Noem ander jou ook 'n Christen?

VIR DAGSTUKKIES OOR HIERDIE ONDERWERP, GAAN NA:
http://warechristenedagstukkies.blogspot.co.nz/2014/04/waarseery-in-die-kerk.html
http://warechristenedagstukkies.blogspot.co.nz/2014/05/wat-is-jou-getuienis.html
------------------------------------------------------------------------------------------------------------

As jy vandag vir mense in die publiek  moes vra om te verduidelik wat hulle verstaan van die term "CHRISTEN", sou min regtig die antwoord ken.  Inteendeel, baie wat hulleself Christene noem, sal nie eens die term kan beskryf nie. In een geval waar iemand uitgegaan het op straat om mense te ondervra oor wat hulle verstaan van "'n Christen", was die oormeerderheid se antwoord dat 'n Christen iemand is wat "in God glo".  Die tweede meeste se mening was dat dit verwys na die wat "goed (probeer) lewe". 

As jy in die jaar 40 n.C. vir mense in die publiek dieselfde vraag sou vra, sou die reaksie egter heelwat verskillend wees.   Daar is 'n rede hoekom Christene "Christene" genoem is!  In die eerste plek het dit spesifiek verwys na die wat "volgelinge was van Jesus Christus".  Die woord "Christen" kom in 3 verse in die Bybel voor, nl. Hand.11:26- ("  En hulle het ‘n hele jaar lank in die gemeente saam vergader en aan ‘n aansienlike skare onderwys gegee; en die dissipels is in Antiochíë vir die eerste keer Christene genoem"); Hand. 26:28- (" En Agríppa sê vir Paulus: Jy beweeg my byna om ‘n Christen te word"); en in 1Pet  4:16 - ("Maar wanneer iemand as ‘n Christen ly, moet hy hom nie skaam nie, maar God verheerlik in hierdie opsig").   Die woord "Christen" is die Griekse woord, "kris-tee-an-os" wat beteken, "volgeling van Jesus Christus". Die woord "Christene" was dus al in gebruik in die tyd van die eerste kerke en ons lees daarvan vir die eerste keer in Hand. 11:26 (sowat 8 jaar n.C).  Om 'n "volgeling te wees van Jesus Christus", beteken ten minste dat iemand Hom dien, Sy leringe navolg en dit verkondig, nie skaam is vir Hom nie en dat iemand leef volgens die wyse wat Hy vir ons geleer het!  

Dit is duidelik volgens die publiek se reaksie (bo), dat Christene so min die Naam van Jesus gebruik en ander vertel van Sy koninkryk, dat mense glad nie eens Christene kan erken as "volgelinge van Jesus" nie! Al sou iemand ook nie weet wat die woord "Christen" beteken nie, sou hulle ten minste die konneksie moes kon maak tussen die "Christen" en "Jesus". 
 Die gelowiges van die eerste gemeentes, was duidelik sigbaar as volgelinge van Jesus en daarom so genoem.

------------------------------------------------------------------------------------------------------------------------------------------------------------------Noem ander jou ook 'n Christen?
Waarom?

en bedroef nie die Heilige Gees van God nie...

VIR 'N DAGSTUKKIE OOR HIERDIE ONDERWERP, GAAN NA:
http://warechristenedagstukkies.blogspot.co.nz/2014/04/waar-n-gelowige-die-here-versoek-wys-hy.html

------------------------------------------------------------------------------------------------------------
(Ef. 4:30)  En bedroef nie die Heilige Gees van God nie, deur wie julle verseël is tot die dag van verlossing.

