...soos ons ook ander vergewe (2)

VIR DIE EERSTE DEEL OOR HIERDIE ONDERWERP, GAAN NA:

http://warechristene.blogspot.co.nz/2014/07/soos-ons-ook-ander-vergewe-1.html

====================================
(2) Wetend en onwetende sonde teen ander:

Die onderwerp van vergifnis in geheel, staan nie los van enige voorwaardes nie en is onderwerp aan die Here se reels, maar net soos die Here barmhartig is, so moet ons ook barmhartig wees!

Dit is veral in hierdie konteks wat die Here ons geleer het om mekaar te vergewe - ons moet barmhartig wees teenoor mekaar!  Net soos die Here ons vergewe, moet ons ook die hart he/dieselfde gesindheid he om ander te vergewe.  
Daar word egter baie meer barmhartigheid bewys in die geval van "onwetende" sondes, as "wetende sondes".  Gaan gerus na hierdie blogpost om die onderwerp van "onwetende sondes" beter te verstaan: http://warechristene.blogspot.co.nz/2014/05/wat-word-bedoel-met-onwetende-sonde.html . Tog, bekering was nog altyd 'n voorwaarde voor enige iemand vergifnis van sondes ontvang (selfs ook in die geval van onwetende sondes)!, maar daar word nie so maklik barmhartigheid bewys in die geval van "wetende" sondes nie, want in die geval van wetende sondes moet iemand baiemaal eers deur 'n proses gaan waar hy tot berou gelei word, terwyl in die geval van onwetende sondes, moet die persoon slegs tot insig gebring word - as hy egter nou tot insig kom, maar steeds hom nie bekeer nie, dan raak hy deel van die groep wat wetend is. Vergifnis is nie moontlik sonder bekering nie!

  In die geval van wetende sondes moet iemand eers berou he, voor die sonde vergewe kan word (in so 'n geval sal iemand bv. jammer se vir wat hy verkeerd gedoe het teenoor 'n ander - "sonde bely"). Die persoon wat onwetende sondes gepleeg het, kan nie tot berou kom vir iets wat hy in die eerste plek nie eens besef het hy verkeerd doen nie, maar wanneer hy tot insig kom, is bekering steeds nodig!  Selfs in die geval van "onwetende sondes" moes die volk ook offers bring om in guns te kom by die Here (Eseg. 45:20);  of iemand moes 'n offer bring wanneer sy sonde aan hom bekend word... (Lev. 4:27,28). Sommige geleerdes preek dat die Here outomaties "onwetende sondes" vergewe, maar is dit werklik so?  -As Jesus se woorde op die kruis, ("...Vader, vergeef hulle, want hulle weet nie wat hulle doen nie. ..") beteken het dat hulle sondes outomaties ten volle vergewe is, dan was evangelie-prediking nie nodig gewees nie, en Petrus se opdrag in Hand. 3 ("dat hulle tot bekering moet kom") nie nodig nie! - en l.w. dat hy hier met mense gepraat het wat vroeer "onwetend" was!  Wat dit eerder op wys, is dat die Here baie meer barmhartig is teenoor "onwetende sondes", as teenoor (wetende) sondes, en dat dit ook van ons verwag word.   (http://warechristene.blogspot.co.nz/2012/01/is-daar-iets-soos-groot-en-klein-sonde.html). Wanneer die onwetende tot insig kom, moet hy hom steeds "bekeer" - dit is duidelik dat selfs in voorbeelde van evangelie-prediking in die skrif, "bekering" ook 'n voorvereiste was vir die wat "onwetend" gesondig het (bekering 'n voorwaarde voor hulle vergifnis van sondes kon ontvang) - (lees Hand. 3:17-19) - die persoon moet dus steeds kies om hom te bekeer tot die Here,  voor sy sondes weggewas kan word. (Iemand wat "kundig" raak, maar weier om hom te bekeer, kies om ongelowig te wees!)  Dit is maklik vir iemand wat onwetend gesondig het om hom te bekeer wanneer sy sonde aan hom bekend word, maar die persoon wat opsetlik sondig, en dit nie wil bely nie, moet eers tot berou kom, sodat hy dit kan bely (- nie tot insig nie, want hy het alreeds insig!)  

In die geval waar ons ander vergewe, beteken dit egter ook nie dat daardie persoon outomaties deur die Here vergewe is nie, want v e r g i f n i s   i s   o n d e r w e r p   a a n   d i e   H e r e   s e   r e e l s.  Die "mag" wat die Christen verkry "om sondes te vergewe" is nie onderwerp aan die mens se wil nie, maar aan die Here se wil! Ons moet ook meer barmhartig wees en verdra die wat onwetende sondes teen ons pleeg, maar wetende sondes word nie so maklik vergewe nie! - die persoon moet eers tot berou kom voor hy vergewe kan word. En in die geval van onwetende sondes, moet daardie persoon eers tot insig gebring geword, voor hy hom kan bekeer daarvan, maar natuurlik oordeel ons nie die wereldse mens op sonde nie, want hy het nie die geregtigheid soos die kind van God nie. Ons wys nie die wereldse mens op sonde nie, maar bring vir hom die waarheid (en deel van die waarheid is natuurlik dat hy verlore is in sy sonde).  In daardie sin word daar meer barmhartigheid bewys aan die een wat nog nie kundig is nie.

========================================================================

(3)  - Wat beteken dit wanneer ons "mekaar vergewe"? 

(Mat 6:12)  en vergeef ons ons skulde, soos ons ook ons skuldenaars vergewe;

(Mat 6:14)  Want as julle die mense hulle oortredinge vergewe, sal julle hemelse Vader julle ook vergewe.

(Mat 6:15)  Maar as julle die mense hulle oortredinge nie vergewe nie, sal julle Vader julle oortredinge ook nie vergewe nie.

*  DIE WOORD "VERGEWE" IN HIERDIE SKRIFGEDEELTE, IS DIE GRIEKSE WOORD: "af-ee-ay-mee", wat beteken "lay aside, leave, let (alone, be, go, have), omit, put (send) away, remit....". 

Dit is ook dieselfde woord wat gebruik word waar ons beveel word om "mekaar te vergewe". Op dieselfde wyse wat die Here ons vergewe, moet ons ook ander vergewe!  Hierdie BARMHARTIGHEID moet ons teenoor ander toon, wat die Here ook aan ons toon, dat ons liewer 'n begeerte het om "vry te spreek", as om sondes teen iemand te hou! Die Here ag dit so belangrik, dat sou ons nie hierdie barmhartigheid aan ander bewys nie, Hy ook nie aan ons barmhartigheid sal bewys nie!
(Mat 22:39)  En die tweede wat hiermee gelykstaan: Jy moet jou naaste liefhê soos jouself.  

Dit is dus duidelik volgens Matt. 6 dat "om iemand anders te vergewe", dieselfde is as "soos hoe die Here ons vergewe". In beide gevalle word die sonde weggevee en gelos in die verlede. In die geval van waar die Here ons vergewe, sal ons nie onder oordeel val vir daardie sondes nie.  Vergifnis gaan m.a.w. daaroor dat ek nie meer hoef te "betaal" vir my sonde nie (sal nie onder oordeel val nie). Wanneer iemand regtig vergewe, dan moet ook hy nie meer daardie sonde teen die persoon hou nie - hy moet nie die persoon hanteer asof hy nog moet betaal vir daardie sonde nie.  As ons dit verstaan, dan verstaan ons ook beter wat bedoel word in punt (2).  Die persoon wat alreeds wetend is van sy sonde, maar geen berou het nie, moet betaal vir sy sonde (en kan dus nie vergewe word nie) - hy weet wat is die waarheid, maar wil hom nie bekeer van sy sonde nie.  Dit is eers wanneer hy tot berou kom en daardie sonde bely (hom bekeer daarvan), wat hy vergewe kan word, (en sal dan nie meer daarvoor hoef te betaal nie).  Waar iemand egter onwetend sondig, moet hy eers wetend raak voor hy by die punt kan kom van bekering (nie tot berou kom nie, want hy weet nie dat hy sondig nie!). 

*  'N ANDER WOORD WAT GEBRUIK WORD VIR VERGEWE (nl. "VERGEEF"), is soos die in Ef. 4:32 - ("Maar wees vriendelik en vol ontferming teenoor mekaar; vergeef mekaar soos God ook in Christus julle vergewe het), is die Griekse woord:  "khar-id'-zom-ahee", wat beteken "to grant as a favor, in kindness, pardon or rescue- freely give, grant".  Dieselfde woord word ook gebruik in 2 Kor. 7, (v.10: "Aan wie julle iets vergewe, vergeef ek ook; want wie ek ook vergeef het—as ek iets vergeef het—dit was om julle ontwil voor die aangesig van Christus, sodat ons nie deur die Satan bedrieg sou word nie"). (Kyk ook Kol. 3:13).  
Ook hier sien ons dat dit spes. verwys na om goedhartig te wees, en net eenvoudig iemand vry te spreek van die straf.  Waar iemand "vergewe", maar steeds hoop dat die persoon betaal vir sy oortreding, is dit nie vergifnis nie! 

Wat is die waarheid 2

VIR DIE EERSTE EN DERDE GEDEELTES OOR HIERDIE ONDERWERP, GAAN NA:

http://warechristene.blogspot.co.nz/2014/06/wat-is-die-waarheid.html

http://warechristene.blogspot.co.nz/2014/08/wat-is-die-waarheid-3.html

========================================================================
JESUS HET BAIE KLEM GELE OP DIE FEIT DAT ONS MOET "HOOR".  Dink maar aan die talle kere wat Hy die woorde gebruik het, "wie ore het om te hoor, laat hom hoor".

Die manier hoe 'n persoon "hoor" bepaal of hy gaan vrug dra of nie, en kan ook die vrug v/d gelowige beinvloed.  Om hierdie beter te verstaan kan ons veral kyk na die "gelykenis van die saaier" - telkens, in die geval van elke groep, gaan dit oor of hulle "hoor", en of hulle bly in daardie waarheid wat hulle "gehoor" het (wat hulle glo/aangeneem het). Die saad (in die gelykenis van die saaier), verwys na die woord van God (die waarheid).  Die tema van "om te hoor" in die Skrif, verwys nie net na hoe iemand die waarheid hoor nie, maar is meer verwysend na of daardie persoon die waarheid AANNEEM of nie.  Gee hy ag op die waarheid?  En glo hy in so 'n mate in daardie waarheid dat hy dit toepas in sy lewe?  Is hy skaam vir die waarheid, of staan hy op vir die waarheid?  Hierdie manier van hoe iemand "hoor", het 'n groot invloed op die VRUG van die gelowige.  Iemand wat die waarheid verkondig, verkondig Jesus se leringe en is gehoorsaam aan Hom - hulle is waarlik Sy dissipels! (Joh 18:37 -".....Hiervoor is Ek gebore en hiervoor het Ek in die wêreld gekom, om vir die waarheid te getuig. ELKEEN WAT UIT DIE WAARHEID IS, LUISTER NA MY STEM"). Toe Jesus die dissipels uitgestuur het in Matt. 28:19, het Hy hulle nie net gestuur om "dissipels te maak" van alle nasies en hulle te doop nie, MAAR HET OOK DIE VOLGENDE OPDRAG GEGEE:  "en leer hulle om alles te onderhou wat Ek julle beveel het". Jesus het bv. geleer dat ons vervolg sal word net soos Hy - as iemand nou kom en leer dat dit nie die Here se wil is dat Sy kinders deur vervolging gaan nie, is dit nie die waarheid nie, want die Here Jesus het die teenoorgestelde vir ons geleer!    ELKEEN WAT UIT DIE WAARHEID IS, LUISTER NA SY STEM...  

Die wat nie ag gee op Jesus se leringe en "wat die waarheid is" nie, maar die waarheid verdraai, is of nie Sy dissipels nie, of staan die gevaar om afgesny te word - hierdie is natuurlik in die geval van waar iemand wetend is van die waarheid, maar dit nie aanvaar nie en dit verdraai om selfsugtige redes - dit is nou nie in die geval van waar gelowiges onwetend dink dat hulle die waarheid volg, maar hulle eintlik valse leerstellings navolg nie!(http://warechristene.blogspot.co.nz/2013/07/as-iemand-se-werk-verbrand-word-sal-hy.html)(http://warechristene.blogspot.co.nz/2014/05/wat-word-bedoel-met-onwetende-sonde.html ). Daar is bv. nie een Christelike kerk in vandag se lewe wat die volle waarheid verkondig nie, tog is daar ware Christene in elke Christelike kerk! In elke kerk is daar Christene wat onwetend is, maar daar is ook die wat wetend is.  Ons moet verstaan dat "onwetende sondes" anders behandel word as wetende sondes, en daarom versigtig wees om Christelike kerke te probeer ontwortel, want in die proses kan ons die "koring saam met die onkruid uittrek"!  Waaroor dit egter hier gaan is dat elke gelowige persoonlik moet seker maak hy "hoor"!  Waar iemand wetend is van die waarheid, maar nie ag gee daarop nie, kan dit veroorsaak dat hy vrug verloor.

-(Mar 4:23)  As iemand ore het om te hoor, laat hom hoor.
-(Mar 4:24)  En Hy het vir hulle gesê: Pas op wat julle hoor; met die maat waarmee julle meet, sal vir julle gemeet word, en daar sal bygevoeg word vir julle wat hoor.

-(Mar 4:25)  Want wie het, vir hom sal gegee word; en wie nie het nie, van hom sal weggeneem word ook wat hy het.  -En dit is presies wat verduidelik word in die gelykenis vd saaier...  hoe die persoon wat wel vrug dra, sy vrug kan verloor as hy nie "vashou" nie - as hy nie leef volgens die WAARHEID nie, as hy nie ag gee op die leringe en woorde van die Here Jesus Christus nie!

