Ware Christene: Soekresultate vir ewige oordeel

Wys tans plasings gerangskik volgens datum vir navraag ewige oordeel. Rangskik volgens relevansie Wys alle plasings

Maandag 08 Januarie 2024

Laster / godslasterlik / kwaadspreek / belaster

Vir ander poste waarin hierdie onderwerpe o.a. behandel word, gaan na:

- https://warechristene.blogspot.com/2020/09/mislei-misleiding-verlei-verleier.html

- https://warechristenedagstukkies.blogspot.com/2019/09/ons-moet-versigtig-wees-wat-ons-oor-of.html

- https://warechristenedagstukkies.blogspot.com/2021/05/die-kenmerke-van-n-verleier.html

------------------------------------------------------------------------------------------------------------------------------

Wat beteken die woorde laster, godslasterlik, kwaadspreek, en belaster:

(Rol af vir skrifte en Grieks en Hebreeuse betekenisse).

-LASTER: Mense wat laster is leuenaars, en die rede waarom hulle laster is om ander te verlei of te bedrieg. As iemand God se naam laster verwys dit gewoonlik na spot of veragting, of om aan te kla of blameer (soos in die geval van "belaster")(2 Sam. 12:14; Jes. 52:5; Spr. 30:10); maar dit kan ook verwys na iemand wat lieg oor wat God se naam is... (bv. om 'n afgod voor te stel as God)(Lev. 24:16). Die ou duiwel is 'n bekende lasteraar/leuenaar (Joh. 8:44),; maar mense neem ook somtyds hierdie rol op... (1 Joh. 2:26; 3:7; Luk. 21:8; Mark. 13:5,6; Matt. 24:4,5,11,24). Lasteraars en kwaadsprekers val gewoonlik onder die kategorie van valse leraars, valse profete, of valse broeders (alhoewel onkundiges ook somtyds mense kan mislei). Een vd kenmerke van verleiers is dat hulle kwaadspreek of laster - toe die duiwel vir Eva verlei het om verkeerd te doen, het hy kwaadgespreek van God (Hom voorgestel as 'n leuenaar) en gelaster deur die waarheid te verander in 'n leuen.

-GODSLASTERLIK: Net soos kwaadspreek en laster beteken om "vals te spreek" (en die rede is om te mislei), net so beteken "godslasterlik praat" om vals te praat - maar in hierdie geval verwys dit spesifiek na die wat voorgee dat hulle kan doen wat God doen of (soos) God is (Joh. 10:33-38; Mark. 2:7).

-KWAADSPREEK: "Kwaadspreek" (1 Pet. 3:16; Jak. 4:11; Hand. 23:5; Mark. 9:39; Ps. 109:20; 41:5) is baie dieselfde as "om te laster" (Jud. 1:8), en word gewoonlik gebruik waar iemand iemand anders beledig, vloek, of vals aankla (Hand. 19:9 ens.). Somtyds word dieselfde Griekse woord gebruik vir kwaadspreek en laster, maar dan in sommige skrifte (AOV) vertaal as kwaadspreek, en in ander vertaal as laster. Kwaadspreek is soos om bedrog te pleeg... (1 Pet. 3:10) - dit is die tipiese "storiesaandraers" wat leuens verkondig... - een wat kwaadspreek van 'n ander praat nie die waarheid nie (die rede is "om te mislei"). Die begrip "kwaadsprekers" verwys ook nie net na die wat kwaadpraat van ander nie, maar ook na die wat kwaadpraat vd waarheid (bv. hulle verkondig wat vals is of verdraai die waarheid) - en in hierdie konteks word daar gewoonlik eerder daarna verwys as "laster". Wat kinders vd Koninkryk aanbetref sal kwaadsprekers NIE die koninkryk van God beërwe nie.... (1 Kor. 6:10) - dit verwys na die wat in hierdie sonde stap en dit nie afle nie.

-BELASTER: Dit is dieselfde as om te laster of kwaad te praat (beledig, laster), maar meer in die sin van stories aandra. Dit verwys na die wat "rondgaan in kwaadsprekery"... - maw, iemand wat kwaadpraat deur stories aan te dra. Hulle is gewoonlik agterbaks en stook mense op om die leuen oor iets of iemand te glo (2 Sam. 19:27). Die woord word gewoonlik gebruik in konteks met "iemand aankla" (Spr. 30:10) of blameer (diskrediteer)(2 Kor. 8:20; 1 Pet. 3:16).

------------------------------------------------------------------------------------------------------------------------------

Is LASTER en KWAADSPREEK vergeeflike sondes?

"LASTER" (iemand vloek, kwaadpraat, belaster, stories aandra, beledig, beswadder, ens.) is een vd sondes wat bloedskuld veroorsaak - in die O.T. was dit 'n onvergeeflike sonde, bv. in die sin van sondeoffers). Mense met bloedskuld was die tipiese "vervloektes" van die O.T. en al manier hoe kinders vd Koninkryk wat bloedskuld het vergifnis kon kry (sodat hulle nie eendag onder oordeel val nie), was deur eie bloed (moes gedood word/moes met eie lewe betaal)(Lev. 24:16). In daardie opsig was daar sekerlik "'n offer" (as jy dit so wil sien), maar die persoon se lewe was kortgesny... In die N.T. is daar wel 'n offer vir kinders vd Koninkryk wat bloedskuld opdoen sodat hulle nie eendag daarvoor geoordeel word nie, en dit is deur Jesus Christus se bloedoffer; MAAR natuurlik moet die persoon daardie sonde afle, anders verander dit in sonde tot dood... Ja, kinders vd Koninkryk sal eendag ook op hulle woorde geoordeel word, en sondes soos laster en kwaadspreek wat nie afgele word nie, kan verander in "sonde tot die dood"... (Rom. 6:16; Jak. 1:15; 1 Joh. 5:16,17; Joh. 12:25; Hebr. 10:26,27; 1 Kor. 6:10; ens.)(sonde tot die dood vrwys na sonde wat die dood verdien...- verwys dus na die wat onder oordeel sal val, nl. die tweede dood)(Hebr. 6:4-8). Lastering is 'n ernstige sonde en kinders vd Here wat dit nie afle nie, kan eendag a.g.daarvan onder ewige oordeel val (1 Kor. 6:10). In die eerste gemeentes was gelowiges beveel om nie om te gaan nie, en hulle af te keer van broeders wat kwaad spreek (1Kor. 5:11; 2 Tim. 3:5); en was verder beveel om nie eens saam met so iemand te eet nie. "Kwaadsprekers" word o.a. beskryf as mense "wat ‘n gedaante van godsaligheid het, maar die krag daarvan verloën het".

Daar is 'n geval waar LASTERING in die N.T. onvergeeflik is (en sal ook onvergeeflik wees in die "volgende eeu"), en dit is "lastering teen die Heilige Gees" (Matt. 12:31,32). Of "eie bloed" vir hierdie sonde kan betaal is nie seker nie want die Skrif gee nie vir ons uitsluitsel hieroor nie - of die Here kinders vd Koninkryk met hierdie sonde vroeer wegneem (sou hulle bv. daarvoor bid) en hulle so vergewe, kan miskien so wees... (?).

------------------------------------------------------------------------------------------------------------------------------

Laster / gelaster:

(1) Lev_24:16 En wie die Naam van die HERE laster, moet sekerlik gedood word; die hele vergadering moet hom sekerlik stenig. Die vreemdeling net soos die kind van die land as hy die NAAM laster, moet hy gedood word. Die woord "laster" is die Hebreeuse woord "naw-kab'" (Lev. 24:16), wat beteken om te laster en in wese verwys na 'n gebaar soos om verwoes gate in iets te druk... - dit kan na enige van die volgende woorde verwys "vloek, uitdruk, naam, met gate, steek, deursteek, boor".

(dieselfde Hebr. woord word in Lev. 24:11 gebruik vir "laster"/gelaster):

Lev_24:11 Toe het die seun van die Israelitiese vrou die NAAM gelaster en gevloek. Daarom het hulle hom na Moses gebring. En die naam van sy moeder was Sélomit, die dogter van Dibri, van die stam van Dan.

(2) 2Sa_12:14 Maar omdat u die vyande van die HERE deur hierdie saak aanleiding gegee het om grootliks te laster, sal die kind wat vir u gebore is, ook sekerlik sterwe. 'n Ander woord wat gebruik word vir "laster", is die Hebr. woord "naw-ats'" (2 Sam. 12:4), wat in wese verwys na minagting - "laster, verag, floreer, verafsku, uitlok".

(dieselfde Hebr. woord word gebruik in Jes. 52:5 vir die woord "laster"/gelaster):

Isa_52:5 Maar nou, wat vind Ek hier? spreek die HERE; want my volk is vir niks weggeneem, sy oorheersers maak geraas, spreek die HERE, en my Naam word gedurigdeur die hele dag gelaster.

(3) Psa_15:3 wat nie rondgaan met laster op sy tong nie, sy vriend geen kwaad doen en geen smaadrede uitspreek teen sy naaste nie; Die Hebr. woord "raw-gal'" word ook gebruik (Ps. 15:3), wat in wese verwys na rondgaan in kwaadsprekery - iemand wat kwaadspreek deur stories aan te dra, agterbaks, soek, laster, bespeur, bekyk, lei in rigting".

(4) Psa_35:15 Maar as ek struikel, is hulle bly en kom bymekaar; hulle vergader teen my, lae mense en die wat ek nie ken nie; hulle laster sonder ophou. Hebr. woord "kaw-rah'", wat in wese verwys na oe verf soos om dit groter te maak, beledig - sny uit, skeur.

(5) Act_19:37 Want julle het hierdie manne gebring, wat geen tempelrowers is nie en ook nie julle godin laster nie. Die Griekse woord "blas-fay-meh'-o" , wat gaan oor beswadder -belaster, spoor aan, beledig, praat kwaad

(dieselfde Griekse woord word in Hand. 26:11, 1 Tim. 1:20, Mark. 3:29, Luk. 12:10, Rom. 2:24, 1 Pet. 4:14, 2 Pet. 2:2; Openb. 16:9,11,21 gebruik vir "laster"):

Act_26:11 En in al die sinagoges het ek hulle dikwels gestraf en gedwing om te laster; en ek het uitermate teen hulle gewoed en hulle vervolg, selfs tot in die buitelandse stede.

1Ti_1:20 onder wie daar is Himenéüs en Alexander, wat ek aan die Satan oorgegee het, sodat hulle kan leer om nie te laster nie.

Mar_3:29 maar wie teen die Heilige Gees gelaster het, het geen vergifnis tot in ewigheid nie, maar is skuldig aan die ewige oordeel—

Luk_12:10 En elkeen wat ‘n woord teen die Seun van die mens sal spreek, dit sal hom vergewe word; maar vir hom wat gelaster het teen die Heilige Gees, sal dit nie vergewe word nie.

Rom_2:24 Want, soos geskrywe is, die Naam van God word om julle ontwil onder die heidene gelaster.

1Pe_4:14 As julle beledig word oor die Naam van Christus, is julle gelukkig, omdat die Gees van die heerlikheid en van God op julle rus. Wat hulle betref, word Hy wel gelaster; maar wat julle betref, word Hy verheerlik.

2Pe_2:2 en baie sal hulle verderflikhede navolg, en om hulle ontwil sal die weg van die waarheid gelaster word;

Rev_16:9 En die mense is geskroei met ‘n groot hitte, en hulle het die Naam van God gelaster wat mag het oor hierdie plae, en hulle het hul nie bekeer om Hom heerlikheid te gee nie.

Rev_16:11 en hulle het die God van die hemel gelaster oor hulle pyne en oor hulle swere, en het hulle nie bekeer van hul werke nie.

Rev_16:21 en groot hael, omtrent ‘n talent swaar, het uit die hemel op die mense geval; en die mense het God gelaster oor die plaag van die hael, omdat sy plaag ontsettend groot was.

(6) Col_3:8 Maar nou moet julle ook dit alles aflê, naamlik toorn, woede, boosheid, laster, skandelike taal uit julle mond. Gr. woord "blas-fay-me'-ah", beswaddering - laster, kwaadpraat.

(dieselfde Griekse woord word in 1 Pet. 4:4, Jud. 1:8 en Openb. 13:6 gebruik vir "laster"):

1Pe_4:4 Daarom vind hulle dit vreemd as julle nie saamloop in dieselfde uitgieting van losbandigheid nie, en hulle laster.

Jud_1:8 Tog besoedel ook hierdie mense net so in hulle dromerye die vlees en verag die heerskappy en laster die heerlike wesens.

Rev_13:6 En hy het sy mond oopgemaak om te laster teen God, om sy Naam en sy tabernakel en die wat in die hemel woon, te laster.

(7) 2Ki_19:6 sê Jesaja vir hulle: So moet julle jul heer antwoord: So spreek die HERE: Vrees nie vir die woorde wat jy gehoor het, waarmee die dienaars van die koning van Assirië My gelaster het nie. Hebr. woord "gaw-daf'", belaster - laster, verwyt.

(dieselfde Hebr. woord word in 2 Kon. 19:22, en Jes. 37:6,23 gebruik vir "laster"/gelaster):

2Ki_19:22 Wie het jy gesmaad en gelaster? En teen wie het jy die stem verhef en jou oë hoogmoedig opgehef? Teen die Heilige van Israel!

