanding" saam met die evangelie gepreek in die eerste kerke!  Kyk hoeveel is daar hande opgele en die belangrikheid van bekering gepreek.  Johannes het ook sy bediening begin deur mense op te roep tot bekering.  Jesus het ook so begin deur mense op te roep tot bekering.  Daar is nie geskroom om te praat oor die oordeel wat kom wanneer die evangelie gepreek is nie. Kyk die belangrikheid van "jy moet glo in Jesus Christus" wanneer die evangelie gebring is. Doen gerus bybelstudie van hoe presies die evangelie verkondig is in die eerste gemeentes: ( http://warechristene.blogspot.com/p/die-waarheid.html ).



Die evangelie gaan nie net oor die "evangelie van Jesus Christus" nie, maar ook "die evangelie vd Koninkryk" asook "die evangelie van vrede" - saam vorm hierdie DIE EVANGELIE. 

_________________________________________________________________________________

Die Besnydenis (2) - Besnydenis van hart en ore

 Die onderwerp van die "besnydenis" gaan nie net oor die 

"besnydenis van die vlees" nie, maar ook oor (en VERAL OOR) die

"besnydenis van die hart" (en ore). 

VIR DIE VORIGE POS OOR HIERDIE ONDERWERP, WAARIN DIE "BESNYDENIS VAN DIE VLEES" VERAL BEHANDEL WORD, GAAN NA:
http://warechristene.blogspot.co.nz/2017/02/die-besnydenis-1.html

In hierdie pos gaan ons stilstaan by die tema van die "besnydenis van die hart".
------------------------------------------------------------------------------------------------------------

Die dood is anders vir die onbesnedenes (Eseg. 28:10) as wat dit is vir die wat besny (1 Kor. 7:18; Gen. 17:4-9) is , want onbesnedes gaan na die onderste plekke van die aarde, in die doderyk, in die kuil waar daar geen hoop is op opstanding nie... ( Eseg. 32:19,27...)(Jes. 38:18). (Psa 143:7 - "Verhoor my tog gou, HERE: my gees beswyk! Verberg u aangesig nie vir my nie, sodat ek nie word soos hulle wat in die kuil neerdaal nie"). 

Die begrip "onbesnedenes" verwys na die wat nie deel is van die volk van God nie - in die O.T. het dit dus verwys na die heiden nasies.  Die begrip "besnedenes" verwys na wie dit is wat REGVERDIG gemaak word (en dus hoop het op die opstanding tot lewe). Maar natuurlik verwys "onbesnedenes" nie net na die wat nie deel is van die Hebreeuse volk nie, maar meer spesifiek na die wat onbesnede is van hart!  Selfs in die O.T. was hierdie 'n besliste feit, want alhoewel die besnydenis aan die vlees onder die seuns vd volk verwys het daarna dat hulle God se volk is en Hy hulle Here, was hulle steeds soos onbesnedenes in die Here se oë sou hulle onbesnede wees na hart! (wat natuurlik verwys na die met ongehoorsame of ongelowige harte)(Jer. 4:4; 9:26; Deut. 10:16).  Die "besnydenis van die vlees" was slegs 'n TEKEN van die "ware jakob";  dus al sou iemand hierdie teken verkry, maak dit hom alleen nie 'n uitverkorene nie, want dit is eintlik sy hart wat sal getuig of hy regtig 'n "besnedene" is of nie! - m.a.w., dit is eintlik GELOOF (en dus ook gehoorsaamheid) wat bepaal of iemand regverdig word of nie (Rom 2:28)  Want nie hy is ‘n Jood wat dit in die openbaar is nie, en nie dít is besnydenis wat dit in die openbaar in die vlees is nie;(Rom 2:29)  maar hy is ‘n Jood wat dit in die verborgene is, en besnydenis is dié van die hart, in die gees, nie na die letter nie. Sy lof is nie uit mense nie, maar uit God. God kyk na die hart. Dit het dus nooit regtig gegaan oor die vleeslike besnydenis (wat slegs 'n teken was) nie, alhoewel dit nodig was om die volk apart te stel van ander volke. 

DIE TEMA VAN "BESNYDENIS" gaan eintlik meer presies oor die 
"BESNYDENIS VAN HART EN ORE".  
------------------------------------------------------------------------------------------------------------
In die N.T. verstaan ons goed waaroor die TEKEN van die vleeslike besnydenis gegaan het -  enige iemand uit enige stam, nasie, volk, taal (dus ook die wat in die O.T. gesien is as "onbesnedenes") word deur geloof deel word van DIE VOLK VAN GOD (Rom 3:30)  aangesien dit inderdaad een God is wat die besnedenes sal regverdig uit die geloof en die onbesnedenes deur die geloof.(Rom. 4:9,10).  Daarom is dit GELOOF wat bepaal of iemand gesien word as 'n BESNEDENE of as 'n ONBESNEDENE .  Nie almal wat GEROEP is in die O.T. en deel was van die volk  (waarvan die vleeslike besnydenis onder seuns 'n teken was) sal op die ou end uitverkies word nie - baie is geroep ja, maar min is uitverkies (Matt. 22:14) - op dieselfde wyse is nie alle GEROEPENES in die N.T. (waarvan die Christelike doop o.a. 'n teken...) ook UITVERKIES nie, want dit is elkeen se hart wat bepaal wie gesien word as "besny" en wie nie (Ef. 2:11-13) - elkeen se hart sal wys of hy glo of nie, of hy gehoorsaam is of nie... - en sal dus wys wie is werklik "besny"! (Kol. 2:11-13). 

DIE BESNEDENES IS DIE VOLK VAN GOD, EN ALHOEWEL "die volk van God" STEEDS gesien word as DIE KINDERS VAN ABRAHAM, IS DIT NIE NET DIE WAT UIT DIE HEBREEUSE VOLK GEBORE WORD WAT GESIEN WORD AS DIE KINDERS VAN ABRAHAM NIE, MAAR ENIGE IEMAND UIT ENIGE NASIE, STAM, TAAL, VOLK, KAN DEUR DIE GELOOF DEEL WORD VAN DIE KINDERS VAN ABRAHAM (waarvan die Christelike doop o.a. 'n teken is)(Gal. 3:27)(en dus word "onbesnedenes" deur die geloof "besnedenes")(Gal. 3:7,28,29; Rom. 4:13,16). Christene wie se harte egter getuig dat hulle steeds onbesnede is (al is hulle Christelik gedoop), sal soos onbesnedenes geen hoop hê op opstanding tot lewe nie - diesulkes sal wel opstaan, maar sal opstaan tot veroordeling... (Joh. 5:29). 

----------------------------------------------------------------------------------------------------------Inleiding:

WANNEER ONS KYK NA DIE TEMA VAN DIE "BESNYDENIS", MOET ONS ONDERSKEI TUSSEN:

-  (1) die besnydenis van die vlees (Gen. 17:11)

(was  SLEGS 'N TEKEN ...); en

- (2)  die besnydenis van die hart
1.  -is DEELS IETS WAT DEUR DIE HERE GEDOEN WORD-Deut. 30:6;
2.  -en DEELS IETS WAT DIE HERE VAN SY KINDERS VERWAG-Deut. 10:16; Jer. 4:4; Jer. 9:25,26.

