Christus die hoof van elke man

1Kor. 11:3 - "Maar ek wil hê dat julle moet weet dat
- Christus die hoof is van elke man, en
- die man die hoof van die vrou, en
- God die hoof van Christus".
------------------------------------------------------------------------------------------------------------

(Ef. 1:22)  "En Hy het alle dinge onder sy voete onderwerp en 

Hom as Hoof

 bo alle dinge aan die gemeente gegee".

IN HIERDIE BLOGPOST GAAN ONS SPESIFIEK KYK NA "Christus, die hoof van elke man".

Vgl. ook hierdie onderwerp met "God, die hoof van Christus";
en "die man, die hoof van die vrou" (1 Kor. 11:3).

_________________________________________________________________________________
OPSOMMING:
(Rol af vir skrifte)

WAT BETEKEN DIE WOORDE  "Christus is die hoof van elke man"?:
(1)  Jesus Christus is die Hoof bo alle dinge in die gemeente - Hy is die Hoof v/d gemeente.  Die wat gevul is met Sy Gees, is deel van Sy liggaam (in hierdie liggaam het almal mekaar lief soos wat hulle hul eie liggame liefhet, want hulle is almal EEN).  ONDERGESKIKTHEID  AAN CHRISTUS, BETEKEN OOK ONDERGESKIKTHEID AAN DIE VADER (omdat God die hoof is van Christus). ;

(2)  As Hoof van die liggaam, rus Hy ons toe vir verskilldende dienswerk tot opbouiing van die liggaam (sodat ons kan vrug dra uit diensbaarheid aan God)(ons behoort nie meer aan die wet nie, maar behoort nou aan Hom (ons doen wat Hy ons beveel, want Hy is die Hoof)(in "Sy liggaam" rus Hy elkeen toe vir dienswerk);

(3) Christus is deur God uitermate verhoog, en 'n Naam gegee bo elke naam (tog het Hy vir ons die vb. gestel van wat dit beteken om 'n DIENskneg te wees, en vir ons gewys wat dit beteken dat God eerder barmhartigheid soek as offers);

(4)   Hy is die Hoof van die gemeente, omdat Hy in alles eerste is - Hy was die Eersgeborene van die hele skepping, en ook die Eersgeborene uit die dode, sodat ons in Hom kan lewe, deurdat die Vader voorbeskik het om ons as sy kinders vir Homself aan te neem deur Jesus Christus. 

(5)  Hy is die Hoof van alle owerheid en mag - die liggaam behoort aan Christus (nie aan wette, beginsels van die wereld of oorlewering van mense nie). Ons is nie meer gehoorsaam aan allerhande insettinge, soos "raak nie, smaak nie, roer nie aan nie...", of moet toelaat dat ons geoordeel word in spys of drank of met betrekking tot 'n fees of nuwemaan of sabbat nie... maar gehoorsaam aan HOM WAT DIE HOOF IS VAN ALLE OWERHEID EN MAG - die liggaam behoort aan Christus (nie aan die wet nie).

(6)  Ons behoort aan Christus (en Christus aan God) - daarom roem ons in Hom want ons vertrou nie op die vlees nie (en vertrou dus nie in onsself of in ander mense nie - bv., ons vertrou nie in die wysheid van mense nie, maar vertrou die Here se wysheid).

_________________________________________________________________________________
Uiteensetting met skrifte:
Kom ons kyk na die konteks van verskillende skrifte waarin soortgelyke woorde gebruik word dat Christus die hoof is van die gemeente;   M.A.W., WAT BETEKEN HIERDIE TERM IN VERSKILLENDE SKRIFGEDEELTES?

(1)  (Ef. 1:22)  "En Hy het alle dinge onder sy voete onderwerp en Hom as Hoof bo alle dinge aan die gemeente gegee".

(Gaan lees Ef. 1:22 in konteks  -  dit gaan oor die doel om alle dinge wat in die hemele sowel as wat op die aarde is, onder een hoof in Christus te verenig;  en hoe die Vader ons voorbeskik het om ons as sy kinders vir Homself aan te neem deur Jesus Christus (Hom deur wie ons die verlossing en vergifnis het deur sy bloed...) - Sy gemeente, Sy liggaam. vGL. DIT OOK MET EF. 2:19 - "So is julle dan nie meer vreemdelinge en bywoners nie, maar medeburgers van die heiliges en huisgenote van God".

(Ef. 1:22)  En Hy het alle dinge onder sy voete onderwerp en Hom as Hoof bo alle dinge aan die gemeente gegee,

(Ef. 1:23)  wat sy liggaam is, die volheid van Hom wat alles in almal vervul.

SY GEMEENTE IS SY LIGGAAM - VGL. DIT MET HOE DIE LIGGAAM SAAMWERK - VERSKILLENDE LEDE - (EF. 1:3 - "Geseënd is die God en Vader van onse Here Jesus Christus wat ons geseën het met alle geestelike seëninge in die hemele in Christus")). IN KONTEKS GAAN EF. 1:22 DUS VERAL OOR DIE FEIT DAT SY GEMEENTE SY LIGGAAM IS (en Hy die hoof van Sy "liggaam", nl. "die gemeente").  

*  Ons is nou deel van Sy LIGGAAM, maar verskillende lede - EEN 
(met Christus as die Hoof). (ONS BEHOORT NIE MEER AAN DIE WET NIE, MAAR BEHOORT NOU AAN CHRISTUS - (Rom. 7:1-4) - Ef. 2:16 - en albei in een liggaam met God kon versoen deur die kruis, nadat Hy daaraan die vyandskap doodgemaak het)http://warechristenedagstukkies.blogspot.co.nz/2014/12/dood-vir-die-wet.html. Dit beteken dat ons nie meer die wet DIEN nie, maar dat ons Hom nou DIEN.(Rom 7:4 - "So, my broeders, is julle dan ook ten opsigte van die wet dood deur die liggaam van Christus, om aan ‘n ander te behoort, naamlik aan Hom wat uit die dode opgewek is, sodat ons tot eer van God vrugte kan dra"). Vgl. dit met wat Jesus geleer het dat ons geroep is om VRUG TE DRA, en dat die wat nie vrug dra nie, uitgekap sal word.  Alhoewel ons ondergeskik is aan Christus, is ons ook ondergeskik aan die Vader (omdat God die hoof is van Christus). Op dieselfde wyse is die vrou wat ondergeskik is aan haar man, ondergeskik aan Christus Jesus en ondergeskik aan die Vader... 

*  vgl. dit met die getroude man en vrou, as "EEN":

-(Mar 10:8,9 - "en hulle twee sal een vlees word, sodat hulle nie meer twee is nie, maar een vlees. Wat God dan saamgevoeg het, mag geen mens skei nie" - OMDAT DIE GETROUDE MAN EEN IS MET SY VROU, GEE HY VIR HAAR OM SOOS HY VIR SY EIE LIGGAAM OMGEE. Op dieselfde manier gee Christen broers en susters vir mekaar om omdat hulle "een" is in Christus Jesus, en het elkeen die ander lief soos hy homself liefhet ("asof sy eie liggaam"). 

___________________________________________________________

(2) 
(Ef. 4:15)  maar, terwyl ons in liefde die waarheid betrag, in alles sou opgroei in Hom wat die Hoof is, naamlik Christus,

Die konteks van Ef. 4:15, gaan ook oor HOE DIE HEILIGES TOEGERUS WORD VIR DIENSWERK,, TOT OPBOUIING VAN DIE LIGGAAM - KYK BV. VERAL VERSE 11, 12 EN 16... (EF. 4:16 - "uit wie die hele liggaam—goed saamgevoeg en saamverbind deur die ondersteuning wat elke lid gee volgens die werking van elke afsonderlike deel in sy mate—die groei van die liggaam bevorder vir sy eie opbouing in liefde").  DIT GAAN hier OOR HOE ONS MOET OPGROEI IN HOM (wat die Hoof is).  Paulus waarsku hulle ook dat hulle nie moet wandel soos die heidene met verharde harte en sonder kennis en in onreinheid nie, maar liewer vergewensgesind moet wees teenoor mekaar, vol liefde en ontferming, mekaar moet verdra in liefde, sagmoedig wees en nederig en lankmoedig...;  hy beveel hulle ook om sondes af te le. DIT IS HOE HULLE OPGROEI IN DIE HERE!  

DIT GAAN DUS HIER OOR "VRUG DRA" UIT DIENSBAARHEID AAN DIE HERE en OM TE DOEN WAT HY BEVEEL" - OMDAT HY DIE HOOF IS.

___________________________________________________________

(3)

(Fil. 2:9)  Daarom het God Hom ook uitermate verhoog en Hom ‘n naam gegee wat bo elke naam is,

(Fil. 2:10)  sodat in die Naam van Jesus sou buig elke knie van die wat in die hemel en die wat op die aarde en die wat onder die aarde is,

(Fil. 2:11)  en elke tong sou bely dat Jesus Christus die Here is tot heerlikheid van God die Vader.