Isa_37:6 sê Jesaja vir hulle: So moet julle jul heer antwoord: So spreek die HERE: Vrees nie vir die woorde wat jy gehoor het, waarmee die dienaars van die koning van Assirië My gelaster het nie.

Isa_37:23 Wie het jy gesmaad en gelaster? En teen wie het jy die stem verhef en jou oë hoogmoedig opgehef? Teen die Heilige van Israel!

------------------------------------------------------------------------------------------------------------------------------

Godslasterlik/e ; godslastering/e:

(1) Mat_9:3 En sommige van die skrifgeleerdes het by hulleself gesê: Hierdie man praat godslasterlik. Die Griekse woord "blas-fay-meh'-o" , wat gaan oor beswadder -belaster, spoor aan, beledig, praat kwaad.

(dieselfde Griekse woord word ook in Matt. 25:65, Joh. 10:36, Hand. 18:6, Matt. 26:5 gebruik vir "godslasterlik"):

Mat_26:65 Toe verskeur die hoëpriester sy klere en sê: Hy het godslasterlik gespreek, wat het ons nog getuies nodig? Kyk, nou het julle sy godslastering gehoor!

Joh_10:36 sê julle vir Hom wat die Vader geheilig en in die wêreld gestuur het: U spreek godslasterlik—omdat Ek gesê het: Ek is die Seun van God?

Act_18:6 Maar toe hulle aanhou om teëstand te bied en godslasterlike dinge te spreek, het hy sy klere uitgeskud en vir hulle gesê: Julle bloed is op julle hoof. Ek is rein. Van nou af sal ek na die heidene gaan.

(2) Mar_2:7 Waarom praat hierdie man so godslasterlik? Wie kan sondes vergewe behalwe Een, naamlik God? Gr. woord "blas-fay-me'-ah", beswaddering - laster, kwaadpraat.

(dieselfde Griekse woord word ook in Luk. 5:21, Openb. 17:3, Mark. 14:64, Joh. 10:33, Openb. 13:1,5 gebruik vir "godslasterlik"/e):

Luk_5:21 En die skrifgeleerdes en die Fariseërs het begin redeneer en sê: Wie is Hy wat so godslasterlik praat? Wie kan sondes vergewe behalwe God alleen?

Rev_17:3 En hy het my in die gees weggevoer na ‘n woestyn, en ek het ‘n vrou sien sit op ‘n skarlakenrooi dier, vol godslasterlike name, met sewe koppe en tien horings.

Mar_14:64 Julle het die godslastering gehoor; wat dink julle? En hulle het almal Hom veroordeel dat Hy die dood skuldig was.

Joh_10:33 Die Jode antwoord Hom en sê: Dit is nie oor ‘n goeie werk dat ons U stenig nie, maar oor godslastering, en omdat U wat ‘n mens is, Uself God maak.

Rev_13:1 En ek het ‘n dier uit die see sien opkom met sewe koppe en tien horings, en op sy horings tien krone en op sy koppe ‘n naam van godslastering.

(Rev 13:5) En ‘n mond is aan hom gegee wat groot woorde en godslasteringe uitspreek, en aan hom is mag gegee om dit twee en veertig maande lank te doen.

(3) Job_34:7 Waar is ‘n man soos Job wat godslastering drink soos water? Die Hebr. woord "lah'-ag" - bespotting, minagting.

------------------------------------------------------------------------------------------------------------------------------

Kwaadspreek / kwaad gespreek / kwaadsprekers:

(1) Mar_9:39 Maar Jesus sê: Moet hom nie belet nie, want daar is niemand wat ‘n krag in my Naam sal doen en gou van My sal kan kwaadspreek nie; Die Griekse woord "kak-ol-og-eh'-o", beledig - vloek, praat kwaad".

(dieselfde Gr. woord word in Hand. 19:9 gebruik van "kwaadspreek"):

Act_19:9 Maar toe sommige hulle verhard en ongehoorsaam was en voor die menigte aanhou kwaadspreek van die Weg, het hy van hulle weggegaan en die dissipels afsonderlik geneem en elke dag in die skool van ‘n sekere Tiránnus samesprekinge gehou.

(2) (1Ti 5:14) Ek wil dan hê dat die jong weduwees moet trou, kinders baar, hulle huise regeer en die teëparty geen aanleiding gee om kwaad te spreek nie. Die Gr. woord "loy-dor-ee'-ah", laster - verwyt.

Gen_31:29 Dit is in my mag om julle skade aan te doen, maar die God van julle vader het verlede nag met my gespreek en gesê: Pas nou op om met Jakob geen goed of kwaad te spreek nie.

(3) Rom_14:16 Laat dan van die goeie wat aan julle behoort, nie kwaad gespreek word nie.Die Griekse woord "blas-fay-meh'-o" , wat gaan oor beswadder -belaster, spoor aan, beledig, praat kwaad.

Kwaadspreker/s:

(1) Lev_19:16 Jy mag nie as ‘n kwaadspreker onder jou volksgenote rondloop nie. Jy mag nie teen die lewe van jou naaste optree nie. Ek is die HERE. Die Hebr. woord "raw-keel'", skandaalmaker - dra stories aan.

(dit is dieselfde woord wat gebruik word in Eseg. 22:9 van "kwaadspreker"/s):

Eze_22:9 Kwaadsprekers was daar in jou om bloed te vergiet, en by jou het hulle op die berge geëet en skandelikheid in jou gedoen.

(2) Psa_140:12(11) Laat die kwaadspreker nie op aarde bevestig word nie; die man van geweld—laat die ongeluk hom jaag met slag op slag. Die Hebr. woord "law-shone'", tong, praat - babbel, taal praat kwaad, wig.

(3) 1Co_5:11 maar nou skryf ek aan julle om nie om te gaan met iemand wat, al staan hy as ‘n broeder bekend, ‘n hoereerder is of ‘n gierigaard of ‘n afgodedienaar of ‘n kwaadspreker of ‘n dronkaard of ‘n rower nie; met so iemand moet julle selfs nie saam eet nie. Die Gr. woord "loy'-dor-os", beledigend - lasteraar, kwaadspreker.

(dit is dieselfde woord wat gebruik word in 1 Kor. 6:10 van "kwaadspreker"/s):

1Co_6:10 Moenie dwaal nie! Geen hoereerders of afgodedienaars of egbrekers of wellustelinge of sodomiete of diewe of gierigaards of dronkaards of kwaadsprekers of rowers sal die koninkryk van God beërwe nie.

(4) Rom_1:30 nuusdraers, kwaadsprekers, haters van God, geweldenaars, trotsaards, grootpraters, uitvinders van slegte dinge, ongehoorsaam aan die ouers; Die Gr. woord "kat-al'-al-os", spraaksaam teen lasteraar - agterbaks.

(5) 2Ti_3:3 sonder natuurlike liefde, onversoenlik, kwaadsprekers, bandeloos, wreed, sonder liefde vir die goeie, Dit is die Gr. woord "dee-ab'-ol-os", opspoorder - vals aanklaer, duiwel, lasteraar.

------------------------------------------------------------------------------------------------------------------------------

Belaster:

(1) 2Sa_19:27 Hy het ewenwel u dienaar by my heer die koning belaster, maar my heer die koning is soos ‘n engel van God: doen dan wat goed is in u oë. Die Hebr. woord "raw-gal'" word ook gebruik (Ps. 15:3), wat in wese verwys na rondgaan in kwaadsprekery - iemand wat kwaadspreek deur stories aan te dra, agterbaks, soek, laster, bespeur, bekyk, lei in rigting".

(2) Pro_30:10 Belaster nie ‘n slaaf by sy heer nie, sodat hy jou nie vloek en jy daarvoor moet boet nie. Die Hebr. woord "law-shan'", "swaai tong" om te laster - kla aan, laster.

(3) Rom_3:8 En moet ons nie liewer sê nie, soos ons belaster word en soos sommige beweer dat ons sê: Laat ons kwaad doen, sodat die goeie daaruit kan voortkom? Hulle veroordeling is regverdig.Die Griekse woord "blas-fay-meh'-o" , wat gaan oor beswadder -belaster, spoor aan, beledig, praat kwaad.

(dit is dieselfde woord wat in 1 Kor. 4:13, 10:30; 1 Tim. 6:1, Tit. 2:5, 3:2, Jak. 2:7, 2 Pet. 2:10,12, Jud. 21:10 gebruik word van "belaster"):

1Co_4:13 word ons belaster, ons troos; soos uitvaagsels van die wêreld het ons geword, die afskraapsel van almal tot nou toe.

1Co_10:30 En as ek iets met danksegging geniet, waarom word ek belaster oor iets waarvoor ek dank?

1Ti_6:1 Almal wat diensknegte is onder ‘n juk, moet hulle eie here alle eer waardig ag, sodat die Naam van God en die leer nie belaster mag word nie.

Tit_2:5 ingetoë te wees, kuis, huislik, goed, aan hul eie mans onderdanig, sodat die woord van God nie belaster word nie.

Tit_3:2 om niemand te belaster nie, nie strydlustig te wees nie, vriendelik te wees en aan alle mense alle sagmoedigheid te bewys.

Jas_2:7 Is dit nie hulle wat die edele Naam belaster wat oor julle aangeroep is nie?

2Pe_2:10 en veral die wat die vlees in vuile begeerlikheid agternaloop en die heerskappy verag. Vermetel en aanmatigend, skroom hulle nie om die heerlike wesens te belaster nie,

2Pe_2:12 Maar hulle sal, omdat hulle belaster wat hulle nie ken nie, soos redelose diere wat die natuur volg, gebore om gevang en vernietig te word, in hulle verdorwenheid te gronde gaan

Jud_1:10 Maar hierdie mense belaster alles wat hulle nie ken nie; en alles wat hulle, soos die redelose diere, op natuurlike wyse verstaan, daardeur gaan hulle te gronde.

(4) 2Co_8:20 om te voorkom dat iemand ons sou belaster in verband met hierdie groot bydrae wat deur ons berei word. Dit is die Gr. woord "mo-mah'-om-ahee", diskrediteer - blameer.

(5)1Pe_3:16 met behoud van ‘n goeie gewete, sodat in die saak waarin hulle van julle kwaad spreek soos van kwaaddoeners, húlle beskaam mag word wat julle goeie lewenswandel in Christus belaster. Die Griekse woord "ep-ay-reh-ad'-zo", beledig, laster - kla vals aan.

Maandag 13 November 2023

Die "eerste opstanding"

In hierdie pos kyk ons na waarna die begrip "EERSTE OPSTANDING" verwys.

-----------------------------------------------------------------------------------------------------------------------------

Verse waarin die begrip "eerste opstanding" gebruik word:

Die begrip "eerste opstanding" kom slegs in 2 skrifte voor (Openb. 20:5,6)(alhoewel die woord "opstanding" in baie ander verse gebruik word):

(Rev 20:4) En ek het trone gesien, en hulle het daarop gaan sit, en aan hulle is die oordeel gegee; en ek het die siele gesien van die wat onthoof is oor die getuienis van Jesus en oor die woord van God, en die wat die dier en sy beeld nie aanbid het nie, en die merk op hulle voorhoof en op hulle hand nie ontvang het nie; en hulle het geleef en as konings geregeer saam met Christus die duisend jaar lank. (Openb. 20:5) En die ander dode het nie herlewe totdat die duisend jaar voleindig was nie. Dit is die eerste opstanding. (Openb. 20:6) Salig en heilig is hy wat deel het aan die eerste opstanding; oor hulle het die tweede dood geen mag nie, maar hulle sal priesters van God en van Christus wees en sal saam met Hom as konings regeer duisend jaar lank.

Daar is 'n paar feite wat hier vir ons gegee word oor die "eerste opstanding":

(1) Die begrip " EERSTE OPSTANDING" verwys hier (en veral) na WANNEER, WATTER opstanding of herlewing plaasvind; bv., watter eerste en watter later... (Openb. 20:5). M.a.w., wat toekomstige opstandings of herlewings aanbetref, vind "die opstanding" (wanneer die kinders vd koninkryk opgewek word uit die dood)(aan die einde van "hierdie eeu" ) EERSTE plaas, en die ander dooies sal eers herlewe aan die einde van die "volgende eeu", wanneer die 1000 jaar voleindig is... L.w. dat die begrip "die opstanding" veral gebruik word vir die wat eerste opstaan (hulle sal opgewek word wanneer Jesus terugkom en voor die regterstoel van Christus verskyn-Rom. 14:10; 2 Kor. 5:10), terwyl die begrip "herlewe" gebruik word vir die wat later eers opgewek word (hulle sal opgewek word aan die einde vd 1000 jaar, en sal voor die wit troon oordeel verskyn-Openb. 20:11-15). Let ook daarop dat die klem moet wees op die feit dat hierdie "eerste opstanding" verwys na iets in die TOEKOMS... Die begrip "eerste opstanding" word spesifiek hier in hierdie konteks gebruik, want dit sal nie die eerste keer wees wat mense opstaan uit die dood nie... (rol af vir 'n opsomming hieroor), maar wat TOEKOMSTIGE OPSTANDINGS OF HERLEWINGS aanbetref, sal hierdie die eerste wees...