"Die besnydenis van die hart" is deels iets wat die Here in iemand doen, maar is ook deels iets wat van elke gelowige verwag word om self te doen! (Deut. 10:16; Jer. 4:4; Jer. 9:23-26)(pad van godsaligheid)(moet eie lewenswandel vir die Here heilig/afsonder)(http://warechristene.blogspot.co.nz/2017/02/die-besnydenis-1.html). Die besnydenis van die hart, m.a.w. die feit dat die Here die gelowige se hart sou besny, was iets wat vir die volk belowe was en iets waarna hulle uitgesien het, maar natuurlik was dit slegs die wat die voorwaardes nakom, aan wie hierdie belofte gemaak was  (Deu 30:2-6) - (Deu 30:2)  "en jy jou tot die HERE jou God bekeer en na sy stem luister net soos ek jou vandag beveel, jy en jou kinders, met jou hele hart en met jou hele siel,..........................................(Deu 30:6)  En die HERE jou God sal jou hart besny en die hart van jou nageslag, om die HERE jou God lief te hê met jou hele hart en met jou hele siel, dat jy kan lewe".  Meer presies was hierdie belofte gemaak aan die volk van Israel, en wil lyk of dit na 'n spesifieke tyd verwys, nl. die tyd wanneer God hulle uit al die lande sal versamel en hulle in hulle land terugbring, HULLE LOT VERANDER en die Here sal die vloeke op hulle vyande en op hulle haters lê... (Deut. 30:7).
Dit is duidelik dat hierdie nog nie volkome vervul is nie (http://warechristenedagstukkies.blogspot.co.nz/2016/08/n-volk-uit-die-nasies-versamel-n-volk.html). MAAR, alhoewel die belofte sien "op 'n tyd" (en in 'n fisiese koninkryk), verwys dit ook na die tyd WANNEER  DIE MESSIAS sou/sal KOM!  Op dieselfde wyse het die belofte vd die uitstorting van die Heilige Gees nie net gewys na die tyd vd wederkoms (en in die fisiese koninkryk) nie, maar ook verwys na die tyd WANNEER DIE MESSIAS kom (en m.a.w. "gekom het").  Die wat hulle bekeer en glo in die Here Jesus Christus word nou deel van die GEESTELIKE KONINKRYK van God, en ontvang reeds hierdie beloftes, nl. hulle ontvang die Gees en hulle harte word besny (wederbaar en die Gees lei hulle in die waarheid sodat hulle "sien" en "hoor" - hulle is nie onder die wet nie, maar doen die wil van Christus, doen die wil van die Gees)(http://warechristene.blogspot.co.nz/2017/05/wie-is-nie-onder-die-wet-nie.html).   

In die N.T. kan die Christelike doop dus gesien word as 'n teken van wie die "nageslag is van Jesus Christus" (die aan wie die ongeregtighede nie toegereken sal word nie en het die belofte van die opstanding tot lewe - Hebr. 10:15-17; 8:12; Rom. 4:7) - MAAR hulle is nie kinders van Abraham omdat hulle gebore is na die vlees nie, maar "kinders van Abraham" deur die geloof, in Jesus Christus (uit die geslag van Abraham, Isak, Jakob, Dawid...Jesus Christus...) - deur die Gees (Rom. 9; Joh. 3:6...)(uit God gebore)(http://warechristene.blogspot.co.nz/2013/09/die-christelike-doop.html) (http://warechristene.blogspot.co.nz/2014/02/weer-gebore-wedergeboorte-wedergebore.html). Deur die wedergeboorte maak die Here ons nuut en plant Sy saad in ons deur Sy Gees, sodat ons gebore is uit Hom!  (1) Hy besny ons hart en ore deur Sy wette op ons harte te skrywe en Hy maak ons ore oop sodat ons kan luister, (2) maar dit beteken nie dat hierdie "werk" slegs van een kant af kom nie, maar die Here verwag ook van elke gelowige om sy/haar hart self te besny. Hy maak ons wel rein (die teken vd "water") sodat ons geheilig (afgesonder) kan word vir Hom om Hom te dien en te gehoorsaam, maar die persoon wat steeds vir homself lewe, is nie besig om sy eie hart te besny nie (en word weer onrein en kan ontheilig word as hy weier om sy hart vir die Here te besny)(in so 'n geval bewys sy ongehoorsaamheid dus dat hy nie werklik glo nie...).  En net soos in die O.T. die wat vleeslik besny is steeds gesien is as onbesnede wanneer hulle nie ook self hulle eie harte besny het nie, net so sal gelowiges wat besny is na hart en die Here se wette op hulle harte het, uiteindelik as ONBESNEDE gesien word sou hulle nie ag gee op die pad van godsaligheid nie!  Die wat geroep word deur Jesus Christus word soos "bome" in die wêreld gesaai om vrug te dra. Daarom is die besnydenis van hart en ore nie net iets wat deur die Here gedoen word nie (Deut. 30:6), maar ook deels iets wat die Here van Sy kinders verwag om self te doen! (Deut. 10:16), want al het ons die belofte van opstanding tot lewe (en die Christelike doop ook hiervan 'n teken), is ons almal op 'n pad van godsaligheid waarin ons "vrug" eendag sal getuig wie inderdaad koring (die opregtes) is, wie onkruid (die voorgee-gelowiges) is, en wie kaf is (lyk soos koring, maar van geen nut nie)... 

So, om OP TE SOM:
-Ons moet onderskei tussen die "besnydenis van die vlees" en die "besnydenis van die hart", want alhoewel baie besny is na die vlees is hulle nie noodwendig in die hart besny nie (en alhoewel baie deur die Christelike doop gegaan het, glo hulle nie almal nie en is nie almal na die hart besny nie) - m.a.w., "die besnydenis van die hart" is eintlik dit wat van belang is omdat die besnydenis vd vlees slegs 'n teken was van wie deel is vd volk van God, net soos wat die Christelike doop slegs 'n TEKEN is hiervan.  Dit is slegs die wat die geregtigheid liefhet, die GEHOORSAMES en barmhartiges, wat sal deurgaan as "besnedenes". Dus, alhoewel die belofte aan die volk van die Here gegee is dat "Hy self hulle harte sal besny" (in die tyd wanneer Hy hulle terugbring na hulle land na hulle verstrooiing) (Deu 30:6), moet ons ook verstaan dat die koninkryk van God nie net FISIES is nie, maar ook GEESTELIK (http://warechristene.blogspot.co.nz/2012/12/jesus-christus-se-koninkryk-die.html) van aard;  en dus verstaan wat bedoel word met 'n "onbesnede hart", want ook in die O.T. was die wat in sonde en ongehoorsaamheid stap (Lev. 26:41; Eseg. 44:9), nie deur die Here gesien as besny nie (al was hulle ook vleeslik besny!).  Dit gaan m.a.w. oor wie die Here verklaar "AS BESNY", want Hy sien die hart!:

- 'n Onbesnede hart verwys na die wat nie deel is van God se volk nie (m.a.w., die wat nie geheilig is nie);
(hulle "sien" en "verstaan" nie omdat hulle nie geheilig is in die waarheid nie, want hulle dien die wet en kan dink dat hulle die wet nakom, maar verstaan nie werklik hoe dit vervul moet word nie!).  Jesus het gereeld hierna verwys wanneer Hy met/van sekere van die skrifgeleerdes en Fariseers gepraat het, van hoe hulle harte stomp geword het... (Matt. 12:34,35; 13:14,15));

- 'n onbesnede hart verwys ook na DIE WAT NIE SELF HULLE EIE HARTE BESNY NIE...  Hulle harte getuig dus dat hulle "gelowiges" is met bose en ongelowige harte - m.a.w., dit verwys na die ongehoorsames en die wat nie barmhartig is nie.  