Die woord "bekeer" in die Skrif, het verskillende betekenisse in die verskillende skrifte.  O.a. beteken dit om terug te keer na die Here - te bekeer van sonde en werke;  andersins beteken dit ook om te bekeer van afgodsoffers, en te besluit om die Here alleen te dien.  En dan die 3de betekenis, en veral gebruik toe Johannes die Doper mense opgeroep het tot bekering (waar hy die pad vir die Messias gereed gemaak het), en waar Jesus aan die begin van Sy bediening die mense opgeroep het tot bekering - in hierdie skrifte beteken die woord "bekeer", "om te verander die manier van hoe jy dink" - m.a.w. om agterna "anders te dink" - om te besluit jy wil dink soos die Here dink!  Jesus het vir ons die WAARHEID kom bring - dit was dus belangrik dat mense juis hier (aan die begin van Jesus se bediening) gevra was om hulle te bekeer tot die Here, hulself oop te stel vir Sy waarheid sodat hulle dit kon ontvang.  Dit is duidelik dat baie hulle nie bekeer het van die manier hoe "hulle gedink" het nie!  Baie gelowiges vandag het hulle ook nog nie bekeer tot Here van die manier hoe hulle dink nie, en bely dat hulle "glo", maar glo nog soos hulle wil.  DIE WAARHEID IS NIE WAT ONS WIL HE DIT MOET WEES NIE, MAAR WAT DIE HERE VIR ONS VERTEL DIT IS...  Elkeen van ons moet seker maak dat ons ons bekeer het van die manier "hoe ons dink", en ons oopstel vir die Here se waarheid!

------------------------------------------------------------------------------------------------------------

-------------------------------------------------------------------------------

Drie van die vier groepe in die gelykenis van die saaier, gaan oor GELOWIGES.  Dit is mense wat die WAARHEID gehoor het en aanneem, maar slegs 1 van die 3 groepe kan seker wees daarvan dat hulle sal ingaan in die koninkryk!  Die tweede groep (in die gelykenis van die saaier)(wat praat van gelowiges),  ontvang die waarheid, maar glo dit net vir 'n tyd - in tye van versoeking of vervolging twyfel hulle, en "val af".  Die 3de groep begin selfs vrug dra!, maar gee nie ag op wat Jesus vir ons geleer het nie, en begin weer die sonde en hulle eie wil te dien (genietinge van die lewe, verleiding vd rykdom, begeerlikhede in verband met ander dinge en sorge vd wereld) - hulle gee nie ag op Jesus se leringe (gee nie ag op die WAARHEID nie) waar Hy bv. vir ons leer dat ons liewer moet ryk raak in die Here as om skatte te vergader (Luk. 12), of dat ons moet pas op dat ons harte nie beswaar word deur swelgery en dronkenskap en sorge vd lewe nie... (Luk. 21), ens.  Waar 'n gelowige wetend raak van die waarheid, maar nie "HOOR" nie, dan sondig hy wetend, en dan gaan hy nie vrug dra nie, of kan sy vrug verloor.  DIT DAN DIE REDE WAAROM JESUS PROFESIE AANGEHAAL HET T.O.V. SEKERES VD VOLK:  (Mat 13:13)  "Daarom spreek Ek tot hulle deur gelykenisse, omdat hulle, terwyl hulle sien, nie sien nie, en terwyl hulle hoor, nie hoor of verstaan nie.(Mat 13:14)  En aan hulle word die profesie van Jesaja vervul wat sê: Met die gehoor sal julle hoor en glad nie verstaan nie, en julle sal kyk en kyk, en glad nie sien nie.(Mat 13:15)  Want die hart van hierdie volk het stomp geword, en met die ore het hulle beswaarlik gehoor; en hul oë het hulle toegesluit, sodat hulle nie miskien met die oë sou sien en met die ore hoor en met die hart verstaan en hulle bekeer en Ek hulle genees nie".  IEMAND WAT WETEND RAAK VAN DIE WAARHEID, MAAR NIE AG GEE DAAROP NIE, IS SOOS IEMAND WIE SE HART STOMP GEWORD HET - hy hoor, maar verstaan nie, en kyk, maar sien nie... DAAROM GAAN DIT OOR GEHOORSAAMHEID AAN DIE HERE JESUS CHRISTUS, GEHOORSAAM AAN DIT WAT HY GELEER HET, VIR ONS BEVEEL HET... JESUS HET VIR ONS DIE WAARHEID KOM DEEL! (Joh. 1:17).  Glo jy in Sy woorde? Het jy die waarheid aangeneem?

(Luk 6:46)  En wat noem julle My: Here, Here! en doen nie wat Ek sê nie?
(Luk 6:47)  Elkeen wat na My toe kom en na my woorde luister en dit doen Ek sal julle wys soos wie hy is.
(Luk 6:48)  Hy is soos ‘n man wat ‘n huis bou, wat gegrawe en diep ingegaan en die fondament op die rots gelê het; en toe die vloedwater kom en die stroom teen daardie huis losbreek, kon hy dit nie beweeg nie, omdat sy fondament op die rots was.

OOK IN HIERDIE GEDEELTE SIEN ONS DUS WEER DUIDELIK DAT DIE MANIER HOE IEMAND BOU, TE DOEN HET MET "OF HULLE LUISTER NA DIE WOORD VAN DIE HERE".  "Hoor" hulle die waarheid?  Gee hulle ag op die waarheid? Ook Paulus waarsku dat ons moet pasop "hoe ons bou" (1 Kor. 3:10).  En gaan lees gerus die gedeelte in konteks vanaf hfst. 1 - Paulus het hulle oor die vingers getik oor hulle kies vir watter leermeesters hulle glo, en dan dink dat hulle baie wys is, maar eintlik besig om verkeerd te bou (en l.w., hierdie was weer in die geval waar hulle "wentend" was vd waarheid!, nie 'n vb. van "onwentend" nie).  Dit gaan hier oor watter leringe ons toelaat en waarvolgens ons lewe!  Ons moet volgens die waarheid lewe, nie volgens leringe wat ons in die gehoor streel nie; en ons moet nie die waarheid verdraai sodat dit vir ons pas nie.

DIT IS DUIDELIK TE SIEN WIE DIE KINDERS VD WAARHEID IS - DIT IS DIE WAT AG GEE OP DIE HERE JESUS SE OPDRAGTE, EN AG GEE OP DIE LERINGE RONDOM / DIE EVANGELIE VAN DIE KONINKRYK VAN GOD...
========================================================================


Nog skrifte oor die "waarheid":
(Joh 3:20)  Want elkeen wat kwaad doen, haat die lig en kom nie na die lig nie, dat sy werke nie bestraf mag word nie.
(Joh 3:21)  Maar hy wat die waarheid doen, kom na die lig, sodat sy werke openbaar kan word, dat hulle in God gedoen is.

------------------------------------------------------------------------------------------------------------

(Rom 2:8)  maar aan die wat eiesinnig en aan die waarheid ongehoorsaam, maar aan die ongeregtigheid gehoorsaam is grimmigheid en toorn;

------------------------------------------------------------------------------------------------------------

(2Co 4:2)  Maar ons het van die heimlike dinge wat skandelik is, afstand gedoen, en ons wandel nie in listigheid of vervals die woord van God nie; maar deur die waarheid aan die lig te bring, beveel ons ons by elke menslike gewete voor God aan.

------------------------------------------------------------------------------------------------------------

(Gal 2:14)  Maar toe ek sien dat hulle nie reguit loop volgens die waarheid van die evangelie nie, het ek vir Petrus in teenwoordigheid van almal gesê: As jy wat ‘n Jood is, soos ‘n heiden lewe en nie soos ‘n Jood nie, waarom dwing jy die heidene om soos Jode te lewe?

------------------------------------------------------------------------------------------------------------

(1Ti 6:5)  nuttelose stryery van mense wat verdorwe in hulle verstand en van die waarheid beroof is en dink dat die godsaligheid winsgewend is. Onttrek jou aan sulke mense.

------------------------------------------------------------------------------------------------------------

(1Jn 2:4)  Hy wat sê: Ek ken Hom, en sy gebooie nie bewaar nie, is ‘n leuenaar en in hom is die waarheid nie.

------------------------------------------------------------------------------------------------------------

(1Jn 4:6)  Ons is uit God; hy wat God ken, luister na ons; hy wat nie uit God is nie, luister nie na ons nie. Hieruit ken ons die Gees van die waarheid en die gees van die dwaling.

------------------------------------------------------------------------------------------------------------

(1Jn 5:6)  Dit is Hy wat deur water en bloed gekom het, Jesus die Christus; nie deur die water alleen nie, maar deur die water en die bloed; en dit is die Gees wat getuig, want die Gees is die waarheid.

------------------------------------------------------------------------------------------------------------
http://warechristene.blogspot.co.nz/2013/07/hoekom-voel-sommige-christene-dat-die.html
http://warechristene.blogspot.co.nz/2013/07/hoekom-voel-sommige-christene-dat-die_16.html

Honger, dors, vreemdeling, naak, siek, opgesluit (6) - SIEK / ONGESTELD / GEWOND

Vir ander voltooide poste in hierdie reeks, gaan na:
- Inleiding:  https://warechristene.blogspot.com/2017/10/honger-dors-vreemdeling-naak-siek-en.html
- Honger:  https://warechristene.blogspot.com/2017/10/honger-dors-vreemdeling-naak-siek.html
- Dors: https://warechristene.blogspot.com/2018/03/honger-dors-vreemdeling-naak-siek.html
- BEKLEDING: https://warechristene.blogspot.com/2020/03/honger-dors-vreemdeling-naak-siek.html
_________________________________________________________________________________

INLEIDING: 
Betekenis van SIEK, ONGESTELD, GEWOND (figuurlik bedoel, van die innerlike mens):

Rol af vir die volgende opsommings:
- (1) Siek/besoek;
- (2) Medisyne;
- (3) Siektes lei somtyds tot die dood;
- (4) Gewondes en "Suurdeeg".

Hierdie is een van 'n reeks poste waarin gekyk word na die tema van barmhartigheid, maar met die klem op die figuurlike betekenis daarvan, want "om barmhartig te wees" verwys nie net na letterlike gebare van barmhartigheid nie maar word ook figuurlik gebruik in die skrif.  M.a.w. om barmhartigheid te bewys deur iemand wat siek is te besoek, gaan nie net oor besoeking vd wat letterlik siek is (in die uiterlike mens) nie, maar ook oor besoeking aan die wat "siek" is in die innerlike mens. Op dieselfde manier word daar in ander poste in hierdie reeks gekyk na soortgelyke onderwerpe rakende barmhartigheid bv. honger, dors, naak ens., wat ook nie net letterlik nie maar ook figuurlik (bv. vd innerlike mens) gebruik word. Ons het o.a. gesien in die pos oor honger/kos dat "kos" nie net verwys na voedsel vir die maag vd uiterlike mens nie, maar kan ook verwys na die woorde van God...  Om m.a.w. vir iemand kos te gee, gaan nie net oor letterlik voed nie maar ook oor geestelike voedsel (woorde van God) gee (Matt. 24:45 ens.)...

Op dieselfde wyse word daar somtyds na iemand verwys as "siek", tog nie altyd verwys dit na die uiterlike mens wat siek is nie maar dit kan ook verwys na die innerlike mens wat siek is. In vandag se lewe probeer die sielkundige veld o.a. hierin help, maar natuurlik verskil Christen sielkundiges en wereldse sielkundiges hieroor.in sieninge en oplossings. Net soos mense somtyds siek word aan die uiterlike mens a.g.v. sonde in hulle lewens, net so kan sonde iemand se innerlike mens siek maak sodat dit sy geestestoestand aantas. Baie ander dinge het ook 'n effek op die geestestoestand bv., die mens kan nie alleen leef van voedsel (wat vegaan)(m.a.w. verwysend na voedsel vir die uiterlike mens) nie, maar het ook voedsel (die regte soort) nodig vir die innerlike mens om aan die lewe te bly. As 'n Christen nie geestelike kos en water inneem nie, kan hy dus nie verwag dat sy geestestoestand gesond gaan bly nie. So 'n tipe Christen kan dus nie groei en vrug dra nie (net soos 'n plant nie kan groei en vrug dra sonder kos en water nie), en staan selfs die gevaar om dood te gaan sou hy geen kos en water kry nie. So ons sien dus daar is baie dinge wat die innerlike mens beinvloed en kan veroorsaak dat iemand ONGESOND word. Hierdie dinge wat geestestoestand beinvloed kan beter verstaan word deur te kyk na algemene behoeftes vd uiterlike mens en om die studie oor liggaam siel en gees te behandel (want hierdie selfde dinge beinvloed ook die innerlike mens op 'n ander manier) - kyk na temas soos familie, werke, voedsel, vleis, been, klere, die self, organe ens. Ons innerlike mens het ook baiemaal 'n dokter nodig, maar die voorskrif en medisyne en salf is die van Skriftuurlike aard, en om die Here te raadpleeg...
------------------------------------------------------------------------------------------------------------
Opsomming:
(rol af vir uiteensettings en skrifte)

Daar is sommige terme in die Skrif wat gebruik word om mense se geestestoestand te beskryf bv., 'n broeder wat in sonde of ongeregtigheid stap word "SIEK" genoem (al is hy nie uiterlik siek nie)(hetsy hy wetend sondig, of onwetend) - daar word dus 'n naam gegee om iemand se geestestoestand te beskryf bv., op dieselfde wyse is daar die wat genoem word "gewondes" (wat weer iets anders beteken), of die wat gesien word as "suurdeeg"...ens.  Die figuurlike betekenis van siek of ongesteld in die Skrif word meer gebruik in konteks met "gelowiges" wat siek of ongesteld is a.g.v. sonde en ongeregtigheid (nie ongelowiges nie) (m.a.w. "gelowiges wat in sonde en ongeregtigheid stap...")(Matt. 9:11,12).

