Wat beteken die begrip "wêreld oorwin"?

Wie is dit wat "die wêreld oorwin"?  Wat beteken dit? 

-----------------------------------------------------------------------------------------------------------------------------Griekse betekenis van die woorde "wereld oorwin":

Die woord "wêreld" hier is die Griekse woord "kos'-mos" ("adorning/world" - om iets mooi en aantreklik te maak). DIT IS WAT GEWOONLIK GEBEUR HOEKOM MENSE DIE LEUEN GLO, IS DAT IETS VIR HULLE AANTREKLIK VOORGESTEL WORD (wil dit hê, wil dit glo, ens.). Die begrip "wêreld" hier verwys dus na dit wat nie die waarheid is nie, maar mense glo dit omdat dit aantreklik is... (bv. "wat die vlees bedink"-Rom. 8:7 - "omdat wat die vlees bedink, vyandskap teen God is; want dit onderwerp hom nie aan die wet van God nie, want dit kan ook nie"). Natuurlike mense kan nie dinge op 'n geestelike manier beoordeel nie (1 Kor. 2:12,13)(want hulle het nie die Gees nie) en die waarheid is vir hulle bog... (die wat dink en sien soos die wereld, het 'n wereldse gees / het die gees van dwaling, maar geestelike mense het die Gees van God)(Jud. 1:10; 1 Kor. 2:14,15; 3:1). 

Die woord "oorwin" is die Griekse woord "nik-ah'-o" ("conquer, overcome, prevail, get the victory" - oorwin, oorwinning behaal, oorkom). 

-----------------------------------------------------------------------------------------------------------------------------Kom ons kyk na skrifte waar hierdie woorde "wêreld oorwin" gebruik word:

-  Joh_16:33  Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin. - Wat het Jesus hier bedoel met "Hy het die wereld oorwin"? Hierdie woorde was gebruik in konteks met "in die wereld sal julle verdrukking he, maar hou goeie moed...". Hoekom kan ons moed he tydens verdrukking? - want Hy het die wereld oorwin... Let wel die konteks vd skrif (v. 25-33) wat gaan oor hulle geloof...;  bv. geloof in die Vader en die feit dat hulle GLO dat Jesus van God uitgegaan het (v.30)... Hierdie konteks kry ons ook in ander skrifte waar gepraat word van "wereld oorwin", en "geloof" self word gesien soos 'n oorwinning.  En wanneer Jesus hier praat van verdrukking, dan verwys Hy duidelik ook na verdrukking waardeur Hy sal gaan (v. 32,33), maar in daardie verdrukking sal Hy nie alleen wees nie want die Vader is met Hom - op ditto wyse is weergeborenes wat deur verdrukking gaan nie alleen nie want die Here is met hulle (v. 31-33).  Daarom kan die geestelike mens vrede he, selfs in verdrukking, want hy het GELOOF! - in daardie opsig oorwin die geestelike mens die wereld deur sy geloof (is met die Here soos die Vader met Jesus Chrsitus is).

-  2Pe_2:20  Want as hulle, nadat hulle deur die kennis van die Here en Saligmaker, Jesus Christus, die besmettinge van die wêreld ontvlug het, hulle tog weer deur hierdie dinge laat verstrik en oorwin word, dan het vir hulle die laaste erger geword as die eerste.  -  Volgens hierdie vers verwys "wêreld oorwin" na die wat die besmettinge vd wêreld ontvlug het... (hulle word nie daardeur verstik/oorwin nie). In konteks word hier gepraat van valse profete en valse leraars, 'n sekere groep gelowiges wat alreeds die "wereld oorwin" het, maar teruggeval het... (en die laaste sal vir hulle erger wees as die eerste!). Die vorige vers verduidelik dat "waar 'n mens deur oorwin is, daarvan het hy 'n slaaf geword". Weergeborenes is losgekoop uit hulle slawerny waaronder alle mense gebore word ("natuurlike mense", gebore in sonde - wat beteken dat hulle die sonde dien) - weergeborenes is vrygekoop van hierdie slaafskap / hulle is vrygekoop deur Jesus Christus (is dus nou slawe van Hom - dien Hom/is aan Hom gehoorsaam - hulle dien nie meer die wereld nie/is nie gehoorsaam aan die sonde nie, maar dien nou die Here/is Hom gehoorsaam).  Maar wat gebeur wanneer iemand vrygekoop word en begin om die Here te dien, maar na tyd terugval in die wereld en weer die sonde begin dien?  Vgl. dit met die derde groep in die gelykenis vd saaier, van gelowiges wat vrug dra maar dit verloor - hulle vrug is deur dorings verstik (hulle het hulle vrug verloor a.g.v. sorge vd wereld, verleiding vd rykdom, sekere soort begeerlikhede, ens.-Mar 4:19). Hierdie mense verander baiemaal in verleiers (o.a. valse profete en valse leraars na wie verwys word in 2 Pet. 2, mense wat ander verlei om die leuen te glo). As 'n weergeborene vrug begin dra maar dit verloor en onvrugbaar is teen die tyd van oordeel, sal so 'n Christen afgesny word ... (Joh. 15). Sulke mense het die wereld op 'n stadium oorwin, ja, maar a.g.v. ongehoorhaamheid behoort hulle nou weer aan die wereld... (is m.a.w. weer deur die "wereld oorwin", en het dus weer 'n slaaf geword vd verdorwenheid...-v.19). (2Pe 2:21,22 - "Want dit sou vir hulle beter wees as hulle die weg van die geregtigheid nie geken het nie, as dat hulle, nadat hulle dit leer ken het, hulle afkeer van die heilige gebod wat aan hulle oorgelewer is. Maar oor hulle het gekom wat die ware spreekwoord sê: Die hond het omgedraai na sy eie uitbraaksel, en die gewaste sog om in die modder te rol").

-  1Jn_5:4  Want alles wat uit God gebore is, oorwin die wêreld; en dit is die oorwinning wat die wêreld oorwin het, naamlik ons geloof. - Wie is dit wat die "wereld oorwin"?  Volgens hierdie skrif verwys dit na "alles wat uit God gebore is", nl. gelowiges ("kinders vd geloof" word gesien soos mense wat "uit God gebore" is - 1Jn 5:1 - "Elkeen wat glo dat Jesus die Christus is, is uit God gebore; en elkeen wat die Vader liefhet, het ook die een lief wat uit Hom gebore is"). Hoe het hulle die wereld oorwin? - deur geloof. Die wat weergebore is word gesien as "geestelike mense" - hulle is nou "nuwe mense"/mense wat "uit God gebore" is (Joh. 3:3-8; 1 Pet. 1:23). Hulle is kinders van God... Hierdie verwys na die innerlike ("die siel") wat vernuwe word wanneer iemand weergebore word (word weergebore deur water en Gees). Weergeborenes se uiterlike mens ("die liggaam") sal ook eendag vernuwe word wanneer Jesus terugkom (kyk temas "die opstanding", en "verheerlikte liggaam"). IN HIERDIE KONTEKS VERWYS "wereld oorwin" NA GELOOF (in die waarheid).  DIT GAAN OOR WAARIN/WAT IEMAND GLO...? GLO JY IN DIE WAARHEID WAT VAN DIE VADER AF KOM EN DEUR JESUS CHRISTUS VERKONDIG IS?, OF GLO JY IN WAT DIE WERELD LEER?  

- 1Jn_5:5  Wie anders is dit wat die wêreld oorwin as hy wat glo dat Jesus die Seun van God is? - Die kinders vd geloof (die wat glo in Jesus Christus) word gesien as mense wat die "wereld oorwin" het ("en dit is die oorwinning wat die wêreld oorwin het, naamlik ons geloof" - v.4). Hoekom word die wat in Jesus Christus glo, gesien as mense wat die wereld oorwin het? Hoekom is geloof die oorwinning? In konteks hier verwys dit na mense wat "sy gebooie bewaar" (en sy gebooie is nie vir hulle swaar nie)(1 Joh. 5:3). Hulle glo in Jesus Christus - in wie Hy is, in Sy woorde, wat Hy leer, is Hom gehoorsaam...ens. (1Jn 5:10 - "Wie in die Seun van God glo, het die getuienis in homself. Hy wat God nie glo nie, het Hom tot leuenaar gemaak, omdat hy die getuienis nie geglo het wat God aangaande sy Seun getuig het nie"). IN HIERDIE KONTEKS BETEKEN "wereld oorwin" DIE WAT GLO IN JESUS CHRISTUS(v.4,5) en DIE HERE SE GEBOOIE BEWAAR (v.3)- HULLE GLO DAT JESUS DIE SEUN VAN GOD IS EN DAT DIE VADER HOM GESTUUR HET (v.5,10)- HULLE GLO IN JESUS SE WOORDE (dat wat Hy verkondig het die waarheid is, en van God die Vader af kom-v.6-10). Dus, as iemand bely hy glo in Jesus Christus maar is Hom nie gehoorsaam nie, dan plaas dit 'n vraagteken op sy geloof (want geloof sonder werke is dood). M.a.w., vir wie dien jy regtig? Bv., as 'n geestelike mens weer die sonde begin dien, dan is hy besig om afvallig te word vd geloof... Sulke sonde kan omsit in "sonde tot die dood" as die persoon hom/haar nie daarvan bekeer nie. Al het hy ook vrug gedra, sal daardie dorings die vrug verstik en so iemand kan onvrugbaar word (kyk derde groep in die gelykenis vd saaier). Op ditto wyse word die wat bely hulle glo in Jesus, maar glo nie in Sy woorde/leringe nie, se geloof bevraagteken (sien volgende punt). En op ditto wyse word die wat bely hulle glo in die Vader maar glo nie in Sy Seun nie, se geloof bevraagteken (want as hulle regtig die Vader ken sal hulle weet dat Jesus die Seun van God is).   

-  Vgl. dit met 1Jn_4:4 - "Julle is uit God, my kinders, en het hulle oorwin, omdat Hy wat in julle is, groter is as hy wat in die wêreld is". - Wat is dit wat weergeborenes alreeds oorwin het? In konteks gaan dit oor hoe ons nie elke gees moet glo nie, maar die geeste op die proef moet stel of hulle uit God is... (daar word gewaarsku teeen valse profete). En die manier hoe hulle op die proef gestel kan word is deur te kyk of hulle die waarheid verkondig... (1 Joh. 4:2,3). Valse profete is "uit die wereld" / "praat uit die wereld" (en die wereld luister na hulle / glo hulle)(1 Joh. 4:5). Jesus Christus het die waarheid, en Sy Gees is die Gees van waarheid;  m.a.w., die wat Hom in hulle het, ken die waarheid (1 Joh. 4:4) - in daardie opsig is Hy wat in ons is groter as hy wat in die wereld is.  En in daardie opsig het ons "hulle" (die met die gees van dwaling/geeste wat leuens versprei) oorwin (ons glo nie die leuens nie, maar glo wat Jesus en Sy Gees leer)(1Jn 4:6 - "Ons is uit God; hy wat God ken, luister na ons; hy wat nie uit God is nie, luister nie na ons nie. Hieruit ken ons die Gees van die waarheid en die gees van die dwaling"). IN HIERDIE KONTEKS BETEKEN "wereld oorwin" OM DIE WAARHEID TE KEN. GEESTELIKE MENSE LUISTER NA DIE HERE EN HET DIE GEES VAN WAARHEID (weet m.a.w. "wat is die waarheid") - HULLE KAN ONDERSKEI WIE PRAAT DIE WAARHEID EN WIE NIE... GEESTELIKE MENSE HET DIE GEES VAN WAARHEID, MAAR NATUURLIKE MENSE HET DIE GEES VAN DWALING (hulle "sien" nie dieselfde nie / glo nie dieselfde nie). Daarom, as iemand bely dat hy/sy in Jesus Christus glo maar hy glo nie in Sy woorde nie, dan plaas dit 'n vraagteken op so iemand se geloof (glo hy regtig?), want gelowiges is mense wat glo en die waarheid ken.     