Hierdie opstanding (die eerste opstanding) sal dus aan die einde van "hierdie eeu" plaasvind wanneer Jesus terugkom (Openb. 19,20), en die volgende een (waarna eerder verwys word as "herlewing") sal eers plaasvind aan die einde vd "volgende eeu" (maw, aan die einde van die 1000 jaar tydperk).

(2) Die begrip "eerste opstanding" verwys na DIE OPSTANDING vd heiliges (bv. die wat saam met Christus gaan regeer). Dit wil in konteks van Openb. 20:6 miskien voorkom of dit slegs na hierdie groep mense in v. 4 en 6 verwys (wat sal ingaan in die koninkryk en saam met Christus regeer), maar ons weet uit ander skrifte dat dit nie net hierdie groep sal wees nie... (kyk pos getiteld "ons-gemaak-het-konings-en-priesters"). Dit is dus duidelik dat wat hier bedoel word is dat hierdie spesifieke groep inderdaad deel is vd wat sal ingaan (nie dat hulle alleen sal ingaan nie). Wat "kinders vd Koninkryk" ook aanbetref is die waarheid dat nie almal eendag inderdaad sal ingaan in die Koninkryk nie - kinders vd Koninkryk het wel die belofte, ja, maar nie almal "doen goed" nie. Jesus het bv. geleer dat in "die opstanding" daar ook mense sal wees wat opstaan tot veroordeling... (die wat sleg gedoen het)(bv. die "kaf", die wat nie vrug dra nie / en die "bokke", die onbarmhartiges-Matt. 25) (Joh. 5:27-29). M.a.w., alhoewel almal wat deel het aan hierdie komende opstanding (wat eerste plaasvind) die belofte het van ewige lewe en die tweede dood dus geen mag het oor hulle nie, is dit ongelukkig so dat nie almal uiteindelik sal opstaan tot lewe nie... - die wat sleg gedoen het sal opstaan tot veroordeling, al het hulle die belofte van ewige lewe (). L.w. dat kinders vd Koninkryk "onder" Jesus Christus is - Hy het mag oor hulle... (Hy besluit wie opgewek sal word tot lewe en wie nie). Kinders vd Koninkryk is veronderstel om gehoorsaam te wees aan Jesus Christus - dit is immers o.a. wat dit beteken om in Hom te glo (bly in Hom, en jy sal vrug dra... (Joh. 15:2,4,5; Spr. 11:30; Matt. 13:23; Luk. 8:15, ens.)(kyk ook die gelykenis vd saaier).

(3) Die begrip "eerste opstanding" verwys na "DIE OPSTANDING"..., maar nie na die wat eerste opstaan tydens "die opstanding" nie, maar is die eerste in toekomstige opstandings of herlewings...; m.a.w. (1) eerste DIE OPSTANDING (aan die einde van "hierdie eeu" - wat terloops self ook ingedeel kan word in wie wanneer opstaan... - rol af vir 'n opsomming hieroor, bv. (a) eerste is die dooies wat opstaan - of tot lewe, of tot veroordeling; en (b) daarna die wegraping), en (2) die ander dooies sal eers HERLEWE aan die einde vd "volgende eeu".

----------------------------------------------------------------------------------------------------------------------------

Is daar 'n verskul tussen die begrip "die opstanding" en "die eerste opstanding"?:

Die begrip "die opstanding" verwys na wanneer die kinders van die Koninkryk opgewek word uit die dood; terwyl die begrip "eerste opstanding" ook verwys na "die opstanding", maar spesifiek aandui wanneer watter toekomstige opstandings of herlewings sal plaasvind (die kinders vd Koninkryk sal "eerste opstaan" aan die einde van hierdie eeu, en die res vd dooies sal eers herlewe aan die einde van die volgende eeu).

Jesus het geleer dat in DIE OPSTANDING (aan die einde van "hierdie eeu" wanneer Hy terugkom) sal die wat goed gedoen het opstaan tot lewe, en die wat kwaad gedoen het opstaan tot veroordeling... (Joh. 5:29). Let wel dat die begrip "opstanding" spesifiek gebruik word in die Skrif vir wanneer die kinders vd koninkryk opgewek word uit die dood (en dit gebeur wanneer Jesus terugkom); terwyl die woord "herlewing" weer eerder gebruik word vir die opwekking vd ander dooies (en dit sal eers gebeur aan die einde vd 1000 jaar)(Openb. 20:5). Almal sal m.a.w. nie in dieselfde soort liggame opstaan nie... Die wat opstaan tot lewe sal bv. in verheerlikte, onverganklike liggame opstaan, maar duidelik sal nie almal in daardie soort liggaam opstaan nie. Dus, nie almal wat deel het aan DIE OPSTANDING (wanneer Jesus terugkom) sal wel "opstaan tot lewe" nie, maar sommige sal veroordeel word (Joh. 5:29). Bestudeer gerus o.a. die tema van die skeiding vd "koring en die kaf" (die wat nie vrug of nie die nodige vrug dra nie sal met vuur verbrand word...Matt. 3:12,17). Die wat gaan opstaan tot veroordeling het wel deel aan DIE OPSTANDING, ja, maar sal nie opstaan "tot lewe" nie. Bestudeer ook die tema van "skape en bokke" (die barmhartiges sal vd onbarmhartiges geskei word - die Here sal nie dat onbarmhartige mense saam met Hom regeer nie).

Die begrip "EERSTE OPSTANDING" is dus eerder woorde wat gebruik word om aan te dui wanneer watter herlewing plaasvind..., meer as wat dit bv. aandui wie opstaan tot lewe en wie nie; en dit is ook nie 'n begrip wat gebruik word om aan te dui wie wanneer opstaan tydens "die opstanding" nie, maar is bloot 'n verwysing na DIE OPSTANDING.

-----------------------------------------------------------------------------------------------------------------------------

Ons vind dus dat toekomstige OPSTANDINGS of HERLEWINGS van die mensdom verdeel kan word in die volgende (en l.w. dat elke opstanding of herlewing gepaardgaan met oordeel):

- (1) die DIE EERSTE OPSTANDING . Wat toekomstige opstandings of herlewings aanbetref gaan die kinders vd Koninkryk EERSTE OPSTAAN (aan die einde van "hierdie eeu" wanneer Jesus Christus terugkom) - die ander dooies sal eers herlewe aan die einde vd "volgende eeu" (aan die einde vd 1000 jaar). Die groep mense genoem in Openb. 20:4,5 (gelowiges wat in die laaste dae leef net voor Jesus terugkom, en wat gesterf het vir hulle geloof en nie die merk vd dier geneem het nie) sal deel he aan hierdie opwekking wat EERSTE plaasvind (word gewoonlik na verwys as "die opstanding"). In DIE OPSTANDING sal alle kinders vd koninkryk wat gesterf het opstaan uit die dood... - sommige sal opstaan tot lewe, en ander sal opstaan tot veroordeling., maar hierdie groep mense in Openb. 20:4,5 het duidelik die belofte dat hulle beslis opgewek sal word "tot lewe" (want die skrif verklaar dat hulle saam met Christus sal regeer).

L.w. dat die kinders vd Koninkryk wat nog in die lewe is wanneer Jesus terugkom, sal ook vernuwe word - hulle sal weggeraap word; wat eintlik maar net deel is van "die opstanding" (alhoewel dit laaste sal gebeur tydens die opstanding), en hulle liggame sal in 'n oogwink verander word (meer bekend as "die wegraping", 1 Thess. 4:13-18 - hulle sal verheerlike onverganklike liggame kry soos die wat "opstaan tot lewe").

IN DIE OPSTANDING SAL DIE KINDERS VAN DIE KONINKRYK VOOR DIE REGTERSTOEL VAN CHRISTUS VERSKYN (Rom. 14:10; 2 Kor. 5:10).

- (2) die HERLEWING VAN ANDER DOOIES (die ander dooies sal eers herlewe aan die einde vd "volgende eeu" - aan die einde vd 1000 jaar)(Openb. 20:5).

HIERDIE GROEP SAL VOOR DIE WIT TROON OORDEEL VERSKYN (Openb. 20:11-15).

---------------------------------------------------------------------------------------------------------------

DIE OPSTANDING:

(hier kyk ons na die volgorde waarin die kinders vd Koninkryk sal opstaan tydens die opstanding).

Daar is 'n VOLGORDE tydens "die opstanding", bv. van wanneer watter kinders vd Koninkryk opstaan; bv., (1) die wat in Christus gesterf het sal eerste opstaan; daarna volg (2) die wegraping, wanneer die wat nog in die lewe is se liggame ook verander word... (1 Thess. 4:16,17).

Verder kan die opstanding van die wat in Christus gesterf het, ook ingedeel word in 2 groepe, nl. "die opstanding tot lewe" en "die opstanding tot veroordeling".

(1) DIE OPSTANDING (Matt. 24:29-31; 1 Kor. 15:51-52)

(kan ingedeel word in "die opstanding tot lewe" en die "opstanding tot veroordeling"):

-die OPSTANDING TOT LEWE (hulle sal verheerlikte/onverganklike liggame kry). M.a.w., die wat goed gedoen het sal OPSTAAN TOT (ewige) LEWE - hulle sal opstaan in liggame wat nie vergaan nie, wat vir ewig lewe (Joh. 5:27-29);

-die OPSTANDING TOT VEROORDELING (alle kinders vd Koninkryk sal opstaan uit die dood wanneer Jesus terugkom, maar nie almal sal opstaan tot lewe nie - sommige opstaan tot veroordeling ("die wat kwaad gedoen het") - m.a.w., hulle sal veroordeel word... (Joh. 5:27-29). Alhoewel kinders vd Koninkryk die belofte het van redding (en die tweede dood dus geen mag het oor hulle, soos dit het oor natuurlike mense nie) is die kinders vd Koninkryk "onder" Jesus Christus - aan Hom is die mag gegee, Hy sal besluit wie Hy opwek tot lewe en wie nie..., en die waarheid is dat sommige kinders vd Koninkryk veroordeel sal word (die wat kwaad gedoen het). (Matt. 10:28 - "En moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel").

(2) die WEGRAPING (die kinders vd koninkryk wat nog in die lewe is wanneer Jesus terugkom, sal ook nuwe liggame kry en hulle liggame sal in 'n oogwink verander word...)(1 Kor. 4:13-17; 1 Kor. 15:51-57). Net soos die groep wat gesterf het ter wille van hulle geloof en nie die merk vd dier geneem het nie, verwys hierdie groep geestelike mense (wat nog in die lewe is wanneer Jesus terugkom) duidelik ook na mense wat nie die merk geneem het nie... Hulle sal verheerlikte, onverganklike liggame kry (sal maw "opstaan tot lewe").

-----------------------------------------------------------------------------------------------------------------------------

Volgorde van wanneer wie sal opstaan tydens DIE OPSTANDING

DIE OPSTANDING:

Hier kyk ons na die volgorde waarin die kinders vd Koninkryk sal opstaan tydens die opstanding. Wat toekomstige opstandings of herlewings aanbetref sal die kinders vd Koninkryk EERSTE OPSTAAN... (aan die einde van "hierdie eeu") - en die ander dooies sal eers herlewe aan die einde van die "volgende eeu" (aan die einde van die 1000 jaar - Openb. 20:5,6).

Die opstanding vd KINDERS VD KONINKRYK (van God) word gewoonlik bloot na verwys as

DIE OPSTANDING.

Daar is ook 'n VOLGORDE tydens "die opstanding", bv. van wanneer watter kinders vd Koninkryk opstaan; bv., (1) die wat in Christus gesterf het sal eerste opstaan; daarna volg (2) die wegraping, wanneer die wat nog in die lewe is se liggame ook verander word... (1 Thess. 4:16,17).

Verder kan die opstanding van die wat in Christus gesterf het, ook weer ingedeel word in 2 groepe, nl. "die opstanding tot lewe" en "die opstanding tot veroordeling".

(1) DIE OPSTANDING (Matt. 24:29-31; 1 Kor. 15:51-52)

(kan ingedeel word in "die opstanding tot lewe" en die "opstanding tot veroordeling"):

-----------------------------------------------------------------------------------------------------------------------------

KORT OPSOMMING OOR "DIE OPSTANDING":

In die opstanding word die "aanneming tot kinders" voltrek. Kinders vd koninkryk word bv. somtyds na verwys as "kinders vd opstanding" (Luk. 20:36; Matt. 22:28-31; Luk. 14:14; ens.) of "kinders vd belofte" (Rom. 9:8; Gal. 4:25)..., want met die opstanding (met die "verlossing vd liggaam") is die dood finaal oorwin! (1 Kor. 15:54-57; 1 Thess. 4:16,17). Almal sal eendag opgewek word en GEOORDEEL word - maar natuurlik sal almal nie in dieselfde soort liggame opstaan of dieselfde soort liggame verkry nie.

- KINDERS VAN DIE KONINKRYK sal voor die REGTERSTOEL VAN CHRISTUS verskyn (en hulle sal opgewek word aan die einde van "hierdie eeu" wanneer Jesus terugkom, bekend as "die opstanding").

- Die ANDER DOOIES sal eers herlewe aan die einde van die "volgende eeu" (aan die einde van die 1000 jaar) en sal voor die WIT TROON OORDEEL verskyn.

