Wys tans plasings met die etiket gawes van die Gees. Wys alle plasings
Wys tans plasings met die etiket gawes van die Gees. Wys alle plasings

Maandag 17 Julie 2023

Gawes, Bedieninge en Werke (2)

Hierdie is die tweede pos in 'n reeks poste getiteld "gawes, bedieninge en werke". Vir die eerste deel, gaan na: https://warechristene.blogspot.com/2018/02/gawes-en-bedieninge.html, waaronder 'n inleiding tot hierdie onderwerp en die volgende bespreek word: (-Inleiding; -die belangrikheid van bron, en; -die invloed van 'n gees).

-----------------------------------------------------------------------------------------------------------------------------

In hierdie pos kyk ons na:

- Waarna verwys Gawes van die Gees?

- Waarna verwys Bedieninge vd Gees?

- Waarna verwys Werkinge vd Gees?


Ons sal op 'n volgende pos in meer diepte inkyk op elkeen van die verskillende bedieninge en gawes.

-----------------------------------------------------------------------------------------------------------------------------

INLEIDING:

Geestelike mense (die wat die Heilige Gees ontvang het) is soos GESALFDES (hulle word afgesonder vir 'n spesifieke doel). "Salwing" word gedoen met 'n doel, bv. in die Skrif was dit nog altyd bedoel vir die een of vir iets wat AFGESONDER WORD vir die Here se werk. As geestelike mense dan nou soos gesalfdes gesien word (m.a.w. gesalf deur die Heilige Gees), dan is dit met doel...  (1Jn 2:27)  "En die salwing wat julle van Hom ontvang het, bly in julle........" ;  (1Jn 2:20)  "En julle het die salwing van die Heilige en weet alles". Wanneer iemand die Heilige Gees ontvang is dit soos 'n salwing wat die persoon ontvang.  Die geestelike mens is onder die Heilige Gees se lering (is afgesonder vir die waarheid) en is afgesonder vir die bediening (verkry gawes, bedieninge en werke soos die Gees aan elkeen uitdeel). Die Gees werk bv. verskillende gawes en bedieninge deur die geestelike mens wat hom/haar instaat stel om vir die Here te werk. Kinders vd belofte word o.a. gesien soos 'n heilige priesterdom... - hulle is m.a.w. afgesonder om priesters te wees vir die Here (en elkeen kry spesifieke werk soos die Gees dit uitdeel). Om meer te leer oor hierdie onderwerp van hoe/waarvoor geestelike mense afgesonder word, gaan na die dagstukkie getiteld "'n Heilige priesterdom, 'n volk as eiendom verkry".  Daar is 'n rede waarom weergeborenes "die volk van eersgeborenes" genoem word! - hulle het immers die belofte van koningskap en prieterskap, en is GESALF vir hierdie doel (bestudeer gerus die pos getiteld "en ons gemaak het konings en priesters vir Sy God en Vader", asook die onderwerp van "eersgeborenes/eerstelinge/priesters"). 

___________________________________________________________________________________
Waarna verwys die begrippe "GAWES , BEDIENINGE en WERKINGE vd Gees:
Gawes, Bedieninge en Werke kan gesien word soos "kwalifikasies", werk of opdragte wat uitgedeel word aan weergeborenes (deur die Heilige Gees), met die doel om vir die Here te werk...;  om te getuig, die gemeente te stig en toe te rus, ens. Geestelike mense behoort aan 'n liggaam/is lede van 'n liggaam, en elkeen kry sy werk... -1 Kor. 12:27. 

(1Kor. 12:4)  Daar is wel verskeidenheid van genadegawes, maar dit is dieselfde Gees;
(1Kor. 12:5)  en daar is verskeidenheid van bedieninge, en tog is dit dieselfde Here;
(1Kor. 12:6)  en daar is verskeidenheid van werkinge, en tog is dit dieselfde God wat alles in almal werk.