-----------------------------------------------------------------------------------------------------------------------------OPSOMMING:

Die begrip "wêreld oorwin" is 'n begrip wat gebruik word om te wys wie GLO in die Here en Sy waarheid... (glo in wie Hy is, glo dit wat Hy leer, ens.) - en wie Hom gehoorsaam (bv. "die wat die besmettinge vd wereld ontvlug het"-2 Pet. 2:20).  M.a.w. die wat die wêreld oorwin het, verwys na "gelowiges" - daarom word GELOOF gesien as 'n oorwinning (want jy glo nou anders as die wereld - glo in Jesus Christus, glo dat Hy die Seun van God is, glo in Sy leringe, is Hom gehoorsaam, het die Gees van waarheid...).  Om die Here "met jou te he" is soos 'n oorwinning (selfs al gaan jy deur verdrukking)(Joh. 16:33).  Geloof is m.a.w. die oorwinning! (1 Joh. 5:4). Die wat die wêreld oorwin het, is tipies weergeborenes... (die wat uit God gebore is - gelowiges)(1 Joh. 5:1-4) - hulle het die Gees van waarheid en "sien" dus anders as natuurlike mense ("die wêreld"). 

"Oorwinnaars" in hierdie opsig verwys na mense wat in die waarheid glo asook die wat die Here gehoorsaam (want geloof sonder werke is dood).  In daardie opsig het hulle die wêreld oorwin, want die wat in die "wêreld" glo (m.a.w. dit wat die wêreld verkondig of die wat die wêreld gehoorsaam) word logies nie gesien as mense wat "die wêreld oorwin" het nie, want hulle sien en doen soos die wêreld.  

Die mensdom kan in twee groepe gedeel word, nl. "natuurlike mense" en "geestelike mense" (weergeborenes) - en hierdie twee groepe dink en "sien" verskillend, en dien dus verskillende meesters. Hierdie twee begrippe kan dus ook gebruik word om die verskil uit te beeld tussen wie "die wêreld oorwin het" en wie nie. Bv. natuurlike mense het die "gees van dwaling" (hulle glo in die leuen), maar geestelike mense (weergeborenes) het die "Gees van waarheid" (hulle glo in die waarheid). Daar is nie 'n tussen-in nie - óf jy glo die waarheid (kan geestelike dinge beoordeel), óf jy glo in die leuen (kan nie geestelike dinge beoordeel nie). Dit is logies hoekom natuurlike mense en geestelike mense so verskillend dink en "sien", natuurlike mense kan bv.  nie geestelike dinge beoordeel nie want hulle het nie die Gees van God nie. Hierdie is die groot verskil tussen natuurlike en geestelike mense - geestelike mense het die Gees van God (1 Kor. 2:14,15; 3:1); natuurlike mense het nie die Gees van God nie (Jud. 1:10; 1 Kor. 2:14).  In daardie opsig het geestelike mense "die wereld oorwin" (want hulle dink en sien nie soos die wereld nie). Natuurlike mense bedink dinge op 'n vleeslike manier (verstaan dit nie ditto as hoe geestelike mense dit verstaan nie)(Rom. 8:5).  Vir die natuurlike mens klink die waarheid dwaas - dit is vir hulle bog, maar die geestelike mens weet wat is die waarheid omdat hy die Gees vd waarheid het en glo in Jesus Christus (wie Hy is-weet dat Hy die Seun van God is - glo m.a.w. dat wat Hy verkondig het die waarheid is en van die Vader af kom). 

Vlees / Die liggaam

In hierdie pos kyk ons na die verskil of konneksie tussen die woorde 

"vlees" en "liggaam" (vd mens)  . 

Die volgende onderwerpe word in hierdie pos bespreek:

- (1) Vlees/liggaam

- (2) Die terme "in die vlees" of "uit die vlees"

- (3) Waar vlees verwys na die fisiese liggaam

- (2) Soorte vlees

- (3) Die terme "vlees en bloed" en "liggaam en bloed"

- (4) Besnede of onbesnede vlees 

_________________________________________________________________________________

(1) Vlees / liggaam:

Die woord "vlees" verwys gewoonlik na "die liggaam" (alhoewel dit ook figuurlik gebruik word).  Die woord "liggaam" verwys gewoonlik na die fisiese... (dit wat ons kan sien) - nie net die uiterlike fisiese nie, maar ook die (fisiese) geraamte en ingewande (bv., Gen. 25:23; 15:4 - die Hebr. woorde "beh'-ten" of  "may-aw'", wat beteken liggaam, skoot, buik maag, ingewande, hart, baarmoeder ...).  In sommige skrifte waar die woord "flesh" gebruik word in die engelse vertaling (Eks. 30:32; Lev. 14:9; 15:7 ens.) is dit in die Afrikaans vertaal as "liggaam" (AOV). 

In ander woorde, die woorde "vlees"  en "liggaam" verwys onderskeidelik beide na ditto, maar die woord vlees word ook figuurlik gebruik: 

-UITERLIKE MENS se vlees/liggaam (bv. Gen. 2:21; 6:17; 1 Joh. 4:2; Gen. 17:11; Lev. 13:2; Deut. 32:42; 1 Sam. 17:44; Ps. 109:24; Eseg. 37:6; Hand. 2:31 ens.)(2 Kor. 10:3);

maar in sommige skrifte verwys dit ook na die
-INNERLIKE MENS (en die woord "vlees" word dan veral gebruik; bv., Spr. 11:17; Matt. 19:5,6; Joh. 6:51-56; 1 Joh. 2:16; 2 Pet. 2:10; Rom. 8:7,8; Joh. 8:15; Ef. 4:24; Kol. 3:9,10 ens.) - dan meer geestelik bedoel (bv., Christene is familie van mekaar - bv., is van Sy vlees en bene").

Kom ons kyk na meer skrifte met die Grieks en Hebreeuse betekenisse van die woorde "vlees" en "liggaam":

- DIE LIGGAAM (bv. Gen. 2:21; 17:11; 40:19; Eks. 4:7; 28:42; Lev. 13:2; 19:28..)

- of 'n deel vd liggaam, bv. vleis of vel ens. (Hebr. woord "baw-sawr")(liggaam, vlees/vleis, bloedverwant, mensdom, naaktheid, die self, vel)(Gen. 2:21, 23; 6:12 ens.);
- of verwant aan die liggaam, bv. kos of werk ens. (Hebr. woord "sheh-ayr")(liggaam, vlees, kos, bloedverwant)(Mig 3:2); (Ps. 78:27; 73:26; Spr. 11:17) - word nie net letterlik gebruik nie, maar ook figuurlik.
- die Gr. woord "sarx" - Kol. 1:24; 2:11  - vleeslik (in konteks, "vleeslik" teenoor "geestelik")(vleeslik as "carnal" vertaal in Engels, en as "vlees" of "vleeslik in Afrikaans - Rom. 7:14; 8:7; 1 Kor. 3:1 ens.). Nie verwysend hier na die letterlike liggaam nie, maar begeertes van..., bv. gaan oor "gesindheid" en "gedagtes" ("dink of sien vleeslik").

Die woord "liggaam" (in AOV) is die:
- Hebr. woord "may-aw'" - Gen. 15:4; 25:23; Rig. 1:11; 2 Sam. 7:12; 16:11; 2 Kron. 32:21; Son 5:14; Jes. 48:19 - maag, ingewande, hart, baarmoeder (word gewoonlik in 'n letterlike konteks gebruik, bv. gebore uit liggaam...).
- Hebr. woord "baw-sawr" - Eks. 30:32; Lev. 14:9; 15:7,13,16; Lev. 16:4,24,26,28; Lev. 17:16; 22:6; Num. 8:7; 19:7,8; 2 Kon. 6:30; Spr. 4:22; 5:11; Ecc 2:3; 5:6; 11:10; Eseg. 10:12 - liggaam, vleis, mensdom, naaktheid, die self, vel  (word gewoonlik in 'n letterlike konteks gebruik, m.a.w. die letterlike liggaam...).
- Hebr. woord "beh-ten" - Deut. 7:13; Deut. 28:4,11,18,53; Deut. 30:9; Ps. 31:9; 132:11; Son 7:2; Mig 6:7 - liggaam, skoot, buik ("vrug van liggaam").
- Hebr. woord "ghev-ee-yaw'" - Rig. 14:8,9; Dan. 10:6 - hetsy dooie of lewendige liggaam - word in Rigters gebruik as dooie liggaam - (dooie) liggaam, karkas of aas, 'n lyk.
- Hebr. woord "ore" - Job 18:13 - vel (naak).
- Hebr. woord "shore" - Spr. 3:8 - nawel (string).
- Hebr. woord "rekh'-em" - Jer. 1:5 - skoot, moederskoot (uit liggaam voortkom - gebore)(vgl. met Num. 18:15).
- Hebr. woord "eh'-tsem" - Lam 4:7- liggaam, been.
- Hebr. woord "gheh'-shem" - Dan. 4:33; Dan. 5:21; 7:11 -liggaam.
- Vir "liggaam", kan ons veral kyk na die Griekse woord "so'-mah", wat beteken (liggaamlik, liggaam, slaaf), maar dit word nie net letterlik in betekenis gebruik nie, maar ook figuurlik (bv. Christene is deel vd liggaam van Christus -1 Kor. 12:8,12...). Griekse woord "so'-ma" - Matt. 5:29,30; Matt. 6:22,23,25; Matt. 10:28; 14:12; Matt.26:12,26; 27:58,59; Mark. 5:29; Luk. 11:34,36; 12:4; 17:37; Luk. 23:55; 24:3; Joh. 2:21; 20:12; Hand. 9:40; Rom. 4:19; Rom. 6:6,12; 7:4,24; 8:10,13,23; Rom. 12:4,5; 1 Kor. 6:13,16,18,19,20; 1 Kor. 7:4,34; 9:27; 10:16,17; 11:24,27,29; 1 Kor. 12:12-27; 1 Kor. 13;3; 15:37,38,44; 2 Kor. 4:10; 5:6,8,10; 2 Kor. 12:2,3; Gal. 6:17; Ef. 1:23; 2:16; 4:4,12,16; 5:23,30; Fil. 1:20; 3:21; Kol. 1:18,22,24; Kol. 2:11,17,19,23; 3:15; 1 Thess. 5:23; Hebr. 10:5,10,22; 3:13; Jak. 2:16,26; 3:2,3,6; 1 Pet. 2:24; Jud. 1:9 - liggaamlik, liggaam, slaaf.
- Griekse woord "pto'-mah" - Matt. 24:28 - dooie liggaam, karkas of aas, lyk.
- Griekse woord "soos'-so-mos" - Ef. 3:6 - van dieselfde liggaam (lid van 'n saamgevoegde liggaam).
Vir 'n volledige studie oor DIE LIGGAAM vd mens, gaan na: http://warechristene.blogspot.com/2019/05/die-liggaam.html

-----------------------------------------------------------------------------------------------------------------------------

(2) Kom ons kyk na die terme "in die vlees" en "gebore uit vlees":

Om geboorte beter te verstaan (en hoe die geestelike mens wederbaar word) kan miskien makliker verduidelik word deur te kyk na hierdie terme; bv., die term 

-"gebore in/na die vlees (liggaam)" (1 Joh. 4:2,3; 2 Joh. 1:7; Rom. 1:3; 2:28; Rom. 8:3; 2 Kor. 10:3; 12:7; Gal. 6:12; Ef. 2:15; Fil. 1:22,24; 1 Tim. 3:16; Kol. 1:22; Fi. 1:16; 1 Pet. 4:2), of 