Alhoewel "geestelike mense"(die wie se sonde vergewe is en die Heilige Gees ontvang het/weergebore mense) se innerlike alreeds vernuwe is, is hulle uiterlike mens nog nie vernuwe nie (dus logies sterf hulle uiterlike). In die opstanding sal die uiterlike mens ook vernuwe word... (hierdie verwys na die nuwe soort liggaam wat die wat opstaan tot lewe sal ontvang; ontvang die ewige lewe). Hulle "opstanding" lyk anders as bv. die "herlewing van dode" aan die einde vd "volgende eeu", want die wat deel het aan "die eerste opstanding" het die belofte van redding (oor hulle het die tweede dood geen mag nie-Openb. 20:6)(alhoewel sommige kinders vd Koninkryk sal opstaan tot veroordeling, nl. die wat kwaad gedoen het). Die dooies wat later herlewe het nie hierdie belofte nie!; m.a.w., die tweede dood het mag oor "natuurlike mense" omdat hulle nie instaat is om vrug (tot ewige lewe) te dra nie - natuurlike mense dra vrugte vir die dood (Rom. 7:5); maar geestelike mense wie se innerlike vernuwe is en die Heilige Gees het, is instaat om vrugte tot ewige lewe te dra.

Maar alhoewel geestelike mense instaat is om "vrug tot (ewige) lewe" te dra (Rom. 7:4), beteken dit nie dat alle kinders vd koninkryk inderdaad die ewige lewe sal beerwe nie (al is dit vir hulle moontlik en het daarom die belofte) - almal sal geoordeel word en hierdie oordeel begin by die huis van God... (1 Pet. 4:17); dus, nie almal wat deel het aan "die opstanding" sal opstaan tot lewe nie, maar Jesus het geleer dat sommige sal opstaan tot veroordeling... - Joh. 5:29. Daniel het ook hiervan geprofeteer, dat in die opstanding sommige sal "opstaan tot ewige lewe", en sommige sal "opstaan tot groot smaadheid"... (Dan. 12:2). Dit is duidelik dat nie almal wat deel het aan "DIE OPSTANDING" (wat sal eerste plaasvind in die volgorde van opstandings of herlewings) sal "opstaan tot (ewige) lewe" nie (alle geestelike mense het die belofte dat die tweede dood geen mag oor hulle sal he nie. net soos die O.T. heiliges die belofte gehad het van redding, maar slegs die die wat goed gedoen het sal uiteindelik erwe)(Gal 6:7,8 - "Moenie dwaal nie; God laat Hom nie bespot nie; want net wat die mens saai, dit sal hy ook maai. Hy wat in sy vlees saai, sal uit die vlees verderf maai; maar hy wat in die Gees saai, sal uit die Gees die ewige lewe maai). Die onregverdiges en goddeloses was nog altyd oor al die eeue gewaarsku dat hulle nie sal ingaan nie... Hierdie is geen nuwe leerstelling nie. Toe Jesus die eerste keer gekom het het Hy nie gekom om die wereld te oordeel nie (maar te red-Joh. 12:47), maar dit sal anders wees wanneer Hy terugkom (1 Pet. 4:5; Matt. 25; Hand. 17:31; 10:42; ens.) - wanneer Hy terugkom kom Hy o.a. om te oordeel. Oordeel begin by die huis van God (1 Pet. 4:17), met die tyd van opstanding!

Nie almal wat deel het aan DIE OPSTANDING sal dus in die "volgende eeu" saam met Christus regeer nie. Bv., die wat Hom verloën (2 Pet. 2:1; Jud. 1:4; 1 Tim. 5:8) sal ook deur Hom verloën word... (2Ti 2:12 - "As ons verdra, sal ons met Hom regeer. As ons Hom verloën, sal Hy ons ook verloën"). Regering saam met Hom word o.a. in Openb. 20:5 belowe aan die wat onthoof is oor die getuienis van Jesus en oor die woord van God... (die wat nie die dier en sy beeld aanbid het nie)(Openb. 20:4); m.a.w., mense wat Hom NIE verloën het nie!-----------------------------------------------------------------------------------------------------------------------------

ALMAL SAL EENDAG GEOORDEEL WORD: (en dit gebeur nie net alreeds die oomblik wanneer iemand doodgaan (en hulle siele in verskillende dele van die doderyk opeindig of vrygekoop word uit doderyk) nie, maar oordeel sal ook geskied met elke OPSTANDING of HERLEWING).

Sondag 17 September 2023

Wie is die Heilige Gees?

IN HIERDIE POS KYK ONS NA WIE IS DIE HEILIGE GEES?,

die volgende word o.a. ook behandel:

- Die begrip Heilige Gees.

- Wat is die invloed vd Heilige Gees?

Die begrip "HEILIGE GEES" kom in sowat 100 verse in die Bybel voor, en word terloops belowe aan die wat in Jesus Christus glo (hulle kan die Heilige Gees ontvang)(Hand. 2:38; Matt. 3:11; Joh. 1:33). Die ontvang vd Gees is 'n belangrike deel van wedergeboorte! - niemand kan weergebore word sonder water (afwassing van sonde) en die ONTVANG VAN DIE HEILIGE GEES nie (Joh. 3:5). Daar is sekere heiliges in die O.T. wat ook die Heilige Gees ontvang het (bv. profete, priesters, konings... - bv. die wat die volk moes lei, in die Here se bediening gestaan het, en die Here se wil bekend moes maak), maar nie almal wat deel was vd volk van God het in die O.T. die Heilige Gees ontvang nie - dit is wat o.a. 'n groot verskil tussen die Ou en Nuwe Testament!

-----------------------------------------------------------------------------------------------------------------------------

- Die woord "Gees" (Gr. woord "pnyoo'-mah") hier, verwys na die Gees van God ("pnyoo'-mah" kan vertaal word as gees, lewe, geestelik, verstand...)(Matt. 12:32; Mark. 1:18; ens.)(en is 'n gees wat in iemand kom bly... - en het tot gevolg dat die persoon se gees verander, bv. sy manier van dink en doen... - verstand, hy/sy"groei" om vrug "tot lewe" te dra, asook werk die Gees gawes en bedieninge deur die persoon soos Hy wil... - sulke mense in wie die Heilige Gees is, word geestelike mense genoem).

- Kyk ook na die Hebr. woord vir Gees - is die (woord "roo'-akh") (Jes. 63:10,11 ens.) wat verwys na asem, gees, gemoed, wind, ens. Die Heilige Gees is soos asem..., want net soos die liggaam (uiterlike mens) sonder gees/asem dood is (Jak. 2:26), net so kan die mens nie lewe sonder die asem vd Heilige Gees nie; daarom word daar na geestelike mense verwys as mense wat die belofte het van ewige lewe. want geestelike mense is (deur die Heilige Gees) instaat om vrug te dra tot ewige lewe... (hierdie is onmoontlik vir die natuurlike mens om te doen! - natuurlike mense dra vrugte tot die dood). Die Heilige Gees word ook somtyds voorgestel soos wind - die Gees werk soos Hy wil (1 Kor. 12:11) en "waai" waar Hy wil... (Joh. 3:8; Hand. 2:2)(Joh. 20:22).

Vir 'n studie oor die Gees van God, gaan na: (https://warechristene.blogspot.com/2014/08/die-gees-van-god-1.html) - die studie is opgedeel in 4 dele, waaronder die begrip "Gees van God" bespreek word, o.a. die ontvang vd Heilige Gees en hoekom iemand die Heilige Gees ontvang, wat dit beteken om in die Heilige Gees gedoop te word, ens.).

-------------------------------------------------------

- Die woord "heilige" (Gr. woord "hag'-ee-os") verwys na Gees van God wat "afgesonder" word vir die heiliges ("hag'-ee-os" word vertaal as "heilig of heilige", wat verwys na iets afgesonder vir 'n spesifieke doel)(Matt. 3:11; 12:32; ens.). Dit is die (Hebr. woord "ko'-desh") wat ook verwys na iets of iemand afgesonder, veral vir 'n spesifieke doel... (Jes. 63:10,11). Vir 'n studie oor wat "heilig" beteken, gaan na: (https://warechristene.blogspot.com/2016/06/heilig-1.html) en (https://warechristene.blogspot.com/2016/08/heilig-2.html) - in die betrokke studie word al die verskillende woorde gegee wat in Hebreeus en Grieks gebruik word vir die woord "heilig" (asook die verskillende betekenisse vd woord - bv., iets, plek of iemand wat afgesonder word; heilige een; om heilig te maak; om seremonieel af te sonder; is heilig; om heilig op te tree; om skoon te maak; ens.).

DIE HEILIGE GEES IS GEES VAN GOD (Ef. 4:30) WAT AFGESONDER WORD, EN WORD DEUR JESUS CHRISTUS GESTUUR AAN DIE WAT IN HOM GLO (Matt. 3:11; Mark. 1:8; Joh. 1:33; Hand. 19:4; 1:5; Joh. 20:22; Hand. 2:4,38; ens.).

___________________________________________________________________________________

Wat is die invloed van die Heilige Gees?

Kom ons kyk eers na wat is die invloed van 'n gees oor die algemeen op iemand?

Waar daar na "gees" in die Skrif verwys word, verwys dit nie altyd na die Heilige Gees nie. Die mens het bv. ook 'n gees. Die mens se gees (die "geeste van alle vlees") beskryf daardie peroon met wil, vermoë, persoonlikheid, karaktertrekke ens., en word somtyds bloot na verwys as "siel". Maar wanneer nog 'n gees in iemand bly verander hy daardie mens (se gees); m.a.w., wanneer 'n gees in iemand ingaan kan die gees sy persoonlikheid, karakter en vermoëns beinvloed. Daar is ook "ander -en bose geeste" wat somtyds in mense ingaan - hierdie geeste is nie goed nie! Wanneer iemand 'n bose gees in hom het, word daar o.a. verwys dat daardie persoon onder die mag vd duiwel is... (Hand. 10:38). In ander woorde, wanneer iemand 'n gees in hom het, is hy onder die mag van daardie gees... 'n Gees kan iemand se siel beinvloed (en 'n bose gees se invloed is duidelik nie goed nie). Bv., wanneer 'n bose gees (onreine gees / ander gees) in iemand bly kan hy sy dade beinvloed, bv. dat hy kranksinnig voorkom, of kan veroorsaak dat die persoon homself probeer seermaak of sy liggaamsgebruik stuit, bv. hom doof of blind maak, of is verlam in sekere dele sodat hulle nie kan loop nie of speeksel by die mond uitloop..., ens. Daar bly somtyds verskeie geeste in een persoon en die geeste het verskillende werkinge. Daar is hope voorbeelde in die Skrif van hoe mense wat bose geeste in hulle het ly onder die mag van daardie onrein of ander geeste, en dit is duidelik dat diesulkes ook nie altyd beheer het oor hulle eie liggame nie (Hand. 19:15,16; 8:7; Luk. 8:2; 1 Joh. 4:1,3; Joh. 10:20,21; Sag. 13:2; Mark. 16:9; 9:21; Matt. 17:18; Luk. 4:35; ens.). Dat hierdie geeste mense siek kan maak is beslis ook so... (maar dit is natuurlik gevaarlik om alle siektes en tekortkominge toe te skryf aan bose of ander geeste soos sommige doen, want daar kan baie ander redes wees waarom iemand siek is... (redes wat ook terloops almal skriftuurlik is; bv. a.g.v. kieme, of sonde kan iemand siek maak, of bloot dat iemand siek is omdat hy deur 'n toets gaan, of siek is bloot ter wille van 'n wonderwerk wat moet gebeur sodat God se krag gewys kan word..., ens.).

'n Gees kan ook beinvloed hoe iemand dink (hoe iemand "sien"); bv., die wat 'n gees van dwaling het sien nie dieselfde as die wat die Heilige Gees het nie. Die Heilige Gees is die "gees van waarheid" en sal nie aan jou dwalings verkondig nie (1Jn 4:6 - "Ons is uit God; hy wat God ken, luister na ons; hy wat nie uit God is nie, luister nie na ons nie. Hieruit ken ons die Gees van die waarheid en die gees van die dwaling"). daarom "dink en sien" mense wat die Heilige Gees het bv. ook gewoonlik dieselfde. Enige gees wat in iemand bly sal dus 'n invloed hê op daardie persoon en kan/sal hom of haar verander. In die Skrif is daar dan ook hope vb.e van hoe die Heilige Gees mense verander of deur hulle werk, en weergebore Christene kan hiervan getuig! Nie net ervaar hulle verandering in hulle siele, maar hulle kry ook gawes en bedieninge om bv. dinge te doen wat hulle normaalweg nie kan doen nie, bv. hulle bekwaam maak om spesifieke werke vir die Here te doen, hulle gebruik in wonderwerke, besonderse insig en wysheid vir hulle gee, ens.