(1) Die woord GAWE (vd Gees) verwys na:
 'n geestelike geskenk of kwalifikasie (die Gr. woord "char'-is-mah");  somtyds wel, maar weinig bedoel om die self te stig want gawes vd Gees gaan veral oor dit wat nodig is - "OP WAT NUTTIG IS" (1 Kor. 12:7)(bv. het 'n gawe van profesie om die Here se woord of wil oor te dra). GAWES kan dus gesien word soos "kwalifikasies" wat nie verdien word nie, maar uitgedeel word deur die Gees volgens die genade wat aan elkeen bewys word. 
(2) Die woord BEDIENING (vd Gees) is:
 die Gr. woord "diakonia", wat verwys na 'n diens wat gelewer word - dit verwys na die bedienaars/diensknegte in die kerk. Die doel van bedieninge is om die heiliges toe te rus vir dienswerk (bv. het die werk/bediening van lering om lering te gee en dus die gemeente toe te rus met kennis), en om die "liggaam van Christus" op te bou (Ef. 4:11,12)(met "liggaam van Christus" word maar bedoel die volk van weergeborenes...). BEDIENINGE kan dus gesien word soos dienste wat gelewer word en is onderwerp aan die mate van geloof wat aan elkeen toebedeel word.
(3) Die woord WERKINGE is:
 die Gr. woord "energēma", wat te doen het met die operasie/werking vd "liggaam". Bv., die Gees lei iemand om iets op 'n spesifieke manier te doen, wat nodig is sodat die liggaam reg kan funksioneer (bv., lei groep in gebed vir die afsondering van iemand wat na die weduwees omsien, ens.).WERKE wat deur die Here uitgedeel word is nodig vir die operasie vd "liggaam" (die gemeente)(1 Kor. 12:3-8).
 
-----------------------------------------------------------------------------------------------------------------------------
Wat is die "Gawes vd Gees"?
Wat is die "Bedieninge vd Gees"?

(1) Die GAWES vd Gees:
Die "gawes vd Gees" verwys na iets anders as bv. bedieninge of werkinge, en verwys meer spesifiek na dit wat in die Skrif na vewys word as "KRAG VAN DIE GEES".  Bv. op die dag van Pinkster toe die krag vd Gees uitgestort is op die daar bymekaar, het hulle in die GAWES VAN DIE GEES begin stap... Hierdie KRAG of gawes vd Gees kan tot groot voordeel wees vir emand wat in 'n BEDIENING (bv. helper, regering, apostel, leraar,... ens.) stap - kyk bv. 'n evangelis (die gawe van genesing kan bv. tot groot voordeel wees omdat dit God se krag wys;  of wanneer 'n evangelis 'n gawe van ander tale ontvang en in die mense vir wie hy bedien se taal praat, dan is dit tot voordeel vir sy bediening omdat hulle hom kan verstaan) - so is daar ook baie ander gawes wat tot voordeel kan wees vir die verskillende bedieninge, bv. 'n woord van wysheid, 'n woord van kennis, profesie, ens. Ons kan verstaan hoekom die Here gedink het Sy bedienaars het hierdie krag nodig. 
Maar alhoewel GAWES dus belangrik is en tot groot voordeel vir die BEDIENING!, is geloof, hoop en liefde belangriker... (en liefde is die grootste)(1 Kor. 13);  m.a.w., waar die gawes funksioneer maar geloof, hoop en liefde ontbreek, is daardie "stap in gawes" tot geen hulp vir die bediening nie.  Bv., sonder lankmoedigheid, vriendelikheid, verdraagsaamheid,........ ens. sal die bediening nie vrugte afpluk nie. 

1 Kor. 12 identifiseer 12 verskillende gawes (asook verskeie bedieninge in rangorde, sien onder).
Gawes 
word ook o.a. na verwys as
"geestelike gawes"-1 Kor. 14:1 (dit word nie aangeleer nie, maar ontvang); of
"genadegawes"-1Kor. 12:4 (alhoewel dit soos kwalifikasies gesien kan word, word dit nie verdien nie maar uit genade ontvang).
Die gawes genoem in 1 Kor. 12 is as volg:
-  woord van wysheid
-  woord van kennis
-  geloof
-  genadegawes van gesondmaking
-  werkinge van kragte
-  profesie
-  onderskeiding van geeste
-  allerhande tale
-  uitleg van tale.