_________________________________________________________________________________

Die kinders van die besnydenis (besnydenis v/d vlees) was die kinders van die wet - elkeen wat hom laat besny (aan die vlees met die doel om daardeur aangeneem te word as deel van God se volk en die hoop om eendag gered te word), was ook onder verpligting om die hele wet te onderhou (Hand. 15:5,24; Gal. 5:3; 6:13) .  In die nuwe verbond is ons nie meer onder die wet (verbind aan/gehoorsaam/getroud/ met die wet) nie, maar ons dien Jesus Christus (Rom. 7:6; 6:14,15...)(en is gehoorsaam aan Hom - ontvang Sy Gees en is gehoorsaam aan die Gees)(is onder Sy genade) - dit beteken nie dat die wet tot niet is nie, want inteendeel het wette in die N.T. 'n sterker betekenis gekry (http://warechristene.blogspot.co.nz/2014/03/die-wet-en-die-profete-evangelie-vd.html).

1.  alhoewel die wil van die Vader bekend gemaak is deur die wet, het almal nie volkome verstaan hoe die wet vervul word nie (Luk. 10:25-37; Mark. 10:17-23), en sekere dele van die wet was slegs 'n skaduwee van wat sou kom (Kol. 2:17; Hebr. 8:5) - hulle het dus nie die waarheid volkome geken of verstaan nie en sekere kennis was ook nog verborge onder die ou bedeling (Matt. 13:35). In die N.T. is geen van hierdie O.T. wette tot niet nie, maar ons weet "hoe" dit vervul word - nie net het Christus vir ons hierdie kennis gebring nie, maar vir die wat in Hom glo gee Hy Sy Gees sodat hulle in hierdie waarheid gelei kan word...(Joh. 16:13);

2.  alhoewel die wet hoop gegee het vir die wat onder die wet is, kon niemand staatmaak op die wet nie omdat niemand dit kon onderhou nie en het dus onder die vloek van die wet geval (Gal. 3:10,13).  Op dieselfde wyse staan Christene wat wel die hoop het in Christus Jesus om die ewige lewe te verkry, die gevaar om afgekap te word wanneer Christus terugkom sou hulle nie gehoorsaam wees aan die Gees van God nie (en dus geen vrug dra nie of hulle vrug verloor).

3.  alhoewel die offerdiens van die wet reiniging kon teweeg bring, kon dit ons nie van alle sonde reinig nie en moes dit terloops oor en oor gebring word (Hebr. 9:25; 10:10 ens.)(http://warechristene.blogspot.co.nz/2016/10/rein-onrein-verontreinigingreinig.html);  en kon ook nie die gewete volkome reinig nie (Hebr. 9:9-16).

Net soos die getroude vry is wanneer die huweliksmaat afgesterwe het, net so is ons nou vry van die wet omdat ons dit afgesterwe het in Christus Jesus (en die Christelike doop is o.a. 'n TEKEN hiervan! - Rom. 6:4).  Dood vir die wet om TE LEWE VIR CHRISTUS! (Rom. 7:4)(in die sin van "om nie staat te maak op redding deur die wet" nie, maar staat te maak op Jesus Christus - ons behoort nou aan Hom, nie aan die wet nie). Die wat in Christus Jesus glo ontvang die Gees van God, waardeur hulle harte besny word - hulle word GEHEILIG (afgesonder) in/vir die waarheid, en vir die wat wedergebore is het wette 'n sterker betekenis omdat hulle dit nou VERSTAAN!  Hulle verstaan HOE die wet vervul word. Hulle harte en ore word besny om te verstaan en te hoor...  Die Here se wil is vir hulle belangrik, maar hulle is nie soos die volk onder die ou verbond wat gehoor het maar nie verstaan het nie:   -(Mat 13:14)  En aan hulle word die profesie van Jesaja vervul wat sê: Met die gehoor sal julle hoor en glad nie verstaan nie, en julle sal kyk en kyk, en glad nie sien nie.

-(Mat 13:15)  Want die hart van hierdie volk het stomp geword, en met die ore het hulle beswaarlik gehoor; en hul oë het hulle toegesluit, sodat hulle nie miskien met die oë sou sien en met die ore hoor en met die hart verstaan en hulle bekeer en Ek hulle genees nie.  Iemand kan besny wees na die vlees, maar as sy HART NIE BESNY is nie, dan verstaan hy nie (al hoor hy), en dan kom die bose en roof wat in sy hart gesaai is - hy neem dit nie met blydskap aan nie, en kan nie wortel kry nie en kan geen vrug dra vir die Here nie: (Mat 13:19 - "As iemand die woord van die koninkryk hoor en nie verstaan nie, kom die Bose en roof wat in sy hart gesaai is—dit is hy by wie langs die pad gesaai is"). Die wat staatmaak op die wet (wat hulle nie eens "reg" verstaan nie), dra vrugte vir die wet wat hulle nie werklik kan red nie;  maar die wat staatmaak op Jesus Christus en verstaan hoe die wet vervul word, dra vrugte vir die Here Jesus Christus (Rom. 7:4,5) - dit is as hulle ook hulle eie harte besny want die wat nie ag gee op die pad van godsaligheid nie, die wie se harte weer stomp word, kan nie verwag om eendag die opstanding tot lewe te ontvang nie.

Die besnyding van die hart (en ore) is deels iets wat die Here Jesus Christus doen in die wat in Hom glo, deur Sy Gees - hulle word GEHEILIG in die WAARHEID - en dus: hulle 
"verstaan" en "sien".

Hulle is nie bloot gehoorsaam aan 'n wet, op 'n manier wat hulle dit verstaan nie, maar verstaan hoe dit presies vervul word deur die Gees wat hulle in die waarheid lei... HULLE IS BESNY NA HART EN ORE!  Maar die wat die Heilige Gees weerstaan, is nie besny na hart en ore nie:  -(Hand. 7:51 - "Julle hardnekkiges en onbesnedenes van hart en ore, julle weerstaan altyd die Heilige Gees; net soos julle vaders, so ook julle")(Vgl. dit met die tema van "hardnekkigheid" - Jer. 17:23; Eks. 32:9...).