Soos die geval met "SIEK",  het  "om GEWOND te wees" ook 'n figuurlike betekenis in die Skrif en ons moet onderskei tussen die twee begrippe;  alhoewel, ook soos in die geval met die figuurlike betekenis van "siek" verwys die figuurlike begrip van "om gewond te wees" ook nie na die wat verdruk of tenagekom of watookal is nie, maar is eerder verwysend na die wat gewond word omdat hulle in sonde en ongeregtigheid stap en hulle nie daarvan bekeer nie - diesulkes word nie genees bloot wanneer hulle die waarheid hoor nie want hulle ken alreeds die waarheid ! "Gewondes" verwys dus na "kundiges" in die sin van "wetend sondig" (nie onwetendes nie) wat opstandig is (harte verhard). Wat die Here met hierdie opstandige "kinders" (verwys na gelowiges wat nie luister nie) van Hom doen is om toe te laat dat hulle dan "gewond" word...  "Gewonde" gelowiges is op 'n gevaarlike plek en is soos mense met 'n familie maar wat nie kan staatmaak op die ondersteuning van hulle vader of familie nie, en word hanteer asof hulle afgesny is alhoewel hulle nog deel is vd familie. Al manier hoe die situasie herstel kan word is as hulle hul bekeer. Die wat "onwetend sondig" word natuurlik anders hanteer, want ONwetendes het bloot nodig om tot insig gebring te word sodat hulle hul van hulle sonde kan bekeer, maar "wetendes" het alreeds insig (maar is steeds ongehoorsaam ten spyte van die feit dat hulle weet hulle is verkeerd) en het dus nie nodig om tot insig gebring te word nie, maar het miskien nodig om vermaan te word. 'n "Gewonde" is soos 'n "wetende" wat vermaan is, maar wat dan wanneer "vermaan" steeds nie luister nie - en so 'n aanhoudende opstandigheid kan tot gevolg he dat hy "gewond" word... (en is dan soos 'n gelowige wat nie kan staatmaak op die Here se hulp nie). Ongehoorsame en opstandige gelowiges (bv. hoereerders, egbrekers, wellustelinge, gierigaards, afgodedienaars, dronkaards, diewe en rowers, ens.)(1 Kor. 6:10) wat weier om hulle te bekeer, is besig om in "sonde tot die dood" te stap. Christene word o.a. beveel om nie eens te bid vir die wat in "sonde tot die dood" stap nie!  (1Jn 5:16 - "As iemand sy broeder ‘n sonde sien doen wat nie tot die dood is nie, moet hy bid, en Hy sal hom die lewe gee—vir die wat nie ‘n sonde tot die dood doen nie. Daar is ‘n sonde tot die dood; daarvoor sê ek nie dat hy moet bid nie") - NIE bedoelende dat daar nie barmhartigheid aan so iemand bewys moet word nie, maar die rede is dat dit nie help jy bid vir so iemand nie want hy weier om reg te maak met die Here (daar kan dus nie vergifnis gegee word nie al wil jy ook!) - hy is m.a.w. soos 'n "GEWONDE".  Altyd goed om in elk geval vir iemand te bid want ons weet nie altyd wat presies iemand se werklike stand is nie, maar verstaan dat wanneer jou gebede tot niks kom dit nie is omdat jy geloof ontbreek of omdat die Here nie jou gebed beantwoord nie, maar is omdat die persoon weier om hom te bekeer (die Here neem gewoonlik stappe met sulke gelowiges om hulle na Hom terug te lei, maar Hy dwing niemand om aan hom Hom gehoorsaam te wees nie!).

Dit is weer nie dieselfde as die wat as "SUURDEEG" gesien word nie, alhoewel gewondes soos suurdeeg kan wees;  m.a.w., die wat "siek en ontsteld" is (agv sonde) kan in suurdeeg kan verander sou hulle hul nie bekeer nie maar ander gelowiges beinvloed om dieselfde te doen. M.a.w., gelowiges wat in wetende sonde stap en steeds na (die proses van) bestrafffing of vermaning hulle nie daarvan bekeer nie en ander gelowiges begin beinvloed om die leuen te glo of  bv. ook in sonde te stap, word gesien as "suurdeeg" - dus verwysend na die ongehoorsame gelowige se invloed op ander gelowiges - hulle is bv. gevaarlik om mee gemeenskap te hou want hulle kan die hele deeg suurmaak... Volgens Paulus moet sulke gelowiges liewer vermy word en in 1 Kor. 5 was die gemeente selfs beveel om daardie betrokke persoon uit die gemeente uit te verwyder - nie bedoel dat die gemeente die mag het om iemand van sy saligheid te ontneem nie maar was in daardie geval bedoel om die res vd gemeente te beskerm. Sulke drastiese optrede is somtyds nodig. Ook ander gevalle word in hierdie konteks genoem bv. die wat onordelik wandel en op die res vd gemeente teer... (2 Thess. 3:6,11). In sulke gevalle moet die gemeente hulle liewer onttrek van sulke gelowiges met die doel om die gemeente te beskerm, maar voor 'n gemeente so drasties kan optree moes hulle ten minste deur 'n proses met daardie persoon werk...  Hierdie mense kan miskien ook val onder die groep wat genoem word "geveinsdes" (die "akteurs")(alhoewel die begrip "geveinsdes" beslis wyer beskryf word).

 In elke geval van "geestelik" SIEK, 
- hetsy die wat onwetend sondig (waar iemand dink hy doen reg maar hy doen nie, of nie besef hy doen verkeerd nie)(1 Tim. 1:13; Luk. 23:34 ), 
- of die wat wetend sondig (waar iemand bewus is dit is sonde en dit steeds doen),
- of sonde tot die dood doen (waar iemand aanhou bly stap in 'n sonde wat hy weet nie die wil vd Here is nie, en weier om hom daarvan te bekeer - hy het m.a.w. "die sonde begin dien")(Jak. 1:15; 1 Joh. 5:16,17),
- of die groter sonde pleeg (waar iemand weet hy doen nie die wil vd Here nie maar gee voor hy doen Sy wil - hulle word genoem "akteurs" of "geveinsdes" - die valses)(Joh. 9:41; 19:11; Lam. 4:6),
is    BEKERING    nodig   !  Enige van hierdie mense kan gesien word as "siek", en die manier hoe elkeen van hierdie "siekes" hanteer word, is natuurlik verskillend (l.w. bedoel van gelowiges, nie ongelowiges nie;  want ongelowiges word weer anders hanteer...).

- In die geval van onwetendes, moet hulle tot insig gebring word.
- In die geval van die wat wetend teen jou sondig, of in die geval van sonde tot die dood, moet so iemand vermaan of bestraf word (met die doel om hom tot bekering te lei, nie te veroordeel nie)(Luk. 17:3; Matt. 18:15-17; 2 Thess. 3:14,15; 1 Tim. 5:20).
- Ons moet versigtig wees vir akteurs en geveinsdes (die wat die groter sonde pleeg), en word selfs gewaarsku om niks met hulle te doen te he nie.
- En net so liewer "suurdeeg" vermy, want hulle kan ander verlei. Sonde word terloops somtyds in beeldspraak vgl. met suurdeeg! (Eks. 12:15; Matt. 16:12; 1 Kor. 5:7,8) want dit kan die hele deeg suurmaak. Jesus het ook. Sy dissipels gewaarsku teen die suurdeeg vd Fariseërs en Sadduseërs (Mat 16:6; Mark. 8:15), waarin Hy verwys het na hulle leringe wat nie die Here se gebooie is nie maar gebooie van mense (Matt. 16:12; Matt. 15:9). Jesus het hulle o.a. "blinde leiers" genoem in Matt. 23:16 en 24, en verder Sy dissipels gewaarsku dat elkeen wat 'n blinde leier volg, die gevaar staan om self in die sloot te val! Sulke mense moet nie gevolg word nie;  en hulle leringe kan beslis 'n verkeerde invloed he op die hele deeg...  As iemand WETEND gebooie van mense leer in plaas vd waarheid, is hy besig om in sonde tot die dood te stap (sonde wat tot die dood lei)(Matt. 23:13). So 'n gelowige is soos suurdeeg vir die res vd deeg en moet hom bekeer van sy eie leringe. Dus, enige iemand wat wetend sondig of die groter sonde pleeg, kan gesien word soos "suurdeeg" in die kerk sou hulle die "deeg" beinvloed - diesulkes moet dus liewer vermy word (1 Kor. 5:11; Matt. 18:17; 1 Kor. 5:4,5; 1 Kor. 5:9-13; 2 Thess. 3:6). 
_________________________________________________________________________________

(1) Geestelike betekenis van siek/besoek:
(Psa 41:4)  (41:5) Ék het gesê: o HERE, wees my genadig! Genees my, want ek het teen U gesondig. In hierdie skrif sien ons 'n vb. van hoe Dawid homself  "siek" noem maar nie verwys na hy's "letterlik siek" (dus siek in die uiterlike mens) nie, maar is siek a.g.v. sonde (m.a.w. siek in die innerlike mens, nie die uiterlike nie).  Maar net soos sonde iemand se innerlike siek kan maak, net so het sonde somtyds tot gevolg dat iemand ook uiterlik siek kan word daarvan;  maar is natuurlik nie altyd die gevolg nie... - Joh. 9:2,3. 

Mense wat in sonde en ongeregtigheid stap kan gesien word as "siek" en word ook in die Skrif verwys na "is ongesteld".  Vgl. dit met Jesus se woorde in (Mat 9:12 - "Maar toe Jesus dit hoor, sê Hy vir hulle: Die wat gesond is, het die geneesheer nie nodig nie, maar die wat ongesteld is");  dus, in Matt. 9 sien Christus die tollenaars en sondaars as ONGESTELD ("siek"). In hierdie opsig kan ons sê dat wanneer iemand in sonde en ongeregtigheid stap, hy (sy INNERLIKE MENS) gesien kan word as "siek". Wanneer iemand se uiterlike mens siek is het hy 'n geneesheer nodig... Op dieselfde wyse het iemand 'n geneesheer nodig wanneer sy innerlike mens ongesteld is. Jesus het die "siekes" besoek, maar nie net het Hy omgegee vir die wat letterlik siek was nie maar ook vir die wat innerlik "siek" was (dus, m.a.w., Hy het die "sondaars" besoek - hier spesifiek verwys na die wat deel is vd volk van God wat "siek" is, nie ongelowiges nie - en Hy is die Geneesheer). Hulle het medisyne nodig maar ons moet verstaan watter soort medisyne... (rol af vir 'n opsomming oor "medisyne").

BARMHARTIGHEID gaan o.a. oor omgee, kompassie (en uitreiking).
Jesus was BARMHARTIG teenoor die siekes;  hetsy uiterlik of innerlik - hoe?  In die geval vd wat siek was a.g.v. sonde, het Hy vir hulle die waarheid gebring (dit was die "medisyne" wat hulle nodig gehad het).  L.w. dat dit onbarmhartig sou wees as Hy hulle in hulle sonde los !  Deesdae het baie mense 'n verdraaide siening hieroor en dink dit is liefde wanneer jy mense "toelaat om in sonde te bly stap", maar dit is nie die vb. wat Jesus of Sy dissipels gegee het nie.  Mense wat siek is het genesing nodig, en om genesing te kry het hulle medisyne nodig (bv. salf vir die oë , sodat hulle kan sien... - Openb. 3:18) - anders bly hulle siek - wat terloops tot die dood kan lei...  Sonde lei tot die dood - op dieselfde wyse wat iemand wat siek is aan die uiterlike mens nie genesing kry nie en dit kan uitloop op die dood, net so kan siekte vd innerlike mens tot die dood lei. Hierdie is op uiterste gevalle moontlik;  bv., wanneer 'n plant siek is, kan dit daartoe lei dat die wortel vrot of die plant kan doodgaan, maar is natuurlik nie altyd die geval nie.  Somtyds dra siek plante steeds vrugte, maar wat met hulle vrug gebeur is dat groot dele daarvan uitgesny word.  'n "Siek" Christene staan dus nie net die gevaar dat hy kan doodgaan nie, maar ook dat sou hy vrug dra, hy baie daarvan weer sal verloor (en kan selfs onvrugbaar word).

Die een wat siek is in sy innerlike mens het dus ook GENESING nodig net soos iemand wat siek is aan die uiterlike, want as hy nie genesing kry nie kan dit tot die dood lei (kyk tema "sonde tot die dood"). Om iemand tot insig te bring (soos Jesus gedoen het wanneer Hy die waarheid gedeel het aan die wat "siek" is), is dus soos om vir daardie persoon medisyne te gee. Kyk bv. ook na waar iemand ONWETEND SONDIG - so iemand het nodig om die waarheid te hoor sodat hy hom kan bekeer van sy sonde en dus vergifnis kan ontvang; maar ander tye is strenger optrede (medisyne) nodig - bv. in die geval vd wat wetend sondig, en dan moet hulle nie net tot insig gebring word nie, maar baiemaal ook vermaan word (wat ook soos medisyne gesien kan word)(Jud 1:22,23 - " En aan sommige wat twyfel, moet julle barmhartigheid bewys; maar ander moet julle met vrees red deur hulle uit die vuur te ruk; en ook die kleed moet julle haat wat deur sonde bevlek is"). 

Die "natuurlike mens" kan ook gesien word as "siek" (is 'n "slaaf van sonde" - siek a.g.v. sondige natuur), en het die evangelie soos medisyne nodig om gesond te word. Dit is dus BARMHARTIG om die evangelie / waarheid met "natuurlike mense" te deel (vir hulle medisyne gee want dan kry hulle die geleentheid om gesond te word). Maar die onderwerp van (figuurlik) siek of ongesteld in die Skrif gaan veral oor "gelowiges" wat siek is (nie ongelowiges nie);  dus verwys na gelowiges en die klem in hierdie pos op "gelowiges" wat "siek" is - meer presies "geestelike mense" wat in sonde of ongeregtigheid stap... (dus "siek"), en die woord en waarheid moet hoor (hetsy tydig of ontydig - 2 Tim. 4:2).  