(2) BEDIENINGE vd Gees:
Alhoewel bedieninge sekerlik sonder die gawes kan opereer, sal dit nie noodwendig dieselfde vrugte pluk nie. Daar is 'n rede waarom die dissipels bv. steeds die krag vd Gees nodig gehad het! - hulle was reeds as apostels geroep maar hulle het krag nodig gehad... (en ons kan sien watter verskil hierdie "krag" vir hulle bediening beteken het op die dag van Pinkster). Terwyl die gawes meer gaan oor dit wat nodig is in die oomblik (op wat nuttig is), kan bedieninge gesien word soos langtermyn WERK (en soos bo gesien, is die doel spesifiek om die gemeente toe te rus en op te bou).  Bedieninge word deur die Here uitgedeel en daar is gewoonlik 'n spesifieke stadium waarop so iemand deur die Here geroep word (kyk o.a. die vb. van profeet in die O.T. - is geroep op 'n spesifieke tyd en afgesonder/gesalf vir daarde werk...)(die 12 apostels was bv. ook elkeen uitgekies/geroep op 'n spesifieke tyd-Luk. 6:13; Hand. 1:2)(Paulus was ook geroep op 'n spesifieke tyd, om prediker, apostel en leraar te wees vir die heidene-Rom. 1:5; 11:13; Hand. 9:15; 1 Tim. 1:1,12; 2 Tim. 1:11).  

Bedieninge in 'n volgorde van outoriteit (1 Kor. 12:28,29):
- (1) apostels
- (2) profete
- (3) leraars
- (4) kragte 
- (5) genadegawes van gesondmaking
- (6) helpers
- (7) regeringe
- (8) allerhande tale.  

Bedieninge het hierdie doel, en dit is om weergeborenes op te bou en toe te rus vir dienswerk (maar as iemand se doel anders is hoekom hy in 'n bediening in die Christelike kerk stap, dan is hy nie besig om in die Gees te stap nie/het dan bv 'n ander bron,, bv. homself). Bv., om in die bediening van "regeringe" te stap gaan nie oor belangrik wees nie, maar oor "om te stig" - BEDIENING gaan oor OM TE DIEN en die WIL VD HERE UIT TE VOER ('n profeet is bv. 'n boodskapper vd Here - hy bring woord van die Here af...). Dit wil voorkom of bedieninge ook onderwerp is aan "geestelike groei", bv. kennis en vrees vir die Here is belangrik vir die bediening van lering; gehoorsaamheid en gebed is belangrik vir die bediening van profesie..., ens. En so is elke bediening onderwerp aan "geestelike kos en water" en om "in die Here te bly", want sonder Hom kan ons niks doen nie (Joh. 15:5). Die Here is ons bron - ons moet ons kos en water by Hom kry.  As iemand in 'n "bediening" stap maar nie die Here as bron het nie maar sy geestelike kos en water elders kry, dan is hy nie besig om in ('n bediening van) die Gees te stap nie... - so 'n bediening is nie tot stigting vir die Christelike kerk nie. As iemand bv. voorgee dat hy 'n profetiese bediening het maar nie die Here as bron gebruik nie, dan is hy 'n waarseer (nie 'n profeet van die Here nie). In hierdie geval gee die apostoliese bediening die onderskeiding;  bv., 'n profeet is nie 'n profeet vd Here as hy iets anders preek as wat die apostels gepreek het nie. Op ditto wyse kan 'n leraar onderskei word;  bv., as die lering wat hy bring nie ooreenstem met Jesus Christus se woorde of die woorde van die Here se profete nie, of nie ooreenstem met die lering vd apostels nie, dan is so iemand se lering nie vd Here af nie en is dan nie tot stigting vir die Christelike kerk nie (waar 'n kerk so 'n valse leraar ontvang, sal hulle "verkeerd bou"). In hierdie opsig sien ons die belangrikheid van "rangorde" in die kerk..., want nie net gaan dit oor wat "meer nodig" is vir stigting nie, maar is ook 'n manier om te onderskei wat is waar en wat is vals.