------------------------------------------------------------

Volgens hierdie vers is die Christen  "verseël  tot die dag van verlossing" (die dag van die wederkoms).  Die  tema van "verseëling", is 'n interessante onderwerp in die Skrif - in hierdie geval het dit dieselfde betekenis as die van 'n seëlring, 'n "merk",  sekuriteit vir die "dag van verlossing",  Jesus se wederkoms - wat  gepaard gaan met "oordeel" en "God se wraak" - die persoon wat verseel is, is fisies veilig (nie in die sin dat hy voor die tyd geen verdrukking sal deurgaan nie, maar vry van die oordeel van die tweede dood en van die "wraak van God"). (Dit beteken nie dat die Christen nie ook geoordeel gaan word nie, want dit is duidelik volgens die Skrif dat gelowiges, sowel ongelowiges geoordeel gaan word).  In die geval van "God se wraak", is die gelowige dus beskerm - in ander woorde kan ons se:  Die Christen kan seker wees dat hy die ewige lewe gaan ontvang - (Ef 1:13)  'in wie julle ook, nadat julle die woord van die waarheid, die evangelie van julle redding, gehoor het, in wie julle, nadat julle ook geglo het, verseël is met die Heilige Gees van die belofte'.

Ef. 4:30 begin egter met die volgende woorde:  En bedroef nie die Heilige Gees van God nie ( deur wie julle verseël is tot die dag van verlossing) - in die skrifgedeelte le die klem nie op die feit dat ons verseel is nie,

 maar op die opdrag:  "bedroef nie die Heilige Gees van God nie"

Dit is dus duidelik dat dit moontlik is vir die gelowige om die Heilige Gees te bedroef.  Watter gevolge sal dit he, sou iemand die Heilige Gees bedroef?  

Wanneer ons Ef. 4:30 in konteks gaan lees, sal ons gou vind waarna Paulus verwys het.  Hy begin met die volgende woorde:  (Ef. 4:1)  "Ek vermaan julle dan, ek, die gevangene in die Here, om te wandel waardig die roeping waarmee julle geroep is...".  Dan gaan hy verder deur te verduidelik hoe ons een in Gees moet wees, in die sin van dat God gawes werk deur elkeen (soos Hy wil) en hoe ons mekaar moet respekteer hierin. Hy gaan verder deur te se:  (Ef. 4:17-) "Dit sê en betuig ek dan in die Here, dat julle nie meer moet wandel soos die ander heidene ook wandel in die verdwaasdheid van hulle gemoed nie— mense wat verduisterd is in die verstand en vervreemd van die lewe van God deur die onkunde wat in hulle is vanweë die verharding van hulle hart; wat ongevoelig geword het en hulle oorgegee het aan die ongebondenheid om in hebsug allerhande onreinheid te bedrywe. Maar julle het Christus nie so leer ken nie, as julle ten minste van Hom gehoor het en in Hom onderrig is soos die waarheid is in Jesus: dat julle, wat die vorige lewenswandel betref die oue mens moet aflê wat deur die begeerlikhede van die verleiding te gronde gaan, en dat julle vernuwe moet word in die gees van julle gemoed en julle met die nuwe mens moet beklee wat na God geskape is in ware geregtigheid en heiligheid. Daarom, lê die leuen af en spreek die waarheid, elkeen met sy naaste, want ons is mekaar se lede....."  Lees gerus verder hoe hy hulle voorskryf wat dit beteken om die "oue af te le" en "om hulself met die nuwe te beklee".  

 As jy weier om die oue af te le en jou met die nuwe te beklee, m.a..w om aan te hou lieg, of aan te hou om ander af te breek, heeltyd kwaad bly vir ander, verbitterd, onvriendelik, ens., wat sal die uiteinde daarvan wees?  As jy dan die Een bedroef "deur wie jy die verseeling ontvang het", wat sal die gevolge wees van hierdie optrede? As die Christen dan 'n opdrag ontvang dat hy nie die Heilige Gees moet bedroef nie, dan moet daar tog 'n gevolg wees sou hy ongehoorsaam wees!  Die feit dat die Christen uit genade gered is, beteken NIE dat daar "niks van hom verwag word nie"! 

===============================

...en bedroef nie die Heilige Gees van God nie...