IN KONTEKS GAAN FIL. 2:9 OOR HOE DIE GEMEENTELEDE GEHOORSAAM MOET WEES AAN MEKAAR:  EENSGESIND, LIEFDE, EEN VAN SIEL, EEN VAN SIN (Fil. 2:2).....
(Fil. 2:3)  Moenie iets doen uit selfsug of uit ydele eer nie, maar in nederigheid moet die een die ander hoër ag as homself.
(Fil. 2:4)  Julle moet nie elkeen na sy eie belange omsien nie, maar elkeen ook na die ander s’n.

(Fil 2:14)  Doen alles sonder murmurering en teëspraak

Hy verduidelik ook hoe Christus vir ons die vb. gestel het van hoe ons mekaar moet DIEN, en hoe Hy (die Naam bo elke naam) die gestalte van 'n DIENSKNEG aangeneem het... - (Fil. 2:5-8).  GEHOORSAAMHEID AAN MEKAAR GAAN OOR LIEFDE - dat ons nie net ons eie belange soek nie, maar ook die van 'n ander, en dat ons mekaar dien en ons lewens vir mekaar afle, vergewe ens. 

GEHOORSAAMHEID GAAN NIE NET OOR "OPDRAGTE UITVOER" NIE, MAAR OOR "BARMHARTIGHEID"!  http://warechristene.blogspot.co.nz/2014/01/ek-wil-barmhartigheid-he-en-nie.html  Ons moet verstaan waaroor Fil. 2 gaan, dat dit gaan oor hoe ons barmhartig moet wees teenoor mekaar.  WAT DIT HIER BEDOEL IS DAT Christus die Hoof is van die gemeente, EN DAT HY VIR ONS DIE VB. GESTEL HET VAN WAT DIT IS OM BARMHARTIG TE WEES! en l.w. dat Hy meer gehoorsaam was aan die Vader, as aan die leiers van Sy tyd! - Hy het barmhartigheid as meer geag as offers:  DIT IS DUIDELIK DAT DIE FARISEERS NIE REGTIG DIE BEGRIP VAN "BARMHARTIGHEID" VERSTAAN HET NIE, NET SOOS BAIE VAN ONS DIT OOK VANDAG VERKEERD VERSTAAN!  JESUS HET HULLE EGTER AANGEMOEDIG MET DIE VOLGENDE WOORDE (Matt. 9:13):  

GAAN LEER WAT DIT BETEKEN ... 

___________________________________________________________

(4)
(Kol 1:15)  Hy is die Beeld van die onsienlike God, die Eersgeborene van die hele skepping;

(Kol 1:16)  want in Hom is alle dinge geskape wat in die hemele en op die aarde is, wat sienlik en onsienlik is, trone sowel as heerskappye en owerhede en magte—alle dinge is deur Hom en tot Hom geskape.

(Kol 1:17)  En Hy is voor alle dinge, en in Hom hou alle dinge stand.

(Kol 1:18)  En Hy is die Hoof van die liggaam, naamlik die gemeente; Hy wat die begin is, die Eersgeborene uit die dode, sodat Hy in alles die eerste kan wees.

In konteks gaan Kol. 1:18 oor hoe Christus Jesus voor alle dinge was, en hoe alles in Hom stand hou.  Hy is die Eersgeborene van die hele skepping, en die beeld van die onsienlike God.  Alle dinge is deur Hom en tot Hom geskape. Hy is in alles eerste, en ook die Eersgeborene uit die dode, sodat ons kan lewe saam met Hom -  Vgl. dit met (Ef. 1:4,5 - "soos Hy ons in Hom uitverkies het voor die grondlegging van die wêreld om heilig en sonder gebrek voor Hom in liefde te wees, deurdat Hy ons voorbeskik het om ons as sy kinders vir Homself aan te neem deur Jesus Christus, na die welbehae van sy wil").  Verder gaan die konteks hier oor hoe ons die Here in alles moet behaag. en waardiglik voor Hom wandel, vrug dra en groei in die kennis van God (Kol. 1:10).

___________________________________________________________

(5)

(Col 2:9)  Want in Hom woon al die volheid van die Godheid liggaamlik;

(Col 2:10)  en julle het die volheid in Hom wat die Hoof is van alle owerheid en mag;

In konteks gaan dit oor hoe ons moet pasop vir wereldse wysheid (beginsels van die wereld en oorlewering van mense wat in stryd is met die leer van Christus) waardeur mense verlei word.  Ook dat ons nie meer die wet dien nie (wat slegs 'n skaduwee was van die toekomstige dinge), maar dien nou vir Christus, en het daarom, omdat ons in Sy dood begrawe is, die oue afgele, en die eerste beginsels afgesterf.  Ons is nie meer gehoorsaam aan allerhande insettinge, soos "raak nie, smaak nie, roer nie aan nie...", maar gehoorsaam aan HOM WAT DIE HOOF IS VAN ALLE OWERHEID EN MAG. (Kol 2:16)  Laat niemand julle dan oordeel in spys of in drank of met betrekking tot ‘n fees of nuwemaan of sabbat nie, (Kol 2:17)  wat ‘n skaduwee is van die toekomstige dinge; maar die liggaam behoort aan Christus.

___________________________________________________________

(6)

(1Kor. 3:23)  maar julle behoort aan Christus, en Christus aan God.

In konteks gaan dit oor hoe ons nie in mense moet roem nie, maar in Christus moet roem, want ons BEHOORT AAN HOM. (Fil. 3:3 - "Want óns is die besnydenis, ons wat God in die Gees dien en in Christus Jesus roem en nie op die vlees vertrou nie").Wat gebeur het in die gemeente van Korinthe, is dat baie geroem het in sekere predikers, omdat hulle baie wys geklink het.  Dit wil ook voorkom asof hulle wysheid 'n verkeerde fondament gele het en veroorsaak het dat die wat ontvanklik is daarvoor, "verkeerd bou".  Waar Christene bv. roem in 'n spes. kerk se leerstellings of in spes. predikers, in plaas van in "DIE WAARHEID" wat Jesus Christus vir ons gebring het, is hulle nie besig om in Christus te roem nie.  Hulle laat toe dat hulle gedagtes, woorde, optrede bepaal word deur mense, in plaas van deur die Here.  Alhoewel die leiers van 'n gemeente die rol kry van om "soos 'n herder" die skape en lammers te laat wei en voed, is hulle self ook ondergeskik aan die Herder, Jesus Christus. Gemeentelede is nie die leiers se skape soos wat baie glo nie!, maar die Here se skape.  Dit is a.g.v. hierdie miskonsepsie wat vele vir hulle leermeersters vergader wat hulle in die gehoor streel - "die een is vir Paulus, en die een vir Apollos......".ONS BEHOORT AAN CHRISTUS!, nie aan mense of aan 'n spesifieke kerk nie.

Vir die wat AAN CHRISTUS BEHOORT (m.a.w. die wat in Hom roem, nie in mense nie), word die opstanding tot lewe as belofte gegee:

(1Co 15:20)  Maar nou, Christus is opgewek uit die dode; Hy het die eersteling geword van die wat ontslaap het.

(1Co 15:21)  Want aangesien die dood deur ‘n mens is, is die opstanding van die dode ook deur ‘n mens.

(1Co 15:22)  Want soos hulle almal in Adam sterwe, so sal hulle ook almal in Christus lewend gemaak word;

(1Co 15:23)  maar elkeen in sy eie orde: as eersteling Christus, daarna die wat aan Christus behoort by sy koms.

(1Co 15:24)  Daarna kom die einde, wanneer Hy die koninkryk aan God die Vader oorgee, as Hy alle heerskappy en alle gesag en mag vernietig het.

(1Co 15:25)  Want Hy moet as koning heers totdat Hy al sy vyande onder sy voete gestel het.

_________________________________________________________________________________

Die man die hoof van die vrou

1Kor. 11:3 - "Maar ek wil hê dat julle moet weet dat
- Christus die hoof is van elke man, en
- die man die hoof van die vrou, en
- God die hoof van Christus".
------------------------------------------------------------------------------------------------------------
HOEKOM HEERS DIE MAN OOR DIE VROU?
Daar is 2 redes wat vir ons gegee word in 1 Tim. 2:13,14 van hoekom die man oor die vrou gestel is:
(1) Want Adam is eerste gemaak, daarna Eva.
(2) En Adam is nie verlei nie, maar die vrou het haar laat verlei en het in oortreding gekom.

(1) (1Ti 2:13)  Want Adam is eerste gemaak, daarna Eva.
In enige familie dra die eersgeborene meer gesag. Om daardie rede moet die jonger broers en susters altyd die oueres gehoorsaam - nie net omdat hulle eerste gebore is nie, maar ook omdat hulle wyser is.  Hulle het meer kennis omdat hulle ouer is.  Meer ondervinding van die lewe en hoe ouer mens word, hoe meer wys word jy.  Die Christelike ondervinding word ook op dieselfde manier voorgestel  -  "babas - kinders - jongmense - vaders...  Baie wat tot geloof kom, stop by die baba stadium, ander vorder slegs tot die jongmens stadium... Dit is altyd gevaarlik vir 'n Christelike gemeente as daar gelowiges is wat die gemeente lei asof "vaders" maar hulle is nog eintlik "babas" - dit het ook gebeur in die gemeente van Korinthiers!, en het nie goeie gevolge gehad nie  (http://warechristene.blogspot.co.nz/2013/08/hoe-groei-die-christen-geestelik.html). Vaders kan nie deur babas gelei word nie. Ook moet ons verstaan dat in die koninkryk van God dit nie slegs gaan oor wie eerste gebore is nie, maar ook oor wie "gegroei" het!  Die wat nie regtig tyd maak met die Here en Hom en Sy woord te leer KEN nie, of die wat nie belangstel om oorwinning te kry oor sonde nie, bly altyd by die baba-stadium.  Dit is ook juis die dinge wat wys wie regtig glo en gehoorsaam. En ook die rede waarom baie hulle eersgeboortereg verloor het! As die ouere nie groei nie, kan hy nie die jongere ly nie.