------------------------------------------------------------------------------------------------------------
(2) (Soorte geestelike) "MEDISYNE":
Jesus het met "siekes" tyd spandeer (deur hulle te besoek) en so met hulle die woord gedeel, maar Hy het nie die waarheid onderdruk terwyl Hy met die ongehoorsame gelowiges tyd spandeer het nie want dit was juis die "MEDISYNE" . Kyk die vb. in Luk. 19 waar Hy by die huis van Saggeus ('n sondige man) gaan eet het, en watter invloed Hy op Saggeus gehad het: (Luk 19:8 - "Maar Saggéüs het gaan staan en aan die Here gesê: Here, kyk, die helfte van my goed gee ek vir die armes; en as ek van iemand iets afgepers het, gee ek dit vierdubbel terug").  Saggeus was beweeg om hom te bekeer van sy geldgierigheid en onbarmhartigheid teenoor ander - en let op Christus se woorde in v. 10 - "Want die Seun van die mens het gekom om te soek en te red wat verlore was". Die Here sien dit as BARMHARTIG wanneer ons tyd maak met Christene wat siek is in die innerlike a.g.v. sonde (...want so kan  die wat verlore is, gesoek en gered word), en wanneer ons vir hulle die medisyne gee wat hulle nodig het, m.a.w. die waarheid deel of hulle waarsku sodat hulle hul kan bekeer, dan kry hulle die geleentheid om gesond te word. Maar om net vriende met hulle te wees en geensins met hulle die waarheid te deel nie, is nie wat hier bedoel word nie! En hierdie is natuurlik ook nie bedoel dat Christene almal moet loop en oordeel soos vandag baiemaal die geval is en dan oordeel hulle nog verkeerd ook daarbynie!, maar gaan oor om "die waarheid te bring" (hetsy iemand tot insig gebring word of vermaan word).

Salf:
Die begrip "salf" word ook op 'n figuurlike manier gebruik in Openb. 3:18  - "Ek raai jou aan om van My te koop goud wat deur vuur gelouter is, sodat jy kan ryk word; en wit klere, dat jy jou kan aantrek en die skande van jou naaktheid nie openbaar word nie; en salf om jou oë te salf, sodat jy kan sien". In hierdie konteks verwys dit nie na letterlike blindheid (aan die uiterlike mens) nie, maar is figuurlik bedoel (vd innerlike mens). Vgl. dit met v. 17 - "Want jy sê: Ek is ryk en het verryk geword en het aan niks gebrek nie; en jy weet nie dat dit jy is wat ellendig en beklaenswaardig en arm en BLIND en naak is nie". Die wat nog 'n slaaf is van sonde word gesien soos BLINDES, maar die wat 'n goddellike natuur het kan "sien" (2 Pet. 1:4,9). Hierdie begrip word goed verduidelik in 2 Pet. 1, wat vir ons leer dat daar sekere dinge by "blinde" mense (figuurlik bedoel vd innerlike mens) ontbreek bv., hulle het nie die geloof, deug, kennis, selfbeheersing, lydsaamheid, godsvrug, broederliefde en naasteliefde nie (1 Pet. 1:5-7) - in ander woorde, hulle "sien nie". Maar natuurlik weer-eens, die begrip blindes in hierdie konteks verwys veral na GELOWIGES ("geestelike mense") WAT BLIND GEWORD HET (nie "natuurlike mense" wat "blind" gebore is nie!)- daar was dus 'n tyd wat hulle kon "sien", maar het blind geword... (en verwys dus spesifiek hier na gelowiges, nie ongelowiges nie, want ongelowiges is in elk geval blind - het die "gees van dwaling"): -(2Pe 1:8,9 - "Want as hierdie dinge by julle aanwesig is en toeneem, dan laat dit julle nie ledig of onvrugbaar tot die kennis van onse Here Jesus Christus nie; want hy by wie hierdie dinge nie aanwesig is nie, is blind en kortsigtig, en het die reiniging van sy vorige sondes vergeet"). Vgl. dit met bg. Openb. 3:18 wat ook geskryf is aan gelowiges. Hulle is nie blind gebore nie (geen wedergeborene word blind gebore nie, want die Heilige Gees help hulle om te sien) - hierdie beeldspraak van blindheid verwys na mense wat eens kon sien maar blind geword het... Vgl. dit ook met Jesus se woorde in Joh. 9:39-41. Sommige Christene wat die goddelike natuur eens verkry (2 Pet. 1:4), word weer soos mense wat "vergeet" of begin weer verkeerd sien (omdat hulle oe op die wereld is) en ontbreek dan hierdie basiese dinge kenmerkend vd goddelike natuur (nl. geloof, deug, kennis, selfbeheersing, lydsaamheid, godsvrug, broederliefde en naasteliefde).  Hulle word verder ook beskryf as "lou" in Openb. 3. Vgl. dit met (Spr. 26:12 - "Het jy ‘n man gesien wat wys is in sy eie oë? Daar is meer hoop vir ‘n dwaas as vir hom"). Hulle dink hulle "sien", tog sien hulle soos hulle wil en nie soos die Here nie - daarom bly hulle in hulle sonde... (vgl. dit met Joh. 9:41).

Wat "blindes" nodig het, is "salf" (om te kan sien) - maar waarna verwys hierdie SALF?
Wat die Here doen met "BLINDES" is om hulle te bestraf en tugtig, en Hy verwag van hulle om hulle te BEKEER: (Openb. 3:19 - "Almal wat Ek liefhet, bestraf en tugtig Ek. Wees dan ywerig en bekeer jou"). Hierdie gelowiges is soos mense wat "vergeet" het en begin verskeerd "sien" - hulle moet gewys word op die toestand van hulle "werke" (hulle het lou geword) en sekerlik herinner word aan wat eintlik van hulle as Christene verwag word (want geloof sonder werke is dood, soos die liggaam dood sonder asem). Wanneer Christene hulle hoop begin plaas in wereldse rykdom, eer, wysheid ens. is hierdie wat baiemaal gebeur - hulle begin m.a.w. sien soos die wereld "sien" (is dus blind soos die wereld) - hulle moet dus deur bestraffing of tugtiging in liefde herinner word om hulle te bekeer en hulle hoop weer in die Here te plaas.

-------------------------------
Die Fariseers het vir Jesus kwalik geneem dat Hy saam met die tollenaars en sondaars eet, maar let op Christus se woorde in die volgende vers: (Mat 9:13 - "Maar gaan leer wat dit beteken: Ek wil barmhartigheid hê en nie offerande nie; want Ek het nie gekom om regverdiges te roep nie, maar sondaars tot bekering").  Christus sien dit as BARMHARTIG wanneer ons die sondaar (bv. die gelowige wat onwetened sondig), BESOEK om vir hom/haar die waarheid te bring (m.a.w., om die wat verlore is te gaan soek...)(nie hier bedoel te vermaan nie, maar "tot insig bring:) - l.w. dat dit ook nie hier bedoel dat Hy in dieselfde juk was met hulle nie, maar Hy het die evangelie vd koninkryk verkondig terwyl Hy met hulle tyd spandeer het. Jesus het m.a.w., wanneer Hy hierdie "siekes" besoek het, vir hulle die waarheid gebring - NIE saam met hulle gesondig en dronk gedrink of afgodsoffers geeet of watookal nie!, maar hulle "tot insig" gebring. Op dieselfde wyse kan vermaning soos medisyne wees vir die een wat wetend sondig, en dit word dus gesien as "barmhartig" (Jak. 5:20; 2 Kor. 7:10-12; Jud. 1:23...). Selfs om jou van 'n broeder te distansieer wat as broeders bekendstaan maar in onbekeerde sondes voortstap (1 Kor. 5:7,11) word as barmhartigheid gesien omdat dit daardie persoon beweeg om skaam te kry - nie met die doel om hom af te skryf nie maar om hom tot bekering te lei want solank die hardkoppige hanteer word asof hy nie siek is nie beweeg dit hom nie om gesond te word nie! Hierdie is 'n groot probleem van ons tyd waar Christene baiemaal hanteer word asof dit in orde is om "blind" te wees, of  "ongesteld". Ons moet egter verstaan dat in hierdie geval die "sieke" reeds die waarheid ken... Maar onwetendes word natuurlik anders hanteer! en het bloot nodig om tot insig te kom. Christus het presies dieselfde geleer oor hierdie onderwerp want waar Hy die 12 uitstuur na mense se huise (na die verlore skape)(Matt. 10:5) was dieselfde opdrag gegee ten opsigte van die wat nie die waarheid ontvang het nie (Matt. 10:13,14) - in sulke gevalle moes die dissipels die stof van hulle voete afstof...  Kyk ook hoe Hy die waarheid in die tempel en op straat gebring het, ook aan die Fariseers, maar dan die dissipels teen baie vd Fariseers se suurdeeg gewaarsku het! - hulle gewaarsku teen die wat nie "hoor" en "sien" nie... (Matt. 16:12; Mark. 8:15; Luk. 12:1; Mark. 4:12). Hy het verseker gewys dat daar verskillend opgetree moet word teenoor verskillende mense en het nie geskroom om die waarheid te preek nie omdat dit die manier is hoe iemand genesing kan ontvang.  L.w. dat Christus selfs in die geval van Matt. 9 in die teenwoordigheid van die siekes vir hulle "siek" noem! Hy het nie hulle sonde bedek deur te maak asof hulle nie siek is nie, maar het dit aangespreek met die doel om hulle tot bekering te lei... (SODAT hulle geleentheid kry dat hulle sonde bedek kan word). Hy was m.a.w. in hierdie opsig "barmhartig" teenoor hulle deurdat Hy vir hulle daardeur 'n kans gee om vergifnis te ontvang  (Jak. 5:20 - "laat hy weet dat die een wat ‘n sondaar van sy dwaalweg bekeer, ‘n siel uit die dood sal red en ‘n menigte sondes sal bedek"). Die tollenaars en sondaars was soos SIEKES onder die volk van God, en hulle het medisyne nodig gehad - het die Geneesheer nodig!

In die vb. van Matt. 9 het "om 'n geestelike sieke" te besoek m.a.w. beteken dat "die waarheid aan hulle gedeel is" (hulle is tot insig gebring), maar daar is verskillende reels rondom die geval waar iemand "teen jou sondig";  bv, om so 'n "sieke" te besoek of na so iemand uit te reik, kan verwys na:

-(1)  "TOT INSIG BRING" (bv. waar iemand onwetend sondig)(1 Tim. 1:13): Baie sondig uit onkunde en is ONWETEND, en moet dus "tot kennis gebring word". Wanneer hy wetend word word daar steeds van hom verwag om hom tot die Here te bekeer, ja, maar hy moet "nie vermaan word (tot bekering) nie", want hy is bloot "onwetend" - wat moet gebeur is dat so iemand "tot insig gebring word".  Vir diesulkes wat wetend word en hulle bekeer, kan daar gebid word en die sonde sal hulle vergewe word (1 Joh. 5:16). Jesus gee hierdie mag aan die Christen om vir iemand te bid tot vergifnis van sondes (om hulle sonde te vergewe...); alhoewel dit net geld vir sekere sondes! (sien punt 2 en 3).
-(2)  "VERMANING" (waar iemand wetend sondig)(Matt. 18:15,16; Luk. 17:3,4): Maar natuurlik moet die persoon wat reeds tot kennis gekom het maar steeds in sonde en ongeregtigheid stap (WETEND SONDIG) anders hanteer word!;  so iemand moet herinner of vermaan word
(maar as hy na een, of as nodig na twee of drie getuies en selfs na die gemeente nie luister nie, moet hy ge-ignoreer word - sien punt 3 - NIE bedoel "haat" nie, maar vermy met die doel om hom skaam te maak, en met die doel om hom te lei tot bekering...).
-(3)  "VERMANING/VERMY/GEEN GEBED" (bv. die wat stap in "sonde tot die dood" - waar iemand wetend sondig en weier om hom vd sonde of ongeregtigheid te bekeer;  of bv. waar iemand dwaal;  of bv. waar iemand partyskap verwek en tweedrag saai teen die ware leer)(1 Tim. 6:20; Tit 3:9; 2 Tim. 2:16; Rom. 16:17; Spr. 20:19)(Matt. 18:17):   "Sonde tot die dood" word anders hanteer as bv. die wat onwetend sondig of bloot vermaning nodig het - daar is 'n spesifieke roetine wat gevolg moet word om so iemand wat hierdie sonde pleeg, tot bekering te probeer lei (bv., in geval van "sonde tot dood" verwys dit nie na iemand wat nodig het om "tot insig gebring" te word nie, want hy "weet" alreeds! - hierdie is iemand wat nadat hy tot insig gekom het en vermaan is, hom nog nie bekeer nie maar voortstap in die sonde en ongeregtigheid - vir so iemand moet daar nie gebid word nie want hy kan nie vergifnis kry as hy hom nie eers bekeer nie..1 Joh. 5:16,17. 'n Christen kan bv. nie vir iemand wat stap in "sonde tot die dood", bid vir vergifnis van sondes en glo dat die persoon vergifnis het nie, want in die geval van sonde tot die dood, wil daardie persoon hom nie bekeer nie en kan dus nie vergifnis kry nie...).

Die mense vd stad van Nineve was "siek" a.g.v. hulle ongeregtighede... Toe Jona oorspronklik nie wou gaan om hulle te waarsku nie, was dit eintlik onbarmhartig van hom.... Maar sou die "sieke" (die een wat onwetend sondig) die waarheid wegwys nadat dit oor en oor aan hom gebring is en hy deur verskeie gewaarsku is, dan sou dit bv. nie onbarmhartig wees om die persoon te ignoreer nie, maar sulke vermyding is dan eerder barmhartig omdat dit hom kan skaam maak en so kan lei tot inkeer... (maar natuurlik moet hy dan weet waarom hy ge-ignoreer word, want anders sal hy tog nou nie skaam word nie!).

"Laster teen die Heilige Gees" is 'n onvergeeflik sonde! - m.a.w., die wat die onvergeeflike sonde pleeg KAN NIE GESOND WORD NIE.... Daar is geen offer of salf vir onvergeeflike sonde nie. M.a.w., Christene leer wel dat alle sondes vergeefbaar is (vir die wat hulle bekeer), ja, maar na regte is daar een sonde wat nie vergewe kan word nie (en dit is lastering teen die Heilige Gees - nie in "hierdie eeu" kan dit vergewe word nie, en ook nie in die "volgende eeu" nie). Wanneer iemand laster teen die Heilige Gees kan daar m.a.w. nie vir hom gebid word vir vergifnis nie... (maar ons moet natuurlik verstaan wat bedoel word met lastering teen die Heilige Gees). 