Rangorde van bedieninge:
Ef. 2 beskryf die "volk van God" soos 'n "huis / woning / tempel", gebou op die hoeksteen Jesus Christus, en gebou op die fondament vd apostels en profete... (Ef. 2:20- "gebou op die fondament van die apostels en profete, terwyl Jesus Christus self die hoeksteen is"). Hier sien ons die belangrikheid vd rangorde in die kerk (en dit word deur die verskillende bedieninge beskryf).  Inderdaad kyk en luister ons eerstens na Jesus Christus (die Leier en hoeksteen), en dan volgende gee ons ag op die fondament wat deur Sy apostels en profete gele is (wat natuurlik ook deur Sy leiding was).
(1Kor. 12:28 - "En God het sommige in die gemeente gestel: in die eerste plek apostels, ten tweede profete, ten derde leraars, daarna kragte, daarna genadegawes van gesondmaking, helpers, regeringe, allerhande tale").
Sommige van hierdie bedieninge word ook in Ef. 4 bevestig:
- apostels
- profete
- evangeliste
- herders
- leraars. 
As hierdie inderdaad ook 'n rangorde voorstel dan sou dit beteken dat "evangeliste" en "herders" tussen profete en leraars le in volgorde van belangrikheid van die bedieninge (dus, apostels, profete, evangeliste, herders, leraars, kragte, genadegawes van gesondmaking, helpers, regeringe, allerhande tale).  (Ef. 4:11 - "En Hy het gegee sommige as apostels, ander as profete, ander as evangeliste, ander as herders en leraars"). Dit beteken nie dat die mense met bedieninge hoër op die rangorde, meer belangrik as ander mense nie, maar hulle het beslis meer verantwoordelikheid t.o.v. onderskeiding en omdat hierdie bedieninge belangriker is vir die kerk... (en moet dus geeer word in hierdie opsig). 
M.a.w., wat is "meer nodig" wanneer weergeborenes opgebou word of toegerus word vir die bediening?: 
- allerhande tale, of lering? 
- genadegawes van gesondmaking, of profesie? 
- regeringe, of helpers? 
In die Christelike kerk is 'n apostoliese of profetiese of evangelistiese bediening m.a.w. "meer belangrik vir opbouiing en stigting" (bedoelende "meer nodig" en dra meer krag) as bv. die bediening van herder of lering. Dit gaan oor wat meer nodig is en wat meer outoriteit dra..., nie dat die ander glad nie belangrik is nie! Al die bedieninge en gawes is nodig, maar sommige is "meer nodig" (veral op spesifieke tye) as ander (1 Kor. 12:28-31). 
_________________________________________________________________________________


Vrydag 22 Augustus 2014

Die Gees van God (1)

In hierdie blogpost gaan ons kyk na skrifte oor die Heilige Gees van God:  
-Die belofte van die Heilige Gees
-Wie ontvang die Heilige Gees?
-Is "om krag van die Heilige Gees" te ontvang, dieselfde as om die Gees te ontvang?
-Waarom ontvang die gelowige die Gees van God?
-Wanneer ontvang iemand die Gees van God?
-Waarvan getuig die Gees van God?
-Hoe werk die gawes van die Gees?

Die volgende twee onderwerpe kan saam met dit behandel word:
http://warechristene.blogspot.co.nz/2012/12/die-tempel-van-god.html
http://warechristene.blogspot.co.nz/2013/02/en-bedroef-nie-die-heilige-gees-van-god.html
http://warechristene.blogspot.co.nz/2013/06/wat-het-jesus-bedoel-met-die-woorde.html
http://warechristene.blogspot.co.nz/2011/10/bedieninge-en-gawes.html

========================================================================
INLEIDING:

(Gen 1:2)  En die aarde was woes en leeg, en duisternis was op die wêreldvloed, en die 
Gees van God het gesweef op die waters.