-"gebore uit vlees (liggaam)" (Joh. 1:13; 3:6; Rom. 8:1)(wat bv. anders is as "gebore uit God").  Die term "in die vlees" is 'n term wat gebruik word om te verwys na 'n wese, in hierdie konteks "in 'n menslike liggaam"  - 'n menslike wese (2 Joh. 1:7)("gebore na vlees"-Rom. 1:3);  en word ook o.a. gebruik in konteks met die "natuurlike mens". (alhoewel nie almal gebore "in vlees" verwys na natuurlike mense nie;  bv., Jesus was gebore in "in vlees" maar nie gebore "uit vlees" nie) -  in die konteks verwys die term "in of na die vlees" na die soort liggaam, nl. 'n menslike wese. Die term "gebore uit vlees" verwys na kinders van Adam (natuurlike mense)(Rom. 8:8; Ef. 2:11; Rom. 7:5) - dit gaan ook oor die "soort liggaam" (1 Joh. 4:2)('n mens se liggaam) of soort vlees (bv. is mens), maar meer in die konteks van familie... (bv., mense is familie van mekaar en almal is kinders van Adam en daarom "natuurlike mense" - dit verwys o.a. na mense gebore in sonde, want hulle is "kinders van Adam"). Dus, ons moet ook onderskei tussen hierdie twee terme;  bv., Jesus het mens geword, Hy het "in die vlees" gekom (wat natuurlik hier verwys na "in 'n menslike liggaam" en beteken Hy is ook mens)..., maar alhoewel Hy GEBORE was IN of NA VLEES, was Hy nie GEBORE "UIT VLEES NIE", maar "uit Gees" (Hy is ontvang uit "die saad vd Heilige Gees" - hierdie wys op familie...).  Anders gestel, Jesus was dus wel gebore in 'n menslike liggaam ("in die vlees" of "gebore na vlees") maar nie " 'n kind van Adam nie", wat soos die res van die wereld gebore is in sonde en die sonde dien nie (nie gebore uit vlees nie, in die sin van gebore uit die vlees van Adam nie). Hy is nie UIT dieselfde vlees/bloed gebore (nl Adam se bloed) nie, al was Hy "in vlees" gebore. Jesus was in die vlees versoek soos alle mense (Hebr. 2:17,18; 5:2; Luk. 22:28; 4:2; , maar Hy was sonder sonde!, en het nie die dood verdien soos die res vd mensdom nie... (Jes. 53:9; Hebr. 4:15; 7:26; 9:28; 1 Pet. 2:22; 1 Joh. 3:5)(Hy het Sy lewe vrywilliglik afgelê ter wille van ons!-1 Joh. 3:16; Jes. 53:4,5; 2 Kor. 5:21; Fil. 2:7,8). 

Die term "uit vlees gebore" kan ook vgl. word met die term "gebore uit bloed": Om dit beter te verstaan kan ons dus ook kyk na die term "vlees en bloed", wat veral verwys na die wat gebore is uit vlees, nl. "uit dieselfde bloed" (Joh. 3:6)(of ander woorde wat somtyds ook hiervoor gebruik word is "gebore uit bloed" - wat meer bedoel is om te verwys na "uit watter bloed" iemand gebore is)(Joh. 1:13) - bv.,...die "mensdom"/natuurlike mense (Hebr. 2:13; Eseg. 39:17,18; Matt. 16:17 ens.), en verwys veral na die liggaam met die "siel in bloed" (Lev. 17:11). Die siel is in die bloed - m.a.w., wat kan iemand se bloed vir ons vertel van sy siel? Dit gaan nie net oor hoe elkeen se bloed homself beskryf nie, maar ook uit watter bloed of familie iemand gebore is (DNA). Alle mense is gebore uit die bloed van Adam (en is dus slawe van sonde, soos hy was - is "natuurlike mense"). Kinders van Adam (die uit sy bloed gebore) word in sonde gebore... (in slawerny gebore - dien die sonde), en dra dus vrugte vir die dood.  Christus Jesus is wel "vlees en bloed", maar wat Sy bloed van Hom vertel (oor Hom as siel) is dat Hy gebore is uit Gees, NIE gebore uit vlees in die sin van "gebore in sonde" (kinders van Adam) nie.  Weergeborenes word ook gesien soos mense wat "uit Gees" gebore is, en familie van Jesus Christus..., nl. van Sy vlees en bene", wat wys dat hulle nie uit dieselfde bloed meer is soos die res vd mensdom nie (asof uit Jesus Christus gebore / is Sy kinders / nie fisies uit Hom gebore nie, maar geestelik). Jesus Christus kan nie gesien word as 'n "kind van Adam" (gebore uit Adam) nie, maar is gebore uit Gees;  m.a.w. "uit 'n ander bloed"... Alhoewel Hy gebore was "na vlees" ('n mens - wat die liggaam aanbetref  'n menslike wese), was Hy gebore uit Gees (wat die bloed en siel aanbetref). Weergeborenes se innerlike is vernuwe (daarom word hulle o.a. gesien soos mense onder ander bloed gebore - daar word baiemaal daarna verwys as "hulle lewe is in die bloed Jesus Christus"), maar hulle uiterlike liggame is nog nie vernuwe nie, en daarom noodwendig sterf hulle steeds... (vir sondes) (maar l.w. dat weergeborenes die belofte het van opstanding eendag in 'n nuwe liggaam wat nie kan doodgaan nie - hulle fisiese liggame sal m.a.w. ook eendag vernuwe word, en teref word daardie liggame "geestelike" liggame genoem!). Vir 'n studie hieroor, gaan na: https://warechristene.blogspot.com/2017/11/verheerliktegeestelikeonverganklike.html. In ander woorde, geestelike mense/weergeborenes (die wat gebore is uit water en Gees) gaan wel dood, maar het die belofte dat hulle opgewek sal word in nuwe (fisiese) liggame en nie deur die tweede dood sal gaan nie (en dit word voltrek in "die opstanding" - die wat deel het aan die eerste opstanding, oor hulle het die tweede dood geen mag nie)(Openb. 20:6). Al gaan weergeborenes se liggame huidiglik dood, word hulle alreeds gesien as "geestelike mense" wat "uit Gees gebore" is (wat die innerlike aanbetref) en mense wat die ewige lewe het (al word dit eers voltrek in die opstanding).

-----------------------------------------------------------------------------------------------------------------------------

(3) Die woord "VLEES" verwys na "liggaam" (Gen. 2:21; 2 Joh. 1:7; 1Pet. 1:24; Kol. 2:5; Openb. 19:21; ens.). Die term verwys na die fisiese vleis, vel, naaktheid, ens. (in hierdie konteks vd menslike wese), maar word ook gebruik om te verwys na die "menslike natuur" (kyk bo Griekse woord);  en verwys dus nie net na die fisiese (liggaam, vleis, vel, naaktheid, menslike wese) nie, maar kan ook na die innerlike (vd menslike wese - die menslike natuur) verwys - asof die "gees vd mens"/innerlike mens ook beskryf kan word as "liggaam, siel en gees", en in die geval beskryf die begrip vlees die "liggaam" vd innerlike mens. Maar natuurlik is dit nie noodwendig skriftuurlik om dit so uit te druk nie;  meer presies kan liggaam, siel en gees gebruik word om die uiterlike en innerlike te beskryf . Bv., fisies beskryf dit die uiterlike..., en geestelik beskryf dit die innerlike... 

Die mens is tweeledig van aard (nl. die uiterlike mens en die innerlike mens), maar bestaan uit liggaam, siel en gees...;  -dus, is nie net FISIES liggaam siel en gees (uiterlike mens) nie, maar ook GEESTELIK "liggaam, siel en gees" (die innerlike mens).  As ons dit so sien dan verstaan ons dat die mens se gees/die innerlike mens ook 'n vorm het soos die uiterlike mens 'n "liggaam" het, kan bv. beweeg, sien, hoor,..., ens. (Luk. 16) - dit is nie noodwendig reg om dit so uit te druk nie, maar is 'n ander manier om die woord "vlees" op 'n geestelike manier te beskryf. Die begrip "VLEES" word m.a.w. bv. beide fisies (1 Pet. 1:24; 4:2; Hebr. 2:14; Kol. 3:24 ens.) asook geestelik (Kol. 2:11,12; Matt. 9:17 ens.) in die Skrif gebruik (bv. of iemand "vleeslik" is of nie...). Wat saligheid/redding aanbetref is dit nie net die uiterlike mens wat saligheid (redding vd dood) nodig het nie, maar ook die siel/die innerlike mens...(bestudeer gerus die volgende pos om hierdie beter te verstaan: https://warechristene.blogspot.com/2020/07/bybelstudie-die-begrip-saligheid-hoekom.html.  Beide die liggaam/uiterlike en die siel/innerlike het redding nodig (nie net redding nodig vd dood vd liggaam nie, maar ook van die "tweede dood", nl. wanneer beide siel en liggaam in die poel van vuur gewerp word - in ander woorde, die siel het ook redding nodig, wat o.a. beteken dat die "vlees" vernuwing nodig het - uit watter vlees is iemand gebore?). Hierdie word o.a. in die Skrif beskryf as dat die wat weergebore word opstaan in 'n nuwe liggaam! (https://warechristene.blogspot.com/2013/09/die-christelike-doop.html) - weergeborenes is soos mense wat doodgegaan het en opgestaan het in 'n nuwe liggaam (wat nie net met die fisiese liggaam eendag sal gebeur nie, maar ook innerlike is hulle nou "uit ander vlees gebore"). Hulle is m.a.w. nou nie meer "natuurlike mense" nie, maar "geestelike mense" - dien m.a.w. nie meer die sonde nie (is vrygemaak van slaafskap onder sonde / "vrygemaak van sonde"), maar het diensbaar geword aan God (Rom. 6:22).  Die wat eendag deel het aan die eerste opstanding (en opstaan tot lewe) het die belofte dat hulle nie deur die tweede dood sal gaan nie - in die opstanding kry die weergeborene se LIGGAAM/die uiterlike mens "redding" (word gered vd dood), maar die innerlike vd weergeborene het alreeds redding ontvang toe hy weergebore word, of liewer, is in die proses daarvan... (kyk tema "pad van godsaligheid").  Kyk gerus hoe die Christelike doop o.a. 'n teken is hiervan..., bv. dat dit o.a. verwys na hoe iemand "optstaan uit die dood"!, wat nie net wys op die belofte vd komende opstanding vd uiterlike liggaam nie, maar ook na hoe die geestelike mens alreeds opgestaan het in 'n "nuwe liggaam" (hier sien ons hoe die woord "liggaam" gebruik word om die vernuwing vd innerlike mens te beskrywe - bedoel vd gees vd mens - asof uit ander "vlees" gebore, nl. uit Gees gebore). Dit is die innerlike mens vab weergeborenes wat alreeds vernuwe is (en vernuwe word), nog nie die uiterlike mens nie. 

Die Christelike kerk word ook soos 'n (nuwe) mens voorgestel - en dit is verder interessant om te sien dat die weergeborene/geestelike mens se gees gesien word asof deel van Christus se liggaam... - is van Sy "VLEES en bene"... (uit Hom gebore, natuurlik nie fisies nie, maar geestelik, die Christelike gemeente-almal saam soos "een siel")(Ef. 5:30);  en deel in Sy "VLEES en bloed"... (Joh. 6:51-56)(wat vewys na die bloed waaruit hulle gebore is, nie letterlik nie, maar die gees - hulle lewe is in Sy vlees en Sy bloed..., en Sy bloed beskryf hulle as "siele", maw as weergeborenes - nie gebore uit vlees nie, maar uit Gees - nie gebore uit die saad van Adam nie maar uit die saad van Christus - is gebore uit God). M.a.w., wat die fisiese aanbetref of uiterlike mens, is die geestelike mens se vlees natuurlik nie letterlik uit God gebore nie, maar geestelik word hy wel gesien asof "uit God gebore"! (aangeneem as kinders)(wat die "vlees" vd mens aanbetref, het hy alreeds opgestaan in 'n nuwe liggaam wat sy innerlike aanbetref, maar nog nie die uiterlike nie - die uiterlike sal eers vernuwe word in die opstanding). Vir 'n studie hieroor kan die volgende pos behandel word: https://warechristene.blogspot.com/2014/02/weer-gebore-wedergeboorte-wedergebore.html. L.w., dat net soos ons die uiterlike mens voed en oefen, net so moet daar vir die innerlike mens gesorg word... - nie net wat geestelike kos en water aanbetref nie, maar ook ander dinge wat die "liggaam" raak, bv. om jouself skoon te hou (te was - sonde bely om skoon te kom), klere aantrek (bv. beklee met Christus), ens. Die geestelike mens is bv. baie bekend met die begrip van hoe hy sy vlees moet kruisig... (wat verwys daarna dat ons nog "in vlees" is), en verstaan maar alte goed dat die innerlike ook vuil of besoedel kan word (bestudeer o.a. die tema "gewete besoedel")(1 Pet. 3:21). Waarmee jy jou gees voed, is belangrik! - wat jy saai sal jy maai (Gal 6:7 - "Moenie dwaal nie; God laat Hom nie bespot nie; want net wat die mens saai, dit sal hy ook maai. Hy wat in sy vlees saai, sal uit die vlees verderf maai; maar hy wat in die Gees saai, sal uit die Gees die ewige lewe maai" - hier sien ons ook hoe die term "vlees" fisies sowel geestelik gebruik word). 