Wanneer die Heilige Gees in 'n Christen kom bly dan verander Hy daardie persoon en werk o.a. GAWES EN BEDIENINGE, en WERK deur hom soos benodig in die koninkryk van God (https://warechristene.blogspot.com/2018/02/gawes-en-bedieninge.html). Die Heilige Gees maak die weergeborene dus o.a. bekwaam om spesifieke werke vir die Here te doen... (om bv. die volk vd Here te lei in die Here se wil, om God se planne bekend te maak, om te kan getuig, om iemand wat afgedwaal het terug te roep, ens.), en lei en leer hom in die Here se waarheid. Mense in wie die Heilige Gees is verkry 'n besonderse verstand (bv. om die Here se wil te ken en te weet wat is die waarhed) - immers is die Heilige Gees die Gees van WAARHEID!; m.a.w., mense in wie die Heilige Gees is "sien" anders en leer wat is die waarheid werklik. Hierdie is die groot verskil tussen "natuurlike mense" en "geestelike mense", en die Heilige Gees is die rede waarom geestelike mense verskillend dink en sien van natuurlike mense (1 Kor. 2:11; Rom. 8:5; 1 Kor. 2:14; ens.).

Die invloed vd Heilige Gees is dus baie anders as die invloed van ander geeste, en die Heilige Gees maak iemand nuut en is goed vir die mens en verander ons ten goede, en verseël terloops die weergeborene (tot die dag van verlossing)! Ook wat insig aanbetref is die manier hoe die weergeborene "sien" anders omdat hy die Heilige Gees het.

Die wat weergebore word word gebore deur

-water (afwassing van sondes/staan op in nuwe lewe) en deur

-Gees (ontvang die Heilige Gees). Die ontvang van die Heilige Gees is 'n belangrike deel van wedergeboorte, en soos bo genoem kan die weergeborene ook krag ontvang deur die Heilige Gees (gawes, bedieninge en werke). Alhoewel die ONTVANG van die Heilige Gees eenmalig is (m.a.w., dit gebeur wanneer iemand weer gebore word), kan die weergeborene gedurigdeur met KRAG (vd Heilige Gees) vervul word... (in alle gevalle is die doel vir "krag ontvang" sodat ons kan bedien en getuig). Vir 'n pos oor "wie ontvang die Heilige Gees" en "hoekom iemand die Heilige Gees ontvang", gaan na: http://warechristene.blogspot.com/2014/12/die-gees-van-god-2.html.

-----------------------------------------------------------------------------------------------------------------------------

DIE BEGRIP "HEILIGE GEES":

Die begrip "Heilige Gees" word veral in die Nuwe Testament gebruik, en in 'n paar O.T. skrifte nl.:

- (Jes. 63:10) Maar húlle was wederstrewig en het sy Heilige Gees bedroef; daarom het Hy vir hulle in ‘n vyand verander: Hy self het teen hulle gestry.

-(Jes. 63:11) Toe het sy volk gedink aan die dae van die ou tyd, van Moses: Waar is Hy wat hulle uit die see laat optrek het saam met die herder van sy kudde? Waar is Hy wat sy Heilige Gees in hulle midde gegee het?

-(Mar 12:36) Want Dawid self het deur die Heilige Gees gesê: Die Here het tot my Here gespreek: Sit aan my regterhand totdat Ek u vyande gemaak het ‘n voetbank van u voete.

-(Mat 12:32) En elkeen wat ‘n woord spreek teen die Seun van die mens, dit sal hom vergewe word; maar elkeen wat spreek teen die Heilige Gees, dit sal hom nie vergewe word nie, in hierdie eeu nie en ook in die toekomende nie.

-(Mat 28:19) Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.

-(Mar 13:11) En wanneer hulle jul weglei om julle oor te lewer, moenie julle vooraf kwel oor wat julle sal spreek nie, en moenie daaroor dink nie; maar wat julle in dié uur gegee word, dit moet julle spreek; want dit is nie julle wat spreek nie, maar die Heilige Gees.

..............ens.

In die O.T. word die begrip "die Gees van God" meerendeels gebruik, terwyl in die Nuwe Testament die begrip "Heilige Gees" weer meerendeels gebruik word. Vir nog 'n interessante studie kan daar ingekyk word op die "7 Geeste van God". Die Heilige Gees is die Gees van God! - die begrip "heilige" verwys na "afgesonderde" Gees van God (m.a.w. Gees van God wat afgesonder word vir die wat weergebore word - hulle ontvang die Gees...)(1 Kor. 2:12-14; 3:16; ens.). Dit is dieselfde Gees maar verskillende begrippe verduidelik verskillende werkinge vd Gees; bv. die begrip "krag van die Gees" verwys weer meer na gawes wat deur die Heilige Gees ontvang word... (en word o.a. na verwys as "doping in die Heilige Gees").

-----------------------------------------------------------------------------------------------------------------------------

Die Heilige Gees word soos 'n PERSOON gesien:

(Mat 28:19 - "Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het"). - DIE GEES VAN GOD IS EEN VD DRIE-EENHEID, EN WAS TERLOOPS OOK TEENWOORDIG BY DIE SKEPPING (Gen 1:2 - "En die aarde was woes en leeg, en duisternis was op die wêreldvloed, en die Gees van God het gesweef op die waters").

Die Heilige Gees is in Jesus plek hier teenwoordig - (Joh 14:26 - "maar die Trooster, die Heilige Gees, wat die Vader in my Naam sal stuur, Hy sal julle alles leer en sal julle herinner aan alles wat Ek vir julle gesê het"), en elkeen wat in Jesus glo en Hom gehoorsaam, ontvang die Heilige Gees (Hand. 5:32)(Joh 16:7 - "Maar Ek sê julle die waarheid: Dit is vir julle voordelig dat Ek weggaan; want as Ek nie weggaan nie, sal die Trooster nie na julle kom nie; maar as Ek weggaan, sal Ek Hom na julle stuur"). Die Heilige Gees is 'n gees wat in iemand kom bly - (Hand. 8:15 - "Húlle het afgekom en vir hulle gebid, dat hulle die Heilige Gees mag ontvang").

Die Heilige Gees is 'n gees in iemand wat daardie persoon lei en leer - met die persoon praat! - soos 'n persoon wat kommunikeer (Heb 3:7,8 - "Daarom, soos die Heilige Gees spreek: Vandag as julle sy stem hoor, verhard julle harte nie soos in die verbittering, in die dag van die versoeking in die woestyn nie"). En is terloops een met die Vader en die Seun - Hy sal nie iets anders verkondig as bv. wat Jesus verkondig het nie (Joh 16:13 - "Maar wanneer Hy gekom het, die Gees van die waarheid, sal Hy julle in die hele waarheid lei; want Hy sal nie uit Homself spreek nie, maar alles wat Hy hoor, sal Hy spreek en die toekomstige dinge aan julle verkondig").

As iemand laster teen die Heilige Gees, is dit soos om 'n persoon te laster. Daar is een onvergeeflike sonde in die Nuwe Testament (wat terloops nie net onvergeeflik is in "hierdie eeu" nie, maar sal ook onvergeeflik wees in die "volgende eeu"), en dit is "LASTERING TEEN DIE HEILIGE GEES"... (vir 'n studie hieroor, gaan na: https://warechristene.blogspot.com/2014/05/wat-is-die-onvergeeflike-sonde.html). (Mat 12:31,32 - "Daarom sê Ek vir julle: Elke sonde en lastering sal die mense vergewe word, maar die lastering teen die Gees sal die mense nie vergewe word nie. En elkeen wat ‘n woord spreek teen die Seun van die mens, dit sal hom vergewe word; maar elkeen wat spreek teen die Heilige Gees, dit sal hom nie vergewe word nie, in hierdie eeu nie en ook in die toekomende nie").

Geestelike mense (in wie die Heilige Gees is) is onderwerp aan die Heilige Gees, en word deur die Gees gelei (Rom. 8:14). Dit is wat dit beteken dat ons nie meer :onder die wet (van Moses) is nie"... Geestelike mense is nie onder die wet nie, maar onder die Gees! Vir 'n studie hieroor, gaan na: https://warechristene.blogspot.com/2017/05/wie-is-nie-onder-die-wet-nie.html. Geestelike mense is dus wel vry vd wet, maar is ONDER DIE GEES! En dit beteken dat as jy 'n geestelike mens is moet jy die Gees gehoorsaam... - en as jy dit nie doen nie, kan daar gevolge wees. Die Heilige Gees is inderdaad 'n persoon na wie geestelike mense luister. Daar is vb.e in die Skrif van wat met geestelike mense gebeur (of gebeur het) wat nie na die Gees lusiter nie. Kyk o.a. die vb. in Hand. 5 van iemand wat vir die Gees gelieg het... Geestelike mense moet pasop dat hulle nie die Heilige Gees bedroef nie... - vir 'n studie hieroor (en wat dit beteken), gaan na: https://warechristene.blogspot.com/2013/02/en-bedroef-nie-die-heilige-gees-van-god.html.

-----------------------------------------------------------------------------------------------------------------------------

Nog skrifgedeeltes wat handel oor die Heilige Gees:

(Mat 3:11) Ek doop julle wel met water tot bekering; maar Hy wat ná my kom, is sterker as ek, wie se skoene ek nie waardig is om aan te dra nie. Hy sal julle doop met die Heilige Gees en met vuur.

(Mat 12:31) Daarom sê Ek vir julle: Elke sonde en lastering sal die mense vergewe word, maar die lastering teen die Gees sal die mense nie vergewe word nie.

(Mat 12:32) En elkeen wat ‘n woord spreek teen die Seun van die mens, dit sal hom vergewe word; maar elkeen wat spreek teen die Heilige Gees, dit sal hom nie vergewe word nie, in hierdie eeu nie en ook in die toekomende nie.

(Mar 3:28) Voorwaar Ek sê vir julle, al die sondes sal die mensekinders vergewe word en al die lasteringe wat hulle mag uitgespreek het;

(Mar 3:29) maar wie teen die Heilige Gees gelaster het, het geen vergifnis tot in ewigheid nie, maar is skuldig aan die ewige oordeel—

(Luk 12:10) En elkeen wat ‘n woord teen die Seun van die mens sal spreek, dit sal hom vergewe word; maar vir hom wat gelaster het teen die Heilige Gees, sal dit nie vergewe word nie.

(Act 10:44) En toe Petrus nog besig was om hierdie woorde te spreek, het die Heilige Gees op almal geval wat die woord gehoor het.

(Act 10:45) En die gelowiges uit die besnydenis, almal wat saam met Petrus gekom het, was verbaas dat die gawe van die Heilige Gees ook op die heidene uitgestort is.

(Act 11:15) En toe ek begin spreek, het die Heilige Gees op hulle geval soos ook op ons in die begin.

(Act 10:47) Niemand kan tog die water weer, dat hierdie mense, wat net soos ons die Heilige Gees ontvang het, nie gedoop word nie?

(Mat 28:19) Gaan dan heen, maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.

(Mar 1:8) Ek het julle wel met water gedoop, maar Hy sal julle doop met die Heilige Gees.

(Luk 3:16) antwoord Johannes almal en sê: Ek doop julle wel met water, maar Hy kom wat sterker is as ek, wie se skoenriem ek nie waardig is om los te maak nie—Hy sal julle doop met die Heilige Gees en met vuur.

(Joh 1:33) En ek het Hom nie geken nie; maar Hy wat my gestuur het om met water te doop, Hy het aan my gesê: Op wie jy die Gees sien neerdaal en op Hom bly, dit is Hy wat met die Heilige Gees doop.

(Act 1:5) Want Johannes het wel met water gedoop, maar julle sal met die Heilige Gees gedoop word nie lank ná hierdie dae nie.

(Act 10:38) met betrekking tot Jesus van Násaret, hoe God Hom gesalf het met die Heilige Gees en met krag. Hy het die land deurgegaan, goed gedoen en almal genees wat onder die mag van die duiwel was, omdat God met Hom was.

(Act 11:16) En ek het die woord van die Here onthou, hoe Hy gesê het: Johannes het met water gedoop, maar julle sal met die Heilige Gees gedoop word.

(Act 1:8) maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judéa en Samaría en tot aan die uiterste van die aarde.

(Act 4:31) En toe hulle gebid het, is die plek geskud waar hulle saam was, en hulle is almal vervul met die Heilige Gees en het die woord van God met vrymoedigheid gespreek.

(Act 8:15) Húlle het afgekom en vir hulle gebid, dat hulle die Heilige Gees mag ontvang,

(Act 19:2) en hulle gevra: Het julle die Heilige Gees ontvang toe julle gelowig geword het? En hulle antwoord hom: Ons het nie eens gehoor dat daar ‘n Heilige Gees is nie..........................................

(Act 19:6) En Paulus het hulle die hande opgelê, en die Heilige Gees het op hulle gekom, en hulle het met tale gespreek en geprofeteer.

(Act 5:3) Toe sê Petrus: Ananías, waarom het die Satan jou hart vervul om vir die Heilige Gees te lieg en van die prys van die grond agter te hou?

(Act 7:51) Julle hardnekkiges en onbesnedenes van hart en ore, julle weerstaan altyd die Heilige Gees; net soos julle vaders, so ook julle.