Ons vind verskeie voorbeelde in die Skrif van mense wat hulle eersgeboorte posisie verloor het omdat hulle nie hul posisie respekteer het nie.  As jy die oudste is, moet jy soos die oudste optree!  In die O.T. was die eersgeborenes gesien soos die "priesters" van die familie, maar baie het hierdie posisie verloor omdat hulle nie soos priesters opgetree het nie. Neem bv. vir Esau, Ruben, die eersgeborenes onder die volk v/d Here....ens.(http://warechristene.blogspot.co.nz/2015/04/eersgeborenes-en-eerstelingepriesters.html ).  Net soos wat hierdie eersgeborenes hulle eersgeboortereg en priesterlike verpligtinge verloor het a.g.v. ongehoorsaamheid en ongeloof, moet Christene wat bekendstaan as deel van die heilige volk en priesterdom, versigtig wees en nie dink dat hulle kan staatmaak op "plek" as hulle hul plek nie respekteer nie. Net so kan die MAN nie staatmaak op sy "eersgeboortereg" (as man) as hy stap in ongehoorsaamheid en ongeloof nie! Die man se outoriteit oor die vrou is onderwerp aan sy onderdaningheid aan die Here! As 'n man sy eersgeboortereg wil behou, dan moet hy soos 'n eersgeborene optree.  Op dieselfde wyse wat Adam eerste gemaak is en daarna Eva,  is Christus Jesus die EERSGEBORENE van die hele skepping (Kol. 1:15; Hebr. 1:6).  Hy is ook die Eersgeborene uit die dode (Kol. 1:18; Openb. 1:5) (die eerste wat die dood oorwin het, en eerste van almal wat sal opstaan tot lewe);  en dus ook die Eersgeborene onder baie broeders (Rom. 8:29);  EN DUS DIE HOOF VAN DIE MAN!

Op dieselfde wyse is die volk Israel gesien as God se "eersgebore seun", die eerstelinge van Sy opbrings (Jer. 2:3)(maar is ook geroep spesifiek omdat Abraham se GELOOF hom tot geregtigheid gereken is). As God vir Hom 'n volk moes kies wat eendag saam met Hom regeer en lei, dan sal Hy nie 'n volk kies wat alreeds bewys het dat hulle in ongehoorsaamheid lei nie (soos Eva in ongehoorsaamheid gelei het nie)! Daarom het Hy vir Hom 'n volk bymekaargemaak uit die nageslag van Abraham.  En uit hierdie volk (en deur die "Seun van Dawid" - en dan die saad van Sy eersgebore Seun Jesus Christus, deur Sy Gees) maak die Here vir Hom 'n priesterlike volk bymekaar wat uiteindelik alles sal erf en saam met Hom sal heers - 'n gemeente van eersgeborenes (Hebr. 12:23). Daarom word Christene genoem 'n "priesterdom", want hulle is gebore uit die saad van God...  en sal eendag saam met Hom regeer. http://warechristene.blogspot.co.nz/2013/07/en-ons-gemaak-het-konings-en-priesters.html


(2) (1Ti 2:14)  En Adam is nie verlei nie, maar die vrou het haar laat verlei en het in oortreding gekom.
Die tweede rede waarom Adam oor die vrou heers is omdat sy ongehoorsaam was en toe vir Adam "verkeerd gelei" het.  (Sy het dus gewys dat sy nie 'n leier is nie, want 'n goeie leier "lei" nie verkeerd nie). Adam boet natuurlik vir die feit dat hy hom deur die ongehoorsame vrou laat lei het, maar daar word nou van hom verwag om anders te lei as wat sy gedoen het, want hy moet  leiding neem in gehoorsaamheid en geloof . As priester word dit van hom verwag om as leier " 'n boodskapper vir die Here" te wees, om "die Here te raadpleeg en Sy wil te ken"  en "die familie in die wil van die Here" te lei. Hy het ook 'n verdere plig om "die kennis te bewaar" en natuurlik daarom lering te gee. Geen man kan staatmaak op die "priesterskap" as hy nie doen wat van 'n priester verwag word nie.  Die Christelike man moet besef dat gebed en om die Here te raadpleeg en Sy wil te soek, die basis is van "sy leiding".  En as hy nie tyd maak om die Here en Sy dinge te leer ken nie, hoe kan sy familie dan enigsins staatmaak op sy lering?  'n Deugsame vrou laat haar nie deur 'n blinde leier lei nie, want dit sou beteken dat sy self ook blind is - as sy haar deur 'n blinde man laat lei, sal hulle altwee in die sloot val. (Matt. 15:14).  Maar 'n man wat soek na die waarheid en die Here ken en raadpleeg, dit is 'n man wat sy gesin kan lei in die wil van die Here...

Daar word van Adam verwag om te lei, maar nie soos Eva hom gelei het (in ongehoorsaamheid) nie, maar sy leiding moet gebeur deur geloof en gehoorsaamheid aan die Here.
Op dieselfde wyse is die volk Israel gesien as God se "eersgebore seun", die eerstelinge van Sy opbrings (Jer. 2:3), maar is ook geroep spesifiek omdat Abraham se GELOOF hom tot geregtigheid gereken is!  Maar wat het gebeur met die ongehoorsame en ongelowige takke op hierdie boom (van eersgeborenes)? - Hulle is afgebreek en ander takke (wat nie oorspronklik deel was v/d "eersgebore seun"/volk nie) is op die olyfboom ingeënt  (Rom 11:17). Maar let op die waarskuwing in v.19-21 aan die Christene uit die heidene (die wat ingeent is in die afgebreekte takke se plek):

-(Rom 11:19)  Jy sal dan sê: Die takke is afgebreek, sodat ek ingeënt kon word.

-(Rom 11:20)  Goed! Deur ongeloof is hulle afgebreek, maar jy staan deur die geloof. Moenie hoogmoedig wees nie, maar vrees.

-(Rom 11:21)  Want as God die natuurlike takke nie gespaar het nie, sal Hy miskien jou ook nie spaar nie.

Ons sien dus die belangrikheid van om "in die GELOOF te bly".  Die wat priesters wil wees moet priesters wees IN GELOOF en GEHOORSAAMHEID AAN DIE HERE, anders kan hulle dit verloor... 

------------------------------------------------------------------------------------------------------------
EN DIE TWEE SAL EEN VLEES WORD:

DIE MANIER HOE DIE MAN OOR SY VROU HEERS GESKIED IN LIEFDE.  HY HEERS OOR HAAR SOOS HY OOR SY EIE LIGGAAM HEERS (want hulle twee is EEN). Die Christelike man lei sy vrou om ook aan die Here gehoorsaam te wees (net soos hyself is), en staan nie in haar pad om die Here se opdragte uit te voer en deur die Here gebruik te word nie. Die Christelike man sien nie sy regering as outokraties en selfsugtig nie, maar bewys eer aan sy vrou, leef verstandig met haar saam en word nie bitter nie. Hy respekteer haar liggaam soos sy eie. Die manier waarop hy sy vrou lei, is ook die manier waarop hy graag self gelei sou wou word, want haar vlees is soos sy eie vlees. Sy behae is na sy vrou, maar as hoof van die vrou, is sy behae eerstens na die Here sodat hy haar kan lei in onderdanigheid aan die Here. Hy is ook bereid om sy lewe vir haar af te le (want haar vlees is soos sy eie vlees).
------------------------------

(Mar 10:8,9 - "en hulle twee sal een vlees word, sodat hulle nie meer twee is nie, maar een vlees. Wat God dan saamgevoeg het, mag geen mens skei nie"). 
(Ef. 5:28)  So behoort die mans hulle eie vroue lief te hê soos hul eie liggame. Wie sy eie vrou liefhet, het homself lief;
(Ef. 5:29)  want niemand het ooit sy eie vlees gehaat nie, maar hy voed en koester dit, net soos die Here die gemeente.
(Ef. 5:30)  Want ons is lede van sy liggaam, van sy vlees en van sy bene.