Ou mens en nuwe mens:

Alle mense word uit "bloed" gebore (is kinders van Adam) en het 'n wereldse gees (is uit die vlees of wil vd mens gebore)(Joh 1:13 - 'wat nie uit die bloed of uit die wil van die vlees of uit die wil van ‘n man nie, maar uit God gebore is"), maar weergeborenes is soos mense wat "oor gebore" is, hierdie keer nie uit die vlees of wil van die mens nie, maar "uit die Gees". IN HIERDIE KONTEKS VERWYS DIE WOORD "VLEES" SPESIFIEK NA DIE INNERLIKE MENS.  Ons het gesien in die eerste paragraaf dat die woorde "in vlees" verwys na die fisiese liggaam, en "uit vlees" verwys na die mens se gees (Jesus was bv. gebore "in vlees", maar nie "uit vlees" nie..., wat beteken Hy het 'n menslike liggaam wat terloops ook versoek kan word net soos ons, maar Hy was nie gebore is uit dieselfde bloed nie - maar gebore uit Gees). Wat die uiterlike vlees vd weergeborene (wat ook gesien word soos mense wat "uit Gees" gebore is) aanbetref, sal dit eers vernuwe word in "die opstanding", maar wat die innerlike aanbetref word die weergeborene alreeds gesien soos iemand wat vernuwe is en word. Op 'n geestelike manier word daar m.a.w. na die natuurlike mens se "soort vlees" verwys as die "ou mens", maar in die geval vd geestelike mens verwys "soort vlees" na die "nuwe mens" (is "nuwe sakke" - Matt. 9:17). Bv., die geestelike mens het die OU VLEES afgelê... (die ou vlees wat die sonde dien - Gal. 5:19-21 - die slaafskap onder sonde is gebreek) en word 'n nuwe mens (weergebore - dien nou die Here en Sy Gees -Kol. 2:12; Rom. 6:4; Gal. 5:22; Rom. 6:6; Kol. 3:9,10). Die woord "vlees" beskryf dus o.a. die menslike wese - LETTERLIK BEDOEL (die uiterlike mens)(Gen. 6:12; Openb. 19:21; 1 Pet. 1:24; 2 Joh. 1:7...), maar word ook gebruik t.o.v. die innerlike mens (m.a.w., "liggaam figuurlik gesproke") waar dit verwys na of iemand 'n natuurlike mens (die wat nie die Heilige Gees het nie, maar 'n wereldse gees) is, of 'n geestelike mens (weergeborenes/die wat die Heilige Gees het). 

Wat die innerlike aanbetref (die gees vd mens) word die "geestelike mens" (weergeborenes) nie meer gesien as "natuurlike mense" (gebore uit vlees) nie, maar is 'n "geestelike mens" (is gebore uit Gees, gebore uit God).  Innerlik verander die geestelike mens se "menslike natuur" dus na 'n "goddelike natuur" (2 Pet. 1:3,4)(https://warechristene.blogspot.com/2018/12/lewende-wese-lewende-siel-menslike.html). Volgens watter natuur lewe jy? - hierdie is 'n manier waarop soort vlees dus somtyds beskrywe word... - m.a.w. leef jy volgens die vlees?, of volgens die Gees? (Gal. 6:8 - "Hy wat in sy VLEES saai, sal uit die VLEES verderf maai; maar hy wat in die Gees saai, sal uit die Gees die ewige lewe maai"). Die "gebore uit vlees" (gebore in sonde) het nie 'n goddelike natuur nie (Ps. 51:5; Joh. 3:6; Rom. 6:6), maar weergeborenes is gebore uit Gees en het 'n goddelike natuur (hulle leef volgens die Gees)(hulle is nie van die wereld nie / dink en praat nie soos die wereld nie, en begeer nie die dinge vd wereld nie;  in ander woorde, hulle het nie die gees van die wereld soos natuurlike mense nie). Net soos wat geestelike mense eendag letterlik gaan opstaan uit die dood, so het die innerlike mens vd geestelike mens nou alreeds opgestaan in 'n nuwe "liggaam" toe hy wederbaar is (iets wat o.a. deur die Christelike doop voorgestel word);  verder is die geestelike mens daagliks besig om die nuwe mens "aan te trek" terwyl hy op die pad van godsaligheid is...(gehoorsaamheid / dien / slaaf / behoort nie aan onsself nie) - wat te doen het met geestelike kos en water, bad, oefening ens. - nodig om hom aan die lewe te hou! (hy het alreeds die ASEM van die Gees wat hom laat lewe, maar het geestelike kos en water nodig om hom aan die lewe te hou, klere om naaktheid te bedek, bad om skoon te bly, ens.). Die geestelike mens word gesien soos 'n nuwe mens en iemand wat nie meer onder slaafskap van sonde is nie... - asof uit ander "vlees" gebore (Gal. 5:24 - "Maar die wat aan Christus behoort, het die vlees met sy hartstogte en begeerlikhede gekruisig"). In plaas van om die sonde te dien, dien geestelike mense die Here - hulle is nie gehoorsaam aan die sonde nie, maar aan die Here en Sy Gees (is onder die wet vd Gees)(Gal. 5:16-19  - "Maar ek sê: Wandel deur die Gees, dan sal julle nooit die begeerlikheid van die vlees volbring nie;   want die vlees begeer teen die Gees, en die Gees teen die vlees; en hulle staan teenoor mekaar, sodat julle nie kan doen wat julle wil nie.  En die werke van die vlees is openbaar, naamlik owerspel, hoerery, onreinheid, ongebondenheid"). 

-----------------------------------------------------------------------------------------------------------------------------

(4) SOORTE "VLEES":

Daar is verskillende soorte LIGGAME - (1Kor. 15:39,40 - "Alle VLEES is nie dieselfde vlees nie...). Daar is baie soorte wesens, en almal het verskillende soorte liggame.  Die VLEES van mense is anders as die van diere en visse en voëls...;  daar is hemelse liggame en aardse liggame...;  daar is natuurlike liggame en geestelike liggame... (1Kor. 15:44)(hierdie vewys na die uiterlike VLEES). 

Soos bo gesien kan ons onderskei tussen die twee terme "in die vlees" en "gebore uit vlees". Die term "in die vlees" verwys na die "menslike wese" (2 Joh. 1:7),  
terwyl die term "gebore uit vlees" wel ook in hierdie konteks verwys na die "mens" maar meer spesifiek uit watter vlees of bloed iemand gebore is... (bv. die gebore uit Adam is "gebore in sonde" = verwys na die natuurlike mens). Elke mens is gebore "in of na die vlees" (wat verwys na wat se SOORT LIGGAAM, nl. menslike liggaam), en ook gebore "uit vlees" (wat vewys na bloed... - gebore uit Adam, is verganklik / verkoop onder sonde) - en in hierdie konteks vewys die begrip VLEES dus na 'n spesifieke "vlees" nl. uit Adam se bloed. Die uiteinde van hierdie slaafskap waaronder die mens gebore word, is die dood - om die dood te oorwin het ons dus nodig om WEER GEBORE te word (maar hierdie keer nie "uit vlees" nie, maar "uit (water en) Gees". Hierdie geld terloops nie net vir die liggaam/uiterlike mens nie maar ook die siel/innerlike mens.  Geestelike mense (mense wat weergebore is) word gesien as "gebore uit gees",  nie "gebore uit vlees" nie (kyk vorige paragraaf)(natuulik nou wat hulle innerlike mens aanbetref).

-----------------------------------------------------------------------------------------------------------------------------

(5) "VLEES EN BLOED" en "LIGGAAM EN BLOED":

In sommige skrifte verwys die woord "vlees" na die mens of mensdom (in geheel) (Gen. 6:12,19), en word die woorde "VLEES EN BLOED" bv gebruik (https://warechristene.blogspot.com/2018/10/vlees-en-been-vlees-of-liggaam-en-bloed.html) -  mense of  "mensdom" (Matt. 16:17; 1 Kor. 15:50; Gal. 1:16; Ef. 6:12)(in wie daar 'n LEWENDE SIEL IS, en in wie die lewensasem). Die woord "vlees" of woorde "vlees en bloed" verwys natuurlik nie noodwendig net na mense nie maar ook na diere, m.a.w. voëls en vee en die wilde diere en al die gediertes wat op die aarde wemel (Eseg. 39:17; Gen. 7:15,16,21; 8:17; 9:17...), ook genoem "LEWENDE WESENS" op aarde (Gen. 1:20,21,24;  2:19; 7:4,23; Openb. 16:3; ens.). Die term "LEWENDE SIEL" word gebruik vir "ALLES OP AARDE WAARIN 'N LEWENDE SIEL IS", nl. diere en voëls en mense - Gen. 1:30;  of waarin 'n lewensgees is - Gen. 6:17; 7:15). DIE MENS IS "VLEES EN BLOED" (Hebr. 2:14)(gebore uit vlees/bloed-Joh. 3:6; 1:13) =  en is VERGANKLIK -  "BLOED" kan IEMAND SE SIEL BESKRYWE (net soos bloed baie van jou uiterlike mens/vlees kan vertel). 

"Vlees en bloed" kan nie die koninkryk beërwe nie! (1 Kor. 15:50) want vlees en bloed is verganklik... (en verganklikheid kan nie onverganklikheid erf nie).  In hierdie konteks wil dit voorkom of die woord "vlees" die liggaam beskryf , en die woord "bloed" beskryf die siel..., maar natuurlik kan "vlees" in hierdie konteks ook bloot verwys na "uit vlees gebore" (of "uit bloed gebore").In hierdie konteks beskryf iemand se bloed (m.a.w. die feit dat hy UIT VLEES GEBORE is - uit Adam se saad)  die toestand van sy "siel" (bv. of hy 'n natuurlike mens of 'n geestelike mens is).  Ons moet dus verstaan die konneksie tussen "bloed" en "vlees" bv., elke mens se siel ("lewe") is in sy bloed (sy bloed beskryf sy siel), en is ook die letterlike betekenis van "siel" - "siel in bloed" (lewe in bloed)(Lev. 17:11,14).  Die mens gebore "uit vlees" (wat verwys na watter vlees hy uit gebore is) se bloed beskryf hom dus as 'n siel wat verganklik is en sal doodgaan - "dra vrugte vir die dood";  maar die mens "gebore uit gees" se bloed (vd innerlike mens) beskryf hom as 'n mens wat onverganklik is en vir ewig sal lewe! - "dra vrug tot lewe" (alhoewel die weergeborene uiterlike mens steeds sal sterwe; dus, alhoewel sy innerlike vernuwe is is sy uiterlike nog nie vernuwe nie, maar hy het die BELOFTE van onverganklikheid en ewige lewe, en dus het ook die belofte van opstanding in 'n onverganklike "geestelike liggaam" eendag)(2 Kor. 10:3). In hierdie konteks word die term "vlees en bloed" nie noodwendig net gebruik vd wat "in sonde gebore" of van die natuurlike mens (m.a.w.,"kinders van Adam" - die gebore uit vlees - verganklik) nie, alhoewel die term effens verander word in die geval van geestelike mense. maar word ook gebruik vd geestelike mens ("kinders van Jesus Christus - gebore uit Gees - onverganklik). Dit gaan dus oor UIT WATTER VLEES EN BLOED iemand gebore is. Die geestelike mens is dus ook "VLEES EN BLOED", ja, maar uit watter vlees en bloed gebore? - meer presies word die term "LIGGAAM EN BLOED" dan hier gebruik (in "gemeenskap met Sy liggaam en bloed" - asof uit Sy Saad gebore).  Die verskil dus tussen die terme "liggaam en bloed" en "vlees en bloed" is dat dit onderskeidelik gebruik word om na of die natuurlike of die geestelike mens te verwys.  Bv., die term "liggaam en bloed" word veral gebruik in konteks met die wat onverganklikheid het/kry (m.a.w. "lewe in die bloed van Christus"), terwyl die term "vlees en bloed" gewoonlik meer gebruik word in die geval vd natuurlike mens, in konteks met verganklikes. Omdat die lewe of "siel" in die bloed is, kan dit in die regte konteks ook as reinigingsmiddel gebruik word, m.a.w. 'n lewe vir 'n lewe! Christus het Sy lewe gegee vir almal wat in Hom glo... - sonder bloedvergieting vind daar geen vergifnis plaas nie. Christus Jesus het die "vlees en bloed" deelagtig geword (mens geword) sodat Hy deur die dood hom wat mag het oor die dood (nl. die duiwel) tot niet kon maak.  Dit is slegs "bloed" wat 'n liggaam kan reinig (en "LEWE gee")(Hebr. 9:13,14; Joh. 6:54; Kol. 1:22 ens.).