(Heb 3:7) Daarom, soos die Heilige Gees spreek: Vandag as julle sy stem hoor,

(Heb 3:8) verhard julle harte nie soos in die verbittering, in die dag van die versoeking in die woestyn nie,

(Heb 6:4) Want dit is onmoontlik om die wat eenmaal verlig geword het en die hemelse gawe gesmaak en die Heilige Gees deelagtig geword het,

(Act 6:3) Kyk dan uit, broeders, na sewe manne uit julle, van goeie getuienis, vol van die Heilige Gees en wysheid, wat ons oor hierdie nodige saak kan aanstel;

(Act 7:55) Maar hy was vol van die Heilige Gees en het die oë na die hemel gehou en die heerlikheid van God gesien en Jesus wat staan aan die regterhand van God.

(Act 9:31) En die gemeentes deur die hele Judéa en Galiléa en Samaría het vrede gehad; en terwyl hulle opgebou is en gewandel het in die vrees van die Here en die vertroosting van die Heilige Gees, het hulle vermeerder.

(Mar 13:11) En wanneer hulle jul weglei om julle oor te lewer, moenie julle vooraf kwel oor wat julle sal spreek nie, en moenie daaroor dink nie; maar wat julle in dié uur gegee word, dit moet julle spreek; want dit is nie julle wat spreek nie, maar die Heilige Gees.

(Luk 12:11) En wanneer hulle jul sal bring voor die sinagoges en die owerhede en die gesaghebbers, moet julle jul nie kwel oor hoe of waarmee julle jul sal verdedig, of wat julle sal sê nie;

(Luk 12:12) want die Heilige Gees sal julle in dieselfde uur leer wat julle moet sê.

(Joh 14:26) maar die Trooster, die Heilige Gees, wat die Vader in my Naam sal stuur, Hy sal julle alles leer en sal julle herinner aan alles wat Ek vir julle gesê het.

(1Co 2:13) Daarvan spreek ons ook, nie met woorde wat die menslike wysheid leer nie, maar met dié wat die Heilige Gees leer, sodat ons geestelike dinge met geestelike vergelyk.

(1Co 6:19) Of weet julle nie dat julle liggaam ‘n tempel is van die Heilige Gees wat in julle is, wat julle van God het, en dat julle nie aan julself behoort nie?

(Eph 4:30) En bedroef nie die Heilige Gees van God nie, deur wie julle verseël is tot die dag van verlossing.

(1Th 4:8) Daarom, hy wat dit verwerp, verwerp nie ‘n mens nie, maar God wat ook sy Heilige Gees aan ons gegee het.

(2Ti 1:14) Bewaar jou goeie pand deur die Heilige Gees wat in ons woon.

(Tit 3:5) nie op grond van die werke van geregtigheid wat ons gedoen het nie, maar na sy barmhartigheid het Hy ons gered deur die bad van die wedergeboorte en die vernuwing deur die Heilige Gees

(Heb 2:4) terwyl God ook nog saam getuig het deur tekens en wonders en allerhande kragtige dade en bedélinge van die Heilige Gees volgens sy wil?

(1Th 1:5) Want ons evangelie het tot julle nie gekom in woord alleen nie, maar ook in krag en in die Heilige Gees en in volle versekerdheid, soos julle weet hoedanig ons onder julle om julle ontwil gewees het.

(1Pe 1:12) Aan hulle is geopenbaar dat hulle nie vir hulleself nie, maar vir ons dié dinge bedien het wat julle nou aangekondig is deur dié wat die evangelie aan julle verkondig het in die Heilige Gees wat van die hemel gestuur is—dinge waarin die engele begerig is om in te sien.

(1Jn 5:7) Want daar is drie wat getuig in die hemel: die Vader, die Woord en die Heilige Gees, en hierdie drie is een;

(Jud 1:20) Maar julle, geliefdes, moet julleself opbou in jul allerheiligste geloof en in die Heilige Gees bid

(1Co 12:3) Daarom maak ek julle bekend dat niemand wat deur die Gees van God spreek, Jesus ‘n vervloeking noem nie; en niemand kan sê dat Jesus die Here is nie, behalwe deur die Heilige Gees.

(2Co 13:13) Die genade van die Here Jesus Christus en die liefde van God en die gemeenskap van die Heilige Gees sy met julle almal! Amen.

(Eph 1:13) in wie julle ook, nadat julle die woord van die waarheid, die evangelie van julle redding, gehoor het, in wie julle, nadat julle ook geglo het, verseël is met die Heilige Gees van die belofte,

(Luk 1:15) want hy sal groot wees voor die Here. En wyn en sterk drank sal hy nooit drink nie, en hy sal vervul word met die Heilige Gees reeds van die skoot van sy moeder af.

(Luk 1:67) En Sagaría, sy vader, is vervul met die Heilige Gees en het geprofeteer en gesê:

(Act 1:16) Broeders, hierdie Skrif moes vervul word wat die Heilige Gees voorspel het deur die mond van Dawid aangaande Judas wat die leier was van die wat Jesus gevange geneem het;

(Act 2:4) En hulle is almal vervul met die Heilige Gees en het begin spreek in ander tale, soos die Gees aan hulle gegee het om uit te spreek.

(Act 11:28) En een van hulle met die naam van Agabus het opgestaan en deur die Heilige Gees te kenne gegee dat daar ‘n groot hongersnood oor die hele wêreld sou kom, wat ook gekom het onder keiser Claudius.

(Act 13:2) En terwyl hulle besig was om die Here te dien en te vas, het die Heilige Gees gesê: Sonder nou Bárnabas en Saulus vir My af vir die werk waarvoor Ek hulle geroep het.

(Act 13:3) En toe hulle gevas en gebid het en hulle die hande opgelê het, laat hulle hul gaan.

(Act 13:4) So het hulle dan, deur die Heilige Gees uitgestuur, afgegaan na Seleúcië en daarvandaan weggevaar na Ciprus.

(Act 15:28) Want die Heilige Gees en ons het besluit om verder geen las op julle te lê nie as hierdie noodsaaklike dinge:

(Act 16:6) En hulle het deur die land Frígië en Galásië gegaan, omdat die Heilige Gees hulle verhinder het om in Asië die woord te verkondig.

(Act 20:23) behalwe dat die Heilige Gees in elke stad kragtig getuig en sê dat boeie en verdrukkinge my wag.

(Act 20:28) Gee dan ag op julleself en op die hele kudde waaroor die Heilige Gees julle as opsieners aangestel het om as herders die gemeente van God te versorg, wat Hy deur sy eie bloed verkry het.

(Act 21:11) En toe hy by ons kom, neem hy die gordel van Paulus en bind sy eie hande en voete en sê: Dít spreek die Heilige Gees: So sal die Jode die man wie se gordel dit is, in Jerusalem bind en in die hande van heidene oorlewer.

(Act 28:25) En toe hulle onder mekaar onenig was, het hulle uiteengegaan nadat Paulus hierdie woord gesê het, naamlik: Tereg het die Heilige Gees deur Jesaja, die profeet, tot ons vaders gespreek

(Eph 3:5) wat in ander tye aan die mensekinders nie bekend gemaak is nie soos dit nou aan sy heilige apostels en profete geopenbaar is deur die Gees, naamlik

(Act 2:33) Nadat Hy dan deur die regterhand van God verhoog is en van die Vader die belofte van die Heilige Gees ontvang het, het Hy dít uitgestort, wat julle nou sien en hoor.

(Act 2:38) En Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang.

(Luk 3:22) en die Heilige Gees het in liggaamlike gedaante soos ‘n duif op Hom neergedaal; en ‘n stem het uit die hemel gekom wat sê: U is my geliefde Seun; in U het Ek ‘n welbehae.

(Luk 4:1) En Jesus het vol van die Heilige Gees teruggekeer van die Jordaan af, en is deur die Gees in die woestyn gelei,

(Act 13:9) Maar Saulus, dit is Paulus, vervul met die Heilige Gees, het die oë op hom gehou en gesê:

(Luk 11:13) As julle dan wat sleg is, weet om goeie gawes aan julle kinders te gee, hoeveel te meer sal die hemelse Vader die Heilige Gees gee aan die wat Hom bid?

(Joh 20:22) En nadat Hy dit gesê het, blaas Hy op hulle en sê vir hulle: Ontvang die Heilige Gees.

(Joh 20:23) As julle die mense hulle sondes vergewe, dan word dit hulle vergewe; as julle die mense hulle sondes hou, dan is dit gehou.

(Act 1:2) tot op die dag dat Hy opgeneem is, nadat Hy aan die apostels wat Hy uitverkies het, deur die Heilige Gees bevele gegee het;

(Rom 5:5) en die hoop beskaam nie, omdat die liefde van God in ons harte uitgestort is deur die Heilige Gees wat aan ons gegee is.

(Rom 14:17) Want die koninkryk van God is nie spys en drank nie, maar geregtigheid en vrede en blydskap in die Heilige Gees.

(Rom 15:13) En mag die God van die hoop julle vervul met alle blydskap en vrede deur die geloof, dat julle oorvloedig kan wees in die hoop deur die krag van die Heilige Gees!

-----------------------------------------------------------------------------------------------------------------------------

Vrydag 21 April 2023

Opstanding tot lewe / Opstanding tot veroordeling

Almal sal herlewe, maar nie almal op dieselfde tyd nie en nie almal in dieselfde soort liggame nie. Almal sal ook nie onder dieselfde oordeel val nie; bv., die wat deel het aan die eerste opstanding aan die einde van "hierdie eeu" is nie onder die mag vd tweede dood nie (maar onder Jesus se mag)(Openb. 20:6), terwyl die wat herlewe aan die einde vd "volgende eeu" na Jesus se 1000 jaar regering, sal val onder 'n ander oordeel... (Openb. 20:11-15).

Opstanding of herlewing gaan gewoonlik gepaard met OORDEEL; bv., die wat deel het aan die opstanding wanneer Jesus terugkom (aan die einde van "hierdie eeu"), sal voor DIE REGTERSTOEL VAN CHRISTUS verskyn (Rom. 14:10; 2 Kor. 5:10), en die wat deel het aan die herlewing van dooies aan die einde vd "volgende eeu" (na Jesus Christus se 1000 jaar regering), sal voor die WIT TROON oordeel verskyn (Openb. 20:11,5).

Daar is verskillende opstandings en herlewings, en elkeen geskied op 'n ander tyd en word verskillend geoordeel...

-----------------------------------------------------------------------------------------------------------------------------

OPSOMMING VAN OPSTANDINGS/HERLEWINGS:

(Neem kennis dat die begrip "opstanding" gewoonlik gebruik word wanneer daar na kinders vd koninkryk verwys word wat opstaan uit die dood; terwyl die begrip "dooies herlewe" weer gewoonlik gebruik word vir die wat nie aan die koninkryk van God behoort nie...).

(1) Jesus was die eerste wat opgestaan het uit die dood (Kol. 1:18 - "En Hy is die Hoof van die liggaam, naamlik die gemeente; Hy wat die begin is, die Eersgeborene uit die dode, sodat Hy in alles die eerste kan wees")(Hand. 2:27; Mark. 16:9)(Hy het opgestaan in 'n soort liggaam wat onverganklik is - Hand. 13:34);

(2) die volgende groep was die wat opgestaan het kort nadat Jesus opgestaan het (bv O.T. heiliges en/of die wat in ditto tyd as Jesus gelewe het maar doodgegaan het - ons weet nie presies na wie almal hierdie verwys nie...)(Matt. 27:52,53 - "en die grafte het oopgegaan en baie liggame van die ontslape heiliges het opgestaan. En ná sy opstanding het hulle uit die grafte uitgegaan en in die heilige stad ingekom en aan baie verskyn");

(3) die volgende twee groepe is die wat opstaan wanneer Jesus terugkom (aan die einde van "hierdie eeu")(1Thess. 4:16 - "Want die Here self sal van die hemel neerdaal met ‘n geroep, met die stem van ‘n aartsengel en met geklank van die basuin van God; en die wat in Christus gesterf het, sal eerste opstaan"), nl. (1) "die opstanding tot lewe" en (2) "die opstanding tot veroordeling - hierdie twee "opstandings" verwys almal na "kinders vd koninkryk" en moenie verwar word met die opstanding aan die einde van die volgende eeu nie. Die wat opstaan aan die einde van "hierdie eeu" sal voor die regterstoel van Christus verskyn (sommige sal opstaan tot lewe en sommige tot veroordeling).

(4) dan die wegraping. Die wegraping moet gesien word as deel van "die opstanding" waarna verwys word in punt 3 (die Skrif leer dat die opstanding eerste gaan plaasvind en daarna die wegraping... 1Thess. 4:16,17). Aan die einde van hierdie eeu, wanneer Jesus terugkom, sal die wat in Hom gesterf het opstaan; en daarna sal die wat in Hom glo maar nog in die lewe is, se liggame ook verander word... (wat ons ken as "die wegraping") - net soos wat die wat opgestaan het nuwe liggame gekry het, sal hierdie kinders vd koninkryk dan ook nuwe liggame kry (1 Kor. 15:50-58). (1Thess. 4:16 - "Want die Here self sal van die hemel neerdaal met ‘n geroep, met die stem van ‘n aartsengel en met geklank van die basuin van God; en die wat in Christus gesterf het, sal eerste opstaan. Daarna sal ons wat in die lewe oorbly, saam met hulle in wolke weggevoer word die Here tegemoet in die lug; en so sal ons altyd by die Here wees").