Wanneer 'n man en vrou in die huwelik tree, dan word hulle EEN.  Maar wat beteken dit?  Veral verwys dit na hoe die twee nie mag skei nie (want hulle is nou EEN)(Mat 19:5,6), maar dit verwys ook daarom na hoe "die man die vrou moet liefhe".  In Ef. 5:28-30 word dit verduidelik dat die vrou se liggaam vir die man word soos sy eie liggaam (net soos ons ook lede is van een liggaam in Christus Jesus).  Die man moet dus sy vrou liefhe soos hy homself liefhet. Op dieselfde wyse wat hy sy eie liggaam voed en koester, moet hy vir haar "voed en koester".  (Ef. 5:31 - "Daarom moet die man sy vader en sy moeder verlaat en sy vrou aankleef en hulle twee sal een vlees word"). Ook net soos Christus die gemeente liefgehad het en Homself daarvoor gegee het, so moet die mans hulle eie vroue liefhê (Ef. 5:25).

As 'n man sy vrou sien "soos sy eie vlees", en hy is 'n man wat onderdanig is aan sy Here, dan sal hy ook nie in sy vrou se pad staan wanneer sy aan die Here onderdanig wil wees nie, en sal haar respekteer as 'n mede-erfgenaam van die genade v/d lewe (1 Pet. 3:7).  Alhoewel die vrou ondergeskik is aan die man, moet ons ook verstaan dat, as sy aan Christus behoort, is sy ook ondergeskik aan Hom!;  eintlik, ten eerste ondergeskik aan Christus en dan ondergeskik aan die man (omdat Christus die hoof is van die man!) - dit beteken dat as haar man ongehoorsaam is aan die Here, sy eerder die Here moet gehoorsaam as haar man. As 'n man werklik onderdanig is aan die Here gaan hy nie sy eie wil kies bo die wil van die Here nie.

Die man en vrou is wel besorg oor hoe hulle mekaar behaag ("to be agreeable, to please")(1Kor. 7:29-34), maar as hulle altwee se behae eerstens na die Here is (en dan na mekaar), dan sal hulle ook met mekaar saamstem. 

(Kol. 3:19)  Manne, julle moet jul vroue liefhê en nie teen hulle verbitter word nie.

(1Pe 3:7)  Net so moet julle, manne, verstandig met hulle saamlewe en aan die vroulike geslag, as die swakkere, eer bewys, omdat julle ook mede-erfgename van die genade van die lewe is—sodat julle gebede nie verhinder mag word nie.

(1Kor. 7:3)  Die man moet aan die vrou die verskuldigde welwillendheid bewys, en net so ook die vrou aan die man.(1Kor. 7:4)  Die vrou het nie mag oor haar eie liggaam nie, maar die man; en net so ook het die man nie mag oor sy eie liggaam nie, maar die vrou.(1Kor. 7:5)  Onttrek julle nie aan mekaar nie, behalwe met wedersydse ooreenstemming vir ‘n tyd lank om julle aan vas en gebed te kan wy; en kom weer bymekaar, sodat die Satan julle nie in versoeking bring deur julle gebrek aan selfbeheersing nie.(1Kor. 7:6)  Maar dit sê ek (Paulus) by wyse van toelating, nie by wyse van gebod nie.

---------------------------------------------------------------------------------------------
TEKEN VAN ONDERDANIGHEID:
(die "teken" van die hoofbedekking)

"Tekens" vorm 'n belangrike deel van kultuur, en word gebruik om iets voor te stel, riglyne neer te le of mense te herinner aan iets belangrik wat gebeur het.  "Tekens" bepaal ook baiemaal die stand van 'n volk en wat hulle glo en as belangrik reken.  So is vakansiedae bv. ingestel as tekens.  Kersfees stel vir meeste Christene Christus se geboorte voor, maar het 'n ander betekenis vir die wat nie glo nie. Tekens soos die nagmaal en die Christelike doop dra geweldig baie waarde vir die Christen, maar is van geen waarde vir die wat nie glo nie.  Dit is duidelik dat die wat nagmaal gebruik ook hulle stand in die samelewing beskryf, want die wat die nagmaal gebruik, is die wat bely dat hulle glo in die Here Jesus Christus en Sy offer aangeneem het.  Deur die teken van die nagmaal te gebruik, word ons herinner aan die duur prys wat Christus Jesus vir ons betaal het... Dus,   "Tekens" beskryf 'n kultuur se waardes.  In die Ou Testament was daar heelwat tekens wat vir daardie mense sin gemaak het, maar nie vir ons vandag nie.  Bv. die verskillende feeste wat op spesifieke tye geval het rondom die oesjaar.  Net so was daar, (behalwe die Sabbat), heelwat ander "sabbatte" en spesifieke vasdae wat alles waarde gehad het vir hulle, maar nie dieselfde waarde vir ons vandag nie.  En hier moet ons onderskei tussen wat is kultuur en wat is wet.  Baie wette van die O.T. was gegee ter wille van kultuur - so, ons moet ook onderskei tussen "wette van die Here" en "wette wat Hy gegee het terwille van kultuur".

Die teken van hoofbedekking was iets belangrik in hulle kultuur, want vir hulle het dit die man se gesag oor die vrou voorgestel. Tog was dit nooit 'n wet deur die Here gegee nie, en ook nie so 'n wet deur die Here gegee terwille van kultuur nie, maar dit was 'n gewoonte by sekere volke omdat die Here die man bo die vrou gestel het (Gen. 3:16).  Met hierdie teken het hulle dus bely dat hulle glo dat die man bo die vrou gestel is. Hierdie teken het iets voorgestel. In verskeie kulture vandag word die hoofbedekking steeds gebruik om onderdanigheid aan die man voor te stel.  In die eerste gemeentes was dit egter nie almal se oortuiging dat die bedekking nodig is nie, en miskien juis omdat nie alle Christene uit die heidene hierdie gewoonte in hulle betrokke kultuur nagevolg het nie(?).  Vir die Joodse Christene was dit inderdaad belangrik en ons kan sien hoe ernstig Paulus hieroor gevoel het. In 1 Kor. 11:3 maak hy dit duidelik waarom hy dink dit belangrik is (en duidelik die rede vir die hoofbedekking):  " Maar ek wil hê dat julle moet weet dat Christus die hoof is van elke man, en die man die hoof van die vrou, en God die hoof van Christus". Maar dan se hy ook in 1 Kor. 11:13 - "Oordeel self: Is dit betaamlik dat ‘n vrou met onbedekte hoof tot God bid?".  En ja, elkeen sal dit verskillend beoordeel, want vir die Joodse Christen was dit belangrik, maar vir baie Christene uit die heidene sou dit nie belangrik wees nie, nie omdat hulle noodwendig nie glo dat die man oor die vrou heers nie, maar omdat die teken nie eintlik vir hulle waarde dra nie. Behalwe dit is dit nie net Christen mans wat gevul word met die Heilige Gees nie, maar ook vrouens. En dit is nie net Christen mans wat die gawes van die Gees ervaar en die skrifte leer nie, maar ook Christelike vrouens, en hulle word ook deur die Here gebruik.  En is ook deel van die GEMEENTE VAN EERSGEBORENES! (Gal 3:28 - " Daar is nie meer Jood of Griek nie, daar is nie meer slaaf of vryman nie, daar is nie meer man en vrou nie; want julle is almal een in Christus Jesus") - hierdie skrif was wel nie gebruik in konteks met wie leiers is of nie, maar in die konteks met "wie volgens belofte erfgename is".  In die huweliksverhouding is die man inderdaad die een wat regeer, maar in die Here is beide man en vrou "eersgeborenes" en "priesters".  Ook is dit nie meer dieselfde soos in bybelse tye toe meeste vroue nie geleerdheid gehad nie;  inteendeel, in sommige Christelike huise het die vroue meer kennis van die Here se dinge as hulle mans.  Dus, om vandag van die vrou te verwag om stil te bly sodat die man alleenlik die lering doen (1 Tim. 2:11) kan in sommige huise tot gevolg he dat die kinders sonder die waarheid grootword!, of verdraaide leerstellings ontvang...
------------------------------------------------------------------------------------------------------------
HOE MOET DIE MAN SY HUIS REGEER:

 Die dissipels het 'n paar maal die tema aangeraak van hoe belangrik dit is vir die man om sy huis te regeer.  Dit is duidelik dat die mans dit nie altyd so lekker onder beheer gehad het nie! Kyk bv. 1Ti_3:5 - "Maar as iemand nie weet om sy eie huis te regeer nie, hoe sal hy vir die gemeente van God sorg dra?". Dit was geskryf in konteks met die wat 'n opsienersamp begeer het.  Maar laat ons aandag gee aan die dinge wat van die opsiener verwag word (waarvan o.a. "om sy eie huis te regeer"), want dit is duidelik dat die persoon wat hier voorgestel word nie een is wat outokraties sy eie wil soek nie, maar een wat "die Here se wil soek" en Hom gehoorsaam - hy verstaan dus dat sy "regering" ten eerste gaan oor onderdanigheid aan die Here.  En dit des te meer wat bedoel word in 1 Tim. ! - IS DAT IEMAND NIE VIR DIE GEMEENTE VAN GOD KAN SORG DRA AS HY DIT NIE EENS VIR SY EIE HUIS KAN DOEN NIE.  Die Christen-man moet weet wat die wil van die Here is voor hy vir sy familie kan sorg.  Die opsiener moet weet wat die wil van die Here is voor hy vir die gemeente kan sorg. Ons sien ook dat die opsiener verder bekwaam moet wees om te onderrig! (1 Tim. 3:2).  En verder is dit verseker 'n priesterlike plig om die kennis te bewaar en die wat onderdanig is aan hom, te LEI IN DIE WAARHEID (en om dit te kan doen, moet hy natuurlik die waarheid soek en ken).