Die term "LIGGAAM EN BLOED" word dus veral gebruik in konteks met die geestelike familie (van die wat in Christus Jesus glo en Sy Gees ontvang). Meer presies verwys dit na hoe die geestelike mens familie is van Jesus Christus deurdat hulle uit Hom gebore is (uit Sy saad, deur die Heilige Gees) en LEWE deur Sy bloed! (siende die siel/lewe in die bloed is)(m.a.w. FIGUURLIKE GESPROKE, "gemeenskap met Sy "liggaam en bloed" waarvan die Nagmaal o.a. 'n teken is);  of kan ook beskryf word deur "uit watter vlees of bloed";  maw, die geestelike mens is "uit die Gees". Natuurlik word die term "vlees en bloed" ook in hierdie konteks gebruik (nie net "liggaam en bloed" nie) , want immers verwys liggaam na "vlees". Die term "vlees en bloed" verwys dus veral na "die mensdom", kinders van Adam - en na die liggaam met die lewe in die bloed/siel - deur wat lewe hy? Bv. die natuurlike mens het asem deur 'n wereldse gees? (terwyl die natuurlike mense lewe deur die asem van die Heilige Gees).  
-----------------------------------------------------------------------------------------------------------------------------
(6) BESNY / ONBESNEDE VLEES:

Die dood is anders vir onbesnedens (Eseg. 28:10) as wat dit is vir die wat besny is (1 Kor. 7:18; Gen. 17:4-9). Onbesnedenes het geen hoop op opstanding nie! (Eseg. 32:19,27; Jes. 38:18; ens.). In hierdie konteks verwys die begrip "onbesnedenes" na natuurlike mense;  meer presies verwys dit na die wat nie deel is van die volk van God nie.  In die O.T. was die seuns onder die volk vleeslik besny, en dit was 'n fisiese gebaar as teken onder die Hebreeuse volk, wat verwys het dat hulle God se volk is en Hy hulle Here... (die seuns was besny want hulle was die priesters onder die volk...; alhoewel daardie priesterskap later oorgeneem is deur een stam onder die volk en die ander hulle moes betaal om hulle priesterskap uit te voer). Maar wat besnydenis aanbetref, was die letterlike gebaar vd besnydenis net 'n skaduwee van dit wat eintlik belangrik was... - en dit was die "besnydenis vd hart" (Jer. 4:4; 9:26; Deut. 10:16)(Rom. 2:28,29). Besnedenes wat ongehoorsaam was en ongelowige harte gehad het, was bv. steeds gesien soos "onbesnedenes"...  

In die N.T. is die klem op dit waaroor die besnydenis veral gegaan het, nl. "die besnydenis van hart en ore" (Kol. 2:11). Ons het reeds gesien dat, wat die begrip VLEES aanbetref dit nie net verwys na die vlees vd uiterlike mens nie, maar dit ook figuurlik gebruik word vd innerlike mens. Die geestelike mens se uiterlike VLEES/LIGGAAM is bv. nog nie vernuwe nie (en wat op die opstanding), maar wat die innerlike aanbetref het hy alreeds opgestaan in 'n nuwe liggaam (waarvan die doop 'n teken is). Wat die besnydenis aanbetref kan hierdie min of meer dieselfde verduidelik word.  Die geestelike mens se uiterlike is miskien nie vleeslik besny nie, maar sy innerlike is wel en word besny (wat verwys na die besnydenis van hart en ore) - en dit is eintlik wat belangrik is - die fisiese daad was slegs 'n teken, en terloops vir 'n spesifieke volk gegee, maar weergeborenes is deel vd "nuwe mens", Jood en heiden een in Christus Jesus, en die teken is nie 'n fisiese gebaar nie, maar die ware Jakob!, nl. dat die hart en ore besny is. Dit is wat met mense gebeur wat weergebore word - hulle hart en ore word besny (hulle begin dink en sien en hoor anders, soos die Here wil). En net soos 'n familie nie as deel vd volk gesien is as die seuns nie besny is nie, net so kan iemand nie as deel gesien word van die Christelike familie as hy/sy nie besny is na hart en ore nie. Besnydenis (bv. na hart en ore) word regverdig UIT DIE GELOOF (Rom. 4:9,10) - dit is maw deur geloof (in Jesus Christus) wat bepaal word of iemand besny word of nie - elkeen se hart sal wys of hy werklik besny is! (Kol. 2:11-13). Besnydenis is deels dit wat God doen in die mens (Deut. 30:6), en deels iets wat van die kinders vd koninkryk verwag word om self ook te doen (Deut. 10:16; Jer. 4:4; 9:25,26). 

Deels verwys "besnydenis" (bv. vd vlees) na die wat die Here dien en op Hom vertrou (Fil. 3:3), maar deels verwys dit ook na die wie se sonde vergewe is... (Kol. 2:13)(hulle het die belofte van opstanding). Op ditto wyse verwys die wat besny is na hart en ore (die wat GLO in Jesus Christus) na die wat die Here dien en op Hom vertrou (Hy is hulle Here), en na die wie se sonde vergewe is! Hulle is deel vd volk van God... (Ef. 2:11-16 - "Daarom, onthou dat julle wat vroeër heidene in die vlees was en onbesnedenes genoem word deur die sogenaamde besnydenis wat in die vlees met hande verrig word, dat julle in dié tyd sonder Christus was, vervreemd van die burgerskap van Israel en vreemdelinge ten aansien van die verbonde van die belofte, sonder hoop en sonder God in die wêreld. Maar nou in Christus Jesus het julle wat vroeër ver was, naby gekom deur die bloed van Christus. Want Hy is ons vrede, Hy wat albei een gemaak en die middelmuur van skeiding afgebreek het deurdat Hy in sy vlees die vyandskap tot niet gemaak het, naamlik die wet van gebooie wat in insettinge bestaan; sodat Hy, deur vrede te maak, die twee in Homself tot een nuwe mens kon skep en albei in een liggaam met God kon versoen deur die kruis, nadat Hy daaraan die vyandskap doodgemaak het").

------------------------------------------------------------------------------------------------------------

Die Nagmaal (2)

IN HIERDIE POS KYK ONS NA "die nagmaal" - WAT IS DIE BETEKENIS VAN DIE NAGMAAL?

Vir ander opsommings in hierdie reeks poste oor "die nagmaal", gaan na:

- Wat is die nagmaal? (1)

- Hoe word die nagmaal gebruik? (3) 

-----------------------------------------------------------------------------------------------------------------------------Wat is die betekenis van die Nagmaal?

Deur die "nagmaal" word die Here Jesus Christus se dood verkondig totdat Hy kom... - dit is hoekom "brood" en "wyn" spesifiek gebruik word in hierdie maal, maar mag ons miskien vra:  Is dit nie belangriker om liewer die opstanding te vier as Christus se dood nie? (1 Kor. 15:15,17) - hoekom vier ons Sy dood?  Dit is duidelik dat daar iets met Sy dood bewerk is, en as ons nie verstaan waarom Jesus moes sterwe nie sal ons ook nie verstaan waarom ons nagmaal gebruik nie.

Kom ons kyk in meer diepte na wat die nagmaal alles beteken:

(rol af vir die volgende opsommings)

- (1) Dit is TOT GEDAGTENIS VAN JESUS CHRISTUS, want dit VERKONDIG SY DOOD totdat Hy kom.

- (2) Die Nuwe Testament word in Jesus Christus se BLOED voorgestel / brood (nuwe) liggaam.

- (3) Jesus Christus is soos BROOD en DRANK vir ons.

- (4) Die nagmaal is bedoel vir gereddes, vir die LIGGAAM VAN CHRISTUS.

-----------------------------------------------------------------------------------------------------------------------------(1) - Die nagmaal is tot gedagtenis van Jesus Christus, 

          - want dit VERKONDIG SY DOOD totdat Hy kom (1 Kor. 11:24-26 - "en nadat Hy gedank het, het Hy dit gebreek en gesê: Neem, eet; dit is my liggaam wat vir julle gebreek word; doen dit tot my gedagtenis. Net so ook die beker ná die ete, met die woorde: Hierdie beker is DIE NUWE TESTAMENT in my bloed; doen dit, so dikwels as julle daaruit drink, tot my gedagtenis. Want so dikwels as julle hierdie brood eet en hierdie beker drink, verkondig julle die dood van die Here totdat Hy kom"). Dit is in hierdie konteks hoekom die nagmaal gebruik word - die nagmaal getuig van Jesus Christus se dood... - Hy is die perfekte Lam deur wie ons vergifnis kan kry sodat ons nie die dood oes nie, en deur Sy dood het die Nuwe testament in werking getree (Hy is nie net die Lam nie, maar ook die hoepriester wat die offer bring): 

= JESUS DIE PERFEKTE LAM GEOFFER / Hy die TESTAMENTMAKER,  en   

= JESUS se BLOEDOFFER / HY DIE HOëPRIESTER / nuwe priester-orde, NUWE VERBOND. 

- BROOD = LIGGAAM: Die wat deelneem aan die nagmaal verkondig daardeur dat Jesus soos 'n Lam vir ons geslag is  - Sy liggaam gebreek (en bloed gevloei) (1 Kor. 11:24). Hy het Sy lewe afgelê / Hy is die Lam geslag... (Heb 13:11-13 - "want die diere waarvan die bloed vir die sonde deur die hoëpriester in die heiligdom ingedra word—hulle liggame word buitekant die laer verbrand. Daarom het Jesus ook, om die volk deur sy eie bloed te heilig, buitekant die poort gely. Laat ons dan uitgaan na Hom toe buitekant die laer en sy smaad dra). 