------------------------------------------------------------------------------------------------------------
(3) Siekte lei somtyds tot die dood:

- Somtyds word 'n siekte genees (Jak. 5:19);
- somtyds lei dit tot die dood...(Joh. 11:4).
Op dieselfde wyse kan ons kyk na siekte figuurlike gesproke (vd innerlike mens) bv., gelowiges wat in sonde stap word gesien as "siek" - somtyds word dit genees, somtyds lei dit tot die dood!  "Sondes" moet op hierdie manier gesien word want nie almal word gesond nie! (bv., slegs sondes waarvan iemand hom bekeer, kan vergewe word).  Sekere sondes is m.a.w."tot die dood" as die persoon nie genesing ontvang nie....

Christene het bv. in Christus Jesus die mag om sondes te vergewe (Joh. 20:23) MAAR NIE ALLE SONDES NIE... (sonde teen die Heilige Gees kan bv. nie vergewe word nie, en sonde tot die dood ook nie as die persoon hom nie bekeer nie).  D.w.s., in daardie opsig kan 'n gelowige wel genesing kry van sondes, maar nie van alle sondes nie!

Bv., "sonde tot die dood" (1 Joh. 5:16,17; Jak. 1:15; Rom. 6:16) is sonde wat lei tot dood omdat die persoon nie vergifnis ontvang nie - m.a.w. omdat hy hom nie bekeer nie, maar sou hy hom bekeer dan sal dit nie meer tot die dood lei nie. Ons moet verstaan dat "sonde tot die dood" nie verwys na onvergeeflike sonde (soos lastering teen die Heilige Gees) nie, want i.g.v. die onvergeeflike sonde is daar geen offer daarvoor nie, maar in die geval van "sonde tot dood" is daar wel vergifnis in Jesus Christus vir die wat hulle van daardie sonde bekeer! Alhoewel min Christene vandag onderskeid maak tussen verskillende grade van sonde was dit nie so in die eerste gemeentes nie.  Hulle het verstaan dat sommige sondes TOT DIE DOOD LEI en ander nie! Deesdae is mense eerder van mening dat maak nie saak wat se sonde 'n Christen in sy lewe doen nie, en al sou hy hom nie daarvan bekeer nie hy in elk geval sal vergifnis kry (!??), maar dit is natuurlik nie wat die Skrif leer nie.
(1Jn 5:16)  As iemand sy broeder ‘n sonde sien doen wat nie tot die dood is nie, moet hy bid, en Hy sal hom die lewe gee—vir die wat nie ‘n sonde tot die dood doen nie. Daar is ‘n sonde tot die dood; daarvoor sê ek nie dat hy moet bid nie. (1Jn 5:17)  Alle ongeregtigheid is sonde, en daar is ‘n sonde wat nie tot die dood is nie. Hier gaan dit oor wie dit is vir wie WIE jy GEHOORSAAM: -(Rom 6:16)  "Weet julle nie dat aan wie julle julself as diensknegte tot beskikking stel om hom gehoorsaam te wees, julle diensknegte is van hom aan wie julle gehoorsaam is nie òf van die sonde tot die dood, òf van die gehoorsaamheid tot geregtigheid?" Wie is dit vir wie jy DIEN?  Bv., solank iemand afgode DIEN is hy besig met sonde tot die dood, en sou so 'n Christen hom nie daarvan bekeer nie (so iemand word gesien as 'n hoereerder, in die sin van "geestelik hoereer" - hoereer agter afgode aan) dan kan hy nie verwag dat daardie sonde nie "tot die dood" is nie! So 'n broer of suster kan m.a.w. nie vergifnis kry voor hy hom nie "bekeer" (van sy sonde en ongeregtigheid) nie (1 Joh. 5:16). As iemand "sonde en ongeregtigheid" DIEN, is hy besig met "sonde tot die dood" -  "dien" gaan oor wie jy "gehoorsaam". Hierdie gaan oor mense wat hulle lede stel tot beskikking vd sonde... (Rom. 6:13). Sonde tot die dood verwys dus na sonde waarin iemand stap waarvan hy hom nie bekeer nie - m.a.w., die rede waarom dit  "tot die dood" is is omdat hy hom nie daarvan bekeer nie. Daarom verklaar die Skrif dat geen "hoereerders, afgodedienaars, egbrekers, wellustelinge, sodomiete, diewe, gierigaards, dronkaards, kwaadsprekers, rowers" die koninkryk van God sal beërwe nie (1 Kor. 6:10), want hierdie sondes verwys nie na die wat dit aanhou doen sonder om hulle daarvan te bekeer.  Jy kan nie 'n kwaadspreker genoem word as jy opgehou het om dit te doen (en die sonde jou vergewe is nie), maar sou jy in 'n gewoonte wees om kwaad te spreek van ander mense en weier om jou daarvan te bekeer, ja, dan sal jy as 'n kwaadspreker bekendstaan (en hoe kan jy dan vergifnis daarvoor ontvang tensy jy jou daarvan bekeer?) - so iemand is besig met sonde "wat tot die dood" lei.  Vgl. dit met Rom. 1 wat spreek van mense wat wel die verordeninge van God ken maar dit nie die moeite werd ag om Hom in erkentenis te hou nie.  Wat met sulke mense gebeur is dat God hulle oorgee aan hulle slegte gesindhede en hulle begin glo dat hulle reg is terwyl hulle eintlik verkeerd is  (bv. hulle is vervul met allerhande ongeregtigheid, hoerery, boosheid, hebsug, ondeug; vol nydigheid, moord, twis, bedrog, kwaadaardigheid;  nuusdraers, kwaadsprekers, haters van God, geweldenaars, trotsaards, grootpraters, uitvinders van slegte dinge, ongehoorsaam aan die ouers; onverstandig, ontrou, sonder natuurlike liefde, onversoenlik, onbarmhartig).  Sulke mense kan nie die oordeel van God ontvlug nie (Rom. 2). Mense wat op hierdie manier "SIEK" is, se siekte kan nie genees word nie - tensy hulle hul bekeer! (en dan is dit nie meer "sonde tot die dood" nie).

Christene stel hulle lede tot beskikking van God en is gehoorsaam aan Sy Gees.  Dit is bv. wat dit beteken om "nie onder die wet" te wees nie - om "nie onder die wet te wees" nie,  beteken egter nie dat Christene kan "doen wat hulle wil" (soos sommige glo) nie!, maar gaan oor aan wie jy gehoorsaam is;  m.a.w. "gehoorsaam aan die wet"?, of gehoorsaam aan die Gees? (en as jy dan gehoorsaam is aan die Gees beteken dit jy is dan onder die wet vd Gees - Rom. 8:2). Christene moet hulleself tot beskikking stel van God as mense wat uit die dode lewend geword het, en hulle lede as werktuie van geregtigheid in die diens van God stel... (Rom. 6:13)(soos slawe van Christus Jesus). In daardie opsig is hulle "onder genade" (nie onder die wet nie) en die sonde heers nie oor hulle nie (want hulle dien nie die sonde nie). As 'n Christen nie bereid is om sy liggaam diensbaar te stel vir die geregtigheid, gehoorsaam aan die Gees en homself sien as 'n slaaf vir Christus nie, dan verstaan hy nog nie wat dit beteken om "onder die genade" te wees nie!

------------------------------------------------------------------------------------------------------------

(4) GEWONDES en "SUURDEEG":

GEWOND (aan die innerlike mens) beteken ook iets in die Skrif:  - gelowiges wat sondaars is ("siek") en hulle nie bekeer van hulle sonde nie word somtyds "gewond" wanneer hulle getugtig word met die doel om hulle te beweeg tot bekering (amper asof hulle deur 'n moeilike tyd gaan met die doel om hulle te dwing tot bekering). Party gelowiges neem die Here kwalik wanneer hulle "gewond" is, maar dit is natuurlik bloot 'n teken van hulle hardkoppigheid - want wat " 'n gewonde " veronderstel is om te doen is nie om nog meer in opstand te kom nie maar eerder om hom te bekeer (nie kwaad te word nie)...

'n Christen wat bv. begin speel in ander afgodspraktyke en nadat hy die waarheid daaroor gehoor het weier om hom daarvan te bekeer, staan die gevaar dat hy GEWOND kan word (die Here laat hierdie "wond" oor hulle pad toe met die doel om hulle te beweeg om na Hom terug te keer). Die volk van God was bv. weggejaag uit hulle land en woon tussen die nasies...,en die rede waarom die Here dit met hulle laat gebeur het is a.g.v. hulle ongeregtighede - hulle sondes waarvan hulle hul nie wou bekeer nie (Jer. 30:15; vgl. met Mig. 6:13). Hulle was m.a.w. "siek", en toe GEWOND met 'n ongeneeslike wond... (Jer 30:13)(Jer 30:12 - " Want so sê die HERE: Jou verbreking is ongeneeslik, jou wond is smartlik") - GEWOND deur hulle vyande, maar die Here sal weer hulle wonde genees (Jer 30:17) - wanneer?  Wanneer hulle hul tot Hom bekeer!  (dan sal Hy 'n einde te maak aan hulle vyande, en hulle terugbring in die land, en hulle sal dit in besit neem (Jer. 30:3). Die stad sal op sy puinhoop herbou word, en die paleis sal op sy regte plek staan (Jer 30:18)............).

Sommige gelowiges is onder die miskonsepsie dat "genade" beteken hulle kan doen wat hulle wil en dan, as die waarheid met hulle gedeel word en/of hul vermaan word, raak hulle kwaad i.p.v. om ag te gee op die waarheid en reg te maak met die Here. Hierdie is baiemaal die gevolg van valse leerstellings waarin Christene leer dat maak nie saak wat hulle doen nie, hulle sondes is alreeds vergewe en hulle kan nie hulle saligheid verloor nie...(!??). Christus Jesus het egter iets anders geleer, en geleer dat daardie lote wat nie in Hom bly nie uitgewerp sal word en verdroog en in die vuur gegooi en verbrand sal word (Joh 15:6) - Hy het dus in soveel woorde geleer dat dit moontlik is vir "lote" om hulle saligheid te verloor (sou hulle nie in Hom bly nie). Hy het ook geleer dat elke loot wat nie vrug dra nie, deur Hom weggeneem sal word! (Joh 15:2). As 'n Christen nie in Jesus se woorde glo nie, hoe kan hy dan bely dat hy in Jesus GLO? Tog is daar baie wat bely dat hulle in Hom glo, tog glo hulle nie hierdie leringe van Hom nie!?

Ja, Jesus het ook geleer dat elkeen wat in Hom glo die ewige lewe het........, maar dit is bedoel vir die wat VASHOU (nie die wat self laat los nie!). Gewonde gelowiges kan nie verwag dat die Here vir hulle help en genees van hulle wond as hulle weier om hulle te bekeer nie.

Ons kan miskien na 1 Kor 5 kyk as 'n vb. - tog word hierdie mense nie daar gewondes genoem nie, maar ons kan dit moontlik vgl. met bg. vb. vd volk wat hulle land verloor het. In die betrokke geval van 1 Kor. 5 was daar 'n gelowige in die gemeente wat 'n hoereerder was.  Siende hy hom nie wou bekeer van sy sonde nie, was die gemeente beveel om hom onder hulle uit te VERWYDER (1 Kor. 5:2,13).  Die rede wat veral hiervoor gegee word is sodat hy nie die hele deeg suur maak nie.  Hy was gesien as "SUURDEEG" wat, sou hy vertoef in die gemeente, ander kan beinvloed om ook "suur" te word - hy was 'n gevaar vir die gemeente. Verder is hy "gewond" deur uit die gemeente uitgeskop te word...  Die manier hoe Paulus hierdie "verwydering" ook beskryf is om die persoon "aan die satan oor te lewer" (vgl. dit met 1 Tim. 1:20). Die doel waarom hy verwyder word is nie om voor te gee dat die gemeente die mag of outoriteit het om hom van sy saligheid te stroop nie (1 Kor. 5:5), maar is om te keer dat die ongehoorsame nie die res vd gemeente verkeerdelik beinvloed nie ('n bietjie suurdeeg maak die hele deeg suur).Suurdeeg word vgl. met "sonde" (figuurlik bedoel). (1Kor. 5:8 - "Laat ons dan feesvier, nie met die ou suurdeeg of met die suurdeeg van ondeug en boosheid nie, maar met die ongesuurde brode van reinheid en waarheid")   (Luk 12:1 - "Toe duisende van die skare ondertussen saamkom, sodat hulle mekaar vertrap het, begin Hy aan sy dissipels te sê: Pas veral op vir die suurdeeg van die Fariseërs, dit is geveinsdheid"). 'n Ander gevaar met "suurdeeg" is dat wanneer 'n gemeente "suurdeeg" toelaat,  ander mense kan dink dat die betrokke gemeente tevrede is met die sonde (bv. in die geval van 1 Kor. 5 kan dit lyk of die gemeente geen probleem het met hoerery sou die persoon wat weier om hom te bekeer, saam met die gemeente bly gemeenskap hou nie). Want natuurlik moet Christene versigtig wees met wie hulle gemeenskap hou! (2 Joh. 1:11; 1 Tim. 5:22; Ef. 5:11; Openb. 18:4) - bedoel om nie om te gaan met Christene wat in wetende sonde stap en hulle nie daarvan bekeer nie. In 1 Kor. 5:11 word nie net hoereerders in hierdie konteks uitgelig nie maar ook gierigaards, afgodedienaars, kwaadsprekers (1 Tim. 1:20), dronkaards en rowers... Dit verwys dus nie na die wat onwetend sondig (bv. onwetend laster) nie, maar verwys na die wat WETEND sondig (bv. wetend laster - en hulle nie daarvan bekeer nie). Diesulkes moet nie net vermaan word nie, maar moet nadat al die nodige stappe van vermaning gevolg is en die persoon hom nog nie wil bekeer nie, gesien word soos suurdeeg... - en dan vermy word.  Hierdie word terloops ook gese vd wat die waarheid verdraai! (Rom 16:17 - "En ek vermaan julle, broeders, hou hulle in die oog wat tweedrag en aanstoot veroorsaak teen die leer wat julle geleer het, en VERMY hulle"). Kerke moet versigtig wees wie hulle as predikers of leermeesters ontvang.