(5) Die laaste groep is aan die einde van die "volgende eeu" (m.a.w., aan die einde van Jesus se 1000-jaar Ryk) - die ander "dooies sal dan herlewe" en voor die WIT TROON verskyn om geOORDEEL te word... Tipies verwys hierdie groep wat voor die wit troon oordeel verskyn nie na die wat opstaan aan die einde van "hierdie eeu" (met die begin vd 1000 jaar)(kyk punt 3 n 4) nie (want hulle sal voor die regterstoel van Christus verskyn - hierdie groep verwys na "die ander dooies" (m.a.w., die wat nie opstaan wanneer Jesus terugkom nie)(Openb. 20:4,5). Hierdie groep verwys dus ook na die wat sal doodgaan het aan die einde vd "volgende eeu"...; en kan moontlik ook verwys na die wat opgestaan het "tot veroordeling" onder punt 3 (Openb. 20:11-15 - "En ek het ‘n groot wit troon gesien en Hom wat daarop sit, voor wie se aangesig die aarde en die hemel weggevlug het; en daar is geen plek vir hulle gevind nie. En ek het die dode, klein en groot, voor God sien staan, en die boeke is geopen; en ‘n ander boek, die boek van die lewe, is geopen. En die dode is geoordeel na wat in die boeke geskryf is, volgens hulle werke. En die see het die dode gegee wat daarin was, en die dood en die doderyk het die dode gegee wat daarin was; en hulle is geoordeel, elkeen volgens sy werke. En die dood en die doderyk is in die poel van vuur gewerp. Dit is die tweede dood. En as dit bevind is dat iemand nie opgeskryf was in die boek van die lewe nie, is hy in die poel van vuur gewerp")(Openb. 20:5).

-----------------------------------------------------------------------------------------------------------------------------

Die verskil tussen die "opstanding tot lewe" en "die opstanding tot veroordeling":

Beide hierdie twee opstandings verwys na die tyd van "DIE OPSTANDING" aan die einde van "hierdie eeu" (wanneer Jesus terugkom), maar daar is 2 OPSTANDINGS wat onder hierdie "opstanding" val (nl. "die opstanding tot lewe, en die opstanding tot veroordeling). Alhoewel kinders van die koninkryk deel het aan die "eerste opstanding" en die tweede dood dus geen mag het oor hulle nie, het Jesus mag oor hulle! Hy sal besluit wie ingaan in Sy koninkryk, en wie nie... Hy besluit wie Hy opwek tot lewe, en wie nie... Hierdie is bv. die tyd wanneer Hy die regverdiges en geregtiges gaan skei van die onregverdiges en ongeregtiges. M.a.w., nie almal wat behoort aan die koninkryk van God/hemele sal uiteindelik ingaan nie. Jesus het geleer dat die wat goed gedoen het sal OPSTAAN TOT LEWE, maar die wat kwaad gedoen het sal OPSTAAN TOT VEROORDELING... (Joh 5:27-29 - "En Hy het Hom mag gegee om ook te oordeel, omdat Hy die Seun van die mens is. Moenie julle hieroor verwonder nie. Want daar kom ‘n uur wanneer almal wat in die grafte is, sy stem sal hoor en sal uitgaan, die wat goed gedoen het, tot die opstanding van die lewe, en die wat kwaad gedoen het, tot die opstanding van die veroordeling"). L.w. dat hierdie nie 'n lering is wat sekere kerke uitgedink het om die genade boodskap tot niet te maak nie!, maar is iets wat Jesus self geleer het en het dit ook op ander maniere in vele gelykenisse vir ons verduidelik. O.a. het Hy die koninkryk vd hemele voorgestel soos 'n net wat in die see gegooi word (Mat 13:47-50) en van elke soort bymekaar bring (Matt. 13:48-50 - "en as dit vol geword het, trek hulle dit op die strand uit en gaan sit en maak die goeies in bakke bymekaar, maar gooi die slegtes weg. So sal dit wees in die voleinding van die wêreld: die engele sal uitgaan en die slegte mense onder die regverdiges uit afskei en hulle in die vuuroond gooi. Daar sal geween wees en gekners van die tande").

- (a) "DIE OPSTANDING TOT (ewige) LEWE" (verwys na die opstanding vd regverdiges in die koninkryk van God/m.a.w., DIE GOEIE VISSE)(hulle sal opstaan in verheerlikte/onverganklike liggame - soos die soort liggaam waarin Jesus opgestaan het), en

- (b) "DIE OPSTANDING TOT VEROORDELING" (verwys na die opstanding vd onregverdiges in die koninkryk van God/m.a.w., DIE SLEGTE VISSE). Die wat opstaan tot veroordeling, word veroordeel... - onder hierdie groep val bv. die wat sonder vrug is asook die bokke - die koring sal van die kaf geskei word (die Here sal Sy dorsvloer skoonmaak-Mark. 3:12; Luk. 3:17), en die skape (barmhartiges) van die bokke (onbarmhartiges) geskei word (Matt. 25).... In ditto tyd sal die Here ook al die struikelblokke of ingesluiptes uit Sy koninkryk verwyder, nl. die onkruid (die valses - valse broeders, valse profete, valse leraars / die ongeregtiges) sal van die koring geskei word... (Matt. 13:24-30,36-43).

Donderdag 08 September 2022

Algemene vrae oor SALIGHEID (2) - hoekom het ons saligheid nodig

VIR DIE EERSTE DEEL OOR HIERDIE ONDERWERP, GAAN NA:
- https://warechristene.blogspot.com/2020/05/algemene-vrae-oor-saligheid-1-inleiding.html. In die eerste deel het ons ook gekyk na "HOEKOM iemand saligheid nodig het" en het daar stilgestaan by die volgende feite:

ons het

-REDDING NODIG VAN DIE DOOD, en

-REDDING NODIG VAN ons SLAAFSKAP ONDER SONDE.

As ons nie gered word van hierdie dinge nie, sal ons onder God se toorn val.

------------------------------------------------------------------------------------------------------------------------------

As ons dan nou vra HOEKOM ONS SALIGHEID NODIG HET, dan moet ons ook beslis dat:

In konteks verwys saligheid na "GERED VD TOORN" (...omdat almal sondig en dus verdien om onder oordeel te val en in die toorn sal kom)(maar die wat gered is en die opstanding tot lewe ontvang, het die belofte dat hulle nie in die toorn sal kom nie)(1 Thess. 5:8,9).
- die mens het dus redding nodig van die komende toorn (Ef. 2:3; Openb. 6:17; Matt. 3:7-12; Hebr. 4:3; 1 Thess. 2:16; Rom. 1:18; 2:5; Sef. 2:3; ens.). Waarna verwys hierdie toorn? Hierdie "toorn" verwys na "wraak" (Rom. 12:19) - wanneer die Here gaan wraak neem, want die wraak kom Hom toe, Hy sal vergeld... (bv. Hy sal wraak neem op die kinders van ongehoorsaamheid, die eiesinniges, die wat nie die vrugte dra wat by die bekering pas nie, ens. - Rom 12:19,20; Kol. 3:6; Ef. 5:6; Rom. 2:5,8; ens.). M.a.w., hierdie toorn verwys na die tweede dood, ook genoem "ewige oordeel" of "poel van vuur" (ons het redding nodig van die tweede dood), want die wat die saligheid verkry deur Jesus Christus, is NIE bestem "tot toorn" nie (1Th 5:9,10). In plaas van om deur die tweede dood te gaan, sal die wat saligheid verkry lewe (1 Thess. 1:10). Toe Jesus die eerste keer gekom het het Hy nie gekom om te oordeel nie, maar wanneer Hy terugkom sal Hy (Joh 3:35,36 - "Die Vader het die Seun lief en het alles in sy hand gegee. Hy wat in die Seun glo, het die ewige lewe; maar hy wat die Seun ongehoorsaam is, sal die lewe nie sien nie, maar die toorn van God bly op hom").

In daardie opsig kan die wat nie gered is nie, nie vir ewig lewe nie; maar die wat gered word het die belofte dat hulle vir ewig kan lewe (die wat opstaan tot lewe sal nie onder die toorn vd tweede dood val nie) - en aan hulle is die koninkryk belowe...

Die wat redding verkry, het dus die belofte van
- "ewige lewe" en sal die
- "koninkryk beërwe".

Daarom word hierdie baiemaal hanteer as deel van die redes hoekom ons saligheid nodig het; (m.a.w. in hierdie konteks het "die mens redding/saligheid nodig om die ewige lewe en die koninkryk te kan beërwe"... (2 Tim. 4:18; Dan. 2:44; Matt. 7:21; 25:34,46; Joh. 3:15; 3:36).

Dus, die mens het REDDING nodig; m.a.w., die wat:

- (1) "weer gebore" word (deur water en Gees)(Joh. 3:3-7), word gesien as

- (2) kinders van God (is dus nou as vrymense gebore)(word "geestelike mense" genoem)(1 Joh. 3:1), en het dus die belofte van

- (3) ewige lewe (word nie net innerlik vernuwe nie, maar sal ook eendag uiterlik vernuwe word)(Joh. 3:15; 6:40), en sal die

- (4) koninkryk beërwe (Matt. 25:34).

---------------------------------------------------------------------------------------------------------------------------

(1) OM SALIGHEID TE VERKRY BETEKEN DAT SO IEMAND "WEER GEBORE" WORD:

Alle mense word as NATUURLIKE MENSE gebore (omdat hulle kinders van Adam is) - "natuurlike mense" is 'n begrip wat gebruik word om te verwys na watter mense "natuurlik" is (is nie "geestelik" nie)(hoe hulle is/dink/sien/doen... - verwys na "is gebore in sonde"/is vleeslik) - hulle het nie die Gees van God nie, en is daarom "natuurlik" (1 Kor. 2:14). Natuurlike mense word in slawerny gebore - "is slawe van sonde" (is dus nie vry nie, maar word as slawe gebore - slawe van sonde)(is kinders van Adam), en is daarom "natuurlik" (Rom. 7:14) - hulle dien die sonde. Maar geestelike mense dien die Gees (want hulle het die Gees). Dis dus duidelik dat natuurlike mense skoonwassing nodig het, en die Gees nodig het... (maw, het nodig om "weer gebore" te word, wat geskied deur WATER en GEES-Joh. 3:5).

Natuurlike mense:

- HET NIE DIE GEES VAN GOD NIE (1 Kor. 2:14);

- HET DIE GEES VD WêRELD (1 Kor. 2:12);

- NEEM NIE DIE DINGE VD GEES VAN GOD AAN NIE en verstaan dit nie (want hulle het nie die Gees nie!) / is nie gehoorsaam aan die Gees nie (1 Kor. 2:14);

- natuurlike mense is VLEESLIK (hulle dink bv. vleeslik en tree vleeslik op)(Rom. 8:5-7);

- IS NIE VRY NIE - hulle word in slawerny gebore / is slawe van sonde/dien die wet van sonde, en kan nie in daardie staat aangeneem word as kinders van God nie (2 Pet. 2:19; Hebr. 2:15; Rom. 8:15; 7:26; 6:6);

- DRA VRUGTE VIR DIE DOOD (wat ook verwys na die tweede dood) - omdat hulle die sonde dien / m.a.w., hulle kan God nie behaag nie (Jud. 1:10; 1 Kor. 2:14; Rom. 8:6-8).

Die natuurlike mens het 'n natuurlike/VERGANKLIKE LIGGAAM (almal gaan dood!); maar die begrip "dood" verwys nie net na die uiterlike wat sterwe nie, maar verwys ook na die "tweede dood" (wanneer beide die liggaam/uiterlike mens en die siel/innerlike mens verderwe word)(Matt. 10:28). Sonder die Gees van God kan niemand vrug dra tot LEWE nie (m.a.w., omdat natuurlike mense nie die Gees het en daarom nie instaat is om vrug te dra "tot lewe" nie, kan geen natuurlike mens die ewige lewe beërwe nie, en daarom is alle natuurlike mense se uiteinde die dood - HULLE IS SOOS SLAWE WAT LOSKOPING NODIG HET. As iemand nie losgekoop word nie, kan hy nie die ewige lewe beërwe nie - so iemand se uiteinde is die dood (nie net het hy opstanding nodig vd uiterlike mens omdat almal sterf nie, maar het ook redding nodig vd innerlike mens/"siel" - sodat hy nie deur die tweede dood gaan nie).

'n Slaaf wat losgekoop word verkry 'n nuwe lewe - is soos 'n nuwe mens wat nou vry is; alhoewel hy dan behoort aan die een wat hom gekoop het! Dit is wat gebeur wanneer iemand geestelike redding verkry - hy word losgekoop deur Jesus Christus en alhoewel hy nou "vry" is (en nie meer die vorige meester nl. die sonde dien nie), behoort hy nou aan Jesus Christus (deur wie hy losgekoop is - hy word m.a.w. 'n slaaf van Christus en dien Hom). En in Christus (Hy was ons skoon en gee vir ons die Heilige Gees) is hy nou instaat om vrug te dra tot lewe (nie meer vrug "tot dood" nie, maar vrug tot lewe...). In daardie opsig is hy soos 'n nuwe mens, asof "weer gebore" - weergeborenes word bv. o.a. beskryf as mense wat "gebore is uit God" (1 Joh. 5:1)(is "geestelike mense"), asof gebore uit Sy saad (hulle word hanteer soos mense wat gebore is uit God, nie uit Adam nie). Mense wat uit God se saad gebore is is instaat om vrug te dra tot lewe (sal lewe!), maar die wat gebore is uit Adam se saad dra vrugte vir die dood (sal doodgaan)...