- BLOED = OFFERBLOED: Die wat deelneem aan die nagmaal verkondig ook daardeur dat Jesus se bloed versoening bewerk het, maar ook dat Hy die hoëpriester is (van 'n ander orde) wat hierdie versoening bewerk... (nie volgens die Levitiese priesterskap en orde van Aaron nie, maar) 'n Hoëpriester wat volmaak is, SONDER SONDE, en een wat met ons swakhede medelye het en in alle opsigte versoek is net soos ons (dit verwys na Jesus Christus)("Hoepriester volgens die orde van Melgisedek")(Heb 4:14-16 - "Terwyl ons dan ‘n groot Hoëpriester het wat deur die hemele deurgegaan het, naamlik Jesus, die Seun van God, laat ons die belydenis vashou. Want ons het nie ‘n hoëpriester wat nie met ons swakhede medelye kan hê nie, maar een wat in alle opsigte versoek is net soos ons, maar sonder sonde. Laat ons dan met vrymoedigheid na die troon van die genade gaan, sodat ons barmhartigheid kan verkry en genade vind om op die regte tyd gehelp te word"). BLOED = OFFERBLOED vd Lam / en verwys ook na hoe Jesus Christus, die Hoepriester van 'n beter orde Sy bloed ingedra het in die heiligdom wat nie met hande gemaak is nie / 

- DOOD: Jesus Christus is ook die TESTAMENTMAKER, en deur die dood van die testamentmaker word 'n NUWE VERBOND INGELEI... (Heb 9:11,12 - "Maar Christus, wat opgetree het as Hoëpriester van die toekomstige weldade, het deur die groter en volmaakter tabernakel wat nie met hande gemaak is nie, dit wil sê, wat nie aan hierdie skepping behoort nie, ook nie met die bloed van bokke en kalwers nie, maar met sy eie bloed, een maal ingegaan in die heiligdom en ‘n ewige verlossing teweeggebring")   (Heb 7:11,12 - "As daar dan volkomenheid deur die Levitiese priesterskap was—want met die oog daarop het die volk die wet ontvang—waarom was dit nog nodig dat ‘n ander priester moes opstaan volgens die orde van Melgisédek en dat hy dit nie volgens die orde van Aäron genoem word nie? Want met verandering van die priesterskap kom daar noodsaaklik ook verandering van wet"). Die wat aan die nagmaal deelneem, wys daardeur dat hulle behoort aan die nuwe verbond wat deur die ewige Hoëpriester Jesus, ingestel is... (want met 'n nuwe priester tree outomaties 'n nuwe verbond in). Hy is ons Hoepriester! Duidelik was die ou verbond nie voldoende nie, en 'n verandering was nodig, en dit is hoekom 'n nuwe verbond en priester nodig was van 'n ander orde (nl. in hierdie geval, die orde van Melgisedek). 

As ons Jesus se dood verkondig deur die Nagmaal, dan verkondig ons dus ook dat 'n nuwe testament in werking getree het... - die wat deelneem aan die Nagmaal (die wat glo in Jesus Christus), verkondig dus o.a. daardeur dat hulle nie onder die wet van Moses is nie, maar onder die wet vd Gees (onder 'n nuwe verbond);  en verkondig dus daardeur dat die in werking tree van die nuwe verbond plaasgevind het deur 'n ander Hoepriester ('n volmaakte een, wat nie offers oor en oor hoef te bring nie - nie van die orde van Aaron onder die wet van Moses nie, maar 'n ewige Hoepriester volgens 'n ander orde, nl. die orde van Melgesedek - is nou "onder Jesus Christus, onder die Heilige Gees" - 'n priester wat vir altyd vir ons sonde kan intree). IN ANDER WOORDE, die wat in Jesus Christus glo en deur Hom vergifnis ontvang, is onder 'n nuwe wet... (Sy orde is volgens die Gees... - die wat onder Sy orde is is onder die wet van die Gees, nie onder die wet van Moses nie. Jesus Christus gee aan hulle die Heilige Gees en die Gees lei hulle in hierdie nuwe verbond, ook genoem "wet van vryheid"). Hierdie hoepriester, nl. Jesus Christus, se offer was wel eenmalig maar Hy kan altyd vir hulle intree, want Hy lewe!/Rom. 8:34; Hebr. 7:17,21,25; 5:6,10; 4:14; 8:1; Ps. 110:4).  Dit was EENMALIG en VOLDOENDE; en deur Sy dood het die nuwe "wet" in werking getree.  In ander woorde, Jesus Christus is volgens 'n ander orde, en dit is hierdie orde waarna die volk uitgesien het; nie die orde van Aaron nie, maar van Melgisédek... (Hebr. 7:11).

IN ANDER WOORDE, HOEKOM MOES HY DOODGAAN?  - (1)  Sodat die nuwe verbond in werking kon tree (die wet van vryheid/is "onder die Gees");  en (2) sodat ons vergifnis kon kry (volmaakte en voldoende offer)(en Hy is terloops ook 'n ewige hoëpriester / offers hoef nie oor en oor gebring te word nie).

-----------------------------------------------------------------------------------------------------------------------------(2) Die NUWE TESTAMENT word in Jesus Christus se BLOED voorgestel, en die brood verwys na die nuwe "liggaam": 

(Mat 26:28 - "Want dit is my bloed, die bloed van die nuwe testament, wat vir baie uitgestort word tot vergifnis van sondes")(1 Kor. 11:25). 'n Testament kan slegs in in werking tree waar die testamentmaker doodgaan... (Hebr. 9:16,17). Die nuwe testament het in werking getree toe Jesus doodgegaan het, en ons bevind ons dus nou in 'n nuwe testament-bedeling. 

Die Christelike kerk word terloops ook soos 'n "nuwe mens" en "liggaam" voorgestel... - dit dan ook die rede waarom EEN BROOD gebreek word en met almal gedeel word, is omdat die wat deelneem aan die nagmaal almal lede is van hierdie "liggaam" (en l.w., "Jood en heiden in een", nl. die wat in Jesus Christus glo). In die nuwe bedeling wat ingetree het toe die Testamentmaker doodgaan, is Jood en heiden een, in een liggaam onder Jesus Christus. Daar word dus ook na die kerk verwys as "die LIGGAAM van Christus". Dus, die nagmaal stel o.a. 'n NUWE TESTAMENT voor: (1) deur die bloed van Christus vrygekoop (bloed=wyn) en ontvang die Heilige Gees, en stel die LIGGAAM VAN CHRISTUS voor (liggaam/vlees=brood) deur wie ons genesing kry (bv. vergifnis van sonde). Almal wat deel is van die "nuwe mens" (nl. Jood en heiden een in Christus) is onder die nuwe testament en deel in die bloed en liggaam van Christus. Die wat deel is van hierdie liggaam, word selfs gesien soos Jesus Christus se familie! - asof uit Hom gebore (Ef. 5:30 - "Want ons is lede van sy liggaam, van sy vlees en van sy bene"). Geestelike mense (weergeborenes - die wie se sonde afgewas is en "onder die Gees"/nuwe verbond is, in ander woorde "die wat die Heilige Gees het") word o.a. gesien soos mense wat "uit God gebore" is (Joh. 1:12,13).

Nagmaal kan miskien gesien word soos 'n offer..(?).- of liewer, verkondig die Here se offer! (1 Kor. 10:16-22), want wanneer ons nagmaal gebruik het ons gemeenskap met Sy liggaam en bloed (1 Kor. 10:16). Sy dood was 'n OFFER;  dus, as ons Sy dood verkondig deur die nagmaal is ons besig om Sy offer te herdenk (Heb 10:14-18 - "Want deur een offer het Hy vir altyd volmaak die wat geheilig word. En ook die Heilige Gees gee aan ons getuienis; want nadat Hy tevore gesê het: Dit is die verbond wat Ek met hulle sal sluit ná dié dae, spreek die Here verder: Ek sal my wette gee in hulle hart, en in hulle verstand sal Ek dit inskrywe, en aan hulle sondes en hulle ongeregtighede sal Ek nooit meer dink nie. Waar daar nou vergifnis van hierdie dinge is, is daar geen offer meer vir die sonde nie"). Deur die nagmaal (deur die brood en wyn te neem) getuig die wat dit neem dat hulle LEWE in Hom is!  - amper asof hulle Sy vlees eet en bloed drink, maar natuurlik geestelik bedoel en verwys na LEWE wat in Hom is (Joh 6:53-58 - "En Jesus sê vir hulle: Voorwaar, voorwaar Ek sê vir julle, as julle nie die vlees van die Seun van die mens eet en sy bloed drink nie, het julle geen lewe in julleself nie. Hy wat my vlees eet en my bloed drink, het die ewige lewe, en Ek sal hom opwek in die laaste dag. Want my vlees is waarlik spys, en my bloed is waarlik drank. Wie my vlees eet en my bloed drink, bly in My en Ek in hom. Soos die lewende Vader My gestuur het, en Ek deur die Vader lewe, so sal hy wat My eet, ook deur My lewe. Dít is die brood wat uit die hemel neergedaal het—nie soos julle vaders die manna geëet en gesterwe het nie; wie hierdie brood eet, sal tot in ewigheid lewe"). Indirek verwys dit dus ook na die belofte vd opstanding, want die wat "Sy vlees eet en bloed drink" het die belofte dat hulle eendag opgewek sal word uit die dood in nuwe liggame wat vir ewig lewe. (Hebr. 9:15 - "En daarom is Hy Middelaar van ‘n nuwe testament, sodat, terwyl daar ‘n dood plaasgevind het vir die verlossing van die oortredinge onder die eerste testament, die wat geroepe is, die belofte van die ewige erfenis kan ontvang").

DIE NAGMAAL VERWYS DUS O.A. NA DIE NUWE TESTAMENT (deur Jesus Christus se bloed verlossing van oortredinge) en DIE NUWE LIGGAAM/GEROEPENES WAT DIE BELOFTE VAN EWIGE ERFENIS HET (een brood word gebreek / "liggaam van Christus" - Jood en heiden in een).

Kom ons kyk na nog 'n paar skrifte rondom hierdie onderwerp:

Dus, noodwendig met die nuwe priester het 'n nuwe wet ingekom... (die WET VAN DIE GEES)(Heb 7:12,12 - "Want met verandering van die priesterskap kom daar noodsaaklik ook verandering van wet; omdat Hy met die oog op wie hierdie dinge gesê word, aan ‘n ander stam behoort het waaruit niemand die altaar bedien het nie"). 'n Testament tree in werking wanneer die testamentmaker sterwe (Heb 9:16,17 - "Want waar ‘n testament is, moet noodsaaklik die dood van die testamentmaker aangekondig word; want ‘n testament is geldig by sterfgevalle, aangesien dit nooit van krag is so lank as die testamentmaker nog leef nie");  

m.a.w., die Nuwe Testament kon nie in werking tree voor Jesus sterwe nie:

- (Hebr. 7:26-28 - "Want so ‘n hoëpriester was vir ons gepas, een wat heilig, onskuldig, onbesmet, afgeskeie van die sondaars is, en wat hoër as die hemele geword het; wat nie elke dag nodig het, soos die hoëpriesters, om eers vir sy eie sondes offers te bring en dan vir dié van die volk nie. Want dit het Hy net een maal gedoen toe Hy Homself geoffer het. Want die wet stel as hoëpriesters aan mense met swakhede, maar die woord van die eedswering wat ná die wet gekom het, stel die Seun aan, wat vir ewig volmaak is")    

- (Heb 6:20 - "waar Jesus as voorloper vir ons ingegaan het, Hy wat volgens die orde van Melgisédek ‘n hoëpriester geword het vir ewig")    

- (Heb 9:11,12 - "Maar Christus, wat opgetree het as Hoëpriester van die toekomstige weldade, het deur die groter en volmaakter tabernakel wat nie met hande gemaak is nie, dit wil sê, wat nie aan hierdie skepping behoort nie, ook nie met die bloed van bokke en kalwers nie, maar met sy eie bloed, een maal ingegaan in die heiligdom en ‘n ewige verlossing teweeggebring").

-----------------------------------------------------------------------------------------------------------------------------(3)  Jesus Christus is soos brood en drank vir ons, en die nagmaal verkondig dit: 

Jesus het homself die "brood van die lewe" genoem (Joh. 6:48), want Hy kan vir ons die ewige lewe gee! - wanneer jy van hierdie "brood eet" (van Hom "eet"), kan jy lewe.. (Joh 6:51 - "Ek is die lewende brood wat uit die hemel neergedaal het. As iemand van hierdie brood eet, sal hy lewe tot in ewigheid. En die brood wat Ek sal gee, is my vlees wat Ek vir die lewe van die wêreld sal gee"). Die wat die nagmaal gebruik is besig om "van Sy vlees te eet" (natuurlik nie letterlik nie, maar wys op die lewe wat hulle van Hom kry/eet) en verkondig dus daardeur dat hulle die ewige lewe het deur Hom! - en verkondig dus ook die opstanding;  m.a.w, verkondig deur die nagmaal dat hulle deur Hom opgewek sal word in nuwe liggame wanneer Hy terugkom ('n liggaam wat vir ewig lewe)(Hebr. 9:15)(Joh 6:53.54 - "En Jesus sê vir hulle: Voorwaar, voorwaar Ek sê vir julle, as julle nie die vlees van die Seun van die mens eet en sy bloed drink nie, het julle geen lewe in julleself nie. Hy wat my vlees eet en my bloed drink, het die ewige lewe, en Ek sal hom opwek in die laaste dag"). 