-----------------------------------------------------------------------------------------------------------
Kom ons kyk na 'n paar vb.e om hierdie begrip beter te verstaan:

- In Luk. 10:25-37 wys Jesus vir die wetgeleerde dat hy. alhoewel hy self gereken het dat hy die tweede gebod nakom, hy dit tog nie nakom nie omdat hy die begrip "naaste" verkeerd verstaan het.  In sy hart het hy gedink dat hy sy naaste liefhet, maar sy hart was verkeerd omdat hy kies "wie hy sien as naaste".  Ook in hierdie gedeelte demonstreer Jesus weer dat dit onmoontlik is vir enige iemand om slegs deur wette die ewige lewe te beerwe, want al kom hy ook al die wette na, sal sy hart teen hom getuig.  Hy was wel kind van die besnydenis (kind van die wet), maar omdat sy hart nie besny was nie het hy nie verstaan hoe die wet vervul word nie, en al het hy gedink dat hy dit vervul, het hy dit verkeerd vervul omdat hy nie reg "sien" nie.

- In Mark. 10:17-23 gaan dit juis oor die wat rein of onrein van hart is en wys Jesus die persoon wat kom navraag doen oor die ewige lewe, dat om die ewige lewe te beerwe nie verkry word deur slegs gehoorsaam te wees aan wette nie, maar deur om gehoorsaam te wees omdat sy hart reg is - hier maak Hy nie wette tot niet nie, maar wys dat dit anders vervul word as wat baie dink, want hulle is gehoorsaam aan wette i.p.v. aan die waarheid.  Baie ken nie die waarheid nie en dink dat omdat hulle die wet ken, hulle ook die waarheid ken, maar die waarheid veroorsaak dat wette anders vervul word as hoe ons dink dit vervul word (as hoe ons die wet verstaan). In Mark. 10:17-23  wys Jesus hom wat in sy hart aangaan en wys hom dat hy te geheg was aan sy besittings (dit was m.a.w. vir hom soos 'n afgod, so hy dink dat hy die eerste gebod vervul, maar hy doen nie!).  So, alhoewel die persoon besny was, was sy hart onbesnede.

- Hierdie was nie veronderstel om 'n nuwe leerstelling te wees nie, want van ou tye af het die Here eintlik alreeds oor hierdie ding gepraat! Besnydenis van die hart is nie slegs iets wat deur die Here beloof was nie wat Hy sou doen vir hulle nie, maar is ook iets wat Hy van elke gelowige verwag het om self te doen in hulle eie lewenswandel. Sou hulle nie ag gee hierop nie, dan was hulle steeds as onbesnede gereken, al is hulle besny na die vlees.  In Deut. 10:16 (met die gee van die 10 gebooie) beveel Hy die volk Israel die volgende:  (Deu 10:16 - "Besny dan die voorhuid van julle hart en verhard julle nek nie verder nie"). In hierdie geval was dit nie die Here wat hulle harte besny nie, maar daar was van die volk verwag om self "hulle harte te besny".  Ook in Jer 4:4 word dit beveel:  "Besny julle vir die HERE en verwyder die onbesnedenheid van julle hart, manne van Juda en inwoners van Jerusalem, dat my grimmigheid nie soos ‘n vuur uitgaan en brand sonder dat iemand kan blus nie, weens die boosheid van julle handelinge". In beide gevalle gaan dit oor hoe hulle hulle eie lewenswandel VIR DIE HERE MOET HEILIG (afsonder).

- En kyk bietjie in Jer. 9:26, hoe die onbesnede hart spesifiek verwys na wanneer iemand "se hart verkeerd is", bv. die dinge wat daar genoem word is hoe die wyse hom beroem op sy wysheid , die sterke hom beroem op sy sterkte, en die ryke hom beroem op sy rykdom...(v. 23).  Interessant om te sien hoe hierdie spesifieke onderwerpe ook gereeld aangehaal word in die N.T. van Christene wat hulle hoop plaas in wysheid en rykdom ens.  Diesulkes word gesien as "onbesnede van hart".  Ons moet onderskei tussen "besnydenis van die vlees" en "besnydenis van die hart", want alhoewel baie besny na die vlees, is hulle nie noodwendig in die hart besny nie.  Dit is slegs die wat die geregtigheid liefhet, die GEHOORSAMES, wat sal deurgaan as "besnedenes". 

-(Mat 6:19)  Moenie vir julle skatte bymekaarmaak op die aarde, waar mot en roes verniel en waar diewe inbreek en steel nie;
-(Mat 6:20)  maar maak vir julle skatte bymekaar in die hemel, waar geen mot of roes verniel nie en waar diewe nie inbreek en steel nie;
-(Mat 6:21)  want waar julle skat is, daar sal julle hart ook wees.

Dus, alhoewel die belofte aan die volk van die Here gegee is dat "Hy self hulle harte sal besny" (in die tyd wanneer Hy hulle terugbring na hulle land na hulle verstrooiing) (Deu 30:6)  En die HERE jou God sal jou hart besny en die hart van jou nageslag, om die HERE jou God lief te hê met jou hele hart en met jou hele siel, dat jy kan lewe.....)., gaan besnydenis van die hart ook oor iets wat hulle self moes doen in die sin van dat hulle hulle eie lewenswandel moes heilig vir die Here - dit was verwag in die O.T. en word steeds verwag in die N.T.  'n "Onbesnede hart" verwys deels na die wat (alhoewel die TEKEN ontvang het as kinders van God, of bely dat hulle GLO) stap in sonde en ongehoorsaam is aan Hom (m.a.w. die wat die ongeregtigheid liefhet)(Lev. 26:41; Eseg. 44:9);   andersins verwys "onbesnede hart" na die wat nie geheilig is in die waarheid nie - hulle "sien" nie en "verstaan" nie.  Jesus het gereeld hierna verwys wanneer Hy met/van die skrifgeleerdes en Fariseers gepraat het, van hoe hulle harte stomp geword het... (Matt. 12:34,35; 13:14,15).  

_________________________________________________________________________________

Dus, om besny te wees na die vlees, beteken nie dat iemand noodwendig ook besny is na die hart nie!  Wat help dit iemand is besny na die vlees en dink dat hy aangeneem word omdat hy die wet onderhou, maar die waarheid is dat hy nie regtig die Here se wette verstaan nie en dit dus ook maar nie regtig nakom nie.  Hy is dus besny na die vlees, maar nie na die hart nie!  Wat die Here veral van die volk verwag het, was dat hulle hul eie harte moes besny! (en iets wat natuurlik steeds van Christene verwag word - dat hulle hul eie lewenswandel moet heilig/afsonder vir die Here). Die besnydenis v/d vlees het nie veel beteken as hulle nie ook hulle eie harte vir Hom besny het deur hulle lewens vir Hom af te sonder en die sonde neer te le nie.  