-----------------------------------------------------------------------------------------------------------------------------

(2) OM "KIND VAN GOD TE WEES" HET JY SALIGHEID/REDDING NODIG:

Kinders erf... Nie almal sal die aarde beerwe nie, slegs die wat "kinders" is, sal! En hoe kan jy die aarde beërwe (Matt. 5:5; Ps. 37:9,11,22,29,34; Rom. 4:13) as jy nie in die lewe is nie? Jy moet in die lewe wees om die aarde te kan beërwe, en jy moet 'n kind wees want dit is die kinders wat erf.

Die erfenis sal nie gegee word aan "natuurlike mense" nie, maar aan "geestelike mense" (kinders van God - die wat uit God gebore is - m.a.w., weergeborenes / die gebore uit water en Gees, en die wat onverganklike liggame kry). Daar word somtyds ook hierna verwys as "die koninkryk beërwe" (Matt. 13:43; 25:34)(kyk tema "kinders vd koninkryk"). Natuurlik is kinders deel van hulle "vader se koninkryk", en die koninkryk is nie net hemels van aard nie, maar sal ook eendag 'n aardse koninkryk wees (sal fisies op aarde wees) wat terloops ook vir ewig sal wees! (en is immers al hier deur Sy Gees, want waar Hy is daar is Sy koninkryk - "geestelike koninkryk" / Gees in wedergeborenes; daarom weergeborenes "tempel van God"). Die Vader het hierdie koninkryk aan Sy Seun Jesus Christus gegee. Jesus Christus sal vir ewig Koning wees OP AARDE, en die wat gered word het die belofte dat hulle hierdie koninkryk sal beerwe - hulle sal vir ewig lewe, op aarde, in Sy koninkryk.

Sommige Christene dink dat hulle vir ewig in die hemel sal lewe (?) - bes moontlik toegang tot die hemel, ja, maar die Skrif leer dat gereddes vir ewig "op die aarde" lewe. Die Skrif leer dat Jesus vd hemel af sal terugkom na die aarde, die ander koninkryke sal verbrysel, en sal Sy ewige koninkryk oprig.......(Dan. 2:44; 4:3; Gen. 49:10; Ps. 2:6-12; 89:3,4,36; Eseg. 35:35; Miga 4:7; Luk. 1:32,33; Joh. 12:34; Openb. 11:15; 19:11-21; 20:6,7; Jes. 24:23; ens.).

-----------------------------------------------------------------------------------------------------------------------------

(3) OM DIE EWIGE LEWE TE BEëRWE, HET JY SALIGHEID NODIG:

Die wat in Christus Jesus glo (saligheid in Hom ontvang) het die belofte van ewige lewe (Joh. 3:15,16,36; 1 Joh. 2:25; 5:11,13,20; 1:2; Jud. 1:21; Tit. 3:7; 1 Tim. 1:16; Rom. 6:22,23; 5:21; Joh. 17:2,3; Joh. 6, ens.). Maar natuurlik moet ons verstaan wat GELOOF beteken, want geloof in Hom is nie bloot 'n belydenis van woorde nie, maar gaan ook oor gehoorsaamheid - m.a.w., geloof sonder werke is dood. Daarom word in baie skrifte die belofte vd ewige lewe in ditto konteks gebruik as "werke", bv. (Gal 6:7,8 - "Moenie dwaal nie; God laat Hom nie bespot nie; want net wat die mens saai, dit sal hy ook maai. Hy wat in sy vlees saai, sal uit die vlees verderf maai; maar hy wat in die Gees saai, sal uit die Gees die ewige lewe maai"). Kyk ook 1 Tim. 6:11-19; Rom. 2:7,8; Joh. 18:18-24; Luk. 16: 8-13; Luk. 10:25-28; ens.

Tydens 'n gebed (Joh. 17) het Jesus die EWIGE LEWE o.a. op die volgende manier beskryf: (Joh 17:3 - "En dit is die ewige lewe, dat hulle U ken, die enige waaragtige God, en Jesus Christus wat U gestuur het"). In hierdie opsig is "om die Here te ken" soos ewige lewe... As iemand nie die Here ken nie, hoe kan hy dan verwag om die ewige lewe te beerwe want dit is immers o.a. waaroor die ewige lewe gaan - dit gaan nie net oor "vir ewig lewe" nie (Joh. 10:28; Dan. 12:2), maar verwys na die wat die Here ken (God die Vader en Sy Seun Jesus Christus KEN). In Joh. 12 noem Jesus ook die "gebod vd Vader" die ewige lewe... - (Joh 12:50 - "En Ek weet dat sy gebod die ewige lewe is. Wat Ek dan spreek—net soos die Vader vir My gesê het, so spreek Ek") - kyk ook Joh. 5:39. In die gedeelte (Joh. 12:44-50) verwys Hy na hoe Hy nie uit Homself spreek nie maar spreek wat die Vader Hom gee (Joh 12:49) Want Ek het nie uit Myself gespreek nie; maar die Vader wat My gestuur het, Hy het My ‘n gebod gegee wat Ek moet sê en wat Ek moet spreek"). Op dieselfde wyse is die Here se gebod vir die Christen soos "ewige lewe" - as jy nie Sy gebod liefhet nie, hoe wil jy dan die ewige lewe ontvang, want Sy gebod is die ewige lewe! Ons sien dus hier hoe Jesus vir ons verduidelik het wat EWIGE LEWE nou eintlik beteken. (Joh 12:25,26 - "Wie sy lewe liefhet, sal dit verloor; maar wie sy lewe haat in hierdie wêreld, sal dit bewaar vir die ewige lewe. As iemand My dien, laat hom My volg; en waar Ek is, daar sal my dienaar ook wees; en as iemand My dien, sal die Vader hom eer"). M.a.w., om die ewige lewe te he beteken dat jy die Here KEN en GEHOORSAAM. Die belofte vd ewige lewe is gemaak aan die wat GLO (nie net glo dat Hy is nie, maar verwys na die wat Hom ken en in Sy woorde/gebooie glo - die ewige lewe is om Hom te ken, en is Sy gebod...). Die ewige lewe is bedoel vir REGVERDIGES/BARMHARTIGES (Matt. 25:46).

Redding/saligheid/wedergeboorte vind plaas deur afwassing (water) en die ontvang vd Heilige Gees (Gees)(Joh. 3:5); alhoewel die aanneming tot kinders eers heeltemal voltrek word in die opstanding - die wat "opstaan tot lewe", nie die wat opstaan tot veroordeling nie (Joh. 5:29). Ja, kinders van God sal ook geoordeel word! (sien "regterstoel van Christus"-2 Kor. 5:10; Rom. 14:10; 2 Tim. 4:1). Jesus Christus was ons skoon van sonde en gee aan ons die Heilige Gees, maar Hy sal Sy dorsvloer skoonmaak wanneer Hy terugkom - bv., dan sal die kaf (die wat nie vrug dra nie) van die koring (die wat vrug dra) geskei word (en die kaf sal in die vuur gegooi word)(Matt. 3:12; Luk. 3:17). Natuurlik het almal wat weergebore word die belofte van EWIGE LEWE en sien uit na die opstanding wanneer ook hulle uiterlike vernuwe sal word, maar dit is bedoel vir die wat vashou (nie die wat self laat los nie). Geloof is inderdaad belangrik, maar geloof sonder werke is dood (Jak. 2:20,26). Geestelike mense is instaat om VRUG te dra TOT LEWE (omdat hulle die Gees het, en hulle word deur die Gees in bewaring gehou tot die dag van verlossing...), maar geestelike mense wat vrugteloos is wanneer Jesus terugkom (hetsy nie vrug gedra of het dit verloor), sal uitgewerp en verbrand word (Joh. 15:4-6; Mark. 4:7; Luk. 8:14; ). Daar sal ook ander oordele plaasvind in ditto tyd, bv. onkruid (die struikelblokke in die koninkryk) sal ook van die koring geskei word (Matt. 13:24-30), en die bokke (die wat onbarmhartig is) sal geskei word van die skape (die barmhartiges)(Matt. 25:31-46) - die "goeies" sal vd "slegtes" geskei word (Matt. 13:47-50). Inderdaad bestaan die "koninkryk vd hemele/God" (verwysend na die wat aan Sy koninkryk behoort of saambeweeg) nie net uit goeies (goeie visse) nie, maar ook slegtes (slegte visse)(Matt. 13:47-50; 22:9-14; 5:45) . M.a.w., met die voleinding vd wêreld (wanneer Jesus terugkom), sal die goeie visse van die slegtes geskei word...

Sonder die Gees van God kan niemand "vrug dra tot lewe" nie. Weergeborenes DIEN DIE HERE - is gehoorsaam aan die Gees (is nie onder die wet nie, en dien nie die sonde nie, maar is onder die Gees) - dit is immers waarom hulle vrug kan dra tot lewe. Natuurlike mense (die wat nie die Gees het nie) dra vrugte vir die dood (en kan dus nie die ewige lewe beërwe nie, want hulle uiteinde is die dood!). Geestelike mense (die wat die Gees het) dra vrug tot (ewige) lewe.

-----------------------------------------------------------------------------------------------------------------------------

(4) OM DIE KONINKRYK TE KAN BEëRWE, HET JY SALIGHEID NODIG:

- Natuurlike mense (die wat nie die Gees het nie) / "vleeslikes" kan nie die koninkryk beërwe nie (Gal. 5:21; 1 Kor. 6:9,10; Ef. 5:5). Die "natuurlike mens" word ook somtyds na verwys as "vlees en bloed" (gebore uit vlees-Joh. 3:6, en gebore uit bloed-Joh. 1:13, deur die wil van 'n man / die mensdom, gebore uit vlees en bloed/is VERGANKLIK / "kinders van Adam")(1Kor. 15:50 - "Maar dit verklaar ek, broeders, dat vlees en bloed die koninkryk van God nie kan beërwe nie; ook beërwe die verganklikheid nie die onverganklikheid nie").

- Geestelike mense (die wat die Gees het) / Weergeborenes het die belofte dat hulle die koninkryk sal beërwe (1 Kor. 15:50-58; Kol. 1:13,14) - die koninkryk is belowe aan gelowiges wat volhard, 2 Pet. 1:11 / die wat lief is vir die Here of ryk is in Hom, Jak. 2:5 / die wat Hom dien en vrees, Hebr. 12:28, 2 Tim. 4:18 / die wat vedrukking en vervolging verdra ter wille vd Koninkryk, 2 Thess. 1:5 / die barmhartiges, Matt. 25.......ens. Die geestelike mens (weergeborenes) is ook vlees en bloed, maar soos vlees en bloed van Jesus Christus... (verwys na "hulle lewe is in Hom" - omdat die lewe is in die bloed-kyk teken in Nagmaal-Hebr. 9:13;Joh. 6:53-56)(Joh. 1:12,13) - is "familie" van Hom, van Sy vlees en van Sy bene (Ef. 5:30)(kyk terme "vlees en been" of "liggaam en bloed"); - nie letterlik uit Hom gebore nie maar geestelik deur water en Gees - daarom word die weergeborene gesien as ONVERGANKLIK!, - innerlike is vernuwe, en sal ook eendag nuwe uiterlike (onverganklike) liggaam kry.

Maar nie alle "kinders vd koninkryk" sal in die koninkryk ingaan nie..., want die "aanneming tot kinders" word eers voltrek in "die opstanding". M.a.w., nie alle kinders vd koninkryk sal die opstanding tot lewe ontvang nie, maar die wat kwaad gedoen het sal opstaan tot veroordeling (Joh. 5:19). Bv., die "KAF" sal uitgewerp word - slegs die met vrug of die nodige vrug (nl. die "KORING") sal die koninkryk kan beërwe - (l.w., "kaf" verwys na weergeborenes wat nie vrug dra nie, of die wat wel vrug dra maar dit verloor...). Ook nie almal wat deel is van die Christelike kerk sal in die koninkryk ingaan nie, slegs die KORING / SKAPE sal dit beërwe - "ONKRUID" sal dit nie beërwe nie - (l.w., "onkruid" is mense in die Christelike kerk wat eintlik nie wederbaar is nie maar beweeg onder die koring asof hulle kinders van God is - hulle is vals, is "ingesluiptes" wat die koring kan laat struikel...), en "BOKKE" sal dit ook nie beërwe nie (l.w., "bokke" verwys na die wat nie barmhartig is nie, hetsy hulle aan die kerk behoort of nie, weergebore of nie).

---------------------------------------------------------------------------------------------------------------------------

Pages

Maandag 08 Januarie 2024

Laster / godslasterlik / kwaadspreek / belaster

Maandag 13 November 2023

Die "eerste opstanding"

Volgorde van wanneer wie sal opstaan tydens DIE OPSTANDING

Sondag 17 September 2023

Wie is die Heilige Gees?

Vrydag 21 April 2023

Opstanding tot lewe / Opstanding tot veroordeling

Donderdag 08 September 2022

Algemene vrae oor SALIGHEID (2) - hoekom het ons saligheid nodig