-----------------------------------------------------------------------------------------------------------------------------(4) Die nagmaal is bedoel vir gereddes!: Die wat nagmaal neem neem dit as teken dat hulle die Here ken en dat Sy Gees by hulle is (Joh 6:56 - "Wie my vlees eet en my bloed drink, bly in My en Ek in hom"). Die nagmaal is dus bedoel vir die wat die Here ken en Sy Gees het!;  m.a.w., geestelike mense / weergeborenes  (dit is nie bedoel vir ongereddes nie, want hulle ken Hom nie en hulle het nie die Heilige Gees nie!). In hierdie opsig is die nagmaal 'n teken - die wat dit gebruik bely daardeur dat hulle Hom ken en Hy by hulle teenwoordig is (deur Sy Gees)... - en bely terloops dat hulle oortredinge vergewe is )bloed) en hulle deel is vd "een brood" (liggaam van Christus) en dus die belofte het van opstanding en ewige lewe.

-----------------------------------------------------------------------------------------------------------------------------OM MEER PRESIES TE VERSTAAN WAAROOR DIE NAGMAAL ALLES GAAN, KAN MISKIEN OOK INGEKYK WORD OP DIE TERME "vlees en bloed" EN "vlees en been" 

Die term "vlees en bloed" word bv. gewoonlik gebruik om te verwys na die mensdom (Hebr. 2:13; Eseg. 39:17,18; Matt. 16:17; Gal. 1:16; Ef. 6:12; 1 Kor. 15:50) - die mens is "vlees en bloed" en dit verwys na die liggaam met die LEWE in die bloed/siel (Lev. 17:11)(is liggaam en siel) - is uit vlees gebore (Joh. 3:6) en uit bloed gebore (Joh. 1:13).  Dit wys dus veral op wat se soort wese jy is en uit wie gebore..., nl. is familie van die MENSDOM (watter soort vlees en watter bloed loop deur jou are). Die MENSDOM kan verder ingedeel word in "natuurlike mense" en "geestelike mense" (geestelike mense verwys na weereborenes - die wie se sonde vergewe is en die Heilige Gees het). Alle mense is kinders van Adam en word dus as "natuurlike mense" gebore (is uit Adam se saad gebore, en is dus verganklik), maar geestelike mense is weer gebore! ("oor gebore"), en word gesien as mense wat uit God (se saad) gebore is - geestelike mense het alreeds die belofte van onverganklikheid!, en word gesien soos mense wat die ewige lewe het (hulle innerlike word alreeds daagliks vernuwe en die uiterlike soos ook eendag vernuwe word ). 

Die term "vlees en been" word weer gebruik van spesifieke families (aan watter spesifieke familie behoort jy?). Die wat in Jesus Christus glo behoort aan Sy familie, en Sy familie word o.a. figuurlik voorgestel soos 'n liggaam... - bv., die wat aan Hom behoort is lede van "Sy liggaam". Dit verwys na wie "uit Hom gebore" is (natuurlik nie fisies nie, maar geestelik bedoel - is familie van Hom deur die geloof)(Ef. 5:30 - "Want ons is lede van sy liggaam, van sy vlees en van sy bene"). Deur die geloof is hulle "kinders van die belofte" (kinders van Abraham)(Gal. 3:7).

MET HIERDIE INLIGTING IN AG GENEEM, KOM ONS KYK DIE SLOTSOM VAN "GEESTELIKE MENSE":

- Die term "vlees en bloed", waar dit spesifiek verwys na "geestelike mense", verwys na mense wat gebore is uit God se saad! (nie "kinders van Adam" nie, maar "kinders van God") - die nagmaal stel o.a. hierdie voor..., want wanneer jy Jesus Christus "se vlees eet" en Sy "bloed drink", verwys dit na hoe jy deel is van die Goddellike familie (is uit God gebore / verwys na weergeborenes, nl. die wie se sonde vergewe is en die Heilige Gees het)! (Joh. 6:53-56)(GEBORE UIT GOD).

- Die term "vlees en been", waar dit spesifiek verwys na "geestelike mense", verwys na mense wat familie is van Jesus Christus! (en dus ook van mekaar), Hulle is van Sy vlees en bene... (Ef. 5:30)(is FAMILIE VAN JESUS CHRISTUS), en hulle deel in "een brood" tydens nagmaal, wat verwys daarna dat hulle almal familie is van mekaar.  

In hierdie konteks is die wat DIE NAGMAAL neem:

- "geestelike mense" - die wat gebore is uit God se saad (weergeborenes - kyk tema "vlees en bloed") - (1 Kor. 10:16; 1 Kor. 11:27);

- "geestelike mense" - die wat familie is van Jesus Christus (van Sy vlees en bene, en ingedoop onder die kinders van Abraham) -kyk tema "vlees en been"( Ef. 5:30).

OPSOMMING: Joh 6:52-57 - "Die Jode het toe met mekaar gestry en gesê: Hoe kan Hy ons sy vlees gee om te eet?  En Jesus sê vir hulle: Voorwaar, voorwaar Ek sê vir julle, as julle nie die vlees van die Seun van die mens eet en sy bloed drink nie, het julle geen lewe in julleself nie.  Hy wat my vlees eet en my bloed drink, het die ewige lewe, en Ek sal hom opwek in die laaste dag.  Want my vlees is waarlik spys, en my bloed is waarlik drank. Wie my vlees eet en my bloed drink, bly in My en Ek in hom. Soos die lewende Vader My gestuur het, en Ek deur die Vader lewe, so sal hy wat My eet, ook deur My lewe". Figuurlik gesproke het die geestelike mens dus "gemeenskap met Christus Jesus se "liggaam en bloed" (waarvan die nagmaal 'n teken is) - (1Kor. 10:16,17 - "die beker van danksegging wat ons met danksegging seën, is dit nie die gemeenskap met die bloed van Christus nie? Die brood wat ons breek, is dit nie die gemeenskap met die liggaam van Christus nie?  Omdat dit een brood is, is ons almal een liggaam, want ons het almal deel aan die een brood"), en deels verwys die nagmaal dus ook na die feit dat ons geestelike mense is, en dit die rede waarom die een brood gedeel word - is om te verwys hoe ons almal aan dieselfde groep of familie ("vlees en been") behoort. Die wat in Jesus Christus glo is dus ook familie van mekaar, en die nagmaal wys o.a. op hierdie feit... Dit is die rede waarom dit ook veral gebruik word wanneer die gemeente SAAM is. Bestudeer gerus ook wat dit beteken om "met Christus beklee" te wees - wat ook wys op wie deel is van Sy familie... (terloops word die liggaam ook soos 'n tent/bekleding voorgestel) (Gal 3:26,27 - "Want julle is almal kinders van God deur die geloof in Christus Jesus; want julle almal wat in Christus gedoop is, het julle met Christus beklee") - 'n term wat verwys na hoe die een wat in Jesus Christus glo onder die kinders van God ingedoop word (hulle kry "klere van heil"), waarvan die Christelike doop o.a. 'n teken is. Die wat "met Christus beklee is" verwys dus veral na wie dit is wat eendag gaan erf M.a.w., die wat aan Jesus behoort is Sy kinders en is die wat eendag gaan erf... (Gal. 3:23)(hulle is "uit God gebore").  - EN DIT IS WAAROM HULLE DIE NAGMAAL GEBRUIK!

-----------------------------------------------------------------------------------------------------------------------------

Algemene vrae oor Saligheid (3) - Wat gebeur met iemand wat gered word?

Vir ander poste in hierdie reeks, gaan na:

- (1) Wat is saligheid (en hoekom het die mens saligheid nodig -Eerste deel))?

- (2) Hoekom het ons saligheid nodig? (Tweede deel) 

In hierdie pos:

-  (3) Wat gebeur met iemand wat gered word? (in ander woorde, hoe lyk die redding?)

Neem kennis dat waar skrifte ontbreek in onderstaande paragrawe, kan daar op die "links" geklik word vir opsommings en skrifte oor daardie onderwerp.

___________________________________________________________________________________

DIE MENSDOM KAN INGEDEEL WORD IN TWEE GROEPE, NL.: 

- "NATUURLIKE MENSE" (kinders van Adam)(Jud. 1:10; 1 Kor. 2:14), en 

- "GEESTELIKE MENSE" (kinders van God)(1 Kor. 2:14,15; 3:1)(weergebore mense word gesien soos "geestelike mense" (mense wat "uit God gebore" is)). 

 

Mense wat GERED is word o.a. na verwys as "geestelike mense" (hulle sonde is vergewe en hulle het die Heilige Gees) - en word ook na verwys as "weergebore" (soos mense wat "oor gebore" is - wel nie fisies nie, maar het dit uit die geloof ontvang) ("uit God gebore" - asof uit Sy saad, en dit gebeur deur water en Gees - kinders van Jesus Christus, kinders van God).(Joh 1:12,13 - "Maar almal wat Hom aangeneem het, aan hulle het Hy mag gegee om kinders van God te word, aan hulle wat in sy Naam glo;  wat nie uit die bloed of uit die wil van die vlees of uit die wil van ‘n man nie, maar uit God gebore is"). Mense word as natuurlike mense gebore  (onder sonde - is soos slawe van sonde gebore / is slawe van sonde, wat beteken hulle "dien die sonde"), en het nodig om vry te kom van hierdie slaafskap... Dit is deels waarom ons redding nodig het.  Hoekom?  Want die loon van die sonde is die dood... Dood is soos die mens se vyand, en as ons nie vrykom van ons slaafskap nie, dan is ons uiteinde die dood 

- (vir 'n bybelstudie oor hoekom ons saligheid nodig het, gaan na: https://warechristene.blogspot.com/2020/07/bybelstudie-die-begrip-saligheid-hoekom.html)

- (vir 'n bybelstudie om die begrip "saligheid" beter te verstaan, gaan na: http://warechristene.blogspot.com/2020/08/bybelstudie-die-begrip-saligheid-oorsig.html.  Daar is 'n manier om losgekoop te word van hierdie slaafskap - nl. ons kan deur geloof in Jesus Christus vrymaking deur die wedergeboorte verkry (en as jy losgekoop is, behoort jy natuurlik nou aan 'n ander, nl. die Een deur wie jy losgekoop is, m.a.w. Jesus Christus)(1 Kor. 7:22; Hand. 4:12). Geloof in die Een wat jou kan vrykoop is belangrik (om vrygekoop te kan word), en die manier hoe hierdie vrykoping plaasvind word "wedergeboorte" genoem (asof hulle van voor af gebore word - word m.a.w. "oor gebore", maar hierdie keer uit Gees gebore... - is dus nie meer 'n slaaf vir die sonde nie, maar nou 'n slaaf vir die Een deur wie hulle losgekoop is, hulle dien Hom en dien Sy Gees). Jou meester (die een vir wie jy dien) bepaal jou uiteinde - die natuurlike mens (die wat in hierdie slawerny gebore is) se uiteinde is die dood, maar die geestelike mens se uiteinde lyk anders - die geestelike mens (wat aan Jesus Christus behoort) se uiteinde is nie die dood nie, maar lewe. (1) Hierdie is veral "hoe redding lyk" - mense wat REDDING ontvang het, is VRY van hulle slaafskap onder sonde, en behoort nou aan 'n ander, nl. Jesus Christus (deur wie hulle losgekoop is). Tereg word weergeborenes "Christene" genoem. Die saligheid wat egter belowe word vir die wat glo in Jesus Christus, en Hom gehoorsaam, is nie net tydelik nie maar is 'n EWIGE SALIGHEID! (Heb 5:9). Vir die wat "ingaan" word belowe dat daar nooit meer dood sal wees nie... (Openb. 21:4; Jes. 25:8) - hulle sal reg hê op DIE BOOM VD LEWE en ingaan deur die poorte in die stad, die nuwe Jerusalem (Openb. 22:14). 

NATUURLIKE MENSE is verganklik.