ONS MOET VERSTAAN DAT DAAR 'N BALANS IS  -  DIE MAN SE OUTORITEIT OOR DIE VROU HET alles TE DOEN MET SY ONDERDANIGHEID AAN DIE HERE!  As hy nie onderdanig is aan die Here nie en nie ag gee op die eerste twee gebooie nie, dan sal hy sy familie heeltyd leed doen want sy outoriteit sal een wees uit selfsug en eie wil. En dan gaan sy leierskap tot sy eie val wees want hy kom dan nie die tweede gebod na nie.  Baie Christen-mans het hulle plek as "EERSGEBORENES" en PRIESTERS alreeds verloor!  As hy maar die Here soek en Hom raadpleeg en leer ken, dat hy weer in staat kan wees om sy huis te regeer in onderdanigheid aan die Een wat oor hom gestel is, nl. Jesus Christus.

------------------------------------------------------------------------------------------------------------

Eersgeborenes en Eerstelinge/Priesters

IN HIERDIE POS KYK ONS NA DIE BETEKENIS VAN DIE WOORDE "EERSGEBORENES" EN "EERSTELINGE".  ONS GAAN VERAL KYK NA HOE
 "EERGEBORENES" VERBAND HOU MET PRIESTERLIKE PLIGTE, EN WAT PRIESTERLIKE PLIGTE SPESIFIEK BEHELS.  Daar is ook ander onderwerpe rakende "eersgeborenes" (bv. 'n volk wat gesien word soos eersgeborenes, of die berip "eersgeborene uit die dode"), maar in hierdie pos staan ons stil by die priesterlike pligte van eersgeborenes.

_________________________________________________________________________________
Die woord eergeborene verwys na die seun wat "eerste gebore" is. 

-Christus is bv. die "Eersgeborene van die hele Skepping" (Kol. 1:15; Hebr. 1:6), ook "Eersgeborene uit die dode" (Kol. 1:18; Openb. 1:5), die "Eersgeborene onder baie broeders" (onder Christene) (Rom. 8:29)(en die eniggebore Seun van God) - 1Jh 4:9, 2 Jh 1:3,Openb.2:18).

-(Psa 89:4)  (89:5) "Tot in ewigheid sal Ek jou (Dawid se) nageslag bevestig en jou troon opbou van geslag tot geslag. Sela".  (Psa 89:27)  (89:28) "Ja, Ék sal hom ‘n eersgeborene maak, die hoogste onder die konings van die aarde". - IN CHRISTUS JESUS IS DAWID SE TROON VIR EWIG BEVESTIG.

-Die volk Israel was ook gesien as God se eersgebore seun (Eks. 4:22).
-Ook die geslag uit die stam van Levi is onder die volk in die plek geplaas van die eersgeborenes v/d volk (Num. 3:41).

Die woord eersteling ("first-fruits") verwys na "eerstelinge uit 'n groep", bv. eerstelinge van 'n oes (Eks. 23:16), of van beeste en kleinvee (Ek. 34:19), of eerstelinge van inkomste (Spr. 3:9).  Die 144 000 van Openb. 7 en 14, beskryf "eerstelinge" wat gekoop is uit die mense vir God (en almal uit die stamme van Israel). Die woord eerstelinge kan ook na die eersgeborenes van 'n land verwys (Ps. 78:51) - die volk Israel is vir die Here 'n heiligheid, en EERSTELINGE VAN SY OPBRINGS (Jer. 2:3). Ook in Rom. 11:16 word die volk van Israel gesien as die eerstelinge. In Jak. 1:18 word Christene EERSTELINGE VAN SY SKEPSELE genoem (maar let ook daarop dat die brief van Jakobus gerig is aan die 12 stamme wat in die verstrooing is...).   Christene het die EERSTELINGE VAN DIE GEES (Rom. 8:23).
========================================================================

EERSGEBORENES:
Volgens Joodse tradisie, wil dit voorkom asof die oudste seun (Joodse seun / Hebreer) oorspronklik die pligte van "priester" gekry het - die eersgeborene moes aan die Here opgedra word sodat hy hierdie pligte kon uitvoer. Die eersgebore seun was dus die priester van die familie.  Die woord "priester" verwys na die een wat in beheer is, maar gaan nie noodwendig oor status nie alhoewel daardie persoon 'n besonderse plek het. Die plek van om in beheer te wees, het gegaan oor verantwoordelikheid teenoor die Here! Ons sou die priester kon beskryf as 'n "dienaar van God" (Jes. 61:6) - die priester DIEN DIE HERE.  Die priester was die een wat die kennis bewaar, en 'n boodskapper van die Here...  Hy ken die wil van die Here en lei die res van die familie IN DIE WIL VAN DIE HERE.
Dit gaan nie daaroor dat die priester doen wat hy wil nie, maar dat hy doen wat die Here wil.  Daarom kon die priester ook seeninge uitspreek, want hy het die Here geken in die saak.

Die volk Israel word gesien as God se eersgebore seun, die EERSTELINGE van Sy opbrings (Jer. 2:3)(daarom sal almal wat in opstand kom teen Sy volk, skuld op hulleself laai). Nie net het God Israel Sy EERSGEBORE SEUN genoem nie, maar Hy gaan verder en verklaar dat alle eersgeborenes onder die kinders van Israel, aan Hom behoort!
(Eks. 4:22)  Dan moet jy vir Farao sê: So spreek die HERE: MY EERSGEBORE SEUN IS ISRAEL.
(Eks. 4:23)  Daarom beveel Ek jou: Laat my seun trek, dat hy My kan dien. Maar jy het geweier om hom te laat trek. Kyk, Ek sal jou eersgebore seun laat sterwe.
Sommige geleerdes beskryf dit as volg, dat toe God die volk se eersgeborenes gespaar het die nag wat alle eersgeborenes in Egipte doodgemaak is, het Hy so al die eersgeborenes van Israel vir Homself gekoop.
(Exo 13:2)  Heilig vir My al die eersgeborenes. Alles wat die moederskoot open onder die kinders van Israel, van mense en van diere, dit is myne.
Maar na die insident van die "goue kalf", was hierdie priesterlike pligte weggeneem van die eersgebore seuns, en aan die stam van die Leviete gegee.  Op dieselfde tyd was die instelling dat elke eersgeborene losgekoop moes word, m.a.w. hulle moes betaal om van die priesterlike verpligting los te kom (Num. 3:41-51).

Levi het 3 seuns gehad:  Kehat, Gerson en Merari (Gen. 46:11; Num. 3:17-27).  (In die tyd wat hulle in die woestyn was, was die Kehatiete verantwoordelik vir die dra van die tabernakelmeubels, die Gernotsiete het die gordyne en bedekkings gedra, en die Meratiete was verantwoordelik vir die opslaan van die tabernakel self en om dit te dra).  Die priestelike geslag was uit een van hierdie 3 geslagte - uit die geslag van Aaron (nageslag van Kehat)(Num. 3).  Net die priesters kon offers bring - die res van die Leviete-families was meer soos bediendes van die priesters (Num. 3:9,10).

BEHANDEL DIT GERUS SAAM MET:
http://warechristene.blogspot.co.nz/2014/08/die-gees-van-god-1.html
------------------------------------------------------------------------------------------------------------

En natuurlik het die Here altyd vir Sy priesters gesorg!  
-In die geval van die eersgeborene, het hy 'n dubbele porsie geerf (Deut. 21:17).  
-In die geval van die volk Israel (vir wie God "Sy eersgebore seun" genoem het, Eks. 4:22) het Hy vir hulle die beste land gegee en verseker dat hulle saam met Hom soos konings en priesters sal regeer. 
-So ook het die Priesterlike Levitiese stam al die tiendes en eerstelinge van alles gekry.... 

Anders gestel, daar is vir die eersgeborenes en die wat IN DIE HERE SE DIENS IS (die priester of priesterdom), gesorg.

Maar daar is heelwat voorbeelde van waar mense hulle "eersgeboortereg" verloor het!  Die rede hiervoor was "ongehoorsaamheid aan die Here" of "ongeloof". 