Hierdie soort van "afsny" beteken nie dat die persoon gehaat of nie meer gesien word as 'n Christen nie, maar is meer soos 'n beskerming vir die kerk asook 'n teregwysing vir die persoon wat stap in sonde tot die dood. Party kerke volg ook nie meer hierdie soort optrede nie, maar hanteer dit op 'n ander manier bv. om die kerk eerder soos 'n klub te gebruik en te kies met wie jy andersins uithang;  en net soos die "verwydering" metode gaan dit ook met sy eie stel probleme gepaard... Watter metode die kerk ookal volg, dit is nie 'n maklike ding nie!  Maar inderdaad moet Christene dus versigtig wees met wie hulle omgaan (amper die manier hoe ons vriende kies), en versigtig wees om heeltyd uit te hang met ongehoorsame en opstandige Christene, of wie ons as predikers en leermeesters toelaat... (Mat 10:16 - "Kyk, Ek stuur julle soos skape onder die wolwe in; wees dan versigtig soos die slange en opreg soos die duiwe"). 

------------------------------------------------------------------------------------------------------------

Wat word bedoel met ONWETENDE sonde?

Die tema van "onwetende sonde" (sonde uit onwetendheid begaan - "weet nie wat hy doen nie"), was nie 'n onbekende begrip by God se volk nie.  Hulle het goed verstaan wat dit beteken - daar was ook 'n offer vir onwetende sondes!: -Eseg. 45:20; Hebr. 9:7; 1 Pet. 1:14.  Toe Paulus dan die volgende stelling maak in 1 Tim. 1:12,13 waarin hy verklaar dat die Here aan hom barmhartigheid bewys het omdat hy "onwetend" gesondig het, het Timotheus goed verstaan wat hy bedoel het.  So ook die volk toe Petrus vir hulle preek in Hand. 3, en hy verklaar dat hulle dit in onwetendheid gedoen het toe hulle Jesus gekruisig het!  -(Selfs Jesus het op die kruis gebid, "Vader, vergeef hulle, want hulle weet nie wat hulle doen nie").  

----------------------------------------------------------------------
IN HIERDIE BLOGPOST GAAN ONS VERAL NA 2 VOORBEELDE KYK OM HIERDIE ONDERWERP BETER TE VERSTAAN:

- (1)  1 Tim. 1:12,13 (waar Paulus verklaar dat hy oorspronklik ONWETEND gesondig het, in ongeloof); en

- (rol af vir 2)  Luk. 23:34 (waar Jesus op die kruis gebid het,  "Vader, vergeef hulle, WANT HULLE WEET NIE WAT HULLE DOEN NIE").
 (rol af vir punte 1 en 2 - "uiteensetting van versgedeeltes")

Ons gaan ook kyk na: 
(Hand. 3:17)  En nou, broeders, ek weet dat julle dit in onwetendheid gedoen het, net soos julle owerstes;
(Hand. 3:18)  maar God het op dié manier vervul wat Hy tevore verkondig het deur die mond van al sy profete, dat die Christus sou ly.
(Hand. 3:19)  Kom dan tot inkeer en bekeer julle, sodat julle sondes uitgewis kan word en tye van verkwikking van die aangesig van die Here mag kom,

========================================================================

KOM ONS KYK EERSTENS NA 'N PAAR ANDER SKRIFTE OM BETER TE VERSTAAN WAT MET "ONWETENDE" SONDES BEDOEL WORD:

-(Lev 4:27)  En as iemand van die volk van die land in swakheid sondig, omdat hy enigiets doen wat die HERE verbied het, en hy skuldig word;

-(Lev 4:28)  of as sy sonde wat hy gedoen het, aan hom bekend word, dan moet hy as sy offer bring ‘n bok sonder gebrek, ‘n ooi, vir die sonde wat hy gedoen het;

VOLGENS HIERDIE SKRIF IS DIT DUIDELIK DAT NIE ALLE SONDE ONMIDDELLIK AAN IEMAND "BEKEND" IS NIE;  M.A.W. DIT IS MOONTLIK VIR IEMAND OM NIE ALTYD BEWUS TE WEES VAN WANNEER HY SONDIG NIE!

VGL. DIT MET:
(Eseg. 45:20)  So moet jy ook doen op die sewende in die maand ter wille van die wat hulle uit swakheid of uit onwetendheid misgaan het; so moet julle dan vir die huis versoening doen.

IETS WAT REEDS DUIDELIK IS UIT O.T. SKRIFTE, IS DAT DAAR OOK 'N OFFER NODIG WAS VIR "ONWETENDE SONDES", M.A.W. DAAR WAS OOK 'N OFFER NODIG VIR WANNEER IEMAND SE SONDE AAN HOM BEKEND WORD... DIE OOMBLIK TOE HY "KUNDIG" RAAK DAAROOR, TOE MOES HY HOM BEKEER DAARVAN. Iemand wat kundig raak, maar weier om hom te bekeer, kies om ongelowig te wees!

(Heb 4:15)  Want ons het nie ‘n hoëpriester wat nie met ons swakhede medelye kan hê nie, maar een wat in alle opsigte versoek is net soos ons, maar sonder sonde................

(Heb 5:2)  as een wat kan saamvoel met die onwetendes en dwalendes, omdat hy self ook met swakheid bevange is.

IN HIERDIE STUDIE SAL ONS SIEN HOE BARMHARTIG DIE HERE IS T.O.V. SONDE WAT ONWETEND BEGAAN IS... Maar, alhoewel die Here Jesus op die kruis gebid het, "Vader, vergeef hulle..." (m.a.w., hulle barmhartig was), was daar steeds van hierdie mense verwag om hulle te bekeer TOE HULLE SONDE AAN HULLE BEKEND WORD! (Hand. 3:17-19). Sou hulle egter tot insig kom, maar daarna kies om die Here ongehoorsaam te bly en weier om hulle te bekeer tot Hom, dan sal die Here nie barmhartig wees t.o.v. hulle ongeloof nie!(vgl. dit met Rom. 1).

---------------------------------------------------------------------------------

OPSOMMING:
(in hierdie blogpost gaan ons spes. kyk na waar GELOWIGES onwetende sondes pleeg)


Die woord vir "onwetend" (1 Tim. 1:12,13), is die Griekse woord: "ag-no-eh'-oh", wat beteken 
"not to know, be ignorant, not understand". 
Mense sien somtyds nie iets as sonde nie, terwyl dit dan eintlik is! - soos in die geval van Paulus (toe nog Saulus) wat die Naam van die Here Jesus gelaster het en die gemeente vervolg het - IN SY GEVAL WAS SY SONDE GESIEN AS "ONWETENDE SONDE" (hy was "onkundig/het nie verstaan"). Die Here is baie barmhartig teenoor sulke onwetende sondes, maar dit beteken nie dat iemand nie nodig het om hom te bekeer daarvan wanneer sy sonde aan hom bekend word nie! (Hierdie sondes was ook nie in die O.T. outomaties vergewe nie, maar het 'n offer nodig gehad om vergifnis te ontvang...).

Iets wat ons in gedagte moet hou wanneer dit by barmhartigheid en vergifnis kom, is dat ons moet weet wat "sonde" is. Sonde gaan oor of iemand die "wil van die Here doen, of nie" - dit is eevoudig:  "die wat nie die wil van die Vader doen nie, sal nie ingaan in die koninkryk van God nie"! (Matt. 7:21; 21:31) - dit is ook op hierdie manier hoe daar onderskei kan word tussen die wat "slegs voorgee", en die ware. Maar wat ons moet verstaan, is dat daar wel sondes is wat iemand kan pleeg in onkundigheid, m.a.w. waar die gelowige dink hy doen die wil van die Here, terwyl dit nie so is nie! Waar 'n gelowige egter weet iets is sonde, en dit steeds doen, stap so iemand 'n gevaarlike paadjie!  So 'n gelowige dien sy eie wil, of het weer die sonde begin dien (waarvan sommige van sulke gelowiges erken dat hulle sondig, maar hulle nie bekeer daarvan nie;  ander gee voor asof hulle die wil van die Here doen, maar weet goed dat hulle nie die wil van die Here doen nie).  

So, in die geval van onwetende sonde,  dink die gelowige dat hy die wil van die Here doen, maar is eintlik besig om te sondig! Wat nodig is, is dat die persoon se sonde aan hom bekend word, maar in die geval van opsetlike sonde, is sy sonde alreeds aan hom bekend. 
--------------------------------

KOM  ONS KYK NET VINNIG NA VERSKILLENDE SOORTE SONDES, sodat ons verstaan wat die verskil is tussen onwetende sondes, en ander sondes:

(L.w. dat sonde nie hier bespreek word in die geval van "die ongelowige" nie, maar spesifiek in die geval van die GELOWIGE SE SONDE)

-(1)  SONDE (in geval van gelowiges)(waar iemand weet hy doen nie die wil van die Here nie, en dit bely, en/of hom bekeer van daardie sonde)(waar gelowiges egter weier om sonde af te le, kan dit wys op of "groter sonde", of "sonde tot die dood").

-(2) (GROTER) SONDE (in geval van gelowiges)(waar iemand weet hy doen nie die wil van die Here nie, maar gee voor asof hy die wil van die Here doen - hy het 'n "verharde hart" en weier om te erken dat hy verkeerd is - so iemand moet bestraf word sodat hy berou kan kry)(hierdie gelowiges is die "geveinsdes", die "akteurs") - http://warechristene.blogspot.co.nz/2012/01/is-daar-iets-soos-groot-en-klein-sonde.html

-(3) ONWETENDE SONDE (in geval van gelowiges)(waar iemand dink dat hy die wil van die Here doen, maar eintlik nie Sy wil doen nie - so iemand is "onkundig") - rol af om dit beter te verstaan

-(4) SONDE TOT DIE DOOD (in geval van gelowiges)(waar iemand weet hy doen nie die wil van die Here nie, en erken selfs dat hy in sonde stap, maar bekeer hom nie van die sonde nie - hy het m.a.w. weer die sonde begin dien)(om so iemand tot berou te bring, moet hy bestraf word - gelowiges word beveel om nie vir gelowiges te bid wat stap in "sonde tot die dood" nie....) - http://warechristene.blogspot.co.nz/2014/02/wat-is-die-sonde-tot-die-dood.html

-(5) DIE ONVERGEEFLIKE SONDE (in die geval van gelowiges)(waar iemand laster teen die Gees van God).  (In hierdie geval verwys dit nie na "onwetende sonde" nie, maar eerder na 'n "groter sonde" (wat in hierdie geval nie vergewe kan word nie!).  Die persoon wat hierdie sonde doen, se hart is verhard-soos in die geval van "groter" sonde - staan hy die waarheid tee en gee voor dat hy die wil van die Here doen, maar weet goed dat dit nie so is nie - dit is gewoonlik in daardie toestand van die hart wat mense laster teen die Gees)(nie alle tipe laster is onvergeeflik nie)

-------------------------------------

WAT ONS MOET VERSTAAN VAN ENIGE TIPE SONDE, IS DAT BEKERING/BELYDENIS/BEROU, ALTYD 'N VOORVEREISTE IS VIR "VERGIFNIS VAN SONDES"!  Watter sonde die persoon ookal pleeg, hy moet hom eers bekeer tot die Here, en/of bekeer van afgode, en/of bekeer van werke voor hy vergifnis van sondes ontvang. 

http://warechristene.blogspot.co.nz/2013/09/wat-beteken-dit-om-tot-bekering-te-kom.html

Sommige geleerdes preek dat die Here outomaties "onwetende sondes" vergewe, maar dit is nie so nie!!!  Dit is eerder duidelik dat selfs in voorbeelde van evangelie-prediking in die skrif, "bekering" ook 'n voorvereiste was vir die wat "onwetende sondes" gepleeg het (voor hulle vergifnis van sondes kon ontvang) - (lees Hand. 3:17-19).  Die persoon wat onwetend sondig, het egter nie nodig om deur 'n roetine te gaan waar hy tot berou gelei moet word nie, maar hy moet eerder "tot insig" kom (kundig raak), sodat hy sy hele gedagtegang kan bekeer tot die Here (hy word dan outomaties oortuig van sy sonde). Maar die gelowige wat die "groter sonde" pleeg, of stap in "sonde tot die dood" - wat terloops alreeds kundig geraak het, en reeds weet dat hy sondig, moet eers tot berou kom, en moet bestraf word om tot daardie berou te kom (omdat hy nie wil erken dat hy weet hy is verkeerd nie) - sodat hy hom kan bekeer van daardie sonde. Vir diesulkes, wat "voorgee" of stap in sonde tot die dood, sal dit nie maklik wees in "die oordeel" nie!, en hulle sal 'n swaarder oordeel ontvang. Alle gelowiges gaan geoordeel word en het die Here se barmhartigheid nodig op daardie dag van die Here!  

Wat baie Christene nie besef nie, is dat barmhartigheid nie net iets is wat ons in hierdie lewe ontvang nie, maar ook iets wat in die toekoms nog aan die gelowige bewys gaan word... (in die oordeel wanneer die Here Jesus terugkom). ...As ons nie barmhartigheid nodig het wanneer Jesus terugkom nie, hoekom skryf Judas dan die volgende? -(Jud 1:20)  Maar julle, geliefdes, moet julleself opbou in jul allerheiligste geloof en in die Heilige Gees bid(Jud 1:21)  en julleself in die liefde van God bewaar, terwyl julle die barmhartigheid van onse Here Jesus Christus tot die ewige lewe verwag.  En hoekom skryf Jakobus dan die volgende? -(Jak. 2:13)  Want die oordeel sal onbarmhartig wees oor die wat geen barmhartigheid bewys het nie; en die barmhartigheid roem teen die oordeel. En hoekom skryf Paulus dan die volgende oor die huis van Onesiforus? -(2Ti 1:18)  Mag die Here hom skenk dat hy barmhartigheid mag verkry van die Here in dié dag! En jy weet baie goed hoeveel dienste hy in Éfese bewys het".