In die Ou Testament was God se Gees nie op al Sy dienaars uitgestort nie.  Die volk van God was bv. "diensknegte" van God genoem, tog het net sekeres van die volk die Heilige Gees ontvang.  Die wat wel die Gees van God ontvang het, was die wat bekwaam gemaak was om spesifieke werke vir die Here te doen,  om Sy wil aan die volk bekend te maak en hulle te waarsku waar hulle verkeerd gaan (2 Sam. 23:2).  Voorbeelde, bv. profete soos Samuel, Esegiel, Daniel, Jesaja ens. - hulle het die wil van God aan die mense bekend gemaak, die volk gewaarsku wanneer hulle verkeerd gaan, en somtyds ook geweet wat in die toekoms sou gebeur (2 Kron. 24:20; Neh. 9:30; Num. 27; 2 Kron. 15:1).  Daar was ook profete soos Elia en Elisa wat baie wonderwerke gedoen het.  Ander voorbeelde was sekere konings, soos koning Dawid en koning Salomo - die Here het baie wysheid vir hulle gegee, deur Sy Gees, sodat hulle Sy kon volk lei;  om daardie rede het die Gees van God bv. ook op mense soos Moses gerus.  Nog ander vb.e van mense wat die Gees van God op hulle gehad het, was bv. Besáleël - sodat hy wysheid en verstand en kennis en bekwaamheid kon kry vir allerhande werk in die tabernakel (Eks. 28:3; 31:3; 35:31). IN ALLE GEVALLE, WAAR IEMAND DIE GEES VAN GOD ONTVANG HET, WAS DIT SPESIFIEK MET DIE DOEL OM INSTAAT TE WEES OM TE KAN DOEN WAT DIE HERE VAN HULLE VERWAG (om bv. te getuig of vir wysheid sodat hulle die volk kon lei, of vir kennis en bekwaamheid ens.), OF SODAT HULLE DIE HERE SE WIL BEKEND KON MAAK (Sy planne), EN DIE VOLK TERUGROEP NA HOM waar hulle afgedwaal het.  - http://warechristene.blogspot.co.nz/2013/06/wat-het-jesus-bedoel-met-die-woorde.html

Dit was duidelik om te sien wie die persoon is wat die Gees van God het, want hulle was instaat om dinge te doen en te weet wat ander mense nie kon doen nie, bv. om soos Josef drome uit te le (Gen 41:38,39); of om soos Simson 'n leeu te verskeur (Rig. 14); of om wonderwerke te doen (soos Elia en Elisa); selfs van een plek na 'n ander vervoer te word deur die Gees van God (soos sommige van die profete)! (2 Kon. 2:16; 1 Kon. 18:12; Eseg. 3:14; 8:3; 11:1,24 (ook in gesig); Eseg. 43:5; Eseg. 37:1; -kyk ook 'n vb. in die N.T. in Hand. 8:39).  Vgl. gerus hierdie met Jesus se woorde, hoe ons niks sonder Hom kan doen as ons nie in Hom bly nie! (Joh 15:5).  Die dienskneg van die Here (die een met die Gees van God), kan enige iets vra, en sal dit verkry;  en kan enige iets doen deur Sy Gees!  Maar natuurlik het hierdie O.T. gelowiges in wie die Gees van God was, verstaan wat die woord "dienskneg" beteken, en verstaan dat dit alles gaan oor die Here se wil, en nie ons wil nie.  Sommige het ook besonderse wysheid gehad (soos Salomo)(en 1 Kron. 12:18), ander besonderse kennis en bekwaamheid, ander het geprofeteer... Kyk ook die vb. in Num. 11 waar God vir 70 van die oudstes van die volk van Sy Gees wat op Moses gerus het, afgesonder het en bo-op die 70 geplaas het, sodat hulle vir Moses kon help om die las van die volk te dra - (dit was moeilik met die wat net sekeres die Gees van God gehad het, en Moses - wat die Gees van God gehad het - kon nie alleen die volk lei nie, want die las was te groot - gaan lees gerus die gedeelte om te verstaan waarom dit nodig was dat sekere oudstes afgesonder was om ook die Gees te onvang).  Kyk bv. Moses se woorde in Num 11:29 ... Ag, as die hele volk van die HERE maar profete was, dat die HERE sy Gees oor hulle mag gee!".  Hulle het uitgesien na wat geprofeteer was dat die Here Sy Gees sou uitstort op al Sy diensknegte (nie net sekere diensknegte nie) wanneer die Messias kom (Jes. 32:15; 44:3; 59:21; Eseg. 36:27; 39:29; Joel 2:28; Sag. 12:10). Dit is dan ook op hierdie koninkryk waarop hulle gewag het vir eeue! (Mat 12:28). Die Messias sou die Gees van God op Hom he...en Hy sou ook die Gees aan Sy diensknegte en diensmaagde gee! 