Voorbeelde:

-Jakob en Esau (Esau was die eersgeborene, maar het sy eersgeboortereg verloor)(daarom het die volk wat God vir Homself uitgekies het, uit die geslag van Jakob gekom, en nie uit Esau se geslag nie, al was Esau na regte die eersgeborene)(God het dus vir Hom 'n priesterdom gekies uit die geslag van Jakob);

-Ruben en Josef (Ruben was die eersgeborene, maar het dit verloor)(daarom het Josef twee porsies land geerf toe hulle in die beloofde land kom, al was Ruben na regte die eersgeborene, het Ruben sy eersgeboortereg verloor, en dit is aan Josef gegee) 

-En wat van die volk van Israel? (wie die Here se "eersgebore seun" genoem word).  God het nie Sy volk verstoot nie (Rom. 11:1), maar 'n oorblyfsel daaruit geneem (Rom. 11:5); (Rom 11:7 - "Wat dan? Wat Israel soek, dit het hy nie verkry nie; maar die uitverkorenes het dit verkry en die ander is verhard"). Alhoewel Paulus sy volk "eerstelinge" noem, en "heilig" (Rom. 11:16), maak hy dit duidelik in v.14 dat nie almal van hulle gered gaan word nie. Hy verklaar verder dat die van die volk wat nie in die ongeloof bly nie, weer ingeeent kan word (Rom. 11:23). Wat die uitverkiesing aanbetref, is die volk Israel "bemindes ter wille van die vaders" (Rom. 11:28) - Net soos die Here aan die ongehoorsame heidene die geleentheid gegee het om barmhartigheid te ontvang, so sal Hy ook vir die ongehoorsames van Sy volk die geleentheid gee om weer barmhartigheid te ontvang (Rom. 11:30-32). Hy verklaar ook in Rom. 9:27 dat slegs 'n oorblyfsel van die volk gered sal word (Sag. 8:12; Hand. 15:17; Rom. 11:5).  Christus het ook verklaar dat baie van die "kinders van die koninkryk" uitgedryf sal word! (Matt. 8:12).

-Die eersgeborenes onder die volk het aan die Here behoort (Eks. 13:2), want toe die Here al die eersgeborenes in Egipteland gedood het, het Hy die eersgebore seuns van die volk van Israel gespaar (Eks. 13:14-16). Maar toe die eersgeborenes onder die volk ongehoorsaam was aan die Here en die volk afvallig maak en toelaat dat hulle 'n goue kalf maak, is die stam van Levi gekies om die plek/werk van die eersgeborenes te vervul (Num. 3:41-51). Die eersgeborenes onder die volk het nie hulle status verloor nie, maar die plig is van hulle weggeneem, en daarom moes die volk hul eersgeborenes loskoop sodat die Leviete in hulle plek vir hulle diens kon verrig. Dit dan ook die doel van die teken op die hand en voorhoofsband tussen die oë (Eks. 13:16)(rol af vir meer skrifte hieroor).


ONS MOET VERSTAAN DAT NET SOOS HIERDIE EERSGEBORENES HULLE EERSGEBOORTEREG EN PRIESTERLIKE PLIGTE VERLOOR HET A.G.V. ONGEHOORSAAMHEID EN ONGELOOF, baie van die volk van God (as deel van die "eersgebore seun van God") hulle "eersgeboortereg" verloor het a.g.v. ongehoorsaamheid en ongeloof.  En terwyl Christene hulleself sien as 'n priesterdom, 'n heilige volk en 'n volk as eiendom verkry, moet ons verstaan dat ook Christene wat verval in ongehoorsaamheid of afvallig raak van die geloof, hierdie "eersgeboortereg" (as deel van die volk van God, Sy eersgebore seun) kan verloor.  

------------------------------------------------------------------------------------------------------------

Pligte van 'n priester:

- sy lippe moet kennis bewaar;(Mal. 2:7)(2 Kron. 17:8,9;  30:22)(Esra 7:10)
- moet onderrig gee;(Mal. 2:7)(2 Kron. 17:8,9)(Deut. 24:8)(2 Kron. 17:8,9)(Esra 7:10)(Neh. 8:2-8)
- 'n boodskapper van die Here v/d leerskare;(Mal. 2:7)
- moet geregtelike uitspraak gee;(Deut. 17:8-11)(Hag. 2:11-13)
- moet die Here dien;(Deut. 21:5)
- moet in Sy Naam seeninge uitspreek;(Deut. 21:5)
- moet uitspraak gee op sake van twis en verwonding;(Deut. 21:5).
- doen versoening vir die kinders van Israel; (Num. 8:19)
- verrig dienswerk in die tent van samekoms; (Num. 8:19).

WIE WORD IN DIE N.T. GESIEN AS DIE HERE SE "konings en PRIESTERS":
-  (Openb. 20:6)  "Salig en heilig is hy wat deel het aan die eerste opstanding; oor hulle het die tweede dood geen mag nie, maar hulle sal priesters van God en van Christus wees en sal saam met Hom as konings regeer duisend jaar lank". - DIE WAT DEEL HET AAN DIE EERSTE OPSTANDING

-  (Openb. 5:9,10)  "Toe sing hulle (24 ouderlinge) ‘n nuwe lied en sê: U is waardig om die boek te neem en sy seëls oop te maak, want U is geslag en het ons vir God met u bloed gekoop uit elke stam en taal en volk en nasie, en het ons konings en priesters vir onse God gemaak, en ons sal as konings op die aarde heers".

-  (Openb. 1:4-6)  "Johannes aan die sewe gemeentes in Asië: Genade vir julle en vrede van Hom wat is en wat was en wat kom, en van die sewe Geeste wat voor sy troon is en van Jesus Christus, die getroue getuie, die eersgeborene uit die dode en die Owerste oor die konings van die aarde! Aan Hom wat ons liefgehad het en ons van ons sondes gewas het in sy bloed en ons gemaak het konings en priesters vir sy God en Vader, aan Hom die heerlikheid en die krag tot in alle ewigheid! Amen".

- (1Pe 2:5)  en laat julle (die gelowige Jode wat in die verstrooiing is;  die heiliges en gelowiges in Christus Jesus - vgl. ook met Ef. 2:19) ook soos lewende stene opbou, tot ‘n geestelike huis, ‘n heilige priesterdom, om geestelike offers te bring wat aan God welgevallig is deur Jesus Christus. (1Pe 2:9)  Maar julle is ‘n uitverkore geslag, ‘n koninklike priesterdom, ‘n heilige volk, ‘n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig,

DUS, DIE WAT IN DIE N.T. GESIEN WORD AS "konings en priesters" VIR DIE HERE, IS:

- DIE WAT GAAN DEEL HE AAN DIE EERSTE OPSTANDING (die opstanding tot lewe), M.A.W. "CHRISTENE" (JODE EN HEIDENE WAT TOT GELOOF GEKOM HET IN CHRISTUS JESUS)- hulle is deur die geloof "kinders van Abraham" en kinders van die belofte (Gal. 3:7-9; Rom. 11:24)(Gal 3:29 - "En as julle aan Christus behoort, dan is julle die nageslag van Abraham en volgens die belofte erfgename")(Ef. 3:6).

(Heb 12:22,23 - "Maar julle het gekom by die berg Sion en die stad van die lewende God, die hemelse Jerusalem en tien duisende engele, by die feestelike vergadering en die gemeente van eersgeborenes wat in die hemele opgeskrywe is, en by God, die Regter van almal, en by die geeste van die volmaakte regverdiges"

http://warechristene.blogspot.co.nz/2013/07/en-ons-gemaak-het-konings-en-priesters.html
http://warechristene.blogspot.co.nz/2013/05/julle-is-meer-werd-as-baie-mossies.html
http://warechristene.blogspot.co.nz/2014/12/die-gees-van-god-2.html

_________________________________________________________________________________

Die teken op die hand of voorhofsband:

-(Deu 6:8)  Ook moet jy dit as ‘n teken bind op jou hand, en dit moet as ‘n voorhoofsband tussen jou oë wees.

-(Deu 11:18)  Lê dan hierdie woorde van my weg in julle hart en in julle siel, en bind dit as ‘n teken op julle hand en laat dit as ‘n voorhoofsband tussen julle oë wees, (Deu 11:19)  en leer dit aan julle kinders deur daaroor te spreek as jy in jou huis sit en as jy op pad is en as jy gaan lê en as jy opstaan; (Deu 11:20)  en skryf dit op die deurposte van jou huis en op jou poorte,

-(Eks. 13:16)  En dit sal as ‘n teken wees op jou hand en ‘n voorhoofsband tussen jou oë; want die HERE het ons deur ‘n sterke hand uit Egipte uitgelei.

Wat baie skrifgeleerdes en Fariseers verkeerd gedoen het, is om skrifte op hulle te dra met die doel sodat hulle as belangrik geag kon word deur ander:   (Mat 23:5 - "En hulle doen al hul werke om deur die mense gesien te word, en hulle maak hul gedenkseëls ("phylacteries" - dra skrifte op hulle) breed en die some van hul klere groot").  Die doel van die teken op die hand of die voorhofsband, en so ook skrifte op deurposte ens.,  was wel bedoel as 'n teken vir die wat in die Here se diens is asook om hulle kinders te leer en te herinner aan hoe die Here die volk uit Egipte verlos het, maar nooit met die bedoeling om hulle hoogmoedig te maak nie! Die woord "phylactery" is verkry van die Griekse woord, "phylakterion" (Aramees "tefillin"), en word gedra as 2 swart leerbokse met skrif in (Exod. 13:1-10, 11-16; Deut. 6:4- 9; 11:13-21)  - dit word gedra op die voorhoof of op die linkerarm.  Sommige geleerdes is van mening dat hoe die Here dit oorspronklik bedoel het (dat hulle dit moet bind as teken op hand en as voorhofsband tussen oe),  nie letterlik geinterpreteer moes word nie (Eks. 13:9; Deut. 11:18), maar dit is wel duidelik dat die opdrag ook letterlike ingesluit het! (Deut. 11:20).  Hier is 'n paar ander skrifte waar 
"om die skrif te bewaar" meer figuurlik bedoel is:
Spr. 1:8,9;  3:1,3;  6:20-22; 7:2,3; Jer. 31:32.  