Vir iemand om vergifnis van sondes te ontvang, het hy "barmhartigheid" nodig, en ons moet verstaan dat die Here se barmhartigheid nie sonder voorwaardes geskied nie. Iemand moet hom eers BEKEER VAN SONDE, voor hy vergifnis kan ontvang in die Here Jesus Christus!  Die Here bewys barmhartigheid aan die wat hulle BEKEER.  (dit is maklik vir iemand wat onwetend gesondig het om hom te bekeer wanneer sy sonde aan hom bekend word, maar die persoon wat opsetlik sondig, moet eers tot berou kom - nie tot insig nie, want hy het alreeds insig!).
 So ja, daar is versoening vir sondes onder die bloed van Christus, maar daar is voorwaardes vir die ontvang van hierdie versoening.  Ons kan nie staatmaak op die Here se barmhartigheid, maar nie die voorwaardes nakom nie!  'n Gelowige kan nie stap in "sonde tot die dood" en verwag dat die Here (op die dag wanneer Hy terugkom)(in die oordeel) hom barmhartig gaan wees nie!  Die Here is nie barmhartig t.o.v. sondes waarvan iemand hom nie wil bekeer nie, maar is altyd barmhartig teenoor die wat hulle bekeer tot Hom en Hom gehoorsaam! 
http://warechristene.blogspot.co.nz/2014/01/barmhartigheid.html  

-----------
Hoekom moet iemand se sondes vergewe word?  -DIE DOEL VAN "VERGIFNIS VAN SONDES", IS SODAT IEMAND NIE ONDER GOD SE TOORN VAL NIE. Wie sal onder God se toorn val (m.a.w., aan wie word daar nie barmhartigheid bewys nie)? 
Kom ons kyk na 'n paar verse:

*  (Kol. 3:5)  Maak dood dan julle lede wat op die aarde is, naamlik hoerery, onreinheid, hartstog, slegte begeertes en gierigheid, wat afgodediens is,
(Kol. 3:6)  waardeur die toorn van God oor die kinders van die ongehoorsaamheid kom

(M.A.W., GOD GAAN NIE BARMHARTIG WEES OP DIE ONGEHOORSAMES NIE - hulle sondes word nie vergewe nie!  In hierdie gaval word spesifiek gepraat met gelowiges - vgl. dit met die tema van "sonde tot die dood").

*  (1Th 2:16)  deurdat hulle ons verhinder om tot die heidene te spreek dat hulle gered kan word, sodat hulle die maat van hulle sondes gedurig vol kan maak. Maar die toorn het oor hulle gekom tot die einde toe.

(M.A.W., DIE "ONGELOWIGE JODE" SAL NIE GOD SE TOORN VRYSPRING NIE! - in hierdie geval verwys dit spes. na die wat "gehoor het, maar nie glo nie").

*  (1Th 5:9)  Want God het ons nie bestem tot toorn nie, maar om die saligheid te verkry deur onse Here Jesus Christus

(DIE WAT ONDER GOD SE TOORN VAL, SAL NIE DIE SALIGHEID VERKRY NIE!)

(DIE WAT ONDER DIE TOORN GAAN VAL, WORD GENOEM "KINDERS VAN DIE TOORN" - dit verwys na almal wat "nie glo nie!" - Ef. 2).

(DIE KINDERS VAN DIE TOORN, DIEN DIE SONDE -stap volgens die begeerlikhede van die vlees - Ef. 2:3 - m.a.w. hulle is nie gehoorsaam aan die Here nie, maar gehoorsaam aan die sonde).

*  (Joh 3:36)  Hy wat in die Seun glo, het die ewige lewe; maar hy wat die Seun ongehoorsaam is, sal die lewe nie sien nie, maar die toorn van God bly op hom.

(DIE WAT NIE DIE SEUN, DIE HERE JESUS CHRISTUS GEHOORSAAM NIE, SAL ONDER DIE TOORN VAL - in hierdie geval word GEHOORSAAMHEID vgl. met GELOOF!).

Die punt is, daar is 'n toorn aan die kom! (Luk. 3:7).  Dit is slegs die aan wie daar barmhartigheid bewys word, wat die toorn sal vryspring.
--------------------------------------------------------------

 So, dit is nie dat Paulus nie bewus was van wat hy gedoen het nie, maar dat hy dit gedoen het in onwetendheid  - hy was onkundig en het gedink dat hy die wil van die Here te doen, terwyl hy eintlik besig was om te sondig! DIT IS EGTER ANDERS AS WANNEER IEMAND WEET WAT DIE WAARHEID IS, MAAR STEEDS ONGEHOORSAAM IS! - soos bv. die ongelowige Jode in Hand. 17:5 - "Maar die ongelowige Jode was afgunstig en het slegte manne van die leeglopers saamgeneem en die stad in opskudding gebring deur ‘n volksoploop te bewerk. En hulle het die huis van Jason aangeval en probeer om hulle voor die volk te bring". - dit is nie dat hulle nie "geweet" het nie, maar hulle was afgunstig. Wanneer iemand "afgunstig" is, dan weet hy goed wat die waarheid is, maar wil nie he dat dit voorspoedig moet wees met die persoon wat die waarheid hou of deel nie, en hy wil ook nie he dat ander mense daardie waarheid moet hoor nie! - sulke sondes is nie onwetend nie! 'n Ander goeie vb. hiervan is Josef se broers wat "afgunstig" op hom was (Gen. 37:11).  Jaloesie is baiemaal die rede waarom mense die waarheid teestaan!(Hand. 7:9); m.a.w., omdat hulle geweet het wat is die waarheid, was hulle afgunstig op hom.  Op dieselfde wyse was daar die wat afgunstig was op Moses en Aaron (Ps. 106:16). 

 "Die Here sal barmhartig wees oor wie Hy wil barmhartig wees,  en Hom ontferm oor wie Hy wil" ! (Vgl. dit met die onderwerp van "wie is vir die Here welgevallig?" - (http://warechristene.blogspot.co.nz/2013/12/wat-beteken-uit-genade-gered.html).  Ons moet verstaan dat  die "genade in Jesus Christus"  nie VERWYS NA "GENADE (guns) OP die goddelose sondaars NIE, maar genade (guns) op  DIE WAT vir Hom lief is, en Hom gehoorsaam (Joh 9:31 - "En ons weet dat God nie sondaars verhoor nie; maar as iemand godvresend is en sy wil doen, dié verhoor Hy"). Om uit genade gered te word, beteken nie dat iemand nie die voorwaardes van geloof hoef na te kom nie! - iemand kan barmhartigheid ontvang, maar dit beteken nie dat hy outomaties gered is nie!  Saligheid word slegs verkry deur geloof!  
(http://warechristene.blogspot.co.nz/2013/12/wat-beteken-uit-genade-gered.html).  
Baie Christene verstaan hierdie vreeslik verkeerd, en dink dat omdat hulle "glo", die Here ook barmhartigheid sal bewys selfs waar hulle "groter" sondes pleeg, of stap in "sonde tot die dood" sonder om hulle te bekeer daarvan, maar die waarheid is dat die skrif vir ons iets anders leer! Hierdie gelowiges stap 'n gevaarlike paadjie, en kan nie seker wees dat hulle in die oordeel, nie onder God se toorn sal val nie. Dit is ook hierdie gelowiges wat bestraf moet word sodat hulle tot berou gedwing kan word in die poging om hulle te "red" (sodat hulle vergifnis kan ontvang)! - so iemand word nie maklik vergewe nie, en as hy nie berou kry nie, dan kan hy dalk glad nie vergewe word nie, al verklaar hy dat hy 'n kind van God is!   Kyk gerus na hoe Johannes die Doper sekere mense nie wou doop nie - sy woorde was dat hulle nie die "vrug dra wat by die bekering pas nie" - hulle het wetend gesondig, en hulle is "vergifnis van sondes" geweier! (in hierdie geval het dit gegaan oor "sonde tot die dood"). 

Daar word nie baie barmhartigheid bewys aan die wat nie wil "hoor" nie! (Matt. 13:15; 10:14; Mark. 6:11; Luk. 9:5; 10:11,12; Hand. 13:51)!  Dit is gewoonlik die persone wat nie die waarheid kan verdra nie - hulle staan dit tee, en doen kwaad aan die wat die waarheid verkondig; tog gee hulle voor dat hulle die waarheid ken en verkondig terwyl hulle goed weet dat hulle nie besig is om die wil van die Here te doen nie, maar valse leerstellings verkondig wat in stryd is met die waarheid (1 Tim. 1:20; 2 Tim. 4:14,15; 2 Tim. 2:17,18...). 

(Maar ons praat NIE hier van die persoon wat valse leerstellings "onwetend" verkondig nie! - so iemand het nie bestraffing nodig nie (tensy hy natuurlik die waarheid hoor, en dit teestaan!), maar moet self eers kundig raak om in sy manier van dink, hom te bekeer tot die Here:  http://warechristene.blogspot.co.nz/2013/07/as-iemand-se-werk-verbrand-word-sal-hy.html). Maar hoe kan die persoon wat "onwetend sondig" tot berou kom vir iets wat hy in die eerste plek nie besef het sonde is nie??? So iemand moet eers kundig word voor hy hom bekeer tot die Here. Kyk ook na die betekenis van die woord "bekering" toe Johannes die Doper die mense opgeroep het tot bekering, en toe Jesus waar Hy met Sy bediening begin het, die mense geroep het om hulle te "bekeer" - die woord "bekeer" in hierdie betrokke skrifte is die Griekse woord:  "met-an-o-eh-o", wat beteken, "om agterna anders te dink; oorweeg; om te bely" - m.a.w. om te bekeer van die manier hoe hulle "gedink" het.
 http://warechristene.blogspot.co.nz/2013/09/wat-beteken-dit-om-tot-bekering-te-kom.html
Ook in die geval van waar Petrus gepreek het op die dag van Pinkster, en hy hulle versoek het om hulle te "bekeer", was hierdie Griekse woord gebruik wat beteken dat hulle hul moet bekeer tot die Here, bekeer van hoe hulle "gedink" het (Hand. 2:38).  Dit is duidelik dat hierdie mense "onkundig" was voor die tyd!  Hulle het onwetend gesondig teen die Here, en was ongelowig a.g.v. "onkunde".  Ook waar Petrus preek in Hand. 3 sien ons dieselfde - PETRUS MAAK SELFS DIE VOLGENDE STELLING:  "En nou, broeders, ek weet dat julle dit in onwetendheid gedoen het, net soos julle owerstes" (Hand. 3:17). Ook hier in v. 19 word die wat die evangelie hoor, beveel om hulle te bekeer van die manier hoe hulle dink, en ook gevra dat hulle hul moet draai na die Here (m.a.w. om hulle te bekeer tot die Here!).

http://warechristene.blogspot.co.nz/2013/01/evangelie-verkondiging.html

Die volk het verstaan wat met "onwetende sonde" bedoel word - (Heb 9:7).  Christene vandag verstaan nie altyd hierdie so goed nie, en maak geen onderskeid tussen "sondes" nie.  As ons dit nie verstaan nie, verstaan ons ook nie wanneer die Here barmhartig is (OF NIE!), of wanneer daar van ons barmhartigheid verwag word nie!

--------------------------------------------------------------------------------

=================================================================

UITEENSETTING VAN VERSGEDEELTES:

(1)  Paulus skryf die volgende in  1Tim. 1:12,13 - "En ek dank Hom wat my krag gegee het, Christus Jesus, onse Here, dat Hy my getrou geag en in die bediening gestel het, my wat vroeër ‘n lasteraar en ‘n vervolger en ‘n geweldenaar was. Maar aan my is barmhartigheid bewys, omdat ek dit onwetend gedoen het in ongeloof". Op daardie stadium toe Paulus nog gelaster het teen die Here Jesus Christus, en die gemeente vervolg en baie doodgemaak het, se hy het hy dit ONWENTEND gedoen. Wat beteken "onwetende sonde" - het Paulus dan "nie geweet wat hy doen" nie?  Die woord vir "onwetend" in hierdie skrif, is die Griekse woord: "ag-no-eh'-oh", wat beteken "not to know, be ignorant, not understand". 

Paulus (toe nog Saulus) was "onkundig/het nie verstaan". Ook die wat vir Jesus gekruisig het was onwetend, (maar l.w. dat die wat Hom oorgegee het, nie onwetend was nie!  Hulle het die "groter sonde" gepleeg (http://warechristene.blogspot.co.nz/2012/01/is-daar-iets-soos-groot-en-klein-sonde.html).  Paulus het nie besef dat hy eintlik sondig teen die Here nie, en was ongelowig a.g.v. onkunde. Daar is 'n verskil tussen iemand wat "ongelowig" is omdat hy onkundig is, en iemand wat "ongelowig" is omdat hy, nadat hy kundig geraak het, besluit om ongelowig te wees! In Paulus (Saulus) se geval het hy gedink dat hy die wil van die Here doen, maar hy het nie! Hy was "ongelowig" omdat hy onkundig was.  Sommige ongelowige skrifgeleerdes en Fariseers was nie onkundig nie, (alhoewel sekere owerstes wel onkundig was-Hand.3:17) en nie ongelowig omdat hulle onkudig was nie, maar het goed geweet wat die waarheid is en het gekies om ongelowig te wees (maar voorgegee dat hulle gelowig is!).  Hulle het uit afguns die waarheid teegestaan.  Hierdie persoon/e het die "groter sonde" gepleeg! (Joh. 19:11)  - hulle het geweet dat hulle nie die wil van die Here doen nie, maar voorgegee asof hulle die wil van die Here doen! - dit is hulle vir wie Jesus genoem het "geveinsdes" (wat beteken, "akteurs") - (so iemand erken ook nie dat hy sondig nie, want dan moet hy erken dat hy weet dat hy nie die wil van die Here doen nie!).  Hierdie persone is gewoonlik daardie gelowiges wat "afgunstig" is op die wat die waarheid verkondig. 

GELOOF IS UIT DIE GEHOOR:

1Tim. 1:12,13 - "En ek dank Hom wat my krag gegee het, Christus Jesus, onse Here, dat Hy my getrou geag en in die bediening gestel het, my wat vroeër ‘n lasteraar en ‘n vervolger en ‘n geweldenaar was. Maar aan my is barmhartigheid bewys, omdat ek dit onwetend gedoen het in ongeloof".Let ook op die woorde "in ongeloof" - (Rom 10:17 - "Die geloof is dus uit die gehoor, en die gehoor is deur die woord van God"). Iemand wat "geloof" het, soek na die wil van die Here - hy doen nie soos hy dink hy moet doen of wat van hom verwag word nie, maar wil doen soos die Here hom opdrag gee - hy is 'n "dienskneg van die Here".