Voor die tyd van die Israelietise konings, het die profete selfs ook die "werk van 'n koning" gedoen.  As iemand spesifiek na die Here se wil gesoek het in 'n situasie, dan het hulle na die profete gegaan.  As hulle wou weet wat die Here se planne is, dan het hulle die profeet genader!  As hulle wou weet of hulle moet oorlog voer, dan het hulle na die profeet gegaan... Hierdie persone was nie net as diensknegte van die Here gesien nie, maar ook "vriende", want hulle was bekend met die Here se wil, en kon Hom raadpleeg, soos Moses en Jakob (Eks. 33:11; Jes. 41:8).  Johannes die Doper het homself 'n "vriend" van die bruidegom genoem.  'n Vriend is nie net iemand wat soos 'n dienskneg gehoorsaam is nie, maar hy KEN ook sy heer persoonlik. Hy ken sy heer se planne en wil.  So is die profete en die konings en ander wat gevul is met die Heilige Gees (in die Ou Testament) gesien as die wat die Here se planne en wil geken het, Hom kon raadpleeg, en 'n antwoord op hulle gebed kry. Interessant hoe Jesus ook die volgende woorde aan Sy dissipels gese het:
(Joh 15:14)  Julle is my vriende as julle alles doen wat Ek julle beveel.
(Joh 15:15)  Ek noem julle nie meer diensknegte nie, omdat die dienskneg nie weet wat sy heer doen nie. Maar Ek het julle vriende genoem, omdat Ek alles wat Ek van my Vader gehoor het, aan julle bekend gemaak het. En dit is ook in hierdie konteks waarin Hy hulle beveel het om "IN HOM TE BLY" (sodat hulle vrug kan dra), en die volgende woorde gebruik: (Joh 15:7 - "As julle in My bly en my woorde in julle, sal julle vra net wat julle wil hê, en julle sal dit verkry").


In sommige gevalle, wanneer die Gees van God op iemand gerus het, dan kon hy vir iemand anders die hande ople om ook van die Gees te ontvang.  Kyk bv. hoe Moses vir Josua die hande opgele het (en Deut. 34:9; Num. 27:18; 1 Sam. 16:13 ens.) - hierdie was natuurlik ook net op direkte bevel van die Here!  Dit is die Here wat Sy Gees uitstort soos Hy wil en aan wie Hy wil en Hy het nie ons hande nodig om dit te doen nie (Num. 11), maar waar die Here so 'n opdrag gee, sal Hy Sy Gees op iemand sit deur middel van handoplegging. Die feit dat die apostels mense die hande kon ople om die Gees te ontvang, was ook 'n direkte opdrag deur Jesus Christus.  (Ons sien bv. in die N.T. dat Petrus en Johannes geweier het om vir Simon (Hand. 8) die hande op te le sodat hy die Heilige Gees ontvang, omdat sy hart en die rede waarom hy die Gees wou ontvang, verkeerd was).  Daarom moet ons verstaan dat die oordrag van die Heilige Gees deur handoplegging, absoluut onderwerp is aan die Here se wil, en wie Hy met Sy Gees wil vul! (1Ti 5:22 - "Moenie haastig iemand die hande oplê nie..."). 

Ons lees in baie skrifte (in die O.T.) van hoe die Gees van God op iemand kom, of hom vervul het, en hulle dan presies WEET WAT OM TE DOEN IN 'N SPES. SITUASIE (sodat hulle bv. die volk kon rig, of in oorlog lei ens. - Rig. 3:10; 6:34; 11:29; 13:25; 1 Sam. 11:6),  ASOOK OM DINGE TE DOEN WAT 'N GEWONE MENS NIE KAN DOEN NIE (deur die hulp van die Here natuurlik)(Rig. 14:6,19; 15:14).  Maar ons moet verstaan dat die persoon wat die Gees van God het, absoluut steeds afhanklik is van WAT DIE HERE WIL DOEN, WANNEER HY DIT WIL DOEN - dit gaan nie oor besonderse krag en wysheid wat die mens nou kry OM TE DOEN WAT HYSELF WIL NIE, nee - dit gaan oor gehoorsaamheid aan die Here (bv., ten spyte van al die dinge wat Simson kon deur die Gees van die Here kon doen, was hy steeds onderwerp aan die Here se wil, wat Hy wanneer wil doen en hoe Hy dit wil doen (Rig. 15:18,19). (1 Kor. 12:11 - "Maar al hierdie dinge werk een en dieselfde Gees wat aan elkeen afsonderlik uitdeel soos Hy wil"). http://warechristene.blogspot.co.nz/2011/10/bedieninge-en-gawes.html