Maar soos gesien gaan die tema van "om die hart te besny" nie net oor iets wat van die mens verwag word nie, maar ook oor iets wat deur die Here self gedoen word.  En dit was ook geprofeteer dat die Here self die volk se harte sal besny (Deut. 30:6; Eseg. 11:19; 36:26,27; Jer. 31:33)- (Deu 30:6)  En die HERE jou God sal jou hart besny en die hart van jou nageslag, om die HERE jou God lief te hê met jou hele hart en met jou hele siel, dat jy kan lewe.........................)   in die sin van dat Hy vir hulle die waarheid sal bring en Sy wette in hulle harte skrywe...  Hierdie profesie is deels vervul toe Jesus Christus die eerste keer gekom het (2 Kor. 3:3; Hebr. 8:10; Rom. 7:22;...)  en dit sal ook heeltemal vervul word wanneer Hy terugkom (Jer. 31:33)(Heb 8:10 - "Want dit is die verbond wat Ek ná dié dae sal sluit met die huis van Israel, spreek die Here: Ek sal my wette in hulle verstand gee en dit op hulle hart skrywe; en Ek sal vir hulle ‘n God wees, en hulle sal vir My ‘n volk wees"). Net soos die kinders van die besnydenis van die vlees ONDER VERPLIGTING IS OM DIE HELE WET (van Moses) TE ONDERHOU, net so is die kinders van die besnydenis van die hart ONDER VERPLIGTING OM DIE HERE JESUS CHRISTUS TE GEHOORSAAM (en Sy wette is in hulle harte geskrywe, sodat hulle kan LEWE en Hom liefhe met hulle hele hart en siel...).

SO OM VERDER OP TE SOM: - Die wat besny is van hart, is die wat die waarheid ken en die Here gehoorsaam (en het ook die Gees van God). Dit is die wat SIEN en HOOR.  Hulle verstaan hoe 'n wet vervul word, terwyl die een wat verkeerd sien, dink dat hy die wet vervul, maar dit nie regtig vervul nie omdat hy verkeerd verstaan hoe dit vervul word - (vgl. hierdie tema met die wat "rein van hart" is - Matt. 5:8). Die wat onbesnede is van hart dink miskien dat hulle die wet onderhou, maar faal daarin omdat hulle nie regtig verstaan wat verwag word nie (hulle ken nie "die waarheid" nie).  Soos die persoon in Luk. 10:25-37, waar Jesus vir die wetgeleerde wys dat alhoewel hy self gereken het hy die tweede gebod nakom, hy dit eintlik nie nagekom het nie omdat hy nie verstaan het wat die begip "naaste" beteken nie! In die betrokke gedeelte maak Jesus nie die wet tot niet nie, maar wys dat dit anders vervul word as wat die persoon gedink het.  Die persoon was dus onder die indruk dat hy die wet gehoorsaam, maar hy het nie omdat hy verkeerd verstaan het hoe dit vervul word. Omdat sy hart nie besny is nie, "VERSTAAN" hy nie! Hy is m.a.w. bloot gehoorsaam aan 'n wet, maar verstaan nie presies "hoe" dit vervul word nie. Hy dien die wet en is gehoorsaam aan die wet.  Nog 'n vb. hiervan is toe Jesus gewys het dat werke op 'n Sabbat wat uit barmhartigheid gedoen word, nie gesien moet word soos "werke" nie.  Die onbesnedene van hart verstaan dit egter verkeerd want hy dink ook dat werke uit barmhartigheid  op 'n Sondag verkeerd is... Hier kan ons duidelik sien die verskil tussen die wat besnede is van hart (die wat die waarheid ken) en die wat onbesnede is van hart (die wat nie die waarheid ken nie-Tit. 1:10).  Die wat in Christus Jesus glo, word GEHEILIG (afgesonder) in die waarheid (Joh. 17:17,19) - hulle VERSTAAN en weet wat is die waarheid - hulle harte word besny (Fil. 3:3; Kol. 2:11...). Hulle dien nie meer die wet nie, maar behoort nou aan 'n ander - hulle dien Jesus Christus en is gehoorsaam aan Hom (Rom. 7:4).

--------------------------------------------------------------------------------------------------------

-  VOLK UIT DIE HEIDENE:

Die geslag wat die koninkryk sal beerwe, is die wat God se saad in hulle het (die wat die Heilige Gees ontvang - en l.w., die Gees van God wat deur Christus Jesus gestuur word).  Ons kan slegs "vrug verdien vir die ewige lewe" deur hierdie saad van die Gees van God, wat nodig is om eendag die opstanding tot lewe (ewige lewe) te verkry (en l.w., die ewige lewe wat deur Christus Jesus gegee gaan word, want die oordeel is in Sy hande!).  As iemand nie gehoorsaam is aan Christus nie, dan kan hy nie gedoop word in die Gees nie (en dan word hy nie gewederbaar nie), en sal hy ook nie eendag die opstanding tot lewe kan kry nie.

AS IEMAND NIE CHRISTUS JESUS BELY EN IN HOM GLO NIE, DAN IS DIT 'N BEWYS DAT HY NIE DIESELFDE VADER DIEN (as die Christen) NIE, WANT WANNEER IEMAND DIE VADER KEN, DAN OPENBAAR DIE VADER SELF AAN DAARDIE PERSOON DAT JESUS DIE CHRISTUS IS, DIE SEUN VAN DIE LEWENDE GOD! (Matt. 16:15-17)(Joh. 8:42).

(Gal 3:14)  sodat die seën van Abraham na die heidene kan kom in Christus Jesus, en dat ons die belofte van die Gees deur die geloof kan ontvang.

(1Kor. 7:18)  Is iemand as ‘n besnedene geroep—hy moet die besnydenis nie laat verander nie; is iemand as onbesnedene geroep—hy moet hom nie laat besny nie.

(Ef. 2:11)  Daarom, onthou dat julle wat vroeër heidene in die vlees was en onbesnedenes genoem word deur die sogenaamde besnydenis wat in die vlees met hande verrig word,
(Ef. 2:12)  dat julle in dié tyd sonder Christus was, vervreemd van die burgerskap van Israel en vreemdelinge ten aansien van die verbonde van die belofte, sonder hoop en sonder God in die wêreld.
(Ef. 2:13)  Maar nou in Christus Jesus het julle wat vroeër ver was, naby gekom deur die bloed van Christus.

(Hand. 15:14)  Símeon het vertel hoe God in die begin uitgesien het om ‘n volk uit die heidene vir sy Naam aan te neem.

(Hand. 15:15)  En hiermee stem die woorde van die profete ooreen, soos geskrywe is:

(Hand. 15:16)  Daarna sal Ek terugkom en die vervalle hut van Dawid weer oprig, en wat daarvan verwoes is, sal Ek weer oprig en dit herstel,

(Hand. 15:17)  sodat die oorblyfsel van die mense die Here kan soek, en al die nasies oor wie my Naam uitgeroep is, spreek die Here wat al hierdie dinge doen.
---------------------------------------------------------------------------------

"KINDERS VAN ABRAHAM" - in die sin van wie geroep is, uit wie kinders gekies word om te erf - VERWYS NIE SLEGS NA DIE NAGESLAG GEBORE UIT DIE VLEES, UIT DIE NAGESLAG VAN Abraham, Isak, Jakob... NIE, MAAR VERWYS NA ENIGE CHRISTEN (UIT ENIGE STAM, VOLK OF TAAL) WAT GEBORE IS NA DIE GEES - DIE WIE HULLE BEKEER HET EN GLO IN DIE HERE JESUS CHRISTUS EN GEDOOP IS IN HOM.