GEESTELIKE MENSE is onverganklik (alhoewel dit eers voltrek word in die opstanding - m.a.w., hulle het die belofte van ewige lewe - hulle innerlike mens is reeds vernuwe, ja, maar nog nie die uiterlike mens nie, daarom gaan die liggaam steeds dood)(1 Kor. 15:22; Rom. 5:12). (2) Hierdie is deel van "hoe redding lyk" - mense wat REDDING ontvang het, het die belofte van LEWE (hulle sal nie deur die tweede dood gaan nie/hulle sal nie onder die toorn val nie; en al gaan hulle liggame dood sal hulle opgewek word uit die dood in nuwe liggame (wat vir ewig lewe). Alhoewel geestelike mense se redding eers voltrek word in die opstanding, is redding iets wat alreeds in hierdie lewe begin..., want wanneer iemand sterwe volg die oordeel...(Hebr. 9:27). En noodwendig het weergeborenes die belofte van EWIGE LEWE...;  m.a.w., GEREDDES is die mense wat die Koninkryk (en aarde) gaan beerwe - vlees en bloed (m.a.w., natuurlike mense) kan nie die koninkryk beerwe nie... (1 Kor. 15:50), want logies gesproke moet iemand ONVERGANKLIK wees om die (ewige) Koninkryk te kan beërwe (1Kor. 15:50). (3)  Dus, hoe lyk redding? Die wat REDDING ontvang, is onverganklik;  of meer presies, die wat nou "gered" word het die belofte dat hulle onverganklikheid sal erf, wat beteken hulle sal die (ewige) KONINKRYK kan ERF.

Daar is 2 elemente van wedergeboorte, nl. WATER en GEES (m.a.w., sonder "water" of afwassing van sonde, en sonder die ontvang vd Gees, kan niemand weer gebore word nie!) - daarom: 

- "natuurlike mense" het nie die Gees van God nie;  

- "geestelike mense" het die Gees van God. 

Wanneer iemand weergebore word word hy 'n NUWE MENS (Ef. 4:24; Kol. 3:10)  - hy is skoongewas en die Heilige Gees verander so iemand om te begin anders dink en sien (was eens uit vlees (en bloed) gebore, maar is nou gebore uit water (afwassing van sonde) en uit Gees (ontvang die Heilige Gees)...- hierdie vernuwing verwys natuurlik huidiglik na die innerlike, maar die uiterlike sal ook eendag vernuwe word). (4) Hierdie is nog iets wat beskryf "hoe redding lyk" - mense wat REDDING ontvang het, VERANDER... / hulle is soos nuwe mense, en ontvang selfs ander karakter, gawes en bedieninge (hulle het wel sekere karaktertrekke en talente deur die bloedlyn ontvang, maar die Gees verander hulle in mense met 'n ander karakter - hulle verkry 'n goddelike natuur) en talente (soos die Gees deur hulle werk volgens wat nodig is). 

-----------------------------------------------------------------------------------------------------------------------------

DIE WAT REDDING ONTVANG, ONTVANG REDDING VAN BEIDE DIE UITERLIKE ASOOK DIE INNERLIKE MENS: 

Die mens bestaan nie net uit 'n liggaam nie, maar het ook 'n gees/siel - het 'n UITERLIKE en 'n INNERLIKE. Daar word gewoonlik na die UITERLIKE MENS sommer net verwys as "liggaam", en na die INNERLIKE MENS as "siel" (wat verwys na die gees vd mens / die mens van binne). Wanneer die mens sterf is dit sy uiterlike mens (die liggaam) wat sterwe - die innerlike mens verlaat dan die liggaam en word in 'n plek gehou tot op die dag van oordeel.  Natuurlike mense sal deur die tweede gaan, maar geestelike mense het die belofte dat hulle nie deur die tweede dood sal gaan nie (tensy hulle afval of nie die nodige vrug het om die ewige lewe te oes nie - nie alle kinders vd koninkryk sal bv. eendag "opstaan tot lewe" nie - alle geestelike mense het die belofte, ja, maar op voorwaarde van GELOOF!  Die Skrif leer dat sommige, bv. die "slegtes", sal "opstaan tot veroordeling...). Die wat in die OPSTANDING "opstaan tot lewe" sal die LEWE oes - hulle liggame sal ook vernuwe word (dan is die dood finaal oorwin). Ons sien dus dat, wat REDDING aanbetref, jy nie net vernuwing nodig het van die innerlike mens nie, maar ook van die uiterlike mens.

Volgens die Skrif het die mens nie net 

- redding nodig van die siel (innerlike mens)(1 Pet. 1:9; 3:21; Hebr. 10:22) nie, maar ook 

- redding nodig van die liggaam (uiterlike mens)(Hebr. 9:13; 10:22). 

As die mens nie redding kry nie, sal hy doodgaan... - dit verwys nie net na die dood van die liggaam (uiterlike mens) nie, maar beide die liggaam en siel sal eendag verderf word as die mens nie redding kry nie ("tweede dood" = poel van vuur) - l.w. dat die term "dood" nie net verwys na wanneer die uiterlike mens (sy laaste asem uitblaas en) doodgaan nie, maar daar is ook 'n "tweede dood" (wanneer beide liggaam en siel in die hel verderf word...)(Openb. 20:14; 21:8). Dit is duidelik dat die uiterlike mens vd weergeborene nog nie vernuwe is nie! (want as dit was sou mense wat weergebore is se uiterlike nie sterwe nie). Die weergeborene word alreeds soos 'n nuwe mens gesien omdat sy innerlike vernuwe is;  of meer presies, word daagliks vernuwe...(2 Kor. 4:16;  en is iets wat vd geestelike mens ook verwag word-Ef. 4:23; Kol. 3:10), en hy het die belofte dat sy uiterlike ook eendag vernuwe sal word! (met 'n "verheerlikte / geestelike liggaam", 'n liggaam wat vir ewig sal lewe).DIE FEIT DAT DIE LIGGAAM NOG NIE VERNUWE IS NIE, HET 'N EFFEK OP DIE HUIDIGE STAND VAN DIE WEERGEBORENE, WANT DIT BETEKEN DAT HY WEL DIE BELOFTE HET VAN REDDING EN IN BAIE OPSIGTE AL WEL VERANDER HET, MAAR SY REDDING IS NOG NIE VOLTREK NIE... (https://bybelstudieopsommings.blogspot.com/2025/01/aanneming-tot-kinders.html).  Die innerlike van die wat weer gebore word word dus alreeds vernuwe, maar saligheid word na regte eers heeltemal voltrek in "die opstanding"... (wanneer die uiterlike mens ook vernuwe word - en dan eers is die dood finaal oorwin...-1Kor. 15)(Dan. 12:2; Luk. 20:36). In ander woorde, die weergeborene het alreeds die belofte van LEWE, maar het dit nog net deels ontvang (het nog nie die dood finaal oorwin nie). In die opstanding (wat eers sal gebeur wanneer Jesus terugkom) sal weergeborenes nuwe liggame ook kry (wat vir ewig lewe).

Na regte is weergeborenes dus alreeds soos mense wat "opgestaan het uit die dood" in die sin vd innerlike wat vernuwe is (kyk temas "met Christus beklee", "vrug dra tot ewige lewe" ens.), maar hulle het die belofte dat hulle uiterlike ook eendag vernuwe sal word en daarom wag hulle vir "die opstanding" (hulle sal "verheerlikte liggame" kry wanneer Jesus terugkom - liggame wat vir ewig kan lewe, en Jesus is die Een wat sal besluit wie Hy opwek tot hierdie "lewe" en wie nie - die wat "opstaan tot lewe" sal nie deur die tweede dood gaan nie - kyk tema van "eerste opstanding")(Fil. 3:21; 1 Kor. 15:38-50; 1 Pet. 1:4,5; Joh. 6:39,40; Hand. 2:38; 22:16; 1 Thess. 5:9; ens.). Hierdie is terloops dinge wat o.a. deur die Christelike waterdoop voorgestel word, nl. (1) vergifnis van sondes (Matt. 9:6; Mark. 2:10; Luk. 5:24); asook (2) die doop simboleer dood en opstanding vd een wat weergebore word (in die sin van 'n nuwe lewe...;  bv. "om die een te dien deur wie hulle losgekoop is en kan nou vrug dra tot ewige lewe")(Kol. 2:11,12; Rom. 6);  asook wys die Christelike waterdoop (3) op die belofte van opstanding in 'n nuwe liggaam (uiterlike) eendag! (1 Kor. 15)(vir die wat vashou, oorwin, vrug dra, ens.). Weergeborenes is deur die Heilige Gees VERSEEL tot daardie dag van verlossing (Ef. 4:30)(sodat hulle kan opstaan "tot lewe"/ewige lewe beerwe/sal nie deur tweede dood gaan nie - natuurlik verwys dit na die wat "opstaan tot lewe"-Joh. 5:29).

-----------------------------------------------------------------------------------------------------------------------------

OPSOMMING:

Wat gebeur met iemand wat gered word?

(1) Mense wat REDDING ontvang is VRY van hulle slaafskap onder sonde en behoort nou aan 'n ander, nl. Jesus Christus (deur wie hulle losgekoop is - hulle dien Hom - is slawe van Hom). Tereg word weergeborenes "Christene" genoem (want hulle is volgelinge van Jesus Christus).

(2) Mense wat REDDING ontvang, het die belofte van (ewige) LEWE (hulle het vergifnis van sonde ontvang en sal dus nie die dood oes nie, en hulle het die Heilige Gees - die innerlike mens is vernuwe en deur die Gees is hulle instaat om "vrug tot lewe" te dra sodat hulle eendag die lewe kan oes. Maar natuurlik verwys redding nie net na redding van die siel nie, maar ook die uiterlike moet vernuwe word, wat in die opstanding sal gebeur.  Daarom sal hulle sal nie onder die toorn val nie - al gaan hulle liggame dood sal hulle opgewek word uit die dood in nuwe liggame wat vir ewig lewe). 

(3) Mense wat REDDING ontvang sal die KONINKRYK BEERWE, want hulle is onverganklik! (jy kan nie 'n "ewige" koninkryk erf as jy self nie "ewig" kan lewe nie;  daarom kan "vlees en bloed", nl. natuurlike mense, nie die koninkryk beerwe nie...). 

(4) Mense wat REDDING ontvang, VERANDER... / hulle is soos nuwe mense, en ontvang selfs ander karakter, gawes en bedieninge (hulle het wel sekere karaktertrekke en talente deur die bloedlyn ontvang, maar die Gees verander hulle in mense met 'n ander karakter - hulle verkry 'n goddelike natuur; en hulle kry talente, nl. gawes en bedieninge soos die Gees deur hulle werk volgens wat nodig is. 

"SALIGES" (die wat redding het) verwys na dissipels van Jesus Christus (Luk. 6:20):  Alhoewel saligheid verniet is, is dit op voorwaarde wat dit ontvang word, nl. op die voorwaarde van GELOOF (wat basies gaan oor "wie jy dien"). Gereddes verwys dus na mense wat nie aanstoot neem aan Hom (Jesus Christus) nie (Matt. 11:6) - hulle GLO IN HOM (1 Joh. 5:13); bv., GLO wie Hy is, in Sy woorde, gehoorsaam Hom, vertrou op Hom, raadpleeg Hom, ens.  Noodwendig moet hulle "waak en hulle klere bewaar" (Openb. 16:15), luister na die woord van God en dit bewaar (Luk. 11:28; Openb. 1:3; 22:7,14); moet arm van gees wees, Hom vrees (Matt. 5:3; Jes. 66:2; Deut. 8:6); sagmoedig/nederig wees (Matt. 5:5); honger en dors na die geregtigheid (Matt. 5:6); barmhartig wees (Matt. 5:7; Matt. 25);  rein van hart wees (Matt. 5:8); vredemakers (Matt. 5:9); bereid wees om vervolg te word ter wille vd geregtigheid (Matt. 5:10,11; 1 Pet. 3:14), ly ter wille van Hom (Luk. 6:20-22); versoeking verdra (Jak. 1:12), sien nie, maar GLO (Joh. 20:29), ens. 

-----------------------------------------------------------------------------------------------------------------------------