As jy die waarheid gesoek het, dan kon jy dit kry by die persoon wat die Gees van God het - die volk het gekyk na die wat die Gees van God het, vir leiding, maar die wat nie van die waarheid gehou het nie, het teen hulle in opstand gekom. Kyk maar bv. hoeveel profete is om die lewe gebring deur Agab en Isabel (1 Kon. 18).  Waarheid was nog altyd soos 'n swaard, en dit is om hierdie rede wat Jesus gese het dat Hy nie gekom het om vrede op die aarde te bring nie (want Hy het vir ons die waarheid gebring). Dit is ook om hierdie rede wat baie diensknegte van die Here doodgemaak is (dissipels, apostels...), omdat hulle die waarheid verkondig het! Jesus het die Gees van God "die Gees van die waarheid" genoem! (Joh. 14:17; 15:26; 16:13).  Die Gees is die WAARHEID (1 Joh. 5:6). Daarom word die dienskneg van die Here soos skape onder die wolwe ingegooi.  Die ware dienskneg van die Here (die persoon wat die Gees van God het), spreek die waarheid.  Die valse profeet spreek nie die waarheid nie!   Daar was ook baie profete in die O.T.  wat nie na die wil van die Here gesoek het nie, en nie in Hom gebly het nie, maar geprofeteer het uit eie wil - die wat "voorgegee" het dat hulle die Here KEN en Sy wil en woorde verkondig, maar wat nie werklik Sy profete was nie.... Waar iemand bv. WETEND is van die waarheid, maar steeds sy eie lering in stryd met die waarheid, of woorde in stryd met wat die Here eintlik vir iemand wil se, verkondig, is hy nie opreg nie - so iemand is besig met afgodsdiens, want eiesinnigheid is afgodsdiens.  So iemand kom wetend in opstand teen die waarheid, en sy bedoeling is dat mense hulle hoop plaas in hom en ander dinge, in plaas van in die Here.  Jesus het hulle genoem, "geveinsdes" (wat beteken "akteurs").  Hulle gee voor dat hulle die Here ken en Sy wil en waarheid verkondig, maar dit is nie waar nie - (Jer 23:31 - "Kyk, Ek het dit teen die profete, spreek die HERE, wat hulle eie tong gebruik en sê: Die HERE spreek!").  Hierdie mense is in aansien omdat hulle verkondig wat mense eerder wil hoor as die waarheid - (Luk 6:26 - "Wee julle wanneer al die mense goed van julle praat, want hulle vaders het net so aan die valse profete gedoen"). http://warechristene.blogspot.co.nz/2014/08/wat-is-die-waarheid-3.html.  DIE PERSOON WAT DIE WAARHEID VERKONDIG (die ware dienskneg van die Here op wie die Gees van God rus), SAL VERVOLG WORD. MENSE GAAN NIE ALTYD VAN HULLE HOU NIE, OMDAT HULLE DIE WAARHEID PRAAT.  EN SOMMIGE WORD DOODGEMAAK TER WILLE VAN DIE WAARHEID.  HULLE IS LIEF VIR DIE WAARHEID, WANT HULLE HET DIE GEES VAN GOD ONTVANG! (1Jn 4:6 - "Ons is uit God; hy wat God ken, luister na ons; hy wat nie uit God is nie, luister nie na ons nie. Hieruit ken ons die Gees van die waarheid en die gees van die dwaling").
------------------------------------------------------------------------------------------------------------
- Die Gees van God, verander iemand in 'n ander mens!  (1 Sam. 10:6). 
- Die Gees van God het die volk in die woestyn onderrig (Neh. 9:20);  en hulle na rus gelei (Jes. 63:14).
- Dit is ook deur die Gees van God wat die opstanding gaan plaasvind (opstaan tot lewe) (Eseg. 37:14).
- Die Here openbaar dinge deur Sy Gees - wysheid en waarheid van bo (Luk 1:41; Mark. 12:36; Luk. 1:67; Luk. 2:25-27)
- Die Gees lei die dienskneg van die Here om te weet wanneer hy wat moet doen (Mat 4:1).
- Die dienskneg van die Here, in wie die Gees van God is, kry hulp deur die Gees om te getuig -(Mat 10:20-" want dit is nie julle wat spreek nie, maar die Gees van julle Vader wat in julle spreek").
========================================================================