(Rom 9:6)  Maar ek sê dit nie asof die woord van God verval het nie; want hulle is nie almal Israel wat uit Israel is nie.

(Rom 9:7)  Ook nie omdat hulle Abraham se nageslag is, is hulle almal kinders nie; maar: in Isak sal jou nageslag genoem word.

(Rom 9:8)  Dit wil sê, nie hulle is kinders van God wat die kinders van die vlees is nie, maar die kinders van die belofte word gereken as die nageslag.

In die eerste gemeentes was hierdie 'n groot saak van bespreking van of die "Christen mans uit die heidene" ook besny moet word na die vlees, want baie het geleer dat die onbesnedene nie gered kan word nie  (Hand. 15:1).  In die N.T. is die besnydenis van die vlees egter tot geen nut, want die Christen word besny na die hart  (Hy plant Sy saad in hulle deur Sy Heilige Gees en dit maak hulle kinders van die Here Jesus Christus - is geroep waarvan die Christelike doop 'n teken en hulle word deel van Sy volk en Hy vir hulle 'n Here...);
-  maar, alhoewel die wat glo in Jesus Christus, Sy saad in hulle kry en BESNY WORD NA DIE HART deurdat Hy Sy wette in hulle harte skrywe, word ook in die N.T. van Christene verwag om hulle eie lewenswandel te heilig! (1 Pet. 1:15)(net soos van die volk in die O.T. verwag was om hulle eie harte te besny).

(Kol 2:11)  in wie julle ook besny is met ‘n besnydenis wat nie met hande verrig word nie, deur die liggaam van die sondige vlees af te lê in die besnydenis van Christus,

(Kol 2:12)  omdat julle saam met Hom begrawe is in die doop, waarin julle ook saam opgewek is deur die geloof in die werking van God wat Hom uit die dode opgewek het.

(Kol 2:13)  En julle, wat dood was deur die misdade en die onbesnedenheid van julle vlees, het Hy saam met Hom lewend gemaak deurdat Hy julle al die misdade vergeef het,

(Kol 2:14)  en die skuldbrief teen ons, wat met sy insettinge ons vyandig was, uitgedelg en weggeruim het deur dit aan die kruis vas te nael,

(Kol 2:15)  nadat Hy die owerhede en magte uitgeklee en hulle in die openbaar tentoongestel en daardeur oor hulle getriomfeer het.

-----------------------------------------------------------------------------------------------------------

Wat beteken dit dat daar KRAG is IN DIE NAAM VAN DIE HERE; en om in die Naam van die Here op te tree?

VIR DAGSTUKKIES OOR HIERDIE ONDERWERP, GAAN NA:

- http://warechristenedagstukkies.blogspot.co.nz/2014/02/somtyds-is-ons-kleingelowig.html
- http://warechristenedagstukkies.blogspot.co.nz/2014/03/hoe-raak-ons-kragtig-in-die-here.html
-  http://warechristenedagstukkies.blogspot.co.nz/2014/06/en-dan-sal-hy-se-ek-het-julle-nooit.html

----------------------------------------------------------------
In hierdie blogpost gaan ons kyk na wat dit beteken dat daar
"krag is in die
Naam van ons Here Jesus Christus" ,
 en wat dit beteken om 
"in die Naam van die Here op te tree".

========================================================================

(1) WAT BETEKEN DIT DAT DAAR "KRAG IS IN DIE NAAM VAN JESUS CHRISTUS"?:  

  *  (Jer 10:6)  Geeneen is soos U nie, o HERE! U is groot, en u Naam is groot in krag.....(Jer 10:12)  Hy wat die aarde gemaak het deur sy krag, wat die wêreld gegrond het deur sy wysheid en die hemel uitgespan het deur sy verstand.

*  (Dan 2:20)  Daniël het toe gespreek en gesê: Mag die Naam van God geprys word van ewigheid tot ewigheid, want die wysheid en die krag is syne.

*  (Rom 9:17)  Want die Skrif sê aan Farao: Juis hiervoor het Ek jou laat optree, dat Ek in jou my krag kan toon en dat my Naam verkondig kan word op die hele aarde; (Rom 9:18)  So is Hy dan barmhartig oor wie Hy wil en Hy verhard wie Hy wil.

*  (Ef. 1:20)  wat Hy gewerk het in Christus toe Hy Hom uit die dode opgewek het en Hom laat sit het aan sy regterhand in die hemele, (Ef. 1:21)  bo alle owerheid en mag en krag en heerskappy en elke naam wat genoem word, nie alleen in hierdie wêreld nie, maar ook in die toekomstige. (Ef. 1:22)  En Hy het alle dinge onder sy voete onderwerp en Hom as Hoof bo alle dinge aan die gemeente gegee, (Ef. 1:23)  wat sy liggaam is, die volheid van Hom wat alles in almal vervul.

BG. SKRIFGEDEELTES IN KONTEKS GENEEM, BETEKEN "KRAG IN DIE NAAM VAN DIE HERE", DAT DIE HERE GROOT IS -  "HY IS IN BEHEER, DIE LOT IS IN SY HANDE, ALLES IS AAN JESUS ONDERWERP" - "omdat Hy in beheer is, is daar krag in Sy Naam"

(Openb. 4:11)  U is waardig, o Here, om te ontvang die heerlikheid en die eer en die krag, want U het alles geskape en deur u wil bestaan hulle en is hulle geskape.

(Openb. 5:12)  en met ‘n groot stem het hulle gesê: Die Lam wat geslag is, is waardig om te ontvang die krag en rykdom en wysheid en sterkte en eer en heerlikheid en lof.

(Fil. 2:9)  Daarom het God Hom ook uitermate verhoog en Hom ‘n naam gegee wat bo elke naam is,

(Fil. 2:10)  sodat in die Naam van Jesus sou buig elke knie van die wat in die hemel en die wat op die aarde en die wat onder die aarde is,

========================================================================
(2) WAT DIT BETEKEN OM "IN DIE NAAM VAN JESUS CHRISTUS" OP TE TREE:

*  Kom ons kyk eerstens na wat dit beteken "om te SPREEK OF ander te LEER" IN DIE NAAM VAN JESUS CHRISTUS -
(soos die dissipels gedoen het...)

-(Hand. 4:18)  En hulle het hul geroep en hulle bevel gegee om in die geheel nie in die Naam van Jesus te spreek of te leer nie.   (dus in KONTEKS: (1) was hulle besig om die volk te leer - v.2;  (2) hulle het die opstanding van die dode verkondig -vir die wat IN JESUS is - v.2; (3) geloof  en saligheid in Jesus verkondig - v.4,12; (4) deur die Naam van Jesus iemand genees - v.9,10; (5) gespreek van die dinge wat hulle gesien en gehoor het (getuig)- v. 20) 

-(Hand. 5:40)  En hulle het na hom geluister. En nadat hulle die apostels ingeroep het, het hulle hul laat slaan en hulle bevel gegee om nie in die Naam van Jesus te spreek nie en hulle laat gaan.  (dus in KONTEKS: (1) -lering gegee oor Jesus; (2) Sy opstanding verkondig en dat Hy die Messias is; (3) bekering en vergifnis van sondes verkondig ens.)