Een van die werke van die Heilige Gees, is om mense te OORTUIG VAN SONDE:  
(Joh 16:7)  Maar Ek sê julle die waarheid: Dit is vir julle voordelig dat Ek weggaan; want as Ek nie weggaan nie, sal die Trooster nie na julle kom nie; maar as Ek weggaan, sal Ek Hom na julle stuur;
(Joh 16:8)  en as Hy kom, sal Hy die wêreld oortuig van sonde en van geregtigheid en van oordeel

HIERDIE FEIT  van die geloof uit die gehoor, IS OOK DUIDELIK UIT ANDER SKRIFTE:

(Joh 4:41)  En baie meer het op grond van sy woord geglo (Joh 4:42) en aan die vrou gesê: Ons glo nie meer op grond van wat jy gesê het nie, want ons het self gehoor en ons weet dat Hy waarlik die Christus, die Saligmaker van die wêreld, is;  

---------------------------------------------

(Joh 7:45)  Die dienaars kom toe by die owerpriesters en die Fariseërs, en dié sê vir hulle: Waarom het julle Hom nie gebring nie?

(Joh 7:46)  Die dienaars antwoord: Nooit het ‘n mens so gespreek soos hierdie mens nie.

(Joh 7:47)  En die Fariseërs antwoord hulle: Julle is tog nie ook mislei nie?

(Joh 7:48)  Het iemand uit die owerstes in Hom geglo, of uit die Fariseërs?

(Joh 7:49)  Maar hierdie skare wat die wet nie ken nie, is vervloek!

(Joh 7:50)  Nikodémus—hy wat in die nag na Hom gegaan het, wat een van hulle was—sê vir hulle:

(Joh 7:51)  Oordeel ons wet die mens sonder om hom eers te hoor en te weet wat hy doen?

(Joh 7:52)  Hulle antwoord en sê vir hom: Jy is tog nie ook uit Galiléa nie? Ondersoek en sien dat daar geen profeet uit Galiléa opgestaan het nie.

(Joh 7:53)  En elkeen het huis toe gegaan.

- OOK IN HIERDIE GEVAL SIEN ONS DAT DIE DIENAARS GEGLO HET UIT WAT HULLE GEHOOR HET!  (maar toe hulle gestuur is om Hom te gaan haal, het hulle nie geglo nie, want hulle het nog nie gehoor nie!).

--------------------------------------------

(Heb 3:13)  Maar vermaan mekaar elke dag so lank as dit vandag genoem word, sodat niemand van julle deur die verleiding van die sonde verhard word nie.

(Heb 3:14)  Want ons het deelgenote van Christus geword, as ons net die begin van ons vertroue tot die einde toe onwrikbaar vashou;

(Heb 3:15)  omdat daar gesê word: Vandag as julle sy stem hoor, verhard julle harte nie soos in die verbittering nie.

(Heb 3:16)  Wie was dit dan wat gehoor het en Hom verbitter het? Was dit nie almal wat onder leiding van Moses uit Egipte gegaan het nie?

(Heb 3:17)  En op wie was Hy veertig jaar lank vertoornd? Was dit nie op die wat gesondig het, wie se lyke in die woestyn geval het nie?

(Heb 3:18)  En aan wie het Hy gesweer dat hulle in sy rus nie sal ingaan nie, behalwe aan die ongehoorsames?

(Heb 3:19)  En ons sien dat hulle deur ongeloof nie kon ingaan nie.

- GELOOF HET DUS BAIE TE DOEN MET DIE "GEHOOR" - AS IEMAND SY HART VERHARD NADAT HY GEHOOR HET, DAN PLEEG HY DIE "GROTER SONDE", OF IS BESIG OM TE STAP IN "SONDE TOT DIE DOOD"!  -(soos in die geval van die wat in opstand gekom het teen Moses en Aaron en afgunstig was teenoor hulle - rol af vir meer skrifte hieroor). Iemand wat m.a.w. kundig is en nie kan se dat hy nie geweet het nie, stap 'n gevaarlike paadjie as hy sy hart verhard. Waar iemand kundig is, maar besluit om steeds die sonde te dien, of om sy eie wil te doen (en selfs voorgee asof hy die Here gehoorsaam is), moet hy eers bestraf word om tot berou te kom, en as hy berou het, kan hy vergewe word, maar as hy hom nie bekeer nie, sal hy nie vergewe word nie!  In die oordeel sal hierdie gelowiges dit nie maklik he nie!

KYK OOK:  (Ef. 1:13)  "in wie julle ook, nadat julle die woord van die waarheid, die evangelie van julle redding, gehoor het, in wie julle, nadat julle ook geglo het, verseël is met die Heilige Gees van die belofte".

-  nadat iemand gehoor het, moet hy ook glo!  Dit help nie jy "hoor", maar jy glo nie (en l.w. dat geloof veral gaan oor gehoorsaamheid; m.a.w. aan wie jy jouself ondergeskik stel om hom te dien - dien jy die sonde, of dien jy die Here?).  Vgl. hierdie gerus met die gelykenis van die Saaier, waar die klem ook le op die wat "HOOR"; (- ...die wat hoor, maar net vir 'n tyd glo!; of die wat hoor, en vashou aan die geloof...ens).

=================================================================================

(2)  (Luk 23:34)  "En Jesus sê: Vader, vergeef hulle, want hulle weet nie wat hulle doen nie. En hulle het sy klere verdeel en die lot daaroor gewerp".

(Behandel gerus die onderwerp van "groot en klein sonde" om hierdie nog beter te verstaan:  http://warechristene.blogspot.co.nz/2012/01/is-daar-iets-soos-groot-en-klein-sonde.html).

Joh 19:10  En Pilatus sê vir Hom: Praat U nie met my nie? Weet U nie dat ek mag het om U te kruisig en mag het om U los te laat nie? 

Joh 19:11  Jesus antwoord: U sou geen mag teen My hê as dit u nie van bo gegee was nie. Daarom het hy wat My aan u oorlewer, groter sonde.  "GROTER SONDE" gaan oor opsetlike sonde (nadat iemand tot die waarheid gekom het, maar steeds stap in die sonde sonder om hom te bekeer daarvan). 

- Maar is alle sonde dan nie opsetlik nie?  Dit is dieselfde as hoe almal tog goed geweet het wat hulle doen toe Jesus gekruisig is, tog was daar die van wie Jesus gese het, "hulle weet nie wat hulle doen nie"!?  Daar is dus (kleiner) sonde, 'n geval waar mense nie weet wat hulle doen nie. In die geval van die "wat vir Jesus oorgelewer het", was dit groter sonde, omdat hulle goed geweet het wat die waarheid is!, EN HET OPSETLIK IN OPSTAND GEKOM TEEN DIE WAARHEID!- (dit is die groter sonde, die sonde wat iemand "wetend" doen!).  Die ander ("wat nie geweet het wat hulle doen nie"), was nie seker van wat die waarheid is nie. 

-Daarom se Paulus ook dat ons moet pasop "hoe ons bou", want baie maak hulle ore oop vir valse leerstellings - so iemand kan hierdie leerstelling sy lewe lank verkondig en dink dat hy vrug versamel vir die ewige lewe, maar op die dag van die Here, sal sulke werke verbrand word, alhoewel die persoon self gered sal word, maar al die werk wat hy ingesit het om daardie leerstelling te leef en verkondig, vir hom geen vrug opgelewer het nie.  In hierdie geval is dit "onwentend" - die persoon gaan steeds onder oordeel val, maar sal nie onder God se toorn val nie. 
- MAAR waar iemand weet wat die waarheid is, maar bly vashou aan valse leerstellings, of dit kies om verkeerde redes, bv. vir die voordele wat hy daaruit kan kry, kan daardie leerstellings vreeslike gevolge he, en staan so iemand die gevaar om sy vrug  te verloor - en wat nog as hy daardie leerstellings ook aan ander geleer het?  In hierdie geval is dit "wetend" (groter sonde). (VGL. DIT MET DIE BRIEF AAN DIE GEMEENTE VAN PERGAMUS - (Openb. 2:14-16 - "Maar Ek het enkele dinge teen jou: dat jy daar mense het wat vashou aan die leer van Bíleam wat Balak geleer het om ‘n struikelblok voor die kinders van Israel te werp, naamlik om afgodsoffers te eet en te hoereer. So het jy ook mense wat vashou aan die leer van die Nikolaïete, wat Ek haat. Bekeer jou; anders kom Ek gou na jou toe en sal teen hulle oorlog voer met die swaard van my mond)). Terwyl hierdie gelowiges goed geweet het dat dit verkeerd is "om afgodsoffers te eet", of "om te hoereer", het hulle die valse leerstellings steeds aangeneem!  Sodoende het hulle in opstand gekom teen die waarheid en WETEND gesondig! DIE HERE IS NIE BAIE BARMHARTIG TEENOOR HIERDIE TIPE SONDE NIE!  Hierdie werke sal nie bloot verbrand word eendag omdat hulle Christene is nie, maar inteendeel, omdat dit nie onwetende sondes was nie, sal die Here teen hulle oorlog voer met die swaard van Sy mond as hulle hul NIE BEKEER NIE! Dit is dieselfde met "opsetlike" sonde, waar iemand voortstap in 'n sonde sonder om hom daarvan te bekeer! (nl. "sonde tot die dood") -(Jer 6:15) "Hulle kom in die skande, omdat hulle gruwel bedryf het; tog skaam hulle hul nie in die minste nie, tog weet hulle nie om te bloos nie. Daarom sal hulle val onder die wat val; in die tyd dat Ek aan hulle besoeking doen, sal hulle struikel, sê die HERE".

In die oordeel sal die Here meer barmhartig wees teenoor "onwetende" sondes  - hierdie werke sal verbrand word, maar die persoon self gered word (dit sal m.a.w. nie enige beloning vir hom oplewer nie!). http://warechristene.blogspot.co.nz/2013/07/as-iemand-se-werk-verbrand-word-sal-hy.html.=================================================================================

 Die wie se sondes vergewe is, sal nie onder Sy toorn val nie!, maar waar gelowiges nie opreg is nie, of hulle harte verhard,  kan hulle nie verwag dat die Here dieselfde barmhartigheid aan hulle gaan bewys nie. Baie gelowiges dink dat die huis van God glad nie geoordeel sal word nie, maar die skrif verklaar die teenoorgestelde!  - en inteendeel sal hulle op sekere sondes, 'n swaarder oordeel ontvang! (Daarom het Jesus verklaar dat ons geregtigheid OORVLOEDIGER moet wees as die van die skrifgeleerdes en Fariseers - Matt. 5:20 - natuurlik moet ons GEHOORSAAM wees!). Waar 'n gelowige stap in sonde tot die dood, kan hy nie verwag dat hy nie onder God se toorn sal val nie!  

HIER IS DIE WAARHEID! (maar ons moenie net "hoor" nie, maar glo!): 

(1Pe 4:17)  Want die tyd is daar dat die oordeel moet begin by die huis van God. En as dit eers by ons begin, wat sal die einde wees van die wat aan die evangelie van God ongehoorsaam is?
(1Pe 4:18)  En as die regverdige nouliks gered word, waar sal die goddelose en die sondaar verskyn?

(1Pe 4:19)  So laat dan ook die wat volgens die wil van God ly, hulle siele aan Hom as die getroue Skepper toevertrou met goeie dade.

EN HIERDIE IS GESKRYF VIR DIE GELOWIGE WAT "GEHOOR" HET, MAAR NIE GLO NIE!:

(L.W. VIR CHRISTENE GESKRYF!!!)

(Rom 2:5)  Maar ooreenkomstig jou verhardheid en onbekeerlike hart vergader jy vir jou toorn as ‘n skat in die dag van die toorn en die openbaring van die regverdige oordeel van God

(Rom 2:6)  wat elkeen sal vergeld na sy werke:

(Rom 2:7)  aan die wat deur volharding in goeie werke heerlikheid, eer en onverganklikheid soek die ewige lewe;

(Rom 2:8)  maar aan die wat eiesinnig en aan die waarheid ongehoorsaam, maar aan die ongeregtigheid gehoorsaam is grimmigheid en toorn;

(Rom 2:9)  verdrukking en benoudheid oor die siel van elke mens wat kwaad doen, oor die Jood eerste en ook oor die Griek;

(Rom 2:10)  maar heerlikheid en eer en vrede vir elkeen wat goed doen, vir die Jood eerste en ook vir die Griek.

(Rom 2:11)  Want daar is geen aanneming van die persoon by God nie.

(Rom 2:12)  Want almal wat sonder wet gesondig het, sal ook sonder wet verlore gaan; en almal wat onder die wet gesondig het, sal deur die wet geoordeel word;

(Rom 2:13)  omdat nie die hoorders van die wet by God regverdig is nie, maar die daders van die wet geregverdig sal word.
========================================================================

Daarom is dit baie gevaarlik wanneer iemand tot die waarheid kom, maar dit ignoreer bloot omdat "sy kerk dit verkondig", of watter rede ookal.  Waar iemand bewus is van die waarheid, maar in opstand kom daarteen, is so iemand SE HART VERHARD.
----------------------------------------------------------------------------------------------------------------------------------

 http://warechristene.blogspot.co.nz/2013/07/as-iemand-se-werk-verbrand-word-sal-hy.html).  
http://warechristene.blogspot.co.nz/2013/04/wat-glo-jy-die-waarheid-of-die-halwe.html
http://warechristene.blogspot.co.nz/2013/08/goeie-vrug-en-goeie-werke.html
http://warechristene.blogspot.co.nz/2013/08/die-vrug-van-die-gelowige.html
http://warechristene.blogspot.co.nz/2013/08/wat-beinvloed-die-vrug-van-die-gelowige.html
http://warechristene.blogspot.co.nz/2013/08/hoe-groei-die-christen-geestelik.html
http://warechristene.blogspot.co.nz/2013/07/hoekom-voel-sommige-christene-dat-die.html
http://warechristene.blogspot.co.nz/2013/07/hoekom-voel-sommige-christene-dat-die_16.html