DIE TEMA VAN "TEKEN OP DIE VOORHOF", IS EGTER 'N TEMA WAT OOK GESIEN WORD IN DIE BOEK VAN OPENBARING.  En kyk die profesie in Eseg. 9:4 waarin sekere manne 'n teken op hulle voorhoofde kry (die wat sug en steun oor al die gruwels wat in die stad gedoen word) - in hierdie gedeelte word hierdie manne met die teken op die voorhof beskerm.  Vgl. dit ook met Openb. 7:3 en Openb. 14:1 (die 144000) - "dit is hulle wat gekoop is uit die mense as eerstelinge vir God en die Lam". 

------------------------------------------------

Onder die Antichris se bewind sal die valse profeet maak dat "almal, klein en groot, en die rykes en die armes, en die vrymense en die slawe ook ‘n merk op hulle regterhand en op hulle voorhoofde gegee word; sodat niemand kan koop of verkoop nie, behalwe hy wat die merk of die naam van die dier of die getal van sy naam het (Openb. 13:16,17). Die wat hierdie merk ontvang is die wat vir die Antichris aanbid en dien - hulle sal uiteindelik almal onder God se toorn val! : 
-(Openb. 14:9-11 - "En ‘n derde engel het hulle gevolg en met ‘n groot stem gesê: As iemand die dier en sy beeld aanbid en ‘n merk op sy voorhoof of op sy hand ontvang, sal hy self ook drink van die wyn van die grimmigheid van God wat ongemeng ingeskink is in die beker van sy toorn, en hy sal gepynig word met vuur en swawel voor die heilige engele en voor die Lam. En die rook van hulle pyniging gaan op tot in alle ewigheid, en hulle het dag en nag geen rus nie hulle wat die dier en sy beeld aanbid, en elkeen wat die merk van sy naam ontvang").
_________________________________________________________________________________

Skrifgedeeltes:

(Num 3:39)  Al die geteldes van die Leviete wat Moses en Aäron volgens die bevel van die HERE, volgens hulle geslagte getel het, almal wat manlik was, van ‘n maand oud en daarbo, was twee en twintig duisend.
(Num 3:40)  En die HERE het aan Moses gesê: Tel al die manlike eersgeborenes van die kinders van Israel, van ‘n maand oud en daarbo, en neem die getal van hulle name op.
(Num 3:41)  En jy moet vir My—Ek is die HERE—die Leviete neem in die plek van al die eersgeborenes onder die kinders van Israel, en die vee van die Leviete in die plek van al die eersgeborenes onder die vee van die kinders van Israel.
(Num 3:42)  En Moses het, soos die HERE hom beveel het, al die eersgeborenes onder die kinders van Israel getel.
(Num 3:43)  En al die manlike eersgeborenes volgens die getal name, van ‘n maand oud en daarbo, volgens hulle geteldes, was twee en twintig duisend twee honderd drie en sewentig.
(Num 3:44)  En die HERE het met Moses gespreek en gesê:
(Num 3:45)  Neem die Leviete in die plek van al die eersgeborenes onder die kinders van Israel, en die vee van die Leviete in die plek van hulle vee, sodat die Leviete myne kan wees. Ek is die HERE.
(Num 3:46)  Wat aangaan die loskoping van die twee honderd drie en sewentig wat oor is bo die Leviete, uit die eersgeborenes van die kinders van Israel,
(Num 3:47)  moet jy per hoof vyf sikkels neem; volgens die sikkel van die heiligdom moet jy dit neem; die sikkel is twintig gera.
(Num 3:48)  En jy moet die geld as losprys van die wat onder hulle oor is, aan Aäron en sy seuns gee.
(Num 3:49)  Daarop het Moses die loskoopgeld geneem van die wat oor was bo die wat deur die Leviete losgekoop was;
(Num 3:50)  van die eersgeborenes van die kinders van Israel het hy die geld geneem, duisend drie honderd vyf en sestig sikkels volgens die sikkel van die heiligdom.
(Num 3:51)  En Moses het die loskoopgeld aan Aäron en sy seuns gegee volgens die bevel van die HERE, soos die HERE Moses beveel het.

------------------------------------------------------------------------------------------------------------

(Num 8:16)  Want hulle is heeltemal aan My gegee onder die kinders van Israel uit, in die plek van alles wat die moederskoot open—al die eersgeborenes uit die kinders van Israel—het Ek hulle vir My geneem.

(Num 8:17)  Want al die eersgeborenes onder die kinders van Israel is myne, van mense en van diere; op die dag toe Ek al die eersgeborenes in Egipteland getref het, het Ek hulle vir My geheilig.

(Num 8:18)  En Ek het die Leviete in die plek van al die eersgeborenes onder die kinders van Israel geneem

(Num 8:19)  en die Leviete gegee—hulle is gegee aan Aäron en sy seuns onder die kinders van Israel uit om die dienswerk van die kinders van Israel in die tent van samekoms te verrig en om vir die kinders van Israel versoening te doen, sodat daar geen plaag mag wees onder die kinders van Israel as die kinders van Israel na die heiligdom aankom nie.

(Num 8:20)  En Moses en Aäron en die hele vergadering van die kinders van Israel het met die Leviete gedoen net soos die HERE Moses aangaande die Leviete beveel het; so het die kinders van Israel met hulle gedoen.

(Num 8:21)  En die Leviete het hulleself ontsondig en hulle klere gewas, en Aäron het hulle beweeg as beweegoffer voor die aangesig van die HERE; en Aäron het versoening vir hulle gedoen om hulle te reinig.

(Num 8:22)  En daarna het die Leviete gekom om hulle dienswerk in die tent van samekoms voor Aäron en sy seuns te verrig; soos die HERE Moses aangaande die Leviete beveel het, so het hulle met hulle gedoen.

(Num 8:23)  En die HERE het met Moses gespreek en gesê:

(Num 8:24)  Dit is die saak wat die Leviete betref: Van vyf en twintig jaar oud en daarbo moet hy kom om sy plig te vervul by die dienswerk van die tent van samekoms.

(Num 8:25)  Maar van vyftig jaar oud moet hy vry wees van diensplig en nie meer dien nie—

(Num 8:26)  hy kan sy broers in die tent van samekoms behulpsaam wees om die diens waar te neem, maar dienswerk moet hy nie verrig nie. So moet jy met die Leviete doen insake hulle ampspligte.

------------------------------------------------------------------------------------------------------------

(Deu 15:19)  Al die eersgeborenes van die manlike geslag wat onder jou beeste en onder jou kleinvee aankom, moet jy aan die HERE jou God heilig; jy mag nie werk met die eersgeborene van jou beeste, en die eersgeborene van jou kleinvee nie skeer nie.

------------------------------------------------------------------------------------------------------------