-(Hand. 9:27)  Maar Bárnabas het hom geneem en na die apostels gebring en hulle vertel hoe hy op die pad die Here gesien het en dat Hy met hom gespreek het, en hoe hy in Damaskus vrymoediglik in die Naam van Jesus gespreek het. (dus in KONTEKS: (1) -Christus in die sinagoges verkondig - dat Hy die Seun van God is; (2) bewys dat Jesus die Christus is; vgl. met v.29 - Hand.9:29:- "en vrymoediglik gespreek in die Naam van die Here Jesus, en ook met die Griekssprekende Jode gepraat en geredetwis, maar hulle het probeer om hom dood te maak").

DUS:  Volgens bg. skrifgedeeltes, beteken "om 'n woord IN SY NAAM te spreek of ander IN SY NAAM te leer", die volgende : 

(1) "om van Hom te getuig", Jesus Christus te verkondig aan ander en te bewys dat Hy die ENIGSTE Saligmaker is, die Seun van God; 
(2)   om lering te gee en te verkondig wat Jesus vir ons gedoen het, bv. "om die opstanding uit die dode" en "vergifnis van sondes" te verkondig;
(3)  te getuig van Sy werke (bv. wat Hy doen, gawes en bedieninge wat Hy deur ons werk, ens.) en Sy genade (bv. persoonlike ervaringe met Hom - "sien en hoor").

*  WAT BETEKEN DIT OM IN IEMAND ANDERS SE NAAM OP TE TREE?:

(1Sa 17:45)  Maar Dawid sê vir die Filistyn: Jy kom na my met ‘n swaard en met ‘n spies en met ‘n lans, maar ek kom na jou in die Naam van die HERE van die leërskare, die God van die slagordes van Israel, wat jy uitgedaag het - vgl. dit met  (1Sa 25:5 - "stuur Dawid tien jongmanne, en Dawid sê aan die jongmanne: Trek op na Karmel en gaan by Nabal in en vra hom in my naam na die welstand") - ons moet verstaan wat dit beteken om "in die naam van" iemand anders op te tree.  As jy dan gestuur word om in iemand anders se naam op te tree, maar jy voer nie daardie persoon se wil uit nie, dan tree jy nie meer op ter wille van daardie persoon nie, maar vir jouself! Die Naam van Jesus moet nie soos 'n towerwoord gebruik word nie!  As 'n gelowige weergee dat hy iets se of doen "in die Naam van Jesus" (m.a.w. om in Sy Naam op te tree), maar hy tree nie op volgens die wil van die Here nie, dan tree hy eintlik op "vir homself"! Die waarheid is dat geeneen regtig "in outoriteit" die Naam van Jesus mag gebruik as dit wat hulle spreek, nie deur Hom beveel is nie! Elke gelowige moet dus seker maak van hierdie feit in hul Christelike lewens. As die Christen nie "bly in Hom" nie en Hom as eerste Liefde ken nie, kan hy maklik dink dat hy ter wille van die Here optree, maar in der waarheid is dit vir homself.  In die Ou Testament was die volgende oor sekere profete gese:  Deu 18:20 - "Maar die profeet wat so vermetel is om ‘n woord in my Naam te spreek wat Ek hom nie beveel het om te spreek nie, of wat in die naam van ander gode spreek, dié profeet moet sterwe" -  In die Nuwe Testament het Jesus ons egter beveel dat ons sulke mense moet verdra (Mark. 9:38,39) - elkeen sal uiteindelik geoordeel word vir sy dade. 

Elke gelowige moet verstaan dat, om in die Naam van die Here iets uit te spreek, nie gaan oor "outoriteit" nie, maar eerder "verantwoordelikheid" - ("gehoorsaamheid aan die Here") - dit gaan nie oor die status wat ek in die Here verkry het nie, maar oor "om 'n dienskneg" te wees. Gelowiges word uitgestuur soos "arbeiders" om te "oes". (As iemand "meer geloof" begeer, het Jesus verduidelik dat dit juis gaan oor om 'n dienskneg te wees... (Luk. 17)). As iemand nie die volle waarheid verkondig nie, dan tree hy nie meer op "in die Naam van die Here" nie, maar in sy eie naam.  As iemand 'n ander Jesus verkondig, of 'n ander weg of meer wee tot saligheid verkondig, of profeteer woorde wat die Here hom nie opdrag gegee het om te doen nie, of wereldse wysheid verkondig asof die Here se wil, dan tree so iemand nie meer op in die Naam van die Here nie!   

-  "omdat Hy in beheer is, is daar krag in Sy Naam" - dit is nie die Christen wat in beheer is nie!  Die Here is in beheer, en die Christen moet "ter wille van Hom" spreek, m.a.w. "Sy wil uitvoer..." (hoe kan jy Sy wil uitvoer, as jy nie weet wat Sy wil is nie?) -(Joh 15:4,5 - "Bly in My, soos Ek in julle. Net soos die loot geen vrug kan dra van homself as dit nie in die wynstok bly nie, so julle ook nie as julle in My nie bly nie.  Ek is die wynstok, julle die lote. Wie in My bly, en Ek in hom, hy dra veel vrug; want sonder My kan julle niks doen nie"). 

*  WAT BETEKEN DIT OM "TEEN DIE NAAM VAN JESUS" OP TE TREE?  -Paulus noem die tyd wat hy die gelowiges vervolg het, 'n tyd wat hy "teen die Naam van Jesus" daardie dinge gedoen het:   (Hand. 26:9 - Wat my betref, ek het gemeen dat ek baie vyandige dinge teen die Naam van Jesus die Nasaréner moes doen).  
Die persoon wat egter "in die Naam van Jesus" optree, verteenwoordig die Here en erken Hom as Here en in beheer:  (Mat 25:40)  En die Koning sal antwoord en vir hulle sê: Voorwaar Ek sê vir julle, vir sover julle dit gedoen het aan een van die geringstes van hierdie broeders van My, het julle dit aan My gedoen - kyk ook v.45.  Alhoewel sommige gelowiges dink dat hulle altyd "in die Naam van Jesus" optree, is dit tog nie so nie - baie gelowiges tree "teen die naam van Jesus" op wanneer hulle bv. in die pad staan van 'n ander broer se bediening, kwaadspreek van sy broeder, sy broeder vervloek ens.  

ANDER VERSE:

*  "DOOP" IN DIE NAAM VAN JESUS CHRISTUS; (in die Naam van die Vader, die Seun en die Heilige Gees) -

(Hand. 2:38)  En Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang. -(wanneer 'n gelowige gedoop word in die Naam van Jesus, dan word hy begrawe saam met Jesus in Sy dood - opstanding tot lewe;  sondige liggaam word gekruisig - RAAK DIENSBAAR AAN DIE HERE, nie meer diensbaar aan die sonde nie - Rom. 6)

(Mat 28:19)  Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.