MET BOGENOEMDE IN GEDAGTE, KAN ONS VERSTAAN HOE DIE VOLK VAN GOD UITGESIEN HET NA DIE UITSTORTING VAN DIE HEILIGE GEES! 

(Luk 11:13)  As julle dan wat sleg is, weet om goeie gawes aan julle kinders te gee, hoeveel te meer sal die hemelse Vader die Heilige Gees gee aan die wat Hom bid? 
=========================================================================
(Joh 1:33)  En ek het Hom nie geken nie; maar Hy wat my gestuur het om met water te doop, Hy het aan my gesê: Op wie jy die Gees sien neerdaal en op Hom bly, dit is Hy wat met die Heilige Gees doop.

(Joh 3:5)  Jesus antwoord: Voorwaar, voorwaar Ek sê vir jou, as iemand nie gebore word uit water en Gees nie, kan hy in die koninkryk van God nie ingaan nie.
(Joh 3:6)  Wat uit die vlees gebore is, is vlees; en wat uit die Gees gebore is, is gees.

(Joh 6:63)  Dit is die Gees wat lewend maak, die vlees is van geen nut nie; die woorde wat Ek tot julle spreek, is gees en is lewe.
(Joh 7:39)  En dit het Hy gesê van die Gees wat dié sou ontvang wat in Hom glo; want die Heilige Gees was daar nog nie, omdat Jesus nog nie verheerlik was nie.

(Joh 14:16)  En Ek sal die Vader bid, en Hy sal julle ‘n ander Trooster gee om by julle te bly tot in ewigheid:

(Joh 14:17)  die Gees van die waarheid wat die wêreld nie kan ontvang nie, omdat dit Hom nie sien en Hom nie ken nie; maar julle ken Hom, omdat Hy by julle bly en in julle sal wees.
(Joh 14:18)  Ek sal julle nie as wese agterlaat nie; Ek kom weer na julle toe.

(Joh 14:26)  maar die Trooster, die Heilige Gees, wat die Vader in my Naam sal stuur, Hy sal julle alles leer en sal julle herinner aan alles wat Ek vir julle gesê het.

(Joh 15:26)  Maar as die Trooster gekom het wat Ek vir julle van die Vader sal stuur, die Gees van die waarheid wat van die Vader uitgaan, sal Hy van My getuig.

(Joh 16:13)  Maar wanneer Hy gekom het, die Gees van die waarheid, sal Hy julle in die hele waarheid lei; want Hy sal nie uit Homself spreek nie, maar alles wat Hy hoor, sal Hy spreek en die toekomstige dinge aan julle verkondig.

(Joh 20:22)  En nadat Hy dit gesê het, blaas Hy op hulle en sê vir hulle: Ontvang die Heilige Gees.

(Mat 3:11)  Ek doop julle wel met water tot bekering; maar Hy wat ná my kom, is sterker as ek, wie se skoene ek nie waardig is om aan te dra nie. Hy sal julle doop met die Heilige Gees en met vuur.

(Mar 1:8)  Ek het julle wel met water gedoop, maar Hy sal julle doop met die Heilige Gees.

(Luk 3:16)  antwoord Johannes almal en sê: Ek doop julle wel met water, maar Hy kom wat sterker is as ek, wie se skoenriem ek nie waardig is om los te maak nie—Hy sal julle doop met die Heilige Gees en met vuur.
========================================================================
SIEN IN VOLGENDE BLOGPOST:

Die "HEILIGE GEES" is dieselfde as "DIE GEES VAN GOD", 
of as, "DIE GEES VAN DIE HERE" - word ook in sekere skrifte net gepraat as van "die Gees". 

=======================================================================