(Exo 13:11)  En as die HERE jou in die land van die Kanaäniete bring, soos Hy aan jou en jou vaders met ‘n eed beloof het, en Hy dit aan jou gee,
(Exo 13:12)  dan moet jy alles wat die moederskoot open, aan die HERE afgee; ook elke eersteling, die aanteel van vee, wat jy sal hê—wat manlik is, behoort aan die HERE.
(Exo 13:13)  Maar elke eersteling van ‘n esel moet jy met ‘n lam loskoop. En as jy dit nie loskoop nie, moet jy sy nek breek. Maar al die eersgeborenes van mense onder jou seuns moet jy loskoop.
(Exo 13:14)  En as jou seun jou later vra en sê: Wat beteken dit? dan moet jy hom antwoord: Die HERE het ons deur ‘n sterke hand uit Egipte, uit die slawehuis, uitgelei.
(Exo 13:15)  Want toe Farao swarigheid gemaak het om ons te laat trek, het die HERE al die eersgeborenes in Egipteland gedood, van die eersgeborene van die mense af tot die eersgeborene van die diere toe. Daarom offer ek aan die HERE alles wat die moederskoot open wat manlik is; maar al die eersgeborenes van my seuns koop ek los.
(Exo 13:16)  En dit sal as ‘n teken wees op jou hand en ‘n voorhoofsband tussen jou oë; want die HERE het ons deur ‘n sterke hand uit Egipte uitgelei.
------------------------------------------------------------------------------------------------------------
(Num 18:8)  Verder het die HERE met Aäron gespreek: Ek self het jou die diens van my offergawes gegee; wat betref al die heilige gawes van die kinders van Israel, aan jou gee Ek dit as aandeel en aan jou seuns as ewige insetting.
(Num 18:9)  Van die hoogheilige gawes, met uitsondering van wat verbrand word, moet dít joue wees: al hulle offers, naamlik elke spysoffer en elke sondoffer en elke skuldoffer van hulle, wat hulle My bring—as iets hoogheiligs moet dit vir jou en jou seuns wees.
(Num 18:10)  In ‘n hoogheilige plek moet jy dit eet; almal wat manlik is, mag dit eet; heilig moet dit vir jou wees.
(Num 18:11)  Dit moet ook joue wees: die offergawe van hulle geskenke, van al die beweegoffers van die kinders van Israel; Ek gee dit aan jou en jou seuns en jou dogters saam met jou as ‘n ewige insetting. Elkeen wat rein is in jou huis, mag dit eet.
(Num 18:12)  Al die beste van die olie en al die beste van die mos en die koring, die eerste daarvan wat hulle aan die HERE gee, dit gee Ek aan jou.
(Num 18:13)  Die eerstelinge van alles wat in hulle land is, wat hulle aan die HERE bring, moet joue wees. Elkeen wat rein is in jou huis, mag dit eet.
(Num 18:14)  Alles wat onder die ban is in Israel, moet joue wees.
(Num 18:15)  Alles wat die moederskoot open—alle vlees wat hulle vir die HERE aanbring, mense en diere—moet joue wees; maar die eersgeborenes van mense moet jy sekerlik loskoop; ook moet jy die eersgeborenes van onrein diere loskoop.
(Num 18:16)  En wat die loskoping daarvan aangaan: vanaf ‘n maand oud moet jy loskoop, volgens jou skatting, vir ‘n geldsom van vyf sikkels volgens die sikkel van die heiligdom; dit is twintig gera.
(Num 18:17)  Maar die eersgeborene van ‘n bees of die eersgeborene van ‘n skaap of die eersgeborene van ‘n bok moet jy nie loskoop nie; heilig is hulle; hulle bloed moet jy uitgooi teen die altaar en hulle vet aan die brand steek as ‘n vuuroffer van lieflike geur aan die HERE.
(Num 18:18)  En hulle vleis moet joue wees; soos die bors van die beweegoffer en die regterboud moet dit joue wees.
(Num 18:19)  Al die offergawes van die heilige dinge wat die kinders van Israel aan die HERE afgee, gee Ek aan jou en jou seuns en jou dogters saam met jou as ‘n ewige insetting. Dit is ‘n ewige soutverbond voor die aangesig van die HERE, vir jou en jou nageslag saam met jou.
(Num 18:20)  Ook het die HERE vir Aäron gesê: Jy sal in hulle land nie erwe nie, en jy sal geen deel onder hulle hê nie. Ek is jou deel en jou erfenis onder die kinders van Israel.
(Num 18:21)  En kyk, Ek gee aan die kinders van Levi al die tiendes in Israel as erfdeel vir hulle dienswerk wat hulle verrig, die dienswerk van die tent van samekoms.
(Num 18:22)  En die kinders van Israel moet nie meer nader kom na die tent van samekoms om sonde op hulle te laai sodat hulle sterwe nie.
(Num 18:23)  Maar die Leviete, dié moet die dienswerk by die tent van samekoms verrig, en húlle moet hul ongeregtigheid dra—’n ewige insetting in julle geslagte. En onder die kinders van Israel moet hulle geen erfdeel kry nie.
(Num 18:24)  Want die tiendes van die kinders van Israel wat hulle aan die HERE as offergawe afgee, gee Ek aan die Leviete as erfdeel. Daarom het Ek aangaande hulle gesê: Hulle moet onder die kinders van Israel geen erfdeel kry nie.
(Num 18:25)  En die HERE het met Moses gespreek en gesê:
(Num 18:26)  Jy moet ook met die Leviete spreek en aan hulle sê: As julle van die kinders van Israel die tiendes neem wat Ek aan julle van hulle as jul erfdeel gegee het, moet julle daarvan ‘n offergawe aan die HERE afgee, ‘n tiende van die tiende.
(Num 18:27)  En julle offergawe sal vir julle gereken word soos koring van die dorsvloer af en soos die volle opbrings uit die parskuip.
(Num 18:28)  Só moet julle ook ‘n offergawe aan die HERE afgee van al julle tiendes wat julle van die kinders van Israel neem, en julle moet daarvan die offergawe aan die HERE aan die priester Aäron gee.
(Num 18:29)  Van al jul gawes moet julle die hele offergawe aan die HERE afgee, van al die beste daarvan, as die heilige gawe wat daarvan moet afgaan.
(Num 18:30)  Jy moet dan vir hulle sê: As julle die beste daarvan afgee, sal dit vir die Leviete gereken word as opbrings van die dorsvloer en as opbrings van die parskuip.
(Num 18:31)  En julle mag dit op enige plek eet, julle en jul huisgesin; want dit is vir julle ‘n loon vir jul dienswerk by die tent van samekoms.
(Num 18:32)  En julle sal daarby geen sonde op julle laai as julle die beste deel daarvan afgee nie; en julle mag die heilige gawes van die kinders van Israel nie ontheilig nie, sodat julle nie sterwe nie.

------------------------------------------------------------------------------------------------------------

(Spr. 3:9)  Vereer die HERE uit jou goed en uit die eerstelinge van al jou inkomste;

(Jer 2:3)  Israel was vir die HERE ‘n heiligheid, die eerstelinge van sy opbrings; almal wat hom opeet, sal skuld op hulle laai, onheil sal oor hulle kom, spreek die HERE.

(Eks. 19:5)  As julle dan nou terdeë na my stem luister en my verbond hou, sal julle my eiendom uit al die volke wees, want die hele aarde is myne.

(Eks. 19:6)  En júlle sal vir My ‘n koninkryk van priesters en ‘n heilige nasie wees. Dit is die woorde wat jy aan die kinders van Israel moet meedeel.

(Deu 7:6)  Want jy is ‘n volk heilig aan die HERE jou God; jou het die HERE jou God uitverkies om uit al die volke wat op die aarde is, sy eiendomsvolk te wees.

(Deu 14:2)  Want jy is ‘n volk heilig aan die HERE jou God, en jou het die HERE uitverkies om sy eiendomsvolk te wees uit al die volke wat op die aarde is.

(Deu 26:17)  Vandag het jy die HERE laat verklaar dat Hy vir jou ‘n God sal wees, en dat jy in sy weë moet wandel en sy insettinge en sy gebooie en sy verordeninge moet hou en na sy stem moet luister.

(Deu 26:18)  En die HERE het jou vandag laat verklaar dat jy vir Hom ‘n eiendomsvolk sal wees soos Hy jou beloof het, en dat jy al sy gebooie sal onderhou;

(Deu 26:19)  en dat Hy jou dan die hoogste sal stel bo al die nasies wat Hy gemaak het, tot ‘n lof en ‘n roem en ‘n sieraad, en dat jy ‘n heilige volk aan die HERE jou God sal wees soos Hy beloof het.

(1Pe 2:9)  Maar julle is ‘n uitverkore geslag, ‘n koninklike priesterdom, ‘n heilige volk, ‘n volk as eiendom verkry, om te verkondig die deugde van Hom wat julle uit die duisternis geroep het tot sy wonderbare lig,

(1Pe 2:10)  julle wat vroeër geen volk was nie, maar nou die volk van God is; aan wie toe geen barmhartigheid bewys is nie, maar nou bewys is.

(Ef. 1:4)  soos Hy ons in Hom uitverkies het voor die grondlegging van die wêreld om heilig en sonder gebrek voor Hom in liefde te wees,

(Rom 8:23)  En nie alleen dit nie, maar ons self ook wat die eerstelinge van die Gees het, ons sug ook in onsself in afwagting van die aanneming tot kinders, naamlik die verlossing van ons liggaam.

(Jak. 1:18)  Volgens sy wil het Hy ons voortgebring deur die woord van die waarheid, sodat ons as eerstelinge van sy skepsele kan wees.

------------------------------------------------------------------------------------------------------------
(Rom 11:16)  En as die eerstelinge heilig is, dan die deeg ook; en as die wortel heilig is, dan die takke ook.
(Rom 11:17)  En as sommige van die takke afgebreek is, en jy wat ‘n wilde olyfboom was, onder hulle ingeënt is en deel gekry het aan die wortel en die vettigheid van die olyfboom,
(Rom 11:18)  moet dan nie teen die takke roem nie; en as jy roem dit is nie jy wat die wortel dra nie, maar die wortel vir jou.
(Rom 11:19)  Jy sal dan sê: Die takke is afgebreek, sodat ek ingeënt kon word.
(Rom 11:20)  Goed! Deur ongeloof is hulle afgebreek, maar jy staan deur die geloof. Moenie hoogmoedig wees nie, maar vrees.
(Rom 11:21)  Want as God die natuurlike takke nie gespaar het nie, sal Hy miskien jou ook nie spaar nie.
(Rom 11:22)  Let dan op die goedertierenheid en die gestrengheid van God: gestrengheid oor die wat geval het, maar goedertierenheid oor jou as jy in die goedertierenheid bly; anders sal jy ook afgekap word.
(Rom 11:23)  Maar ook hulle sal, as hulle nie in die ongeloof bly nie, ingeënt word; want God is magtig om hulle weer in te ent.

------------------------------------------------------------------------------------------------------------
(Openb. 14:4)  Dit is hulle wat hulself met vroue nie besoedel het nie, want hulle is maagdelik rein; dit is hulle wat die Lam volg waar Hy ook heengaan; dit is hulle wat gekoop is uit die mense as eerstelinge vir God en die Lam.

= 144000