*  "MENSE KAN GESOND WORD" DEUR  DIE NAAM VAN JESUS CHRISTUS -

(Hand. 4:10)  laat dit bekend wees aan julle almal en aan die hele volk van Israel dat deur die Naam van Jesus Christus, die Nasaréner, wat julle gekruisig het, maar wat God uit die dode opgewek het, dat deur Hom hierdie man gesond voor julle staan.

*  Deur te glo, "LEWE" IN SY NAAM -

(Joh 20:31)  maar hierdie is beskrywe, dat julle kan glo dat Jesus die Christus is, die Seun van God; en dat julle deur te glo die lewe kan hê in sy Naam.

*  "GLO" IN DIE NAAM VAN JESUS CHRISTUS -

(1Jn 3:23)  En dit is sy gebod, dat ons in die Naam van sy Seun, Jesus Christus, moet glo en mekaar liefhê soos Hy ons ‘n gebod gegee het.

*  "GEREGVERDIG" IN DIE NAAM VAN DIE HERE JESUS (en deur die Gees van God) -

(1Kor. 6:11)  En dit was sommige van julle; maar julle het jul laat afwas, maar julle is geheilig, maar julle is geregverdig in die Naam van die Here Jesus en deur die Gees van onse God.

*  "DANK DIE VADER" IN DIE NAAM VAN JESUS CHRISTUS -

(Ef. 5:20)  terwyl julle God die Vader altyd vir alles dank in die Naam van onse Here Jesus Christus
(Kol. 3:17)  En wat julle ook al doen in woord of in daad, doen alles in die Naam van die Here Jesus en dank God die Vader deur Hom.

*  "VRA" DIE VADER IN DIE NAAM VAN JESUS CHRISTUS -
(Joh 16:23)  En in daardie dag sal julle My niks vra nie. Voorwaar, voorwaar Ek sê vir julle, alles wat julle die Vader sal vra in my Naam, sal Hy julle gee.
(Joh 16:24)  Tot nou toe het julle niks in my Naam gevra nie. Bid en julle sal ontvang, sodat julle blydskap volkome kan wees. - kyk ook Joh. 14:13 en 15:16.

*  ROEP DIE NAAM VAN JESUS CHRISTUS AAN -
(1Kor. 1:2)  aan die gemeente van God wat in Korinthe is, aan die geheiligdes in Christus Jesus, die geroepe heiliges, saam met almal wat die Naam van onse Here Jesus Christus in elke plek aanroep, ...; -(1Kor. 1:9 - God is getrou, deur wie julle geroep is tot die gemeenskap met sy Seun Jesus Christus, onse Here).

*  "DOEN" ALLES IN DIE NAAM VAN JESUS CHRISTUS -
(Kol. 3:17)  En wat julle ook al doen in woord of in daad, doen alles in die Naam van die Here Jesus en dank God die Vader deur Hom.

*  "LEWE OORGEE" VIR DIE NAAM VAN JESUS CHRISTUS -
(Hand. 15:26)  manne wat hulle lewe oorgegee het vir die Naam van onse Here Jesus Christus.

*  "VERMAAN" IN DIE NAAM VAN JESUS CHRISTUS -
(1Kor. 1:10)  Maar ek vermaan julle, broeders, in die Naam van onse Here Jesus Christus, om almal eenstemmig te wees, en dat daar geen skeuringe onder julle moet wees nie, maar dat julle verenig moet wees in dieselfde gesindheid en in dieselfde mening.
(1Kor. 5:1-5) "........ om hom wat so iets gedoen het, in die Naam van onse Here Jesus Christus, as julle vergader het en my gees saam met die krag van onse Here Jesus Christus—..."

*  "BEVEEL" IN DIE NAAM VAN JESUS CHRISTUS -
(2Th 3:6)  Ons beveel julle, broeders, in die Naam van onse Here Jesus Christus, dat julle jul onttrek aan elke broeder wat onordelik wandel en nie volgens die oorlewering wat hy van ons ontvang het nie.

*  HOE DIE NAAM VAN JESUS CHRISTUS IN GELOWIGES VERHEERLIK WORD -
(2Th 1:12)  sodat die Naam van onse Here Jesus Christus in julle verheerlik kan word en julle in Hom, ooreenkomstig die genade van onse God en die Here Jesus Christus.

*  OM "TE STERWE" VIR DIE NAAM VAN JESUS CHRISTUS:
(Hand. 21:13)  Maar Paulus het geantwoord: Wat doen julle dat julle ween en my hart week maak? Want ek is bereid nie alleen om gebind te word nie, maar ook om in Jerusalem te sterwe vir die Naam van die Here Jesus.

========================================================================

(3)  HOEKOM ONTVANG DIE GELOWIGE KRAG?:
Waar die Christen in Ef. 6 beveel word om KRAGTIG TE WORD IN DIE HERE, gaan dit nie oor "outoriteit" nie, maar in konteks gaan die skrifgedeelte oor onderwerping aan die Here se wil, om Hom gehoorsaam te wees, om Hom te vertrou, die waarheid te soek, in geregtigheid te stap ens., m.a.w. dit is 'n "verantwoordelikheid".

-(Hand. 9:22)  Maar Saulus het al meer krag ontvang en die Jode wat in Damaskus woon, in die war gebring deur te bewys dat Hy, Jesus, die Christus is. (WAT IS DIE REDE HOEKOM HY MEER KRAG ONTVANG HET? -om te getuig)

-(Hand. 1:8)  maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judéa en Samaría en tot aan die uiterste van die aarde. (WAT IS DIE REDE VIR "KRAG ONTVANG"? - om getuies te wees)

-(Hand. 4:29,30)  En nou, Here, let op hulle dreigemente en gee aan u diensknegte om met alle vrymoedigheid u woord te spreek, deurdat U u hand uitstrek tot genesing, en tekens en wonders deur die Naam van u heilige Kind Jesus plaasvind. (WAT IS DIE REDE HOEKOM HULLE VRA DAT DIE HERE WONDERS, TEKENS ENS. DOEN? -om met vrymoedigheid te kan getuig!)

DIE GELOWIGE ONTVANG NIE KRAG OM WONDERWERKE OF WATOOKAL TE DOEN NIE, 

MAAR ONTVANG KRAG VIR DIE REDE "OM TE KAN GETUIG" -en dan sal ander dinge soos wonderwerke natuurlik volg, soos om in die gawes en bedieninge te stap.... (Hand. 1:8 - "maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judéa en Samaría en tot aan die uiterste van die aarde") - dus,  wanneer die Here wonderwerke, genesings of tekens deur die gelowige doen, is die rede vir "getuienis"!
Die gelowige moet nie begeer dat die Here hom vul met krag sodat hy wonderwerke kan doen nie, maar sodat hy kan getuig!

IN HIERDIE KONTEKS IS DIT OOK DUIDELIK DAT OM IN DIE NAAM VAN DIE HERE OP TE TREE, TE DOEN HET MET GETUIENIS!  

========================================================================